Бір постқа ең көп қанша пікір жазылады деп ойлайсыз?

Бұл күнде аңқау адамның ауызын ұрып кететін түрлі желілік-қаржылық топтар бар. Пирамида, киіз үй дейсің бе түрлі атаумен атауға болады. Олар көбіне бір орында ұзақ отыруды жөн санамайтындар қатарынан. Бұларға кезінде адамдар топ-тобымен барып алданған. Табанақы, маңдай терімен тапқанын салып жіберетін жандар арамызда әлі де бар. Әңгіме олар жайлы емес.
Әңгіме, түрлі косметикалық өнімдер арқылы табыс табуды көздейтін желілік маркетинг турасында. Бұлардың жоғарыдағылардан айырмашылығы ешқайда қашып кетпейді. Тауарларын айналдырып отыра береді. Amway, Mary Kay, Oriflame, Асыл Арман деп кете береді. Бизнестің бұл түрімен жетістікке жетіп алғандар да бар. «Басында бастағандар жеткен шығар. Қазір бұл „не реально“ дейтіндер де табылады.
Ал, енді осы „керекшілер“ арасында желілік маркетингпен ақша тауып жүрген жандар бар ма? 5-10 мың теңге көлемінде емес. Айына 100 мыңнан жоғары кіріс кіргізетіндер. Тауар түрінде өзіңді алдап жүрген ауадағы ақша емес. Кәдімгі, шытырлаған, таза ақша.
Менің өзім де бизнестің бұл түріне басында кіргендер табысқа кенеліп алғандар, қалғандары елес қуып жүргендер дейтіндер қатарынанмын. Бірақ, Балқаштағы апам (әпкем) 2013-ші жылдың ақпан айында Орифлейм дейтін біреуіне кірген екен. Қандай жанкештілікпен еңбектенгенін мен білмеймін. Дегенмен, ана жолы қаламызға сапарлатып келгенде тура осы желілік маркетинг арқылы қанша табыс тауып отырғанына көзім жетті. Айына мың доллардан артық табыс кіргіземін дейді. Әскердегі шендер секілді бұл кісілерде де өзіндік дәрежелер бар еен. Апам-директормын дейді.
Ал, енді жетістікке жетуін еңбектенуінен және адамдарға бұл бизнестің көзін дұрыс түсіндіре алуынан іздеуіміз керек екен. Оның айтуынша керексіз косметикалық тауарларды тапсыра берудің қажеті жоқ. Күнделікті өмірде қолданылатын тіс пастасы, тіс шөткесі, сабын, иіс су, сусабындарды тапсырыспен алып отырсаң ғана жеткілікті. Әрине, тек өзіңе қажетті бұл заттарды ай сайын алып отырсаң жоғары жетістікке жетпейсің. Көрші-қолаңды да жаңағы әдіске үйретесің.
ал, енді бұлардың пирамидалық топтарға ұқсайтын жерлері артынан адам тарту. Яғни, өз астына адам жинау. Артыңнан 5-6 адам жақсы жұмыс істеп тұрса тегін ақша есеп шотыңа құйыла береді дейді. Айтуға оңай… Бейсен Құрамбек не дейді екен?
Сілтеме, ойлап тұрғандарыңыздай суретке

Жақында бір әлеуметтік сауалнамаға қатысқан едім, патриотизм тақырыбында. «Патриотизм символы ретінде кімдерді атар едіңіз» деп 3 адамды жазуымды өтінді. Менің жазғаным тек 2 адам ғана. Өз жауабымды кейін жазармын. Сіздер үшін кім қазақ патриотизмінің символдары? Кімдерді нағыз патриот дер едіңіз?

