Жылқы кісінескенше...

«Адам сөйлескенше, жылқы кісінескенше» деген екен бізден бұрынғы қазақтар. Ия, жан-жануарларда сөйлейді. Бір-бірімен қалжыңдаса да алатын шығар бәлкім.
Ауылда өскен бала болған соң әр малдың жүріс-тұрысын аңдап өскенбіз. Жүні қалың қойларға қарап «Осылар ыстықтамай ма екен?» деп бала кезімде талай ойланушы едім. «Денелері қышымайды ма?» деген сауалда миымның бір бөлшегінде жатушы еді. Біз, адамдар бір жауырынымыз не болмаса басқа да қол жетпейтін жерлеріміз қышыса бауырымызға, баламызға, келіншегімізге айта аламыз. «Жауырынымды қасып жіберші. Е, е, осылай, сәл төменірек» дегендей.
Әрі қарай

Тәуелсіздік шыршаның шырмауында қала бере ме?

erkekiz
Бәріне қазақтың өзі кінәлі.Той дегенде қу басы домалайтын қазақ неге Тәуелсіздікті тойлауға құлықсыз? Осыны түсінбей-ақ қойдым… Салғырттығымыздан өз елімізде отырып, Тәуелсіздікті мектеп, мемлекеттік органдар деңгейінде ғана атап өтетін мереке немесе халық үшін демалыс күні деңгейіне түсірдік. Өз басым Тәуелсіздіктің 20 жылдығында да ерекше өткен іс-шараны байқамадым. Сол баяғы жартас…
Қазір қай қалаға барсаңыз Жаңа жыл күні ертең келетіндей жанталасуда. Айналаңызда қызылды-жасылды ойыншықтар мен түрлі құттықтаулар іліулі. (Осы тұста Оңтүстік Қазақстандықтардың ерекше бастамасын айта кету керек. Облыс әкімі Асқар Мырзахметов тәуелсіздік мерекесіне дейін «Жаңа жыл» деп жалаулатпауды қол астындағыларға тапсырды. Жөн-ақ). Шын мәнінде қарапайым халық христиандардың мерекесін тойлаймыз деп даладағы жасыл шыршаны заңсыз кесіп, қылмысқа істегеніне мән бермейді. Ал, ата-бабаларымыз жыл басы Наурызда жас көшеттер отырғызып көрегенділік жасаған емес пе? Ендеше батыр бабалардың төгілген ыстық қаны мен ұлы арман жолында құрбан болған асыл азаматтардың арқасында қол жеткізген ТӘУЕЛСІЗДІКТІ мақтан тұтып, қастерлей білейік! Келе жатқан ТӘУЕЛСІЗДІК мерекесі құтты, әрі ұзағынан болсын!

Қалада жүріп Тәуелсіздік мерекесіне арналған ашық хаттарды көзім көп шала бермейді. Тапсам да сол баяғы Алтын адам, Ту, Астананың суретімен безендірілгенін көремін. Құдай-ааауууу басқа елдердің Тәуелсіздік мейрамына арнап шығарған ашық хаттарын қарасаң сүйсінесің. Көп қой Қазақстанда көрсететін құндылықтарымыз. Африка құрлығындағы елдердің мерекеге арналған ашық хаттарын көріңіздерші. Көздің жауын алады!
Әрі қарай

Астана интернет форумы - 2012



Қазақстандық аудиторияға арналған ақпараттық технологиялар саласын дамытып жүргендерге арналған бұл форумның мақсаты — қазақ тілінде контент жасаушылармен, портал мен сайт иелерінің, жаңа өнімдерді ұсынушылардың өзара тәжірибе алмасып, ортақ жобалардың пайда болуына ықпал ету.
Форум аясында «Ақпараттық қауіпсіздік», «Білім саласындағы интернет», «Бұлтты технологиялар», «Seo жетілдіру», «Ғаламтордағы аудармашы сайттар» сияқты тақырыптар көтеріліп, қазақ тілді интернет пайдаланушыларға арналған жаңа жобалар таныстырылады.
Әрі қарай

