Өткен аптадағы УЕФА-ның команда аттары жазылған себепттері біздің төрт клубтың алғашқы қарсыластарын анықтап берді. Қайрат, Ордабасы және Ертіс ойындарын Еуропа Лигасының алғашқы кезеңіне бастаса ал ел чемпионы Астана Чемпиондар лиггасындағы жолын екінші айналымнан бастайды. Жекелей қарсыластар мен біздің командалар мүмкіншілігіне тоқтала кетейін.



Ел чемпионы соңғы жылдардағы еліміздің намысын Еуро кубоктарда барынша қорғап жүрген Астананың қарсыласы футболы біздікінен қатты дамымаған шағын Латвиялық Юрмаланың Спартагы болып бұйырды. Бұл жеребені толықтай сәтті жеребе деп айтуымызғада болады. Дегенменде қазақилыққа салынып босансып кетугеед болмайды. Спорттың аты спорт ол босаңсу мен менмендікті көтере бермейді. Команда былтырғы Латвия чемпионы дегенменде құрамы өте жас жәнеде команданың ойыншыдар құны бойынша біздің жігіттерден әлде қайда арзан. Бұл команда бізге түсуі мүмкін командалар ішіндегі ең әлсіздерінің бірі десемде қателеспеймін. Сонымен қоса қос команда арасында ойыншылар алмасу бойынша байланыстар бар екенінде айта кеткеніміз жөн. Твумаси мен Гридиндер кезінде сол жерде доп тепкен деседі. Ал қазір Юрмалада Астананың жас қақпашысы Абылайхан Дүйсен ойын көрсетуде. Ойынға болжамым біздің команда қиналмай өтетініне сенімдімін. Босансып қарсыласты менсінбей ойнайтындай Астана соншалық тәжірбиесіз емес. Есеп қонақта шамамен 1-2 немесе 1-3 біздің пайдаға шешілсе, Астана аренада ірі есеп тіркелуі әбден мүмкін, мен кішкене сабырлық сақтай отыра 3-0 есебін күтейін.



Халықтың командасы Қайратқада азуы алтықарыс команда түсті депте айта алмайыз. Бәрімізге 2014 жылы Қарағандылық Шахтерге қарсылас атанғанымен ғана таныс Литвалық Атлантас командасы Алматылық командаға бұйырыпты. Кезінде Шахтерден аса алмаған бұл құрам Қайратқа қандай қауқар көрсете алады екен. Бірақ бұл құрам ол құрамнан мүлде бөлек, дегенмен Қайратта осал емес екенің бәріміз білеміз. Межесі топтық кезең болып отырған Қайрат бұл қарсыластан қиналмай өтуі тиіс, қайткенменде ойынның сөзсіз фавориті емес пе. Ойынға болжамым сырт алаңда 0-2 немесе 1-2 есебімен жеңіс ал Алматыдағы ойын 4-1 немесе 3-0 есебі деп ойлаймын. Тағыда күтерім Бауыржанның пенальтиден соққан голы)) Әдет қой)



Шымкенттік Ордабасыға Боснялық бізге таныс Широки бриег командасы қарсылас атанатыны мәлім болды. Бұл команда кезінде Ертісті жарыстан шығарған есімізден әлі кетек қоймаған шығар. Дегенменде ол кездегі Ертіс соншалықты мықты емес еді жәнеде қаржылық дағдарыс кезеңінде жүрген шағы еді. Ал бүгінгі Ордабасы керісінші қарқыны күшею үстінде, ел чемпионатында соңғы жылдардағы ең үздік ойындарын көрсетіп жүр десек артық айтқанымыз емес. Бірақ-та былтырғы Еуро маусым есімізден шығпауы керек, соншалықты мықты емес Чукарики командасы Орданы жарыстан шығарған, бұлда Шым қалалықтарға сабақ болуы тиіс. Қарсылас қандай болсын соңына дейін ойнау өте маңызды. Бұл жұпақа сырттай қарасан шамалар бірдей деп толықтай айта аламыз.Дегенменде біздің жігіттер сәл болсын басымырақ болады деп ойлаймын. Қонақта доп соғу немес тең нәтиже тіркеледі деп ойлаймын шамамен 2-1 немес 1-1 ал Алматыда ( айтпақшы Ордабасы алаңы Еуропа лигасына сай келмейтін болғандықтан ойындар Алматыда өтетін болады. Бұл өте үлкен кемшілік)шамамен 2-0 немесе 3-1 біздің жігіттер пайдасында болуы керек.



Ел чемпионатының қола жүлдегерлері Ертіске қарсылас ретінде бізге беймәлім Болгариялық Дунав командасы тап келді. Былтырғы жылғы Болгарияның 4-орын иегерлері соншалықты азулы көрінеді деп айта алмаймыз. Дегенмен Болгар чемпионаты салыстырмалы түрде соншалықты осал чемпионат емес, осы себептіде Ертіске бірәз терлеу қажет секілді. Ертіс бапкері өзінің отандастарының осал тұсын дәл табады деп сенейік. Тағы айта керелігі Болгариялық командалар осы бапкерге қарсы түсуге қатты қорқыпты дейді мыс. Бұл ойында соңғы уақытта тұрақсыздау өнер көрсетіп жүрседе Ертіс фаворит көрінеді. Келесі айналымға өтуге өте жақсы мүкіндік бар. Есеп екі ойын қосындысында 3-1 немесе 3-2 Павлодарлықтар пайдасында болады деп ойлаймын.

Соңғы уақытта Қазақстандық клубатар Еуро чемпионаттарда барынша қауқарлылық көрсетуде. Бұрынғыша қорқыныш алғашқы айнаылмнан басталмайды, тіпті біздерден қорқатын да болады. Бұлда қуантарлық жағдай. Біздерге барлық команда топтық кезеңге өтпеседе ұпай жинау мақсатыда өте маңызды. Рейтингта неғұрлым жоғарылаған сайын соғұрлым мүмкіншіліктер көбейетіні сөзсіз ғой. Командаларға сәттілік Еуро кубоктардағы жолдары барынша ұзағынан болсын. Ал келер жылдарға тілек отандық барлық клубтар Еуро чемпионаттарды өз алаңында ұялмай қарсы алатындай болсын!!!

Қазақ радиосындағы «Ой-Зерек» танымдық-интеллектуал ойынының 11-шығарылымына «Әйел бақыты» командасы қатысып, 2-айналымды жалғастырды. Есеп 4:7.

