Өткен аптада жолым түсіп, ҚР Қорғаныс министрлігінің шақыртуымен Қарағандының Спасск кентіндегі құрлық әскерінің мамандарын даярлау орталығындаболдым. Бір топ журналисті оқу-жаттығу жұмыстарының қалай жүргізіп жатқанымен таныстырды. Келісімшарт негізінде қызмет етіп жүрген жігіттермен сөйлестік. Сол күні орталыққа вице-министр де келген. Онымен де сөйлесудің орайы туды.

Өзімде фотик жоқ болғандықтан Қарағандыға шығар алдында Ерболдың камерасын сұрап алған едім. Бұрын мұндай камерамен түсіріп көрмеген соң, біраз жаттығып көрейін дедім. Қазір өзіме қандай камера алсам деп ойлап жүрмін. Оқу-жаттығу орталығынан түсірген кейбір суреттерімді ұсынып отырмын.

"Қазақ «Тойдың боларынан боладысы қызық», – деп бекер айтпаса керек.
Қыркүйек айының басында Талдықорған қаласының әкімі Ермек АЛПЫСОВ БАҚ өкілдерінің басын қосып, биыл Қала күні жаңа форматта, бір ай бойы өтетіндігін мәлімдегені белгілі. Мерекеге орайластырылған алғашқы шара қыркүйектің алтысы күні Өтенай ауылдық Мәдениет үйінде өткен «Талдықорған әуені» фольклорлық-этнографиялық ансамблінің Талдықорған әскери горнизоны сарбаздарына арналған концертінен бастау алып, содан бері жалпы саны 35 шара ұйымдастырылды. Қоңыр күзге рең беріп, қала тұрғындары мен қонақтарына қуаныш сыйлаған мереке қорытындысы облыс орталығында дүбірлеп өтті. Еліміздің дамуына сүбелі үлес қосатын облыс орталығына тек қана талдықорғандықтар ғана емес, Жетісудың өзге аудан, қалалары мен еліміздің өзге облыстарынан келген меймандар бас қосты.
Мереке облыс әкімінің орынбасарлары Тынышбай ДОСЫМБЕКОВ, Серікжан БЕСКЕМПІРОВ, облыстық мәслихат хатшысы Ермек КЕЛЕМСЕЙІТ және шаһар басшысы Ермек АЛПЫСОВ бастаған қаланың Құрметті азаматтары мен ардагерлердің «Даңқ обелискісіне» гүл шоқтарын қоюдан басталды. Отан үшін жанын қиғандарды бір минут үнсіздікпен еске алып, құрмет көрсеткен облысымыздың атқа мінер азаматтары бүгінгі бейбіт күннің шуағы майданда оқ пен оттың арасында жүріп, ел мен жерді қорғаған батырлардың маңдайтері, ерлігінің арқасы екендігін атап өтіп, жастарға патриоттық тәлім берді. Бұдан кейін меймандар Абай көшесінде орын тепкен Талдықорған әскери гарнизоны техникаларының көрмесін тамашалады. Ел экономикасының дамуы қорғаныс саласының тамырына қан жүгіртіп, шекара шебінде орналасқан облысымызды қорғаушылар заманауи техникалармен жабдықталғандығын қала тұрғындары мен қонақтары әдетте сырт көзден таса тұратын БТР, БМП, гаубица және Әуе қорғаныс құралдарын көзбен көріп, қолмен ұстауға мүмкіндік алды. Бұл әсіресе шаһардың жастарына қайталанбас мүмкіндік туғызып, балғын балалар бір сәт өздерін сарбаз сезініп, әскери өмірдің қызығына кенелді. Содан болар мұндағы жұрттың қарасы көбейіп, техникаға отырғысы келгендер кезекке тұруға асықты.
Орталық алаңның шығыс қақпасында мемлекеттік саясаттың жарқын жемісі ұлтаралық татулық пен ынтымақтастықты дәріптейтін этномәдени бірлестіктердің қолөнер және аспаздық көрмесі ұйымдастырылды. Облыс әкімінің орынбасары Тынышбай Досымбеков бастаған меймандар шағын этноауылда ұйғырдың хошанынан ауыз тиіп, шешеннің «лезгинкасы» мен корей халқының ұлттық биін тамашалады. Бір сөзбен айтқанда көрме жұмысы еліміздегі әр ұлт өз мәдениетін, тілін һәм дінін сақтауға мүмкіндік алып, оларға конституцияға сай тең мүмкіндік берілгендігін айшықтады. Ал, алаң орталығы бейнебір балалар әлеміне айналып, мұнда былдырлаған тәтті тілді бүлдіршіндер «Әнші балапан» байқауында бақ сынап, ересектерге көтеріңкі көңіл-күй сыйлады. «Қошақаным қайда екен?», «Айгөлек», «Ақ мамам» және «Мектебім» әнін шырқаған байқауға қатысушы балалардың өнеріне қарап, алдыңғы буын әншілердің орнын басар дарынды өрендер өсіп келе жатқандығына көз жеткіздік. Талдықорғанның тағы бір ерекшелігі өзге облыс орталықтарымен салыстырғанда мұнда балалар көркемсурет мектебі мен жас техниктер үйірмесі жұмысын тоқтатқан емес. Сондықтан болар, жас қылқалам шеберлерінің шығармашылығымен танысқан қала тұрғындары әр суреттің өзіндік ерекшелігін атап өтіп, балалардың ой-өрісінің кеңдігіне таңырқай қараса, болашақты болжаған жас техниктер ғарыш станциялары, кеме және өзге де заманауи техникалардың моделін құрастырып, көрерменнің ықыласына бөленді. «Балалар әлемін» ұмытылмастай қылып еске сақтау үшін орталық алаңда ойыншықтар әлемі, суретке түсу галереясы ұйымдастырылып, фотосуретшілер үшін бар жағдай жасалды. Мерекеге орай жас қылқалам шеберлері өз туындыларын меймандарға естеліке сыйлады."
«Жетісу» 27.09.13ж

