Біраз адамның басында бар жағдай, жұмыс жасау мақсатымен келген шетел азаматтарына погондылар қырғидай тиіп, есін тандырушы еді. Биылға дейін олар елімізге қонақ ретінде келуші еді, заң жүзінде жұмыс жасап пайда көруге құқықтары жоқ болатын. Өздерін ұстап айыппұл салып, депорт жасағанмен қоймай, жұмыс берушіні де штрафтап әбігерге салушы еді. Былай қарап тұрсаң тым жақсы жұмыс жасап жатырған сияқты ма? Бірақ қанша қаражат үкімет қалтасын айналып кетіп жатырғанын есептеген адам болмас, айтарым да ол емес. Сонымен биыл жұмыс жасау мақсатымен келген шетел азаматтарын салық төлетіп, жұмыс жасау рұхсатын алып беруге болады. Соңғы апта бойы осы мәселемен аудан орталығы мен ауыл арасында шауып жүрмін. Осы туралы қысқаша керекинфо.
Алдымен миграцияға барып, миграция картасының мерзімін уақытша ұзарту қажет, шамамен он жұмыс күні жеткілікті, мереке мен демалысты есептеп қосып алыңыз. Бұл уақытта шетел азаматтарының жұмыс жасауға құқы жоқ.
Паспорттарында орысша жазылым болмаса (қазақша болмасы анық) аудартып, нотариуспен бекіту керек. Аудару да бекіту де ақша, енд ол қызмет көрсетушілердің өзі белгілейді. Осы жерде айта кететін, аудару міселесімен кез келген дипломы бар адам айналыса алады, дым лицензия керек емес. Яғни мамандығы аудармашы не ағылшын тілі мұғалімі болса болды. Оның үстіне ол көршің не туыс, танысың болса тіпті тегінге шығады.
Енді салық комитетіне кеттік, ИНН алу керек. бұл 1-2 күндік жұмыс, кел деген уақытына келесің. Бұл жердегі қиқмет мынадай, ИННнің срогы жоқ екен, келер жылы келсең де сол ИНН пайдалана бересің. Берген бір тілім қағазды жоғалтпасаң болды.
ИНН алдық, енді айына 2 МРП көлемінде банкке салық төлейміз. Біз бірден үш айға төледік.
Банктен шыға ЦОНға, сотталмағандығы туралы бір жапырақ қағаз керек. Бұл да 15 минуттан 3 күнге дейін созлатын жүріс, 15 минутта келмесе 3 жұмыс күнінен соң келесің, Ауылда тұрғасын, айтты, қалалықтар басын қатырмай бірден 3 күн дей салады.
3ке4 екі фото да керек.
ИНН бар, салық төледік, сотталмағанымыз расталды, фото бар кетіік миграцияға.
Енді бұл жерде жұмыс жасауға рұқсат алу үшін өтініш жазылады және жұмыс берушімен келісім шарт жасалады (салық комитетінде де келісім шарт жасалған, неге сол қағазды қайта толтырғанымды түсіне алмадым, біреуінікі бекер не болса да). Қолдарының отпечаткісін де түсіреді осы жерде. Содан бір бума қағазды жеделтіккішке тігіп, 3 күннен соң кел дейді.
Осымен бітті.