Өнертапқыштар

Адамзат жерде жүретін, аспанда ұшатын көліктерді де, қарапайым өмірде қажетті тұрмыстық техникаларды да ойлап тауып бітуге таянды-ау деймін. Дегенмен, біздің жұмыстың жұмысшылары (бізде әкімшілік, артистер және қара жұмыс иелері деп үшке бөлінеді) бұған бола жасымапты.Шатырдағы қарды күреудің заманауи әдісін тапқан секілді. Бұның алдындағы қыста шатырдың профлистісін, қара қағазын жырта-жырта бастықтардан сөз естіген сабаздардың біреуінің басына тың идея келе қалыпты. Олары сәтті түрде жүзеге аса бастаған. Неге аса бастаған? Тоқтала кетсек, соңғы кезде Қарағанды аймағында қар нормасынан көп жауып жатыр. Біздің үлкен ғимаратың шатырын тазартып шығудың өзі қиямет.Тұңғыш президентіміздің күніне байланысты демалыстан соң шатырдағы қарды аршудың арты біраз адамның артының ашуымен аяқталды.
Сейсенбі күні жұмысқа келсем кабинетімде су тобықтан. 5-ші "ұрпақтық" компым жылап тұр. Монитор мониторға емес аквариумға айналып кетіпті. Тағы басқа 3 кабинет осы күйді кешіпті. Бас инженер себептің бәрін күннің жылып кетуінен көріп отыр. Бірақ, біз де ақымақ емеспіз. Пәленің ұшының қайда екенін білеміз. Қар аршуға ерінген жұмысшылар ұзын әрі жуан шлангылар арқылы шатырдан жоғарыдан төмен қарай ыстық су ағызады екен. Ыстық судың күшімен ерігені бар ерімегені бар барлық қар төмен қарай аға береді, құлай береді. Жаңбыр жаумай су болдық, обшым…

сурет сілтемесі
Әрі қарай

G-had отбасынан үлкен жаңалық


29 қараша күні Асет Маста өзінің жеке парақшасында G-had отбасының белді мүшесі Назар Шархан(Аль Наср) бауырымыздың Қазақфильмнің 2013 жылы шығатын «Жол» атты киносында басты рольде ойнайтыны жөнінде хабардар қылды.
Сонымен трейлер корейік:
Әрі қарай

О, гитара!

Менің бірге колледжде оқитын досымның бірер гитарада салған әндерін тамашалаңыздар, баға беріңіздер!











