хабарсыз кеткеніне қарағанда шетелге қашып кеткен-ау деп ойладым. Шенген алған еді. Бірақ, үлгермепті. шақырып алып, сол жерде-ақ қолын қайырып, темір тордың ар жағына лақтырыпты. 2-3 апта қорқытып,қысым жасап, соңында Кеннедидің өлімін де, Шымкент сырасы патшасының да қылмысында мойнына алуға дайын болғанын айтып, тезірек істі сотқа жіберуді сұрапты. сұрамапты, жалыныпты… Олар істі қарағанша том-том кітаптар оқып, руының тарихына көз жүгіртіп, Есенберлинді таныпты, Бауыржан Момышұлының естеліктеріне көз жүгіртіпті, қазақ әдебиетінің де қызықты екеніне таң қалыпты. Кіші жүз екен, енді білдім) Өмірдегі ең үлкен бақыт әйелін кешке жұмыстан келіп құшақтау, балаларын сүю екеніне көзі жетіпті. Сақалдылармен мемлекет неге жауласып жатқанын енді түсініпті, себебі камерада 92 жылғы салаф отырыпты. Миындағы «дін» деген құрттың түбіне жетпей қоймайтынын білсе де, соқыр сенімнен ешкімнің құтқара алмайтынын мақтана айтқанын көріп, олардан құтылудың амалы жоқ екенін айтып қынжылды. аяды әлгі жігітті… түрмеден тірі шықпайтынын да біледі. Бірақ Түркияға кетсе, жұмақ басталатынына сенімді екен дейді. 4 ай абақты мұншама тамыры орыс болып кеткен адамның санасын 180 градусқа бұрағанына таң қалдым. Қасқырдың аузы жесе де қан, жемесе де қан деген осы жігітке айтылғандай… тендерді жабу үшін әкімнің қалтасына басқан ақшаны өз мойнына алып, сотталып кетті. әкім жәй ғана жұмыстан кетті, бірақ бизнесі мен жеке жерлері бар губернатордың мұртын балта шаппайды. ал, ол 4 жыл бойы параның азабын тартады… #өкініш #тупаясистема #көзжұмақарау #аузықисықтарзаманы #Қазақстан

Кейде ойды бөлу үшін миға бір демалыс беру керек болады.Толып қалған қоқыс ақпараттар мен шырмалғаан сансыз сауалдардың басымның ішінде тарсылдатып соғысқан кездерінде, жақсылап тұрып бәрееен ляқтырып, шығарып тастау керек болады ғой. У: Yот сонда ғана қолыңды қағып ары қарай кетесің. ;)
Ол үшін, бірдеңемен шұғылдану қажет. Біреулер жұмыс істейді, біреулер ұйықтайды, енді бірі қыдырады, мен де сол ел қатарлы сергіп қалғым келіп, не футболға не пневматикамен атуға барамын. Әсіресе, атудың пайдасы көбірек болады. Воздушканы қолыңа алғаннан бастап ойың тееек соған ауып, көздеген бағытыма тигізуді ғана ойлап тұрамын… Ал, видеода практика жүзінде қолданатынымды да көрсетіп қойғым келді десең))) Жо, бұл жарыста болған. Тек ретін тауып түсіріп алғаным, әйтпесе телефонға рұқсат етпеген тұғын. Монтажы да ойымдағыдай емес, нуу сонда да барға қанағат, жоққа сабыр дедік )))
Сіз немен айналысасыз бос уақытта?! :j:m

Қазақ радиосындағы «Ой-Зерек» танымдық-интеллектуал радиойынының екінші шығарыдымына Арулар командасы қатысты. 11 мүмкіндіктен 6 ұпай алды.

1. Оқушы немесе студент кезде кейбір адамдар оның соңы қайда деп іздейді екен. Мен де іздеп көргем, бірақ оның бос әурешілік екенін тез түсініп, қоя салғам. Ал біреу білер, біреу білмес, оның соңы 1048576 мен XFD-ның қиылысында екен. Оны екі сөзбен толық атымен атаңыз немесе үйреншікті ауызекі тілдегідей бір сөзбен.