Сразым ФАК:
Неге бірден салықты үш айға төледік? Ол дегенің үш айға жұмыс жасау құқын береді
Ай сайын төлеп тұруға болмайды ма? Болады. Мерзімін ұзарту осы жүрістен де канитель екен. Жоғарғыларға қоса, медсправка алу керек еш жерім ауырмайды деген (осыған вичті қоспағанына таңғалдым), банктен шот ашып, 6-10 мың (тошны білмим) ақша салып қою керек екен.
Үш айдан соң тағы ұзартуға болады ма? Болады, канителі екінші пункіттегідей
Басқа жерге жұмыс ауыстыруға болады ма? Болады. Тек жұмыс берушімен миграцияға келіп, келісім шарт жасасу керек. Қайта салық төленбейді.
Елге барып келгесін қайта ИНН алу керек пе?Жоқ. Сол алғаның жетеді, мерзімі шексіз екен.
Елге барып келеген соң сотталмағандығы туралы анықтама алу керек пе? Иә, алу керек.
Жаңа жұмыс берушімен келісім шартқа отырғанда сотталмағандығы туралы анықтама керек пе?Керек
Үш айдан соң банктен шот ашып ақша салмау үшін не істеу керек? Өзбекстанға өтіп қайта кіру қажет. Сол кезде жоғарғыдай қайта рәсімделеді, тек ИНН қайта алмайсыз.
ЦОНда шеретте тұрмау үшін egov қызметін пайдалануға болады ма? Жұмыс мақсатында жиі келетін болсаңыз ЭЦК алвалуға болады, еүкіметтен сотталмаған туралы анықтаманы үйден аласыз, салықты да төлей аласыз. Хех, дисің де бір бума қағазбен миграциядан бір шығасың, Олай болса алдын ала барып, миграция картасының мерзімін ұзартып та қажет емес. Сол Қазақстанға кірген уақытта тіркелуге берілген бес күн мерзімге сиясыз.

Бзб сұрақтарға дайынбыз

Астана Күні мерекесі кезінде Астанамызда болатын концерттік бағдарламалар

Рейд 2 шығыпты интернетке, HDrip. Егер біріншісін көрген болсаңыз мұны да жібермеңіз.

Музыка тыңдауға, сақтауға, жүктеуге, таратуға және сатуға арналған сервистер мен түрлі девайстарға арналған қосымшалардың тізімін ұсынып отырмын. Тізімге енгізілген сервистер мен қосымшалардың дені легальды музыка таратады. Қолданушылар тарапынан жүктелетін әндердің заңдылығына мән бермейтіндері де бар.
Бұл сервистерді «Авторлық құқық» деген ұғымды басына теуіп — тегін, «не дегенмен шығармашылық адамының еңбегі ғой» деп — шартты-ақылы немесе «тегін жатқан дүние жоқ» дегенге көндігіп — ақылы түрде пайдалануға болады.

Сонымен:

1. SoundCloud
Әлеуметтік желінің функцияларын бойына жинақтаған музыкалық сервис. Музыкалық контентті орындаушының аты-жөні, әннің немесе альбом атауы бойынша іздеуге болады.
Музыкалық композициялардан бөлек, подкаст пен аудиокітаптардың кішірігім таңдауы бар.
Әрбір тіркелген қолданушы өзінің жеке плейлистін құрады. Тізімініе саундклоудта бар әндердің ұнағанын қосып, не өзі де жүктей алады.
Қызығы сол, қолданушының тізіміндегі әндерді әлеуметтік желідегі достары тыңдап ғана қоймай, пікір қалдыруына «рұқсат етілген». Тағы бір ерекшелігі: тек әнді ғана емес, әннің қысқа үзіндісін екшелеп алып, пікір қалдыруға болады.
Саундклоудтағы әндерді тыңдау тегін. Сервиске жүктелетін әндердің санына емес, уақытына шектеу қойылған. Барлығы 2 сағат уақыттан аспайтын тегін лимит берілген. Жүктелген контенттің тұтас уақыты 2 сағаттан асса, ақы төлеуге тура келеді. Жүктелетін контентке лицензиялық шектеулер қойылмайды.
iOS және Android ОЖ-іне арналған тегін қосымшалары бар. Мобильді қосымшалары өзінің ыңғайлылығымен «жатып та, тұрып та мақтана алады».
"Әндеткен Youtube" атты жұрт қойған атауы да бар. Сервистің 40 млн қолданушысы болса, соның тек 5% ғана ақылы аккаунтқа ие. Қызмет ақысы: айына — 4 $. 12 $ «лақтырып» лимитсіздік мәртебесін иеленуге болады.
Легальдылығы сол: саундклоудта танымал әншілер, ірі-ірі мейджор лейблдар өздерінің ресми аккаунттарын ашқан. Өнімдерін сол аккаунттары арқылы таратып отырады.