1. Үндістандағы Амбер қамалынында бір майшаммен жарықтанатын мың АЛЬФА сарайы бар. Фаина Раневская бірде 5 шыбын өлтіргенін айтқанда, «Оның екеуі – аталық, сыра бөтелкесіне қоныпты, ал үшеуі – аналық шыбын, себебі АЛЬФАда отырды» дейді. АЛЬФАны атаңыз.

2. Кәріс күнтізбесінде сосо айы (7-22 шілде аралығы) — кіші ыстық деген мағынаны білдіреді, тэсо айы 23 шілде мен 6 тамыз аралығы — үлкен ыстық деп аталады. Ал 23 тамыз бен 7 қыркүйек аралығындағы Чхосо айы қандай мағынаны білдіреді?

3. Бір мультфильмнің эпизодында бақалар отбасы бәрі тату-тәтті арнайы жиналып, көз алмай Х-тен шіркейдің ұшып шығуын күтеді. Х-тің өзі болмаса да, аналогы бәрімізде бар екенін біле отырып, оны атаңыз.

4. 1994 жылдың 10 желтоқсанында Ицхак Рабин, Шимон Перес, Ясир Арафат Ослода бір жерге келеді. Бұл кездесудің мақсаты не еді?

5. Қазақ жұмбағын шешіңіз:
Алпыс кісі аяқасты,
Ертеменен таяқтасты.

6. Париждегі балауыз мүсіндер музейінде мисс Робертенің алтын жалатылған көйлек киілген мүсіні Билл Клинтон және Мадонналардың жанында тұр. Үлкен бір іс-әрекеттері болмаса да, танымалдық жағынан олардан қалыспайтын Барбара Роберте деген кім?

7. Бұл тұлға туған күнін білмегендіктен, 8 наурыз болып бекітілген. Ол туралы телебағдарламада діни қауым анасымен аналогия келтіріледі.
Монтажшы боп жүрген кезінде, Оның суретін көрген атақты жазушы: «Пұшық қой» дегенде, режиссер Рошаль: «Мұрынды жөндейміз, бастысы, маған оның көздері керек» деп, рөлге шақырған екен. 1996 жылғы фильмде өзін-өзі ойнады, Карловы Варыдағы Халықаралық кинофестивальдің құрмет дипломын, «Шоқжұлдыз» кинофестивалінің үздік егде адам рөлі сыйлығын алады. Оны атаңыз.

8. Бұл шығармада шамамен 3 апталық уақыт аралығында 3 адам өлтіріледі, 2 адам өзін өзі өлтіреді және 1 өлім уайым-қайғыдан болады. Шығарманы атаңыз.

9. Қызық, дегенмен жанр атына қарамастан Деметри Мартин көбіне отырып өнер көрсетеді. Ал ол қандай біршама кең таралған жанрда еңбек етеді?

10. Танымал Монополи ойынының 1997 жылы Эконополи атты жаңа нұсқасы шығады. Оның авторы Брюс Хазерли атты кісі. Бұл ойында да әр шаршының ішінде компания аты, банк аты немесе басқа түрлі мекеме аттары жазылады. Хазерли бұл ойын арқылы сатылымынан бөлек бірнеше миллион доллар табысты қалай тапты?

11. Француздар қай тәтті дәмді «Папаның сақалы» деп атайды?

Ойынның аудиожазбасы — мұнда.

Футбол жанкүйерлерін төрт жыл сайын сағыныдырып күттіретін кубоктардың бірі — Конфедерация кубогы. Соңғы жылдары саясат пен қатар спортта да басы даудан арылмай келетін шулы көршіміз Ресей мәртебелі ӘЧ өткізуді өз мойындарына алған болатын. ӘЧ тура бір жыл қалғанда басталатын алты құрлықтың чемпиондары жиналып өзара мықтыны анықтайтын Конфедерация кубогы туралы қысқаша айтып өтейік.

Конфедерация кубогы осымен сегізінші рет өтеді, Ресей жерінде 17 маусым — 2 шілде аралығы үлкен футбол мерекесі болғалы тұр. Бұл жолғы Кубоктың басқалардан айырмашылықтары бар, мысалы: Конфедерация кубогы аясында өтетін матчтарда арбитрлер видеоқайталаудың көмегіне жүгіне алады, 1997 жылдан бері Конфедерация кубогынан қалмай келе жатқан әрі аталмыш Кубоктың соңғы иесі саналатын Бразилия құрамасы бұл турнирге қатыспайды, ал турнирде үш бірдей дебютант бар: Чили, Португалия және алаң қожайыны Ресей. Турнирдің ресми добы Krasava деп аталады.

Конфедерация кубогының жеребесі 2016 жылдың 26 қарашасында Ресейдің Казань қаласында өткізілді. Турнирге барлығы сегіз ұлттық құрама қатысады, алты құрлықтың әр түрлі турнирлерінің жеңімпаздарынан құралған құрамалар екі топқа бөлінген. Жеребе төмендегідей нәтиже көрсетті:

ТУРНИР ҚАТЫСУШЫЛАРЫ ЖАЙЛЫ АЙТАР БОЛСАҚ:









Мен секілді жанкүйерлік ететін құрамасы қатыспайтын футболсүйер қауымға бұл турнирді мына сұрақтардың жауабын білу үшін қарауға болады:

1. 100% жаңаруға ұшыраған Германия жастар құрамасы қандай ойын өрнегін көрсетеді? Әлем чемпионы деген атағы қорғай ала ма?


2. Роналду және Ко жеңісті жолын жалғастыра ала ма?


3. Ірі турнирлерде әр кез жерге қарап жүрген Ресей өз жанкүйерлерінің алдында қалай ойнайды?
4. Очоа және қақпа қалай болады?
5. Жаңа Зеландия немесе Австралия Исландия секілді фавориттердің есін шығаруға қауқарлы ма?

Бұл әрине мені мазалайтын, менің білгім келетін сұрақтар. Сіз өзіңіз не үшін туринрді тамашалайсыз, кімге жанкүйерсіз комментке қалдырсаңыз кемінде мені қуантып тастар едіңіз))

Olimp букмерекерлік кеңсесі турнирге ұсынған коэффициенттері: Германия — 3.15, Португалия — 3.25, Чили — 3.5, Россия — 9.25, Мексика — 9.25, Камерун — 22, Австралия — 38, Новая Зеландия — 360.

