Астана Туран Университетінің профессорлық-оқытушылық құрамы Астана қаласының әйелдер көшбасшылығы мектебін өтті.

Ұйымдастырушылар «Астана қаласының Ішкі саясат басқармасы» МММ қаржылық қолдауымен «Қазақстан әйелдері Қауымдастығы» ҚБ болып табылады.

Іс-шараның негізгі мақсаты – Қазақстан Республикасындағы гендерлік теңдік мәселелерін талқылау, әйелдердің көшбасшылығының әлеуетін күшейтуде заманауи тәжірибелік құралдарды пайдалану.

Әйелдер көшбасшылығы мектебінің бағдарлама шеңберінде келесі тақырыптар ашылды: «Біз қандай әйелдерді өз көшбасшылары ретінде көргіміз келеді? Гендерлік саясат не үшін қажет?». Осы тақырып бойынша тренер Expo&Women халықаралық ұйымының атқарушы директоры – Лязят Аскарова болды. Қатысушылармен «Сәнді эмоция гардеробы» тақырыбы да талқыланды.

— Бүгін бізде жаңа тақырып – көшбасшылық. Біз сатылы көшбасшылыққа үйренгенбіз, деңгейлі көшбасшылық болады екен. Сертификатталған тренер қатысушыларға ең басты аспектілердің әнгімелейді. Бұл біздің әйелдерімізге бергіміз келетін американдық жаңа әдістеме. Бірінші кездесу әйелдерге гендерлік саясат туралы баяндаудан тұрады. Бізде лекциялар, семинар-тренингтер, дөңгелек стол кіретін тоғыз іс-шара өтеді. Соңында біз әйелдерден олардың тілектері мен ұсыныстарын естігіміз келді, — деп айтты «Қазақстан әйелдері Қауымдастығы» Президенті Гульнар Байымбетова.

Астанада «Астана» концерт залының қабырғасында Қазақстан Халқы тілдерінің қалалық фестивалі өтті.

Іс-шара «Рухани жаңғыру» бағдарламасы аясында Қазақстан халқы тілдері күні мерекесінің құрметіне ұйымдастырылды. Кеш ұйымдастырушыларының айтуынша, фестивальдің негізгі мақсаты – мемлекеттік тілді қолдану саласын кеңейту, ұлтаралық келісімді, Қазақстан халқының достығы мен бірлігін насихаттау, болашақ елді дамытуға жас ұрпақтың назарын аудару.

— Осы фестиваль жыл сайын өтеді, Астанада мереке шеңберінде бірнеше іс-шаралар өтеді, бүгінде қазақ халқының салт-дәстүріне арналған бірінші мерекелердің бірі. Бүгін мемлекеттік тілді дамытуға елеулі үлес қосқан тұлғаларды мүсіншелермен марапаттадық, олардың ішінде журналисттер, блоггерлер, дәрігерлер, сондай-ақ қоғамдық қайраткерлер, — деді Астана қ. Тілдерді дамыту жөніндегі басқарманың Тілдерді дамыту және үйлестіру жұмыстары бөлімінің бастығы Нурзила Каскатаева.

Сонымен, мерекелік іс-шара барысында, Астана қ. әкімінің атынан мемлекеттік тілді дамытуға елеулі үлес қосқан тұлғалар «Тіл тұғыры» атағымен марапатталды. Олардың ішінде танымал журналист, тележүргізуші, ҚР Инвестициялар және даму министрлігі жанындағы Ақпараттық қауіпсіздікті қамтамасыз ету жөніндегі департаменттің директоры Берик Уали, Әлкей Марғұлан атындағы № 40 орта мектеп директоры Ербол Иргебай, «Астана» телевизиялық арнаның директоры Ляззат Танысбай, «Қазақстан КТК Одағы» ӨЖҚҰ Президенті, «ЖІГЕР. АБЫРОЙ. САНА» қоғамдық қордың атқарушы директоры Елеукен Есентугел, астаналық «Шипалы» клиникасының бас дәрігері Қайрат Айдархан және танымал блоггер, айти-маман, қазақстан блогосфераның негізін қалаушылардың бірі Ерлан Оспан және Қорғалжың ауданының «Өрлеу» МКҚК директордың орынбасары, Қазақстан Халқы Қауымдастығының мүшесі Леонид Гейленгер.