2. «Яндекс.Музыка»
Ресейлік сервис. Әзірге 10 млн композия бар. Ән қоржыны үнемі жаңарып, толығып отырады. Контенті «ойдан-қырдан қашқан» емес, легальды. «Яндекс.Музыканың» кереметі сол, қайдан тауып алатыны белгісіз, сирек кездесетін әндерді осындан кезігеді.
Тіркелуді қажетсінбейді, сайтқа кір де тыңдай бер.
«Вконтактедегі» заңсыз әндерді тыңдап-тыңдап, ақырында ұяты бетіне шыққан жан үшін таптырмас мекен.
«Вконтактідегі» плейлистті сүзіп шығып, өзінде бар сәйкес орижинал аудиожазбаларға алмастырады. Автоматты түрде сәйкес плейлист жасап береді. Онлайн-радиосы да бар.
Дербис компьютерден браузер арқылы тегін тыңдалады. iOS, Android басқаруындағы смартфондар арқылы браузерден тыңдау ақысы — айына 149 рубль, мобильді қосымшасы — айына 199 рубль. Неге қымбат десеңіз, төлемнің 30%-ын Google Play және App Store дүкендері ұстап қалады.
199 рубль төлеген жағдайда: әндіжүктеп алуға, осылайша онлайн тыңдауға болады. Сондай-ақ, «Яндекс.Музыканың» мобильді қосымшасы әндерді микрофон арқылы «тыңдап», қай ән екенін «танып-біледі».
Айтпақшы, алғашқы айда пайдалану — тегін.

3. TuneIn
Менің «сүйіктім». Әлемнің түкпір-түкпіріндегі 70 мыңнан астам радионың басын құраған. Радиостанциялар жиілігі, аймағы мен стилі бойынша жіктелген.
Қолданушы 70мың радиостанцияның ішінен не тыңдарын білмей, абдырап қалса, не тыңдауға болатынын TuneInнің өзі ұсынады. Ұнаған радиостанцияларды таңдаулылар қатарына қосуға, тәнті еткен әнді «лайктап», қажет болса Amozon дүкенін сатып алуға болады.
TuneInнің мақтанашы сол, ыңғайлы мобильді қосымшалары. Android, iOS, Windows Phone, Blackberryге арналған TuneIn атты тегін және TuneIn Pro атты ақылы қосымшалары бар.
Pro-нұсқаның артықшылығы, эфирді жазып алу мүмкіндігі. Тыңдау кезінде ұнаған тұстарын ерекшелеп, қайта тыңдай аласыз.

4. Deezer
Француздық өнім. Мұрағатында 25 млн музыкалық композиция бар. Ән, не альбом атауы, әншінің аты-жөні бойынша ізделінеді. Әндеріне көңіл толмаса, 30 мың радиостанцияның кез-келгенін таңдау ұсынылады.
Бір ай бойына тегін. Одан кейін айына тек екі сағат ғана тыңдау шектеуі қойылады. Шектеуді алып тастау үшін, айына 4 доллар төлеп тұру жеткілікті. Ал 8 доллар төлеп, әндерді оффлайнда да тыңдау рахаты беріледі.
Мобильді платформалардың барлық түріне арналған қосымшалары бар. Қосымшаларының браузерлік нұсқасынан еш айырмасы жоқ.

5. Google Play Music
Алпауыт компанияның сервисі. Өзім қолданбағандықтан ештеңе айта алмаймын. Білетінім: айына 9,99 доллар төлеу керек. Сонда лицензиясы бар әндерді онлайнда-оффлайнда тыңдауға, жүктеп алуға рұқсат етіледі. Таңдау мол.
Өз тарапыңыздан 20 000 әнге дейін жүктеуге болады.
Білетіндер: «Веб-интерфейсі керемет ыңғайлы. Нағыз меломандарға арналған»,- дейді. Рас-өтірігін қайдам… Меломан емеспін. Сол себепті де бұл сервиске ұшыраспаған болармын.
Universal Music, Sony Entertainment Group, Warner Music Group және тағы да басқа мыңдаған тәуелсіз музыкалық студиялармен келісім-шартқа отырған сервисте 22 жанр бойынша миллиондаған әндер бар.

