Елордада Астана қаласы, Ақмола, Солтүстік Қазақстан, Қостанай облыстары әкімдігі мен «Зерде» Холдинг» АҚ және IT нарығы өкілдерінің қатысуымен жергілікті атқарушы органдардың цифрландыру күні өтті, деп хабарлайды Астана қаласы әкімдігінің ресми сайты.

Цифрландыру күні – мемлекеттік органдар мен IT нарығы өкілдерінің арасындағы диалог, диалогтың басты мақсаты мемлекеттік органдардың нарықтық ұсыныстарға ашықтығы, IT нарығын мемлекеттік органдардың жоспарлаған жобаларымен «Цифрлы Қазақстан» бағдарламасын бірлесіп жүзеге асыру.

Астана қаласы әкімдігі қалада әртүрлі салада жүзеге асып жатқан төрт жобаны таныстырды, олар Smart — денсаулық, iKomek қалалық жедел мониторинг және ден қою және «Сергек» интеллектуалды көлік жүйесі және фото – бейне фиксациялау жүйесі.

Астана қаласы әкімдігінің өкілдері атап өткендей, «Сергек» фото – бейне фиксациялау жүйесі енгізілгеннен бері қалада жол-көлік оқиғасының азайғаны байқалған.

«Өткен жылмен салыстырғанда жол көлік оқиғасы 21 пайызға, осы жол көлік оқиғасынан жарақат алғандар саны 20 пайызға, ал оқыс оқиғалар саны екі есе төмендеді. Сонымен қатар, Астана әкімдігі қаланы барынша жайлы және қолайлы ету мақсатында цифрландыру бойынша тағы бірнеше жобаны жүзеге асыруды қолға алғалы отыр: қылмыскерді болжамдау мен бағалау және бет-бейнені предиктивті талдау», деді отырыс барысында инвестициялар және кәсіпкерлікті дамыту басқармасының басшысы Әлішер Әбдіқадыров.

Қалған жобалардың іске асырылуы қаладағы қылмысты 40% — ға азайту арқылы өз тиімділігін көрсетті, қағазсыз құжат айналымы, ауруханаларда кезектерді азайту, қоғамдық көлікті ыңғайлы пайдалану және басқа да оң өзгерістер.

Жүргізушілер арасындағы көлік тәртібін сақтау, жол көлік апаттарының санын азайту, сондай-ақ жол ережесін бұзудың алдын алу мақсатында 8-10тамыз аралығында елордада «Қауіпсіз жол» жедел алдын алу іс-шарасы өтті, деп хабарлайды елорда әкімдігінің ресми сайты.

«Қауіпсіз жол» шарасы барысында полиция қызметкерлері жол-көлік оқиғаларының көбеюіне себеп болатын жол қиылысындағы ережені өрескел бұзуды анықтауға бағытталғанбірқатар рейд жүргізді.

Сонымен қатар, көлік ұйымының өкілдерімен бірлесе отырып қоғамдық автокөлік жүргізушілері арасындағы ЖЖЕанықтау күшейтілді. Жедел алдын алу іс-шарасы барысындаавтожолдарда Астана қаласы ІІД жол патруліндегі аппарат қызметкерлерінің қадағалау жұмыстарының ауқымы күшейтілді.

Қаладағы жол ережесін бұзуды негізінен автоматтандырылған жүйелермен фото-бейнетіркеу,«Сергек» аппараттық-бағдарламалық кешенкөмегімен анықтайды.Үш күнге жалғасқан «Қауіпсіз жол» жедел алдын алу іс-шарасы барысында фото-бейнетіркеу жүйесі 6000 тәртіп бұзушылықты анықтаған.

Полицейлер автокөлік жүргізу ережесін бұзған 700 көлік иесін анықтаған.Олар алкогольді ішімдік ішкен күйде жүргізіп жол ережесін бұзуды, жол қиылысындағы ережені бұзу, рұқсат берілген жылдамдықты жоғарылату, басып озу ережелерін бұзу, қарсы жолға шығу, жаяу жүргіншілер жол қиылысынан өтіп кету, қауіпсіздік белдігін пайдаланбау, сондай-ақ автокөлік жүргізушісінің телефон арқылы сөйлесу сияқты т.б. жол ережелерін бұзуға қатысты құқық бұзушылықтарды анықтау мен олардың алдын алуға баса назар аударды.

2018 жылдың 16 тамызында, сағат 10:00 мен 16:00 аралығында Астана қаласының прокуратурасы «Нұр Отан» партиясының қалалық филиалы мен әкімдік бірлесе отырып, прокуратура, әкімдік, ішкі істер, қылмыстық-атқару жүйесі, мемлекеттік кірістер мен әділет департаменттерінің басшылығы және Ұлттық банктің филиалы өкілдерінің қатысуымен қала тіршілігінің көкейкесті сұрақтары бойынша жеке қабылдауы ұйымдастырылады.

Қабылдау «Нұр Отан» партиясының қалалық филиалының ғимаратында алдын ала жазылу арқылы Астана қаласы, Тәуелсіздік даңғылы 3 мекен-жайында өткізіледі.

Алдын ала жазылу:

— Астана қалалық прокуратурасының байланыс телефондары 8 (7172) 712449, 712126;

— «Нұр Отан» партиясының қалалық филиалының қоғамдық қабылдау бөлмесінің байланыс телефоны 8 (7172) 361945 арқылы жүргізіледі.