Бүгін түнде Чемпиондар лигасының топтық кезеңінің екінші тур ойындары басталады. Турдың алдына Чемпиондар лигасының тарихындағы болған ең қызықты статистикалық мәліметтерді ұсынып отырмын.
Чемпиондар лигасының 2013/14 жылғы маусымының алғашқы турында «Аякс» пен «Галатасарайдың» қақпасына хет-трих жасаған әлемнің ең үздік ойыншылары Лионель Месси мен Криштиану Роналду бір сатыға жоғарылады. Нақтырақ айтсақ, осы уақытқа дейін екінші орында келе жатқан Руд ван Нистелройдан Месси екі допқа ұзап шықты. Ал португал жұлдызы Роналду әйгілі Тьерри Анриді артқа тастап, бесінші орынға тұрақтады.
Төменде Чемпиондар лигасының ең үздік 10 сұрмергені көрсетілген:
1. Раул Гонсалес –71
2. Лионель Месси– 62
3. Руд ван Нистелрой – 60
4. Андрей Шевченко – 59
5. Криштиану Роналду – 54
6. Тьерри Анри – 51
7. Филиппо Индзаги – 50
8. Альфредо Ди Стефано – 49
9. Эйсебио– 47
10. Алессандро Дель Пьеро – 44
УЕФА чемпиондар лигасының тарихында ең жылдам голды 2007 жылы «Бавария» шабуылшысы Рой Макай «Реалдың» қақпасына соққан еді. Содан бері бұл көрсеткіш әлі жаңарған жоқ.
Төменде Чемпиондар лигасының тарихында соғылған ең жылдам голдар берілген:
10,12 сек. – Рой Макай («Бавария») 07/03/2007, «Бавария – «Реал» (Мадрид) – 2:1 (1/8 финал).
10,84 сек. – Жонас («Валенсия»). 01/11/2011, «Валенсия» – «Байер» – 3:1 (топтық кезең).
20,06 сек. – Жильерто Силва («Арсенал») 09/25/ 2002, ПСВ – «Арсенал» – 0:4 (топтық кезең).
20,11 сек. – Алессандро Дель Пьеро («Ювентус») 01/10/1997, «Манчестер Юнайтед» – «Ювентус» – 3:2 (топтық кезең).
21,20 сек. – Кларенс Зеедорф («Милан») 09/28/2005, «Шальке-04» – «Милан» – 2:2 (топтық кезең).
24,00 сек. – Пато («Милан») 19/09/ 2011, «Барселона» – «Милан» – 2: 2 (топтық кезең).
25,02 сек. – Давид Алаба («Бавария») 04/02/2013, «Бавария» – «Ювентус» – 2:0 (1/4 финал).
25,20 сек. – Марек Кинцел («Рапид») 02/11/2005, «Брюгге» – «Рапид» – 3:2 (топтық кезең).
25,54 сек. – Деян Станкович («Интер») 05/04/2011, «Интер» – «Шальке-04» – 2:5 (1/4 финал).
28,21 сек. – Мариано Бомбарда («Виллем II») 10/20/1999, «Виллем II» – «Спарта» (Прага) – 3:4 (топтық кезең).
28,46 сек. – Александрод Алексудис («Панатинаикос») 22/11/1995 «Панатинаикос» – «Ольборг» – 2:0 (топтық кезең).

