Кешіккен сараптау

Өзім үшін, былтырғы блогкэмптен биылғы блогкэмпке өзгерген жайттарды сараптап суреттер түрінде салсам ба деп ойлағаным ғой. Енді арасында бір жыл өтіп кетті ғой. Биылғы блогкэмптің өзіндік ерекшеліктері болды. Себебі, былтыр келген блогшыларды виртуал болсада бәріндерлік танитын едім, биыл көбін тіпті естімеген болып шықтым.
Әрі қарай

САУАЛНАМА: Блогқұрылтай - 2012 қалай ұйымдастырамыз?

Аршат «Блог құрылтай» туралы тақырып бастаған соң, оны қолдап отырғандардың көптігін байқап қуанып отырмын. Қандай істі бастаса да, ең бірінші адамның ниеті маңызды деп санаймын. Сондықтан көпшіліктің осы шарадан қандай үміт күтетінін білу мақсатында арнайы сауалнама әзірлеп отырмын. Кейін бұның жауаптарын жинақтап, көпшілікке ұсынбақпыз.



Былтырғы жылғы Блогқұрылтайды ұйымдастыруда басы-қасында жүргендер жақсы біледі. Мұндай шаруаны қолға алғанда бір сөзге тоқтаса, іс өнімді болады.
Әрі қарай

Таныс болыңыздар: Tarazkyzy

Tarazkyzy — Сандуғаш Кәрібжан. «Өзге емес, өзім айтам өз жайымда» болсын ба? Ендеше оқыңыздар.
Өзім Тараз қаласының тумасы, Алматы қаласының өскіні, ШҚО келіні, қазіргі Ақтау қаласының тұрғыны. 1986-ның 15 қыркүйегінде дүниеге келіппін. Мектеп атаулының табалдырығынан тарыдай болып Таразда аттап, таудай болып Алматыда шыққанмын. 11-сыныптан соң Халықаралық мамандықтар институтына түстім, кейіннен білімнің қара шаңырағы Әл-Фараби атындағы ҚазҰУ ауыстым. Сыртқы жарнаманы бақылайтын мекемеде, ҮЕҰ-да қызмет еттім. Пиар, жарнама терминдері таңсық емес. Бүгінде Ақтаудың жұмыссыз қазағымын.

— КерекИнфоға қалай келдің?
— Керекинфоға wordpress арқылы келдім десем болады. «Қайда барсам Қорқыттың көрі» демекші. Қай жанның блогына кірмейін, Керекинфоға сілтеме беріп, шақырып тұрды. Бастапқыда тек сырттан сығалап, инкогнито кіріп тұрғанмын. Оның үстіне бір кірсең шығу қиын. Комменттердің өзіне бірталай уақыт кетіп қалады. Wordpress жабылып, барар жерім, басар тауым қалмаған соң келдім КерекИнфоға.
Әрі қарай

Таныс болыңыздар: nurbergen_makym

nurbergen_makym — Нұрберген Мақым.
Аз балалы отбасыда дүниеге келген. Кеткенде көп балалы отбасының отағасы болуды армандайды. Тұрақты жұмысы жоқ. Тұрақты көзқарасы жоқ. Жалпы, тұрақтылықтан ада адам. Сол себепті, қазірдің өзінде өз-өзіне құлпытас дайындатып, оған, «Шамамен, осы жерде жатқан болуы керек...» деп жаздырып қойған.

— КерекИнфоға қалай келдің?
— Керекинфоға қалай келгенім есімде жоқ. Соған қарағанда, сол күні қалыңдап қойсам керек. Былай, солай.деден бері бір жерден, екінші жерге үдере көшкенде, көштен қалмай жүрміз, әйтеуір.
Әрі қарай

Сегіз тауықтың әлегі.

… Балалар өсіп қалды, тәбеттері де ашыла бастады деген оймен көктемде 10 балапан алып едім. Кученские деген тұқымнан. Оның екеуі жоғалды(атжалманба, мысықпа?) сегізі қалған. Өсе келе төртеуінің қораз, төртеуі мекиен екені анықталды… Күтіп баптаудан кенде болмады. Қораздардың біреусін төрт мекиенге басие қылып бөліп қойдым жақында. Үш қоразым бордақыда ;-)… Тауық жұмыртқасын күтуіміз әрине түсінікті нәрсе. Ол болса жоқ. Ракушечникті пешке салып күйдірудің(неғұрлым көбірек жылу алу және оның әкке айлану процесін көру мақсатында) әдіс амалдарын іздеп жүріп, сол нәрсенің үгітінділері тауықтың жұмыртқа бергіштігін күшейтетіні жайлы бір жерден оқып қалдымда тәжірибе жасадым. Жемісі көп күттірмеді — төрт тауықтың екеусі тұқымын бере бастады :-) суреттің алынған жері
Әрі қарай

Біз айтқан тақпақтар....

