Два в одном

Бүгін өзіміздің шағын жанұямызда екі мереке.Біріншісі,әрине Қазақстан Республикасының Тәуелсіздігі күні болса, екіншісі біздің отбасы құрғанымызға 4 жыл толды. 2007 ж. дәл осы күні үйге келін түсіріппін. Осы сайттағы барлықтарымыз бақытты болып, біздерден тараған ұрпақтар тәуелсіз еліміздің көк туын биіктерден желбірете берсін!
Әрі қарай

Құлаққап сыртындағы әуен...

Кеше аттуызда кетіп бара жатып осы жайлы жазбасам ба деп ойлаған ем… Бүгін жұмысқа келсем Аршат мырза осы сарындағы мақаланы «Керекке» бұрқ еткізіп үлгеріпті.
Иә, қазақтың қыздарының ішкі әдемілігі жоғала бастағандай.Ол жоғалса сыртқы әдеміліктің қоса жоғалатыны сөзсіз. Кеше мен мынандай жайттың куәсі болдым. Аттуыстың артқы жағында отырдым. Жанымдағы бос орынға құлағына құлаққап киген әдеміше қыз жайғасты.Жанындағы құрбысына орын берейін дедім де сағыз шайнасына жыным ұстап сазарып отыра бердім. Әлгі екі қыз айналасындағылармен істері жоқ.Музыкалары құлаққапты жарып жібере жаздап, біздерге де естіледі. Құдай-ау даң-дұң әуен.Бірде бір сөзі жоқ.Ұрып тұрған музыка. Жұмыстан ептеп шаршаңқырап қайтып келе жатқан соң "Қарындас жайырақ қойыңызшы андағы музыкаңды" дедім. Ол маған бағжиып,«Бұл қоғамдық көлік, ұнамаса таксимен жүр» деді, сөйтті де құрбысына «Мына кісіге ерегіскенде соңына дейін барайық, біздің музыка ұнамай отыр» демесі бар ма? Қызға тән қылық қалмапты. Менен басқалардыңда алакөздеп отырғандарында шаруасы жоқ. Папкамда «Халық сөзі» газеті бар еді. Соңғы нөмерін үйде оқырмын деп алған ем. Соны шығардым. "Қарындас, мен газет оқиын сіз бір шетінен ұстап отырыңызшы" деп өтіндім әлгі қыздың бір құлағындағы пәлесін жұлып алып.
-Не үшін мен ұстауым керек, оқысаң өзің оқы…
-Олай болса мен не үшін сенің музыкаңды тыңдауым керек, тыңдасаң өзің тыңдасаңшы.
Құрбысы сағызын шарт еткізіп үріп жіберді. Менің сөзім ұнамай қалған болу керек…
Әрі қарай

Не көрмеген көз, не естімеген құлақ...

Әңгіме өз көзіммен өз құлағым жайлы.
«Натура» деген сусындардың шыққан кезінде дүкеншіден «Маған „Хатипа“ беріңізші» дегенді де көрдік, естідік.
Рамазан деген есімді атай алмай Разаман дейтіндерді де көрдік, естідік.
Халіңіз жақсы ма дегенде "үшкір"
Әрі қарай

Жұлдыздарға қанша шығындаламыз?

Әншілер мен әншісымақтар жайлы мына жерде бұрынырақта жазып кетіппін. Біраз пікірталасыппыз да. Бүгін тағы осы төңіректегі жазба жазылыпты .әрі қарай не жазуға болады?! Ақшаңыз банктегі шотыңызға симай бара жатса, бауырыңыздың не болмаса өзіңіздің тойыңызға әншілерді шақырғыңыз келді делік. Кімге қанша шығындаламыз?
Мен төменде әншілердің Қарағанды қаласына келетін бағасын келтіре кетейін.
Қайрат Нұртас — 2000 долларға 5 ән айтып кете алады. Бұның үстіне шешесі екеуінің ұшақпен келіп кетуі мен қонақ үй, тамақтану ақысын қосыңыздар.
Мақпал Жүнісова апамызға жобамен 700-750 мың төлеу керек.
Нағима Есқалиеваға ән салғызғыңыз келсе 600 мың теңгені дайындай беріңіз.
Ескендір Хасанғалиев ағамыздың өз аузынан «Азиада алауын» тыңдағыңыз келсе 450 мың теңгеңізді шотыңыздан сыпырып ала беріңіз.
Нұрлан Абдуллин деген жігіт ағасы тойыңыздың сәні болсын десеңіз 900 мыңның жобасында шашылуыңызға тура келеді.
Жанна Орынбасарова (кім,қандай өлең айтады білмейді екенмін)атты әнші 600 мыңның әр жақ бер жағында келісім беріп қалады.
Әрі қарай