Әсет Исекешев жаңа мектептерге ғимарат бөлуге байланысты бірқатар шешімдер қабылдады, деп хабарлайды елорда әкімдігінің ресми сайты.

Соңғы 7 жылда елордада орта білім беру саласында оқитындар саны 2 есеге өсіп, 143 мыңнан астам оқушыны құрады. Көші-қон және туу есебінен жыл сайын өсім орта есеппен 15-18 мыңға жетті.

Осы ретте елорда әкімдігі қала инфрақұрылымының қарқынды дамып жатқандығын есепке ала отырып, мектептерге түсетін жүктемені төмендету тұрғысында жұмыс жасауда. 2018 жылдың өзінде 7 мың орындық 6 мектеп пайдалануға беріледі. Алдағы 24 мектеппен мектептерге жапсарлас 10 ғимараттың құрылысы жоспарланған.

Жаңа оқу жылы қарсаңында «Ашық әкімдік» жобасы қағидасын іске асыра отырып, Астана әкімі Әсет Исекешев мектептерге ғимараттарды бөлу мен оларға түсетін жүктемені төмендетуге қатысты мәселені көтерген ата-аналар тобымен кездесіп, шешімін таппай келген проблема жайында олардың өз ауыздарын естіді.

Осыдан 10 жыл бұрын ҚР Президенті Нұрсұлтан Назарбаевтың өзі ашқан № 60 мектеп-лицейдің жүктемелігіне қатысты мәселе алғаш рет көтеріліп отырған жоқ. Мектептің көрсеткіші өте жоғары, алайда ондағы негізгі проблемалардың бірі жүктеменің көптігі.Өткен жылы ол мектепте 3558 адам оқыса, қазіргі таңда оқу үшін 300 бала құжат тапсырыпты. Бұның соңғы көрсеткіштер емес екендігін атап өткен жөн.

Әкімнің қатысуымен өткен кездесу барысында Күмісбеков көшесі мен Абай даңғылының қиылысында орналасқан жаңа мектептің ғимаратына қатысты білім басқармасының шешімі қайта қаралған болатын. Енді 1200 орынға лайықталған оқу орны № 60 мектеп-лицейге тиесілі болмақ.Осылайша елордада № 60 мектептің ғана емес сол ауданда орналасқан № 1 және № 35 мектептердің жүктемелігін төмендетуге септігін тигізіп, бірнеше ғимаратты біріктіретін алғашқы мектеп кластері құрылмақ. Мұндайшешім аталмыш мектептің білім сапасы бойынша қаладағы үздік мектептер ондығының қатарында екендігі ескріліп шығарылды. Ата-аналардың көбісі өз балаларының осында білім алуын қалап, оларды аталмыш мектепке беруге тырысады. Бұған қоса, осы мектепте білім беретін біліктілігі жоғары мұғалімдер құрамын жаңа кәсіпқойлар толтырмақ. Бұл өз кезегінде мұғалімдердің жүктемелілігін біркелкі жоспарлауға мүмкіндік береді.

Қазіргі таңда Абай-Күмісбековтегі жаңа ғимараттың есігі сол мектепте оқуға ниет білдірген балалардың құжаттарын қабылдау үшін ашық.

Сонымен бірге, Білім күні қарсаңында дарынды қыздарға арналған «Білім-инновация» лицейінің оқушыларын да жағымды жаңалықпен қуантты. Бұдан бұрын хабарланғандай, оқу орнының ашылғандығына 15 жыл болса да, оған жеке ғимарат бөлінбеген еді.

Бүгін «Білім-инновация» лицейінің оқушылары қалалық, республикалық, халықаралық пән олимпиадаларында жүлделі орындарды иеленіп келеді. Бұл лицейде оқуға түсу үшін өткізілетін конкурстың жоғары екендігін көрсетсе керек. Дәлірек айтқанда, бір орынға 20 адамнан келеді.

Ата-аналардың арызын тыңдаған және де ауданның дамуын есепке қоса алған әкім 188 көшеде жақында ғана бой көтерген мектепті дарынды қыздарға арналған «Білім-инновация» лицейіне беруді ұйғарды. Алдағы уақытта лицей 5 сыныптан бастап оқыту үшін қосымша балалар жинайды деп күтілуде. Бұл, өз кезегінде болашақта жүктемені азайтуғакөмектеседі.

Сонымен қатар, Әсет Исекешев әкімнің орынбасары Қосман Аймұхаметовке мектепті кірме жолмен қамтамасыз ету,187 көшеде жол құрылысына жұмыстарын жеделдетуді тапсырды. Аталмыш жол мемлекеттік бағдарлама бойынша салынған үйлердің аулаларына кіруге мүмкіндік беретін қосымша жолмен қамтамасыз етпек. Мектеп ауласын абаттандыру жұмыстары 25 тамызға дейін аяқталады деп жоспарлануда.

Қазіргі кезде жаңа мектептің учаскесінде екі мердігер ұйым жұмыс істеуде. Жолдарды төсеп, кіреберіс жолдарды салуда. Территорияны абаттандыру жұмыстары 20 тамызға дейін аяқталмақ.

Кездесу соңында Әсет Исекешев білім басқармасына Сарыарқа ауданы әкімдігімен бірлесіп тиімді жол тауып, оның тез арада амал жасауды, сондай-ақ, ғимарат бөлу саясатын тұрғындардың пікірін, қауіпсіздік мәселесін, мектептердегі жүктемені есепке ала отырып жүргізуді тапсырды.