Әрі қарай

Робин Шарманың кеңестері

Бір жаңалықпен қатты бөліскім келген еді, болмады, бәрі минус қойды ғой, қайта аударуға қызық болмай кетті. Енді жаңалық болмай қалды. Тағы бір сайтта көрген мақала қатты ұнап, сіздер де оқыңыздар деп ойладым. Ол әрине керемет жаңалық емес, көбі оқыған да шығар,өзіме сол автор қатты ұнайды. Айтқандары қарапайым әрі нақты және пайдалы. Ал, мынау қазақша, керемет! Оқып, еске түйіп алайық.
Робин Шарма: “Өмірдің 200 сабағы”
1. Аз ұйықтаңыздар. Бұл өміріңізді одан бетер толық және өнімді етеді. Көпшілік адамдарға 6 сағаттық ұйқы жетеді. 21 күн ішінде бір сағатқа ерте тұруға тырысыңыздар, ақыры бұл әдетке айналады. Есіңізде болсын: ұйқының сағаты емес, сапасы маңызды.
2. Таң ертең бір сағатыңызды жеке бас дамуына бөліңіз. Бүгінгі күніңізді көзге елестетіңіз, шабыттандыратын мәтіндерді, мотивациялық жазбаларды немесе ұлы кітаптарды оқыңыз. Бұл тыныш уақытты барынша тиімді пайдаланып, бүгінгі қарбалас кезеңге дайындалыңыз. Аптасына бір рет күннің шығуын немесе батуын бақылаңыз, таза ауада серуендеңіз.
3. Майда.шүйде емес, маңызды нәрселерге көңіл бөліңіз. Өзіңізден мынаны сұраңыз: «Мен өз уақытымды және қайраттылығымды барынша тиімді пайдаланамын ба?» Уақытты басқару – өмірді басқару, сондықтан өзіңіздің уақытыңыздың тиімсіз жұмсалуына немқұрайлы қарамаңыз.
4. Ойыңызды өмірдің тек жақсы элементтерін жию үшін резеңке бауы атты әдісті қолданыңыз. Білегіңізге резеңке бауын тағып алыңыз. Басыңызға жаман ойлар келгенде, қолыңыздағы резеңкенң тартып қалыңыз. Сіздің миыңыз жаман ойды ауыртпалық ретінде қабылдап, жақын арада ойдың жақсы қоймасы қалыптасады.
5. Әрқашан телефон қоңырауына ерекше ынтамен жауап беріп, сол арқылы қоңырау шалушыға қадір.құрмет білдіре аласыздар. Жақсы телефон мәнері өте маңызды.
6. Күні бойы біздің ойымызды жақсы идеялар мен шабыттар аралайды. Өзіңіздің ойларыңызды жазып қою үшін, әмияныңызға карточкалар және қалам салып қоюды ұмытпаңыздар. Үйге келгенде, осы карточкаларды көрінетін жерге қойып, қарап шығыңыздар. Оливер Уэнделл Холмс айтқандай: «жаңа идеялар кезінде үлкейген адамның ақылы, ешқашан бұрынғы көлеміне оралмайды».
7. Жексенбілік кешті өзіңізге арнаңыз және бұл әдетті қатаң ұстаныңыз. Осы уақытты келер аптаны жоспарлау, күтілетін кездесулерді елестету, осы кездесулерде не мақсатқа жеткіңіз келетінін ойлану, жаңа мәліметтер мен кітаптарды оқу, баяу музыканы тыңдап, тынығу үшін арнаңыз. Бұл уақыт келесі аптада жинақы, мотивацияланған және тиімді болуыңызға көмегін тигізеді.
8. Мына қағиданы есте сақтаңыз: өміріңіздің сапасы – бұл қарым.қатынасыңыздың сапасы. Ол деген достарыңызбен, ең бастысы өзіңізбен қарым.қатынас. Егер сіздер пайдалы нәрселер іздесеңіздер, онда оған жетесіздер. Бұл табиғаттың заңдылығы.
9. Нәтижеге емес, мақсатқа назар аударыңыз. Кез.келген істі ұнағаны, біреуге көмек беретіні үшін істеңіз. Ақша, бедел үшін емес. Олар өздері.ақ келеді.
10. Күнде айнаның алдында 5 минут күліңіздер. Осылай Стив Мартин істейтін. Күлкі мүшеңіздегі көптеген пайдалы элементтерді іске қосады. Сонымен қатар күлкі ағзаға теңгерімділік қалпын қайтарады. Күлкітерапия көптеген дерттерді емдеп, өмірлік проблемалардан құтқарады. Төрт жастағы бала күніне, шамамен, 400 рет күлсе ересек адам 15 рет қана күледі екен.
Ары қарай өте көп, оны zhanaoi.kz/zho/blog/view/130 оқуға болады екен.
Әрі қарай

Facebook-тағы ауру бала туралы скамдарды қолдамаңдар



Фейсбукта жиі көретін шығарсыңдар ауру балаға көмектесу үшін лайк бас деген сурет-жарнамаларды. Әр лайкқа Фейсбук 1 цент төлейді деп жазылады. Бұлар ешқандай да шын ниетпен жасалып отырған көмек емес. Фейсбук соншама жауыз емес қой, ауру баланың суретін ұнаттың деп ақша төлейтіндей.
Әрі қарай

Made in Aulbay! Жаңажолдың стадионы



Мынау не деп ойлап қалып жүрмеңдер. Бұл: made in Auilbay продукшын! СҚО, Жамбыл ауданы Жаңажол ауылының азаматтарының конструкциясы. Яғни көрерменге арналған орындық қой мынадай:



Осыны көріп разы болдым. Маладцы бастары істеген! Қарапайым, қолда бар заттардан құрастырып алған. Шығынсыз деуге болат.

Ана ақ бетон тіреуіштері КСРО-дан қалған баздардың аркасы. Әкессс, «коммунизм құрдымға кетіп, оның орынына корруписттер келген кезде» колхоздың төрт түлігі талан-таражға түсіп, мал шаруашылығы мәңірап қалды. Баздардағы, дойкалардағы істейтін құралдар өз иесін тапты, ал қалған темірлері, сымдары 10-20 жылдан кейін килосы 1 теңгемен сатылып кетті, кірпіштері де шашылып жатып, барлығы бар коммунизм дәуірі бастарынан өтіп қарындары аша бастағанда айтеуір халық жинап алып кетті.

Менің ауылымда 5-6 баз бар. Әлі тұр қаңырап. Ал мыналардың жоқтан бар жасап, стадион тұрғызып алғандарына рыспектен басқа айтарым жоқ. Ауыл спорты осылай дамиды)

Нәтиже жоқ емес: осы ауылдан шыққан спортсмен таныстарым бар. Ауыл жжет!

Әрі қарай