2. Бір татар сайты бұны абайлап ашқан жөн деп кеңес береді. Жазушы Антон Чехов бұны өзі үшін 1901 жылы денсаулығы сыр берген кезде ашқан екен. Геродоттың жазуынша сақтар бұның құпиясын ғасырлар бойы ашпай сыр қылып сақтаған. Бұл не?

3. «Олардың ояну механизмі мынадай: әуелі барлаушылар оянады. Міне, содан соң олар жоғарыға өрлейді, күнге қыздырынады, сосын арқа қабаттары қызып кеткесін, төменге асығып, ұйықтап жатқан жолдастарына жылудың бөлігін әкеп береді. Содан кейін күнделікті күйбең тіршілік басталады». Міне, осындай бір-біріне арқасүйер және жүйелі процесс. Әңгіме нелер туралы айтылып отыр?

4. Ұлыбритания — дәстүрге берік ел. Дәстүр бойынша Ұлыбритания Парламентінің алғашқы сессиясы билеуші монархтың сөзімен басталады. Алайда 20-ғасырда бұл дәстүр 2 рет бұзылды, 1959 және 1963 жылдары. Екеуінде де бірдей себеппен. Бұл қандай себеп?

5. 1958 жылы негізі қаланған испан компаниясының логотипін әйгілі сюрреалист суретші, кім деп ойлайсыз, Сальвадор Дали жасап шықты. Каталон тіліндегі слоганын қазақ тіліне аударсақ — “Ол дөңгелек және ұзақ” деп аталатын компанияның бәріне мәлім өнімін атаңыз.

6. Манчестер Юнайтед командасының қатал мінезі, тәртіпке беріктігі, консерватив көзқарасымен танымал аңыз бапкері Сэр Алекс Фергюсон футболшыларына ұзын шаш өсірулеріне, мойындарына ауыр әшекейлер тағуына рұқсат бермепті. Тек кезінде француз Кантона бастап кеткен үрдіске тыйым сала алмапты. «Тыйым салайын десең 1 грамм да салмағы жоқ» дейді ол естелік кітабында. Фергюсон өзіне ұнамаса да неге тыйым сала алмады?

7. Құрметті ойыншылар! Сіздерге жауапты нақты жалқы атау түрінде беру қажет еместігін ескертеміз. 2007 жылғы деректерге сай, бұл мемлекеттің көлемі – Франциядан сәл үлкен. Онда 30 миллион адам тұрғын, соның ішінде 6,5 млн – қытайлар, 5 млн – үнділер, 6 млн – африкалықтар. Ресми дінге иек артушылар қатарында бірінші орын — ислам, екінші – христиандық, одан кейін буддизм мен индуизмге тиесілі. Бұндай мемлекетті үш сөзбен атаңыз.

8. Жазушы, сценарист Оксана Робскидің шығармаларында кей заттар құндылық, эксклюзивтік тұрғысынан қолжетімділік бойынша екіге бөлінеді екен. Қолжетімді нәрселерге мысалы Мерседес, Тойота, Бакарди жатады. Ал қолжетімсіз қымбат нәрселерге Bently, Jack Daniels, Cayenn. Жазушы шығармаларында бірінші топ үшін ИКСті, екінші топ үшін ИГРЕКті қолданады. ИКС пен ИГРЕКті атаңыз.

9. Нұрлан есімді 65 жасар философия ғылымдарының кандидаты, сценарист 11 жасында сабақтан әбден қалып, болашақ әнші Әлібек Дінішев, кейін Стратегиялық зерттеулер институтын басқарған Болат Сұлтанов секілді өзінің сыныптастарынан ажырап, тағы бір жылға қалып қойғанын есіне алады. Алайда, ол мектепке де барды, балық та аулады, шопандар тойына да белсене қатысты. Дегенмен не себепті сыныптан сыныпқа өтпей қалыпты?

10. Францияның Нант қаласында түрлі көрмелерге арналған парк бар. Парктың атынан да түсінуге болар еді бұл ерекшелігін. Парктың атын атаңыз.

11. Еуропалықтардың практикалық әзілқойлығы: Зальцбургтегі әуежайда онша білімпаз емес жолаушылар үшін арнайы табло орнатылған. Ол таблода осы екі субъектті шатастырып келген жолаушыларға ескерту мен 12762 деген цифр да бар. Қай екі субъект?