Саламатты өмір салтын ұстану – заманауи қоғамның тренді. Алайда, тәніңді өз тонусында ұстап тұру арзанға түспейді. Табиғи өнім, дәрумен, спорттық жабдықтар мен спортзалға абонемент – мұның бәрімен ай сайын тұрақты түрде айналыссаң қаншама шығын болмақ. Астана әкімдігінің ресми сайты қалада тегін жаттығулардың қайда өтетінін, оның үстіне нұсқаушысы бар және спортзалға кететін абонементті қалай үнемдеуге болатынын айтады.

Астанада осымен үшінші жыл қатарынан мәдениет және спорт басқармасы ұйымдастыратын барлық үміткерлерге арналған тегін спортпен айналысу өтіп келеді. Тегін жаттығуда өз қалауыңды табу үшін жаның қалаған нәрсенің барлығын жасай аласың. Ендеше, сөмкеге формаңызды салыңыз да – алға!

Жүгіру

Кім таңертеңнен жүгіргенді ұнатады, өте дұрыс істейді. Қысқасы, денсаулық үшін өте пайдалы. Жүгіру ерік жігерді дамытады, денсаулықты күшейтеді, мінезді шыңдап, өзіңді формаға келуге көмектеседі. Астанада жыл сайын әуесқой жүгірушілер көбейіп келеді. Қала әкімдігі осыған орай шара қолданды: саябақтарда жолдарға арнайы резинасы жамылғысы төселді.

Астанада қазіргі таңда сертификаты бар инструкторлар топтық жүгіруден тегін дәріс өткізеді.

Қайда: Астаналық саябақ пен Триатлон саябағында аптасына 3 рет – дүйсенбі, сәрсенбі, жұма – сағат 19:30-дан 20:30 дейін сертификаты бар инструкторлар топтық жүгіруден дәріс өткізеді.

Сонымен қатар жексенбі күнгі дәрістер бар, ол таңертең және кешкісін – сағат 10-нан 12 сағатқа дейін және де сағат 17:00-ден 19:00 дейін.

Кроссфит

Кроссфит. Бұл өзінің шыдамдылығын қайрап, күші мен жылдамдығын шыңдап, өз өзіне шақырту тастап және өзінің қолынан не келетінін дәлелдегісі келетіндерге арналған спорт.

Кроссфит Астана саябағындағы жексенбілік жаттығу бағдарламасына қосылған және таңертең сағат 10-нан 12-ге дейін. Студент және Жерұйық саябақтарында сағат 10-нан 12-ге дейін жексенбі күндері барлық қатысқысы келетіндер кроссфиттен жаттығуға келе алады.

Ушу

Ушу – бірегей жауынгерлік өнер, ол адамның шығыс жекпе жегі философиясын тереңінен түсінуге, өзін өзі қорғаудың жаңа машығын, тәні мен денсаулығын қатайтып, санасын тазартуға әрі ішкі қуатын дамытуға көмектеседі.

Ушумен Астаналық саябақта жексенбі күндері таңертең айналысуға болады.

Джиу-джитсу

Джиу-джитсу техникасы қозғалысты көп пайдалануға және қарсыластың өзіне күш салуға бағытталған және де арнайы «қулығы» бар тәсілдер қолданылады, яғни ауыратын нүктелерге соққы жасау, арнайы көңілді басқаға аударатын қимылдар, шабуыл сызығынан ауытқу және т.б.

Джиу-джитсу дәстүрі әлі күнге дейін сақталып келеді. Әлемнің көптеген елдерінде жауынгерлік өнердің осы түрін дамытып, культке айналдырып отырған одақ, федерация, қауымдастық, оқу орталықтары мен клубтар бар.

Астанада джиу-джитсудан тегін жаттығулар демалыс күндері таңертең Астаналық саябақ пен Жерұйық саябақтарында 19:00-ден 20:00-ге дейін өтеді.

Йога

Йога – бұл практикалық философия, жан мен тәннің бірігуіне арналған. Оның бастауы сонау ежелгі үнді дәстүрінен алынған. Бүгінде йога үлкен танымалдылыққа ие. Онымен бала да, кәрі де айналыса алады.

Йоганың техникасымен танысқысы келетіндер таңертең демалыс күндері Студенттік және Жерұйық саябағына келе алады.

Шахмат

Шахмат ойнаудың пайдасы шаш-етектен. Ойын барысында мидың оң жақ және сол жақ бөлігі де бір мезгілде жұмыс істейді де, мидың дамуына үйлесім туғызады – бұл шахматтың негізгі пайдасы.

Астаналық, Студент және Жерұйық саябақтарында таңертең ойнағысы келгендер шахмат пен шашка ойын үстелінде кездесе алады.

Велоспорт

Велосипед спорты – специфика жағынан бұл аэробты жаттығу болып есептеледі, ол жүрек пен өкпені, бұлшық ет пен аяқты қатайтады. Қысқасы, кеуде мен иықтың бұлшық ет жинамауын қамтамасыз етеді. Осылайша велоспорт жылдамдық жағынан коньки мен тау шаңғысы сияқты жүк түсіреді. Демек бұл да аяқтың бұлшық етін шынықтырады.

