АҚША ТАБУ ОЙЫНЫ

Қадірлі достар! Ертең Роберт Киосакидің «Денежный поток» ойыны тегін ұйымдастырылады. 2 қазан күні сағат 15.00де, Астана қ. 4 мкр. 24 үй, НұрАй компаниясының офисі. Тел: 87012087546 Келіңіздер, көріңіздер…
Әрі қарай

Күмбез тәрізді үй: үнемдеуден комфортқа

Күмбез тәрізді үйге заманында «болашақтың үйі болады» деген болжам жасаған. Бұл болжам орындалды. Бірнеше әлемнің үздік елдерінде осындай үйлерде тұру заманауи модаға айналды. Киіз үйімізге ұқсас үйлер қазір әлемнің түкпір-түкпірінде бар. Сәулет өнерінің білгіштері ата-бабамыз тұрған үйдің мәні мен сәнін ұғып бағуда.

Жылы, жарық, қолайлы…
Мұндай үйлердің басты қасиеттерінің бірі энергияны үнемдеу. Күмбезді таңдай отырып, біз үйді жылытуға аз масрап жұмсаймыз. Энергетикалық балансқа жетеміз: үйдің іші қыста жылы жазда салқын. Күмбездің ішіндегі ауа тезірек жылиды, себебі ол жерде ауа 20-30% азырақ, жылу бірқалыпты таралады.

Үйдің аумағы 100% қолданылады.

Үйдің пайдалы аумағы ең эффектив жартылай сфера конструкцияларда қолданылады. Онымен салыстырғанда тіктөртбұрыш үйлердің 40-60% аумағы дұрыс қолданылмайды.

Қолайсыз ауа-райынан қорықпайсыз.

Күмбез-үйдің аэродинамикалық қасиеті ерекше. Оның домалақ пішініне жел әсер ете алмайды, және де сейсмикалық аудандарға бейім.

Уақыт пен ақша аз кетеді.
Минус 15-20% материал және 30-40% құрылыс жұмыстары. Бұл конструкция тез жиналады. Мысалға, 2-қабатты диаметрі 8 м үйді екі адам 3 күнде құрастыра алады.

Өз қолыңмен салу мүмкіншілігі
Өз қолыңмен қала сыртындағы үйің немесе одан да «қиын» конструкцияларды салу оп-оңай.
Әрі қарай

Атбасарда әскери борышын өтеп жүріп қаза болған сарбаздың мәйіті туған жеріне жеткізілді.

23 жастағы жауынгер үш күн бұрын 166/4 түзеу мекемесінің күзетінде тұрған жерінде көз жұмған болатын. Басынан АК-74 автоматынан атылған Атхам Бекболатовтың мәйіті кешкі тексеру кезінде күзет мұнарасынан табылған. Қазір бұл іс бойынша тергеу жүріп жатыр. Атхам Бекболатов осыдан үш ай бұрын әскер қатарына шақырылған. Ішкі әскерге алынған жігіт Отан алдындағы борышын Ақмола облысы Атбасар ауданындағы түзеу мекемесінде атқарып жүрген. Туыстарының айтуынша, отбасындағы алты баланың тұңғышы болған Атхам көзі тірісінде әскери қызметкер болуды армандаған екен. Туыстары мен жора-жолдастарына жиі хабарласатын болған. Ұялы телефон арқылы туыстарымен тілдескен сайын сол абоненттің шотына ақша салуын сұрап келген көрінеді.

Сондықтан қыршын кеткен боздақтың өлімі «әскери бөлімдегі әлімжеттіліктің салдары» дейді марқұмның бауырлары. www.ktk.kz
Әрі қарай

Бар қазақ бір Майклға жете алмай жүр

Жеті жасынан бастап суда жүзуді үйрене бастаған АҚШ атлеті Майкл Фелпс үш жылдың ішінде-ақ өз қатарластарының арасындағы әлем рекордын жаңартқанда, АҚШ бапкерлерінің көзіне бірден ілігеді. Кейін 15 жастағы Майкл Сидней (2000 жылы) олимпиадасына қатысады да, онда ол баттерфляй әдісі бойынша 5-орынға қол жеткізіп, өзіне үлкен тәжірибе жинақтады.

Осы сәттен бастап Майкл тек АҚШ жұртын емес, күллі әлемді таңғалдыра бастайды. Ол 2004 жылы өткен Афины олимпиадасында 6 алтын, 2 қола медальді қанжығасына байласа, Бейжің (2008 жылы) додасында жүзуден мүмкін болған 8 алтынның барлығын қоржынына салды. Сонымен, оның қоржынында, қазіргі таңда, олимпиаданың 14 алтыны мен 2 қола медалі бар. Бұл жетістікке Әлем чемпионатының 26 алтыны мен 6 күміс, 1 қола медалін қосыңыз.
Әрі қарай

Рауан туралы

Атлетико Минейро осы жылы құрамын күшейтуде сәтті қадамдар жасады. Клуб президенті Александр Калил мен директоры Эдуардо Малуф тәжірибелі, әрі талантты ойыншыларды команда сапына шақыруда аз тер төкпеді. Мысалы, Ришалисон, Гильерме, Дуду Сеаренсе, Патрик, Леонардо Силва, Торо, Каио және Андре сынды ойыншылар «Қораздар» сапын толықтырды. Солардың ішінде жанкүйерлерге таныс емес дарынды жас ойыншы да бар. Ол – Рауан Сариев, клубтың жастар құрамасына келген 17 жасар жас шабуылшы. Еуропа мен Азияның арасында жатқан алып ел Қазақстанда туылған шабуылшы туралы мағұлмат бере кетсек. Саша Барон Коэннің персонажы Бораттан кейін Қазақтар туралы Бразилияда мұншалықты қызығушылық тумаған болатын.
Әрі қарай

