Қайырлы күн, керекинфолықтар. «Сириядағы жиһадшы 150 қазақ» әлеуметтік желіні тіксінттідеп азаттық сайтына көптен бері шулап жатқан Сириядағы жиһадшы қазақтардың видеосы жайлы материал шыққанын көрген боларсыздар. Және азаттықтағылар енді осы қазақтардың бір дерегін іздеп жатыр. Сондықтан бір білсе сіздер біліп қалар деп көмек сұрап отырмын. Танитынтарыңыз болса айта отырыңыздаршы. Не жекеге хабарлассаңыздар болады. Сөйлеу мәнеріне қарап Ақтөбеліктер ме деп ойлап қоямын.

Мотоциклдің тарихы көлік жасаумен қатар дамып келеді. Алғаш рет 1885 жылдары мотоциклді Готтлиб Даймлер ойлап табады.

1894 жылдары екі шебер Гильдебранд и Вольфмюллер мотоциклге біраз өзгеріс енгізіп, екі дөңгелекті жаңа модельді ойлап табады.

1895 жылдан бастап, Франция автомобиль клубтың ұйымдастыру барысында Парижде мотоспорттан біраз жарыстар өтеді. Бірінші рет ресми түрде Венада 1899 жылдары мотоцикл жарысы өтті. 1904 жылы сегізінші шілде айында Халықаралық Мотоспорт федерациясы құрылды. Расында екінші дүниежүзілік соғыстан кейін мотожарыстың жылдамдығы мен спорттық мотоциклдің түрі дамыды.

Ереже бойынша мотоспортты қауіпсіздік үшін арнайы трассада дайындалуы тиіс.
Егерде мотоспортпен айналысқан жағдайда алдымен техникалық қауіпсіздік ережесін бақылап қадағалап үйреніп алсаңыз, сіз үшін қорқынышты болмайды. Тек қағидаларды сенімді түрде үйренген жақсы.
Бұл спортпен айналыспас бұрын алдымен дәрігерлік кеңестен өтіп алған жақсы. Әсіресе жүйкеңіз шыдамды болуы тиіс. Қаншалықты жүйкеңіз шыдамды болса, соншалықты болмашы кейбір жарақатқа аса байсалды қарауға көмектеседі.
Егер осы спортпен айналысуға бел бусаңыз нюаныс жағын ойлауды ұмытпаңыз!
Ең бастысы спорттан ләззат алу,

Бұл спорт түрінен Қазақстанда бар. Бірақ аз деңгейде дамыған. Әйелдер арасында әзірге жетеу. Соның бірі Екатерина Огнева


Әлі де кеш емес деп қызықсаңыз мына сайтқа кіріңіз де ақпарат сұрауға болады. Your text to link... Қазақстан қалалары: Қостанай, Ақтөбе, Астана, Алматы да бар.

Спорт ағылшын тілінен аударғанда «ойын, көңіл көтеру». Спортты біз қалай түсінеміз, спортқа деген көзқарас? Жалпы қазақ халқы спортты қаншалықты сүйеді, қаншалықты күйінеді. Спорт ол жұдырық алып, көше төбелес емес. Спорт-ол мәдениет. Спорт-ол интеллектуал. Спорт-ол қозғалыс.Спорт-ол күрес. Спорт әр адамның өмірінде орын алып жатыр. Қарапайым ғана жүгіру мен жүру немесе баспалдақпен жоғары -төмен түсу. Спорттың адамға берер пайдасы шаш етектен. Үнемі бір формада болу, сұлу бітімде қалыптасу, денсаулықты жақсарту және творчестволық-интеллектуалдық қабілетті өсіру және де мінез құлық қалыптасады.Алға қойған мақсатқа жетуді және қалай жеңу жолдарын үйретеді. Көңілімізге қуаныш пен күш сыйлайды.Әрі спортпен айналысып жүрген замандастармен ешқашан зерікпейсің де. Егер өзінің сүйікті спорт түрімен айналыссаң зерігуге де уақыт жоқ. Әр спорттың өзіндік заңы мен тарихы бар. Біздің елде қай спорт саласы жақсы дамыған және дамымай ақсап келе жатқан түрі бар. Алдағы уақытта біле жатамыз.
Жалпы спортты бөліп қараймыз. Кәсіпқой спорт, әскери қорғаныс спорт, ұлттық спорт, көпшілік спорт және спорттың жоғарғы жетістігі.