Осы жылы әуесқойлар үшін велосипед жүретін жолдарға жағдай жасалды. Астананың мерейтой құрметіне 56 км веложол салынды.

Бүгінгі таңда Астанада мектепке дейінгі білім беретін тәрбиешілер, бастауыш сынып мұғалімдері, орыс тілі, ағылшын тілі, әдебиет, математика пәндерінің мұғалімдері тапшы, деп хабарлайды елорда әкімдігінің ресми сайты.

Жұмыс іздеп жүрген мұғалімдер үшін әр сенбіде бос орындар жәрмеңкесі өткізілетін болады.

Алғашқы үміткерлер әңгімелесуге 11 тамызда № 31 мектеп-гимназияда (Кеңесары к-сі, 49) және № 84 мектеп-лицейде (Ұлы дала д-лы, 7/1) келе алады.

Жәрмеңкені өткізу уақыты: сағат 10:00-ден сағат 13:00-ге дейін.

Айта кетейік, мұндай жәрмеңкелер әр сенбі күні (11, 18 және 25 тамызда) өтетін болады. Қазіргі таңда Астанада мектепке дейінгі білім беретін тәрбиешілер, бастауыш сынып мұғалімдері, орыс тілі, ағылшын тілі, әдебиет, математика пәндерінің мұғалімдері тапшы.

Болашақта елорда мектептерінде жұмыс істейтін жас мұғалімдер хостелдер мен жатақханаларда тұра алады. Алдағы уақытта жас отбасыларға шағын габаритті пәтерлердің құрылысы жүргізіледі деп жоспарлануда.

Елімізде алғаш рет «Кедергісіз Қазақстан» акциясы басталды. Ендігі таңда ерекше күтімді қажет ететін балалар апта сайын еліміздің ірі кинотеатрларында тегін фильмдер көре алады, деп хабарлайды елорда әкімдігінің ресми сайты.

Бүгін Астана әкімдігі мен «Kinopark Theatres» кинотеатр желісі мен «Q Group» компаниясының тобы арасында өзара әріптестік туралы меморандумға қол қойылды. Мемлекет пен бизнестің әріптестігі арқасында барлық ерекше күтімді қажет ететін балалардың еліміздегі ірі кинотеатрлардан ақысыз түрде фильм көру мүмкіндігі пайда болды. Көрермен ретінде аутистік спектрі бұзылған және қаладағы психологиялық-педагогикалық түзету кабинетіндегі ДЦП ауыратын 150 бала және «Қасиетті Жол», «Солнечный Мир», «Дар», «Равные возможности» қоғамдық қайырымдылық қоры шақырылды. Ата-аналар – мұны ерекше балалардың дамуы мен бейімделуіне жасалған үлкен қадам деп айтып жатыр.

«Біздің балалар кәдімгі киносеанстарға келе алмайды. Оларға ерекше жағдай керек. Олар тұтас қараңғы жерді, оқыс дыбыстарды көтере алмай қорқып жылайды. Сондықтан оларға лайықталып жасалған көрсетілім таңғажайып кино әлеміне енуге мүмкіндік береді. Мұндай нәрселер олар үшін аса маңызды, бұл балалардың елестету, өнер, қабылдауын дамытады. Осы акцияның арқасныда жай ғана дүниелер біздің балалар үшін қолжетімді бола бастады. Біз өте ризамыз», — деді «Солнечный мир» орталығынан келген баланың анасы Евгения Чеботаревская.

Кинозалда техника жарықты жұтып, дыбыс эффектілерін кішірейтіп, кинозалдың есігін ыңғайлы болу үшін ашып қойды. Одан басқа, кинотеатр қызметкерлері мен ата-аналар ерекше балалармен бірге дұрыс іс-қимыл жасаудың тренингінен өткізіледі.

«Біздің міндетіміз – балаларымыз үшін максималды комфорт пен тең жағдай жасау. Сонымен қатар, бұл жобаны ерекше балаларды әлеуметтендіру баспалдағы ретінде көріп тұрмыз. Біз балаларды шабыттандыратын фильмдер көрсетеміз. Өйткені олар ерекше. Олардың арасында таланттар көп, біз балалардың қабілетін дамытып, бейімделіп, үлкен биіктерге жетуіне көмектесуіміз керек», — деді қоғамдық даму істері басқармасының басшысы Данияр Есин.

Еске сала кетейік, акция еліміздегі әлеумет саясатын іске асыру мақсатында меценаттық принципті қозғалту және халықтың азаматтық белсенділігін жоғарылату, «Рухани жаңғыру» мемлекеттік бағдарламасының негізгі бағыттары болып табылады және «Кедергісіз Қазақстан» акциясын іске асыру бойынша өткізіліп жатыр. «Q Group» тобының компаниясы әкімдіктің ұсынысына жауап қатып, аталмыш идеяны жалғастыратынын айта кетті.

«Осы тамыз айы бізге балаларға қанша фильм мен қандай мөлшерде фильм көрсету керектігін анықтауға мүмкіндік береді. Яғни бейімдеу көрсетілімдері көп мөлшерді қажет етсе, онда біз көкжиегімізді соған орай кеңейте түсетін шаралар қолданамыз», — деді «Q Group» компаниясы тобының өкілі Сәуле Жұмажанова.