6. iTunes
Appleдің мақтанышы. Музыка индустриясының астан-кестеңін шығарған сервис. Қолданбағанмын. Өйткені, Apple гаджеттерін ұстамаймын.
Тұтас бір альбомды, не жеке әндерді сатып алуға болады. Бір әннің орташа бағасы 0,99 АҚШ доллары тұрады. Бір айға жазылу — 20$. Ән қоры бойынша әзірге әлемде бірінші.
Легальды киноның да үлкен қоры бар. Ақысын төлеп, кинотеатрға бармай, жоғары сапада iOS платформалы кез-келген гаджеттен көруге болады.
Айтпақшы, бұл сервис Қазақстанда іске қосылмаған. Ресейдің өзінде ресми түрде өткен жылы ашылды.

7. Bandcamp
Музыка әлеміндегі жолын тәй-тәйлап бастаған әншілердің арасында өте танымал сервис. Әншілер өздерінің альбомдарын сайтқа жүктейді. Қолданушылар тыңдайды. Қаласа, сатып алады.
Бағаны әншінің өзі қояды. «Сатпаймын, тегін жүктеп ала берсін» десе де өзі біледі. Қолданушының да жомарттығына шектеу қойылмаған. «Осыдан бірдеңе шығады. Дауысы жақсы. Қолдап жіберейінші» деп, қалағанынша ақша құюына да ұлықсат.
Ән форматын әншінің өзі түрлендіре алады. Ең төменгі битрейт сападағы mp3 форматтан бастап ең жоғары битрейттегі flac форматқа дейін таңдау бар.

мен өзім көп кітап оқымаймын, бірақ та анда санда демалыс кезінде оқимын. Мұғалімнің сілтеуімен сыныптағы 15 баланың барлығы кітап алған болатын. Маған Сайын Мұратбековтың Жабайы алма кітабы түсті. Оны қатты қызығып тез тез оқып тастадым. Одан кейін Ақбілек романын оқыдым. Содан не керек жыл бойы тағы да 3 кітаптай оқыдым. Сабақтың бітуіне 1 айдай қалғанда мектеп кітапханасына кітап алайын деп бардым. Ондағы апайлар тіпті жұмыс ережесін сақтамайды:өздері тұске жақын 11 ге жақын уақытта келеді, содан саған 2 бола салысымен түскі ас ішуге кетеді. Ал бізде күніне 6-7 сабақтан болады. Таңертең барып алайын десем жабық тұрады. ал 25 минуттық үлкен қоңырауда барсам тағы да жабық тұрады. Кітапты алуға облыстық кітапханаларға барайын десем өзім қаланың шет жағында тұрамын. Содан 1 ай қалғанда барғанда кітапханашы апай сабақ соңында келіп аларсың деді. сабақ соңында барсам оқулықтарды қабылдаумен қолы босамай жатыр екен. Енді кітап алам десем бос емеспін дейді. Апай сондықтанда 1 ай бұрын келгенде соны біліп алдын ала кітап алғым келген десем кітап бермеймін деді. Қатты ашуым келді. Кітапханашылардың осындай салақтықтары үшін мектеп директорына шағындансам ба екен????

Махаббат… Махаббат бұл өмірде жоқ емес, ол бар… Махаббат біздің басымызға түсіп, сезіміне бөлеп, тұрақты бола алмай, кете баратын болғандықтан, кейбіріміз оны жоқ деп есептедік. Мағанда осылай жасап кетседе, мен оны бар деп есептедім, себебі оның дәмін таттым. Мүмкін әлі махаббат сезімінің дәмін тата алмай жүргендер жоқ деп есептейтін де шығар, бірақ бұл сезімді бастан өткермегендер кемде-кем.