— Шындығын айтқанда, бүгін мені марапаттайды және құттықтайды деп күтпедім. Өте қуаныштымын. Мен мемлекеттік тілді насихаттау керек деп санаймын – бұл республиканың әр азаматының борышы, — деп «Қазақстан КТК Одағы» ӨЖҚҰ президенті Есентугел Елеукен өз пікірін білдірді.

Іс-шара шеңберінде, мереке қонақтарына концерт арналды. Қазақ эстрада жұлдыздары өз хиттарын орындады. «Алашұлы» тобы, Қайрат Нұртас, Қарақат Әбілдина барлығы жақсы көретін әндерін орындады, сондай-ақ ағайынды Жүгінісовтар, Шахаризат Сейдахмет, Әсем Омар және тағы басқалары өз шығармашылығымен көрермендерді қуантты.

Астана қаласы ауылшаруашылық басқармасының ақпараты бойынша, ет бағасын тұрақтандыру үшін отандық өндіруші-тасымалдаушылармен келісім жасалды. Келісімшартқа сәйкес, кәсіпкерлер белгіленген баға бойынша етті үздіксіз жеткізуді қамтамасыз етеді.

Ресми статистикалық мәліметтер бойынша, 2017 жылдың тамызында Астанада инфляцияның деңгейі 99,8% құрады, оның ішінде азық-түлік тауарларына — 98,4% болды.

Сиыр етінің бағасы 0,7%-ға өсіп, 1641 теңгені құрады. Ауылшаруашылығы басқармасы атап өткендей, сиыр еті бағасының өсу себебі өзіндік құнының элементіне қымбаттауы: валюта бағамына байланысты жем, жанар-жағармай, т.б. бағаның өсуінен болған.

Аталған өнім бағасын тұрақтандыру мақсатында отандық ет өндіруші және жеткізуші «Астана агропродукт» ЖШС-мен және 60-тан астам етті саудалаушыларменбелгіленген баға бойынша үздіксіз жеткізуге келісім жасалған. Осы меморандумдар аясында аталған өнімді сату тұрақты түрде әлеуметтік аз қамтылған тұрғындар сұранысын қанағаттандыратын «Шапағат» коммуналдық базары арқылы жүзеге асырылады.

Осылай еттің сатып алу бағасын белгіленді (1250 теңге/кг), алдыңғы сан етінің бағасы 1350 т/кг.

Бұдан бөлек, әлеуметтік маңызы бар азық-түлік бағаларын тұрақтандыру үшін қалада үнемі ауылшаруашылық жәрмеңкелері өткізіліп тұрады. Осы жылдың наурыз айынын бастап 48 аймақтық ауылшаруашылық жәрмеңке өткізілді. Онда 25 мың тоннадан астам өнім сатылды. Бұл өткен жылмен салыстырғанда екі есеге көп. Оның 3200 тоннасы барлық ет түрлері.
Жәрмеңкелер өткізу азық-түлік бағасының төмендеуіне әсер етеді. Республиканың өңірлерімен тауарлар көлемін көбейту бойынша жүргізілген бірлескен жұмыстың арқасында оң динамика байқалады. Қырыққабат (45%), картоп (40,6%), пияз (26,6%) бағалары айтарлықтай төмендеген.

Қант бағасын тұрақтандыру мақсатында шілде айынан тауар интервенциясы жүргізілуде. Ал осы айда сатып алынған күріш пен қарақұмық жармасы бойынша интервенция жүргізу жоспарланған.

-Бұл шаралар барлық тауар топтары бойынша тұтыну өскен жағдайда да бағаны бақылауға мүмкіндік береді. Өнім жетіспеушілігін болдырмайды және бағаның күрт шарықтап кетуіне жол бермейді. Бұл бағытта жұмыстар жалғасын табады, — деп атап өтті ауылшаруашылығы басқармасының басшысы.