Оптикалық иллюзия — көріп тұрған затқа шын мәнінде дәл өзіндей емес, алдамшы көрініс ретінде әсер қалдырады, яғни басқаша айтқанда көрудің оптикалық алдауы. «Иллюзия» — латын тілінде "қате", "қателесу" деген мағынаны білдіреді. Иллюзияның себеп-салдары неден туындайтыны туралы көптеген ғалымдар айналысқан. Кейбір суреттерге ғылыми түсініктеме берілсе, кейбірінің жауабы әлі күнге табылмаған. Бәзбір иллюзиялар «көзіңізді ашытып жас келтіріп, басыңызды ауыртуы мүмкін, тіпті кеңістікке „лағып“ кетуіңіз де мүмкін» деп ескертеді

25 қазанда премьерасы басталатын Ларс фон Триердің «Нимфоманка» фильмінің жарнамалық постерлері шықты. Постерлерде фильмге түскен 14 актер оргазмды бейнелеген.

Фильм трейлері

Бұрындары бұндай аса маңызды емес нәрселерге бас ауыртпайтын да едік. Ойлап отырсам CD дискілердің дәурені өтіп кеткенін байқамай да қалыппын. Үйдегі ноутбуктерде дисковод жоқ болғалы қашан? Тіпті флеш дискілерден, оны мұны информация сақтағанды былай қойғанда, операциялық жүйені қайта отырғызып та әбден үйреніп алғанымыз соншалықты, загрузочный дисктерімізді де флешкалар алмастырып үлгерді.

Қызықтың көкесі өткен жолы үйге келгенде (Алматыда оқып жатыр едім) болды,

Футбол қарайтындардың барлығын футбол фанаты дейді. Бірақ олардың өзі бірнеше түрге бөлінеді. Солардың негізгі 3 түрі туралы айта кеткім келеді: Кузьмич, Ультрас, Хулиган. Үшеуі де бір команданың жанкүйерлері, бірақ мақсаттары бөлектеу.

Кузьмич

Әлемдегі барлық стадиондарды толтырушы негізгі күш осы жігіттер. Олар команданың барлық ойындарын, футболшыларды, статистиканы т.б бәрін біледі. Бірақ трибунада қатты белсенділік танытпайды. Ойыналды және соңы 2-3 бокал сыра ішу, ойынды талқылау, мойынға шарф тағып, команда атын айқайлап жүру сияқты қасиеттер тән. Ойынды отырып қарайды. Қарсы жақ фанаттарынан агрессия байқалған кезде қашып кетулері де мүмкін. Стадионда ультрас жағы бастайтын ән, ұран, зарядтарды біледі, реті келсе қосылып отырады. Футбол олар үшін театрдың басқа түрі.

Ультрас

Әдетте қақпа артына жайғасатын белсенді топ. Трибуна шоу жасайды. Баннерлер, файерлер, команданы үнемі алға сүйреп отыратын ұрандар… Барлығын осы жігіттер жасайды. Өте белсенді, ұйымдасқыш топ. Команданың сырт алаңдағы ойындарына да баратын осылар. Мақсат — трибунада шоу жасау, команданың жеңісінде өз үлесі барын сезіну.

Хулиган

Футбол фанаттарының ең агрессив түрі. Футболдағы нәтиже маңызды емес. Футболға бармаулары да мүмкін. Мақсат қарсылас команда фанаттарын жеңу. Олармен төбелес я келісім бойынша, я «жабу» арқылы болады. Келісім бойынша 2 жақ шығатын адам санын келіседі де басқа ешкім араласпайды бұл төбелеске. Ал «жабу» қарсыластардың қай жерде екенін тауып алып, сол жерде үстеріне секіру. Бұл жерде адам саны маңызды емес. Тек ешқашан қолдан басқа құрал қолдануға болмайды.

