Бойына жылу сіңбеген бала өсе келе, өзге­ге жылу бере алмайды. Тіпті өзіне де. Өз­ін жей береді, өзгеге тым талапшыл, сынш­ыл келеді. Анасы мей­ірлене сүйіп, құшағы­на баспақ түгілі, зе­ректігі мен талпыныс­ына оң баға бермеген жасық ұрпақ, құлдық психогиямен өскен, өзіне сенімсіз ұрпақ бар. Табиғатынан пы­сық, ізденгіш бала болса, үнемі сол анас­ының «қаталдығымен», қолпаштап, қолдамау­ымен күресіп өтеді. Ана баласын өзінше сүйіп, әр баласына жү­регі бірдей елжіреп тұрады, — дейді. Бәл­кім рас та шығар… Бірақ баласының өзіне ұқсамағаны, ол сия­қты өмір сүргісі кел­мегенімен күресіп, баланы «жазалайтындар» бар. Үйде ең болма­ғанда, ата-ананың бі­реуі балажан болғаны дұрыс шығар. Қазір кімге қарасаң да, ба­ласына езіліп тұрады ғой. Бірақ «балаға деген махаббатты көр­сетуге болмайтын» за­манның қаншама ұрпағы бүгінде өзі бала тәрбиелеп отыр. Олар да бала тәрбиесінде ата-анасының моделін қолданады. Қаласа да, қаламаса да. Өйтк­ені олар басқасын кө­рмеді, білмейді. Сан­асында, генетикасында ол әбен сақталып, кодталып қойған. Бас­қасын оған үйретпеге­н. Махаббатқа қанықп­аған бала өзіне ұнай­тын, өзін түсінетін ортаны аңсайды дейді. Мен де сөйткем. Ау­ылда өскесін, оның үстіне менің жасөспір­ім шағымда радикалды топтар, басқа ағымд­ар, ерте есею, т.б. әлеуметтік проблемал­ар болмаған соң, қия­лданып, «өз әлемімді» кітаптан, суреттен, жазу, сызудан ізде­гем. Содан оқып алға­нымнан үйегілерге «а­қыл» айтып отыратынм­ын. Жатып ап, бірдең­елер жазатынмын. Мам­ам сол қылығымды жек көретін. Сол арқылы тұтас әулетке, онда­ғы тәптіп пен ережел­ерге қарсылығымды бі­лдіретінімді білетін. Бағынбай, бетімен өсіп келеді деп, өзге балаларына гөрі ме­ні ылғи қажап, кемсі­тіп, жетістіктеріме шын қуанбайтын. Оқуды бітірген соң, ең жоғары деген нәтиже алсам да, «ол сенің қолыңнан келмейді», — деп, қалаған оқуыма да тапсыртпай қойға­н. «Не де болса, үйд­егі тыныштық қымбат», — дейтін. Өйткені әкеміз кез-келген пр­облемаға жау шапқанд­ай мазасызданып, айқ­айлап кетететін. Осы­лайша қалыптасқан ер­ежеге бағынғысы келм­ей, өзі бір нәрсе іс­тейін десе, төбесінен тоқпақтап тұратын сенімсіздікпен қанша бала арпалысып, есе­йіп кетті. Ал қазір қолжетімді ақпарат, еліктейтін «тұлғалар» көп заманда, ұрпақ­тың бойында протест одан да көп. Біздің «өзім білемнің» соңы көп болса, қалаға кетіп оқу болса, қазі­ргінің «өзім білемі» түрлі жағдайға әкеп соқтыруда. «Көп күл­сең, бір жылайсың» деп тәрбиеленген ұрпақ еркіндікті қаламай­ды. Заманның мүмкінд­іктерін пайдаланғысы келмейді. Тіпті өз бағасын, еңбегінің ақысын талап ете алма­йды.