22 қыркүйекте Қазақстан Республикасы Еңбек және халықты әлеуметтік қорғау форумы өтті. Форум бағдарламасында барлық Республикадан әлеуметтік сала қызметкерлері мен қиыр және таяу шетелден келген қонақтар қатысты.

Форум шеңберінде әлеуметтік қызмет көрсету жүйесін одан әрі дамыту тұжырымдамасын секциялық талқылау өткізілді. Секциялық жұмыс мүгедек балаларға әлеуметтік қызмет көрсету, қарттарды күту, тұрмыстық күш көрсету құрбандарына көмектесу, бас бостандығынан айыру орындарынан босаған және белгілі тұрғылықты орны жоқ тұлғаларды әлеуметтік оңалту және әлеуметтік қызметкерлердің біліктілігін арттыру бағыттары бойынша өткізілді.

Секциялар жұмысына барлығы 500 аса адам қатысты. Үш секция Астана қаласының Жұмыспен қамту, еңбек және әлеуметтік қорғау басқармасының ведомствоға бағынышты мекемелер базасында өткізілді: Астана қаласы Әкімдігінің «Шарапат» әлеуметтік қызмет көрсету орталығы» КММ, Астана қаласы Әкімдігінің «Нұрлы Жол» Әлеуметтік қызмет көрсету орталығы» КММ және Астана қаласы Әкімдігінің «Зорлық-зомбылық немесе зорлық-зомбылық қаупі салдарынан қиын жағдайға тап болған адамдарға арналған дағдарыс орталығы-баспанасы» КММ.

Сонымен бірге, Форум шеңберінде мүмкіндіктері шектеулі тұлғалардың Үздік әлеуметтік жобаға конкурсы және Қолданбалы өнер көрмесі өткізілді. Секциялық жұмыстан кейін Қазақстан Республикасының Еңбек және халықты әлеуметтік қорғау министрінің төрағалығымен Пленарлық отырыс өтті.

Отырыс барысында әлеуметтік қызметтер сапасын жақсарту бойынша ұсыныстар мен әлеуметтік саясатты одан әрі дамыту перспективалары әзірленді.

«Алау» мұз сарайында қысқы маусымға дайындық қызу жүруде.

400 метрлік жолға, хоккей кортына мұз қатыру процессі озық технология мен жоғары сапалы материалдарды қолдану арқылы жүргізіліп жатыр. Аренаға «Алау» логотипі мен мұз айдынының тұмары Алаулика суреті әр бермек.

Мұздың жалпы аумағы — 9200 м², мұндай ауқымды аумақ үшін 460 000 литр су қажет болған. Мұз құю жұмыстары бір аптадан соң аяқталады. Ал 2017 жылдың 30 қыркүйегінде сарай жаппай сырғанау әуесқойлары үшін есігін айқара ашады.

Өткен жылмен салыстырғанда оқушылар мен студенттер және зейнеткерлер үшін кіру бағасы кез келген сеансқа 500 теңгеге дейін арзандатылған. Бұдан бөлек 7 жасқа дейінгі балаларға, көпбалалы отбасы балаларына, балалар үйінің тәрбиеленушілеріне, I және II топтағы мүгедектер үшін кіру тегін.

Жаппай сырғанау алты күндік режимде өтеді: жұмыс күндері үш сағаттық бір сеанс 19:00-ден 22:00-ге дейін, демалыс күні – 5 сеанс жоспарланған. Дүйсенбі – техникалық күн.

Айта кету керек, жылдан-жылға «Алау» мұз сарайында жаппай сырғанау танымалдылығы артып келеді. 2016-2017 жыл маусымы кезінде жаппай сырғанауға 160 000 адам келген. Бұл жоба жүзеге асырылғаннан бері ең жоғары көрсеткіш болып табылады.