Турнирді алаң иелері саналатын Ресей мен Жаңа Зеландия арасындағы матч ашады, ал ойынның толық кестесі:

Жанкүйер болыңыз, ойын тамашалаңыз, құрамаңызға сәттілік...

2016 жылдың мамыры әлі есімде: қалтырап-дірілдеп, велосипед руліне жөнді ие бола алмай, біресе түсіп, біресе мініп бара жатқан едім.

Қазір 2017 жылдың маусымы: қазір ондай мандраж жоқ, автомобиль жолымен жүремін, тротуармен кетіп бара жатқан велосипедшілерге мұрын шүйіре қараймын. Әйтсе де биыл тротуармен жүруімді барынша азайтсам да, бәрібір айыппұл алып үлгердім [1].

Өзімнің басымнан өткен жағдайлар мен аздаған тәжірибемді басшылыққа ала отырып, қоғамдық көліктен немесе өз машинасынан велосипедке ауысқысы келіп жүргендерге аздаған кеңестер бергім келеді.

Алдымен велосипедпен жүрудің артық-кемшіліктеріне тоқталайын.

Сонымен плюстары (Кэптік танытсам кешірерсіңдер):
1. Шынығу. Велосипед тепкен кезде денеңнің көп бөлігі қимылға түседі, сәйкесінше велосипед кішігірім тренажер қызметін де атқарады.
2. Инфаркт мүмкіндігін азайтады. Біздің стресске толы заманда бұл маңызды. Байқаған шығарсыңдар, қазір жасы 30-дан асқан еркектер арасында жүрек талмасы көбейіп кетті. 40 жасында не операция жасау, не бақилық болып кету қалыпқа айналды. Білгірлер осындай жағдайдың алдын алуда велосипедтің рөлі ерекше дейді.
3. Таза ауа. Көпшілігіміз таңертеңнен кешке дейін офиста отырып жұмыс істейміз. Күнге аз шығамыз, көшеде нендей оқиғалар болып жатқанын интернеттен ғана көреміз. Жұмыстан шығып үйге жеткенше машинада қамалып отыратынымыз бар тағы. Ал велосипедпен келе жатсаң айналаңдағы құбылыстарға ерікті/еріксіз көз саласың, сыртта не болып жатқанын көресің, аздап даланың ауасын жұтасың, үйіңе серуендеп жетуге болады.
4. Жол ахуалына тәуелсіздік. Машина кептелісте тұрып қалуы мүмкін, жолда жөндеу жұмыстары жүріп жатуы мүмкін, не машинаң орта жолда бұзылып қалуы мүмкін. Ал велосипедте дөңгелек жарылғаннан басқа не бұзылушы еді? Сүйреп алып кете бересің.
5. Зиянсыздығы. Велосипед улы газ бөлмейді, жаяу адамдарға да қаупі азырақ. Кісі қағып кеттім дегеннің өзінде оны өлімге душар етпейтінің анық.
6. Мүліктік құнының төмендігі. Қазір велосипедтер бағасы 30-40 мың теңгеден басталады. Әрине, автомобильдің құнындай түрлері де кездеседі. Бірақ қала ішінде жұмысқа барып-келу үшін арзандары да әбден жарайды. Сәйкесінше жоғалтып/ұрлатып алған жағдайда да өкініштің ауқымы шамалы болады :)
7. Үнемділік. Бірден айтайын — нақты есебім жоқ. Өз жағдайымның мысалын ғана келтірейін. Мамыр-қазан аралығында жаңбыр жаумаған күннің барлығында дерлік велосипедпен жүруге тырысамын. Әрине кейде жұмыстан кейін бір алыстау жерге бару керек, не болмаса супермаркетке кіріп шығу керек — ондай кездері алдын-ала жоспармен машинаға отырып шығамын. Басқа уақытта машина үйдің алдында шаң басып тұрады.

Енді минустары (көп минустар автомобильмен қарым-қатынасына байланысты):
1. Автосүйерлердің көзқарасы. Олар велосипедшілерді ұната бермейді. Алдыңды орағытып, жаныңнан жарқ етіп пайда бола кететін тосын әрекеттері үшін шығар. Жалпы велосипедшінің ниетін аңғару қиын: великте бұрылыс, тоқтау сигналдары жоқ, көпшілігінде түнде қосатын жарық шамдары да болмайды. Сондықтан көшелерімізде велосипед пен автомобильдің соғысу оқиғаларын кездестіріп жүрміз, кездестіре де бермекпіз. Автожүргізушілер реті келсе терезесін ашып боқтап қалуды, айқайлап ұрысып қалуды, сигналдатып шошытуды, тіпті жол жиегіне қысып тастауды міндеті санайды. Бұған бір жағынан велосипедшілердің жол ережесін сақтамауы да өз үлесін қосып жатса керек.
2. Жол жиегіне тұрақтаған автомобильдер. Велосипедшілердің жарақат алуы, тіпті өліп кетуі осы жағдайлардан болып жатады. Велосипедші жоғары жылдамдықпен келе жатыр делік. Жол жиегіндегі машиналардың біреуі есігін ашып қалса бітті дей беріңіз. Аман қалса рахмет айтыңыз. Сондықтан жиегінде машиналар қойылған жолдарда аса сақтық танытқан жөн.
3. Шаң мен газ. Көлік ағынында келе жатқан өзге машиналардың түтінін жұтуға, олардың дөңгелегінен көтерілген шаңмен демалуға мәжбүр боласың.
4. Қазақстан қалаларының велосипедшілерге бейімделмегендігі. Біздің қалаларымыз автомоболистердің жағдайын қатты ойлайды: оларға арнап паркингтер салады, жолдарды кеңейтеді, жыл сайын жаңа асфальт төсейді — бәрі солар үшін. Соңғы жылдары Алматы мен Астанада ғана велосипедшілерге арнап жолдар салына бастады. Бірақ бұның бәрі бір жүйеге бірігіп, велосипедші жолшыбай бөгелместен, ештеңені айналып өтпестен тиісті жеріне жететіндей жағдай жасалғанша әлі талай заман ауысады деп ойлаймын.
5. Жыл мезгіліне тәуелділік. Қазақстан жылдың төрт мезгілінің белгілері толықтай көрініс табатын сирек елдердің бірі. Күз бен көктем — көбінесе нөсермен өтеді, қыста — міндетті түрде қалың қар және суық. Сонда жазда ғана еркін серуендай аламыз. Мысалы Алматыда велик үшін ең оңтайлы айлар: мамыр, маусым, шілде, тамыз, қыркүйек.

