Қыз бала үшін өмірдің мәні тек қана тұрмыс құру емес!

Көптен бері мазалап жүрген бір мәселе бар еді, соны қозғап жіберсем. Бұл мәселені негізі қозғалмай келе жатқан мәселе деп айтуға болмайды. Көгілдір экран көрермендерінің көңілін аулау үшін көрсетілетін «Пендеміз ғой», «Әйел бақыты », «Ашығын айтқанда» сынды не түрлі ток шоуларда, сарапшылар мен психолог мамандар қолдарын ары бері сермеп, айтысатын тақырыптарды бірі… Ол қыздардың тұрмыс құруы, не болмаса әжемнің үйге киетін тәпішкесіндей жалпақ қазақ тілмен айтатын болсақ, байға тию болмақ....Әрине бұл менің екі жыл бұрын барахолкадан алған джинсы шалбарым секілді тізесі шығып кеткен тақырып екенін білемін. Дегенмен мен осы айтылып айтылып жауыр болған тақырыпқа өз ойымды білдірсем, басқалардың ойын тыңдасам деген ниетпен жаздым.Байға тиюді осы өмірдің ең үлкен жетістігі деп санайтын нәзік жандылар әсіресе қазақтар арасында жетіп артылады. Өйткені қазақ отбасында тәрбиеленген қыз бала міндетті түрде «Қыз мұраты-кету», «Қыз өз үйінде қонақ» деген идеологияны жастайынан санасына сіңіріп өседі. Содан бой жеткен шағында тұрмыс құру оның мойнына болат құрсау болып киіледі. Ол енді өз теңін іздеп, қалайда күйеуге тиюдің амалдарын қарастырады. Әрине ,әйтпесе ертең ел жұрт не дейді? Бәленшенің қызы байсыз қалыпты дегенді естігенше тірідей өлген артық емеспе? Солай ғой? Өз өзіне сенімді, батылдаулары үстіне бар жақсысын іліп, түнгі клубтарды жағалайды. Ал енді сәл пәл қарапайым, ұялшақтары құрбы құрдастары арқылы немесе тіпті торап арқылы да «бақыттарын» табуға тырысады.Содан өмір бойы сол «бақытының» қас қабағына қарап, отымен кіріп, күлімен шығып, онсыз да қамшының сабындай қысқа өмірін жаттың жағдайын жасаумен өткізеді. Қыздардың басым бөлігі үшін шынайы бақыт осы екеніне күмәнім жоқ. Өйткені олар оны махаббат деп біледі. Бекболат Тілеухан ағамыздың сөзімен айтатын болсақ «Махаббат деген оттаған». Махаббат деген құбылыстың мерзімі екі үш жылдан аспайтынын психологтар әлдеқашан дәлелдеп қойған.Содан кейін оған «бір біріне үйреніп қалғаннан кейін» немесе «балалар үшін » деген айдар тағылып, ол жай ғана екі адамның бір үйдегі тұрмысына айналады.
Қазақ қоғамы қашан да әйелдерді еркектерден төмен қойып келген. Қазақ халқының салт дәстүрі, адамның жеке басының бостандығына қол сұғады. Яғни қыз бала қалағанынша өмір сүрудің орнына міндетті түрде тұрмыс құруға мәжбүр. Өйткені ертеңгі күні өзіне де, әке шешесіне де сөз тиеді.Басты фобия осы. Еуропа демей ақ көрші ресейдің қоғамына қарасақ, бәлен жасқа дейін тұрмысқа шығуың керек деп қыздарды қыспаққа алып жатқан ешкім жоқ. Ол жақтың қыздары өз бетінше еркін өмір сүреді. Ешкімге тәуелді емес, өзін өзі күтеді, сүйікті ісімен айналысады.Байың жоқ деп мүсіркей қарап, не табалап жатқан жан баласы жоқ. Себебі ол қыздың өз таңдауы. Ал айналасындағылар оған түсіністік танытады. Қазір маған «Онда неге Ресейге барып тұрмайсың » деушілердің де табылып қалатынын ішім сезіп отыр. Бірақ мен Қазақстанды,қазақ халқын жақсы көремін, және өз елімде өз қалауымша өмір сүргім келеді.Бірақ бұл жақта қыз боп туылсаң қиын.