2017 жылдың 26 қыркүйегінде «Астана-Орал» және «Алматы-Орал» жаңа бағыттары бойынша «Тұлпар-Тальго» жүйрік поездерінің іске қосылады.

«Жолаушылар тасымалы» АҚ деректері бойынша «Астана-Орал» поезды 28 қыркүйек күні 11 сағат 33 минутта «Астана-Нұрлы жол» станциясынан жүреді.Орал станциясына келу – 27 қыркүйек 12 сағат 42 минут.

Жолда жүру уақыты 13 сағатқа (39 сағаттан 26 сағатқа дейін) қысқарады. Тұрақтар келесі станциялар бойынша белгіленді: Астана, Атбасар, Есіл, Құсмұрын, Тобыл, Әйтекеби, Никельтау, Ақтөбе, Қазақстан және Орал.

Әр құрам қазақстандық өндірістің «Тұлпар-Тальго» 27 вагонынан құралатынын атап өту керек, олардың 2 вагоны «Гранд» класынан, 2 – «Бизнес», купе вагоны – 18, сондай-ақ 3 техникалық вагон және 2 вагон-мейрамхана (вагон-бар). Вагондарда жолаушылар үшін, оның ішінде мүмкіндіктері шектеулі тұлғалар үшін барлық қажетті жағдайлар жасалды.

Қазақстан Республикасы аумағынан Ресей Федерациясының аумағы арқылы бақылау ресімдерінен өткізусіз келесі транзитпен мемлекеттік шекара арқылы жүйрік поездарды өткізу ресімдерін жеңілдету мақсатында «1996 жылғы 18 қазандағы т/ж көлігі кәсіпорындарының, мекемелері мен ұйымдарының қызметін құқықтық реттеу ерекшеліктері туралы келісімге» өзгерістер мен толықтырулар енгізілгенін еске түсіреміз.

Ерлан Қарин мен Джейкоб Зенн «Между ИГИЛ и Аль-каидой: Центральноазиатские боевики в Сирийской войне» атты кітабын оқып шықтым. Кімдерге оқуға кеңес берем: дінтанушылар мен теологтарға және сыртқы саясат пен ішкі тұрақтылықты бағдарлайтын азаматтарға.
Қандай қызықты фактілер көрсетілген: біріншіден, Орталық Азияға теріс ағымдардан қайдан келді, неге келді, қандай мақсатта; Сирия, Ирақ, Ауғанстандағы жағдайлардың толық суреттелуі, бүгін мен болашақта қауіпті жағдайларды бағдарлау мәселелері көтерілген.
Түйін: дін мәселесін қатты қыса беріп, бір «рамкаға» кіргізіп тастаса, Өзбекстан елі секілді мыңдаған экстремалды экстремисттер шығады. Тыныш, қысымсыз қоғамда теріс бағытқа кеткендер қайта оралмайды, қайта оралса оның зардабын болашақта қоғам көруі мүмкін.
Осы кітабымды аяқтауымның тариxи мәні бар, өйткені, Қарағанды облысынан жанұялармен Сирияға көшкендердің легін осы облыс бастап отыр. Осы мекенде діни сауатқа «аш» жанұялар уланып көшіп кеткен болатын. Болар іс болды, бояуы сіңді. Діни деградацияға ұшырайтындарды нөлге жеткізіп, руxани жаңғыру бағдарламасының басым бағыттарын іске асырып, болашақтың бағдарын бүгінгі күннен бастап жасау қажет.

Исламбек Дастанұлы.

#ЕрланҚарин #ДжейкобЗенн #руxанижаңғыру #жастардыңкөзімен #сирия #ирак #игил #талибан #алькаеда #досымсатпаев #кофе #түн #қарағанды #Ерлан #Карин #кітап #оқу #xобби #бос #уақыт #Тәуелсіздік #шаxтер #арда #қазақ #ниет #ақ #болса #жолын #дара

«Ой-Зерек» радиобағдарламасының 2017 жылғы 23 қыркүйектегі шығарылымында 2-айналымның соңғы ойыны өтті. Қонаққа келген «Арулар» командасы (Әйгерім Кеулімжай, Бану Ергеш, Самал Алашбаева) ойынды 5:6 есебімен аяқтады.