Енді велосипедшінің тәртібіне қатысты. Бұны барлығы біліп жүруі керек:
— Тротуармен жүруге болмайды. Бір қызығы сол — көпшілігі бұны білмейді. Велосипед тротуармен жүруі тиіс деп ойлайды. Жоқ! Бұл заңмен тыйым салынған. Жаяу адамдар мені жақсы түсінеді деп ойлаймын: артыңнан ұшып келіп сигналын шырылдатқанда бір теуіп, велосипедімен бірге омақастырғың келеді. Жалпы жаяу жүруге арналған аймақтардың барлығында велосипедке тыйым салынған.
Мен де бастап үйреніп жүргенде тротуармен жүрдім. Аздап тәжірибе жинаған соң автомобиль жолына ауыстым.
— Велосипедші велосипедке мініп орнынан қозғалған сәттен бастап жол қозғалысының тең құқылы мүшесі. Яғни, ол да өзгелер секілді жол ережесін сақтауы керек, ешкімге кедергі болмауы керек, тиісті белгілер беруі керек.
— Велосипедші тек жолдың жиегімен ғана жүреді. Жолақтың ортасына түсіп алып, артыңа автомобильдерді тізіп қоюға болмайды. Жалпы кез келген көлік түрі жылдамдығы 40 км/сағаттан төмен болса жолдың жиегімен, ешкімге кедергі келтірмей қозғалуы керек. Жиекпен ғана жүру велосипедшінің қауіпсіздігі үшін де маңызды.
— Бұрылу алдында тиісті бағытқа орай тиісті қолыңды көтеру керек. Оң жаққа — оң қол, сол жаққа — сол қол. Жалпы өзгелер үшін предсказуемый болу керек (қазақша қалай?) — өзгелер сенің не істейін деп тұрғаныңды алдын ала білетіндей болған дұрыс. Кенеттен, оқыс маневр жасауға болмайды.
— Көзге көрінетіндей болу керек: ол дегеніміз — айқын түсті киімдер (қызыл, көгілдір, жасыл футболка), түнде артқы бөлікке қызыл шам, алдыңғы жаққа жарығы жақсы түсетін фара. Бұлар жыпылықтап тұрса тіптен жақсы — көзге тез шалынады. Сосын, әрине, сәуле қайтаратын жолақтар да болғаны дұрыс.
— Жолдың арғы бетіне өту — жаяу өткелі арқылы ғана. Кәдімгі жаяу адам ретінде, великтен түсіп, көлігіңді қолыңмен сүйреп өту керек. Жолдың бойымен келе жатып солға бұрылуға (1 жолақты жолдан басқа кезде), кері айналуға болмайды.
— Қауіпсіздік: Басқа шлем міндетті түрде керек. Қажет деп тапсаң басқа да қорғау құралдары.

Тағы бір маңызды нәрсе бар: игнор мен сабыр. Автожүргізушілер сигнал беріп шошытуды, боқтағанды жақсы көреді. Ондайларға мән берме, оларға қайтара боқтама, ұрыспа. Елемеген болып күліп қойып баса бер. Конфликтінің соңы қашан да жақсылыққа апарамайды. Дурактарды жібере салған екі жаққа да тиімді.

[1]: Жұмыстан шыққан кезде бірден автомобиль жолына түсіп кету қиындау — сондай бір ыңғайсыздау аймақ. Сол бір 300-400 метр жерде ғана тротуармен жүретінмін. Жақында біреу видеоға түсіріп алып шағымданыпты. 5 АЕК мойныма ілінді. Бір қызығы — шағымданушы менің кім екенімді біледі, арызда менің аты-жөнім, туған күнім көрсетілген. Арызданушының кім екені өзіме де қызық енді :)

Қазақ радиосындағы «Ой-Зерек» танымдық-интеллектуал ойынының 10-шығарылымына «Брейнсторм» командасы қатысып, 2-айналымды бастады. Есеп 6:5.

1. Танымал футбол клубының атын латын тілінен аударғанда жастық деген мағынаны білдіреді. Алайда команданың лақап аты да, ойыншылардың орташа жасы да, танымал капитаны да бұл атауға сәйкес келмейді. Бұл қай клуб?

2. Балапан көлі — 1965 жылы Қазақстанда пайда болған жасанды көл. Оның екінші атауы түбірі грек тілінен шыққан сөзден тұрады. Оны атаңыз.

3. Бір күні испан королі Филипп ІІ адмиралынан “Елдегі ең жақсы порттар қайсылары?” деп сұрапты. Адмирал “Маусым, шілде және Карфаген” деп жауап береді. Адмиралдың жауабын түсіндіріңіздер.

4. Әлбетте, көп адам ұнатпайтын тірлікті бұл танымал шығармашылық адамы да жақтырмаған. «Ыдыс жуып жатқан кезде, кісі өлтіру туралы ой келеді, біреулерді өлтіріп тастағым келеді» дейді. Ол кім?

5. Стенфорд Университетінің түлегі Деннис Хван — қазіргі кезде танымал дизайнер-суретші. Оның шығармаларын миллиондаған қолданушы көрді. Хванның жұмыс орнын атаңыз.

6. «Мифтерді жоюшылар» телебағдарламасының бір шығарылымына он Х сатып алынды. Бірақ тек екеуі ғана пайдаланылды. Автомобиль радиаторындағы тесікті бітеу үшін және түтін шығаратын құбырдың қалай қызатынын көрсету үшін. Қазақ фольклоры Х-ті біртүрлі үй-жайға теңейді. Хті атаңыз.

7. Вашингтондағы тыңшылық музейіндегі бір экспонат “Өлім сүйісі” деп аталады. 4,5 мм калибрлік, бір рет қана атылатын бұл құрал қандай зат түрінде жасалған?

8. Х — 3 сөзден түрады. Әзілге сенсек, Ресейдің таңғалдырар өнер түрлері көрсететін тв-шоуының сәтсіз нөмірлері бөлек DVD-дискте «Х» деген атпен шығады екен. muslim.kz сайты «Х шариғатқа қайшы ма?» атты мақаласында мүфтияттың абыройлы адамдар үшін Х шариғатқа қарсы іс емес деп үкім айтады. Десе де, жақында Аустралия – Сауд Арабиясы матчында арабтар Х жасаудан бас тартты. Х-ті біреуі сан есім боп табылатын 3 сөзбен атаңыз.