Қазақстандағы жағдай

Қазақстанда «кузьмичтер» әлбетте барлық қалаларда бар. Хулиганизм әлі дами қоймаса да ультрас ішінде хулиган топтар бар немесе екеуін де бірге ұстанатын «Хультрас» деп аталатын топтар.
Қазақстанда алғаш рет 2006 жылы басталды ультрас қозғалыс. Ақтөбеден кейін Қостанай, Астана, Алматы қосыла бастады. Жаулар, достар анықталып, алғашқы төбелестер де, «жабулар» да болды. Жалпы қазіргі ультрас қозғалыстың аяқ алысы жаман емес. Тек бұрынғыдай еркіндіктен айрылды. Стадиондарда файер, түтін жағуға болмайды. Полиция да бұлармен қарым-қатынасты үйрене бастады. Бірнеше күнге отырып шыққан фанаттар да бар. ОМОН-мен де қақтығыстар болды.

Тағы бір ескертетін жай: ультрас арасында ұлтшылдық дамып барады. Бұрын бізге барлығы Ресей арқылы орысша келсе, енді қазақшалануда баннерлер де, әндер де. Барлық әлемде солай. Футбол фанаттары оңшыл ұстанымда. Яғни футболдан тыс ұлтшыл бағыттағы әрекеттерге де баруға дайын. Фанаттарды өз қаласының, елінің ең мықты патриоттары деуге болады ғой? Демек мұндай ұлтшыл ұстанымдары да заңды. Фанатизм дамыған сайын шынайы ұлтшылдық та дамиды деген сөз. Бұл біреуге жақсы, біреуге әлбетте жаман.

Бұлар кімдер?
2006-2010 жылдары өзім де осы топтың ішінде болдым. Алғашқы құрушыларынанмын десем де болады. Біздің арамызда мектеп мұғалімі де, дизайнер де, архитектор да, жеке кәсіпкер де, фирма менеджері де, банк қызметкері де, құрылысшы да, жүк түсіруші де, жұмыссыз да, бай баласы да болды. Түрлі тап, түрлі деңгейдегі адамдар. Бәрін біріктіретін футбол. Былай сыртқы өмірде оларды фанат деп ойламауың мүмкін, бірақ трибунаға келген кезде іштеріндегі жыртқыш аң сыртқа шығады, адам танымастай өзгереді. Ультрас трибунасына бір рет келген адам тағы келгісі келіп тұрады. Бір рет сырт алаңдағы ойынға барып көрген адам тағы да шыққысы келіп тұрады. Бір рет файер немесе түрлі-түсті түтіннің иісін сезген адам сол иісті аңсап тұрады. Бір рет ОМОН немесе қарсылас агрессиясын сезінген адам тағы да сол адреналинді қалап тұрады. Бұдан құтылу мүмкін емес. Иә, фанаттың да жасы өседі, ақырындап кете бастайды, орнына жастар келеді. Бірақ бәрібір ол бұдан қашып құтыла алмайды.

Егер бұл тақырып сізге қызық болса жақында шыққан ресейлік «Околофутбола» деген фильмді қарауға кеңес беремін. Фильмдегі барлық нәрсе шынайы және анық көрсетілген.


Бонустар
Бонус ретінде Қазақстандық топтардың төбелестерін қарап көріңіз:

Север (Павлодар) — 13-сектор (Ақтөбе)


Ақтөбенің Динамо Киев фанаттарын жабуы


Легион (Астана) — Ривер (Қостанай)




Легион (Астана) — Локомотив (Астана)




(әзірше осылар, кейін тағы қосамын)

Өткен аптада жолым түсіп, ҚР Қорғаныс министрлігінің шақыртуымен Қарағандының Спасск кентіндегі құрлық әскерінің мамандарын даярлау орталығындаболдым. Бір топ журналисті оқу-жаттығу жұмыстарының қалай жүргізіп жатқанымен таныстырды. Келісімшарт негізінде қызмет етіп жүрген жігіттермен сөйлестік. Сол күні орталыққа вице-министр де келген. Онымен де сөйлесудің орайы туды.

