You are here - Вы находитесь здесь - Сізде бұл жерде болыңыз

Алматы қаласындағы жаңа үлгіде жасалған аялдамаларда ілулі тұрған картадағы тұрған орныңызды көрсететін белгінің тұсындағы жазулар мынадай:
You are here — Вы находитесь здесь — Сізде бұл жерде болыңыз

Аудармасын сәтсіз дегеннен гөрі сауатсыз адамның аудармасы дер едім. Егер аударған адам сауатты болса, бұндай өрескел қателікті жібермес еді.
Әрі қарай

Қазақ тілін "Қазақстан Теміржолы"-нша қорлау

"Қазақстан Теміржолы" қазақ тілін қорлап жатыр. Тәуілсіздігін алғанына 20 жыл толса да мемлекеттік тілін осындай сорлы халде ұстап отырған ел бар ма әлем де?!
Құдайға шүкір, қазір еліміздегі теміржол станцияларының 90-95 пайызының қазақша атауы бар. Солай бола тұра орысша жазылғанымен қоймай құлаққа жағымсыз қалыпта жазуға не түрткі?!

Отансүйгіштік «Нұр Отан» мен «Жас Отанның» логотипі бейнеленген кепка мен футболканы кию емес, ана тіліңді, өмір сүріп отырған еліңнің тілін құрметтеуден басталмайды ма екен.
Әрі қарай

ҚР Мәдениет және ақпарат министрлігі жоқ қой қазір, журиктер!

Газет шығарушылардың көбісін топас десең, журналистерге тиеді. Ұрлық жасайтындарын шетке ысырып қойып, газеттерінің төлқұжатын дұрыс толтыра алмайтындарға тисейік енді.

Шымкентте не көп, арзанқол газет көп. Барлығы дерлік қазақ тілінде жарық көреді. Қазақтілді газеттердің сорлы халін көріп, "қазақ тілі газет шығару саласында да дамымай жатыр екен" деуден басқа ауызға сөз түспейді. Жазатындары 5-6 сөйлемнен аспайтын шимай, көбінесе. Онысымен қоймай, «тұщымды мақалаларды Интернеттен алып жариялап отырамыз» деп қояды арасында. Оны қойшы…

Әр газеттің тиісті министрлікте тіркелгендігін растайтын тіркеу куілігі болады. Газеттің төлқұжатында тіркеу куәлігін берген министрліктің немесе сол министрлікке қарасты басқарманың (немесе комитеттің) аты жазылады. Бұл — адамның төлқұжатында берген мекеменің аты жазылғандай жағдаймен пара-пара.

Мынаған қараңыздар.
Әрі қарай

Кімнен кім ұрлады?

Интернет ақтарып отырып, Қазақстан мен Қырғызстан тәуелсіздігінің 20 жылдығына арналған таңбаларының ұқсастығы туралы оқып қалдым. Кімнен кім ұрлады деген сұрақ бәрінде. Шынында да ұқсас екен.
Түпнұсқа Тудейде, мен мұннан оқыдым ttp://news.mail.ru/inworld/kyrgyzstan/society/6639062/
Әрі қарай

Парадқа дайындық қалай?









Бүгін Тәуелсіздік сарайы алдында 30 тамыз күні өтетін әскери парадтың алғашқы дайындығы туралы қысқаша репортаж жасауға барғанмын. Дайындық жақсы өтіп жатыр. Парадқа 2000-нан аса әскери қызметші мен 200-ден астам әскери техника жұмылдырылғалы жатыр. 25 шілдеден басталған дайындықтың жақсы екені алаңдағы саптық шеруде айқын көрінді. Астана маңындағы Қырқыншы станция жақта далалық лагерьде 172 палатка тігілген. Оның ішінде 9 шаруашылық пункт тамақтандыруға арналса, әскерлерді жуындыру үшін 6 далалық монша үздіксіз жұмыс істеп тұр. Оған қоса бір мезетте 82 адам жуына алатын душ та іске қосылған. Әскери мамандар керек-жарағын алу үшін далалық дүкен жұмыс істеп тұр. Медициналық пункт бар. Әскери қызметшілерді аспен қамтамасыз ету жауапкершілігін «Нұр ислам» фирмасы өз мойнына алыпты. Сенбі, жексенбі күндері әскерилерді Астананы аралатып, Алжир музейіне апарған. Биыл парадқа жаңадан төрт қорап қосылған. Былтыр әйелдер «коробкасы» біреу болса, биыл екі «коробка» қыздар сапта жүріп өтпек. Сосын теңіз шекарашылары, тау атқыштар бригадасы келген.
Парад-2011 лагерь жиынының бастығының орынбасары подполковник Ринат Ахметов парадты жыл сайын өткен дұрыс дейді. «Себебі, Астаналықтар мен қонақтардың бәрі түгел келіп көреді деп ойламаймын, былтыр келіп көре алмағандары биыл келіп көреді. Қарулы Күштерді, әскери техникамызды өз көзімен көргені дұрыс. Ол Отансүйгіштік пен патриотизмге тәрбиелейді», — дейді.
Суреттерді өзім түсірдім.
Әрі қарай

Жұмадағы жүздесу

Өткен жұма күні Маржанның ұйымдастыруымен "Қиял әлемінде" кездестік. Новичок болғандықтан көп блог блоггерді танымайтін болғандықтан сол күні біразымен таныссам ба деп ойлап едім. Өкінішке орай, небәрі 6 адам ғана болдық: @madlen, @zere, @huanish, @patick, @zilola және мен. @ushkin келіп кетіп қалды. Бірақ көп адам болмасақ та көп адамның айтуына татитындай әңгімелестік деп ойлаймын.
Әрі қарай

Жұмысқа орналасу

Мектепті бітіріп қалаға алғаш келген кезіміз болатын.Достарымызбен бір құрылыс компаниясына жұмыс істеуге сөйлестік.«Жарайды разноробочи болып істейсіңдер өтініш жазып өткізіңдер»-деді.Өтінішті орысша жазу керек екен осыған келгенде бәріміз қиналыңқырап қалдық.Арамызда бізге қарағанда орысшасы тәуірірек деп жүрген Еркін деген досымыздың жазған өтінішін бәріміз көшіріп жатқанбыз.Сөйтсек әлгі орысшасы тәуір деп жүрген досымыз«Прощу вас принят меня на роботу в качестве однорозового робочего» деп қойыпты.Әлгіні оқып алып бәріміз жақсылап бір күліп алған едік.
Әрі қарай

Ұятсыз педиатр немесе өмірде жоқ адам былайша мақала жазады

«Ана мен бала» сайтында жарияланған "Итарбаның (ходунок) пайдасы мен зияны" атты мақаланы ұрлап, «Балбөбек-ай» журналында ұрлап басушылар мақаланы аздап өзгертіп, көптеген сөйлемдерін сол қалпында жариялаған. Онысын қойшы… ұрлаған мақалаларының астына қайдан алынғаны белгісіз бір педиатрдың аты-жөнін жазып қойыпты. Сонда оны жазған адам мен оны сайтымызға шығарған біз ақымақ екенбіз, ал дайын мақалаға иелік етіп, өмірде бар-жоғы белгісіз бір адамның атын жазып қойған журналистсымақтар ақылды екен.

Әрі қарай