«Kinopark Theatres» кинотеатр желісі мен «Q Group» компаниясы тобының басшылығы өздерінің азаматтық белсенділігін танытып, Астана қаласы әкімдігінің ұсынысына жауап қатты. Олар осылайша меценаттықтың дамуына үлкен үлес қосып, еліміздегі барлық кинотеатрларды «Кедергісіз Қазақстан» акциясын жылжытуға қатысуды және де еліміздің басқа қалалары мен астанадағы басқа кинотетар желілеріне балалардың ойын-сауық орны мен қайырымдылық көрсетілімін ұйымдастыруға шақырды.

Күз айында қатты отынды сатып алу кезінде халық арасында айқай-шуға жол бермеу үшін, Астана әкімі көмірдің бағасы өсіп кетпеуін тапсырды, сондай-ақ тұрғындарды жоспарланған көмірді жеткізуді IKomek (109) қызметі арқылы хабарлап отыруды тапсырды, деп хабарлайды елорда әкімдігінің ресми сайты.

Сонымен, Әсет Исекешевтің төрағалығымен өткен жиын барысында көмірді іске асыру мәселесі жөнінде әкімнің орынбасары Қосман Айтмұхаметов, басқарма басшылары, мемлекеттік кіріс департаментінің өкілдері, ҚР Ұлттық экономика министрлігі Табиғи монополияларды реттеу және бәсекелестікті қорғау комитеті, «ҚТЖ – Жүк тасымалы» АҚ, көмір өнімін іске асыратын 7 алдыңғы қатарлы компания және басқа да өкілетті органдардың өкілдері талқылады.

Нарықтағы көмір туралы ахуалмен Отын-энергетикалық кешені және коммуналдық шаруашылық басқармасының басшысы Ербол Төлеуов баяндады. Ол қазіргі таңда Астанада көмір өндіретін 7 іске асырушы барын айтты. Жалпы қорда 7 тамыздағы жағдай бойынша 9590 тонна көмір бар.

«Магнит 21 ғасыр» ЖШС-де Шұбаркөлдің 1700 тонна (14500 теңге) және Кузнецкінің (12000 теңге) көмірі бар. «Айткожынова» ЖК Майкөбенің 500 тонна (10 000 теңге) көмірі бар, «Умар KZ» ЖШС – 1000 тонна Қаражыраның (13500 теңге), «Северэнергоугольснаб» ЖШС – 4800 тонна Қаражыраның (13000 теңге) көмірі бар», — деді Е. Төлеуов.

Оның айтуынша көмір төңірегіндегі әлеуметтік тартыстың бір себебі, сату кезеңі шарықтаған кезде көмірдің жетпей қалуынан туындайды.

«Бұл қатты отын жағатын қала халқының күн суыта бастағаннан жаппай көмір сатып алуымен байланысты. Сатылым қызған кезде көмірдің бағасы да шарықтайды. Сондай-ақ көмір тасымалына тапсырыстың көп түскендігінен «Қазақстан темір жолы» ҰК» АҚ тарапынан да вагондардың жетіспеушілігі байқалады», — деді Е. Төлеуов.

Осыған байланысты әкім «ҚТЖ – Жүк тасымалы» АҚ астанаға көмір жеткізетін вагондармен қамтамасыз ету мәселесін ерекше бақылауға алуын тапсырды. Ал энергетика басқармасы көмірді іске асыру бойынша бақылауды күн сайын жүргізіп, ыстық желінің жұмысын жандандыруын міндеттеді.

Сонымен бірге «ҚТЖ – Жүк тасымалы» АҚ бас директоры Қайрат Саурбаев әлеуметтік тартыстың болмауы үшін көмірді айтарлықтай мөлшерде тасымалдаудың қарқынды жұмыстары жаз маусымында-ақ басталып кеткенін айтты.

«Астана үшін коммуналдық-тұрмыстық көмірді артуда теміржол транспорты арқылы 60,5 мың тонна яғни өткен жылмен салыстырғанда 17,8 тонна көп жеткізілді. Біз жүк артушылармен осы жаз кезеңінде көмірді максималды түрде артуын, күзде көмір тасымалдаудың арасы үзілмеуі туралы жиын өткіздік», — деді Қ. Саурбаев.

Қалалықтардың қатты отынға деген үлкен сұранысын назарға алған Әсет Исекешев кәсіпкерлерге көмір өнімін жеткізетін кестені ұсынуды тапсырды және күн сайын тұрақты түрде 109 ыстық желісі арқылы қалған көмір мен жеткізілуі тиіс жоспарланған көмір туралы нақты және расталған ақпаратты қамтамасыз етуді тапсырды. Бұдан басқа өкілетті органдарға Қосман Айтмұхаметтің төрағалығымен штаб құрып, көмір мен жанар-жағармайға қатысты барлық мәселені шешуді бақылауға алуды тапсырды.

Мемлекеттік кірістер департаменті мен Отын-энергетикалық кешені және коммуналдық шаруашылық басқармасына ҚР Ұлттық экономика министрлігі Табиғи монополияларды реттеу және бәсекелестікті қорғау комитетімен бірлесіп, көмірдің бағасының өспеуіне жол бермеудің алгоритмін қарастыруды тапсырды. Егер анықталған жағдайда заңда қарастырылған қажетті шаралар жүргізіледі.