Біздің кезіміздегі оқулықтардың тақпақтарының өзі тәрбие еді ғой. Қазіргі оқулықтардың бетін ашпаған соң білмейді екенмін тақпақтарын. Осы жерге есімізде қалған тақпақтарды жазсақ қалай болады?
***
Нан қоқымын шашпаңдар
Жерде жатса баспаңдар
Теріп алып қастерлеп
Торғайларға тастаңдар
Әрі қарай

II тур: Сканерді не десек?

Сонымен, термин нұсқаларын дауысқа салу әдісін өзгертуді ұйғардық. Себеп, пікірлер ішінде негіздемесі мықты ұсыныстардың пайда болуы. Сканерге байланысты екінші тур ұйымдастыруға тура келді. Әрине, мұнда бірінші турда өміршең боп көрінген нұқсалар қалып отыр.

Атап айтқанда, Gastarbaiter ұсынысын былай негіздейді:
менде мынадай ұсыныстар бар. Қосам десең өзің біл.
Ең біріншісі Сканер күйінде қалса, бірақ аздап өзгеріске ұшыраса. Скәнір — Яғни қазақша артикуләтсиямен айту. Еш күлкісі мәмбеттігі жоқ. Корейлер, Филиппиндер, Малазийліктер, Тагалдар «сканер» «секано» «сыкхано» деп түрліше атайды.
Тілі туыс түріктер мен әзерилер Тарайджы (қателеспесем) деп айтады.
Менің тағы бір ұсынысым, "Қаралғы". Ол менің азғындалған фантазиямнан туған сөз емес. Көптеген елдердің тіліне түпнұсқаның ағылшындардың scan-scnaner деген сөздерін аударып шықтым.
Соның ішінде қазақ тіліне scan — сөзі көбіне мұқият қарап шығу, көз жүгірту деп аударылады.
Орыс тілінен басқа тілдердің кейбірінде «Зерттегіш», деген сияқты боп аударылады екен.
Еуропалық тілдерде әлгі филиппиндер мен корейлер секілді, Скануар, Сканор, Сканир деген сияқты версиялар басым.
Қаралғы — қарап шығатын құрылғы — яғни басты етістіктің түбірі мен есімнің жұрнағынан туып отыр.
Қазақтың морфологиясына бұндай сөз жасам түрі жат емес.
Қаралғы. Қаралғыдан өткізіп алу.
Сканировать — Қаралғыдан өткізу, қаралғылау

Сонымен, шешім өздеріңізде, бауырлар.
Әрі қарай

Киевке барамын, Еуро-2012ге!



Жаңа ғана Эксклюзив газеті және Carlsberg компаниясының ұйымдастыруымен болған, блоггерлер және журналистер арасында өткен Euro-2012 конкурсы қортындыланды.

Блоггерлер арасында 1-ші орын алып, енді бұйырса 24 маусымда Киевте өтетін ширекфинал матчына баратын болдым!

Сайтымыздың басқа қолданушылары да құр алақан емес. Marco (Маралбек Сағынғанов) 2-ші орын алып, планшет ұтып алды. Ал technosyndrom (Ерлан Оспан) Оқырмандар таңдауы сыйлығын жеңіп алды, оған берілетін сыйлық ұялы телефон.

Толығырақ мына жерде: euro2012.exclusive.kz/?p=918
Әрі қарай

Алматылықтар, Блогкэмпке барамыз!

Құрметті алматылық блоггерлер!


Күн тәртібінде екі мәселе:
1. Астанаға қашан шығамыз? Немен барамыз? Жалпы кім қашан жол жүреді?
2. Алматыда блогкэмптен алдын қашан жиналамыз? Астаналық ұйымдастырушылардың бізге берген тапсырмаларын талқылау керек. (Тапсырмаларды елордалықтар жақында айтамыз деген, не сұрағаныдарын өзім де ұқпадым...)
Әрі қарай