Шабаттық оқуйво.

Прекөтбула
«Жұрт қатынымен ажырасам деп пәтерінен айрылып, үкіметтің қуғынымен банктегі шотынан айрылып, бала-шағасының қатыгездігінен далада қалып, немесе сол баяғы ішкіліктің кесірінен көше кезіп, оңай жолмен тезек теріп кетіп жатқанда, Үпілмәлік өңменінен өткен тақыр кедейлікке өз маңдай тері мен табандылығының арқасында жетті!». ©

Үпілмәлік Рюссельхайм: «Кедейлікке жетудің тиімді жолдары»

«Кербибімді әкелші, қане, бәбіше-ау! Қос! Ау енді, жұмыстан шаршап келгенде қоса қойш, күнім, ой, құдайдың, не қарап тұр, жынды ма!? Енді, көрсін-та Өмірзақ та!
Үстіне мініп алып әрі бері жылжы енді! Өмеке, көрдің ба мынандай дүниені? Қаз-қаз-қаз… Тұра тұр, Өмеке, бұл әлі бәрі емес. Қазір-қазір. Коробкасы қайда ебпашамайдтың?! Ау, иттің балдары, насадкаларын көрдіңдер ме, о қазір Сарашым көрсетеді бәрін… Ей, қатын-ау, бірден насадкаларымен шығармадың ба, өй сен де! Балам, әкелші ана серванттың үстінде японский сервиздің қасында тұрған насадкілерді, құлатып алма жерге! Өмірзақ ағаң көрмепті әлі! Тә-әк, тәк-тәк-тәк мынау фильтр. А жоқ. Бұл жаңағы… Әй, фильтрлері қайда бұның? Во-во, осылар ғо. Қаз, мен саған бұ бәленің сиқырларын көрсетейін. Өзі сора береді шаңды.
Көрдің ба? Қайтадан көрсетейін бе? Көрмей қалдың ғой, қаз-қаз-қазір, анау Ақтөстің астындағы боқ-боқ алашаны әкелші, балам! „Әкел“ деймін, төрге әкеле бер, ештеңе етпейді, Кербибім жуывстайд қазір!
Кәз, өзің көресің кәз, во, міне, көрдің бе? Эйғатын, былай тұршы обзорды жаппай!
Өмеке, анаң қарасайш сен, ал, ал не деп жазылып тұр?
Моторындағы жазуды оқы деймін. „Харли Дейвідсін“ деген белгіні көрдің бе?
Движогының дизайнын Харлейдің өзі жасаған көрінеді. Енді мынанығара, НАСА дегенді естіп пе едің АҚШ-тағы?
И-и-и, солардың шатлдарына арнайы ойлап табылған көмірпластик материалдардан жасалған. Ал, нақ.
Сұмдық пә? Өй, бұл қойнә! Сара, ана жылқының жалынан жасалған шоткыны әкелші мұнда, менің сақал қыратын шкатулкімнің ішінде тұр, тез давай, бегом-бегом.
Ал, Өмеке, бар ма сенде осындай? 600 мың тұрад, енесс-ай, осыны алу үшін алты ай тігілдім ғой!
Но, қазір, зато рахат, для себя ғой, Өмеке, и приятно қалай, қараш, міне… балдарға да таза ауамен демалған қандай жақсы, қайда кетпей жатқан ақша?!..
Шәй ішесің ба, Өмеке? Мә, балам, мынаны орнына апарып салып қой, құлатып алсаң, мойныңды үзем білдің бә? Ай, айтпақшы, Өмеке, біздің асханада суға немецкий фильтр орнатылғанын айтып па ем? Айтып қойдым ба не? Жоқ, немецкий екенін айтпаған шығармын ол кезде, қазір кетайскийлары көп қо? Келсейш мында, көрсетейін та, кетайскийдан айырмашылығын...»

Құрметті астаналықтар және қала қонақтары!

Сіздерді Елордамыздың төл мерекесі – Астана күнімен шын жүректен құттықтаймын!

