Генамыз кезекті жеңісімен барша қазақ елін тағы да бір қуантты… Оның бұл жолғы қарсыласы 36 кездесу өткізіп, барлығында жеңіске жеткен британдық Келл Брук есімді азамат болды. Алдымен Брук туралы айтатын болсам, мен бұл жігіттің ержүректілігіне риза болдым, себебі, Головкинге қарағанда салмағы жеңіл дәрежеде өнер көрсетеді, соған қарамастан Генамызға қарсы тұрып, əлемді таң қалдырды. Мен Головкиннің қарсыласы Брук болады дегенде, уайымдамай, Гена құлатады ғой деп жүрдім, бірақ кездесуге санаулы күндер қалғанда бір журналист, «Головкиннің мұндай түрін бұрын соңды көрмеппін, Головкин өте шаршаңқы көрінді», тіпті сырқаттанып қалыпты деген сыбыста шыққан болатын. Ол сөзге де сенбедім, бірақ салмақ өлшеу рәсімінде Генаның түрін көріп бойымды үрей билей бастады. Головкин осы уақытқа дейін жинаған бар чемпиондық белбеулерін қойып, тәуекелге басын тіккен еді. Қорықтық… Бірақ Гена барлық қорқынышымызды сейілтіп, жеңіске жетті. Сараптама жасап өтетін болсам…
1-раунд: толықтай Геннадидің пайдасында деп ойлаймын, өзінің əдетімен 1- нөмір болып жұмыс істеді, тіпті Брукты бір соққысымен есеңгіретіпте алды.
2-раунд: бұл раундты да жерлесімізге берер едім, жойқын соққыларын қарсыласына сауатты дарыта білді.
3-раунд: Головкин бұл раундты Брукқа əдейі берген сияқты, қарсыласын сезіну үшін соққылар жіберіп, тактикалық қулық деп түсіндім.
4-раунд: Геннадий моторын осы раундта қосып, британдық боксшыны өз жанкүйерлерінің алдында сабай бастады,(кездесу Келл Бруктың туған елі Ұлыбритания жерінде өткен болатын) Брук осы раундта рингтің бесінші бұрышын іздеп, əбден таяқ жеді.
5-раунд: Ақ орамал лақтырылып британдықтар Генамыздың мықтылығын мойындаған раунд болды. ЖЕҢІС… 23 мыңдық аренаға тəкаппар ағылшын жұртын жиып қойып қазақ əнұранын тыңдатқыздың, біз сені мақтан тұтамыз. Рақмет саған ГЕНА! Енді келесі жекпе-жегін асыға күтейік ағайын. Альварес болса екен… Жеңісті күндеріміз көп болсын!