Айта кетейік, ҚР Ұлттық экономика министрлігі Табиғи монополияларды реттеу және бәсекелестікті қорғау комитеті өткен жылы аталмыш нарықта осы жайтты анықтау үшін талдау жүргізген болатын. Осы жылы «Северэнергоугольснаб» ЖШС, «Медина Трэйд» ЖШС, Айткожынова ЖК және «Умар KZ» ЖШС және «Жигер Астана» ЖШС қатысты тексеруді аяқтады. Соттың шешіміне сәйкес аталған субъектілер жалпы көлемі 7 млн теңге құрайтын монополиялық 20 млн теңге табысымен тәркілейтін әкімшілік айыппұл салынды. Осы бағыттағы жұмыстар жалғасын табуда.

«Астана – Энергия» АҚ мәліметінше, 2017/18 жж. жылу маусымы кезеңінде көмірді тұтыну 2 млн 945 мың тоннаға жеткен. Оның ішінде энергия көздері – 2 млн 545 мың тонна, ал халық мұқтаждығы үшін – 400 мың тонна болған.

Астана әкімдігі елорда тұрғындарының барлығына көмірдің бағасы қымбаттамай тұрып және кезек көбейіп, әлеуметтік дау-дамай туындамай тұрғанда ертерек сатып алуға шақырады.

Қала әкімдігі ғимаратының алдындағы алаңда мамандандырылған мектеп формасы мен соған жататын бұйымдардың сатылымы өтеді.

Жәрмеңкеге отандық тауар өндірушілер мен кеңсе және мектеп керек-жарақтарын, мектеп формасы, шұлық-нәски бұйымдарын және басқа да көтерме сауданы жүзеге асырушылар қатысады, деп хабарлайды елорда әкімдігінің ресми сайты.

Олар жаңа оқу жылының қарсаңындағы «Мектепке жол» республикалық акциясының шеңберінде өткізіледі.
Өтетін орны: Астана әкімдігі ғимаратының алдындағы алаң.

Өтетін күндері: 11-12, 18-19 және 25-26 тамыз, 2018 жыл, сағат 10:00 ден 18:00 дейін.

Қосымша ақпаратты Бейбітшілік к-сі 11, мекен-жайындағы Астана қаласының Инвестициялар және кәсіпкерлікті дамыту басқармасынан 55-74-03 тел. арқылы алуға болады.

Әсет Исекешев бірнеше рет қаланы аралап шығып және апта сайын өтетін жиын өткізді, онда әкімнің орынбасарлары мен аудан әкімдерінің және басқарма басшыларының елорда тұрғындарын алаңдататын қаланың тыныс-тіршілігі мәселесі жөніндегі өзекті мәселелері жайындағы баяндамасын тыңдады.

Сонымен ерекше бақылауда тұрған бағыттың бірі, тұрғын үй сапасын қамтамасыз ету мен проблемалы объектілердің мәселесін шешу. Өткен аптада Ведомствоаралық комиссия 26 даулы үлестік құрылыстың объектісін қарады. Сондай-ақ, «Елорда курылыс компаниясы» өкілетті ұйымымен «Территория комфорта 1 — Астана» ТҚК «Территория комфорта 1» ТК құрылысын бірлесіп аяқтау жөніндегі келісімшартқа қол қойды әрі қаржылай және техникалық аудит, техникалық зерттеу мен жобалау-сметалық құжаттама жүргізуге конкурс жарияланды. Сондай-ақ «Гарант Успех» ТҚК бірлесіп, құрылысы бітпей қалған «Азбука жилья» — «Гарант» ТК құрылыс компаниясының объектілерінің құқығын орнатып, құқығы барын растайтын құжаттарды тапсырып, бірлесіп істеу туралы келісімнің жобасы әзірленді.

Сонымен бірге, «ASI» инвестициялық құрылыс компаниясы» ЖШС объектісінің ағымдағы ахуалы айтылды, оның ішінде «Жағалау 3» КТҮ, блок А-Ж, «Жағалау 4» ТК полигон 4, «Шығыс» ТК 3А және 3Б» тұрғын үй тобы объектісі бойынша «Елорда Құрылыс Компаниясы» ЖШС бірлесіп жұмыс істеу туралы келісімшартқа қол қойылды.

Сонымен бірге, Әсет Исекешев өкілетті органдарға 1500-ден астам үлескердің көп бөлігін қамтитын және жақын арада құрылысын бастау үшін «Шығыс» 1А, 1В, 2А, 2В, 4 тобы (1-3 кезек) және 5 топ (2, 3 кезек) объектісі бойынша 5 күн ішінде әріптестік туралы келісімшартқа қол қою керектігін тапсырды.

Күн тәртібінде «Астана – жайлы әрі өмір сүруге қауіпсіз қала» бағдарламасының шеңберінде жобаны іске асыру болды. Айта кетейік, әкімдіктің негізгі жұмыстарының артықшылығы аулаларды дамыту. Әкім бүгінде астанада 1400 аула аумағы барын еске салды, соңғы екі жылда 300-ден астам аула абаттандырылғанын еске сала кетті.

Осы жылы 300 аула абаттандырылады. Жоспарланғанның ішінде жыл басынан бері «Алматы» ауданында 105 аула салынды. Ал «Есіл» ауданының аумағында қала билігі жылдың аяғына дейін 10 ауланы салып бітірсе, «Сарыарқа» ауданында 100 аула жоспарланған. Оның 20-сы салынып бітті. «Байқоңыр» территориясында осы жылы 7 ауланың аумағын салу жоспарланды.