Астана күні — тәуелсіз ел тарихындағы айрықша мейрам. Елорда – тәуелсіздігіміздің символы, ел дамуының локомотиві және барша қазақстандықтардың ортақ мақтанышы. Биыл Елорданың Қазақстан астанасы болғанына 19 жыл. Осы уақыт ішінде қаламыз Елбасы Нұрсұлтан Назарбаевтың тікелей бас болуымен экономикасы қуатты, еңсесі биік, өркендеген шаһарға айналды. Қазіргі таңда Елорданы әлемнің ең үздік отыз қаласының қатарына қосу жұмыстары қызу жүргізілуде.

Еуразия төрінде өзіндік сән-сипаты қалыптасқан, дәулеті мен сәулеті келіскен мегаполистің бой көтеруі сан ғасырлық бабалар аманатының орындалуы деп білемін. Астанамыз өркендей берсін.

Дендеріңізге саулық, істеріңізге береке тілеймін!

Құрметпен, Әсет Исекешев

ҚР ақпарат және байланыс күнін тойлау қарсаңында журналистер арасында шағын футболдан жыл сайынғы турнир өткізілді.

Аталмыш шараны қала әкімдігі ұйыдастырды. Бүгін К. Мұңайтпасов атындағы алаңда шағын футбол бойынша өткен ойынға 13 команда мен бұқаралық ақпарат құралдарының 130 өкілі қатысты.

— Шағын футболдан турнир бұқаралық ақпарат құралдарының қызметкерлері арасында кәсіби қарым-қатынасты нығайту, салауатты өмір салтын насиxаттау футбол секілді спорт түріне өскелең ұрпақты баулу мақсатында өткізіледі,- деді Астана қ. Ішкі саясат басқармасы басшысының орынбасары Қайрат Қамбаров.

Өткізілген турнирдің бас төрешісі Даулет Хамзиннің айтуынша, бұқаралық ақпарат құралдарының өкілдері жарыста мықты команда құрып, өздерінің жақсы дайындығы мен қызықты ойынын көрсетті.

— Жыл сайынғы турнир биыл 13 команда арасында өтті, жеребе салу бойынша 4 топқа бөлінді. Командалар алдымен топтық кезеңде ойнап, кейін плей-офф деңгейіне көшті. Ойын барысында БАҚ өкілдері арасынан «Хабар» телеарнасының командасы жақсы нәтиже көрсетіп, алға шықты. Сондай-ақ "Қазақ радиосының" командасы қызықты тартыста турнирдің жеңімпазы атанды. Ала допты соғуда шеберлік танытқан «Елорда Ақпарат» командасы да ерекшелене білді,-дейді Даулет Хамзин.

— Төреші болған соң, ойынның әділ өтуіне ерекше көңіл бөлуге тырыстым. БАҚ өкілдері арасында жыл сайын өткізілетін турнирге 9-шы рет төрешілік етіп отырмын. Халық пен билік арасында көпір болып жүрген журналистердің ерекше еңбегін, қызметін атап өткім келеді. Сіздер арқылы елімізде, әлемде болып жатқан оқиғаларға қанық болып, ақпар аламыз. Осы тұста сіздерді алдағы кәсіби мерекелеріңізбен құттықтай отырып, ойынды қызықты әрі тартысты өткізгендеріңіз үшін раxметімді айтамын,- деп атап өтті Хамзин.

Турнирдің қорытындысы бойынша 3-ші орынды «Хабар» телеарнасы, 2-ші орынды "Қазақ радиосы" алса, 1-ші жүлделі орынға Республикалық " Егемен Қазақстан" газеті ие болды. Оған қоса әртүрлі аталымдар бойынша бұл командалар жоғары нәтиже көрсетті.

Мәселен, команданың ең үздік қақпа қорғаушысы астаналық «Елорда Ақпарат» командасының қызметкері Қуандық Әлімжанов, «КазСпорт» арнасының намысын қорғаған Ермек Төрениязов ең үздік қорғаушы атанды. Сондай-ақ «Жеңіс» командасының ойыншысы Марғұлан Ибраев шағын футбол бойынша ең үздік ойыншы атанды.