Кіргеніме көп болмады, ысырып үлгерді бұл қасқалар! Әншілер де көтере алмайтын шығар мындай минустарды. Қаламының сиясы таусылған ақын құсап, пікір де жаза алмай қалдық. Қит етсе, минус! Сынақтарыңыз ауыр екен. Неде боса төземіз ғо. Бірақ үндемей отыра алмайт кем. Қасқырлардың арасына бір жілік ет тастағандай боп қалдым ғо. Қашанғы созлат кен?!..

«Заманына қарай адамы» немесе «Заманың түлкі болса, тазы болып шал» деп айтпақшы, қазіргі күнімізді ақпарат алмасудың жеделде тиімді түрі әлеуметтік желілерсіз елестету қиын. Соңғы бес жылдан бергі уақытты алып қарасақ, қазақ қоғамында осы әлеуметтік желілерді пайдаланушылардың қатары еселеп артып, соның есебінен қоғамдық сана, қоғамдық психологияға ықпал жасап, елеулі өзгерістерге әкеліп жатыр. Соңғы уақыттарда, осы әлеуметтік желіні пайдаланушы белсенді азаматтар қоғамдық пікірді туындатып, талқылауда бірден-бір күшке айналып келеді.
Мұның барлығын не үшін тізіп отырмын. Себебі, бұл қазіргі таңда өзінің көптеген жақсы қырларымен танылуда. Түрлі еркін блогтұғырлары бар әлеуметтік желілерді қоса алып қарағанда Фэисбук жүйесі де қазір үлкен интеллигент тобының шоғырланған ортасы деп айтуымызға болады. ФБ арқылы көптеген жаңалықтармен қоса қызықты ақпараттар мен суреттер, видеоларды бөлісу арқылы әлемнің түкпіріне лезде хабар таралады. Осы ФБ арқылы, алғаш рет блогқұрылтайға қатысып, еліміздің менмін деген блоггерлерімен таныс болсам, қазіргі таңда қызу талқыға түсіп жатқан «Домбыра Пати» дүбірі де осы желі арқылы таралуда. «Домбыра Патиге» тоқталмай-ақ қояйын, менің қазіргі айтайын дегенім, «видео семинар-тренинг» туралы. Семинар-тренингті алып қарайтын болсақ ресми өкілетті органдардың жиналыстарды өткізуінің тиімді тәсілі болып келе жатқан жүйе қазіргі таңда қоғамдық саланың кез-келген бағытында үлкен сұранысқа ие болып келе жатыр. Бұрындары, қаншама адамды бір залға жинап алып, жаттанды бір тақырыпты мыжып, халықты жалықтырып, бәрінің шыдамын тауысып бітетін ұзын-сонар (пайдасыз) жиналыстардың орнына кофе-бреик, семинар-тренинг және тб тиімді тәсілдер қолданыла бастады. Видео семинра-тренинг алғаш рет Нұр.кз әлеуметтік желісінің видеолар бөлігінен көрген болатынмын. Р.Киосакидің 10 минуттық тренкісін қарап отырып, неге осы қазақтар қазақша өтпейді деп ойлағанмын, (Бедный папа, богатый папа деген кітапты жүктеп алып, қазақшаға аударсам деген ой туындаған ед)) Сөйтсем, ол бекер екен деген ой Ахметбек Нұрсила ағамыздың мына видео тренингін көргеннен кейін өзгерді. ФБ бетінен аз уақыт бұрын ғана осы ағамыздың мынадай жазбасын оқып едім "Қарғыс атқан капитализм"- деп айтатын Кенже Жалғызұлын блоктап тастадым деп)))" осы тренингте соған тоқталып өткен. Жалпы роликті көріп шықсаңыздар біраз мәліметтермен тың идеялар аласыздар деген ойдамын.

Және тағы бір айтакетерлігі Ахметбек ағамыз нағыз Қазақ жанашыры. Қымыз туралы жазылған сұхбатында да осы сусынды қалай әлемдік нарыққа шығарудың жолдары туралы айтып өтеді, ол туралы

Алматы қаласында 23-24 мамырда Достық қонақ үйінде төртінші рет өткізілейін деп отырған InternetCA-2013 форумы жайлы естіген боларсыңдар (әрине, менің әлеуметтік желіге қоймай жазуымнан).