Көптен бері мазалап жүрген бір мәселе бар еді, соны қозғап жіберсем. Бұл мәселені негізі қозғалмай келе жатқан мәселе деп айтуға болмайды. Көгілдір экран көрермендерінің көңілін аулау үшін көрсетілетін «Пендеміз ғой», «Әйел бақыты », «Ашығын айтқанда» сынды не түрлі ток шоуларда, сарапшылар мен психолог мамандар қолдарын ары бері сермеп, айтысатын тақырыптарды бірі… Ол қыздардың тұрмыс құруы, не болмаса әжемнің үйге киетін тәпішкесіндей жалпақ қазақ тілмен айтатын болсақ, байға тию болмақ....Әрине бұл менің екі жыл бұрын барахолкадан алған джинсы шалбарым секілді тізесі шығып кеткен тақырып екенін білемін. Дегенмен мен осы айтылып айтылып жауыр болған тақырыпқа өз ойымды білдірсем, басқалардың ойын тыңдасам деген ниетпен жаздым.Байға тиюді осы өмірдің ең үлкен жетістігі деп санайтын нәзік жандылар әсіресе қазақтар арасында жетіп артылады. Өйткені қазақ отбасында тәрбиеленген қыз бала міндетті түрде «Қыз мұраты-кету», «Қыз өз үйінде қонақ» деген идеологияны жастайынан санасына сіңіріп өседі. Содан бой жеткен шағында тұрмыс құру оның мойнына болат құрсау болып киіледі. Ол енді өз теңін іздеп, қалайда күйеуге тиюдің амалдарын қарастырады. Әрине ,әйтпесе ертең ел жұрт не дейді? Бәленшенің қызы байсыз қалыпты дегенді естігенше тірідей өлген артық емеспе? Солай ғой? Өз өзіне сенімді, батылдаулары үстіне бар жақсысын іліп, түнгі клубтарды жағалайды. Ал енді сәл пәл қарапайым, ұялшақтары құрбы құрдастары арқылы немесе тіпті торап арқылы да «бақыттарын» табуға тырысады.Содан өмір бойы сол «бақытының» қас қабағына қарап, отымен кіріп, күлімен шығып, онсыз да қамшының сабындай қысқа өмірін жаттың жағдайын жасаумен өткізеді. Қыздардың басым бөлігі үшін шынайы бақыт осы екеніне күмәнім жоқ. Өйткені олар оны махаббат деп біледі. Бекболат Тілеухан ағамыздың сөзімен айтатын болсақ «Махаббат деген оттаған». Махаббат деген құбылыстың мерзімі екі үш жылдан аспайтынын психологтар әлдеқашан дәлелдеп қойған.Содан кейін оған «бір біріне үйреніп қалғаннан кейін» немесе «балалар үшін » деген айдар тағылып, ол жай ғана екі адамның бір үйдегі тұрмысына айналады.
Қазақ қоғамы қашан да әйелдерді еркектерден төмен қойып келген. Қазақ халқының салт дәстүрі, адамның жеке басының бостандығына қол сұғады. Яғни қыз бала қалағанынша өмір сүрудің орнына міндетті түрде тұрмыс құруға мәжбүр. Өйткені ертеңгі күні өзіне де, әке шешесіне де сөз тиеді.Басты фобия осы. Еуропа демей ақ көрші ресейдің қоғамына қарасақ, бәлен жасқа дейін тұрмысқа шығуың керек деп қыздарды қыспаққа алып жатқан ешкім жоқ. Ол жақтың қыздары өз бетінше еркін өмір сүреді. Ешкімге тәуелді емес, өзін өзі күтеді, сүйікті ісімен айналысады.Байың жоқ деп мүсіркей қарап, не табалап жатқан жан баласы жоқ. Себебі ол қыздың өз таңдауы. Ал айналасындағылар оған түсіністік танытады. Қазір маған «Онда неге Ресейге барып тұрмайсың » деушілердің де табылып қалатынын ішім сезіп отыр. Бірақ мен Қазақстанды,қазақ халқын жақсы көремін, және өз елімде өз қалауымша өмір сүргім келеді.Бірақ бұл жақта қыз боп туылсаң қиын.
Жақында Орал- Алматы жүрдек пойызында орыс әйелмен әңгімелесіп бардым.Оның әңгімесінен күйеуімен ажырасып кеткеніне көп жыл болғанын түсіндім.Ажырасу себебін сұрағанда, күйеуінің өзіне қол көтергенін айтты. Сол оқиғадан кеиін сезімі су сепкендей басылып, әлгі адамның бірнеше мәрте жалынып, кешірім сұрағанына қарамастан, кетіп қалыпты.Мен оған қазақ қыздар болса кешіріп, жүре беруші еді дедім.Өйткені біздің қаракөздер, «байдан қайтып келген» деген сөзден өлердей қорқады.Ал ол қорқыныштарын «жарыма деген құрмет » деген сөзбен әдемілеп жасырып қояды.Үлкендер қыз балаға бата берген кезде «Арқа сүйер азаматың болсын» деп жатады. Кешіріңіздер, бірақ қазір «азаматсыз» қыздың арқасы құлай қалатындай заман емес. Жігіттердің қолынан келетін нәрселердің барлығын дерлік қыздар меңгеріп алды. Машина жүргізу, пойыз, ұшақ жүргізу, керек десеңіз ерлермен тең дәрежеде автомат асынып, әскер қатарында жүрген нәзік жандылар да аз емес. Сондықтан қазіргі заманда еркекке иек артпай ақ өмір сүруге әбден болады.