Турнирдің жеңімпаздары атанған командалар әкімнің кубогімен, медальдармен, диплом және құнды сыйлықтармен марапатталды.

— Бұқаралық ақпарат құралдары өкілдерінің кәсіби мерекесі қарсаңында біз Астана қ. Кубогіне арнайы турнир ұйымдастырдық. Тіршіліктің қайнаған ортасында жүретін журналистердің қоғамға беретін пайдасы зор. Бүгінгі күні олардың тек өз саласында ғана емес спортта да жоғары нәтиже көрсетіп отырғанына көзіміз жетті. Астана қ. әкімдігі атынан келе жатқан кәсіби мерекелеріңізбен құттықтай отырып, шығармашылық табыс тілейміз,- деді Астана қ. әкімдігінің баспасөз-xатшысы Эльвира Жүргенбаева.

ЭКСПО-2017 халықаралық мамандандырылған көрмесінің бекітілген кешенді бағдарламасына сәйкес, Ақтөбе облысының мәдениет күндері 2017 жылдың 26-30 маусым аралығында өтеді.

Облыстың мәдениет күндерінің ашылуы 26 маусым күні сағ.21.30 «Экспо» аумағындағы амфитеатрда Ақтөбе облысының үздік шығармашылық ұжымдарының «Ақтөбе – құтты мекен» гала-концерті өтеді.

Театрландырылған концертте құрамалы оркестр, вокалистер, алдыңғы қатардағы би ұжымдары, ақтөбелік эстрада өнер жұлдыздары, Қазақстан Республикасының мәдениет қайраткерлері Есенгелді Ырза, Өмірқұл Айниязов, сонымен бірге жерлесіміз Ресей Үлкен театрының /Москва қ./ опера әншісі Светлана Касьян және бірнеше дүркін халықаралық ән орындаушылар байқауының, Қытайда өткен «I am singer» байқауының жүлдегері Димаш Құдайберген қатысады. Концертте ақтөбелік композиторлардың шығармалары мен әндері орындалып, өңірдің тарихи-мәдени ерекшеліктері көрсетіледі.

Облыстың мәдениет күндерінің бағдарламасына сәйкес, Астана қаласы «Қазанат» ипподромының аумағында орналасатын этноауылда 26 маусым – 10 шілде аралығында облыс атынан 2 киіз үй тігіледі. Бір киіз үйде облыстық тарихи-өлкетану музейінің қорынан ұлттық этнографиялық бұйымдардан тұратын «Ақтөбе өңірінің жауһарлары» атты көрме жасақталып, «Экспо» штабы ұйымдастыру комитетінің сұрауы бойынша көрме 8 шілдеге дейін жалғасады.
Осы этноауылда орнатылған сахнада 27 маусым күні сағ.15.00-20.00 аралығында облыстың, қаланың және ауданның мәдениет мекемелері өнерпаздарының қатысуымен этноконцерт өтеді. Концерт облыстық филармонияның қазақ ұлт аспаптар оркестрі, фольклорлық ансамбльдері, дәстүрлі әншілері, «Аққу» би ансамблі, эстарадалық әншілерінің, «Достық сазы» фольклорлық ансамблі және халықаралық байқаулардың лауреаты Жадыра Арыстанованың, облыстық драма театрының М.Әуезовтың «Айман-Шолпан» музыкалық комедиясынан, «Алақай» қуыршақ театрының «Жайна, жадыра, достар» арнайы бағдарламасынан тұрады.

26 – 30 маусым аралығында «HasSanat» көркемсурет галереясында ақтөбелік танымал суретшілердің еңбектерінің және Қазақстан Республикасы Қарулы Күштерінің әскери-тарихи музейінде облыстық кітапхананың «Ақтөбе – тарих толқынында» кітап көрмесі, облыстық тарихи-өлкетану музейінің қорынан «Дулығалы дала перзенттері» көрме экспозицияланады.