Шыны керек, бұдан алдыңғы форумдарға қатысып көрмедім. Бірақ, керекті ақпараттармен таныстыратындығы анық. Осы форумды ерекше күтіп жүрмін. Мұның бірнеше себептері бар.

Интернеттің жұмысы жайлы толық білмейтін мен үшін бұл ең алдымен қызық. Қазақстандағы интернеттің техникалық тұрғыдан жүзеге асуы, ғаламтордың құрылымы, сайттардың дүниеге келуі, бұл торда өзіңе қатысты ақпараттардың конфедициалдығы, құқықбұзушылықтардың заңдық тұрғыда жазалануы, жалпы Казнеттегі барлық-барлық өзгерістер туралы ақпараттанғым келеді. Болашақта осы салаға қатысты жобаларымды жүзеге асыруға көмектеседі деп ойлаймын.

— Көкейдегі сұрақтар;

Бір жағынан шет елден келетін сарапшылардың қорғайтын тақырыбы да қызығушылығымды оятпай қоймады. Халықаралық ұйымның өкілі ретінде арнайы шақырылған ЕҚЫҰ Өкілдігінің БАҚ-тағы сөз бостандығы мәселелері жөніндегі бюросының директоры Андрей Рихтердің «Международные стандарты правового регулирования Интернет» және Литвадағы Журналистер Одағының басшысының "Әлеуметтік мәселелерді шешудегі креативті интернет-шешімдер" тақырыптары қызықтыра түсті. Біз білетін құқық реттеушіліктен басқа не айта алар екен, не қоса алар екен? Аталған сауалдарға форумда көңілге қонымды, пайдалы, тың жауап аламын деп үміттеніп жүрген жайымыз бар. Бізге дейін түрлі интернет саласына қатысты форумдар, конференциялар өткізіліп жатқандығын ескере отыра, өз басым осы күнге дейін тыңдамаған мына бір тақырып назарымды аударды. «Проблемы доступа к правовой информации на интернет-ресурсах государственных органов Казахстана» атты баяндаманы ЖШС «Компания «ЮрИнфо» бас директоры Игорь Лоскутов оқиды. Сонымен қатар, форумға Қазнеттің біз білетін белгілі тұлғалары да баяндама оқып, презентация қорғайды. Қазақ интернетінің дамуы жайлы баяндамалар форумға баланс береді. Садық Шерімбек, Жалғас Ертай, Нұрлан Құлымбетов сынды бізге белгілі тұлғалар презентация қорғайды.(Садық пен Нұрланның презентация қорғағанын көрмеппін) Тақырыптар мен интернетке қызығушылықты бірінші себепке жатқызып келесі себепке көшейік.

— Көптен көрмеген достарды көріп, улап-шулап қалу;

Блог саласында, жалпы интернетте араласатын достарыңның көп болғандығына не жетсін?! Күнде кездесуге кейде мүмкіндік, кейде уақыт, кейде,әлің жетпейді. Монитордың артынан хал-жағдай сұрау әдеттегі дүние. Офлайндағы кездесу достардың жаңалықтарымен бөлісуіне, жаңа идеялардың туындауына, Тимур айтпақшы, аралас-құрмалас сөйлемдер айтуға мүмкіндік береді. Облыстардан жиналатын, форумға әдейілеп келген достармен тағы бір рет кездесіп, фотоаппаратқа шырт-шырт етіп суретке түсіп, «былай түсір, менімен түс, мында түсір» деген әңгімелер, бітпейтін тақырыптарда бөсуге күшті мүмкіндік. Кездесулер адамдарды жақындататыны сөзсіз.