Анасымен сырлас, әке­сінің мойнына асылып, күлісіп, сүйісіп қауышатын қыздарға қа­рап қызығатынмын. Ол­ар жар таңдағанда да, әкесіне ұқсас жігі­тті іздейді. Тек олар емес, қыздардың бә­рі сондай. Тек әкесі­нен үркіп, айтайын десе, амалсыздан аузын жауып өскен қыздар отырып қалады дейді ғой. Сондықтан күйе­уіңіздің бойындағы ең асыл қасиеттер де, ең жағымсыз қылық та, тіпті кейде маман­дығы да өз әкеңізбен ұқсас болса, таң қа­лмаңыз)) Ал жігіттер, қайын атасына қара­п, өзін тануы да ғаж­ап емес. Әрине, зама­н, қоғам мен түрлі тендециялар өз таңбас­ын қалдырар, дегенмен түп төркінінде ұқс­астық мол екені анық

Бүгін Алматы облысы Үшарал қаласының әуежайы ашылып, әуежайға Астанадан алғашқы рейспен демалушылар ұшып келді. Мұндағы ескі əуежайдан соңғы ұшақ осыдан ширек ғасыр бұрын ұшқан болатын — деп хабарлайды Алматы облысы әкімінің баспасөз қызметі.
Салтанатты шарада облыс әкімі А. Баталов өңірде туримзді өркендету бағытында атқарылып жатқан шаралар, соның ішінде инфрақұрылымды дамыту, туристік нысандардың құрылысы жайлы айтып өтті.
— Бүгін бәріміз үшін — тарихи күн. Елбасының облысымызға 2014 жылы іссапармен келгенде берген тапсырмаларының бірі — Алакөл көлінде туристік саланы дамыту болатын. Соған сәйкес өңірде туристік инфрақұрылым қарқынды дамып, заманауи туристік нысандар, қонақ үйлер көптеп салынуда. Соның нәтижесінде Алакөлге елімізбен қатар ТМД-дан, тіпті алыс шетелдерден де демалуға азаматтар келіп жатыр. Алакөлдің туристік потенциалы зор. Жаңа әуежайдың ашылуы туристік саланың одан әрі дамуына тың серпін береді деп ойлаймын, — деді А. Баталов. Сонымен қатар Алматы облысының Құрметті азаматы Мұхтар Жолжанов, ауданның басқа азаматтары көпшілікке өз құттықтауын жеткізіп, мемлекеттік қолдауға ризашылығын білдірді.
Облыстық жолаушы көлігі жəне автомобиль жолдары басқармасының басшысы Е. Жасыбаевтың айтуынша, əуежайдың құрылысына облыстық бюджеттен 1 млрд. теңгеден астам қаржы бөлініп, құрылысын «ASD Group» ЖШС мердігер мекемесі жүргізген. Мұнда «Жетісу» авиакомпаниясы қызмет көрсетеді. Енді Үшарал әуежайы аптасына төрт рет «Астана-Үшарал-Астана» және үш рет «Талдықорған – Үшарал – Талдықорған» бағытындағы әуе рейстерін қабылдайтын болады. Бұл рейстерді субсидиялауға республикалық және облыстық бюджеттен 177,2 млн.теңге қаржы бөлінді. Атап өтсек, Астанадан ұшатын рейстің құны 16 мың теңгеден, Талдықорған рейсі 8 мың теңгеден.
Бұған дейін 2015 жылдан бастап «Жетіген-Достық-Жетіген» бағытындағы темір жол қатынасы қолға алынған болатын. Алғашында 16 вагонмен басталып, қазіргі кезде сұраныстың артуына байланысты вагондар саны 23-ға жеткен.
Жалпы, Алакөл маңында туризм бағыты бойынша 162 нысан қызмет көрсетеді. «Бизнестің жол картасы – 2020» бағдарламасының өндірістік инфрақұрылымды дамыту бағыты бойынша 2014 жылы 200 млн. теңге, 2015 жылы 352 млн. теңге бөлінді. Ақши және Көктұма ауылдары кәріз жүйесі құрылысының құжаттарын дайындауға 21,6 млн. теңге қарастырылды. Ақши ауылының демалыс аймақтарына дейін баратын 23 шақырым жолдың құрылыс-монтаж жұмыстары жүргізілуде. Өткен жылы ауыз су құбыры жүйесі 343 млн. теңгеге жасалып, пайдалануға берілді. Жуық арада «Талдықорған-Үшарал» автожолының жөндеу жұмыстары басталады.
2016 жылы Алакөлде 452 мыңнан астам адам демалса, биылғы жылы 500 мыңнан астам келеді деп күтіліп отыр.

