Чемпиондар Лигасы 1/8 финалының алғашқы ойындары кеше түнде болды. Милан өз алаңында Тоттенхэмнен 0-1 жеңілді, ал Валенсия Шалькемен 1-1 тең түсті.

Милан — Тоттенхэм

Ақтөбеде Мәскеудегі "Олимпийский" спорт кешені секілді алып құрылыс қолға алынды. 2015 жылы аяқталатын спор кешенінің құрамына жаңа футбол стадионы, хоккей алаңы, шаңғы базасы, спорт интернаты, жүзу бассейні, теннис орталығы, т.б. орындар кіреді. Олимпиялық алып кешеннің аумағы 50 гектарды құрайды. Соның ішінде 7 мың халық сиятын хоккей алаңы, 300 орынға арналған интернат, ал ең бастысы 25 мың көрерменге арналған футбол стадионы бар! Футболдың шатыры Ацсотонодағыдай ашылып-жабылатын болады деп отыр жергілікті БАҚ өкілдері. Кешенде сондай-ақ жазғы-қысқы спорт түрлерінің басым бөлігімен айналысуға мүмкіндік болады.

Сонымен көптен күткен футбол мейрамы да жетті бізге. Бүгін 1/8 финал ойындарының алғашқылары басталады. Бүгін 2 ойын, ертең 2 ойын. Қалған 4 ойын келесі аптада. Яғни бұрынғыдай 2 апта күтпейміз, әр апта ЧЛ ойындары болатын болады.

16.02.2011 01:45 Милан — Тоттенхэм ҚАЗАҚСТАН
16.02.2011 01:45 Валенсия — Шальке-04 ХАБАР
17.02.2011 01:45 Арсенал Л — Барселона ҚАЗАҚСТАН
17.02.2011 01:45 Рома — Шахтер Дн ХАБАР

Бүгін Антальяның орталық стадионында Қазақстан мен Беларусь құрамалары кездеседі. Естеріңе сала кетейін, биыл құрама қатарына Самат Смақов, Давид Лория секілді ардагерлер қайтып оралды. Трансляция болады дегенді естімеппін. Егер ойын телебездірден көрсетеді деген ақпараттарың болса, каментке жазыңдар.

Біздің чемпионатта алғаш рет Тринидад пен Тобаго елінің футболшысы ойнайтын болады. 20 жасар Роберт Примус (мүмкін Праймус) «Ақтөбе» сапына қосылды. Бұл футболшыға қазір Түркияда оқу-жаттығу жиынында жүрген «Ақтөбенің» бас бапкері Мухановтың көңілі толған екен. Примустың бізге өткені туралы Тринидадтықтар да растап отыр. Trinidad Express газеті «Примус Қазақстанға барады» деген мақала жазыпты.
Жас футболшы 3 рет ұлттық құрама формасын киген.

