Еркін тақырып: Ширек Финал Тақырыптары

Аса қадірменді ережесіз дебаттың ширек финалисттері!
Жалғас Ертай, Абзал, Бальзаминка (Гүлшат), Аль-Астер (Нұржол),Қисық (Димаш), Сигма, Сатыбалды
Нұрберген, және барша қызыққұмар жамағат!

АПДЕЙТ:
Келесі сайыста үміткерлер еркін тақырыпта көсіледі, еркін болғанда шартты түрде ғана еркін, яғни ширек финалисттердің дебатының мазмұнын басқа қолданушылар анықтайды. Қалған ережелер баяғы күйінде.
Ия, айтпақшы жеңімпазға тіркелгеніне 4-айдан асқан кез келген мүше дауыс бере алатын болады.

Шешендер сайысына қатысты алдыңғы тақырыптар- мұнда:
www.kerekinfo.kz/blog/debats/
Әрі қарай

Алтын Қалам

Өткен жолы айтқанымдай Арзу.кз деген сайтта «Алтын қалам-2011» тәуелсіз әдеби жүлдесі болып жатыр.
Менде сол жерге Құстардан сыр және Өмір дегендеп аталатын екі өлеңімді жіберген едім.
2011 жылдың үздік шығармалары төмендегі аталымдар бойынша «Алтын қалам» сыйлығымен марапатталады екен.
1) «Жылдың үздік прозасы»- (роман, повесть, әңгіме, сатира, эссе т.б.)
2) «Жылдың үздік поэзиясы» (өлең, поэма, дастан, сатиралық өлең т.б.)
3) «Жылдың үздік балалар шығармасы» (өлең, ертегі, әңгіме, повесть, т.б.)
4)«Драматургия» (пьеса, кино сценарий т.б.)
5) «Жылдың үздік публицистикалық, іскерлік және ғылыми еңбегі» (зерттеу, сараптама жұмыстары, көлемді мақала, талдаулар т.б.)
6)«Жылдың үздік блогы»
Соған атсалысып, пікір білдіріп, бағалауға қатысып жіберсеңдер қалай болар екен.Бір өкініштісі бағалағанда біздегідей минус деген жоқ екен.Тек 5 жұлдызша ғана тұр.Бірақ минус қоймасаңда қойғандай қылып пікір жазуға да болады.
Әрі қарай

Қонақты жақсылап қарсы алайық

Алматыға Сигма есімді атыраулық керекші келе жатыр. sigma ертең кешкі 9-30-да Алматы-2 вокзалында пойыздан түседі. Уақыты тығыз болғандықтан, дәл сол кеште, яғни ертең жиналсақ қалай болады деп ұсыныс тастап отыр. Мафия ойнайық деген өтініш білдірді. Қыздар, ұлдар не айтасыңдар? Кездесу ұйымдастырамыз ба?

Толықтыру: Қай жерге жиналамыз, соны да талқылай отырсақ.
Әрі қарай

"А"-ға оралу: бардық, көрдік, қайттық. Қайран ақша мен уақыт.



Жоспарлағанымыздай барып көрдік. Алып-ұшқан көңіл мен рухани ләззатқа асыққан сана-сезім кино басталмай тұрып-ақ бұзылды. Афиша сайттарда 3D нұсқада көрсетіледі деп жариялаған кинотеатрымыз фильмді қарапайым форматта беретін болды. Кінәлі тарапты іздеп жатпадық — ақпаратты қате берген сайт кінәлі ма, әлде кинотеатр ма? Оны анықтауға ниет те, жүйке де шыдамас, сірә.
Әрі қарай

Бар қазақ бір Майклға жете алмай жүр

Жеті жасынан бастап суда жүзуді үйрене бастаған АҚШ атлеті Майкл Фелпс үш жылдың ішінде-ақ өз қатарластарының арасындағы әлем рекордын жаңартқанда, АҚШ бапкерлерінің көзіне бірден ілігеді. Кейін 15 жастағы Майкл Сидней (2000 жылы) олимпиадасына қатысады да, онда ол баттерфляй әдісі бойынша 5-орынға қол жеткізіп, өзіне үлкен тәжірибе жинақтады.