Менің биыл қытай тілін үйреніп жүргеніме бір жарым жылдың жүзі болып қалыпты. Осы уақыт аралығында маған сабақ берген қытайлық мұғалімдермен сөйлесіп жүріп аспан асты елін біршама танып- біліп қалдым. Сол қытайлықтардың айтуы бойынша, еліміздің біраз артықшылықтары бар екен:

1) Ғимараттардың алуан түрлілігі. Қытайда үкімет жоспары бойынша тұрғын үйлер бірдей 25-28 қабатты блогтар ретінде қаз-қатар тізіліп тұрғызылады екен. Ол үйлер жер сілкінісі кезінде кейде шыдамай, көп адам үйіндінін астында қалып жатады. Сол үшін, қытайлықтарға бірі қызыл кірпіш, бірі сары кірпіштен салынған, аласа, биік үйлердің алуандығы әсем көрінеді.
2) Тамақтың сапасы. Қытайда тұтынушы халық тым көп болғандықтан, өндірушілер көбіне сапа емес -санына, жеделділігіне назар аударады. Сол себепті, тағамдардың кейбір түрлері құнарсыз, сапасы төмен болып келеді. Қытайлықтар осындағы нанның түр-түрінің көптігіне және дәмділігіне таңданады. Сондай-ақ, балмұздақ, шоколадтың дәмі ерекше дейді.

3) Қазақтардың болмысы. Қытайлықтар негізінен өте сыпайы халық. Оларда да ағылшындар сияқты үнемі жымиып, күліп жауап береді. Сол себепті де, адам сені жақтыртпай тұр ма, жоқ па, түсіну қиын. Ал, қазақтар олай емес, шынайы ниетін эмоциясымен көрсете біледі дейді.

4) Ашық мінезділік. Қазақтар әңгімеге жақсы. Әсіресе, таксистер дайын тұрған әкім, тарихшы, экономист мамандар көрінеді.

5) Жайбарақат өмір. Қазақстанда адамдар біртүрлі алаңсыз, асықпай, саспай жүреді дейді. Ал, қытайда сіз бір күн жұмысқа шықпай қалсаңыз сіздің орныңызға жұмыс істеуге дайын 200 адам бар.

6) «Барлығы арзан!»-ДЕЙДІ де… енді бұл салыстырмалы түрде. Олар үшін, әрине, 1 юань- 45 теңге болғаннан кейін солай. Қаншама шетелдік студенттердің доллар, эвроларымен келіп, мәз-мейреам болып жұргендерін көргенбіз.

7) Еркіндік. Қытай халқы өте консервативті, өз дәстүрлерін қатты ұстанатын, тәртіптері қатал халық (жемқорлық, мұнай-газ ұрлаған үшін өлім жазасына кесетінін айтпағанда) Мәселен, қытай мұғалімдері біздің оқушылардың сабаққа кешігіп келетіндігі, телефондары шырылдаса аудиториядан шығып кететіндігі өте ерсі көрінеді. Қытайда кешігіп келген студент сабақ бойы түрегеліп тұрады, ал телефонмен ұсталған студент онысынан айырылып, ешқашан қайтарып ала алмайды екен.

8) Бос кеңістіктің көптігі. Ең үлкен артықшылығымыз осы-ау. Қытайда бір жерге барамын десеңіз 2 сағатыңыз ғана жолға кетеді. Адамның көптігінен бірінші реттен метроға отырып кете алмайсыз, жолыңыз болса 2-ші, болмаса 3-ші партияман ғана орын табасыз.

Солаааай)