1. Британ әншісі M.I.A.-ның (Матха́нги «Ма́йа» Арулпрагаса́м) алғашқы студиялық альбомы АЛЬФА деп аталады (латын қаріптерімен). Альбом атауы әншінің әкесі Arul Pragasam қолданған кодталған саяси лақап есімнен туған. Сондай-ақ, АЛЬФА деп аталатын шоу балет ұжымы, Бәйтерек тобының әні, Мұқағалидың өлеңі бар. АЛЬФАны атаңыз.
2. Антон Чехов өз әңгімелерінің бірінде қызыл, контузия алғандай, бұта арасынан шығып келе жатқан ОНЫ суреттейді. ОҒАН арналған Википедия парақшасында бірқатар африкалық және азиялық мемлекеттердің атаулары мен таңбалары жазылған. ОНЫ атаңыз.
3. Граф Григорий Александрұлының барлық тісі түсіп қалған кезде, ол жіңішке тілімдермен ет тіліп, ұнға малып, тұз, бұрыш салып, пияз қосып қуырып, кастрюльге салып, соус құйып, буға қоюды және 20 минут пісіруді өтінеді. Григорийдің фамилиясын атаңыз.
4. Бір әлеуметтік жарнама үндейді: «ИКС ішпе, ИКСпен жүрме, ИКС жаса». ИКСті атаңыз.
5. «Қалайышы, тігінші, сарбаз, тыңшы» (орысша нұсқасы «Тыңшы, шығып кет») фильміне берілген бір рецензияда былай деп жазады: «Тамаша түсірілген «Шерлоктан» кейін жұлдыз атанған Бенедикт Камбербэтч — мұнда бар болғаны үшінші ...". Үшінші не?
6. «Адам — құдайдың АЛЬФАсы» дейді Қадыр Мырза Әли. Ал Хабар арнасының сюжеттерінің бірі «Оқушы қыздың АЛЬФАсы Елбасының көңілін толқытты» деп аталады. АЛЬФаны атаңыз. (АЛЬФАмен дыбыс үндестігі сақталады)
7. Жансызда бір жансыз бар жалғыз аяқ, Басына қыстырғаны шиден таяқ.
Жалаңаш қойып тұтас өзге жерін, Беліне ораныпты аямай-ақ. Қазақ жұмбағын шешіңіз.
8. Таралған пікірге сүйенсек, америкалықтар оны сенімді болу үшін жасайды, орыстар қорыққасын жасайды, қазақтар абайлап, алдын-алу үшін жасайды. Ислам.ру-дың айтуынша, ғалымдардың өзі үшке жарылады: оның барлық түрі рұқсат, ешқандай түріне рұқсат жоқ, тек адамға қатыстысына рұқсат. Ол не?
9. Бұл адам Цезарь Борджиа кезінде белгілі бір уақыт әскери кеңесші қызмет атқарып, жауланған аймақтардың карталарын салады. Әскери бекіністер, су жолдары және жол желілері көрсетілген өңірдің тиянақты сызбаларының арқасында Ареццо қаласындағы көтерілісті басып тастаудың мүмкіндігі туды. Заманауи зерттеушілер бұл қаланың пейзажын ОСЫ ТУЫНДЫНЫҢ артқы көрінісінен көруге болады деп санайды. Қай туындының?
10. Захар Прилепиннің кейіпкерлері жәрмеңкені үздіксіз айналып өтіп жүреді. Және кейіпкерлердің бірі жылдам жүреді, ал екіншісі ақсақтап, әрең қозғалып келеді. Жазушы кейіпкерлерді ОЛАРға теңейді. Оларды бірнеше сөзбен немесе алфавитте қатар келетін әріптерден басталатын екі сөзбен атаңыз.
11. 23 қыркүйек күні. 1848 жылы 23 қыркүйек күні америкалық Джон Куртис (John Curtis) өз үйінде осы өнімнің алғашқысын өндірді. Оның фабрикасындағы төрт қазанның бірінде қоспа, қалғандарында жеңіл ароматизаторлар қосылған масса дайындалған. Алғашқы өнімдер «Ақ тау», «Қантты кілегей» и «Лулу қызылмиясы» деп аталған. Ал бұл өнімге алғашқы патентті 1869 жылы огайолық дантист алады. (Ал Қазақстанда осымен аттас елді мекен бар). Өнімді атаңыз.