Бұл өмірдің заңы бойынша шын сүйіп, ғашық болғандардың көпшілігі қосыла бермейтін секілді. Қосылғандар бар, бірақ қосыла алмай, айырылысып кеткендерге қарағанда аз. Бәрін болжайсың, елестетесің, қиялға батып сүйгеніңмен болашаққа шарлайсың, шешіп қоясың… Бірақ, шіркін, әттеген-ай, тағдырыңда сүйгеніңмен, ғашығыңмен бірге бола алмау ғана жазылған екен. Тағдыр екіге айырады, өмірің біршама уақытқа созылған қасіретке айналады.

Алғашқы махаббатым сәтсіз, баянсыз болса да, мен одан көп нәрсе үйрендім. Сүюді, сүйгенім үшін жылауды, бірте-бірте оған үйреніп, бауыр басып, жүрегіме орналастыра отырып ғашық болуды үйрендім. Ол үшін жанымды да қиярдай, бір сәтте онсыз шыдай алмастай, өлердей ғашық болдымда. Ол менің жан дүниемнің, ішкі түкпірімнің, жүрегімнің қорегі, азығы еді.

Бұл тек маған жолыққан алғашқы махаббатым ғана болып қойған жоқ, сонымен қатар ол, махаббатқа әбден мас қылдырды, ғашықтық сезімінен қалағанымша дәм татқызды. Ғашықтыққа мас болған адам — белгілі бір аурумен ауырған адам секілді немесе ақыл есінен айырылған жынды адамға ұқсайды. Ол ешкімді тыңдамайды, ешкім оны ғашығының жолында тоқтата алмайды. Оны сүйгені ғана тоқтата алады, айтқанын істете алады. Ләйлінің Мәжнүнін бекерден бекер Мәжнүн демесе керек, себебі араб тілінде Мәжнүн — жынды деген сөз екен.

Мен осылайша бұл өмірде махаббат әлемінің жұмағында жүргендей күй кештім. Эх, егер бұл ғашықтыққа мас болу мәңгілікке созылар болса, онда бұл шексіз рахат іспеттес. Ал егер аяқталар уақыты болса, махаббат осы ғашықтықтан айырып жарты жолдан тастап кетер болса, онда сен сүйгеніңнен айырылғаныңа жүрегің шыдай алмай бұл өмірмен қош айтысасың немесе бұған жүрегің төтеп беретін болса, онда ұзақ уақыт оны ұмытумен азапта, қиналумен өмір сүресің. Жүректе қалған жара болып, ескі түскенде ол жара тырналып, ауыртып уақыт өте береді.

Біз өткізген алты ай уақыттың ешбір күні, бір-бірімізді іздемеусіз, хабарласпаусыз өткен емес. Бір күн онымен тілдесе алмай қалар болсам, сол күнгі ауамды жұта алмай, тамағымды, суымды іше алмай қалғандай күйді кешер едім. Оның дауысы тіптен нәзік, жіңішке еді, ешбір қыздың дауысына ұқсамаған, қасында тұрып естігенде жаным тынышталып, рахаттанғандай күй кешетін едім. Ол жанның бойынан басқа қасиеттерін айтпағанда, дауысының өзі оған ғашық болуыма жеткілікті еді. Ол мен үшін теңдесі жоқ, баға жетпес болды. Оның өткен өмірінде кім болған мені қызықтырмады. Мен одан, маған жеткіліктінің бәрін үйрендім. Бірақ… Ол енді ешқашан келмейді…
Ол бұл өмірде бар, бірақ біз енді ешқашан қосыла алмаймыз, тіпті оның дауысында ести алмаймын. Ол бұны қаламаса да, оның таңдауы осы болды. Міне тағдыр осылай өліп-талып, жанын қиярдай болып ғашық болғандарды түрлі айла-тәсілдерімен айыра салады екен. Қайта ғашық болғым да келеді, бірақ қорқамында, тағы қайталанар болса өмірімнің мәні кетіп, азапқа айналуынан. Енді ғашықтыққа жақындамай, тек шынайы ғана сүйіп, жүрегімнің, екі өмірімнің бақыты болады деген адаммен ғұмыр кешкім келеді…

Ұмыту керек адамыңды ұмытуға кейде уақытта көмек бере алмай қалады. Өйткені қанша уақыт өтсе де ұмытылмайтындай сезім қалдырған адамдар бар. Қатты ұмытқың келіп бара жатса, тек өз күшіңмен ғана ұмыта аласың, — деп ой түйдім.