«Құлақтан кіріп бойды алар, әсем ән мен тәтті күй» деген Абай атамыз әннің адамға берері мол екенін айтып кеткен. Қазір осы сөздің маңызы кетіп бара жатқандай. Бұрын көмейінен бал тамған әншілер ән айтқанда, тарихын қоса айтып, тыңдағанда әннің тұңғиығына шомылдырып бірде жылатып, бірде бақытқа бөлейтін. Əннің құдіреті ерекше ғой шіркін! Халқымыз түсінген осы құдіретті. Өміріміздің бөлшегі ұрпақ жалғаушысы бала дейміз. Əуен баланы тəрбиелеуде əннің алатын орны бір бөлек. Бала бесікте жатқанынан бастап əнмен тəрбиелеген. Ұйықтар алдында бесік жырын айтып құлағына құйып отырған. Жалпы пенденің тал бесіктен жер бесікке дейін өмірі музыкамен өрбиді. Олар жоғарыда айтқан «Бесік жыры», «Жарапазан», қыз тұрмыс құрғандағы «Сыңсу» «Жоқтау» тағысын тағы. Бұл дегеніміз бүкіл өміріміз осы жеті нотамен біте қайнасқан. Ал қазіргі әндер қай сапада тыңдалып жүр? Даңғыраған эстрада мен аңыраған шетел әндерінің пайдасы барма?
Бірде Әзілхан атамыз Баукеңнен қазақ әдебиетінің әскери тақырыпқа жазылған шығармаларға пікірің қандай депті. Сонда Баукең кез келген жазушы соғыста болмай-ақ, суық окопта жатпай-ақ, төбеден төнген бомбаның жаныңды суырып алардай боп шыңғырған даусын білмей-ақ, жаралы жер мен жаралы адамның ыңырсығанын естімей-ақ, дәрі мен қанның иісін иіскемей-ақ, үйде отырып шығарма жазуға болады. Ондай жазушы, жалпы білімі болғанымен, соғыста сауаты жоқ жазушы дейміз. Ал өзі сауатсыз шығарманың кейіпкері надан болып шығады. Сондықтан олар өзі бастан кешпеген ерлік пен батылдықты, үрей мен қорқынышты соғысқа қатынасқан адам сенетіндей етіп суреттей алмайды. Ондайлар тек өз оқығанымен естігендерінен шамасы жеткен мөлшерде қоспа жасайды. Міне әнде солай, оны тудырар кезде тарихына зер салмағандықтан ол даңғыраға айналады. Сазгер немесе ақын не туралы шығарып жатқанын сезінбегендіктен өтірік әндер пайда болады. Көпке топырақ шашпаймыз әрине. Бірақ кейбір әндер осы немқұрайлылықтың кесірінен болған қоспаны байқап қаламыз. Қазір ән қалай шығады әлқисса әншілер мал жинап жүріп бір ән жаздырады. Енді оған сөз керек. Ол үшін ақындарға жүгінеді. Әлгі ақын әннің ырғағына қарап, өз-өзін қинап әйтеуір бір шатпырағын жазып береді. Сезімге жүгінбеген жүректен шықпаған әнді орындаған әнші де құр айғайға басады. Ол халықтың жүрегіне жетпейді. Мүмкін бір-екі мәрте тыңдалар кейін «шаң басқан» архивтерден бір ақ шығады. Әлгі әншіні ешкім іздемейтін болады. Кейін дәл осы әдіс бойынша қайтадан ән жаздырады. Түбіне бойласаң нағыз ысырапшылдық. Тағы бір айта кетерлігі əннің тақырыбы. Продюсерлердің кінəсі ме, əлде əнді жазған ақынның білместігі ме. Соңғы кездері аты да заты да шатпырақ ақылға сыймайтын əндер шығып жүр. Мысалы Turkiss тобының «Мамасының баласы», Дəуір Сағындықовтың «Сұрағаның шанс па» əндері.
Баяғы әндер қалай еді?! Шәмшінің Ақанның әндері жүректен шығып халық арасына таралғанына міне ғасыр болды. Сонда да ол әндерді тыңдаудан халық жалыққан жоқ жалықпайды да. Оны орындаған әнші де ерекше тебіреніп айтады. Себебі ол әндердің тарихы болатын. «Тегі жақсының өзі жақсы» деген қазақ. Мысалы Ақан серінің «Балқадиша» әнін алайық. Бірде Ақан ел аралап жүріп лауазымы биік Ыбырайдың аулында болып жатқан шілдехана тойының дәл үстінен түседі. Серінің келгенін көріп халық дастархан жаяды. Алайда, Ақаның қасына отыруға жан адамының жүрегі дауаламайды. Ол кезде Ақан туралы алып-қашпа әңгімелер көп еді. Осындай жайсыздықта отырғанда, Қадиша: «Ауылымызға әйгілі сері келіп қалыпты, неге бірге қосылып ән шырқамасқа» дейді. Қадиша серінің қасына отырып қыз жігіттер ән шырқайды. Қадишаның ағалары болған жағдайды естіп, алып кеткісі келеді. Ақан оны жібергісі жоқ. Қадишада кеткісі келмеді. Осыдан кейін екуінде қимастық сезім пайда болады. Қадиша орнынан тұра бастағанда, Ақан қолына домбырасын алып осы әнді тудырған екен. Мұндай деректерді айта берсе өте көп.
Қорыта келе айтарым дәл осындай тегі бар, тарихпен шыққан әндерді таңдап оны жүрекпен сезініп айтатын болса. Ол ән сөзсіз халық арасынан орын алып, кез келген адамның жүрегінен жол тауып танымал әндер қатарына кіруіне мүмкіндігі молая түседі.
Әншілер ән таңдағанда осы кеңестерге құлақ асса екен.

