Кешегі ойынның қорытындысы, өзімше бір тігіліп болжам айта қойып едім 4-0 деп, Шиваға жақпай қалдым-ау деймін. Қарапайым ғана, сонда да адуынды Бетисті әупірім деп жүріп жеңдік енді өйтіп-бүйтіп, бастысы мен үшін 3 ұпай қалтада. Мадридтіктер Каталондықтар секілді голдан тау тұрғызбаса да кішкене болса да голдан төбе жасады. Ойынның есебі 2-1. Қанжығасы майланғандар: Бензема мен Иско (менің құрдасым ол)

Рауль. Бұл адамды танымасаңыз, футболды көрмей кетсеңізде болады. Бірақ, Реалдың періштесіне баланған Раульды білмейтін адам жоқ шығар. Сол Реалдың мәңгілік капитаны саналған Рауль кеше футболдағы соңғы матчын өткізді басқаша айтқанда карьерасына нүкте қойды. Сантьяго Бернабеуде өткен «Саньтяго Бернабеу кубогы» үшін Реал Мадрид пен Катардың Аль Садд командасы кездесу өткізген еді.

Кешегі ойынның қорытындысы, бұл жолы да тігіліп айтқан болжамым желге ұшты немесе Реал өз ойынын таба алар емес. Сырт алаңда Гранадаға қонаққа барған Реал 0-1 есебімен терлеп қайтты, терлегенде де ұтып терледі. Жеңіс оңай келді дей алмаймын, әрең дегенде жеңді. Реалға не болғанын Ванганың өзі де айтып бере алмас еді, тірі болса да. Қонақта соғылған жалғыз голдың авторы француздық қисықмерген Бензема. Енді ойынға келер болсақ:

Футболсүйер қауымды сағындыра ұзақ күттірген Чемпиондар Лигасы ертең 1/8 финалдық ойындарын бастайды. Еуропаның кіл жүйріктерінен тұратын командалар ішінен кім жүйрік екенін анықтау үшін ертеңнен бастап көк экранға телміретін боламыз. Сонымен, Еуропаны бағындаруға шыққан, топтық турнирді артқа тастап келесі айналымға өтуден дәмелі мықты 16 команданы еске тағы бір түсіріп жіберейік:

ХАЛА МАДРИД !!! Бәріміз болмаса да көбіміз асыға күткен Еуропаның футбол маусымы басталды. Әр адамның өз сүйікті командасы болады дейді ғой Шива, сол секілді менің сүйіктім Мадридтің РЕАЛЫ еді.

Кешегі ойынның қорытындысы, алғашқы ұпай жоғалту… Ия, түбі болу керек нәрсе болды. Кешегі өткен матчта тұрақты ойынын таба алмай келе жатқан Мадридтіктер Барселонаны 2 ұпайға алға жіберіп алды. Ұтылу себебіне «ФИФА вирусының» және Вильярреалдың жақсы форма да екенін айтуға болады. Сонымен:

Жазатын дым жоқ ©

Осы жылдың жазында Бразилия елінде өтетін футболдан әлем чемпионаты жақындап келеді, талай футбол сүйер қауымның дегбірін тауыса күттірген футбол мерекесіне де аз қалды. Мундиальға баратын 32 құрама жайлы да талай сөз еткеніміз рас, әлі де талай айтылады. Алайда менің айтпағым басқа еді.

Футбол жанкүйерлерін төрт жыл сайын сағыныдырып күттіретін кубоктардың бірі — Конфедерация кубогы. Соңғы жылдары саясат пен қатар спортта да басы даудан арылмай келетін шулы көршіміз Ресей мәртебелі ӘЧ өткізуді өз мойындарына алған болатын. ӘЧ тура бір жыл қалғанда басталатын алты құрлықтың чемпиондары жиналып өзара мықтыны анықтайтын Конфедерация кубогы туралы қысқаша айтып өтейік.

Конфедерация кубогы осымен сегізінші рет өтеді, Ресей жерінде 17 маусым — 2 шілде аралығы үлкен футбол мерекесі болғалы тұр. Бұл жолғы Кубоктың басқалардан айырмашылықтары бар, мысалы: Конфедерация кубогы аясында өтетін матчтарда арбитрлер видеоқайталаудың көмегіне жүгіне алады, 1997 жылдан бері Конфедерация кубогынан қалмай келе жатқан әрі аталмыш Кубоктың соңғы иесі саналатын Бразилия құрамасы бұл турнирге қатыспайды, ал турнирде үш бірдей дебютант бар: Чили, Португалия және алаң қожайыны Ресей. Турнирдің ресми добы Krasava деп аталады.