Айта кетейік, әкім 2019 жылға дейін барлық аула территорияларын абаттандыруды аяқтауды тапсырды. Исекешевтің айтуынша, аула территорияларын дамытудың қатарына бағдарламаны іске асыруда қоғамдық және креативтік кеңістіктерді дамыту да маңызды бағыттардың бірі: ол саябақтар, скверлер, жаяу жүргіншілер жолы мен бульварлар, халықтың барлық санаты үшін, оның ішінде балалар, зейнеткерлер мен мүмкіндігі шектеулі жандар.

Демек, бүгінге дейін «Абу-Даби Плаза» мен Ботаникалық саябақ кешендерінің арасында орналасқан Ақмешіт пен Түркістан көшелері шекарасындағы Линейный саябағының бірінші кезекте құрылысы аяқталды. Әкім осы саладағы жұмыстарды жалғастырып, бос уақытты өткізетін қоғамдық жаңа аумақтардың құрылысын ерекше бақылауға алуды тапсырды.

Сонымен қатар, Әсет Исекешев тұрғын үйлерге қызмет көрсету сапасын әкімдіктің басымдық беретін жұмыстарының бірі екенін айтып өтті. Осы бағыт бойынша тапсырмалардың орындалу барысы туралы әкімнің бірінші орынбасары Сергей Хорошунның баяндамасы тыңдалды. Ол қызмет көрсетуші компаниялардың жұмысына көңілі толмаушылықтың тағы бір себебі, тұрғындардың туындаған мәселеге салғырттығы мен өз араларында тұрғын үйдегі жалпы мүлікті ұстап тұратын пайдалану шығынын өзара бөліскісі келмейтіндігін айтты. Оның айтуынша, астанада жалға берілетін пәтерлер өте көп, соның салдарынан жалға берушілер ПИК жиналыстарына қатыспайды. Ал тұрғындардың көбісі пәтер иелерімен қоса үйге және айналасындағы территорияны күтім жасау үшін төлем жасамайды.

Бүгінде астана аумағында кондоминиум объектілеріне қызмет көрсететін 486 ұйым бар. Оның ішінде қызмет көрсетуші компаниялардың 50% жақсы жұмыс істеп жатыр, 30% — қанағаттанарлық және қалған 20% ПИК-терге көпқабатты үйлердің тұрғындарының көңілінен шықпайтынын айтты.

Осыған байланысты соңғы екі айда барлық қызмет көрсететін компанияға қатысты 107 ПИК-ке тексеру жүргізіліп, нәтижесінде айтылған ескертулерді жоюға ұйғарым берілді. Оның ішінде 8 ПИК-ке қатысты сот органдарына іс жолданып, әкімшілік айыппұл салынды.

Жоғарыда айтылғандарды ықылас қойып тыңдаған әкім өз жұмысын жауапсыз атқарған ПИК-терге қатысты шағым-арызды жалғастыруды тапсырды. Өз міндетін қасақана орындаудан жалтарған ПИК пен өз уақытында төлемеген тұрғындарға сеніп тапсырылған мүлікті қандай шығынға батырғанын анықтау үшін құқық қорғау органдары тексеру жүргізеді. Сондай-ақ лифт шаруашылығы саласында да дәл осындай тексеру жүргізу керектігі тапсырылды: лифтілердің техникалық жағдайын тексеру, қызмет көрсету сапасын, персоналды аттестациялық жұмыстан өткізу.

Бұдан бөлек, қаланы аралау жиыны барысында әкім қала тұрғындарына қауіп төндіретін тұрғын үйлердің қасбетін де қарап шықты. Сергей Хорошун техникалық жағдай бойынша ревизия нәтижесінде 107 үйдің қасбетінде осындай проблема бары анықталғанын мәлімдеді. Оның ішінде 85 үйдегі ескертулер алынып тасталды.

Қазіргі таңда 12 үйде осындай ақаулар анықталып, жою жөнінде жұмыстар жүргізіліп жатыр. Қалған 9 үйдегі мәселе шешілмеген күйінде қалып отыр, өйткені оның көбісі даулы үлестік құрылыс объектілерінде орналасқан әрі ауа райының қолайсыздығынан зақым келген. Осыған байланысты әкім жергілікті бюджеттен қаржыландырып ТЖ шеңберінде аталмыш объектілердің қасбетін қайта жөндеуді қамтамасыз етуді тапсырды.

Сондай-ақ қалалық сәулет, қала салу және жер қатынастары басқармасы басшысы Бахтыбай Тайталиевтің мәліметінше қазіргі таңда 200-ден астам объект өздігінен салынған әрі адамдардың өмірі мен қауіпсіздігіне айтарлықтай қатер төндіреді деп танылды. Оның арасында жеке тұрғын үй құрылысы, барак типтес баспаналар, хостел, басқа да коммерциялық бағыттағы ғимараттар. Сонымен, соттың шешімімен 22 құрылыс сүрілуге кетеді деп жоспарлануда. Осыған байланысты, өкілетті органдарға адамдардың өміріне қауіп төндіретін өздігінен салынған объектілерді сүруде принципшіл болуды тапсырды.

Әкім нөсер канализациясы жұмысының сапасына да ерекше көңіл бөлді. Сондай-ақ, бірқатар көшенің жүргін жолдарының су астында қалуына себеп болған нөсер жаңбырға қатысты жағдай да бар.

