Чектің әуресі...

Әбіләкімнің ауылы: Чектің әуресі...

Балқаш жаққа жол түскендегі оқиға.Автовокзалдан автобусқа билет алдым.Жеңіл күртешемнің қалтасына сала салдым. Қалта телефоныма ақша лақтырдым және шөлдесем ішермін деп салқын сусын алып көңілімді бір жайландырдым.Менің құзырымдағы он-он бес минуттай бос уақытты вокзал ішінде сандалумен өткіздім.Бірдеңені күткенде бір орында көп отыра алмайтын жаман әдетім бар.Қалтама қолымды не үшін салғанымды білмеймін, бірақ осының керегі жоқ деп манағы ақша салған түбіртек пен сусынның түбіртегін қоқысқа арналған кішкене жәшікке тастай салдым. "Қарағанды-Балқаш" автобусына отырғызу басталды десімен сол жаққа қарай аяңдадым.Есікке кимелемей елдің артынан кірмек болдым. Билет тексеруші билетімді сұрады. Мен қалтама қолымды салып көрсетіп жатсам, «Сіз маған не көрсетіп тұрсыз?» дейді.Қарасам қоқысқа билетімді лақтырып жіберіппін.Ішке жүгіріп кіріп, қоқыстың ішін ақтарып тауып алдым әйтеуі.Абырой болғанда қолымды жуатын жерге де кіріп үлгердім.
Әрі қарай

Менің қылмысым...

Пенде болғаннан кейін күнәні де сауапты істі де жасап жатамыз. Саналы түрде қылмыс жасап көрдіңіз бе?
Мен жасадым.10 класс(Балқаш қаласы) оқып жүрген кезіміз. Кластасым Алмас (марқұм болып кетті, жаны жәннәтта болсын!)келді түс мезгілінде.Әкесі жоқ, шешесі ішкіліккке салынған бала еді, футбол десе жанын беретін. "Қарындасым әліппемен қоштасқалы жатыр, соған ақша керек,2-3 мың бар ма?«деді, менде ондай ақша қайдан болсын.Өзім ағамның қолында тұрып оқып жатырмын.
-Кеше балалар гараж жақтан, алюмин мен мыс шығарыпты, сол жаққа барайық-деді сәл отырған соң.
Балқаштың шет жағында бұзылған, иесіз гараждар бартын.Бір тесіктен кірсең 5-6 гаражға бірақ өтесің. Келістім.Бардық.аралап жүрміз.Қолымызға іліккен керек-ау деген заттарды алдық.Бір кезде көзіміз „Победа“ машинасына түсті.
Әбіләкімнің ауылы: Менің қылмысым...
Әрі қарай

ББ

ББ-Бауыржанға базына

Кәдімгі Бауыржан Ибрагимов ағамызға ренішім скавородкадай. Жаңа жылдың демалыс күндерінің бірінде еліміздің арналарының бірінен осы кісінің есеп беру кешін берді. Шығармашылық кеші. Алдында біздің қаламызға да машинасының капотын тіреп кеткен.Цирк ғимаратына. Бармағаным жақсы болыпты.
«Бауыржан шоу» болып «Тамашадан» бөлініп шыққан кезінде тап-тамаша қойылымдар қойылушы еді. Бұл жолы да сондай бір нәрселер күттім. Езуіме жымиыс әкелген әзіл болмады.Әлде екі баланың әкесі болғалы мен «серйозныймын» ба? Баяғы бір тізесі шығып кеткен трико тақырып. Құдағи мен татар құда жайлы. Оған да не қосарларын білмей қалса керек.Ақырында құдағидың аузына «Менің аяғым ауыр» деген сөзді салыпты. Басқа-басқа Бауыржан ағамызға бұндай әзілдер жараспайды екен. Кезіндегі «Тамашаның тарландарын» көрген Бәкеңнің бұл қай сасқаны дедім де қойдым. Ішім ашыды. Әзілдеріне емес, көрермендердің босқа кеткен уақытына. Билеттерінің құыны екі мың теңге ме, бес мың теңге ме маған белгісіз. Белгілісі, екі жүз теңгеге де татымайтындығында.

Айтпақшы, Бауыржан ағамыздан алынған «Сахна- сайқымазақтардың төрі емес» деген тақырыптағы сұхбатты «Астана ақшамы» газетінен оқи аласыздар
Суреттің алынған жері
Әрі қарай

Шалқасқа...

Ауыл қазағы мал ұстайтыны белгілі.Малдан бөлек иті мен мысығы болады. соның бәріне ат қойғыш қазақпыз ғой. Осы тақырыпта жазба жазсам ешкім ренжи қоймас. Қаласаңыздар астына сіздер де өздеріңіздің ит-мысықтарыңыздың, т.б.б жануарлардың есімдерін тізе
Әрі қарай

Беру қабілетіңіз қалай?