Осы сәттен бастап Майкл тек АҚШ жұртын емес, күллі әлемді таңғалдыра бастайды. Ол 2004 жылы өткен Афины олимпиадасында 6 алтын, 2 қола медальді қанжығасына байласа, Бейжің (2008 жылы) додасында жүзуден мүмкін болған 8 алтынның барлығын қоржынына салды. Сонымен, оның қоржынында, қазіргі таңда, олимпиаданың 14 алтыны мен 2 қола медалі бар. Бұл жетістікке Әлем чемпионатының 26 алтыны мен 6 күміс, 1 қола медалін қосыңыз.
Әрі қарай

Рауан туралы

Атлетико Минейро осы жылы құрамын күшейтуде сәтті қадамдар жасады. Клуб президенті Александр Калил мен директоры Эдуардо Малуф тәжірибелі, әрі талантты ойыншыларды команда сапына шақыруда аз тер төкпеді. Мысалы, Ришалисон, Гильерме, Дуду Сеаренсе, Патрик, Леонардо Силва, Торо, Каио және Андре сынды ойыншылар «Қораздар» сапын толықтырды. Солардың ішінде жанкүйерлерге таныс емес дарынды жас ойыншы да бар. Ол – Рауан Сариев, клубтың жастар құрамасына келген 17 жасар жас шабуылшы. Еуропа мен Азияның арасында жатқан алып ел Қазақстанда туылған шабуылшы туралы мағұлмат бере кетсек. Саша Барон Коэннің персонажы Бораттан кейін Қазақтар туралы Бразилияда мұншалықты қызығушылық тумаған болатын.
Әрі қарай

Интернетпен адамша сөйлесу

«Маған бір тәрбие сабағын тауып берші»- деді бір әріптесім, конституция күніне арналған болсын деп қосып қойды. Гуглды ашып тәрбие сағаты деп жаздым да, қозғалттым.
— Былай деп жазсайшы «Конституция күніне арналған тәрбие сағаттары» сонда бәрін көрсетеді ғой. – деді тап бір ішіндегі бір адамға өтініш жасап тұрғандаймыз.
Енді оған кілт сөздерді ғана жазу керек деп қоқысып отырсам бұл жерде басқаша түсінік қалыптасады. «мынау неге білгенін бұлдап отыр» деген сияқты. Амал жоқ айтқанын істейсің, іздеген нәрсең шашырап шығады, ары қопарып бері қопарып таппаған соң қоямыз.
Жаңа келсем бәрі интернет бар компюьтерге үймелеп отыр, гуглға былай жазып қойыпты. «Тіл мерекесіне арналған көріністер» еріксіз мырс еттім.
Сонда мен ғана бәрін білем демексің бе? Деген сияқты пікірлер қабылданбайды.
Әрі қарай

Супермаркеттердің қулықтары

Үлкен супермаркеттер барлық қалаларда бар. Бағалары арзан деп көбінесе соларға барамыз да ойлағанымыздан көп ақша төлеп шығамыз. Арзан сияқты болып көрінеді, бірақ бәрін қосқанда біраз ақша шығады. Көпшілігіміздің басынан өткен шығар мұндай нәрсе?

Мұның бәрі маркет менеджерлерінің қулықтары мен тұзақтары. Қарап көрейік:

1. Қол арба


Мүмкіндігінше көп зат алсын деп қойылады кіреберіске. Тіпті қазір балаларға да арналған түрлері шықты. Толтырып олар да алсын деп. Егер алатын затыңыз көп болмаса кішкентай сепет ұстаған жөн.
Әрі қарай