Өзімде фотик жоқ болғандықтан Қарағандыға шығар алдында Ерболдың камерасын сұрап алған едім. Бұрын мұндай камерамен түсіріп көрмеген соң, біраз жаттығып көрейін дедім. Қазір өзіме қандай камера алсам деп ойлап жүрмін. Оқу-жаттығу орталығынан түсірген кейбір суреттерімді ұсынып отырмын.

"Қазақ «Тойдың боларынан боладысы қызық», – деп бекер айтпаса керек.
Қыркүйек айының басында Талдықорған қаласының әкімі Ермек АЛПЫСОВ БАҚ өкілдерінің басын қосып, биыл Қала күні жаңа форматта, бір ай бойы өтетіндігін мәлімдегені белгілі. Мерекеге орайластырылған алғашқы шара қыркүйектің алтысы күні Өтенай ауылдық Мәдениет үйінде өткен «Талдықорған әуені» фольклорлық-этнографиялық ансамблінің Талдықорған әскери горнизоны сарбаздарына арналған концертінен бастау алып, содан бері жалпы саны 35 шара ұйымдастырылды. Қоңыр күзге рең беріп, қала тұрғындары мен қонақтарына қуаныш сыйлаған мереке қорытындысы облыс орталығында дүбірлеп өтті. Еліміздің дамуына сүбелі үлес қосатын облыс орталығына тек қана талдықорғандықтар ғана емес, Жетісудың өзге аудан, қалалары мен еліміздің өзге облыстарынан келген меймандар бас қосты.
Мереке облыс әкімінің орынбасарлары Тынышбай ДОСЫМБЕКОВ, Серікжан БЕСКЕМПІРОВ, облыстық мәслихат хатшысы Ермек КЕЛЕМСЕЙІТ және шаһар басшысы Ермек АЛПЫСОВ бастаған қаланың Құрметті азаматтары мен ардагерлердің «Даңқ обелискісіне» гүл шоқтарын қоюдан басталды. Отан үшін жанын қиғандарды бір минут үнсіздікпен еске алып, құрмет көрсеткен облысымыздың атқа мінер азаматтары бүгінгі бейбіт күннің шуағы майданда оқ пен оттың арасында жүріп, ел мен жерді қорғаған батырлардың маңдайтері, ерлігінің арқасы екендігін атап өтіп, жастарға патриоттық тәлім берді. Бұдан кейін меймандар Абай көшесінде орын тепкен Талдықорған әскери гарнизоны техникаларының көрмесін тамашалады. Ел экономикасының дамуы қорғаныс саласының тамырына қан жүгіртіп, шекара шебінде орналасқан облысымызды қорғаушылар заманауи техникалармен жабдықталғандығын қала тұрғындары мен қонақтары әдетте сырт көзден таса тұратын БТР, БМП, гаубица және Әуе қорғаныс құралдарын көзбен көріп, қолмен ұстауға мүмкіндік алды. Бұл әсіресе шаһардың жастарына қайталанбас мүмкіндік туғызып, балғын балалар бір сәт өздерін сарбаз сезініп, әскери өмірдің қызығына кенелді. Содан болар мұндағы жұрттың қарасы көбейіп, техникаға отырғысы келгендер кезекке тұруға асықты.
Орталық алаңның шығыс қақпасында мемлекеттік саясаттың жарқын жемісі ұлтаралық татулық пен ынтымақтастықты дәріптейтін этномәдени бірлестіктердің қолөнер және аспаздық көрмесі ұйымдастырылды. Облыс әкімінің орынбасары Тынышбай Досымбеков бастаған меймандар шағын этноауылда ұйғырдың хошанынан ауыз тиіп, шешеннің «лезгинкасы» мен корей халқының ұлттық биін тамашалады. Бір сөзбен айтқанда көрме жұмысы еліміздегі әр ұлт өз мәдениетін, тілін һәм дінін сақтауға мүмкіндік алып, оларға конституцияға сай тең мүмкіндік берілгендігін айшықтады. Ал, алаң орталығы бейнебір балалар әлеміне айналып, мұнда былдырлаған тәтті тілді бүлдіршіндер «Әнші балапан» байқауында бақ сынап, ересектерге көтеріңкі көңіл-күй сыйлады. «Қошақаным қайда екен?», «Айгөлек», «Ақ мамам» және «Мектебім» әнін шырқаған байқауға қатысушы балалардың өнеріне қарап, алдыңғы буын әншілердің орнын басар дарынды өрендер өсіп келе жатқандығына көз жеткіздік. Талдықорғанның тағы бір ерекшелігі өзге облыс орталықтарымен салыстырғанда мұнда балалар көркемсурет мектебі мен жас техниктер үйірмесі жұмысын тоқтатқан емес. Сондықтан болар, жас қылқалам шеберлерінің шығармашылығымен танысқан қала тұрғындары әр суреттің өзіндік ерекшелігін атап өтіп, балалардың ой-өрісінің кеңдігіне таңырқай қараса, болашақты болжаған жас техниктер ғарыш станциялары, кеме және өзге де заманауи техникалардың моделін құрастырып, көрерменнің ықыласына бөленді. «Балалар әлемін» ұмытылмастай қылып еске сақтау үшін орталық алаңда ойыншықтар әлемі, суретке түсу галереясы ұйымдастырылып, фотосуретшілер үшін бар жағдай жасалды. Мерекеге орай жас қылқалам шеберлері өз туындыларын меймандарға естеліке сыйлады."
«Жетісу» 27.09.13ж