Жақында Орал- Алматы жүрдек пойызында орыс әйелмен әңгімелесіп бардым.Оның әңгімесінен күйеуімен ажырасып кеткеніне көп жыл болғанын түсіндім.Ажырасу себебін сұрағанда, күйеуінің өзіне қол көтергенін айтты. Сол оқиғадан кеиін сезімі су сепкендей басылып, әлгі адамның бірнеше мәрте жалынып, кешірім сұрағанына қарамастан, кетіп қалыпты.Мен оған қазақ қыздар болса кешіріп, жүре беруші еді дедім.Өйткені біздің қаракөздер, «байдан қайтып келген» деген сөзден өлердей қорқады.Ал ол қорқыныштарын «жарыма деген құрмет » деген сөзбен әдемілеп жасырып қояды.Үлкендер қыз балаға бата берген кезде «Арқа сүйер азаматың болсын» деп жатады. Кешіріңіздер, бірақ қазір «азаматсыз» қыздың арқасы құлай қалатындай заман емес. Жігіттердің қолынан келетін нәрселердің барлығын дерлік қыздар меңгеріп алды. Машина жүргізу, пойыз, ұшақ жүргізу, керек десеңіз ерлермен тең дәрежеде автомат асынып, әскер қатарында жүрген нәзік жандылар да аз емес. Сондықтан қазіргі заманда еркекке иек артпай ақ өмір сүруге әбден болады.
Жақында Зейнеп Ахметованың «Шуақты күндер » атты естелігін оқыдым. Ол кісінің жары, халық қаһарманы Бауыржан Момышұлының баласы Бақытжан оны үнемі әзілге қосып, кекетіп отыратын көрінеді. Бір күні қонаққа Бақытжан ағаның жолдасы жұбайын ерте келіпті.Бақытжан ағаның әдеттегідей әйелін мұқатып отырғанын көрген досының өркөкіректеу әйелі «Ужас как она терпит ?!»десе Бақытжан аға «Ол үшін Зейнеп болу керек » деп кеңкілдеп күліпті. Жалпы «Шуақты күндерді» оқи отырып өзімнің де келін болғым келіп кетті.Зейнеп ападай келін болу әрбір қазақ қызының қолынан келері анық. Оған тек бір нәрсе Бақытжан ағадай күйеу керек екенін түсіндім. Бақытжан аға Зейнеп апаны қанша мазақ қылса да оның бәрі құрмет пен сыйластықтан екенін түсіндіріп айтып, әйелін әрқашан қадірлеген.Көпке топырақ шашқаным емес алайда қазақ жігіттерінің көбі ұсақталып бара жатқан секілді.Жоғарыда айтқандай қазақ қоғамында еркектер әйелдерді өздерінен төмен санайды. Cөйте тұра «Жақсы әйел ерінің басын төрге сүйрейді, жаман әйел көрге сүйрейді», «Ақылды әйел күйеуін патша етіп, өзі патшаның әйелі болып жүреді ақылсыз әйел күйеуін құл етіп өзі құлдың әйелі боп жүреді», «Еркекті адам қылатын да, надан қылатын да әйел » деп бар жауапкершілікті әйелдің нәзік иығына арта салады. Сонда әйел босаға аттағаннан кейін үй тірлігін істеп, бала тапқанымен қоса күйеуін де адам қылу керек екен. Ал әйелдің жағдайын кім ойлайды сонда? Сөз болады деп не төркініне айта алмайтын ол әйел ақыры өз ішінен тынып, шаршап, қартайып кетеді. Қазақ әйелдерінің бетіне әжім тез түсіп басқа ұлт әйелдеріне қарағанда кәрі көрінуінің басты себебі осы.