Ойынның фейсбукте тікелей эфирі бар. Негізі, инстаграмда да ойын уақытында эфир болады.
Эфир аудиожазбасын ресми сайттан тыңдауға болады.

Алматы облысының тілдерді дамыту жөніндегі басқармасының тілдер күніне арналған салтанатты шарасы осы тақырыпта өткізілді. Жеті жұрттың тілін білмекке ұмтылған белсенділер бұл күні жырдан шашу шашып, тілге деген құрметтерін асқақтата түсті.
Оқушылар сарайында өткен биылғы шараның форматы да өзгеше. Салтанатты жиынның шымылдығын облыстық «Жетісу» газетінің жас журналистері жырмен ашты. Қоңыр үнімен киелі сахна төрінде көрермен жүрегін өлеңмен әлдилеген Құралбек Сәбитов, Айдар Қалиев, Мұхтар Күмісбек, Асыл Сұлтанғазы сынды жас ақындар көпшіліктің ыстық ықыласына бөленді. Ал «Анамның тілі, айбыным менің» деп ән салған сегіз жасар Рамазан Оспан тіл мерекесінің шырайын тіптен аша түсті.
***
«Тілге құрмет – елге құрмет». Мемлекеттік тілдің қолданылу аясын кеңейту мақсатында Алматы облысында ауқымды тірліктер атқарылуда. Мекемелер мен кәсіпорындарда, ұйымдарда мемлекеттік тілде іс жүргізуді жетілдіру, сонымен қатар мемлекеттік тілге деген қызығушылықты арттыру бойынша жүйелі жұмыстар қолға алынған. Бұл турлы салтанатты жиында Алматы облысының тілдерді дамыту жөніндегі басқармасының басшысы Айдар Башбаев мәлім етті.
Басқарма басшысы салтанатты жиынға ана тілімізді қадірлеп, қастерлейтін қоғам өкілдері жиналып отырғанын айтты.
Елбасымыз айтқандай «Енді ешкім өзгерте алмайтын бір ақиқат бар! Ана тіліміз Мәңгілік Елімізбен бірге Мәңгілік тіл болады. Оны даудың тақырыбы емес, ұлттың ұйытқысы ете білгеніміз жөн». Бір айта кететін мәселе – тілдер күні әлемнің ешбір мемлекетінде атап өтілмейді. Бұл – еліміз үшін тіл саясатының қаншалықты маңызды екенін айғақтайды», – деген Айдар Карбозұлы өз сөзінде еліміздің латын қарпіне көшу мәселесін де тілге тиек етті. Латын қарпіне көшуде ұлтымыздың ұтары көп екенін, жаңғырудың өзі жазудан басталатынын, бұл мәселеге ел болып қолдау білдіру қажет екенін баса айтты.
Салтанатты шара барысында басқарма басшысы тілімізді дамытуға өзіндік үлес қосып жүрген азаматтарға ҚР мәдениет және спорт министрлігі Тілдерді дамыту және қоғамдық-саяси жұмыс комитетінің Құрмет грамотасын, Алматы облысы әкімінің Құрмет грамотасы мен Алғыс хаттарын және Тіл басқармасының Құрмет грамоталарын табыс етті.
***
Мұнан кейін киелі сахна төріне қазақтың қара домбырасымен «Текті сөздің төресі» атты облыстық байқаудың жеңімпазы, қараша айында өтетін республикалық байқауға жолдама алған Нариман Әбдірахманов шығып, тілдер мерекесіне орай ақын Жұматай Әміреевтің сөзіне жазылған Асулар" атты арнауын орындады.
Көпшілікке терең ой салған тамаша арнаудан кейін сахна төріне ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Алматы облысы бойынша департамент басшысы Серікбай Нұрғисаев шығып, мерекеге орай жылы лебізін білдіріп, тіл мерейін асқақтатуда сүбелі үлес қосып келетін азаматтарды департаменттің Құрмет грамотасымен марапаттады.
***
Өзгеше форматта өткен салтанатты жиында облысымыздағы қазақ тілін меңгерген этнос өкілдері де өздерінің ақ жарма тілегін білдірді. Арнайы бейнежазбада айтылған ұлт өкілдерінің «қазақ тілі – өз тілім», «ұлтым орыс болса да, тілім – қазақ» деуінің өзі мемлекеттік тілді құрметтеуі деп білеміз.