«Бәйтерек» монументі алаңында 28 маусым күні қалалық мәдениет бөлімінің, Ғ.Жұбанова атындағы облыстық филармония шығармашылық ұжымдарының концерттік бағдарламасы өтеді. 29 маусым сағ.19.00 де «Студенттік» саябағында этно-мәдени орталықтардың концерті ұйымдастырылады. 30 маусым Астана қалалық әкімдігі ғимараты алаңында облыстың өнер ұжымдарының концертімен аяқталады.

«ЭКСПО-2017» көрмесіне орай өткізілетін мерекелік іс-шаралар аясында «Қазанат» қалалық ипподромының аумағындағы этноауыл жұмысына өңірлер шеберлерінің қатысу кестесі бойынша Ақтөбе облысының күндері 1-10 шілде аралығы болып белгіленді.

Астана қаласының Тілдерді дамыту басқармасы Астана күніне орай «Еңселі елім, байтағым» атты Астана жастарының арасында рухани байқау өткізеді.Байқауға 16-30 жас аралығындағы азаматтар, шығармашылық топтар қатыса алады.

Байқау мынадай номинациялар бойынша өткізіледі: «Үздік поэзия», «Үздік блог-пост», «Үздік дизайнерлік жұмыс» (сәулет, сурет, композиция), «Үздік қолөнер бұйымдары» (әшекей бұйымдар, кәдесыйлар), «Үздік интернет канал» (арнайы түсірілген бейне материалдар),«Үздік мақала».

Аталған байқауға ұсынылатын материалдар 2017 жылғы 27 (қоса есептегенде) маусымға дейін қабылданады.Сарапшылар тобы 28-30 маусым аралығында жұмыстарды іріктеп, бағалайды және үздіктерді анықтайды.

Жұмыстар www.BaikauTDB@mai.ru электронды мекенжайына жолдану қажет.

Номинация шарттары жайлы мәліметтермен www.astanafm.kz cайты арқылы танысуға болады.

Марапаттау кеші арнайы фуршеттік ортада, қонақтар мен қатысушылардың коммуникативтік формат ұстануына негізделеді. Сондай-ақ, шағын концерттік бағдарлама және әр номинация бойынша үміткерлердің жұмыстары, еңбектері жайлы әзірленген бейнесюжеттер көрсетілетін болады. Қызығушылық білдірген БАҚ өкілдерін іс-шараға қатысуға шақырады.

«Еңселі елім, байтағым» байқауының жеңімпаздарын марапаттау рәсімі 3 шілде, 16:00-де «Тілеп» қобыз сарайында өтеді. (Керей, Жәнібек хандар к-сі, 18)

Қазақстан Республикасы Қарулы Күштерінің 25 жылдығына арналған «Айбын» халықаралық әскери-патриоттық жастар жиынында 1 орынды иеленген «Жетісу тарландары» командасын Талдықорған қаласының «Жастар» саябағында салтанатты түрде қарсы алды.

Алматы облысы Қорғаныс істері жөніндегі департаменті қызметкерлері ұйымдастырған ұлттық оркестрдің әуенімен «Жетісу тарландары» командасының мүшелерін «Жастар» саябағында туған-туыстары, достары мен жақындары салтанатты түрде қарсы алды.

«Қазақстан Республикасының Қарулы Күштердің 25 жылдығына орай ұйымдастырылған «Айбын» жастар жиыны осы жылы халықаралық дәрежеде өтті. Жиынға 600 республикалық «Жас ұлан» әскери мектептерінің, өңірлердегі әскери-патриоттық клуб мүшелері мен Ресей Федерациясының ОренбургПрезидент кадет училищесінің тәрбиеленушілері қатысты. Ұйымдастырылған жарыстар оңай болмады, алайда қызықты өтті. Физикалық күшті, рухы биік, білікті жастардан құралған біздің команда халықаралық деңгейде өздерін жоғары дәрежеде көрсете білді. Алдағы уақытта біз жоғары жетістіктерге жететінімізге сенеміз», — деді Алматы облысы Қорғаныс істері жөніндегі департаменті бастығының тәрбие және идеология жұмыстар жөніндегі орынбасары Қуандық Әділбеков.