Енді сіздерге тағы бір мысал келтірейін, жақында интернет желісінде бір жігіт маған достығын ұсынды. Өзім интернет арқылы таныса бермейтін болғасын қабылдамадым.Тағы жіберді. Бұл жолы қабылдадым. Сөйлесіп кеттік. Әңгіме барысында әскери екенін, шекарада жұмыс істейтінін айтып нөмірімді де сұрап алды. Содан не керек әлгі сабаз күнде кешке звондайтын әдет тапты. Бірақ әңгімесі түзу секілді көрінді.Бір күні әңгімеміздің тақырыбы қыздар мен жігіттер жайында болып кетті. Ол маған қазіргі қазақ қыздары неге шетелдіктерге тұрмысқа шығады деді. Мен оған өйткені сендер шетелдіктер сияқты қазақ қыздарын сыйлау білмейсіңдер, көңілін таба алмайсыңдар дедім. Сендер қыздарды өздеріңнен төмен санайсыңдар,қалай болса солай қарым қатынас жасайсыңдар дедім.Екеуміз біраз тайталасып ақыры әңгіме менің ренішіммен аяқталды.Екі үш күннен кейін тағы звондап кешірім сұрады.Арада он күндей уақыт өтті.Менің үйдегі демалысым тамамдалып Алматыға қайтпақшы болдым. Ол да Алматыға жақын бір елді мекенде тұрады екен.Кездесейік деді. Жарайды деп Алматыға қашан түсетінімді, әпкемнің үйінде болатынымды айттым. Ол болса «әпкеңнің үйін қайтесің, екеуміз квартира жалдайық » деееп тұр. Осыған деиін жөні түзу деп жүрген жігіттің сондай сөзіне қалай ашуың келмесін. «Жоқ мен сенімен ешқайда бармаймын бұдан кеиін хабарласушы болма»дедім.Сөйттім де нөмірін желідегі парақшасын бәрін өшіріп тастадым. Телефонын көтермеген маған «Саған не болды неге сөйлескің келмей қалды » деп жазып жіберіпті.Мен болсам «Сенің квартира деген әңгімеңнен қай есі дұрыс қыз сенінмен сөйлеседі »дедім.Ол «Мен тек қана сенің маған арнап тамақ жасағаныңды қалап едім, ойың таяз екен, соны ғана ойлауға ақылың жетті ма» деп кінәні маған аударып өзі судан таза сүттен ақ болып шыға келді. «Ешкімге жамандық тілемеп едім, қыз керек болса мына жақтан ақшаға жалдайтын едім ғой» деп аяқ астынан мүләйім бола қалды. Ашуым келіп «Саған керек қыздар Сайна мен Сейфулина да көп. Сәттілік. Құдай қыздарды сендей адамдардан сақтасын!»деп жазып жібердім.
Ия осындай жігіттердің ертең біреуге жар болып, біреуге әке болатынын ойласам денем түршігіп кетеді. Сонда Қазақстанның болашағы осындай өзімшіл, надан жігіттердің қолында ма? Олай емес екендігіне сенгім келеді…
Тоқсан ауыз сөздің тобықтай түйіні, мен шынымен де тұрмыс құрғым келмейді. Және де тұрмыс құру өмірдің мәні деген стереотипті пікірмен келіспеймін.Жо жоқ бұған себеп жігіттердің осалдығы немесе жақсы жігіт таба алмаймын ау деген қорқыныш емес.Жасым жиырма төртке енді келді.Әлі де жақсы жігіттер жолығады білемін.Жай ғана мен өз өмірімді өз қалауымша өмір сүргім келеді. Әлем тілдерін үйреніп, саяхаттап, әке шешеме көмектесіп, өзіме ұнайтын іспен айналысқым келеді. Өзім үшін өмір сүргім келеді. Және де тұрмыс құру өмірдің мәні деген стереотипті пікірмен келіспеймін.Ал енді маған лақтыратын помидор мен жұмыртқаларыңды дайындай беріңдер.
Бөлісу:

39 пікір

ken
«Еуропа деп алысқа бармай-ақ қояйын, мына тұрған Ресейде қыз-жігіт қарым-қатынасы біздегідей емес, оларда рахат. Спокойно квартираға шақырасың, береді. Ал қазақ қыздары ортағасырлық түсінікпен өмір сүреді, бәлду-бәлду...» — деееп әлгі жігіт те бір жерде досына мұңын айтып отырған шығар, а?
melek
Ол да мүмкін, жалпы жігіт деген өзі біртүрлі жаратылыс қой, оларды жете түсінген адам жоқ әлемде.*lol**lol*
ken
Как выйти замуж; как вести себя девушке, чтобы выйти замуж; как быстро выйти замуж: советы от бывалых; хочу замуж; засиделась в девушках/девках/невестах: что делать?; хочу выйти замуж деген сияқты тақырыппен ашылған ресейлік сайттар, мақалалар көп өте екен. Тіпті никто не берет замуж; не берут замуж; почему не берут замуж?; каких девушек не берут т.б. дегендер де бар.
