Демалыс пен серуенді сүйетін жандарға, Астанамыздың осы жерлерін жақсырақ танып алу керек!)
Қалалық арбат, жағалау мен орталық саябақ, осының барлығын «Астананы ЖағаLike» жобасының осы бөлімінен тамашалаңыздар

Астанада дзюдодан Қазақстан чемпионаты басталды. Қарашаның 13 мен 16 аралағанда өтіп жатқан жарыста 14 облыс пен үш мегаполистің спортшылары бақ сынауда. Олардың сапында халықаралық аренада ел абыройын асқақтатып жүрген дзюдошылар да бар. Әр бірі жеңіске жетуге ынтығып, үздік нәтиже көрсетуде.

Ел біріншілігіне 500-ге тарта спортшы қатысуда. Олар 14 салмақ дәрежесі бойынша кіл мықтының ішінен ең үздігін анықтайды. Әр облыстың баптаған тұлпарлары дара танылып, татамиде мүмкіндігін байқауда. 3 күндік қорытынды бойынша медальдар санымен Маңғыстау облысы көш басында. Қоржында 3 алтын 2 күміс 1 қола

Ел біріншілігінде жеңіске жеткендер ұлттық құраманың сапына еніп, халықаралық жарыстарға жолдама алады.

Айта кетейік, қазіргі таңда Астанада 100-ден астам дзюдо секциясы жұмыс істейді. Қатары 2019 жылы 85 секциямен толығады

Әсима Темкеқызы Бимендина -«Кәсіпқор» Холдингі басқарма төрағасының орынбасары. Астанадағы Білім басқармасын басқарудағы жұмысы, ҚР Парламенті Мәжіліс депутаты ретінде білім саласына қосқан үлесі, және техникалық мамандықтарды оқыту мен мамандардың кәсіби мәртебесін арттыру жұмыстары туралы.

«Жаңа дәуір — жарқын болашақ» атты концерт өтеді. Ал, елорданы ауыстыру құрметіне орай, «Астана арманы» концерті халыққа көтеріңкі көңіл күй сыйламақ.

Астанада биіктігі 16 метрді құрайтын сырғанақ ашылады. Тәуелсіздік күніне орай ел игілігіне берілетін аумақ, президент саябағында орналасады. Мұнан өзге коньки мен шана тебуді ұнататындар үшін тағы 11 сырғанақ жасалады. Биыл, мұз қалашықтар Хан шатыр, қалалық алаң, Ботаникалық бақта орналасады.

Аудандар мереке аясында білім ордаларында хоккей кордтарын ашып, қысқы спорт түрлерінен жарыстар өткізеді. Алтын, күміс алқа иелерін марапаттап, қайырымдылық шараларын ұйымдастырмақ.

2019 — Жастар жылы деп белгіленуіне орай, Астанада дарын мемлекеттік жастар сыйлығының иегері Серік Ибрагимовтың ән кеші 25-ші қараша күні өтеді.

Тұңғыш президент күні қандай іс-шаралар болады?

Елордамызға келетін қонақтардың ең бірінші асығатын орны «Бәйтерек» ғимаратына бірге Шыңғыспен бірге саяхаттап қайтайық.

"Ұлы даланың 7 қыры" идеясы еліміздің әр өңірінде кеңінен насихатталып,
атқарылар жұмыс та айқындалды. Бас қала әкімі, Астана жас болса да,
Ұлы Жібек жолының жарқын жалғасы екенін айтты. Өйткені, шаhарда «бұрынғы, қазіргі және болашақты байланыстырып тұрған тарихи территорияның» негізі қаланғанын, осы жерде орта ғасырда Бозоқтың орналасқан.
Жиында Бозоқ археологиялық қазбалар сериясынан 3D-үлгісін жасау бойынша жоба іске асырылатыны айтылды. Осы арқылы орта ғасырдағы орталық Қазақстан халқының мәдениеті ұсынылады. Осылайша, орта ғасыр кезеңіндегі тарихи жәдігерлермен жақын танысқысы келетіндерге зор мүмкіндік беріледі.
Қаперге салайын, қала әкімдігі мен Мәдениет және спорт министрлігі бірлескен тарихи-мәдени кешен құру бойынша жұмыстары 2020 жылға дейін аяқталу жоспарланды.