Чемпиондар лигасының тарихында алты ойынның барлығында жеңіске жеткен бес команда бар. Олар: «Милан» (1992). ПСЖ (1994),«Спартак» (1995), «Барселона» (2002), «Реал» (2011), 2002 жылы АЕК алты ойынның барлығын тең аяқтаған.
Еуропаның үш ірі турнирі Чемпиондар лигасы, УЕФА кубогы (қазіргі Еуропа лигасы), Кубок иегерлерінің кубогы турнирінде жеңіске жеткен үш клуб бар. Олар: «Ювентус», «Аякс», «Бавария».
Чемпиондар Кубогының тарихындағы ең ірі жеңіс: «Динамо» (Бухарест) – «Красейдерс» – 11:0 (1973).
Чемпиондар лигасының плей-офф кезеңінде ең ірі жеңіс: «Манчестер Юнайтед» – 7:1 (1/4финал, 2007 жылы); «Бавария» – «Спортинг» – 7:1 (1/ 8, 2009 жылы).
Қос матч қорытындысы бойынша доп айырмашылығы ең көп ойын: «Бенфика» – «Дюделанж» – 18:0 (1965 жылы).
Чемпиондар лигасының топтық кезеңіндегі ең ірі жеңіс: «Ливерпуль» – «Бешикташ» – 8:0 (2007 жылы).
«Манчестер Юнайтед» – 25 ойын қатарынан ұтылмаған (2007 жылғы «Миланмен» болған ½ финалдан 2009 жылғы «Барселона» болған финалға дейін). «Арсенал» 2005/ 06 жылғы маусымда 10 матч қатарынан қақпасында бірде-бір доп жібермеген (995 минут бойы 2005 жылдың қыркүйегінен 300 жылдың мамырына дейін). «Ныюкасл» 2002/03 жылғы маусымда топтық кезеңнің алғашқы үш матчында ұтылса да, плей-оффқа шыққан болатын.

Сәлем достар!!!


Керекке енбегелі біраз уақыт болыпты. Қол да тисмей кетті, жалпы шығармашылық, әрі жеке басымда тығырық болды. Көштім, көңіл-қошым болмады)))) дегендей. Оны несіне айтып отыр, бізге сол қызық секілді деп сөге жөнелгендерге айтарым, керекті бір кісідей жақсы көріп, үнемі оқып жүретіндердің қатарынан едім, соңғы айларда тіпті бас сұқпадым.

Сонымен бүгін бас сұқтым да, қалай кіруші еді, деп, жаңа постты қалай бастаушы еді деп, керекті нүктелерді іздеп отыруға тура келді. )))

Керек өзгеріпті, ең бастысы Хабардың тизері пайда болыпты, бұл оң өзгеріс енді Керекті жай ғана блогтұғыр емес, бизнес әріптес деп қарауға толық негіз бар сияқты. Алдағы уақытта «31 арнаның» баннерін де Керектен көруге жазсын.