Жақында Зейнеп Ахметованың «Шуақты күндер » атты естелігін оқыдым. Ол кісінің жары, халық қаһарманы Бауыржан Момышұлының баласы Бақытжан оны үнемі әзілге қосып, кекетіп отыратын көрінеді. Бір күні қонаққа Бақытжан ағаның жолдасы жұбайын ерте келіпті.Бақытжан ағаның әдеттегідей әйелін мұқатып отырғанын көрген досының өркөкіректеу әйелі «Ужас как она терпит ?!»десе Бақытжан аға «Ол үшін Зейнеп болу керек » деп кеңкілдеп күліпті. Жалпы «Шуақты күндерді» оқи отырып өзімнің де келін болғым келіп кетті.Зейнеп ападай келін болу әрбір қазақ қызының қолынан келері анық. Оған тек бір нәрсе Бақытжан ағадай күйеу керек екенін түсіндім. Бақытжан аға Зейнеп апаны қанша мазақ қылса да оның бәрі құрмет пен сыйластықтан екенін түсіндіріп айтып, әйелін әрқашан қадірлеген.Көпке топырақ шашқаным емес алайда қазақ жігіттерінің көбі ұсақталып бара жатқан секілді.Жоғарыда айтқандай қазақ қоғамында еркектер әйелдерді өздерінен төмен санайды. Cөйте тұра «Жақсы әйел ерінің басын төрге сүйрейді, жаман әйел көрге сүйрейді», «Ақылды әйел күйеуін патша етіп, өзі патшаның әйелі болып жүреді ақылсыз әйел күйеуін құл етіп өзі құлдың әйелі боп жүреді», «Еркекті адам қылатын да, надан қылатын да әйел » деп бар жауапкершілікті әйелдің нәзік иығына арта салады. Сонда әйел босаға аттағаннан кейін үй тірлігін істеп, бала тапқанымен қоса күйеуін де адам қылу керек екен. Ал әйелдің жағдайын кім ойлайды сонда? Сөз болады деп не төркініне айта алмайтын ол әйел ақыры өз ішінен тынып, шаршап, қартайып кетеді. Қазақ әйелдерінің бетіне әжім тез түсіп басқа ұлт әйелдеріне қарағанда кәрі көрінуінің басты себебі осы.
Енді сіздерге тағы бір мысал келтірейін, жақында интернет желісінде бір жігіт маған достығын ұсынды. Өзім интернет арқылы таныса бермейтін болғасын қабылдамадым.Тағы жіберді. Бұл жолы қабылдадым. Сөйлесіп кеттік. Әңгіме барысында әскери екенін, шекарада жұмыс істейтінін айтып нөмірімді де сұрап алды. Содан не керек әлгі сабаз күнде кешке звондайтын әдет тапты. Бірақ әңгімесі түзу секілді көрінді.Бір күні әңгімеміздің тақырыбы қыздар мен жігіттер жайында болып кетті. Ол маған қазіргі қазақ қыздары неге шетелдіктерге тұрмысқа шығады деді. Мен оған өйткені сендер шетелдіктер сияқты қазақ қыздарын сыйлау білмейсіңдер, көңілін таба алмайсыңдар дедім. Сендер қыздарды өздеріңнен төмен санайсыңдар,қалай болса солай қарым қатынас жасайсыңдар дедім.Екеуміз біраз тайталасып ақыры әңгіме менің ренішіммен аяқталды.Екі үш күннен кейін тағы звондап кешірім сұрады.Арада он күндей уақыт өтті.Менің үйдегі демалысым тамамдалып Алматыға қайтпақшы болдым. Ол да Алматыға жақын бір елді мекенде тұрады екен.Кездесейік деді. Жарайды деп Алматыға қашан түсетінімді, әпкемнің үйінде болатынымды айттым. Ол болса «әпкеңнің үйін қайтесің, екеуміз квартира жалдайық » деееп тұр. Осыған деиін жөні түзу деп жүрген жігіттің сондай сөзіне қалай ашуың келмесін. «Жоқ мен сенімен ешқайда бармаймын бұдан кеиін хабарласушы болма»дедім.Сөйттім де нөмірін желідегі парақшасын бәрін өшіріп тастадым. Телефонын көтермеген маған «Саған не болды неге сөйлескің келмей қалды » деп жазып жіберіпті.Мен болсам «Сенің квартира деген әңгімеңнен қай есі дұрыс қыз сенінмен сөйлеседі »дедім.Ол «Мен тек қана сенің маған арнап тамақ жасағаныңды қалап едім, ойың таяз екен, соны ғана ойлауға ақылың жетті ма» деп кінәні маған аударып өзі судан таза сүттен ақ болып шыға келді. «Ешкімге жамандық тілемеп едім, қыз керек болса мына жақтан ақшаға жалдайтын едім ғой» деп аяқ астынан мүләйім бола қалды. Ашуым келіп «Саған керек қыздар Сайна мен Сейфулина да көп. Сәттілік. Құдай қыздарды сендей адамдардан сақтасын!»деп жазып жібердім.
Ия осындай жігіттердің ертең біреуге жар болып, біреуге әке болатынын ойласам денем түршігіп кетеді. Сонда Қазақстанның болашағы осындай өзімшіл, надан жігіттердің қолында ма? Олай емес екендігіне сенгім келеді…
Тоқсан ауыз сөздің тобықтай түйіні, мен шынымен де тұрмыс құрғым келмейді. Және де тұрмыс құру өмірдің мәні деген стереотипті пікірмен келіспеймін.Жо жоқ бұған себеп жігіттердің осалдығы немесе жақсы жігіт таба алмаймын ау деген қорқыныш емес.Жасым жиырма төртке енді келді.Әлі де жақсы жігіттер жолығады білемін.Жай ғана мен өз өмірімді өз қалауымша өмір сүргім келеді. Әлем тілдерін үйреніп, саяхаттап, әке шешеме көмектесіп, өзіме ұнайтын іспен айналысқым келеді. Өзім үшін өмір сүргім келеді. Және де тұрмыс құру өмірдің мәні деген стереотипті пікірмен келіспеймін.Ал енді маған лақтыратын помидор мен жұмыртқаларыңды дайындай беріңдер.