9. Юрий Никулин бір естелігінде Новосибирск әуежайының қону алаңында жарық жүйесі істемей қалғандықтан ұшақтың қонуы мәселе болғандығын айтады. Кейін ұшаққа әуеден көрінетіндей жарық көзі ерекше шешім арқылы табылып, аман-есен қонады. Мәселе шешуге көмектескен адамдар әуежай маңында қандай қызмет атқаратын еді?

10. 1921 жылы Францияда Бо есімді химик Габриель атты дизайнер әрі әнші арудан тәжірибе жасауға тапсырыс алады. Бірнеше тәжірибе сәтсіз жасалады. Химиктің маманданған бағыты немесе арудың кім екенін тапсаңыздар, нешінші тәжірибе сәтті болғанын таба аласыз. Нешінші екен?

11. ЭКСПОда павильон ашатын елдердің бірі Дания әлемдегі бір энергия түрінің өндірісі бойынша алдыңғы қатарда. Кішкентай ел болса да бұл салада көшбасшы Дания энергияның қай түрін өндіру бойынша Астанада шеберлік сыныптарын көрсетіп бере алады деп ойлайсыз?

Ойынның аудиожазбасы — мына жерде.

Қазақ радиосындағы «Ой-Зерек» танымдық-интеллектуал ойынының 8-шығарылымына «Жаңа астаналықтар» командасы қатысты. Есеп 4:7

Сергіту сұрағы: Бастапқы сауал: Мария Горелованың пікірінше, ОЛ – нысанаға тигізуге арналмаған жалғыз спорттық қару. Оны екі сөзбен атаңыз.

Ян Беттеридж былай деп дәйектейді: «Егер тақырып атауында ОЛ бар болса, мақалада, үлкен ықтималдықпен, бос далбаса жазылған». Ал Тигран Бабаянның нақылына сенсек, ол күмән ауырлығынан бүкірейіп қалған. Оны атаңыз.

Әлеуметтік желіге жоғары жылдамдықта сурет жүктеуді жарнамалаған бір ұялы оператор жарнамасында бас кейіпкер жарнама соңында жолда қол көтеріп тұрған бәсекелесіне қарап “міне алғашқы ИКС” дейді. ИКСті табыңыз

Джон Локк ОНЫ «ойлану анатомиясы» деп, ал Хельмар Нор — "қиялдың көндіру көйлегі" деп атаған. Станислав Ежи Лец егер ОЛ дұрыс емес болса, онда күллі ғылымдар поэзияға айналады депті. ОНЫ атаңыз.

Саяхатшы Карл Маннергейм Азияға сапары туралы естеліктерінде кей мұсылман үйлерінің төбесінде түрлі-түсті жіп ілінетінін жазады. Бұл жіптер арқылы бір физикалық шаманың критикалық мәніне жетуі анықталады. Жіп арқылы не анықталатын еді?

Бұл әлемге ғылым нұрын шашқан атақты адамға Фон деген ақсүйек атағын ұсынғанда, ол бас тартқан. Алайда өмірде «фон» сөзі оның есімін бәрібір үнемі қуалап жүреді. Ол кім?

“Төгілген құрма” атты өлеңде ақын танымал паралелл бойында орналасқан нәрлі жеміс ағашының қызығын адамдар көре алмайтыны туралы мұңая жазады. Өлеңде аталған құрма ағашы қай елдердің ортасында өсіп тұр?

Google компаниясының 1 сәуірге арнап шығарған ролигінде екі ғана батырмадан тұратын, смартфондарға арналған жаңа виртуал пернетақта жарнамаланады. Және бұл роликке қатысқан бір бағдарламалаушы маман 1791 жылы туған ғалым адамның өз туысқаны екенін айтады. Ол ғалым адамды атаңыз.

Бұл спорт түрінде басқа бір спорт түріндегідей қол мен аяқтың жылдам қимылы, ақыл және спортқа жақын бір өнер түріндегідей иілгіштік, икемділік, жеңілдік қажет. Аталған өнер түрі мен спорт түрінің әріптерінен біз сұраған спорт түрінің атын құрастырыңыз. Егер қатты қиналсаңыздар, қазақ тіліндегі 3 бұйрық раймен атай қойыңыз.

Қазақ жұмбағын шешіңіз: Төмен қарап өседі, Күн жылына өшеді.

Джордж Карлин атты сатирик адамдардың қартайған шақтарында діни кітаптарға бет бұруын ОҒАН дайындық деп әжуалайды. ОНЫ қазақстандық белгілі абрревиатурамен атап көріңіз.

«Оскар» фильмінің желісі бойынша, Луи де Фюнестің кейіпкері туған қызына ешқандай да қалыңдықтың жасау мүлкін бермейтінін айтады. Ол: «Дым жоқ саған, дым жоқ, тура мына жердегідей» дейді де, Х-ті нұсқайды. Х-ті атаңыз.

Есімі Рома футбол клубымен бірге жүретін Тотти өткен апта Дженоа матчынан кейін футбол карьерасына нүкте қойды. Ия, оны аңыз қылған оқиғалар нелер еді?



Римде жаңбырлы бір кеш, балшық-балшық көше, бірақ оны ойлап жатқан балалар жоқ…
Олар үшін Римнің жағдайы төмендеу бөлігі болып табылатын Порта Метронида істелінетін ең жақсы іс — тастан жасалған қақпалар және жыртық доппен футбол ойнау.
Доптың тасқа тиіп шығарған және айқайласып жатқан балалардың дауысын үйден шыққан басқа бір дауыс бөліп жібереді. «Франческо, сабақтарыңды да оқымайсың, тамақ та жемедің. Үйге кел, енді!» Бірақ тыңдайтын ешкім жоқ. Франческо бұл дауысты естімегенсиді, өйткені оны достары «Джузеппе» деп біледі. Өйткені бала Тотти Романың аңызы Джузеппе Джаннини секілді болғысы келетін. Анасы оны үйге келтіретін соңғы сөйлемді қосады «Егер үйге келетін болсаң, сені районның командасының секциясына жаздырамын»



Тотти доппен тоғыз айлығында танысты. Құрдастары мультфильм көріп жүргенде, ол үнемі доп қуалап жүретін. Тіпті добын құшақтап ұйықтап та қалатын. Футбол ойнағанда ағасы Риккардоның достарының арасында физикалық тұрғыда қиналатын бірақ ол оны ойламайтын. Шешесі уәдесінде тұрып, 1984 жылында 8 жасында, ағасы Риккардо екеуін районның Fortituda командасына жаздырады. Енді бақытты еді. Ағасының басынан өткен сәтсіз оқиғаға дейін. Ол күні ағасы Риккардоның аяғы 3 жерден сынады. Ағасы бұдан кейін футбол ойнай алмайтын болады. Көз алдында болған бұл оқиға Тоттиды қамшылайды. Районның командасында қысқа уақытта өзін көрсеткен Тотти 2 жыл Smit Trastevere, 3 жыл Lodigiani секілді қарапайым командаларда форма киеді.