«Тіл — татулық тірегі». Олай болса, көп ұлт пен ұлыстар мекендеген елімізде тіл қадірін жете түсініп, оның мерейі мен мәртебесін өсіру жолында бірлік таныту – өзекті.
***
«Кіл жүйріктен, кім жүйрік». Елбасы Н.Назарбаевтың «Болашаққа бағдар: рухани жаңғыру» атты мақаласы аясында қазақ поэзиясының көрнекті ақыны Тұманбай Молдағалиев жырларын ұрпаққа өнеге ету, мол мұрасы арқылы жастарды отансүйгіштікке тәрбиелеу, өлең құдіреті арқылы мемлекеттік тілдің мәртебесін көтеру мақсатында Алматы облысының тілдерді дамыту жөніндегі басқармасы және «Қазконтент» АҚ «Әдебиет порталы» интернет-жобасының ұйымдастыруымен «Жүрегі жырдан жаралған» атты жазба ақындардың республикалық онлайн-мүшәйрасын өткізген болатын.
«Мәңгілік елдің мәңгілік тілі» атты салтанатты шарада онлайн-мүшәйрасына қатысып, оза шапқан ақындар марапатталды.
Басқарманың арнайы жүлдесін «Жетісу» газетінің бас редакторы, Халықаралық «Алаш» әдеби сыйлығының иегері Әміре Әрін табыс етті.
Мүшәйраның бас жүлдесі Алтынғадыс Күнтуғанұлына ( 100 000 тг.) табысталса, бірінші орынды Оразай Жеңісұлы ( 80 000 тг) иеленді. Жүлделі екінші орын Мәрлен Ғилымханға (70 000 тг) бұйырды. Ал жетісулық жас ақын Мағрипа Сандуғаш үшінші орынға (60. 000тг) лайық деп табылды.
***
Кітап – ғажайып қазына, кітап – өмірсерік. Кітапты сүймеген, Құдайды да сүймейді (Ш. Мұртаза).
Алматы облысының тілдерді дамыту жөніндегі басқармасының ұйытқы болуымен «Жетісу – кітапқұмарлар өлкесі» атты «Букроссинг» облыстық жобасы қолға алынған болатын.
Қоғамдағы «уақыт жоқ» деген стереотипті бұзып-жарған жаңа бастама – «БУККРОССИНГ» – еркін кітап алмасу акциясының өткізіліп жатқанына екі айдың жүзі болды. Бүгінде көшпелі кітапхана халықтың кітапқа деген қызығушылығын оятуға айтарлықтай үлес қосуда.
Жылжымалы кітапхана сөрелеріне қойылған 700-ден астам кітаптың 100-ге жуығын оқырмандар үйдегі кітаптарын алып келіп, ауыстырып алса, 70-тен аса кітап «оқып, қайта алып келемін» деген оқырмандарға берілді. Мәселен, тек «Қаратал» жағалауы бойында орын тепкен көшпелі кітапханаға екі ай ішінде қала тұрғындары 200-ге жуық кітапты сыйға тартты.
Аталмыш жоба аясында белсенділік танытқан қала тұрғындарын тілдер мерекесі күні марапатталатынын осыған дейін әлеуметтік желіде құлағққағыс етіп, жазып келдік. Мерекелік шара барысында жоба аясында белсенділік танытқан қала тұрғындары арнайы үш номинация бойынша марапатталып, сый-сияпат табыс етілді.
«Ең үздік жас оқырман» номинациясымен Талдықорған қаласындағы Бақтыбай Жолбарысұлы атындағы №18 мектеп лицейінің 3 сынып оқушысы Жанна Қасен, «Ең үздік оқырман» номинациясы бойынша облыстық «Жетісу» газетінің журналисі Қозыбай Құрман, ал осы акция аясында ең көп кітап өткізген қала тұрғыны Гүлзада Сыдықова «Ең көп кітап өткізген оқырман» номинациясымен жүлделі болды.
Осы шара аясында өлеңін өмірбаянына, өмірбаянын өлеңіне айналдырған, әдебиет айдынында өзіндік қолтаңбалары қалыптасқан Жетісудың дарынды да, жалынды ақындары Сағыныш Намазшамова, Гүлбақыт Қасен, Жангелді Немеребаев, Торғын Тұрлыбаева, Азамат Нұрмұханов жүрекжарды жырларын оқып, көшпелі кітапханаға өз кітаптарын тарту етті.
«Мәңгілік елдің мәңгілік тілі» атты салтанатты шараны «Алтын қалам», «Алтын тобылғы» әдеби сыйлықтарының иегері, Қазақстан журналистер одағының мүшесі, жазушы Есболат Айдабосын және Алматы облысы тілдерді дамыту жөніндегі басқармасы тіл бөлімінің бас маманы Әсем Кенжеғұлова жүргізді.