Сіздерге махаббатта тек сәттілік, екі дүние бақытын, рахатын тілеймін!

Өткен жолы спорт сусындары туралы материал жариялаған едім. Ол постта протеин коктейлі туралы көбірек айтылды да, қалған сусын түрлерін жалпылама шолып шықтым. Енді соның жалғасы ретінде гейнерлерге тоқталғым келеді.


Гейнер (ағылш. gain — өсіру, қосу) — көміртектен және ақуыздан тұратын тағам қоспасы. Гейнер көп жағдайда бұлшықетін тез өсіргісі келетін, салмақ жинағысы келетін адамдарға арналған. Бұл сусын жаттығу залында денеге күш түсіріп шыныққанда өте пайдалы.

JUMBO
Бұлшықетті өсіру үшін калорияны, энергетикалық көмірсулар мен ақуыздарды тұрақты пайдаланып отыру қажет. Бірақ көпшілігімізде қоректену тәртібін тұрақты бақылап отыруға уақыт бола бермейді. Сондықтан JUMBO секілді тағам қоспасын күнделікті пайдалану ағзадағы қоректік заттардың деңгейін тұрақты ұстап тұруға септігін тигізеді.

JUMBO-да бір порцияда ақуыз мөлшері 50 граммды құрайды. Дәмдік түрлері: шоколад, ваниль, құлпынай.

Ыдыстағы мөлшерлері:
4400 г – 20 рет қабылдау,
8800 г – 40 рет қабылдау.

1 порция көлемі: 220 г.

Дайындау әдісі өте оңай. Ыдыста болатын қасық арқылы ұнтақты тиісті мөлшерде стақанға саласыз да, үстіне су немесе сүт қосып араластырасыз.

JUMBO PROFESSIONAL
Көп қимылдауға байланысты көбірек энергияны қажет ететін ағза үшін. JUMBO PROFESSIONAL-дың құрамында ақуаздың пайыздық құрамы көбірек. Жоғары сапалы ақуыз құрамы 52 граммды құрайды. Қоспада сүт сарсуының (сыворотка) тез әсер еткіш ақуызы бар, сондықтан препаратты жаттығу кезінде де, соңынан да қабылдауға болады.

Қалауыңызша түрлі дәмдері бар қоспалар таңдай аласыз, мысалы: шоколад, банан, құлпынай.

Ыдыстағы мөлшерлері:
1620 г – 10 рет қабылдау,
3240 г – 20 рет қабылдау,
6480 г – 40 рет қабылдау

1 порция көлемі: 162 г

MYOMAX HARDCORE
MyoMax Hardcore — бұлшықет массасын өсірудің анаболикалық формуласы. Құрамында ақуыз, яғни жоғары сапалы ультрасүзгіленген сарсу протеині көбірек. Сарсу протеині ағзаға тез сіңеді.

MyoMax Hardcore құрамында қант аз және көмірсу мөлшері де шамадан аспайды. Сондай-ақ бұл қоспада 5,5 г креатин бар. Креатин бұлшықет клеткалары үшін аса пайдалы қорек заттарының бірі.

Қолдану тәсілі:
140 г (шамамен 4 қасық) ұнтақты сумен араластырасыз. Жаттығудан кейін ішкен тиімді.

Ыдыстағы мөлшерлері:
3080 г — 22 доза,
1400 г — 10 доза.