Тамаша ойын көрсетіп жүргенде бір күні дайындыққа Миланның скауттары келеді. Дайындық біте салысымен скауттар бапкердің қасына келіп алтын шашты бала туралы сұрақтарды жаудырады. Бапкері «Франческо, аты — Франческо Тотти» дейді.



Скауттар Тоттиды Миланға алдырудың дайындықтарын бастап кетеді. Оқу қаржысы, жататын жер және Италияның ең мықты клубтарының бірі — Миланда форма кию шансы.
Бірақ шешесі қарсы шығады. Оны кішкентай кезінде қасынан жібергісі келмеді. Рим клубтарының да оны байқауға көп уақыты кетпеді. Алдында екі таңдау бар еді: Лацио немесе Рома. Тотти кейінірек ол таңдауды былай түсіндіреді: Әке-шешем Рома немесе Лационың біріне бара алатынымды айтады. Артынан шешем мен жақсы көретін клуб Романы таңдады. Егер Лационы таңдаған болғанда, оны өлтірер ма едім, білмедім!

1989 жылы арманы орындалып Романың жасөспірімдер командасына трансфер болады. Жартылай қорғаушы, форвардтың артындағы ойыншы, итальяндықтардың “trequartista” деп атайтын голға жақын 10 номерлі позицияларда ойнады. 16 жасына дейін жастар командасында ойнаған Тоттиды бапкерлер бір саты жоғарылатуды ойлап, дубль командасына көтереді. Көтерілгені соншалықты, Тотти тоқтауды білмейді. 1993 жылында 17 жасында команда бапкері серб Вуядин Бошков күннен-күнге көп жаттығып жүрген Тоттиды негізгі құрамға шақырады.



Көктемнің салқын бір кеші, Қарсылас — Брешиа еді. Табло 87-минутты көрсеткенде формасының артында «Totti» деген жазуы бар формасымен алаңға Рома формасымен алғаш мәрте шығып тұрғанының белгісі еді. 16-жасының көктемінде командасы 2-0 алда тұрғанда тәжірибе жинасын деп ойынға кіргізген еді. Тотти ол күнді "Өмірімдегі ең маңызды сәт" деп айтады. 1994 жылы өзі пұт көретін және өзіне қойған аттың иесі Джузеппе Джаннини Тотти үшін былай дейді: «Ол менің мұрагерім!»

Карло Маццоне Ромаға бапкер болып келген соң Тотти матчтарға көбірек шығатын болады. 1994 жылы қыркүйектің төртінде әлі 18 жасқа толмаған алтын шашты бала алғаш мәрте бастапқы құрамнан орын алады. Фоджа командасымен ойналған ашылу матчында қақпа сызығының сыртынан өзіне келген допты сол аяғымен теуіп гол салады. «Одан кейінгісі есімде жоқ» дейді Тотти. Карьерасындағы алғашқы голдан кейін еске алмауға да болатын қуаныш еді: «Жынды секілді оңға, солға жүгіру!»



Тоттидың талантын байқаған тек қана клуб басшылары емес. Ұлттық құраманың U-18 категориясының бапкері Чезаре Мальдини Рома дублінде ойнап жүрген сәтінен бүгінге дейін киген Италия формасын кию үшін 1995 жылы Европа U-18 жасөспірімдер турниріне апарады. Тотти сол турнирде тамаша ойын көрсетіп, финалда бір гол соқса да Испаниядан 4-1 есебімен жеңіледі. Жеңілген командадан болса да мачтың адамы болып таңдалады.

Бір жылдан кейін ұлттық құрамамен баратын турнирі U-21 Европа чемпионаты болатын еді. Францияға соққан голымен командасын финалға шығарған Тоттидың және командасының қарсыласы баяғыдай: Испания еді. Финалда соққан голымен матчты пенальтилерге апарған және кубокты жеңіп алған Италияндарда Тотти тағы да кілт ойыншы еді. Карьерасындағы алғашғқы кубогын да осылай жеңіп алған еді.

Тоттидың карьерасындағы маңызды нүктелердің бірі: 1997 жылы Ромаға бапкер болып Зденек Земанның келуі еді. Қасқыр бапкер шабуылдайтын команда жасақтап, ол командада Тоттиге сенетінін айтады. Земан оның ойынды оқитын ақылын, стандартты доптарды ойнатуда шеберлігін, фантазиясын және жігерінің барын байқауы көп уақыт алмайды. Тотти де Земанның 4-3-3 форматына ыңғайланып, екі сезонда 30 гол соғады.



Олимпиада стадионында ойыншыға бұрын соңды болмаған бір махаббат сезілетін. Әр матчта ойыншыға баннер ашатын жанкүйерлер Тоттидың жасына да қарап «Кішкентай ханзада» деп лақат ат тағады. Ол да бұл лақап атқа лайық болып 1998-99 сезонының соңында Италияда ең жас ойыншы таңдалады және жасына қарамай команда капитаны болуға дейін көтеріледі. Жарақатына немесе жазасына байланысты шықпаған ойындарда кішкентай кезінде ағасы мен әкесімен бірге барып матч көретін оңтүстік трибунасына барып көретіндігі үшін Романың жанкйеүрелір оны трибунаның алаңдағы айнасы ретінде көретін. Бәрі білетін, 90 минут тоқтамай қолдайтын жанкүйер тобы бар болса, 90 минут алаңда жанын беріп ойнайтын ойыншысы: Тоттиі бар еді Романың.
Олар үшін Тотти болмаса, пати де жоқ еді. “No Totti No Party!” сөздері Тотти ойнамаған матчтарда айтылатын әдеттегі сөздер еді.

Трибунадан келген баланың алаңдағы әрекеттеріне де әсері болуы керек еді және солай болды. Романың ежелгі қарсыласы Лациомен ойналған бір ойыннан кейін «Сендерді тағы да жоқ қылдым» мағынасына келетін “Vi ho purgato ancora” жазуын формасының астынан жанкүйерлерге көрсетуі Рома жанкүйерлерінің Тоттиге деген махаббатын еселей түсті.



