Қыркүйек айының алғашқы жексенбісі — мұнайшылар күні! Биыл білім күнімен қатар мұнайшылар мерекесі де қатар келді. Мұнайшылар жұмысы оңай жұмыс емес. Әрине барлық жұмыстың да өз қиындықтары бар. Мұнайшылардың жұмысын өзім күнде көріп жүргенсін айтып отырмын. Кейбіреулер мұнайшылардың айлығы көп деп, көре алмаушылықтарын білдіріп жатады. Меніңше олар адал еңбектерін алып отыр.Ақщаға қызықсаң сен де жаса, сол жұмысты, бірақ қиындығына төзе аласың ба? Елімізде мұнайшыларға толықтай жағдай жасалмай келеді. Төбелерінен май саулап, тәулігіне 12 сағаттан жасайды,(басқа елде 5-8 сағаттан аспайды),қол жұмысы көп, экологиялық зияны көп. Еліміздің негізгі табыс көзі мұнай болса да, мұнайшылар несие алып қарызданып жүр. Әлеуметтік, тұрмыстық жағдайларын жасауға мемлекетіміздің жағдайы жетер еді, егер мұнайды дұрыс пайдалана алса. Мұнайды өңдеп білмегесін шет елге арзан шикілей сатып, кейін одан өңделген тауарларды қымбатына сатып аламыз. Мұнайды өз елімізде өңдесе, мүмкін пайдасы көп болар ма еді шығынынан гөрі.Айта-айта жауыр болған тақырапты осымен қояйын…
Мұнайшылар мерекелеріңмен! Еңбектеріңнің жемісін көрің! Аллаһ жанұяларыңа бақыт, береке берсін!
Бүгін 1-қыркүйек білім күні. Алғаш мектеп табалдырығын аттап, өмірдің жаңа белесін бастап жатқан кішкентай іні-қарындастарымызға айтар тілегім оқу озаты болсын. Тәуелсіз елде туылып, тәуелсіз елде білім алған жастар тәуелсіздігіміздің тірегі болатындай ілімді, білімді болсын! Қазақ халқы көшпелі ел болып жүргенде де білімнен кенде қалған жоқ. Арабша хат таныды, одан төте жазу, кейін латын, кириллицаға ауысқан әліпбиіміз тарихымызды бұрмалау үшін пайдаланған саясат. Бірақ біздің тарих негізінен ауызша жеткізілгендіктен, ұрпақтан ұрпаққа жыр-терме, ертегі-қиссалар арқылы жеткендіктен ұмытылмады. Ал, қазір сондай жыр айтып,қисса айтатын кім бар? Жыр түгіл ертек айтатын ата-әже де шамалы. Бұл ғаламдану уақытында тарихымызды ұмытпау үшін, елдігімізді сақтау үшін білімді азаматтар керек. Білімді. саналы ұрпақ көбейе берсін. Саны аз ел болсақ та, сапалы ұрпақпен мақтанайық!
Аллаһ елімізге иманды, ілімді, ынтымағы жарасқан ұрпақ берсін!