Думан Кеңшілік

Киносүйер көпшіліктің біліп жүргені болса, ертең 16 наурыз күні, еліміздің кинотеатрларында «Красавица и Чудовище» (қазақ тіліндегі дубляжы шықпағандықтан, аудармасы қолданылмады) ертегі фильмінің премьерасы басталады. Лепренс Бомонның шығармасының желісі бойынша Дисней студиясы түсірген классикалық шығарманы асыға күткендер көп шығар. Диснейдің әдеттегі шедеврларының бірін көреміз деген ойда мен де жүргем.
Бірақ, бүгін BBC жаңалықтар сайтынан аталған туындының Малайзиядағы көрсетіліміне уақытша тиым салынғанын оқып қалдым. Мәселе, осы фильмдегі ер кейіпкерлер арасындағы сезімге байланысты екен, яғни басты жағымсыз герой — Гастонға (Люк Эванс) оның қасынан бір елі қалмайтын досы Лефу (Джош Гад) ынтық болады екен. Фильмнің басынан аяғына дейін досына сезімін білдіре алмай өтіп, бірақ ретін тауып құшақтап, бауырына тығылып, қыздардан қызғанып жүретін кемтардың күйі бейнеленген фильмнің, Малайзия фильм цензура орталығының талабы бойынша, ұятсыз жерлері алынып тасталғаннан кейін, 13+ категориясымен көрсетілуге рұқсат беріліпті.
АҚШтың Алабама штаты бұл фильмді өз аймағында көрсетуше тиым салынған, көрші Ресейде бұл фильмге 16 жасқа толмағандар сығалап та көре алмаса, Қазақстандық 12 жасқа толған балалар еркін отырып, қарай алатын жағдай бар екен.
Туындыларында ЛГБТ құқықтарын насихаттамайтындықтары үшін, «дамыған»қоғамның сынына ұшырап жүрген Дисней компаниясы көгілдірлерге ұнайтын бір қадам жасаған сықылды, фильм режиссері Билл Кондон өзінің «андай» екенін баяғыда жариялап қойғанын айтпасақ та болар.

Фильмді өзін көрген жоқпын, ендігі көрмейтін де шығармын. Бірақ білгім келгені қазақстандық көрерменге ертең ұсынылып отырылған ертегі лайықты сыннан өтті ме екен?

Санасы аз болса, қашады ол бірден,
Азапты көреді — бостандық аңсаса.
Ғашықтық дегені — бақыт қой ең таза,
Сәтсіздік пен бопса — махаббатсыз жүрген.
Шаттықтың ұлығы — сұлуды тербеген,
Еркіндік, тыныштық емес пе тегін у?
Білгенге ырыс-құт — сезімге берілу.
Жүректің суығы — тірі өлгенге тең.