Ескерте кетейік, Қарағанды облысында «Айбын» халықаралық әскери-патриоттық жастар жиыны өз мәресіне жеткен болатын. Алматы облысының атынан шыққан «Жетісу тарландары» командасы 16 өңірден шыққан әскери-патриоттық клуб арасынан жүлделі 1 орынды иеленді. Команданың әр мүшесі арнайы дипломмен, медальмен және бағалы сыйлықпен марапатталды.

Астанада өңірлік тауарөндірушілердің кезекті жәрмеңкесі өтуде. Бұл жолы Елорда тұрғындары мен қонақтарына Ақтөбе мен Алматы облыстарының шаруалары кең көлемдегі өнімдерін жеткізді.

Алматы облысының үш қаласы мен 19 аудан орталығынан келген шаруалар 1 млрд теңгенің 2800 тонна өнімін ұсынуда. Ал жалпы жәрмеңкеде 250 ауыл шаруашылығының тауар өндірушілері өсімдік шаруашықтарын, көкөністер мен жеміс-жидектер, бақша дақылдарын жеткізді.

— ЭКСПО-2017 көрмесі кезінде біз Астанаға 19 мың тонна өнім жеткізуді жоспарлап отырмыз. Бізге күн сайын 7 мың өнім жеткізетін дистрибьюторлық компаниялар бар. Ал жылжымалы жәрмеңкелерде шаруалар 12 мың тонна өнім әкеледі. Мұндай шаралар облыс кәсіпкерлері үшін аса тиімді. Ыстық ауа-райына қарамастан өндірушілер тырысып бағуда. Бізде рефрижератор фуралар бар, барлық өнімдер сол жерде сақталады. Маусым барысында біз жәрмеңкеге үш рет қатысуды жоспарлап отырмыз, — дейді Алматы облысы әкімінің орынбасары Серікжан Бескемпіров.

Алматы облысының өнімдеріне тұтынушылар тарапынан сұраныс жоғары екені байқалады. Астаналықтар әсіресе келісі 180-нен 210 теңге аралығындағы жаңа піскен картопты көптеп алуда. Сондай-ақ, құлпынай, шие, балық және сүт өнімдері де жақсы өтіп жатқанын айтады Алматы облысы әкімдігінің өкілдері. Бұдан басқа, қызығушылық танытушылар арасында жаппай сатып алушылардың да бар екенін айтады Серікжан Бескемпіров.

Сонымен қатар Астананың ауылшаруашылық басқармасы қойылған өнімдердің бағасына мониторинг жүргізіп, санитарлық талапты да қадағалауда.

— Баға саясатын қадағалаудан тыс, мұнда ертемен ветеринар дәрігерлер жұмыс жасауда. Олар арнайы зертханаларда сынама жүргізіп, қауіпті заттардың бар-жоғын анықтайды. Сонымен қатар мұнда тұтынушылардың құқығын қорғау департаменті, қалалық әкімдіктің өкілдері де жұмыс істеп жатыр, құжаттарды тексереді. Сауда сөрелеріне тауарлар толық тексерістен өткеннен соң ғана қойылады, — дейді Астана қаласының ауыл шаруашылық басқармасы азық-түлік өнімдері қауіпсіздігін қамтамасыз ету бөлімінің басшысы Ризагүл Мүсілімова.