Сондықтан орыстарда бұл мәселе сіз ойлағандай емес.
melek
Мүмкін бірақ олардың көбісі күйеуге тиюді өзіне міндет қылып алмайды.
MERmukhanov
оқып шықтым. пікірім жоқ.
Rozatai
Өте қызық пікір екен, Мелек! 100 пайыз қосыламын не қарсы шығамын деп айта алмаймын. Бірақ, өз құрдастарымның арасында (сіз 91, мен 92) осындай "өзгеше" ойлардың иесі де бар екендігі қуантты. Елдің бәрі сияқты ойлану міндетті емес.
Gastarbaiter
«Елдің бәрі сияқты ОЙЛАНУ міндет емес»
Оныңыз рас. Кей адамдар тіпті осы функциясыз-ақ, тым жақсы өмір сүріп, адам санын көбейтіп жүр. -
MamaAya
Ия, жиі қозғалатын тақырып, алайда, әдемі жеткізіпсің.Дұрыс қой тию ккүйеуге, табиғат заңы дегендей. Бала сүю, ұрпақ тәрбиелеу ля-ля-ля… Алайда, күйеуге тиіп, өз пікірінен, ұстанымынан, талғамынан алжасыңырап қалған әйел ретінде айтатын болсам,)))) тиерде, тигенше тигеннен соң да тек «Ол»деген өлшеммен өлшеп бар нәрсені,,, «Оған ұнамайды, ол ренжиді, ол білуі тиіс» дген сияқты адалдық түріндегі подлизалықпен «Мен» деген өлшемді красиво өшіресің, қосақтасып қосағыңмен.)))) Сөйтіп, кейін өзің де, олда жалығады ондай адалдықтан, сен уже пікіріңді айтсаң, қарсы шыққан болып саналып, біраз уақыт өзіңді кінәлі сезінесің өзіңді.))))
Ал ажырасу мәселесіне келсек, ол әйелді "қайтып келген" сөзіінен де қатты мазалайтын себептер бар. Мысалы, миы ашып, жүйкесі жұқарған, «шуламаш, оқышы, айта бермеш!» деп отырваатын Мамадан, көңілі қалыпты, ешнәрсеге отказ жасамайтын, бодрый, мама ұрысқанда қорғайтын Папа артық екені белгілі. Оларды қалай айырасың? Оларды тастап кету мүмкін емес.
Әрі, сенің организміңді жыныстық өмірден қалай ажыратасың? Жан-жақта адам көп шығар ол қажеттлікті даром өтеп беретін, бірақ, қажеттілік жиі болса ше? Әркім өтеуге жол берсең, кім болғаның? Ешкімге тимеген, жап-жас қыздар күйеу таба алмай жүргенде қай бетіңмен күйеу іздейсің? Одан да, талай абысын айтқан, жеңге айтқан, скоро жеңесің! девизіне үміт етіп, өмірдің қуанышы мен қайғысын бірге как бы бөлісу ғой.)
Мен ажырасуға, немесе басқа ұлтқа тиюді қолдамас едім. Тек слишком оны бастарыңа шығармаңдар, алса алды, алмаса, ертерек оның мінезін білгеніңе қуан, скоро 1 подкаблучник кеп қалар?!)
melek
Ия сізбен де келісемін табиғат заңы, бала сүю ұрпақ тәрбиелеу дұрыс қой бәрі, бірақ шынымды айтсам өмірімді басқа біреуге арнағым келмейді, және де өлгенше біреуге тәуелді болып өткім келмейді. Одан да өзім үшін өмір сүргенім артық:):):)
assar
MamaAya жарайсың! Әр қыз-келіншек сіздей болсын. Кішкентай қыз балдар көрсең білдірмей аузына тпа деп жүріңізші.