Бесік

Киіз үй туралы жазғанымда Гүлстан атты қыз өтініш білдірген екен. Енді сол қарындасымыздың яки апамыздың өтініші бойынша бесік жайлы сөз қозғасақ.
Бесік жайлы әркім әр түрлі пікір айтып жүр. Егер бесіктегі баланың бойы өспейтін болса еңгезердей бабаларымыз сәбіз жеп өсірді ме бойларын? Бесіктің бойға қатысы жоқ. Бесік ежелден келе жатқан мүлік болып есептеледі. Қазақтың ата салтында балаға бесікті нағашы жұрты әзірлеп әкеледі. Әбіләкімнің ауылы: Бесік
Әрі қарай

"Ө"-ден оралу

Сегізінші тамыз күні биылғы өтпіскім аяқталады екен. Қатардағы көп қазақтар секілді ауылыма барып, туған-туыстарды көріп бір жасап қалдым. Ауылда шөп шабу науқанына өзімше көмектесіп, ата-әжемнің, әке-шешемнің үйлерінің шатырын сырласып қайтудың өзі демалысымның босқа өтпегендігін білдіретін секілді өзіме. Қайын жұрт жақты да ұмытпай, ол жаққа да машина ізін салып қайттық. Өтпіскімнің соңында Астанадан келген керекшілермен өткен кездесудің өзі бір қаралық. Бұл жайлы сәл кейінірек
Әрі қарай

"Масаның" ызыңы...

«Күркіреп күндей өтті ғой соғыс...». Соғыс жайлы іс-шаралардың осы секілді атауларын 9 мамырға қарай әр жерден естіп, оқып қаламыз. "Құйрықты жұлдыздай жарқ етті" Сайлауды айтамын. Дамыған елдердің қатарына кіреміз дейміз дамбалымыздың тесігіне қарамай… Әрине, бұл жердегілер (өзімде) осындай жылаңқы әңгімеден шаршады. Әркім мұрнының астынан бір міңгірлейді, билік оны құлағына да қыстырмайды. Біз қазақ қашаннан әбден езгіленгенде ғана бұрқ ете қалатын халықпыз ғой. Кім білсін алдағы күніміз не боларын…

Дегенмен мында көз сала салыңыздаршы.
Қайыршылық қай елді алып қарасаңыз да бар шығар. Бірақ, дәл біздің елдегідей ме екен?!
Әрі қарай

Сүйісіп болды

Ауылдан әжем келді. Осы кісілердің қолында өскендіктен «Мама» деп атап кеткенмін ғой бала кезден. «Осы күні телебзірден түк көрсетпейді?» дей отырып үйдегі көпшіліктің шешімімен «Денизбен» тоқтаттық канал айналдыруды. Шәй үстінде әр нені айтысып отырдық. Бір кезде кинодағы қыз бен жігіт сүйісті. Мамам «Баяғыда, 3-4 жасыңда кино көріп отырғанда сүйісетін көріністерде көзіңді жұма қалып, үйдегілерге көздеріңді жұмыңдар, сүйісіп жатыр»,- деп айқайлайтынсың.«Көздеріңді ашыңдар, сүйісіп болды»-деп шамалыдан кейін көзіңді ашатынсың" деп күліп еске алып жатыр.Менің де есімде сондай бір бейәдеп көріністер көрсетілсе бөлмеден шығып кететінбіз. Сол кино біткенше ана бөлмеге аяқ баспайсың ғой. Қазір ауылдағы ағамның балалары (жалпы көп елдің балалары) үлкендермен отырып көре беретін болды ғой бұндайларды. Оған етіміз де бетіміз де үйреніп алды.
Бала кезімде сүйісіп жатқандарды көргенде бөлмеден шығып кетсем де соның соншалықты жаман нәрсе емес екенін түйсінетін ем. Кейін үйленгенсін сүйісуден де жақсы нәрселер бар екенін білдік қой)))
Суретке сілтеме
Әрі қарай

Қай (кімнің концертіне) концертке барар едіңіз?

«Талғамға талас жоқ» деген сөз бар. Оған дауым жоқ. Бұл жолғы талғамымыздың құрбандары әншілер болсын делік. Мысалы, сіздің қолыңызға бір күнге, бір уақытқа екі билет берілді делік. Біреуін таңдап сол әншінің концертіне баруыңыз керек. Сіз қайсын таңдар едіңіз? «Бармаймын» деген жауап саналмайды, біреуін таңдаңыз және себебіне тоқтала кетіңіз.

1) Бақтияр Тайлақбаев және Құдайберген Бекішов
2) Меруерт Түсіпбаева және Айгүл Иманбаева
3) Еркін Нұржанов және Қайрат Нұртас
4) Қайрат Байбосынов және Рамазан Стамғазиев
5) Гауһар Әлімбекова және Баян Нұрмышева
Әрі қарай