«Атаманның ақыры» фильміне 40 жыл!

Шытырман оқиғалы фильм Қазақстанда 1920 жылы орын алған шынайы тарихи оқиғалардың негізінде түсірілді. Жаркенттік ТК ақ гвардияшы атаман Дутовтың бандасын жою туралы операция дайындайды. Оны орындау чекист Шадияровқа жүктелді. Ол атаманның штабына еніп, әбден оның сеніміне кіріп алып, өз өмірін қатерге тіге жүре берілген тапсырманы орындап шығады.

— «Атаманның ақыры» фильмінің сценарлық жобасы бекітілген кезде мен Сұлтан Ходжиковтың «Қыз Жібек» фильміне түсіп жүрген болатынмын. Дегенмен де, «Атаманның ақыры» фильмін түсіру жұмысы біркелкі әрі тиянақты болғандықтан, оның түсірілімі «Қыз Жібектен» бұрын түсіріліп бітті. Образды сомдауым, менің ойымша, Шәкен Кенжетайұлының көңілінен шықты. Бірақ, өкінішке орай, ол көрерменнің пікірін білмей-ақ кетті. Амал қанша, көп ұзамай бақилық болды ғой.»
— деп, фильмде басты рөлді сомдаған актер Асанәлі Әшімов фильм жайында, режиссер жайында еске алды.
Әрі қарай

Джеффри Хинтонның дабылы: «Суперақылды ЖИ адамзатты жойып жіберуі мүмкін» - 10 млн қаралым жинаған сұхбаттың негізгі ойлары

  • ЖИ
Жасанды интеллекттің «атасы» саналатын Джеффри Хинтонның сұхбаты 10 млн қаралым жинады. Елу жыл бойы ол жасанды интеллект жасады. Енді машиналар адамзатты жойып жіберуі мүмкін дейді. Жұмыссыздық, кибершабуылдар, сайлауды бұрмалау, вирустар, адам өлтіретін роботтар — бұл бізді күтуі мүмкін қауіптердің толық тізімі емес. Мұндай дүниеде адамдар не істемек? Әзірге… гуманоид роботтар пайда болғанша, сантехник секілді қол еңбегін игеруді үйренсін.

Бұл сандырақ сияқты естіледі. Бірақ мұны Джеффри Хинтон айтып отыр — онсыз, бәлкім, ChatGPT, Gemini, Grok және өзге нейрожелілер болмас еді. Ол — Тьюринг сыйлығының лауреаты, нейрожелілер жөніндегі еңбектері қазіргі ЖИ-дің іргетасына айналған ғалым. 2013 жылы Google оның технологиясын сатып алып, Хинтон ол жерде он жыл терең оқытуды дамытты. Содан кейін ол тәуекелдер туралы ашық айту үшін кетті.

Төрт айда 10 млн рет қаралған сол сұхбаттағы басты ойлар төмендегідей.
Әрі қарай

Google-дың жаңа SEO алгоритмі: ЖИ дәуіріндегі мазмұн революциясы

  • ЖИ
Іздеу жүйелері заман талабына сай өзгеріп жатыр. Әсіресе, Google соңғы кезде SEO (іздеу жүйесіне бейімдеу) саласына түбегейлі өзгеріс әкелді. Бұрынғыдай кілтсөздерге толы мәтін жазып, тақырыпты арнайы боттар үшін құрастырып, рейтинг көтеруге тырысу енді жарамайды.

2025 жылдың наурызында жарияланып, сәуірден бастап толық күшіне енген жаңа Google алгоритмі сайт иелері мен контент жасаушылардан мүлде басқа көзқарас талап етеді. Бұл тек техникалық өзгеріс емес – мазмұн құндылығына негізделген жаңа дәуірдің бастауы.
Әрі қарай

Соңғы кортеж

Көктемнің бір қоңыр салқын кешінде елдің тақта отырып тозған көсемі кенет мазасызданып ояныпты. Түнгі тыныштықтың өзінен үрей сезілгендей. Жылдар бойы жұртты темірдей тәртіппен ұстаған оның өзі енді әлденеден қорқатын болыпты. Түн ұйқысы бұзылып, айнаға қараса да көлеңкесі үрейленіп тұрады екен. Сол күндердің бірінде ол сенімді көмекшісін шақырып:

– Мені балгерге апар, бірақ ешкім білмесін, – деп бұйырыпты.
Әрі қарай

Қашқын екеудің хикаясы

Бір кездері ел ішінде беделі асқақ, сөзі өтімді бір саясаткер мен оның жанындағы блогер досы өмір сүріпті. Бірі мінберден түспесе, екіншісі интернетті шулатып жүріпті. Тендер, тапсырыс, айыптау, мақтау – екеуінің де күнделікті нанына айналған екен.

Күндердің күнінде ел ішінде үлкен шу шығып, екеуінің де бетпердесі ашылады. Елден қашып, шетел асуға мәжбүр болады. Жинаған қаражаттары той-томалақ пен сән-салтанатқа кеткен екен, көп ұзамай қалталары да жұқарады.
Әрі қарай

«Қазақ әлемі» – фанатизм бе, әлде ұлттық сана ма?


Автор: Арнур Ауезхан

«Қазақ әлемі» – екі достың оқиғасы арқылы road movie жанрында түсірілген туынды. Басты кейіпкер – сүйіктісінің қолын алып, ауылда қалғысы келсе, қыздың арманы – Америка. Осы қарама-қайшылықты шешу үшін кейіпкерлер «Нұрлан Қоянбаевты тауып алып келу керек» деген ойға келеді. Бұл сәттен бастап фильмнің негізгі желісі – қазақ болмысы мен қазіргі ұрпақтың ұлттық сана мәселесіне айналады. Нұрлан Қоянбаев фильмде өзін «қазақ болмысына ықпал еткен, тарихты танитын, отансүйер миллионер» ретінде көрсетеді. Бірақ ең қызығы – бұл фильмде өзін ойнайды. Өзін тек актер емес, ұлттық идеяның жетекшісі ретінде көрсетуі, кейде тіпті саясаткер не болашақ президент ретіндегі образды ишаралап беруі – ойландырады. Бұл фильмде реалистік актерлік шеберлік емес, өзін-өзі насихаттау алдыңғы қатарға шыққандай әсер қалдырады.Актерлік құрам кең емес, оқиға тек екі достың төңірегінде өрбиді. Екеуінің рөлі – өздерінің бұрынғы веб-сериалдарындағы жеңіл әзілге толы образдары. Бұл – фильмнің терең идеяны жеткізу мүмкіндігін шектейді. Ал Нұрлан Қоянбаевтың бейнесі – тек «қуатты тұлға» ретінде беріледі, бірақ бұл көрерменге жасанды әсер береді. Әзілдер – шынайы емес, күлкілі болудан алыс.
Әрі қарай

Сөйлей алмайтын бала: Даму кешігуінің себептері және шешу жолдары

Бүгінде медицинаның жетілуі арқасында бұған дейін байқалмаған неврологиялық проблемалар ерте анықталуда. Бұрын тек «бала кеш сөйлейді» деп қараған жағдайлар қазір нақты диагнозға ие болып отыр. Соңғы жылдары Қазақстанда балалар арасында аутизм, сөйлеу дамуының кешеуілдеуі (ЗРР) және психикалық дамудың тежелуі (ЗПРР) диагноздары жиілеп барады. Бұл құбылыс ата-аналар мен мамандарды алаңдатып отыр. Мұндай диагноздардың көбеюіне не себеп? Бұл мәселені шешудің қандай жолдары бар? Осы сұрақтарға жауап іздеп көрейік.

Әрі қарай