Талғаммен таңдалған киім – адамның сымбатын арттырары хақ. Әсіресе, маусым сайын құбылатын сән индустриясымен үйлессе. Бүгін, бас қаланың көріктілері мен бөріктілері 2019 жылы трендте болатын киім үлгілері, түстермен таныс болады. Яғни, назарға ұсынылар 14 дизайнердің топтамалары арқылы. Бізде қалыс қалмайық.
Сәнге үйір жандар, жарық, подиум. Көптен күткен Қазақстан фэшн уик Астана сән апталығы басталды. Шымылдығын Динара Сәтжанның топтамасы ашты. Дизайнер сән сүйер қауымға 3 түрлі стильдегі образды ұсынды. Ұлттық нақыштағы, спорттық, торлы көз киімдер сән сүйер қауымның көңілінен шықты. Үлгілер көктем-жаз мезгілдерінде сәнде болады.
Сән мерекесін, Құрақ көрпе брэнді жалғады. Дизайнер, «дала рухы» топтамасын ұлттық үлгідегі туындылармен толықтырды. Ерлерге арналған шапан, оюлы дорба өткенге шегіндіргендей болды. Қыздарға шақталған оюлы үлгі нәзіктікті арттыра түседі.
Сән апталығы Қазақстанда 25 ші рет ұйымдастырылды. Елордада 8-ші рет сәнгерлердің басы қосылды. Сән сүйер қауым, жыл сайын елдегі дизайнрлердің саны артып, туындыларының үлгісі, сапасы жақсарғанын айтады. Мәселен, Казақстан фэшн уик Астана сән апталығының брэнд-амбассадоры, тележүргізуші Арай Әлімхан сәнгерлерге қолдау көрсетіп, отандық киімдерді киеді.
Апталықтың 2-ші күнінде 6 отандық, 3 шетелдік кутьюренің туындылары паш етілді. Қазақстан фэшн уик Астананы 7 дизайнер түйіндейді.

Израильдің танымал неонатологы Мики Осовский Астанада шеберлік сабағын өткізді. Ол перинатарлық орталық базасында 4 күн бойы елордалық 30 неонатологты оқытты. Тақырып- өте аз салмақта туылған нәрестелерге күтім жасаудың тиімді технологиясы. Шеберлік сабағы жетекші израильдік клиникалармен орнатылған стратегиялық ынтымақтастық негізінде өткізілді.
Михаэль Осовский Израильден бөлек Таяу Шығыстағы ең ауыр және аз салмақты сәбилердің жағдайын тұрақтандырумен айналысады. Ол қызмет ететін «Шнайдер» клиникасы шет елдерге 4-ші деңгейдегі көмек көрсететін жалғыз балалар орталығы ретінде тәжірибесі мол. Бұл білім қорымен бөлісуге асық ақ халаттының Қазақстанда өткізген 2-ші шеберлік сабағы.
Михаэль Осовский – «Шнайдер» медициналық орталығының бөлім меңгерушісі / Израиль
Мен 6 жыл бұрын Өскеменде шеберлік сабағын өткіздім. Нәтиже көңіл қуантты. Израильге де қазақстандық көптеген неонатологтар келіп, білімін шыңдап, тәжірибесін арттырады. Менің мақсатым, дүниеге келген әр нәрестенің дұрыс қалыптасуына көмектесу.
«Шнайдер» клиникасында 24/365 тәртібінде шала туылған нәрестелерге кардиохириургиялық, нейрохирургиялық, онкологиялқ ота жасалады. Нәтижесінде, сәбилердің ретинопатия, ауыр инфекция, патологиялық аурулардан толық емдейді.
Наталья Мелех – «MVI» медициналық орталығының бас директоры / Израиль Біз үшін баланың туылуы ғана емес, өмірге дені сау болып келуі маңызды. 23 аптаға таяған нәрестенің 99 пайызын аман сақтап қаламыз. Тәжірибемізде, дене салмағы 425 грамды құрайтын сәбидің туылуы кездесті. Бәрі сәтті өтті. Ал, 700-800 грам балаларға кадиохирургиялық отаны ойланбастан жасаймыз. Үйренгілеріңіз келсе, Израильге келіңіздер.