Алматы облысы əкімінің баспасөз қызметі

Алматы облысының құрамасы «Шапалақ» жайдарман тобы «Жастар» Республикалық фестивалінде жеңімпаз атанды. Бұл туралы Алматы облысының өңірлік коммуникациялар қызметі алаңында белгілі болды.
Алматы облысының құрамасы «Шапалақ» жайдарман тобының құрылғанына биыл 5 жыл толып отыр. Осы уақыт аралығында топтың құрамы бірнеше рет ауысқанмен көрсеткен нәтижелері өте көп. Мәселен, 2016 жылы Алматы қаласында өткен бірінші лигада 2 рет финалға шығып, ағымдағы жылдың маусым айында Республикалық деңгейдегі Павлодар облысы әкімінің кубогы Жайдарман ойынында І орын және Шығыс Қазақстан облысы әкімінің кубогы Жайдарман ойынында ІІІ орынды иеленді.
«Жалпы «Шапалақ» жайдарман тобының басқа құрамалардан басты ерекшелігі кез келген ойында ән шырқамай, би билемей тек саяси әзілдермен жеткізеді. Оны халық та, әділ қазылар да жақсы түсінінеді. КТК ойындары әр түрлі аудан немесе қалаларда болғандықтан «Шапалақ» тобы сол жердің өзекті мәселелерін алға тарта отырып халықты күлдірте біледі және бір ойналған әзілді екінші рет шығармайды», — деді «Шапалақ» жайдарман тобының жетекшісі Әділбек Алтайұлы.
Баспасөзге қатысушылар «Шапалақ» жайдарман тобына күзде өтетін Жетісу аймақтық лигасы Жайдарманшылар ойындарына сәттілік тілесті.

Алматы облысының өңірлік коммуникациялар қызметі

Арыстанбаб кесенесі — көне Отырар жеріндегі сәулет өнері ескерткіші.



Кесене 12-ғасырда өмір сүрген діни қайраткер, уағызшы Арыстан баб қабірі үстінен тұрғызылған. Аңыз бойынша ол 33 дін негіздерін білген екен. Арыстан баб Қожа Ахмет Яссауиге 16 жыл ұстаздық етті. Қожа Ахмет Яссауи өз «Хикметтерінде» Арыстанбабты ұстаз ретінде аса құрметпен атайды. Аңыз бойынша Арыстан баб Қожа Ахмет Яссауиге Мұхаммед (с.ғ.с) пайғамбардан қалған құрманы жеткізген екен. Қожа Ахмет Яссауи 23 жасқа толғанда ұстазы Арыстан баб дүние салып, Отырар іргесінде жерленді. Ескерткіш бірнеше мәрте құлап, қайта тұрғызылды, күрделі өзгерістер мен жөндеулерді басынан өткерді. 1909 жылы байырғы кесене орнына жаңа мешіт пен кесенеден тұратын құрылыс салынды.



Арыстанбаб кесенесі – Қожа Ахмет Яссауидің ұстазы мен руһани тәлімгері, діни дәруіш және уағызшы Арыстанбабтың бейітінде орнатылған, ХІІ-ХІV ғасырлар сәулетінің қызықты ескерткіші. Отырар қалашығынан және Шәуілдір ауылынан 2 км, Шымкент қаласынан 150 қашықтықта орналасқан. Ескерткіш өңір мұсылмандарының басты ғибадат ету орындарының бірі.



Уағызшы Арыстанбаб ХІІ ғасырда Отырар маңында өмір сүрген. Арыстан есімі қазақ тілінен аударғанда «арыстандай батыл» мағынасын береді. Сопылық фәлсафада арыстан деп Жол Адамын атағын. Дүние жүзін шарлаған Арыстанбаб көп саяхаттаған. Ол түрлі діни ағымдарды зерттеген. Исламды қабылдағаннан кейін қалған өмірін сопылық мағынадағы исламды уағыздауға арнайды.