MASS
Бұл қоспалар бастапқы және орта деңгейдегі спортшыларға ұсынылады. Жұмысқа қабілеттілікті, бұлшықет массасын және күш-қуатты жақсарту үшін ағзаға тез сіңетін тағамдық қоспа. Бұның да құрамында сарсу ақуызы бар және энергетикалық көмірсулар қосылған.

Дәмдері: шоколад, ваниль, құлпынай.

Ыдыстағы мөлшерлері:
2250 г – 45 рет қабылдау,
4500 г – 90 рет қабылдау.

1 порция көлемі: 50 г.

Scitec Nutrition брендімен шығатын бұл өнімдерді Алматыдағы ресми дистрибьютордан сатып алуға болады. Өнім түрлері мен қолдану тәсілдерін сол жердегі мамандар түсіндіріп бере алады. Мекен-жайы: Наурызбай батыр, 89 (Қабанбай батыр және Шевченко көшелерінің ортасы). World Class Almaty ғимаратының ішінде.

Құрметті оқырмандар жалпы салем! Міне, менің ең алғашқы блог жазбам. Сіздер Роберт Кийосаки жайлы естіген шығарсыздар.Тіпті «Богатый папа, Бедный Папа» қазақшада «Бай әке, Кедей әке» кітабында, оқыған боласыздар.Қазіргі перспективалық жасстардың сүйікті кітаптарының бірі. Сол кісі жайлы айта кетсем, Рәкеннің ата-бабалары Жапониядан арнайы Америкаға қоныс аударған.Роберт 1947 жылы 8 сәуірде дүниеге келген.Ең алғаш мектеп табалдырығын Нью-Йорктағы бір мектептердің бірінен аттаған деседі.Жас кезінен бастап, бала Роберт қиыншылық көрген ба, не басқа себептер болды ма, ақша десе жылтың ете қалатындардың арасынан болды.Орта мектепті тәмамдаған соң, АҚШ әуе-теңіз күштерінде әскери борышын өтеп, Вьетнамда пилот болып қызмет атқарған.
Әскерден оралған соң Xerox компаниясында тауар агенті болып қызметқе орналасады.1977 жылы өзінің жеке бизнесін бастап, компания құра бастады.Оның негізгі табыс көздері жылжымайтын мүліктер және активтер(акциялар,құнды қағаздар) болды.
1995 жылы Кийосаки мен Шерон Л.Лечтер халықаралық «Rich Dad`s Organization» компаниясын құрды.Тікелей қазақшаға аударғанда «Бай Әкелер Организациясы».Комнанияның мақсаты бизнес және инвестиция жайлы пайдалы ақпараттар мен білім беру және кітаптар шығару болды. Осы жылдар аралығында Кийосаки «Бай әке, Кедей әке» кітабын жазып шығарады.Кітап бүкіл әлемде бестселлер болып таралады.Сонымен қатар «Уолл-стрит джорнал», «BusinessWeek» және «Нью-Йорк таймс» сияқты белді басылымдар арасында рейтингісі ең жоғары кітаптардың арасында болды.
«Бай әке, Кедей әке» кітабының танымал болу себебі неде?
Кийосаки өз кезегінде болып жатқан әлеуметтік тұрмыстың қиыншылықтарын дөп басып айтып, тығырықтан шығудың жолын іздестіріп өз пікірін айтады.Кітапта акция, облигация сияқты қаржы мәселесіне қатысты терминдерді қарапайым түрде мысалмен түсіндіреді.Өзінің әкесін «Кедей әке»деп атап, жақын досының әкесін «Бай әке» деп атайды.Екі әкесі де Робертке өздерінің ақыл-кеңестерін береді.Бірақ Роберт Бай әкесінің ақылымен жүріп миллионер атануға тырысады.Әрине кітапта негізінен АҚШ-тағы экономикалық қиын жағдайлар: салық жайлы банктік төлем, кредиттік карточкалар т.б әңгімелер қозғалған.Біздегі ең қиын мәселе «тұрғын үй» мәселесі деп ойлаймын.Сондықтан бізде АҚШ-қа қарағанда салық мәселесі жайлы қатты асып бара жатқан проблема жоқ. Кітапта сонымен қатар адам психологиясының әлсіз тұстарын анық айтып, күресу жайлы кеңестер берілген.Кітапты оқымаған болсаңыздар оқуға кеңес беремін.