Адамның күні адаммен. Кейде қысылғанда айналамыздағы жақсы таныстарымыздан ақшалай (қарызға) көмек сұрайтын кездер болады. сұрау бір басқа,беру бір басқа. Ақшалай(қарызға,жәй былай) көмек бересіз бе?
Әрі қарай

Орыс қыздарының есімі

Қазақ ат қойғыш халық.Оны әр сайттарда, әр форумдарда талқылап та дәлелдеп те жүрміз. Жер шарын демей-ақ қояйын, мүмкін Қазақстанды, мүмкін Қарағандыны тіпті тек менің басымды ғана айналдырып жүрген бір сұрақ бар.Ол орыс қыздарының есімі неге «А» және «Я» әріптерімен аяқталады.Мысала: Наташа, Наталья, Маша, Мария, Дарья, Даша, Саша, Ксения кете беред осылай…
Білетіндер орыста басқа әріппен аяқталатын 5 қыз аты бар дейді.Оның біріншісі «Любовь», ал қалғандары ше?
Әрі қарай

Пойыздағы дәрігер

Купе. Купе болған соң пойыз. 4 адам. Бір жігіт ағасы, бір кемпір, бір жас жігіт және сол шамалас бойжеткен қыз. Кемпір жүн нәски тоқып отыр, жігіт ағасы журнал оқып отыр. Жігіт қызға бір жапырақ қағаз ұсынады. Сөйтіп екеуі логин алмасып, агент арқылы сөйлесуге көшеді. Мәселе махаббат, қарым-қатынасқа кеп тіреледі.
Қыз жігітке:
-Менің сенімен сүйіскім кеп тұр. Мен өтірік талып құлап қалайын, сен мені жасанды демалдыр-деп жазып жібереді.
содан қыз өтірік талықсып отырған орнында сылқ ете қалады. Жас жігіт купедегілерді " Мен Медакадемияның 5-ші курс студентімін, таза ауа керек, анау-мынау" деп шығарып жібереді. Шамалыдан соң екеуі шаруаларын тындырып болған соң жігіт купеден шығып:
-Алаңдамаңыздар, қыздың жағдайы жақсы, мен жасанды дем беріп укол салдым- дейді. сөйтсе, көршілес купедегілер де қыз талып қалды дегенді естіп жиналып тұр екен. Араларынан біреуі:
-Әй, доқтыр, шалбарыңның замогын тағып ал,әйтпесе шприціңді жоғалтып аларсың-депті.
Әрі қарай

Өртпен төбелес. Жанайым.

Осы артта қалған екі күнде біраз оқиғалар бастан өтті.Ауыл жақтан хабар келді "Қысқа дайындаған шөп өртенді" деген. Бұндайдан соң қалада қалайша тыныш жата аласың. Келіншегімнің толғатып жатқанына қарамай елге тарттым. Шүкір, қалада әкемнің әпкесі бар ед.сол кісі өзі басы-қасында болатын болғантын.
Әрі қарай

Мынау неге салбырап кеткен?

Болған оқиға, сөге жамандамаңыздар. Реті келсе бұдан да ғибрат алуға болар.

Моншаға(ауылда,өз үйлерінің жанындағы өз моншалары) түсіп жатқан күйеуі әйеліне "Қатын, орамал әкелші«деп өтініш білдірсе керек. Ұмытып кеткен ғой өзімен алуды. Келіншегі қалаған нәрсесін әкеліп бермек болып үйге кіріп келсе,әлгі бір „Бериван“ деген сериалдың қызық жері болып жатса керек. Соны көріп біраз отырып қалыпты.Кино біткен кезде есіне орамал түсіп (чебурашка мен крокодил Генаның приколы бар еді ғой))))иығына іліп алып моншаға кіріп келмей ме? Моншаның іші бу, күйеуі тоңқайып жуынып жатса керек. „Мынау неге сонша салбырап кеткен-ей!“ деп күйеуінің жамбасынан шапалақпен тартып жіберіп үйге кірмей ме? Үйге кірсе күйеуі айнаның алдында шашын тарап тұ екен. „Ойбай, моншада кім бар?“, „Папам түсіп жатыр“. „Өлген жерім осы“ деген келіншегі бір-екі пакетке керек-ау деген киімдерін салып ап қаладағы әке-шешесінікіне тартып тұрыпты. Артынан күйеуі бір-екі рет барыпты келмепті. Ақыры болмаған соң қайын атасы алты айдан соң өзі барып ертіп келсе керек.
Әрі қарай

Жаман болады

Қазақта «жаман болады» деген ырымдар көп қой. Бала кездеріңізде өздеріңізде талай естіген боларсыздар.
Үйге жүгіріп кіре бергенде әжең тоқтатады.«Балам,үйге жүгіріп кірме жаман болады».«Сонда не болады?»-деп сұрасаң «жаман боладыны» естисің тағы.
Бейіттерге қолыңды шошайтып"Әже, аналар немене"-дейсің. «Балам,қолыңды шошайтпа, жаман болады».Қолыңды шошайтқаның үшін саусағыңды тістетеді ғой оның үстіне.
«Күн батып бара жатқанда ұйықтама, жаман болады»
Таусылмайтын «Жаман боладылар». негізі осының бәрі тәрбие екені мәлім ғой. Бірақ не болады,ә?
Әрі қарай