Қазақтай ел қайда?!

Қазақтай ел қайда
орындайтын: Музарт тобы

Көңілі көлдей шалқыған,
Қазақтай ел қайда.
Даласы жусан аңқыған,
Өзіңдей жер қайда.
Киелім!
Таусылмас саған айтарым,
Ардақтап өтейін,
Бабадан қалған байтағым,
Садағаң кетейін,
Киелім!
Қайырмасы
Күлімдеп жатқан көлден,
Көкорай шалғын белден,
Құбыла соққан желден,
Айналайын!
Тілегін Тәңір берген,
Қасиет қонған Елден,
Елі үшін туған Ерден,
Айналайын!

Болмасаң өзің, айбарым,
Мұратқа жетер ме ем?!
Түспесін төмен байрағың,
Төбеңе көтерген,
Киелім!
Ғасырлап күткен, армандап,
Теңдігім асқақ ән,
Ұлыңа Алла жар болғай,
Елімді бастаған,
Киелім!

Қайырмасы
Күлімдеп жатқан көлден,
Көкорай шалғын белден,
Құбыла соққан желден,
Айналайын.
Тілегін Тәңір берген,
Қасиет қонған Елден,
Елі үшін туған Ерден,
Айналайын!


Музарт Маңғыстау облысы, Ақтау-Қаламқас тас жолы бойындағы «Ақеспе» тау шатқалында

Музарт Қазақстанда (анық қай өлке екенін білмедім, білсеңіздер жазыңыздар)

Музарт Каспий жағалауында, Маңғыстау, Ақтау қаласы.
Суреттер on.kz сайтындағы Сәкен Майғазиевтің блогынан алынды.