2000 жылы жылдың ең жас ойыншысы жүлдесін жеңіп алған соң Капеллоның бапкерлігінде «Италияда жыл футболшысы» жүлдесін жеңіп алады. Лиганы жақсы жерде бітіре алмаған Тоттидың ойында басқа нәрсе бар еді. Шақырылған бірақ бармаған 1998 әлем чемпионатының артынан келетін алғашқы жарыс: Euro 2000!



Белгия мен Голландия бірге ұйымдастырған турнирге баратын командаға аты алғаш болып жазылған Тоттидың ұлттық құрамадағы алғашқы тәжірибесі еді. Топтық ойындарда Белгияға, ширек финалда Румынияға, жартылай финалда Голлоандияға соққан голдарымен финалға шығуға көмектеседі Тотти. Финалда 1998 жылы үйінде чемпион болған франция бар еді қарсыларында. Матчтың соңғы минутына 1-0 алда кірген Италияда қосалқы ойыншылар құшақтасып тұрған, Италия халқын қуантуға дайын еді. Бартездің алға қарай асырған добын Сильвен Вильтор ұтымды пайдаланып, гол соғып матчта қосалқы тайм ойналатын болады. Тотти ол сәтті «Не болып жатқанын ойлап үлгергенімізше кубокты ұтылып қалған едік» деп айтады. Трезегенің алтын голымен Франция кубокты алып жатқанда, Тотти тағы да бір мәрте жеңілген құраманың сапында мачтың адамы таңдалады.
Ертесі күні Италиядағы бүкіл газеттер «Барлығы үшін рахмет, Тотти және достары» деп жазып, күміс медальдің иесін де атап айтқандай болады.

Клубының жаңа келісім-шартынан бөлек, Европаның бүкіл ірі клубтары оны қалады. Сары шашты ханзада ешқандай келісім-шартқа қарамады. Клубының да. Оның ойында Капеллоның «чемпиондық» мақсаты бар еді. Тотти және достары сол жылы тарих жазуды қалады. 75 ұпаймен Ювентусты өтіп барып, чемпион болғанда Тоттидың бұдан кейін жаңа лақап аты бар еді: Сары Құдай!

Жаңа келісім-шарттан кейін Италияның ең көп ақша табатын футболшысы болуы, оны медиа өкілдерімен арасын бұзды. Чемпиондықтың артынан нашар өткен сезоннан кейін 2002 Әлем чемпионатында Оңтүстік Корея матчында қызыл қағазбен алаңнан қуылған соң медиамен арасы тіптен нашарлады.

Euro 2004-те матч бойы зайыбын шығарған Даниялық Поульсенге түкіргені дәлелденген соң 3 матч жаза алады және Италия топтан шыға алмаған соң «ақымақ блондин» деп айтылады. Тотти бұл қиын күндерден үйленетін қызын тапқан кезінде құтылады. Италияның медиа әдемілерінен Илари Блазимен бір дискотекада танысады. Тотти «Ромада ойнаймын» дейді, қыз онымен әңгімені жалғастырғысы келмейді. Өйткені ол Лацион жанкүйері еді. Бірақ соңында Тоттидың сұлулығына ол да шыдай алмайды.
Кезекті Лацио матчында қақпаға гол соққан Тотти формасының астынан «Сен бірегейсің» мағынасына келетін «sei unica» жазуын көрсеткенде мұны барлығы үйлену ұсынысы деп ойлайды.



Бүкіл Романың және медианың алдында үйленді. Үйленген соң әр голдан соң бас бармағын ему қуанышы келді. Ол да нәресте туылатынының хабары еді.

2006 жылы әлем чемпионатының алдында Пеле сәуегейліктің шыңына шығады. «Кубокты Бразилия алса таң қалмаймын» бірақ турнирдың жұлдызы Тотти болады" дейді футболдың қара маржаны. Кубокты Италия драмалық түрде жеңеді, Тотти де турнирдегі перформансымен Адзурридың жұлдызы болады

Әлем чемпионатынан кейінгі сезонда да жанған Тотти 26 голмен карьерасында алғаш сұрмерген болады. 30 жасында келген бұл жүлде және жеңіп алған алтын бутсасы, өзі туралы «Карьерасы бітіп жатыр ма?» деп айтқандарға шапалақ болып тиді.



Алаңдағы және алаң сыртындағы әртүрлі оқиғалары бар Тоттидың ең есте қалатыны — 2010 жылында Балотеллиді тебуі еді. 9 жылдан кейін келетін чемпиондықтың соңғы сәтте кетіп қалуына себеп болған Лацияолық ойыншылардың өздерін қатты қинамай жеңіліп қалған Лацио-Интер матчынан кейін Рома Интерге қонаққа барады.
Матчтың соңғы минуттарына Интер алда кірген Интер командасының ерке баласы Балотеллиге бүкіл күшімен қатты тебеді де Тотти төрешіге де қарамай киім ауыстыратын бөлмеге беттейді. Осылайша өткен апта болған матчтың ақысын алғандай болады. Осы соққыдан кейін Кройфтың «Италияда кедей балалар үшін екі мамандық бар: футболшы боласың немесе қасап боласың. Футболшылардың көбісі қасап» сөзін еске салған Лацио мен Интердің жанкүйерлері Тоттиды жек көре бастайды. Ал Рома жанкүйерлері Тоттиге ырза еді. Өйткені Балотеллиді тепкен трибунадағы Тотти еді, алаңдағы емес!

Қаланы құрған ағайынды Ромул и Ремнен кейін Тотти — Рим қаласы үшін маңызды тұлға.
Қырыққа келмей жатып 25 жыл Рома үшін тер төккен Тотти карьерасын аяқтар кезде былай дейді: «Сізді трибунада көремін және мені тамашалап отырғаныңызды сеземін. Сізге кім екенімді 90 минутта айта алмаймын бірақ жүрегіммен толы 90 минут бере аламын. Футболшы ретінде бүкіл карьерамды сіздерге арнадым. Сіздерге алғыс айтамын. Маған ең таза сыйлықты бердіңіздер: Шайқасуды жалғастыру күші»

Рим Олимпиада стадионы жығылады ма белгісіз бірақ Тотти секілді аңызды көргендер алдағы уақытта айтатын дүниелері болуы мүмкін.

