Қазақтай ел қайда?!

Қазақтай ел қайда
орындайтын: Музарт тобы

Көңілі көлдей шалқыған,
Қазақтай ел қайда.
Даласы жусан аңқыған,
Өзіңдей жер қайда.
Киелім!
Таусылмас саған айтарым,
Ардақтап өтейін,
Бабадан қалған байтағым,
Садағаң кетейін,
Киелім!
Әрі қарай

Жаңалыққа жаны құмар ағайындарға...

… Біраз жылдар бұрын -осы бір интернетке қазақ тілінде сұхбаттасушылардың қатары көбейіп, еркін ой алмасатын орын кеңейсе деп зығырданым қайнаған кездерім болған. Ал енді бүгінгі күнде осы интернеттің қолданушыларға тигізетін пайдасы мен зияны бірге жүретініне қайранмын.
… Пайдасы көбірек болғай. Ағайындар осы блогта әртүрлі өзім қызыққан — күнделікті тұрмысқа немесе өндіріске, шаруашылыққа, бизнеске керек болып қалады ау деген технологиялар мен үздік шешімін тапқан әдістемелерді жинамақшымын. Аудармалар сәтсіздеу шыққан жағдайда аса қатты реніш білдірмей, маңызын түсінуге тырссаңыздар деген өтінішім болады.
Әрі қарай

Жаттығу аталары: Тұра тарту


Тұра тарту (становая тяга,deadlift) — бұл жаттығуды штангамен орындайды. Бұл жаттығу пауерлифтинг дисциплинасының үш негізгі жаттығуларының бірі. Орындалу ережелерін бұзбаған жағдайда, бұлшық ет дамуына сұмдық импульс береді. Адам еттерінің каркасы мен іргетасын нығайтады. Тұра тарту — бір қарағанда қарапайым көрінгенімен, техникасына мұқият көңіл бөлуді қажет ететін күрделі жаттығу. Бұнда дененің барлық еттері іске қосылады. Артқы еттер көтеруге, алдыңғы еттер салмақты тұрақтандыруға қатысады.
Төменде Бенедикт Магнуссон жабдықсыз тұра тартудан рекорд қойып жатыр. Штанга салмағы 442 кг.
Менің көрсеткішім бұдан 4 есе кіші)).
Әрі қарай

Жағдай қиындады...

«Блогкэмп» деп, «наурыз» деп сайран салып, оқуды жайына қалдырып едім, осы жерден оңбай ұсталдым. Украинадан прәпесір шал келген, лекциядан лекция, тапсырмадан тапсырма. Былжырап жүрген маған, әсіресе, қиын болды. Есімді жия алмай қалдым((( Дәл желкеңнен «программа жаз» деп тұрып алатыны жаман екен))) Ия, ия, енді екі апта бойы интенсивті түрде ғылыммен айналысатын боламын.
Жұмысы түскір де қанды ішті ужы. Күзден бастап жұмысты тастап, тек қана оқуға кіріссем бе деп жоспарлап отырмын. Әйтпесе, масқара болатын түрім бар…
Әрі қарай

Германия - Қазақстан

Еуропа чемпионатына іріктеу ойындарында бүгін біздің Құрама Германиямен кездеседі, Кайзерслаутернда Фриц Вальтер стадионында. Ойын біздің сағатпен 00:50-де Хабар арнасынан тікелей көрсетіледі.



Ойынға болжам жасап керек емес сияқты. Жаңа бапкеріміз Беранек сиқыршы емес, сондай-ақ біздің қорғаным шебі Абдуллин, Кислицын сияқты "қорғаушылардан" құралғасын бұл шепті қорғаныс деп айтуға да келмейді. Жарақаттарына байланысты Смаков пен Карпович те бүгін алаңға шыға алмайды.
Әрі қарай

ONYX - Classic Terror (2011)



Рэппен таныс болғалы бері осы ONYX тобының өлеңдерін тыңдаушы едім. Бұрын осылардың логосы салынған футболка кию Алматылық репірлердің арасында мода болатын. Бұның бәрі сендерге қызық болмас, әрине. Сонда да мына клипті осы жерге шығарып қоймасыма болмай тұр. Өйткені клипте Қазақстанда, дәлірек айтса, Алматыда түсірілген кадрлар бар екен :))

Әрі қарай

Қазақ блоггерлері. Олар кімдер? - "Таразы" бағдарламасы ("Хабар" арнасы, 25.03.11-23:25)

ЕСКЕРТУ: САПАСЫ НАШАР.



Сөз соңында
Сапасы үшін кешірім сұраймын, қолда бар аналог-тюнермен, "әйтеуір жоқтан жақсы ғой" деген пәлсапамен жазуға тура келді. Радиотолқындардың коллизияларынан Өркен екеу, Еркімбай төртеу боп көрінуі мүмкін (ал бесеу немесе одан көп болса — Сізде «белая горячка» :) ) Бәлкім, ертең сапалы жазбасын шығарып қояр өздері. Оған дейін талғажу болсын деген ой да.
Жалпы, «Хабар» агенттігінің уеб-саясатын түсінбей жүрм. Стрим-серверлері мынау екен: rtmp://212.154.153.109:1935 Бірақ ол хост сөніп тұрған сияқты. Флэш-сервер үшін тек лицензиялық төлемдердің өзі жылына төрт-бес мың АҚШ доллары тұрады менің есебімше. Канал мен сервер алғандары тағы бар. Оған да пәленбай мыңды тағы қосыңыз. Менің есебім бойынша, стрим-серверді басқару сияқты тозақтың жұмысына ешкім 800 доллардан кем ақыға келіспейді. Очм, осыншама ресурсқа соншама ақша шашып, ештеңесіз қалған жаман екен де. Қашан біз «каналдың сайтынан қарап алармын» деп, сеніп жүре беретін жайбарақат өмірге жетер екенбіз осы?
Әрі қарай