Астанада соңғы 9 ай ішінде ай күніне жетпей 259 босану саны тіркелген. Ақ халаттылар әр нәрестенің өмірін сақтап, қалыптасуы үшін бар жігерін жұмсайды. Мәселен, 500 грамм дене салмағымен туылған, ас қорыту ағзасы жетілмеген сәбилерге керекті қоректі тамыр арқылы береді. Нәрестелердің толыққанды тыныс алуы үшін, дәрігерлер Израильдік әріптестерінің тәжірибесіне сүйене отырып, құрылғыларға тапсырыс берді.

Сән апталықтың 3-ші күні. Подиумда Латвиялық baronessa demi couture брендінің топтамасы.
Шабытына шектеу қоймаған дизайнер Марта Берз топтамасын «инелік» деп атады. Яғни, киімдер сұңғақ бойлы, сымбаты келіскен қыздарға арналған. Үйлесіммен таңдалған жейде мен шалбар, белі тал шыбықтай иілген арулардың ажарын ашып, нәзіктігін еселейді. Құнды тастармен әрленген кешкі көйлектер көрермендерді бейжай қалдырмады. Етегі ұзыны, қысқасы да көрген жанның көңілін баурайды. Сәнгер, образдарды 6 ай ішінде дайындаған. Марта Берз, 1,5 жыл ішінде Дубай, Париж, Миланда өткен сән апталықтарында өнерін паш еткен. Қазақстанға алғаш рет келіп тұр.
Марта Берз – дизайнер / Латвия
Маған Астана ұнады. Әдемі шаhар. Қазақстан фэшн уикты жоғары деңгейде өткізді. Топтамамды «инелік» деп атауымның себебі, ол тартымды, әдемі. Пайдаланған әр матаның сапасы жоғары. Яғни, табиғи жібек, мақпал, франциялық шілтеріні қолдандым. Циркон тасы, кристалды қостым. Бұл кез келген қызды жарқыратады.

Отандық дизайнер Гүлнара Қасым, бала күнгі арманын жүзеге асырды. Ол топтамасына «аққу көлі» атауын беріп, балет биімен ерекшелендірді.
Дизайнер әр туындысына гүлді принт қосып, көктемде сәнге айналар туындылардың сапын толықтырды.Сән әлеміне 4 жыл бұрын қадам басқан дизайнердің Қазақстан фэшн уикке 2-ші рет қатысуы. Айтуынша, келер жылы нәзік түстер сәнге айналады.
Сән апталығының соңғы күніне 7 дизайнер қатысты. Олардың сапында отандық дизайнерлермен қатар, Латвия, Грузия, Ресей, бельгиялық бар. Әр бірі өз елінің болмысын киім арқылы танытқысы келді. Елімізде 25-ші рет өткізілген сән апталығына 16 дизайнер қатысып, мыңнан астам көрермен тамашалады.

Республикалық «Жас ақын» байқауының жеңімпазы анықталды. Үздік танылу үшін еліміздің әр облысынан 18 бен 29 жас аралығындағы 400- ге жуық ақын ынтықты. Ақтық сынға оның 10- ы жолдама алды. Үміткерлер 3 кезеңнен сүрінбей өтті. Яғни, олар «Астана жастар жүрегінде», «Астана- жиырмадағы жас қала», «Еркін тақырыпта» қалам тербеп, жыр шумақтарын арнады.

Жеңіске баршасының бар таласы. Әр бірі елордаға арнаған өлеңін иірімді ұйқаспен әрлеп, мазмұнды сөзбен көркемдеді. Абайдың ізін жалғағандар, «ат тұяғын тай басарын» жадында сақтады. Оларға шабыт сыйлауға зиялы қауым өкілдері келіп еңселерін тіктей түсті.

Байқау нәтижесі бойынша 1-ші орын Дания Сәтбекқызына бұйырды. Шығыс Қазақстан облысынан келген ақын шабыт атты тұлпарын тақымдап, сүбелі сөз, отты өлеңімен тәнті етті.

Үздіктер сапына енгендерге қаржылай сыйлық табысталды. Ақындар мүшәйрасы концеттік бағдарламамен жалғасты.