Қосман Аймұхаметовтың айтуына қарағанда, 4 тамызда жауын-шашынның орташа айлық нормасының (29 мм) жартысы, яғни 14 мм түскен. Осылайша, ҚР құрылыс нормаларына сәйкес, қаладағы нөсер канализациясының барлық желілері ұзақтығы 20 минуттан аспайтын жоғары интенсивті жаңбырға есептелген. Осы ретте нормадан жоғары мөлшерде жауын-шашын түскен кезде оның салдарын жою мен нөсер канализациясы коллекторларын құрғату жұмыстарына 2-4 сағат уақыт қажет.

Жауын ұзақтығы 2 сағатқа созылуы, күшті жауынның 30 минут бойы жауып тұруынан кейбір көшелердің жүргін жолдары су астында қалып қойды. Астана қаласы отын-энергетикалық кешені және коммуналдық шаруашылық басқармасының мәліметі бойынша канализация коллекторларының басым бөлігі 40 минуттың ішінде тазартылған болатын. Алайда, нөсер канализациясының жөндеу жұмыстары аяқталмаған бірқатар жолдарды судан арылту жұмыстарына қосымша мамандандырылған техника тартылды. Осылайша, қаланың проблемалық учаскелерінде жауын-шашынның салдары 3 сағаттың ішінде жойылды.

Жалпы алғанда техниканың 127 бірлігі жұмылдырылды. Әкім Мемлекет басшысының нөсер канализациясы жүйесіне қатысты мәселенің толықтай шешілуі жөніндегі тапсырмасын орындап жатқанын атап өтті. Осы жылы Астанада нөсер канализациясының 11 нысанына қатысты жұмыстар аяқталмақ. Дәлірек айтқанда, қазіргі таңда 2 магистральді коллектор мен 7 сорғы станциясының жөндеу жұмыстары, 2 тазартқыш ғимараттың құрылыс жұмыстары жүріп жатыр.

Сонымен қатар, проблемалы учаскелерді анықтауға қатысты өткізілген сараптамаға сәйкес, Әсет Исекешев қаланың ең осал үш бөлігіне қатысты жобаны іске асыруға кірісуді тапсырды: ол Иманов пен Ғабдуллин, Момышұлы мен Тоқпанов көшелерінің қиылысы, сондай-ақ, «ҚТЖ» ҰК» АҚ-на тиесілі теміржол вокзалы алаңы.

Болған жағдайды ескере отырып, Әсет Исекешев мобильді топтардың нөсер канализациясының барлық желілерін, соның ішінде, құдықтар мен арналарды тазарту жұмыстарын тексеруге қатысты мәселені тұрақты түрде бақылауында ұстау қажеттігін айтты.

Бұдан басқа, бұрын әкім жүктеген тапсырмаға сәйкес, ТЖД басшысы Барат Дұзақбаевтың ТЖД-нің өртке қарсы қызметін мамандандырылған техникамен қамтамасыз ету жөніндегі есебі тыңдалды. Есепті тыңдаған Әсет Исекешев 3 жылға арналған бағдарламалық қаржыландыру, соның ішінде мамандандырылған техникамен қамтамасыз ету, өрт сөндіру деполарының құрылысы, МЖӘ жобаларын қаржыландыру және ТЖД-нің қызметін жүзеге асыруына арналған ғимараттарды бөлу мәселелерін қарауды тапсырды.

Сондай-ақ, кеңес барысында елорда әкімі Ikomek жүйесі мен әлеуметтік желілер қала тұрғындарының мәселелерін шешуге жете қарауға мүмкіндік беретінін баса айтты. Сондай-ақ транспорт саласында туындаған проблемалар. Әкім «Астана ЛРТ» ЖШС басқарма төрағасы Бекмырза Игенбердиновтің қоғамдық көліктің жұмысы жөнінде, төлем жүйесінің ашықтығын көтеруге әсер еткендігі туралы есебін тыңдады.

Оның сөзінше алғашқы 10 күнде қоғамдық көліктегі дифференциалды тарифтің қозғалысы көлеңкелі айналымнан 15% ақшалай қаржыны алып шыққан. Орта есеппен валидацияда 42,3 млн теңге өндірілген. Жыл соңына дейін тасымалдаушылардың көлеңкелі айналымда қанша қаржыны жоққа шығарғанын көруге болады. Игенбердиновтің айтуынша бүгінде жолаушылар ағыны күніне 500 мың сапарды құрайды. Осыған қарамастан тұрғындардан жүргізушілердің біліктілігіне валидаторлардың жүйелі түрде үзіліп кететінін, GPS-трекинг пен автобус арасындағы интервалдарға деген шағымы азаймай тұр.

Осыған байланысты, «Астана ЛРТ» ЖШС жетекшісіне жүргізушілердің жұмысы мен автобустардың жай-күйіне қатысты жолаушылар түсіретін шағымдарға ерекше көңіл бөліп, оларды жедел түрде шешу тапсырылды. Сондай-ақ әкім мобильді топқа жолаушыларды тасымалдау талаптарына сәйкес емес автопарктерге қатысты транспорт саласында жүйелі бақылау жүргізуді тапсырды.

Мұнымен қоса, жолаушыларға қызмет көрсетуді реттеу мен жолаушылар тасымалы сапасын жоғарылату мақсатында автобус паркінің проблемалы № 2 және № 60 бағдарлары № 1 автопарктің меншігіне берілгені айтылды.