esilerkesy
Қыз бала үшін өмірдің мәні не екен сонда :I
melek
Точно тұрмыс құру емес, тұрмыс құрмай ақ та мәнді өмір сүруге болады. Айналадағы адамдарға жақсылық істеп, қуаныш сыйлап, ел жерді көріп, жақсы адамдармен араласып, жақсы көрген іспен айналыссаң, еркекті де басқаны да ойлауға шамаң болмайды деп ойлаймын.:)
ken
Ал сексті қайтеді сонда? Қанша жерден мега-рухани болса да табиғат өзінікін талап етеді емес пе?
melek
сіздің айтып отырғаныңыз тән құмарлығынан яғни нәпсіден туатын нәрсе, нәпсіні кез келген адам өзін өзі руани жағынан тәрбиелей отырып жеңе алады.
ken
Сонда ол қыздың нәспімен күресуінің себебі неде?
melek
Қу нәпсінің қалауын қандыру үшін өмір біреудің қас қабағына қарап, айтқанына көніп айдауына жүріп, одан қалса ол біреудің туысқандарына жағымпазданып өткізген өмірдің керегі не?
Rozatai
Рухани жағынан тәрбиелей отырып деген қалай сонда?
RaymbekEgemberdiev
Діни көзқарас көріп тұрмын.
melek
Рухани жағынан деп тек дінге қатысты айтылмайды, әрине дін де бар, бірақ адам өзінің жан дүниесін басқалай жолмен де таза ұстауға болады, проза, поэзия оқып болмаса, үнемі жақсы нәрселерді ойлап, игі істер жасап, мұқтаж жандарға көмек қылып дегендей
ademi_alem
Адамдар жалғыздықтан қорқады, сол үшін жұп болып өмір сүргісі келеді. Дәм-тұзы жараспай, ажырасып кеткен жандардың өзі кейін өзге адаммен көңіл жарастырып, қайтадан отбасы құрғанын көріп жүрміз. Еркіндіктің, ешкімге тәуелді болмаудың қандай жақсы екенін сол дәм-тұзы жараспай ажырасып кеткен адамдардан артық ешкім білмес, бірақ олар соны біле тұра неге қайтадан жұп іздейді, неге қайтадан отбасы құруға талпынады деп ойлайсыз?
melek
ademi_alem Біреулер үшін жалғыздық біреулерге ол еркіндік қой
boztorgai
байға тиіп қойғандар қайтпек керек енді, ажырассын ба?:)
melek
boztorgai ешкімге ажырас деп жатқан жоқпын. Жалпы ешкімге тұрмыс құрма деп те жатқан жоқпын. Бұл постымның мақсаты байсыз да әжетәуір өмір сүруге болатынын дәлелдеу, осы арқылы тұрмыс құрмаған қыздарға деген көзқарасты өзгерту. Көп адамдар күйеуге тимеген қыздарды, алатын адам болмаған деп ойлайды, ол қыздың өзінің таңдауы екендігі туралы ой ешкімнің басына келмейді. Отырып қалған қыздарға қалыпсыз ретінде, аяп мүсіркеп қарайтын қазақ қоғамына ашуым келеді. Ну когда же вы наконец то поймете что остаться в девках это не трагедия. Ал байға тимесем өлем деген адамдар пажалыста бақыт тілеймін:p:p
MERmukhanov
Гүлжанар, не ғо, жігітің бар ма?
melek
Жеке өміріме қатысты сұрақтарға жауап бермеуге қақым бар:)
Gastarbaiter
«Кетнаху» деуге де хақыңыз бар негізі бейтаныс адамның бұндай сумаң сұрағына, бірақ маған да қызық болып тұр. Себебі, мақаланың саяси тұрғыда, яки идеяға адалдықтан емес, жеке мүдделіліктен туған-тумағанын анықтау тұрғысында бұл жайт біраз нәрсені ашып беретін секілді.

Бойына бала бітпейінше чайлдфри боп жүретіндерді білемін. Сондай-ақ, өзі балалы болғанша, баланың еркелігін жақтырмайтындарды да білемін.