Арыстан уағыздаған қызмет пен идеялар туралы Ахмет Яссауи өзінің «Диуани Хикмет» кітабында жазады. Өлең жолдарында Арыстанбаб оның руһани ұстазы, тәлімгері болғаны туралы айтылады. Алғаш рет Яссауи онымен 7 жасында танысады. Ұстаз жас Яссауиге зұлымдық пен зорлықтан алшақ болып, адамсүйгіштік пен құдайға махаббат танытуды үйретті. Аңыздың бір нұсқасы бойынша Арыстанбаб 400 жыл өмір сүріп Мұхаммед Пайғамбардың серіктесі болған. Пайғамбар 400 жылдан кейін Ахмет есімді мұсылман дүниеге келетіні және аманат ретінде оған оның табағынан құрманы беру қажеттілігі жайлы айтып кеткен. Арыстанбаб аманатты орындауға өзі тіленіп шығады да «Егер Алладан 400 жыл ғұмыр сұрап берсеңіз, мен құрманы апарып берем» деген екен. Ол уәдесін орындайды, өлімінің алдында Ахмет Яссауиге құрманың сүйегін тапсырады.



Бастапқы кезде бейіттегі кесене ол қайтыс болғаннан кейін XII ғасырда салынған болатын. Уақыт өте, монғолдардың қатысуымен ол қиратылады. XIV ғасырда Темірдің бұйрығымен қиратылған ғимараттың орнына жаңа имарат тұрғызылады. Бүгінгі күні бұл құрылыстан тек айванның қашалған ағаш бағаналары ғана қалған.



XVIII ғасырда жер сілкінісі салдарынан қирап қалған көне мазардың орнына айваны бар екі күмбезді құрылыс салынады. Ол қайта талқандалып 1909 жылы қалпына келтіріледі. 1971 жылы апатты жағдайға жеткізген жер асты суларының үлкен деңгейі салдарынан мешіт ысырылып жаңадан салынады.



Қазіргі кезде Арыстанбаб мазарының үстінде алаңы 35х12 метр кесене тұр. Ол күйдірілген кірпіштен қаланған. Ғимарат үлкен күмбезді дәлізбен біріктірілген екі камералы қабірден (гурхандар) және бата оқитын мешіттен тұрады.

Жалпы, кесене көпкамералы кешен. Гурханның орталығы – Арыстанбабтың сәулетті құлпытасы, ал көрші орын-жайларда оның шәкірттері мен ізбасарлары — Хермет-Азыра, Қарға баба, Лашын бабалардың құлпытастары орнатылған.



Кесене бастапқы орын-жайларға түрлі құрылыс элементтерін кезең-кезеңмен қосу арқылы салынған. Гурхана мен бата оқитын мешіт бас қасбеттің ортақ тұтас қабырғасымен біріктірілген. Ғимараттың қасбетін екі мұнара аяқтайды, олар мүсінді кірпіш қалауымен безендірілген.



Бүгінгі күні кесене Орталық Азиядағы мұсылмандық аруақты жерлердің бірі саналады 1982 жылдан бері Арыстанбаб кесене-мешіті мемлекеттің қорғауында.



Ахмет Иассауидің алғашқы ұстазы, жүгінер пірі болған Арыстанбаб есімі Отырар, Сайрам, Иассы өңіріндегі сопылардың рухани жолбасшысы ретінде кеңінен жайылған. Ел арасында (Арыстанбабқа түне, Қожа Ахметтен тіле» деген ұлағатты сөз бар.



Арыстанбаб кесенесі ХХ ғасырдың басында жергілікті халықтың қаражатымен, күйдірілген кірпіштен, ауданы-35х12 метр, биіктігі 12 метр, бұрынғы Меккеге қараған есігі Түркістанға Әзірет Сұлтанға бағытталған, солтүстік жағы кесене, оңтүстік жағы мешіт есебіне қайт жөнделді, дәліз қақпа маңдайшасына хижра бойынша соңғы құрлыс жүрген уақыт 1327 жыл деп таңбаланбаған мәрмәр тақта қаланған.