Тұңғыш несие бюросы және «Робот Займер» онлайн-қарыз қызметінің зерттеуіне сәйкес — қазақстандықтар банк несиелерін қайтару үшін онлайн-қарызды белсенді түрде пайдаланады (зерттеудің негізі ретінде 2016 жылдың сәуірінен бастап желтоқсанына дейінгі мәліметтер алынған болатын). Сарапшылар осы үрдіс үдерістің барлық жағына да оң әсер беретініне сенімді. Біріншіден, бұл қарыз алушыларға мерзімінен асып кетпеуге, несие тарихын сақтап қалуға, қаржы жүйесі үшін жақсы клиент болып қалуға мүмкіндік береді, сондай-ақ әлеуметтік хал-жайын жақсартады және әлеуметтік қысымның өсуін тоқтатады. Екіншіден, банктерге бұл портфель сапасы мен клиент сапасын сақтап қалуға мүмкіндік береді, жалпы алғанда бұл қаржы жүйесі үшін жақсы. Ал үшіншіден, жалпы қаржы жүйесі мен барлық тараптар үшін оң мүльтипликативті әсер беретін онлайн-несиелеу сегментінің сапалы өсуін қамтамасыз етеді.
Зерттеуде былай айтылады, яғни қарыз алушылардағы қолданыстағы несие саны азаяды егер де, 2016 жылдың көктемінде осы қызметке жүгінген әрбір адамға 3 несие келісім-шарты есептелген болса, онда шілде айының өзінде бұл көрсеткіш шамамен 2,5 құрады, яғни қарыз алушылар өздерінің бар несиелерін қайтарады және жаңасын алмайды.
Сонымен қатар, банктердің тұтыну несиелерін берудегі талапты қатаңдатуы қазақстандықтардың ақша алу үшін интернетке жүгінуіне әкеліп соқты. Сонымен 2016 жылдың сәуірінде әрбір өтінімге онлайн-қарыз орта есеппен 5 қолданыстағы несие есептелді, ал желтоқсан айында бұл көрсеткіш екі еседен төменге төмендеді (орташа есеппен әрбір қарыз алушыға 2,3 қолданыстағы несие). Осы мәліметтерге растауда несие жүктемесінің түскені де байқалған, яғни айдан айға барлық несие бойынша төлемі үшін қажетті ортақ сомасы төмендей бастаған және 9 ай ішінде 5,3%-ға азайған.
Осындай үрдіс, қарыз алушылар белсенді түрде қолдағы тұтыну несиелерін қайта құрылымдайды немесе мерзімінен ерте өтейді дегенді білдіреді. Несиелерді қайта құрылымдау бойынша анағұрлым «белсенді» ай тамыз болды, атап айтқанда ол кезде ай сайынғы төлемнің жалпы қарыз сомасына ең жоғарғы арақатынасы — 55,5% болып тіркелген, ал қыркүйекте бірден 9,7% дейін төмендеген.

Ертең біреулерге "ғашықтар" күні болса, біз секілді жанкүйерлері үшін футбол мерекесі. Көптен күттірген Чемпиондар лигасымен қауышамыз, түн ұйқымызды төрт бөліп сүйікті командамызға қолдау білдіреміз және тіккен бәсіміз сәтті шығуын тілеп отырамыз. Чемпиондар лигасының топтық кезеңі артта қалып енді іріктелген кіл мықтылардан тұратын плей офф кезеңі басталды, осы сәтті пайдалана отырып топтық кезеңге қатысты қызықты статистикаларды ұсынбақшымын, сіздерге ұнайды деген ниетте жоқ емес.

Қысқаша әрі барлық статистикаға ортақ мәлімет: 6 турда жалпы саны 280 гол соғылған, 275 гол+5 автогол. 175 ойыншы гол соққан екен.

1. Топтық кезеңде гол соққан жас және кәрі ойыншы
— Ең жас ойыншы Дортмундтық Боруссияның қорғаушысы, неміс Феликс Пасслак (29.05.1998 жыл)
Ол 2016 жылдың 22-ші қарашасында ЧЛ 5 турында Польшаның Легиясына қарсы ойында 81 минутта гол соққан болатын. Гол соққандағы жасы — 18 жас 182 күн

— Ең кәрі ойыншы Туриндік Ювентустың қорғаушысы, бразилиялық Дани Алвес (06.05.1983 жыл)
Ол 2016 жылдың 29-шы қыркүйегінде ЧЛ 2 турында Хорватияның Динамо Загребіне қарсы ойында 85 минутта гол соққан болатын. Гол соққандағы жасы — 33 жас 153 күн


2. Топтардың гол статистикасы
Барлығы 280 гол соғылғанын жазған едік, енді голдарды топтарға тарқататын болсақ:

• А тобы — 40 гол (14%)
• B тобы — 38 гол (14%)
• C тобы — 42 гол (15%)
• D тобы — 31 гол (11%)
• E тобы — 28 гол (10%)
• F тобы — 51 гол (18%)
• G тобы — 27 гол (10%)
• H тобы — 23 гол (8%)

3. Көп гол соққан ТОП 5 команда
ЧЛ топтық кезеңінде ең көп гол соққан команда — Дортмунд. Ерекше шабуылдау стилімен, жас ойыншыларымен, контршабуылдарымен танымал команда барлығы 6 матчта 21 гол соғыпты, статистикаға сенсек бұл топтық кезеңнің тарихи рекорды екен. Уәде еткен ТОП 5 төмендегідей:

1. Боруссия Дортмунд — 21 гол (3,5 гол/матч)
2. Барселона — 20 гол (3,3 гол/матч)
3. Арсенал — 18 гол (3 гол/матч)
4. Реал Мадрид — 16 гол (2,6 гол/матч)
5. Бавария — 14 гол (2,3 гол/матч)

4. Турлардың голдар статистикасы
Соғылған 280 голды 6 турға бөліп көрсетсек қалай болады екен?

• 1 тур — 50 гол (18%)
• 2 тур — 47 гол (17%)
• 3 тур — 46 гол (16%)
• 4 тур — 41 гол (15%)
• 5 тур — 48 гол (17%)
• 6 тур — 49 гол (17%)

5. Гол соққан ойыншылардың туған жылы, айы бойынша статистикасы

Статистиканың ең қызық әрі мақтанатын тұсына келген секілдіміз.
— айлар бойынша
Барлығы 174 ойыншы гол соққанын жазған едім, енді гол соққандардың туған айы бойынша сараптап көретін болсақ. Сіздің айда туғандар көп гол соққан, көшбасшылық қасиеті, бомбардирлік қасиеті бар деп мақтанып алсаңыз болады:)

1. қаңтар — 17 ойыншы
2. ақпан — 19 ойыншы
3. наурыз — 17 ойыншы
4. сәуір — 11 ойыншы
5. мамыр — 22 ойыншы
6. маусым — 13 ойыншы
7. шілде — 16 ойыншы
8. тамыз — 13 ойыншы
9. қыркүйек — 14 ойыншы
10. қазан — 8 ойыншы
11. қараша — 13 ойыншы
12. желтоқсан — 11 ойыншы

— жылдар бойынша
Келесі кезек гол соққан ойыншылардың жылдары бойынша статистикада, туған айыңызбен мақтана алмасаңыз жылыңызбен яғни құрдастарыңызбен мақтануға мүмкіндік туып тұр:)

• 1983 жыл — 4 гол
• 1984 жыл — 7 гол
• 1985 жыл — 6 гол
• 1986 жыл — 11 гол
• 1987 жыл — 47 гол
• 1988 жыл — 34 гол
• 1989 жыл — 23 гол
• 1990 жыл — 28 гол
• 1991 жыл — 29 гол
• 1992 жыл — 14 гол
• 1993 жыл — 20 гол
• 1994 жыл — 16 гол
• 1995 жыл — 17 гол
• 1996 жыл — 14 гол
• 1997 жыл — 3 гол
• 1998 жыл — 1 гол

Статистикада аз-маз қателіктер болуы мүмкін, сіздерге ұнады деген ойдамын. Сүйікті командаңызға сәттілік және Hala Madrid!

10 февраля т.г. КГУ «Молодежным ресурсным центром Карагандинской области» совместно с ОО Союз Ветеранов и Инвалидов войны в Афганистане «Ардагер» города Караганды, прошел вечер преемственности поколений «Афганистан — подвиг и память» посвященный 28- ой годовщине вывода войск из Афганистана в «Центральной городской библиотеке им.М.О. Ауэзова».

Цель данного мероприятия является воспитание у учащихся, чувства глубокого уважения и благодарности к ратному подвигу воинов-интернационалистов Афганской войны, знакомство с песнями, воспевающими мужество, стойкость и героизм «афганцев», воспитание гуманного и уважительного отношения учащихся к старшему поколению.