Ауылда мектепті орысша оқыған мен үшін қалаға келіп қазақша түсіну, сөйлеу қиынға соқты. Түсінікті болу үшін басынан бастасам.
2009-шы жылы ауылдағы мектептің 9-шы сыныбын бітірдім. Мен 9-шы сыныпты бітірген жылы апам 11 бітіріп университетке оқуға түскен. Екеумізді қатар оқытуға ата-анамның қаржысы жетпейтін. Менің 11 оқуыма тура келгенді.
Жазғы демалыстың жартысын қаладағы жездемнің үйінде өткізетін едім. Сол жылы жездем өзім оқытамын деп, ауылдағы ата-анама қолқа салып, менде ауылдан кететініме қуанып қалаға келгем. Үш ай демалыста зу етіп өте шығып, көптен күткен оқу жылыда басталды. Мектепті орысша оқығасын, лицейдіде орысша оқығанды дұрыс деп шештім. Арада біраз күн өткенде жездем орыс тобынан қазақ тобына ауыссаңшы. Оқыған мамандығыңды үйренбесеңде қазақшаңды түзерсің деген. Өзімді патриот санап жүргесін бе? -қайтемін оны деп қазақ тобына ауыспадым. Расы қажет етпедім. Арада біраз жыл (сондағы үш жыл) өтті. Оқуды да тәмәмдадық. Диплом иесі атанып, жақсы деген бағамен бітірдім. Енді жұмыс керек. Қысқасы таныс қажет дегендей. Оқу бітірген алғашқы жылдары қазақ тілінен аса қатты қиналмасамда, кейін қазіргі жұмысыма кіргенде, қазақша неге оқымадым деп бармақ тістеп қалғаным бар. Қазақ тіліне шорқақтығымда қатты сезіліп тұрды. Есіме оқуға түскенде жездемнің айтқан, қазақша оқысаңшы дегені еріксіз еске түсе берді. Жалпы қазақша түсінемін. Бірақ емін-еркін әңгімелесе алмайтыныма қынжыламын. Ауылда оқушы күнімде қазақ тілінен сабақ беретін үш мұғалім бар еді, олардың өзі кейде бар, кейде сабақ мүлдем өтпейтін. Ұстаздың жоқтығынан қаншама ауыл баласы қазақша білмей өсіп келеді.
P.S. Қос тілдің орнын ауыстырып оқуларыңыз сұралады