Көктіреудің жерлеуі

«Ойбай, Көктіреу Әреңтұрғанов қайтыс болды!» — деп күрсінген елде есеп жоқ. Мәйітті жерлеуге алып жүрген көліктің артынан қара құрым қара мәшинеге сан жетпейді! Осынша қара көлік көктен түсті ме деп есің шығады. Сөйтсек, жерлеу кезінде көштен қалғысы келмегендер қызыл, сары, жасыл көңкелерін қараға сырлап, бояп үлгірмегені қара балшыққа көлігін бір аунатып алып қатарға қосылған екен. Қаралы митингте өксігін баса алмай, ардақты ағасына асыл сөзін арнаған ағайын сай сүйегімізді сырқыратты. Әсіресе, Көктіреу көкесінің арқасында адам болған Киізқазық Жергекіргеновтың, Майлыжер Жалағановтың, Көңілшек Көпбергенованың жүрек жарды жан айғайына егілмеген жан қалмады. Қаралы митингте қабырғасы қайысып, қайғыға батқандардың ішінде Кеңірдек Тоймағанов, Жалғанды Жалмағанов, Әділдік Көрмегенов, Әліпби Танымасов сынды еліміздің бетке ұстар белсенділері де болды. «Айналайын Көктіреу ағам-ай, енді көкті кім тірейді? Енді мені кім сүйрейді?!» — деп аңыраған Тіреусіз Жүреалмасовтың зарынан кейін, көрнекті ақын Арнаубек Одабайдың сөзіне жазылған Күйсыйлап Әнжазардың «Көшеде жатқан Көктіреу жоқ» атты патриоттық әнін елімізде ең көп сүйілген әнші Хошиіс Еміренгенова орындап бола бергенде, табытта жатқан Көктіреу көкеміз ризашылық өксігіне шыдамай шашалып, орнынан тұрып, өзі үшін өкіре жылаған көпке алғысын білдірді! Ақыры, ағасын қара жерге қимаған Майлыжер Жалағановты көкесінің орнына жерлеп, Көктіреу Әреңтұрғановты қолтықтап, қаралы қауым артқа қайтты. Бейіт басынан қайтқан ақ мәшинеде есеп жоқ! Жалт-жұлт етеді!

© Асқар Наймантаев