Алматы облысының өңірлік коммуникациялар қызметінде «Ауылым – алтын бесігім» байқауы туралы облыстық халық шығармашылығы орталығының директоры мен өкілдері баспасөз мәслихатын өткізді. Аталған байқаудың мақсаты облыс көлеміндегі ауылдық мәдениет үйлері мен клубтардың мәдени өрлеуі мен жеткен жетістіктерін таныстыру, олардың материалдық-техникалық базасын нығайту, дарынды жеке тұлғалардын есімдерін анықтау және оларды насихаттау, қала мен ауыл мәдениетін теңестіру болып табылады.
«Аталмыш байқау ауыл тұрғындарының жалпы мәдени деңгейін анықтауға, олардың эстетикалық тәрбиесін бағалауға, мәдени аумақтағы мемлекеттік саясатты жүзеге асыруға бағытталған. Жалпы жарысқа әр ауданнан 2-3 мәдениет үйі қатысады. Ең үздік жеңімпазға автокөлік, екінші, үшінші орындарға музыкалық аппаратура сыйға беріледі. Бұл дегеніміз ауылдық мәдениет клубтарының өсіп өркендеуіне көмекші береді деген ойдамыз », — деді Алматы облысының халық шығармашылығы орталығының директоры Ермек Әбілқасымұлы.

Байқауға қатысты бірнеше номинациялардың бары айтылды. Ол шалғай жатқан ауылдар мен елді-мекедерден жаңа дарынды таланттарды іздеп тауып, үлкен сахнаға алып шығуға бағытталған. Олар: «Үздік ауылдық өнер ұжымы», «Үздік үйірме жетекшісі», «Үздік ауылдық мәдениет үйінің әдіскері» және тағы басқа.

Байқау ағымдағы жылдың 12 маусымынан бастап 19 шілдеге дейін өткізіледі.
Алматы облысының өңірлік коммуникациялар қызметі

Монументтің қабырғалары мен еденіне төселген мәрмәр тастар мен аңыз құстың кейпіндегі аспалы хрусталь шам «Байтерекке» маңғаздық рең беріп, жалтыраған күйге енгізді. 

Атақты «Президент қолы» да толық жаңартылды. Нұрсұлтан Назарбаевтың алтынмен жалатылған оң қолының жоғары бедерлемесін жасауға Өскемендегі монет сарайының шеберлері еңбектенді, деп хабарлайды Елорда әкімдігінің медиа орталығы.



Демалыс күндері «Бәйтерек» монументі келушілерді қайта қабылдауға дайын. Жарты жылға созылған күрделі жөндеу жұмыстары жақында толық аяқталды. 



Билет құны 200 теңгеге өсті. Үлкендерге  – 700 теңге, 15 жасқа дейінгі балаларға  – 300 теңге. Балалар үйінің тәрбиеленушілеріне,  аз қамтылған отбасылардың балалары мен мүгедектерге кіру тегін. Билеттерді ғимаратта орналасқан терминалдар арқылы алуға болады. 



Монумент толық боялып, коррозияға қарсы жабынмен өңделді. Конструкцияның жоғары жағы нығайтылды. 



Күмбездің жарықтанып кеткен ескі шыны пакеттері жаңасына ауыстырылды. Бірегей құрышталған шыны-хамелеон күн сәулесінің түсуіне қарай күмбездің де түсін өзгертіп, құбылтып тұрады. Екі шынының ортасындағы камера жылыны сыртқа шығармауға тосқауыл болатын арнайы газбен толтырылған.



Ғимараттың ішкі безендірілуі де түбегейлі өзгерді. Дизайн жұмыстары көпқырлы стильде жасалған, ал қабырғалар мен едендерге төселген мәрмәр «Бәйтерекке» ерекше қайталанбайтын заманауи рең береді. 



«Бәйтеректің» ішіндеLED-экраны бар заманауи өнер галереясы ашылды, сонымен қатар монументтің фойесіне габаритті иілгіш LED-экран қойылды.



Жаңа безендірудің тағы бір ерекшелігі — күмбездің астына орнатылған хрустальды аспалы шам. «Аялы алақан» компазициясына негізделген аңыздағы Самұрық құс, Қазақстанның тұңғыш Президентінің оң қолы  бедерлемесі чехиялық таза мөлдір шыныдан жасалған. Алтынмен жалатылған «Аялы алақан» композициясы Өскеменнің монеталық ауласында қалпына келтірілді. 