Қанша жыл өтседе айфонның осы қателеігіне үйрене алмай-ақ қойдым, көрген сайын жыным келеді.
Кім қандай ақыл айтады, қалай бұл қателікті түзетуге болыда?

Ағылшын премьер лигасының төртінші туры аясында қос Манчестерлік клуб кездескен болатын. Бұл кездесу дербиден бөлек Моуриньо мен Гвардиола текетіресінің жаңа кезеңі. Жаңа маусымда дерби Гвардиоланың пайдасына аяқталды. Алайда бұл тек маусымның басы болғандықтан, чемпиондық атақ туралы ойлауға әлі ерте.
Ойын қонақтардың басымдығымен басталды. Кездесуді он бесінші минутында қорғаушылардың қателігін ұтымды пайдаланған Кевин Де Брейне есепті ашты. Қонақтар гол соққаннан кейін тоқтап қалмай, шабуылдарын үдете түсті. Соның нәтижесінде қақпа алдындағы қарбаласты 20 жасар Келечи Ихеаначо пайдаланып, есепті 2:0 ге жеткізді. Бірінші тайм аяқталуға үш минут қалғанда Златан Ибрагимович есеп айырмасын қысқартты. Екінші тайм барысында есеп өзгеріссіз қалды.
Осылайша, Англияда басталған алғашқы кездесу испаниялықтың пайдасына шешілді. Моуриньо шайқаста жеңілгенімен соғысты жеңуге барын салатыны айдан анық.

Елорданың іргесіндегі «Қазанат» атшабарында алғаш рет «Астана жұлдызы» республикалық турнирі өтті. Тәуелсіздіктің 25 жылдығына арналған дүбірлі доданы Астана қаласының әкімі Әсет Исекешев салтанатты түрде ашты.

Ұлттық спорт түрлерінен өткен турнирге еліміздің 14 облысынан және Астана мен Алматы қалаларынан командалар келді.

— Ұлттық спорт түрлері біздің терең тарихымыз бен мәдениетіміздің ажырамас бөлігі. Астана қаласының әкімдігі ұлттық спорт ойындарының жандануына, бұқаралық спортты дамытуға және салауатты өмір салтын қалыптастыруға үнемі қолдау көрсетіп келеді. Осы мақсатта жыл сайын қаламызда ұлттық ойындар мен жарыстар бойынша 200-ден аса іс-шара өткізілуде. Енді міне, тағы бір жобаны іске асырып отырмыз. Бүгінгі фестиваль дәстүрлі спорт ойындары мен ұлттық салт-дәстүрімізді жаңғыртқан, халыққа рух берген, Тәуелсіздік мерейтойына арналған керемет шара. Елорда әкімдігі алдағы уақытта да осындай жобаларды қолдап, ұлттық спорт түрлері мен салт-дәстүрлерімізді насихаттауға көңіл бөлетін болады. Елбасымыздың бастамасымен осы «Қазанат» атшабарында жалпы көпшілікті ұлттық спорт түрлеріне баулитын арнайы Орталық ашуды жоспарлап отырмыз.