Дәлірек айтқанда жекелеген бір мәселені шешу үшін арналған модульдер бар, модульдің өзінің микропроцессоры болады. Жекелей мәселені өз бетінше шеше алатын микропроцессоры бар модульді микроконтроллер деп те атайды.
Соңғы бірнеше жылдарда автомобиль конструкторлары жекелей алынған көлік ішінде локальды есептеуіш желілерін жүргізді, яғни бірнеше микроконтроллерді бір басқару орталығына қосты.
Осылайша бірнеше үрдістегі әрекеттерге әсер ететін атқарушы құрылғыларды локальды желі арқылы бір орталықтан басқарып әр үрдістегі әрекеттерді бір –бірімен үйлестіреді.
Мысал ретінде қозғалтқыштың басқару және отын беру жүйесін қарастырайық. Соңғы отыз жыл ішіндегі автомобиль жасау саласындағы даму үрдістері автомобильдің механикалық сезгілері және реттегіштерін жаңартып алмастырды.
Ең жетілген классикалық үлгідегі қозғалтқышты отынмен қамтитын (карбюратор) құрылғыны дәл сондай қызметті іске асыратын электронды басқару жүйесімен қамтылған құрылғымен салыстыруға болмайды. Өйткені құрылғының жұмысының негіздері өзгеше.

Белгілі «Денар» тобы барлық әндерін кәдімгі моншада жазады екен. моншаны дыбыс жазатын студияға айналдыру сол моншаның иесі, топтың ән әрлеушісі Бақыт Шалабаевтың ойына келіпті. Топ жетекшісі Ернар Жұматаевтың айтуынша, бұл туралы жоба мүшелері айтуға қысылады екен, әйтсе де ең жақсы әндері осы жерде пайда болатын көрінеді. «Денар» тобына танымалдылық сыйлаған қазақ тіліндегі алғашқы «Қара көйлек» әні осы моншада жазылыпты.



Ресейлік 29 жасар әнші Прохор Шаляпин 57 жастағы зейнеткер әйел Лариса Копенкина мен отбасын құрмақшы. Лариса Копенкина жылжымайтын мүлікпен айналысатын милионер кәсіпкер. Бұл күнде екі ғашық Мәскеудің ортаңғы бөлігінде 3 бөлмелі пәтерде тұрады. Олардың махаббаты мәңгілік дегенге Копенкина толықтай сенімді түрде келіседі.



69 жасар кинорежисер Джордж Лукас пен 44 жасар әйелі Меллоди Хоббсон балалы болып жатыр. Бірақ бала суррогатты анадан дүниеге келді.



Эдриан Гренье «Таблетка арқылы қалай ақша жасайды» деген деректі фильм түсірді. Фильмге 50Cent, Сьюзан Сарандон, Вуди Харрельсон и Эминем сынды жұлдыздарда атсалысып жатыр. Фильм барысында Эминем өзінің Викодин деген таблеткаға қалай тәуелді болып, оның мөлшерін көбейткеннен ажал құша жаздағанын баяндайды.



Американдық белгілі әнші Мадонна өзінің 55 жасын атап өтті. Мадонна Луиза Вероника Чикконе 1958 жылы 16 тамызда Мечиган штатындағы Бэй-Сити қаласында дүниеге келген. 19 жасында шоу-бизнес әлеміне аяқ басу ниетімен Нью-Йорк қаласына келеді. Ол кезде оның қалтасында небәрі 35 доллар ақшасы болған.



Верка Сердючка есімі мен белгілі әртіс Андрей Данилконы «Россия 1» арнасы гомасексуализмді насихаттағаны үшін эфирден шеттетіп отырған көрінеді. 40 жасқа келген әртіс әлі күнге дейін отбасын құрмаған және оның әйел заты мен болған махаббаты туралы да еш жерде ақпарат жоқ.



Американдық поп-әнші Бритни Спирс ең үнемшіл әнші ретінде танылды. Оның өткен жылғы кіріс қоры 14 милион доллар болса, шығындары осы соманың жартысын ғана көрсеткен.