«Арыстан баб» кітапханасы
Кітапхананың бұрынғы қоры XX ғасырдың 30-жылдары «қызылдардың қырғыны» кезінде «пролетарлық атеизм» әсерінен аяусыз талқандалып, 60-жылдары «Қызыл бұрыш» болып қайта ашылып, маркстік-лениндік әдебиеттермен толықтырылған. Кітапхана қорында XVIII-XX ғасырларда Дели, Мысыр, Стамбул, Қазан, Ташкент қалаларында басылып шыққан, көшірілген Тафсир әл-Құран, Құран Кәрім (Хусейн түсіндірмесімен 1312/1894 жылы «Мұхамедия» баспасында жарық көрген, «Мың бір хадис» (1915 жылы Қазан қаласындағы «Миллият» баспасында жарық көрген), «Дор ал-Мухтар».2, 3, 4 томдар «Пайғамбарлар тарихы» (XIX ғ.), «Физули ғазалдары» (XIX ғ.), «Сопы Аллаяр» (1901), «Хафиз өлеңдері» (XIX ғ.), «Қожа Ахмет Яссауи хазіреттің даналық сөздері» (XIX ғ.), т.б. араб, парсы, түркі тілдеріндегі жүздеген қолжазбалар, кітаптар болған. Кітаптардың көпшілігіне «Арысланбабқа» деп атап жазылып, «Мулла Фахриддин Сидик б.» деген жазулы мөрмен куәландырылған. Көне қолжазба, кітаптардың бір парасын Бұхара медресесінің түлегі Оңғарбайұлы Әбусейіт сақтаған. Ал қалған бөлігі Арыстанбаб кесене-мешітін 1907-1909 жылдары қайта қалаған ұста Қалмырза Мүсәпірұлы сақтап қалған. Оңғарбайұлы Әбусейіт сақтаған қолжазба кітаптарды немересі Серікбаев Қазыхан Руханият – Әбу Насір әл-Фараби мұражайына тапсырған. Ал, Қалмырза Мүсәпірұлы сақтаған қолжазба, кітаптар оның өз өсиеті бойынша қабіріне қоса көмілген.



Арыстан баб кесенесі жанында емдеу қасиеттері бар өте тұзды сулы құдық бар.

Жұмыс берушілер ішінде – төрт жұлдызды ірі отельдер мен банктер бар, деп хабарлайды Астана әкімдігінің медиа орталығы.

Білім, денсаулық сақтау, құрылыс салалары, қонақ үй қызметі, автопарк және Ішкі істер органдарынан 60-қа жуық жұмыс беруші барлығы мыңға жуық бос жұмыс орындарын ұсынды.

-Ірі жұмыс беруші ХҚКО болып табылады, 80-ге жуық бос орын ұсынды, оның ішінде тұрғындармен жұмыс жүргізетін мамандар қажет. Қызмет көрсету саласында ірі қонақ үй 40 жұмыс орнына, әртүрлі жұмыс істеушіден бастап, офис-менеджерге дейін іздеуде. Екінші деңгейлі ірі банктердің бірі кассирлер, IT-мамандар, келушілермен жұмыс жүргізуші маман орындарына таңдады. Әдетте осындай жәрмеңкеден кейін жұмысқа кем дегенде 100 адам орналасады, — дейді жұмыспен қамту орталығы баспасөз қызметінің басшысы Аяжан Айтжанова.

Ресми мәліметтер бойынша, 2017 жылдың 1 тоқсанында Астанада жұмыссыздық деңгейі 4,6% құрады. Елорда жұмыссыздық деңгейінің төмендігі бойынша әлі де көшбасшы орында, бұл көрсеткіш республикалықтан 0,3%-ға төмен.

Бүгінгі күнге Астана қаласының жұмыспен қамту орталығы базасында 1125 жұмыс беруші тіркелген. Олар 9 мың бос жұмыс орындарын ұсынуда.

Балконда банка-қалбыр ақтарып жүрген əйелім айқай салды: "Əй, сені шақырып жатыр".
Наушникті шешіп, тұрып барып терезеден мойын қылтиттым.
Қойшы Майкл. Оу, бұл қайдан жүр?!
Таудан түскен беті болса керек, плащын шаң басқан, аяқ киімі балшық-балшық. Ыржиып тұр.
— Джереми, əшалау! Қал қалай, е?
— Өй, аманшылық! Нағып жүрсің? Көтеріл, шəй іш.
— Асығыспын, е. Өткенде берген парнухаларыңды қайтып бере салайын деп ем. Лақтырсам, ұстайсың ба, е?
Ақкөңіл амиго-ай. Интернеттен зерікпесін деп видеолар жазып берген дискті уақытша алғам екен деп қалған ғой. Қайдан білсін гигабайттап онлайн қарайтынымды…
Ұят болды, шешесс.