Құдай қаласа, мұнда қарапайым халыққа атқа мінуді үйренуге, аударыспақ, асық ату, тоғызқұмалақ ойнауға және өзге де ұлттық спорт түрлерін үйренуге жағдай жасалады. Президентіміз 2020 жылға дейін халықтың 30 пайызын дене шынықтыру мен спортқа тарту туралы тапсырма бергенін білесіздер. Осы ретте, Астана қаласының әкімдігі алдағы екі жылда бұқаралық спортты дамыту мақсатында қала бойынша 22 спорт алаңын салуды жоспарлауда, — деді елорда басшысы Әсет Исекешев.

Ат шаптырым жерде халық алдымен теңге ілу сайысын тамашалады. Одан кейін Қыз қуу көптің көңілінен шықты. Ал білектілер Аударыспақта ат үстінде алысты. Үш күнге жалғасқан турнирде көкпаршылардың ішінен Астана құрамасы мен Ақмола облысының командасы финалда сынға түсті.

Думанды шара барысында «Қазанатқа» қазақ ауылы қонды. Мұнда 13 киіз үй тігіліп, жиналған жұртқа ұлттық тағамдардан дәм ұсынылды. Сондай-ақ жастар үшін алтыбақан құрылып, балалар асық ойнап, ләңгі тепті.

Сонымен, «Алтын жұлдызы» республикалық турнирінің бас жүлдесіне Астана әкімі Әсет Исекешев автокөлік тікті. Бұл жүлденің иегері орта қашықтықтағы жүйріктер бәйгесінде анықталды.

astana.gov.kz/kk/modules/material/11323

Астанада Тәуелсіздіктің 25 жылдығына орай алғаш рет өткен «Астана жұлдызы» республикалық турнирі өз мәресіне жетті. Елорда әкімі Әсет Исекешев тағайындаған бас жүлде автокөлікті Байторы сәйгүлігімен Алматы облысынан келген шабандоз Ержігіт Төлегенов иеленді.

«Қазанат» атшабарында өткен бұл турнирде орта қашықтықтағы бәйге 9 шақырымды қамтыды. 5 айналымға созылған бұл қашықтыққа 30 жүйрік шапты.

Байторы сәйгүлігінен соң мәреге екінші болып жеткен Жұматай Ақжол Триумп жүйрігімен 2-орынды, ал шабандоз Асқар Омаров Қыран атты тұлпарымен 3-орынды иеленді.

Сонымен қатар, Теңге ілу сайысында бойынша 1-орынды Берікқали Жақишев алды. Одан кейінгі жүлде – Әлихан Бәшімбаевқа, 3-орын Бақытжан Сапарбековке бұйырды.

Жамбы ату сайысына қатысушылар ат үстінде шауып келе жатып садақпен нысана көздеді. Бұл сайыста мергендігімен танылған Тілекқали Ізденбаев бәрінен үздік болды. 2-орынды Елдос Бадашев алса, 3-орынға Саят Қыстаубаев лайық болды.

Аударыспақта балуандар ат үстінде жүріп күш сынасты. Бұл сында 1-орынды Біржан Қосалиев иеленді. 2-орынның иегері Арман Сағымбаев, 3-орынның иегері Данияр Смайлов атанды.

Асау үйретуде Өмірбек Төлегенов 1-орын, Ерасыл Диханбаев 2-орын, Жанәділ Ғазизов 3-орын алды.

Ал көкпардың финалында Астана қаласының құрамасы мен Ақмола облысының командасы кездесіп, бас жүлдені сарапқа салды. Нәтижесінде астаналықтар қарсыластарын 6:0 есебімен жеңіп, 1-орын алды. 2-орынды Ақмола облысы, 3-орынды Қостанай облысы иеленді.