Конфедерация кубогының жеребесі 2016 жылдың 26 қарашасында Ресейдің Казань қаласында өткізілді. Турнирге барлығы сегіз ұлттық құрама қатысады, алты құрлықтың әр түрлі турнирлерінің жеңімпаздарынан құралған құрамалар екі топқа бөлінген. Жеребе төмендегідей нәтиже көрсетті:

ТУРНИР ҚАТЫСУШЫЛАРЫ ЖАЙЛЫ АЙТАР БОЛСАҚ:









Мен секілді жанкүйерлік ететін құрамасы қатыспайтын футболсүйер қауымға бұл турнирді мына сұрақтардың жауабын білу үшін қарауға болады:

1. 100% жаңаруға ұшыраған Германия жастар құрамасы қандай ойын өрнегін көрсетеді? Әлем чемпионы деген атағы қорғай ала ма?


2. Роналду және Ко жеңісті жолын жалғастыра ала ма?


3. Ірі турнирлерде әр кез жерге қарап жүрген Ресей өз жанкүйерлерінің алдында қалай ойнайды?
4. Очоа және қақпа қалай болады?
5. Жаңа Зеландия немесе Австралия Исландия секілді фавориттердің есін шығаруға қауқарлы ма?

Бұл әрине мені мазалайтын, менің білгім келетін сұрақтар. Сіз өзіңіз не үшін туринрді тамашалайсыз, кімге жанкүйерсіз комментке қалдырсаңыз кемінде мені қуантып тастар едіңіз))

Olimp букмерекерлік кеңсесі турнирге ұсынған коэффициенттері: Германия — 3.15, Португалия — 3.25, Чили — 3.5, Россия — 9.25, Мексика — 9.25, Камерун — 22, Австралия — 38, Новая Зеландия — 360.

Турнирді алаң иелері саналатын Ресей мен Жаңа Зеландия арасындағы матч ашады, ал ойынның толық кестесі:

Жанкүйер болыңыз, ойын тамашалаңыз, құрамаңызға сәттілік...

Кешегі түннің суперматчтарын көріп тамашаладық, алайда бүгінгі түнде матчтарға толы екенін ұмытпаңыз. Бұл түнде ең атақты клуб Реал Мадрид, екі шейхтің клубы ойнайды. Толығырақ төменде:


ВОЛЬФСБУРГ — РЕАЛ МАДРИД

Өткен Класикода Камп Ноуда Барселонаны жеңген Мадридтіктер кең серпіліп қалғаны анық, осы қазіргі қарқынмен маусымды құтқарар жалғыз жол ЧЛ-дан нәтиже шығарамыз деп отыр. Ал неміс клубы өз тарихын қайта жазу үстінде, кішкене сенсация жасап өз тарихында алғаш рет ЧЛ-дің ширекфиналына жетті және мұнымен тоқтамаймыз деген ниетте.
Төменде УЕФА сайты матчқа ұсынған болжам құрамы:

ВОЛЬФСБУРГ Бенальо; Треш, Данте, Кнохе, Родригес; Гилявоги, Густаво; Шюррле, Арнольд (Виейринья), Дракслер; Крузе

РЕАЛ МАДРИД Навас, Карвахаль, Пепе, Памос, Марсело; Кроос, Каземиро, Модрич; Бейл, Бензема, Роналду.

Вольфсбург құрамында Калиджури, Юнг матчқа жарақатына байланысты қатыса алмайды, ал капитан Нальдоның қатысуы әлі сұрақ күйінде тұр. Мадридтіктер сапында Варан ғана жарақатына байланысты алаңға шықпайды.

Матчтың бас қазысы итальяндық Джанлука Рокки, көмекшілері: Эленито Ди Либераторе, Джанлука Карьолато, Антонио Дамато, Кармине Руссо

Неміс клубының бас бапкері Дитер Хекинг матчқа оптимисттік көзқараспен қарап отыр:

Біз матчқа тас-түйін дайынбыз және тек қана жеңгіміз келеді. Біз аздаған сенсация жасадық және мұнымен тоқтағымыз келмейді. Бұл мәні бар ең үлкен турнир, Реал Мадрид әлемдегі ең мықты клубтың бірі және оларға өарсы тұруға дайынбыз. Біздің клуб тарихында бұдан да маңызды ойындар болған, алайда бұл матч олардан өзгеше болатынына сенемін. Жалғыз Роналдуды қарауылдау дұрыс болмас, құрамындағы кез келген ойыншыны танисыз. Нальдоның алаңға шығуы медперсоналдың шешіміне байланысты болмақ. Біз бұл жерге дейін бекер жетпегенімізді көрсеткімізкеледі