Жөндеуден кейін 97 метр биіктікте орналасқан «Бейтеректің» күмбезінен келушілер Астананың көрікті жерлеріне көз тіге алады.   

Қазақ радиосындағы «Ой-Зерек» танымдық-интеллектуал ойынының 8-шығарылымына «Жаңа астаналықтар» командасы қатысты. Есеп 4:7

Сергіту сұрағы: Бастапқы сауал: Мария Горелованың пікірінше, ОЛ – нысанаға тигізуге арналмаған жалғыз спорттық қару. Оны екі сөзбен атаңыз.

Ян Беттеридж былай деп дәйектейді: «Егер тақырып атауында ОЛ бар болса, мақалада, үлкен ықтималдықпен, бос далбаса жазылған». Ал Тигран Бабаянның нақылына сенсек, ол күмән ауырлығынан бүкірейіп қалған. Оны атаңыз.

Әлеуметтік желіге жоғары жылдамдықта сурет жүктеуді жарнамалаған бір ұялы оператор жарнамасында бас кейіпкер жарнама соңында жолда қол көтеріп тұрған бәсекелесіне қарап “міне алғашқы ИКС” дейді. ИКСті табыңыз

Джон Локк ОНЫ «ойлану анатомиясы» деп, ал Хельмар Нор — "қиялдың көндіру көйлегі" деп атаған. Станислав Ежи Лец егер ОЛ дұрыс емес болса, онда күллі ғылымдар поэзияға айналады депті. ОНЫ атаңыз.

Саяхатшы Карл Маннергейм Азияға сапары туралы естеліктерінде кей мұсылман үйлерінің төбесінде түрлі-түсті жіп ілінетінін жазады. Бұл жіптер арқылы бір физикалық шаманың критикалық мәніне жетуі анықталады. Жіп арқылы не анықталатын еді?

Бұл әлемге ғылым нұрын шашқан атақты адамға Фон деген ақсүйек атағын ұсынғанда, ол бас тартқан. Алайда өмірде «фон» сөзі оның есімін бәрібір үнемі қуалап жүреді. Ол кім?

“Төгілген құрма” атты өлеңде ақын танымал паралелл бойында орналасқан нәрлі жеміс ағашының қызығын адамдар көре алмайтыны туралы мұңая жазады. Өлеңде аталған құрма ағашы қай елдердің ортасында өсіп тұр?

Google компаниясының 1 сәуірге арнап шығарған ролигінде екі ғана батырмадан тұратын, смартфондарға арналған жаңа виртуал пернетақта жарнамаланады. Және бұл роликке қатысқан бір бағдарламалаушы маман 1791 жылы туған ғалым адамның өз туысқаны екенін айтады. Ол ғалым адамды атаңыз.

Бұл спорт түрінде басқа бір спорт түріндегідей қол мен аяқтың жылдам қимылы, ақыл және спортқа жақын бір өнер түріндегідей иілгіштік, икемділік, жеңілдік қажет. Аталған өнер түрі мен спорт түрінің әріптерінен біз сұраған спорт түрінің атын құрастырыңыз. Егер қатты қиналсаңыздар, қазақ тіліндегі 3 бұйрық раймен атай қойыңыз.

Қазақ жұмбағын шешіңіз: Төмен қарап өседі, Күн жылына өшеді.

Джордж Карлин атты сатирик адамдардың қартайған шақтарында діни кітаптарға бет бұруын ОҒАН дайындық деп әжуалайды. ОНЫ қазақстандық белгілі абрревиатурамен атап көріңіз.

«Оскар» фильмінің желісі бойынша, Луи де Фюнестің кейіпкері туған қызына ешқандай да қалыңдықтың жасау мүлкін бермейтінін айтады. Ол: «Дым жоқ саған, дым жоқ, тура мына жердегідей» дейді де, Х-ті нұсқайды. Х-ті атаңыз.