astana.gov.kz/kk/modules/material/11325

Бүгін, 10 қыркүйекте Астанада Б. Момышұлы даңғылындағы Оқушылар сарайының жанында Алматы облысының ауыл шаруашылық тауар өндірушілерінің жәрмеңкесі өтіп жатыр.
Алматы облысы ауыл шаруашылық басқармасының басшысы Сексенбай Бекішевтің айтуынша, аймақ өндірушілері жәрмеңкеге 160 млн теңгеден астам соманың 370 тонна өнімін әкелді.
— Қазақстан Республикасының 25 жылдығын мерекелеу аясында елордада Алматы облысының 16 ауданы мен үш қаласының 85 өндірушісінің қатысуымен ауыл шаруашылық жәрмеңкесі өтіп жатыр. Астаналықтар жәрмеңкеде жаңа піскен өнімдерді жалпықалалық деңгейден төмен бағамен сатып ала алады, — деді Астана әкімінің орынбасары Малика Бектұрова.
Шараға адамдар көптеп келіп жатыр. Алматы облысының шығармашылық ұжымдары өз өнерлерін ортаға салуда.
Оқушылар сарайының жанында өтіп жатқан Алматы облысының жәрмеңкесі 11 қыркүйекке дейін жалғасады.

astana.gov.kz/kk/modules/material/11322

Бүкіл әлем көз тіккен Олимпиада ойындары аяқталғаннан кейін кезек параолимпиада ойындарында. Ғаламшарымыздың түкпір-түпкірінен жиналатын ойындар- мүмкіндіктері шектеулі жандар үшін. Алайда, олардың тек мүмкіндіктері шектеулі деген аты ғана екеніне тарих куә. Шын мәнінде он екі мүшесі сау спортшылармен бәсекеге түсе алатынын сан мәрте дәлелдеген. Тағдыр тауқыметіне түссе де мойымаған жандарға қарап сүйсінесің!
Еліміз тәуелсіздік алғалы параолимпиадашылармыз төрт жылдықтың басты бәсекесінде бірде бір медаль олжалай алмай келген. 20 жыл күткен сәт келді. Сүйінші ағайын! бүгін Жүзу спорты бойынша 100 метрге еркін жүзу әдісінде Зульфия Габидуллина Қазақ елі үшін алғашқы жүлдемізді қоржынға салып отыр. Жүлде болғанда қандай десеңші шіркін! АЛТЫН. 49 жасар Жамбыл спортшысы тек чемпион атанып қоймай, әлем рекордын жаңартты. 6 жасында жол апатына ұшыраған Зульфия өмір бойына мүгедектен арбасына таңылған. Бірақ нағыз мінез танытып, тынбай еткен еңбегінің арқасында осындай жетістікке жетіп отыр.
Халықаралық дәрежедегі спорт шебері, алты дүркін әлем чемпионы, көптеген әлем рекодтарының иегері, 2014 жылғы Азия Пара ойындарының жеңімпазы жеткен жетістіктерімен тоқтап қалмай, кез- келген спортшы мансбындағы басты бәсеке ПараОлимпиада жеңімпазы атанып отыр. Өзінің айтуы бойынша: «Кішкентай күнімнен барлық жерде өзімді көрсетуге тырысатынмын, тағдырдың жазғанына көндігіп, спортқа өмірімді арнауды жөн көрдім. Біраз уақыттан соң нәтижелер де келе бастады. ТЕК АЛҒА! деген өмірлік ұстаныммен өзімді қамшылаған кездерім де болды» дейді Тараз қаласының тұрғыны.
Зульфия Габидуллинаның бұл жеңісі еліміздегі барлық мүмкіндіктері шектеулі жандар үшін серпіліс болатыны сөзсіз.

Reddit интернет-сервисінің floatyverve нигімен танымал қолданушысы
Құс жолы галактикасының
NASA Spitzer инфрақызыл телескопымен түсірілген 400 мың фотосуретінен 7 минуттық видео құрастырыпты.
Ол әрбір фотосуретті фоторедактор бағдарламаның көмегімен компьютерде өңдеп, саундтрек таңдап, монтаждап,
түрлі-түсті видероликке айналдырған. Осының бәріне 5 ай жұмсалыпты. 400 мың фотосуретті өңдеу дегеннің не екенін елестетіп отырған шығарсыз?

Видеоны қарап отырсаңыз, құдды бір Құс жолымен ұшып бара жатқандай әсерге бөленесіз.
Айтпақшы, видеоның 4k сападағы, салмағы 4,2 гигабайт болатын нұсқасын 2 долларға сатып алуыңызға болады.

Сондай күшті енді