Сасқан үйректің артқа сальто жасауы

Сатекең бал ашатындар жайлы жақсы жазып өтіпті. БАяғыда ағам екеуміз базардың маңында отырған құмалақшыға құмалақ аштырған болатынбыз. Қызық үшін. Ағам "қашан үйленетінін" анықтап әуре. Құмалақшы да құмалақтарын былай-былай ысырып,«екі жылдан кейін үйленесің» деген тәрізді әңгімелерін лақтырып жатқан болатын. Сол кезде ағам«Неге, өтірік айтып отырсыз? Менің үйленгеніме 3-4 жыл болған» демесі бар ма. анау да бір қу екен "Үйбай, мына құмалағым мына жерде тұр екен ғой, бәсе неге шатастым десем" деп бір құмалақты жанталасып басқа құмалақтарға қосып әуре)))
Енді айтарым, қазақта салған құмалағы дәл келетін құмалақшылар болған. Ол Алладан келген қасиет. Кәзіргі көшеге шығып кеткен балшылардың-емшілердің көбі психолог болып алған. Еркек көрсе «Бүйрегің, белің» ауырадымен бастап", әйел көрсе іш -құрылысың дұрыс емес деп шыға келеді. «Сенің тісің ауырады» деген емшіні кездестірмеппін.
Құмалақ салатын жерлері лас, жан-жағы босаған бөтелке, темекінің қорабы жатқан жерге Періште қайдан жуысын. Бұлар болса Періште хабар береді деп қояды.
Әрі қарай

Қазақтың дәстүрлі 3 әні

Қазақтың бай ән қазынасының ішінен тамаша 3 дәстүрлі әнді ұсынамын…
«Дедім-ай-ау» бала күнімнен сүйіп тыңдайтын әнім...
Дедім-ай-ау
Айналайын, ақ жүзің, айдан аппақ,
Сендей жарды ер жігіт қайдан таппақ,
дедім-ай-ау
Көрген адам қасыңнан кете алмайды,
Мұз үстінде жүргендей тайғанақтап,
дедім-ай-ау

Қайырмасы:
Алма ағаштың гүліндей-ау,
Текеметтің түріндей-ау,
Өтіп дәурен бара жатыр,
Сіз бен бізге білінбей-ау.

Құлағыңа таққаның күміс сырға,
Күмбірлетіп шығасың күнде қырға,
дедім-ай-ау
Сағыныштан сарғайып шыдам таппай,
Мен өзіңді қосамын ән мен жырға,
дедім-ай-ау.

Қайырмасы.

Әміре Қашаубаев Парижде орындап, Еуропаны бағындырған ән...
Ағаш аяқ
Атандым мен жасымнан ағаш аяқ
Жас жанды ақсақ етті аямай-ақ
Салдықтың салдарынан ақсақ болып
Жүргенім қолыма ұстап жалғыз таяқ

Әй, қалды-ау, қалды-ау
Әй, қалды-ау, қалды-ау
Қыз қалды ойбай
Қыз қалды-ау
Қара жол ма дегенім
Шұбырынды із болды-ай, ойбай

Ала жаздай нәр татпай
Іздегенім қыз болды-ау, ойбай
Қыз қайда, ойбай, қыз қайда?
Шіркін-ай есіңе ал,
Алсаң ал, алмасаң қой
Сенсіз өлер деймісің
Шіркін-ай, шіркін-ай
Үкілі кәмшат бөркің-ай
Ой-пәлі-ай
Ей, пәлі-ай!
Осылай ма едің
Қыз бала-ай!

«Гауһартас», орның бөлек әнсің сен...
Гауһар тас
Ажарың ашық екен атқан таңдай,
Нұрлы екен екі көзің жаққан шамдай.
Анаңнан сені тапқан айналайын,
Күлім көз, оймақ ауыз, жазық маңдай!

Қайырмасы:
Беу-беу гауһар тас,
Құсни, құрдас,
Раушан жүзің көргенде
Сәулем-ау, сабырым қалмас.

Ажарың ақ түлкідей қашқан құмнан,
Шолпандай таң алдында жалғыз туған.
Жылы су, қолда құман, қарда орамал,
Жібекпен қызыл гәріс белін буған.

Қайырмасы.

Басасың аяғыңды, ырғаң-ырғаң,
Салдырап шашбауың мен алтын сырғаң.
Жай жүріп щаттанасың әсерленіп,
Әсемсің жүйрік аттай мойын бұрған.

Қайырмасы.
Әрі қарай

Үш сайттың ашылуы болды

Алматыда «Мемлекеттік тілді дамыту» Президенттік қоры «ҚазМұнайГаз» ҰК» Акционерлік қоғамының қолдауымен әзірленген балаларға арналған balbulaq.kz танымдық порталының, экономикалық тақырыптағы «economika-qun.kz» және мұнай, газ тақырыбына арналған kazmunai.kz деп аталатын үш интернет-сайттың ашылу рәсімін өткізді.

«balbulaq.kz» сайтында бастауыш класс оқушыларына арналған оқу-әдістемелік құралдар, ертегілер, аңыз-әңгімелер, мультфильмдер мен басқа да түрлі бағыттағы ақпараттық-танымдық материалдар топтастырылған. Портал 6-10 жас аралығындағы балаларға арналған.
Әрі қарай