Абыройын біршама көтеріп алған Мадридтіктердің бас бапкері Зинедин Зидан:

"Қасқырлардың" осы жерге дейін жетуі кездейсоқтық емес, олар бізге біраз проблема жасап бере алатын қарсылас. Біз толық дайынбыз, жігіттер «Барселонамен» өткен ойынды ұмытты, тек алдағы матчтарды ойлау қажет. Олардың шабуылы өте жылдам, біз соған дайынбыз. Біз бұл титулды бағындырғымыз келеді

Неміс клубы бұл турнирдің ширекфиналында алғаш рет ойнамақшы, ал испандықтар 6-шы рет қатарынан ойнағалы тұр. Реал жалпы 26 ойында келесі турға өтіп, алты рет жеңіліс тапқан.



ПСЖ — МАНЧЕСТЕР СИТИ
Бұл матчты қарапайым глордың тілімен айтсақ, «тарихы жоқ екі мешок ойнағалы» жатыр. ПСЖ бұрыннан аты бар клуб болса, Ман Сити шейхтің келуімен адам танымастай өзгерді. Алайда бұл жерде клубтың, бапкерлердің және ойыншылардың айқасы екенін ұмытпайық. Клубтың қаржысы екінші және көрінбейтін планға кетуі керек.
УЕФА сайты матчқа мынадай болжамқұрам ұсынып отыр:

ПСЖ: Трапп; Маркиньос, Тьяго Силва, Давид Луис, Максвелл; Матюйди, Рабьо, Тьяго Мотта; Ди Мария, Ибрагимович, Кавани.

Манчестер Сити: Харт (Кабальеро); Санья, Мангаля, Отаменди, Клиши; Фернандиньо, Туре, Фернандо; Навас, Сильва; Агуэро.

ПСЖ сапында орны байқалатын Верратти мен ПСЖ жарақатына байланысты қатыса алмайды, ал манчестерлік клуб Стерлинг пен Компани алаңға шықпайды, ал Делф, Харт пен Яя Туренің алаңға шығуы әлі белгісіз. Екі клуб сапында да бұларды алмастыра алатын ойыншылар жетерлік.

Матчтың бас қазысы серб Милорад Мажич, көмекшілері: Милован Ристич, Далибор Джурджевич, Данило Груич.

Париждік клуб бапкері Лоран Блан:

Мен өз уақытында Манчестер Юнайтед сапында ойнадым және бұл қала жайында тек жақсы естеліктер қалды. Қазір Сити сол кездегі МЮ-дің дәрежесіне жетіп қалдық десе де болады. Көп адам жеребе біздерді жолықтырғанда бізге жолдарың болды деген сыңайдағы әңгіме айтып жатты. Мен өз ойыншыларыма мұндай сөздерге мән бермеуіміз керегін айттым, Ман Сити бізден әлдеқайда мықты екенін мойындағым келеді, бізді қиын да тартысты екі матч күтіп тұр

Манчестерлік клуб сапында соңғы маусымын өткізіп жатқан Пеллегрини бапкер:

Матч оңай болмасы анық, бірақ мен сенемін. ПСЖ біздің проектімізге ұқсас клуб және өз біріншілігінде керемет нәтиже көрсетіп жүр. Бұл жұпта нақты фаворит дей алмаймын. Біз осы жылы ЧЛ-да біраз жетістікке жеттік және тоқтау ойда жоқ. Харт соңғы дайындықты бізбен толық құрамда өткізді, алайда қауіп қай кезде де бар. Барлығы матч алдында шешілетін болады

Мына дерек қызықтыруы тиіс: ПСЖ осымен ширекфиналға төртінші рет жолдама алып отыр, 2013 жылы Барселона, 2014 жылы Челси, 2015 жылы Барселона клубтарынан сүрінді. Ал Манчестер Сити өз тарихында алғашқы рет ширекфиналға шығып отыр.

Әдеттегідей, HALA MADRID!!!

Әлем чемпионатына берілетін жолдамаларды сарапқа салған ұлттық құрамалар кездесуі аяқтала салысымен Еуропаның чемпионаттары басталып та кетті. Кеше Мадридтің Реалы өз алаңында былтырғы ЧЛ-ның қаһарманы, Испан футболына Иско секілді талантты танытып берген, Шустер жаттықтыратын Малага командасымен кезекті матчын өткізді. Реал кейде ФИФА вирусы деп аталатын аурумен тұрақсыз түрде ауыратын командалардың бірі саналады, бірақ біздікілер жарады. Ал, Барселона сол вирусты көптеп жұқтырып алған секілді.