Кітартағы афоризм:

Кедейлер мен орта тап өкілдері ақша үшін жұмыс істейді. Ал ақша байлар үшін жұмыс істейді

Маңғыстау облысы, Ақтау қалалық жастар саясаты орталығының ұйымдастыруымен жыл сайын «Студент көктемі» апталығы болып тұрады. Аталған шара биылғы жылы да кезекті алауын жаққан болатын. Биылғы апталық 21-25 сәуір аралығында өткізілді. «Студент көктемі — 2014» апталығына Ақтау қаласының жоғары, техникалық және кәсіптік оқу орындарының студенттері толығымен атсалысты. Апталық аясында спорттық ойындар, ақындар мүшәйрасы, театрландырылған сахналық қойылым, эстрадалық ән байқауы, үздік блоггерледі анықтау, сурет галериясы, жайдарман сынды т.б. көптеген сайыстар өткізілді.
Апталық аясынан естелік суреттер:

«ПетроҚазақстан» компаниялар тобының құрамындағы «ПетроҚазақстан Ойл Продактс» ЖШС Шымкент қаласында орналасқан. Мұнай өңдеумен айналысатын осы зауытта өртке қарсы оқу-жаттығу жиыны тұрақты түрде өтіп тұрады. Сондай жаттығулардың біріне барудың сәті түсті.

Зауыт сейсмологиялық қауіпті аймақта салынған.






Сондықтан да зауыт басшылығы жер сілкінісі бола қалған жағдайда зілзаланың салдарын жою бойынша әр айда бір рет әзірлік өткереді. Әрбір дайындық — шарттылық жағдайында жүргізіледі. Болуы мүмкін жайттардың тізімі жасалынып, сценарийі әзірленеді. Шын оқиғаға мейлінше ұқсатылады.







Алдымен "Қуаттылығы 7-8 баллдық жер сілкінісі болды" деген хабар берілді.



Дабыл қағылғаннан кейін азаматтық қорғаныс бөліміне қарасты апатты-құтқару отрядтары апат болуы мүмкін нүктелердің амандығын тексеруге кірісті.


Жер байланыстары тобы байланыс штабын құрып, басқа штаб жетекшілері мен топтар арасында радиобайланыст орнатуды міндеттеріне алды. Ал, энергоцех тобы штабтарға автономиялық қозғалтқышта өндірілетін электр қуатын жеткізіп, орталықтандырылған электр желілерін ток көзінен ажыратып тастады.





Су-құбыр отряды үйіндіні аршып, екінші дүмпу болған кезде құбырлардың дәнекерленген тұстарында пайда болған тесіктерді бекітті.




Барлау тобы бензин жылыстаған және газдану болып жатқан орындарды анықтап, басқа топтардың апатты оқшаулауына жағдай жасады.





Зілзала дүмпуі екінші рет қайталанғанда құбыр жұмыстарын тексеру тобы бензин сақталған резервуарлардың бірі тесілгенін анықтады. Бас оператор зауыт диспетчеріне жағдайды хабарлаған соң, барлық бөлімдер «Гермис» ұялы байланыс жүйесі арқылы құлағдар етілді. Зауыттың "Өртке қарсы" акционерлік филиалының отряды мен төтенше жағдайлар департаментінің өртке қарсы қызметі өрт орнына келіп жетті.









Мұнай өнімдерінің жануын ақ көбікпен ғана тоқтату мүмкін болғандықтан өрт ошағына ақ көбік, ал жан-жағына су шашылды.





















Осылайша өрт сөндіріліп, айналасы сумен мұздатылды.



Оқу-жаттығуға барлығы 150-дей адам қатыстырылып, 16 дана арнайы техника пайдаланылды.