Бонус: Тоттидың Ромадағы соңғы ойынынан қысқаша видеоролик

Сағынып қалыппын. Ән сұрап кеу-кеулеген көрерменді, «Бері әкел домбыраны»,- деп ортаға ұмтылған өнерпазды, жастығы есіне түскен қарияны, таңырқай қараған бөбекті, бәрін сағыныппын. Бүгін құмарымыз қанды. 2017-нің жазындағы алғашқы Домбыра Party рахатқа бөледі де тастады.

Алматы патиларын ұйымдастырып жүрген Сағыныш деген қарындасқа сырттай ырза болушы едік, бүгін өзімен танысып, өнеріне куә болып, қол соқтық. Бір емес бес өлең айтқан еді, видеоға дұрыс жазылғаны осы ғана екен.



Домбыра патидің маған ең ерекше ұнайтын тұсы — өнері бар адамның қарап тұра алмайтыны. Басында қысылса да, қызды-қыздымен күтпеген адамдар сайрап кетіп жатады. Бүгін Асқар деген ағамыз суырылып шықты.



Домбыра тарта алмаса да ән айтқысы келген көрермен көп болды. Бір-екеуін мен сүймелдеген болдым, қалғаны домбырасыз-ақ шырқап жатты. Тағы бір қызық — осы сайттың қолданушысы, Домбыра Party идеясына мұрындық болған жігіттердің бірі Aldeken -нің ұлдары өнер көрсетті. Кішісі Аронға тамсанып тұра беріппіз, ал Ахметті әйтеуір суретке түсіріп үлгердік.



Қуырдақтың көкесі әдеттегідей пати аяқталар тұста келді. Түрлеріне қарасаң, аузынан ана сүті кетпеген титімдей ғана үш бозбала келе қалды. Сен тұр, мен атайын деген мыңболғырлар екен. Ортаны әбден қыздырды. Ақылтай, Елнұр, Құштар есімді үшеу «Шабыт» колледжінің бірінші курсында оқып жатыр екен. Көп ән айтып еді, камераға ілінгені мыналар ғана.









Шабыт колледжінің студенттерімен қимай қоштасып жатқанда Шабыт университетінің студенттері келе қалмасы бар ма. Бұл жігіттер күйдің шебері екен.









Мереке мен Бақытжанның күйінен алған эйфориямен қайта қойғанды жөн көрдік. Бірақ бұл биылғы патилардың басы екенін ұмытпаңыз. Енді әр бейсенбі, сағат сегізде, Нұржол бульварында кездесеміз

хабарсыз кеткеніне қарағанда шетелге қашып кеткен-ау деп ойладым. Шенген алған еді. Бірақ, үлгермепті. шақырып алып, сол жерде-ақ қолын қайырып, темір тордың ар жағына лақтырыпты. 2-3 апта қорқытып,қысым жасап, соңында Кеннедидің өлімін де, Шымкент сырасы патшасының да қылмысында мойнына алуға дайын болғанын айтып, тезірек істі сотқа жіберуді сұрапты. сұрамапты, жалыныпты… Олар істі қарағанша том-том кітаптар оқып, руының тарихына көз жүгіртіп, Есенберлинді таныпты, Бауыржан Момышұлының естеліктеріне көз жүгіртіпті, қазақ әдебиетінің де қызықты екеніне таң қалыпты. Кіші жүз екен, енді білдім) Өмірдегі ең үлкен бақыт әйелін кешке жұмыстан келіп құшақтау, балаларын сүю екеніне көзі жетіпті. Сақалдылармен мемлекет неге жауласып жатқанын енді түсініпті, себебі камерада 92 жылғы салаф отырыпты. Миындағы «дін» деген құрттың түбіне жетпей қоймайтынын білсе де, соқыр сенімнен ешкімнің құтқара алмайтынын мақтана айтқанын көріп, олардан құтылудың амалы жоқ екенін айтып қынжылды. аяды әлгі жігітті… түрмеден тірі шықпайтынын да біледі. Бірақ Түркияға кетсе, жұмақ басталатынына сенімді екен дейді. 4 ай абақты мұншама тамыры орыс болып кеткен адамның санасын 180 градусқа бұрағанына таң қалдым. Қасқырдың аузы жесе де қан, жемесе де қан деген осы жігітке айтылғандай… тендерді жабу үшін әкімнің қалтасына басқан ақшаны өз мойнына алып, сотталып кетті. әкім жәй ғана жұмыстан кетті, бірақ бизнесі мен жеке жерлері бар губернатордың мұртын балта шаппайды. ал, ол 4 жыл бойы параның азабын тартады… #өкініш #тупаясистема #көзжұмақарау #аузықисықтарзаманы #Қазақстан

Сəлем қымбаттым. Сізді де желі жалықтырып, «достарыңыз» түңілдіре бастады ма? Иə, лайктың қадірі қашып, лентаңыздан қызық кетіп, комменттің де мағынасы қалмаған сияқты. Бастапқыда көзге шалынған ақымақтарды анфоллоу жасап жол таптым. Өзімше ақыл айтып сақтандырмақ та болдым. Бірақ «желіалаңдық вирусы» біраз аккаунтты шалыпты. Бұл вирус лайкпен, шейрмен тарайды екен. Тіпті вирусты бір емес бірнеше рет жұқтыруға болады. Жұққан сайын науқастың жағдайы нашарлап ем-домға келмейді деседі. Реал өмірді ұмытып есі тек желіге алаңдаулы. Өмірінің бар мұраты, функциясы тек желіге өтеді. Тек желі аясында жүзеге асады. Қазақы дəстүрлер, діни ритуалдар, мемлекеттік бағдарламалар, достық ишаралар, жұбайлық міндеттер де желіде жүзеге асырыла беретін болыпты. Өкініштісі біраз жақындарым да эпидемия құрбаны болған сияқты. Əлде тек симптомдары ма. Білмеймін қай кезде қалжың, қай кезде шын екенін. Смайлдар фактчекингі тренингіне бару керек еді… Кейде эпидемияның ошағынан сілтемелермен бөлісіп отырады. Содан соң лайк басуға қорқасың. Баспасаң бəлелер аңдып отырады. Оффлайнда да өмір бар дегендей. Кейде бар ғой, сізден де сезіктеніп қалам
Жартаста жалғыз отыру қызықсыз, бейадекваттармен қауіпті. Қайтпек керек?
Құрметпен Б.