26 шілде 15:00-де Астана әкімдігі мен қалалық прокуратура бірлесіп, инвесторларға бағытталған құрылысы аяқталмаған нысандардың екінші жәрмеңкесін өткізеді.

Шараның мақсаты – елордада проблемалы тұрғын үй нысандарының құрылысын соңына дейін аяқтау.

Жәрмеңкеде ұсынылған нысандардың ішінде құрылысы бітпеген 13 проблемалы тұрғын үй кешені бар. Атап айтар болсақ: «Пана» ТК, «Хан Тенгри» ТК, «Гранитный 1» және ЖК «Гранитный 2» ТК, «Хазрет» ТК, «Көктал-2» ТК, «Зере-1» ТК, «Араби 2» ТК, «Аниса 2» және «Аниса 3» ТК,«Үміт береке» ТК, «Территория комфорта-1» ТК, «Жайлау сити» және ЖК «Табысқұрылтай» ТК.

Жәрмеңкеге ҚР «Атамекен» ұлттық кәсіпкерлер палатасының, ҚРИДМ инвестициялар бойынша комитетінің өкілдері, еліміздің бизнес қауымдастығы, оның ішінде құрылыс ұйымдарының өкілдері бар.

Ресми бөлімін мамандандырылған жүргізуші жүргізеді.

Жәрмеңкеге қатысуға құрылыс нысандарын дамытуға қаржы құятын әлеуетті инвесторлар шақырылады. Әлеуетті сатып алушыларға нысандармен танысу үшін қажетті ақпарат жазылған төлқұжаты бар материалдар дайындалған.

Естеріңізге саламыз, бірінші жәрмеңке Астанада биыл 43 компанияның қатысуымен өткен болатын.

Оның ішінде — Хайвил Қазақстан, Айбын құрылыс, «Құлагер» құрылыс компаниясы, концерн «Найза-Құрылыс» және тағы басқалар.

Өткізілген шараның қорытындысы бойынша құрылысы аяқталмаған төрт нысан бойынша келісімге қол жеткізілді («Скай сити», «Байтау», «Алға самал»және «Араби-2») құрылысты соңына дейін жүргізу туралы алдын ала келісімшарт жасалды.

Жәрмеңке Қорғалжың тасжолы, 2а үйі мекен жайында орналасқан «Думан» қонақ үй кешенінің кинозалында өтеді.

Барлық сұрақтар бойынша 55-64-71, 55-64-73, 70-27-66, 71-24-36 телефон нөмірлеріне хабарласуға болады.

Астана қаласының әкімдігі 2017 жылдың бірінші жарты жылдығындағы әлеуметтік-экономикалық даму қортындысын шығарды.

Экономиканың барлық негізгі салаларында оң динамика байқалады. Өнеркәсіп өнімінің көлемі 4,3 %-ға өсті, оның ішінде машина құрылысы – 85,7%, металлургия – 78,9% артты.

Жыл басынан бері қала экономикасына 358,6 млрд.теңге инвестиция тартылды бұл өткен жылдың осы кезеңімен салыстырғанда 11,3% ұлғайған.
Астанада 1,5 млн.ш.м пайдалануға берілген, бұл 2016 жылдың деңгейінен 33 % артық. Жалпы республикалық тұрғын үй құрылысы құрылымында елорда үлесі 27,3%. Шағын және орта бизнес саласында да айтарлықтай өсім байқалады. Жеке кәсіпкерлік өнімін өндіру көлемі былтырғы жылмен салыстырғанда 55,8% өскен. Бүгінде осы салада 297,6 мың адам еңбек етеді.

ШОБ субъектілерінің берген статистикасы бойынша ағымдағы жылдың бірінші тоқсанында 797,6 млрд.теңгенің өнімі өндірілген. Бұл өткен жылдың көрсеткішінен 55,8% артық.

Аймақтар арасында астаналық кәсіпкерлер ең тиімді саналады. Мәселен, ШОБ-та еңбек ететін бір адамға өнім өндіру көлемі 2,7 млн.теңгені құрайды, бұл республикалық көрсеткіштен 2 есе артық.