— Менің жыр болған бір жылдық дипломым;

Неменеге дипломын «пихать» етіп отыр деп сөкпеңіздер. Бұл мен үшін жыры ең көп, жатсам-тұрсам, жұмыс істеп отырсам да, жазып отырсам да ойлайтын ең ауыр, психозды ой. Жылдың басында тақырыбымды бекітіп алып бір жапырақ жоспармен, әлі шегіртке болып жүрмін. Неге жазбайсың енді? Е ее е еее-йй, жоқ оған материал, жоқ! Қазақстандағы алғашқы БАҚ сайттарының пайда болуы жайлы энциклопедия жазған адамды он рет аспанға лақтырар едім. Орысша материалдар болғанымен фотожурналистикаға қатысты кітап жоқ. Сонша шаршайтындай, қандай тақырып? «Отандық сайттардағы фототуындылардың ақпараттық мазмұны мен ерекшеліктері» деген фотожурналистикаға қатысты бір түйір ғана қазақша кітап бар тақырып. Бір түйір кітаптың өзі де фотожурналистикаға емес, фотографияға арналған.
Форумға келген қатысушылар мен қонақтардан, диктофонымды арқалап сұхбат алып, дипломдық жұмысыма материал жинаймын. Егер келейін деп жатсаңыздар маған көмегі тиетіндей материалдарыңызды арқалай келсеңіздер жақсы болар еді… Елдің зығырданын қайнатып, қисық-мисық сұрақтарымды қойып аламын деп жүрмін. Көрерміз қалай боларын…

Мен үшін осындай маңызды себептер бар. Сондықтан достар, сіздердің жарқын жүздеріңізді көріп, бас ауыртатын проблемалардан алыстағыңыз келсе, форумға келіңіз. Сіз сөйлемесіңіз мен сөйлеймін.

Жолда келе жатып адресті ұмытып қалып жатсаңыздар: Алматы қаласы, «Достық» қонақ үйінде (Құрманғазы к-сі 36, Қонаев к-сі қиылысы. Мамырдың 22-23 күні таңертеңгі сағат 09:30-да тіркеуде көріскенше.

Не да, не ғой, материал, ақпарат ұмытпаңдаршы… болып жатса…

Әлеуметтік желіден:

— казахшаны жаксы жазасын гой
— енД өзім қазақ болсам…
— рас па?

Кеше ғана интернетті кезіп жүріп, мына бір Әзербайжанның әдемі халық әніне тап болдым.



Әзербайжанның аңызы бойынша бір мұсылман жігіті мен христиан қызы бір-біріне ғашық болыпты. Алайда екеуінің жанұялары бұлардың ғашықтық сезіміне қарсы болып, оларды айырып жібереді.

Әннің сөзі:

Saçın ucun hörməzlər [Шаштың ұшын өрмейді]
Gülü sulu dərməzlər [Сұлу гүлді термейді]
Sarı gəlin [Сары келін]

Saçın ucun hörməzlər
Gülü sulu dərməzlər
Sarı gəlin

Bu sevda nə sevdadır [Бұл не деген махаббат?]
Səni mənə verməzlər [Олар сені маған бермейді]
Neynim aman, aman [Не қылайын? Рақым сұраймын.]
Neynim aman, aman
Sarı gəlin [Сары келін]

Bu sevda nə sevdadır
Səni mənə verməzlər
Neynim aman, aman
Neynim aman, aman
Sarı gəlin

Bu dərənin uzunu, [Бұл жардың тереңі]
Çoban qaytar quzunu, quzunu [Шабан қайтар қозыны, қозыны]
Bu dərənin uzunu,
Çoban qaytar quzunu, quzunu

Gün ola mən bir görəydim [Сол бір күнге жетсем, көретұғын]
Nazlı yarımın üzünü [Назды жарымның жүзін]
Neynim aman, aman
Neynim aman, aman
Sarı gəlin

Gün ola mən bir görəydim
Nazlı yarımın üzünü
Neynim aman, aman
Neynim aman, aman
Sarı gəlin

Қадірлі достар, сіздерге Алматы қаласындағы «Орталық Азиядағы Интернет саласының дамуы InternetCA-2013» форумы өтетіндігін хабарлаймыз.
Интернет-форум Алматы қаласында 2013 жылдың 23-24 мамырында «Достық» қонақ үйінде (Құрманғазы к-сі 36, Қонаев к-сі қиылысы) өтеді.