Яғни, сондай сүрбойдақтықты өзінің жеке таңдауы етіп ойлау біраз адамға тыныштық сезімін ұялатады.
melek
Gastarbaiter қызық болса айтайын жігітім жоқ. Андрофобпын
Rozatai
Сенің арқаңда андрофоб деген қандай сөз екенін білдім
MamaAya
мен де :D:D:D:D*lol**lol**lol*
Дым білмейтініме таң қала берем, таң қала берем осы))
assar
Өзім үшін өмір сүргім келеді деген түсінік 40-жасқа дейін ғана өз күшін сақтайды. Жасы өтіп кеткен қыз айтып еді "құрбыларым 1-қыркүйек жақындағанда бала-шағасына киім кешек алып базар жағалап жүргендеріне қарап өзімнің босқа жүргенімді көріп жылаймын"-деп. Кейбір қыздар киеусіз өмірді қаламаса да солай болса кейбірі бағынышты болуды өмірдің тозағы санағаннан саналы түрде еркіндікті қалап өзі үшін өмір сүреді. Әр отпуск сайын дубай, түркия, еуропа аралап келетін кластас қыз бар. Олда сол өміріне риза емес. Амал жоқ ел көрмеген де басқа не қызық көрем деп өзін алдайды. Негізі от басылы болып киеуіңмен ми ашып жүргеннен артық еш қызық жоқ екенін кеш түсіндім дейді. Адам бұл өмірде қыдырудан, тәттіден, қымбат киінуден, той-томалақтан, баршылықтан еркіндіктен, тб бәрінен жалығады екен да тек баладан жалықпайды екен. Автор қыз от басылы болмаймын деп отырған жоқ екенін түсіндім. Бірақ жанұясызда жақсы өмір сүруге болады дегені алдарқату сиақты жүріп қалғандарды. Мама миа бұл тақырыпқа нүкте қойған екен. Жалпы еуропалық өмір (мәселен орыстар) ең лас өмірге жатады.
MickThatsMyNick
қыз бала айта береді ғо :) бұл тек уақытша пікірің
boztorgai
дене мүшесінде бір кәкірі бар жандар осылай біржақты шешім қабылдайтынтұғын
melek
Әне еркін өмірді таңдаған қыздарды көрсеңдер бір жері кеміс, жетіспейтін деп ойлайсыңдар. Осындай ой өрісі тар, көзқарасы жағынан он тоғызыншы ғасырдан шыға алмай жатқан адамдар өмір сүріп жатқан елдің дамуы да қиын мәселе. Аллаға шүкір он екі мүшем сап сау, бойым ұзын, түрім де келіскен, алайда өзім үшін,әке шешем мен басқа да жақындарым үшін өмір сүру бұл менің өз таңдауым. Мен еркіндікті таңдаймын.
AydanaAbdrahmanova
55 жасқа келгенше әлі күйеуге шықпаған әп-әдемі, бой десе бой, ой десе ой, білімді, парасатты тәтем бар. қашан күйеуге шығасың? — деп күнде сұрайды менен. күйеуге шығыңдар қысқасы. ал, әлі шықпағандарды кемсітпеңдер. бірдемелер жазайын десем қолым тимей жатыр миым да бос емес.)))
AydanaAbdrahmanova
жігіт бар енді, неғып шықпайсың — дейді да тәтем мазалап мені*lol*:)
asaubota
бұрын да жазғам осында. қыз болсам күйеуге шықпас едім. өзім үшін өмір сүрер едім, біреу үшін және біреуді отбасысы үшін емес ;)
MamaAya
Бұл уақытша ойың деген ойдамын бәрібір. Мен ешқандай бостандыққа, тәуелсіздікке, еркіндікке айырбастамас едім 3 ұлымызды, олардың Папасын!!! Күнде қаншалықты миым ашыса да, ренжісем де, ренжітсем де, түнгі 1де әрең жұмыстарым аяқталса да, таңертең таң атпай солар үшін тұрсам да, айырбастамаймын!))) Әркімнің қалауы әрқалай ғой. Қаз де жұмыс көөөп, но отырм, рахат!):p. Ең бастысы, Мен оларға өте керекпін! :*
merekeee
Белгілі периодтарда туып тұруға әйел организмі мұқтаж. Күйеу де сол денсаулық үшін керек шығар )