2019 жылы Қонаев, Достық, Ақмешіт, Түркістан және Абай мен Кенесары көшелерінің жалғасына арнайы жолдар енгізу жоспарлануда. Күтілетін тиімділік – 14 %, деп хабарлайды Астана қаласы әкімдігінің ресми сайты.

«BusLane» жобасы қала көшелерінде қоғамдық көліктердің кедергісіз жүруіне арналған арнайы жол жолағы. Қазіргі күні қалада жалпы ұзындығы 77 шақырымды құрайтын 24 жол бөлігі бар. Қоғамдық көліктерге арнайы жол жолағы жасалған соң автобустардың жүруі кестеге сай келетін болған және таңғы, кешкі мезгілде аялдамаларда автобусты күту уақыты 24 %-ға төмендеген. Мысалы, № 10 қоғамдық көліктің жол бағытының 40 % «BusLane» жолағымен қамтылған, ал Қабанбай батыр даңғылына шыққанда 100 %. Осы бағытқа арнайы автобус жолағын енгізгелі бері бағытты жүріп өтті және аялдамаларда автобусты күту 26% төмендеген.