дереккөз
дереккөз2

БлогҚұрылтайдың-2013 өткеніне 5 айдай болыпты.Сол Құрылтайдан кейін біршама жұмыстарды атқаруды көздеп едік.Солардың бірі TED форматында конференция өткізу.
Осындай бір керемет конференция осы айдың 20-шы жұлдызында Шымкент қаласында өтпекші.ҚазНеттің бетке ұстар ардагер блогерлері, интернет журналистикасын судай ішетін журналистері, профессионал IT мамандары өз білімдерін ортаға салмақшы.Қалып кетпеңіз! Тіркеліңіз! Келіңіз! Ой бөлісіңіз!
Ақпараттық технологиялардың негізгі салаларын қамтитын конференциянңың берер пайдасы көп.Ресми сайты мүнда

Бұрындары үй, темір тұлпар деген сияқты дүние-мүлік сақтандырылса, қазіргі таңда даусын, көзін, итін, мұрнын яғни дене мүшелері мен жануарларын сақтандыру сәнге айналған. Бүл үрдіс әсіресе шет елде қара пиар ретінде пайдаланылады.

Көктіреудің жерлеуі

«Ойбай, Көктіреу Әреңтұрғанов қайтыс болды!» — деп күрсінген елде есеп жоқ. Мәйітті жерлеуге алып жүрген көліктің артынан қара құрым қара мәшинеге сан жетпейді! Осынша қара көлік көктен түсті ме деп есің шығады. Сөйтсек, жерлеу кезінде көштен қалғысы келмегендер қызыл, сары, жасыл көңкелерін қараға сырлап, бояп үлгірмегені қара балшыққа көлігін бір аунатып алып қатарға қосылған екен. Қаралы митингте өксігін баса алмай, ардақты ағасына асыл сөзін арнаған ағайын сай сүйегімізді сырқыратты. Әсіресе, Көктіреу көкесінің арқасында адам болған Киізқазық Жергекіргеновтың, Майлыжер Жалағановтың, Көңілшек Көпбергенованың жүрек жарды жан айғайына егілмеген жан қалмады. Қаралы митингте қабырғасы қайысып, қайғыға батқандардың ішінде Кеңірдек Тоймағанов, Жалғанды Жалмағанов, Әділдік Көрмегенов, Әліпби Танымасов сынды еліміздің бетке ұстар белсенділері де болды. «Айналайын Көктіреу ағам-ай, енді көкті кім тірейді? Енді мені кім сүйрейді?!» — деп аңыраған Тіреусіз Жүреалмасовтың зарынан кейін, көрнекті ақын Арнаубек Одабайдың сөзіне жазылған Күйсыйлап Әнжазардың «Көшеде жатқан Көктіреу жоқ» атты патриоттық әнін елімізде ең көп сүйілген әнші Хошиіс Еміренгенова орындап бола бергенде, табытта жатқан Көктіреу көкеміз ризашылық өксігіне шыдамай шашалып, орнынан тұрып, өзі үшін өкіре жылаған көпке алғысын білдірді! Ақыры, ағасын қара жерге қимаған Майлыжер Жалағановты көкесінің орнына жерлеп, Көктіреу Әреңтұрғановты қолтықтап, қаралы қауым артқа қайтты. Бейіт басынан қайтқан ақ мәшинеде есеп жоқ! Жалт-жұлт етеді!

© Асқар Наймантаев

Қазақстан атынан алғаш рет Еуропа Лигасының топтық кезеңіне қатысатын қарағандылық «Шахтердың» қарсыластары анықталды.


«Шахтер» тобында мына командалармен ойнайтын болды:
АЗ Алкмаар
ПАОК
Маккаби Хайфа
Ойындар кестесі:

19/09/2013 — ПАОК — Шахтер
03/10/2013 — Шахтер — Маккаби Х
24/10/2013 — Шахтер — АЗ Алкмаар
07/11/2013 — АЗ Алкмаар — Шахтер
28/11/2013 — Шахтер — ПАОК
12/12/2013 — Маккаби Х — Шахтер