Форумға Германия, Грузия, Ресей, Украина, Литва, Қырғызстан, Тәжікстан, Өзбекстан елдерінің сарапшылары қатысады.

Форумға онлайн-тіркелу жалғасуда. Шараға қатысу тегін. Егер сіз форумға қатысқыңыз немесе журналист, блогер ретінде тіркелгіңіз келсе, келесі үлгіні толтырыңыз.

Форумның алғашқы күні конференция түрінде өтсе, екінші күні сарапшылар екі қатарлы сессия айналасында мастер-кластар өткізеді. Бағдарламаны мына сілтеме арқылы көруіңізге болады.

Форумның негізгі тақырыптары «Интернет желісі аясындағы мемлекеттік саясат», «Ғаламтордағы сөз бостандығы мен жеке өмірді қорғау», «Желідегі ақпараттарға қол жеткізу», «Электронды үкіметтің дамуы», «Интернет журналистика», «Интернет-құралдардың тиімді коммуникациядағы рөлі», «SMM және блогинг», «Интернет-жобалардың монетизациялануы», «Интернет-сатылымдар» және т.б болмақ.

Шарадағы сарапшылар қатарында ЕҚЫҰ Өкілдігінің БАҚ бостандығы мәселелері бойынша бюросының директоры — Андрей Рихтер, журналистерге құқықтық тұрғыдан көмек көрсету орталығының құқықтық сарапшысы, РФ Қоғамдық палатасының консультанты — Борис Пантелеев, Литвадағы Журналистер Одағының төрағасы — Дайнюс Радзявичус, «Стоп цензуре» журналистік қозғалысының белсендісі Наталья Соколенко бар.

Сонымен қатар, «Айтабер» сайтының админі Садық Шерімбек, «AppleSinn» техникалық көмек көрсету және бағдарламалармен қамтамасыз ету орталығының Бас директоры-Нұрлан Құлымбетов және тағы да басқа танымал қазақ блогерлері баяндама оқитын болады.

Шара Астанадағы ЕҚЫҰ Орталығының, Сорос-Қазақстан және Қазақстандағы Конрад
Аденауэр атындағы қор Өкілдігінің демеушілігімен ұйымдастырылды.

Барлық сұрақтар бойынша MediaNet ХЖО жоба және PR үйлестірушілері Василина Ворковаға (vassilina.vorkova@gmail.com) және Дінмұхаммед Зиядинге (aliziyadin@gmail.com) сонымен қатар +7 727 261 66 69, 261 27 90 телефондарына хабарласыңыз.
Достар! Барлығыңызды форумда көремін деген үміттемін! Кездескенше

Алдыңғы күні, яғни 10-ншы мамырда Ақтөбе қаласы, Қарғалы ауылындағы №10 орталық ипподромда Екінші дүниежүзілік соғысындағы жеңістің 68 жылдығына орайластырылып ат жарыс ұйымдастырылды. Оған қатысушылар еліміздің түкпір-түкпірінен келді. Содан әдеттегідей қысқаша фотореп.)

1. Аламан бәйге – 17 шақырым, бірінші орынға тігілген сыйлық Тойота Хайлюкс;
2. Құнан бәйге – 7 шақырым, бірінші орынға УАЗ Патриот;
3. 1600 метрлік жарыс, бірінші орынға Рено Дастер;
4. 1000 метрлік жарыс, бірінші орынға Лада Приора.

Бас демеуші «West Motors Servise» ЖШС.