Қазір елорданың жұмыспен қамтылған адамдарының 61%-ы бұл салада еңбек етеді. ЭКСПО-2017 көрмесіне өткізуге дайындық кезінде ШОБ саласында 7708 жұмыс орны ашылды. Бөлшек сауда көлемі 10,1% өсті және 481 млрд.теңгені құрады.

Астана еңбек нарығында 9325 жаңа жұмыс орны құрылды, жұмыссыздық деңгейі 4,6%-ға төмендеді. Бұл республика бойынша ең төменгі көрсеткіш.

Экономиканың нақты секторының дамуы арқасында жергілікті бюджет түсімі 16,2% көбейді және 119,7 млрд.теңгені құрады.

Жыл соңына дейін барлық дамудың мақсатты индикаторлары орындалады.

Интернет-сатылым «Авибус» ақпараттық жүйесін енгізу аясында іске асырылуда, деп хабарлады Астана қаласы әкімдігінің медиа орталық тілшісіне«Сапаржай-Астана» ЖШС директорының орынбасары Жарқын Бекжанов.

Тағы бір жаңашылдық – электронды терминалдар. Әзірге олар автовокзал ғимаратында пайда болды, ал екінші жарты жылдықта елорданың сауда үйлері мен темір жол вокзалдарында орнату жоспарлануда.

-Жаңа қызмет жақында ғана жүзеге асырылды, бірақ оның тиімділігі – жолаушылар үшін жылдам әрі ыңғайлы, — деді Ж.Бекжанов.

Күн сайын автовокзалда 3 мың билет сатылады, оның 150-і онлайн-режимде сатылып алынады.

Астана автовокзалы халықаралық, облысаралық, облыстар ішіндегі маршруттарға қызмет көрсетеді.

Күн сайын автовокзал 158 рейс жөнелтеді.

Талғар ауданы «Лесная сказка» туристік кешені аумағында Алматы облысының әкімі Амандық Баталов қоғамдық өмірге етене араласып жүрген жастармен бейресми түрде кездесті.
Кездесуге облыс әкімінің орынбасары Жақсылық Омар, аудан, қалалық жастар ресурстық орталықтарының жетекшілері, «Көшбасшы» жастар сыйлығының иегерлері, «VIP» ғылыми жобалар байқауының жеңімпаздары, жас ғалымдар, жас депутаттар, «Жас отау» байқауының жеңімпаздары, жас кәсіпкерлер және БАҚ өкілдері қатысты. Облыс әкімі белсенді жастар арасында тығыз байланыс орната отырып, жер жәннаты Жетісу өңірінің өнерлі де өрелі жастарымен емін-еркін пікір алмасып, жастар қауымы өздерін барынша еркін ұстап, облыс Әкіміне ұсыныс-тілектерін жеткізді.
«Асқаралы Алатаудың баурайында өңіріміздің өздеріңіздей жалындаған жастарымен кездесіп отырғаныма зор қуаныштымын. Осындай сұлу табиғаттың төрінде отырып, ой-пікір бөлісуге келген әрбіріңіз бақыттысыздар. Себебі, біз табиғаты көркем, топырағы бай, жасыл желекті өңірде дүниеге келіп, еңбек етіп жатырмыз. Бұл – бізге бұйырған бақыт», — деді Амандық Ғаббасұлы.
Басқосуда «VIP» ғылыми жобалар байқауының жеңімпаздары марапатталды. Ғылымның өркендеуіне өзіндік қолтаңбасын арнаған жас ғалымдар Мағжан Ысқақов, Ксения Мерешкова, Шыңғыс Нұрғожаев, Гүлім Асхатқызы, Жігер Берліқожаның ғылыми еңбектері облыс әкімінің қаржылай қолдауына ие болды.
Көздерінен от лапылдап тұрған жастардың облыс әкімі Амандық Ғаббасұлымен кездескен қуаныштарында шек болмады. Сондықтан да олар еш тосылмастан сан алуан сұрақтар қойды. Бойынан қарапайымдылықтың жылы лебі ескен парасатты басшы жастардың әр сауалына аса байыппен жауап қайырды.Шара соңында облыс әкімі Амандық Ғаббасұлы жастардың сұрауы бойынша бірге ән шырқап, естелік суретке түсті.