Астанада үй жануарларын жоспарлы вакцинациялау жүргізілуде. Елорда тұрғындары 30 сәуірге дейін үй жануарларына аса қауіпті «құтырма» ауруына қарсы жоспарлы вакцина жасатуы қажет. Вакцинациялауды ШЖҚ «Астана Ветсервис» КМК жұмыс күндері сағат 15.00-ден 18.00-ге дейін, демалыс күндері 9.00-ден 14.00-ге дейін тегін жүзеге асырады! Үй жануарларыңызға тегін екпе жасатам десеңіз, кәсіпорын мекендайы: Алаш тасжолы, 3, «Эко Полигон».

— Вакцинациялау процедурасы жыл бойы өткізіледі. Әдетте дәрігерлердің өздері үйлерді аралап, жануарларға екпе жасайды. Бірақ иттер мен мысықтардың барлығын қамту мүмкін емес. Сондықтан аталған акция сынақ түрінде ұйымдастырылды. Вакцина күшіктерге үш айдан, марғауларға екі айдан бастап салынады, — «Астана ветсервис» кәсіпорны директорының орынбасары Арыстанов Айдархан.


Айта кетейік, Астана қаласы мәслихатының 2015 жылғы 23 желтоқсандағы № 447/62- V «Астана қаласында иттер мен мысықтарды ұстау және серуендету қағидалары туралы» шешіміне сәйкес үй жануарларын вакцинациялау және тіркеу міндетті.

Толық ақпарат алу үшін мына телефондар бойынша хабарласыңыз: 28-59-70, 57-03-54, 8-701-604-98-77.

Материал Астана қаласы әкімдігінің ресми сайты astana.gov.kz деректері бойынша әзірленді.