Түрік футболы десе алдымен еске түсетін Галатасарай клубы өздеріне 47 жылдан бері қызмет етіп, жеңіліс пен жеңістің талай көз жасы сіңген, Еуропада «Жаһаннам» деген атпен танымал Али Сами Йен стадионымен қоштасқанын бұдан бұрынғы жазбамызда жазғанбыз. Қала орталығындағы сыйымдылығы 24 мың көрермендік Сами Йеннен қала шетіндегі 52 мың адамдық жаңа стадионға көшкенінде Галатасарайлықтар бұл аумақты стадионды толтыра алар ма екен деп күдіктенгендердің қарасы мол еді. Олары бекер болып шықты. Ашылу салтанатында Аякспен ойналған матчқа билет табылмауы заңды. Онан кейінгі Сивасспорға қарсы ойналатын матчтың билеттері де сатылымға шыққан күннің ертеңінде-ақ барсақ, бітіп қалыпты. Сонымен жаңа стадионнан матч тамашалауға деген үміт үзіле бастаған шақта клуб тауарларын сататын дүкендер акция жариялап жібермесі бар ма?! Команда формасын алсаң, Галатасарай-Ескішехірспор матчының билеті тегін беріледі деп. Ести сала алғашқылардың бірі боп алдық. Ендііііііі, билет қалтадааааа, пойыз, ой кешіріңіз, матч қайда қашсын деп ақпанның жетісін күттік. Осылайша, 51999 көрерменмен бірге Галатасарайдың жаңа стадионы Түрік Телеком Аренада ойын тамашалау нәсіп болды әйтеуір. Матч басталмас бұрын стадион айналасын адақтап шықтық. Құрылысында мін жоқ. Еуропа-2016 талаптарына сай жалғыз стадион дегендері рас болды. Айтпақшы, біздің трибунамыз VIP-тің үсті болғандықтан, көтеріліп бара жатқанда Түркия ұлттық құрамасының бас бапкері Гусс Хиддинк, көмекшісі Оғыз Четин және ел чемпионы Бурсаспордың бапкері Ертұғрыл Сағламды жыға таныдық. «Соқыр көргенінен танбас» дейтін, түрік футболынан бар танитымыз солар ғана болса, қайтеміз енді?:-)
Сиясы, дәлірегі сыры кеуіп үлгермеген жаңа стадионның іші де көңілімізден шықты. Ашылғалы бері үш матч ойналса да, көріп үлгермеген жалғыз біз емес екен, талайлар аңтарылып жан-жағына қарасып жатты. Матчтың басталуына әлі бір сағат бар, суретке түсіп үлгерудеміз. Айналамыздың бәрі сары-қызыл. Галатасарайдың осы уақытқа дейінгі марштары кезекпе-кезек ойналып жатыр. Барлығының қолында бір-бір шарф, ішінара ту да кездеседі. Сермеп қойып әнге қосылып жатыр. Ысқырықтан құлақ тұнады. Жағымды, рух беретін матч атмосферасы! Айтпақшы, дүниедегі ең ұзын плакат та дәл осы ойында ілінді стадионға. 315 метрлік плакатта: «106 жылдық тарихы, әлі ешкім қайталай алмаған сансыз табысы (Түркияда әлбетте), музейінде қарсыластарынан екі есе көп медалі бар, құрылғалы түрік емес командаларды ең көп жеңген түрік клубы, елінің абырой, мақтанышы, УЕФА және Супер Кубок иесі, 1481-ден бері мәдениеттің символы, 1905-тен бері спорттың бесігі Галатасарай » деп жазылған. Иә, Галатасарайға қалай мақтанса да жарасады. Айта кету керек, бұған дейін ең ұзын плакатты Барселона жанкүйерлері ілген. Оның ұзындығы 290 метр-тұғын.
Сонымен, матч басталды.Ескішехірспор Галатасарай матчы. Аты бізде көп естілмеді демесеңіз, Ескішехірспор да оңай шағылатын жаңғақ емес-тін. Соңғы сегіз матч бойы жеңілмей, 4 матч бойы қақпасына гол кіргізбей тәп-тәуір келе жатқан беті бар еді. Бірақ арыстандар (Галатасарай символы) оған қарасын ба, «перформансының» быт-шытын шығарды. Ойын басталғаннан-ақ қарсылас қорғанысының көбесін сөгіп, алға ұмтылған Галатасарайлықтар алғашқы таймда-ақ басымдықтарын танытып, Лорик Цана (10-минут), Богдан Станку (14-минут) және Херри Кэюльдің (45-минут) голымен үзіліске кетті. Екінші таймда ширығып алған Ескішехірспорлықтар үсті-үстіне екі гол соғып (Бурхан 75-минутта, Үміт Каран 77-минутта), алаң иелерін біраз састырғанымен қуаныштары ұзаққа созылмады. 81-минутта ұлты чех Милан Барош төртінші голды соғып һәм жанкүйерді, һәм футболшыларды, һәм Хаджиді қуантты. Дәл осы күні бас бапкердің туған күні көрінеді. Осылайша аяқдопшылары Георге Хаджиге үлкен сыйлық жасады. Бір қызығы төрт голдың авторы да шеттен келген футбошылар (Лорик Цана – Албаниялық, Хэрри Кэюль – Австралиялық, Богдан Станку – Румыниялық, Милан Барош – Чехиялық). Команда капитаны Арда Тұран жарақатына байланысты жасыл алаңға шықпады. Көпшілік голды Сервет Четиннен күткен еді, болмады. Бірақ өкінетін түк те жоқ, өз сөздерімен айтсақ, «хайырлысы»…
Осылайша, тағы бір жеңіспен жаңа стадиондағы үшінші ойын да тарихқа енді. Түзету енгізейін, бұл екінші жеңіс. Ең алғашқы ойында Аякспен тең ойнаған-тұғын. Осы стадионға байланысты реклама ролиги де бар еді: Мекен ойнатар деген. Тарата а йтсақ, мағынасы – футбол ойнай алмайтын кез-келген бұл жерге келсе, еріксіз доп теуіп кетеді дегенге саяды.Рас екен. Әзірге арыстандар жаңа мекенде жеңілістің ащы дәмін тата қойған жоқ. Не дейік, ұзағынан болсын дейміз да…

Сонымен Ұллтық Құрамаға көптен күткен бапкері де сайланды. Ол — чехиялық Мирослав Беранек. Спорт сайттарындағы мәліметтерге сүйенетін болсақ ол бұрын ұллтық құрама бапкерінің көмекшісі болған, 2002 жылы Чехия жастар құрамасын Еуропа жүлдегері қылған. Чехия кубогын және Венгрия чемпионатын ұтқан.

Танымал футболшы және бапкерлер бағаларын өлшеуші сайт Transfermarkt сайтының мәліметіне сенетін болсақ Беранек бұрын Венгрияның Дебрецен және Чехияның Кладно командаларында бапкерлік жасаған. Ал БАҚта жазылған басқа командаларда ол көмекші бапкер қызметін жасаған сияқты. Соңғы жұмыс орны Кладно командасы, Чехия 1-лигасының аутсаудерлерінің бірі.

Сонымен тағы да белгісіз, табыссыз, шетелдік бапкер. Қабыл алыңдар, құтты болсын!

Қазақстан Футбол Федерациясы биылғы чемпионатқа өзгеріс енгізіп жатыр. Сол бұрынғыдай 12 команда жарысады, алғашқы этаптан кейін алғашқы 6 орынға іліккендер медальдарға таласады. Сол былтырғыдай. Тек бір өзгеріс еніпті. Бірінші этаптан кейін жиналған ұпайлар екіге бөлінеді екен. 2-ші этапқа солай жалғастырады. Мысалы бір команда 34 ұпай жинаса, 2-ші этапты 17 ұпаймен бастайды. Ал егер ұпай саны тақ болса, мысалы 33 болса, 2-ге бөлген кезде 16,5 болады. Бірақ сол жарымды бүтін қылып есептейді, яғни 17 ұпай болады.

Испания Ла Лигасының соңғы турында Эркулесті 3-0 жеңген Барселона қатарынан 15 ойынын ұтып, Реал Мадридтің 50 жыл бұрынғы рекордын қайталады. Атақты Ди Стефано ойнаған 1960-1961 маусымынан бері келе жатқан еді бұл рекордтық серия. Алдағы турда Барса Мадридтің Атлетикосымен ойнайды. Егер осы матчты да жеңсе серия 16 матчқа созылады және бұл жаңа рекорд және қайталануы қиын рекорд болады.

Бүгін Катарда өтіп жатқан Азия Чемпионатының жартылай финал ойындары болады. Өзбекстан құрамасы алғаш рет жартылай финалға шықты, финалға шығуға 1 адым қалып тұр. Бүгінгі қарсыластары Австралия құрамасы. Тәжірибелі «Кенгуруларды» ұту оңай болмасы анық. Қызық ойын болады. Астана уақытымен 22-25те Еуроспорт-2 арнасынан қараңыздар.