Елордада VIP қазақстандықтарға арналған шарж ашылғанын бүкіл БАҚтар жарыса жазып болды. Соңғы нүтесін мен қояйын. Сонымен ойды салған Ғалым Байтук, суретті салған Валерий Крестников екен. Суреттердің ішінде Мұрат Әбеновтің суреті қымбатқа сатылды))) Суреттерді мына жерден қарап алуға болады.

Арай тобы

Испаниямен 6 сағат айырмашылық. Әлі үйренісе алмай, барлығы ұйықтап қалғанда, түнгі үкілер сияқты жалғыз өзім тықырлап шай ішемін, киімдер реттеп, үй жинаймын. Әрине интернетте отырамын. Алайда түнгі 3.47-де достарымның көбісі тәтті ұйқыда, твиттердегі лентадан «Главное не бояться» фильміне берілген жақсы пікірден соң көрейін деп жүктеп қойдым. 2011 жылы түсірілген, басты рольде өзім жаман емес деп білетін Кейт Хадсон. Кино алдында аузымды жыбырлатып бір нәрсе жеп үйренген әдетім бойынша алдыма туған күнімнен қалған тәтті емес торт пен шай әкеліп алып көруге ыңғайландым…

Жалпы фильм рак ауруына шалдыққан қыз бен оның сол оқиғадан алған сабақтары жайлы. Бірден айта салайын, қыз соңында қайтыс болады. Бірақ ол оған дейін шын ғашық болып, әкесін кешіріп, өмірдегі қорқынышынан арылып үлгіреді. Бір қарағанда, қарапайым сюжет, қарапайым американдық драма. Алайда адамның эмоциясын біраз қинайды екен. Ақыры желінбеген торт пен шайды апарып, жаттым.

Қаншама адамдар өмірлерінде бір қорқыныштың кесірінен бақытына жете алмай жатады? Бірі "ұнамай қалсам ше" деп жүрегін ашуға қорқады, бірі «ал егер қолымнан келмей қалса ше?» деп армандаған кәсібіне бармайды, бірі «ол мені тастап кетсе ше» деп күмәндана бастайды, т.с.с сансыз қорқыныштар. Ал ол қорқыныштардың себебі неде? Менің ойымша, біздің заманда «бақытты болу керек», "өз жартыңды табу керек" деген мақсаттар тым жарнамаланып кеткен. Әр адамның арманы бақытты болу, өз жартымды табу дейді. Тіпті қуаныш, тойларда айтылатын тосттардың барлығы соны саған міндеттейді. Егер сен бақытты болмасаң, не сүйгеніңе қосылмасаң өмір аяқталып қалмайды ғой.

Бейне бр бақыт деген белгілі нәрселерге қол жеткізгеннен кейін ғана келетін сияқты. Менің ойымша, ең басты адасу осында. Әрине ондай жетістіктер аз уақытқа шабыт беруі мүмкін, алайда бақытты болып ҮЙРЕНБЕГЕН адам, ол сезімді де тез арада ұмытып кетуі мүмкін. Бақытты болу әр адамның таңдауы ғана.

Ал екінші жартыға келетін болсақ, «екінші жарты» деген ұғымның өзі адамды адастыратын сияқты. Ол сені өмірде жоқ «идеалды» адамды армандап өтумен немесе қасыңдағы сені сүйетін адамды бағаламауға соқтыруы мүмкін. Егерде маған осыдан екі жыл бұрын осындай сөздер жазасың десе, сенбеуші едім. Өйткені мен мәңгілік махаббатқа сенетінмін. Ал қазір менің ойым басқа… «Махаббат жайлы ойлар» атты эллегиямды келесіге қалдырып осы жерден тоқтайын.

Бұл жазбам өзгеден гөрі, өзіме арналған сияқты. Иә, түнгі ойлардың пайдасы да бар екен.

Кестеде көрсетілгендей, 2012 жылға деп берілген шкала бойынша, желілік қауіп 4-ші орында тұр:
1) кіріс мөлшерінің тұрақсыздығы 2) бюджеттердің дефициті 3) көмірқышқыл газының бөлінуі 4) кибер шабуылдар 5) ауыз су тапшылығы

Дереккөз: осында

Қазақстандық биатлоншы Галина Вишневская Инсбрукте өтіп жатқан жасөспірімдер арасындағы қысқы Олимпиядалық ойындарда күміс медаль алыпты.

Алматыда өткен дзю-додан халықаралық турнирде Максим Раков алтын медаль, Гүлжан Иссанова қола жүлде алыпты.

Астаналық Арландарымыз Лос-Анджелестен келген матадорларды 4-те бір есебімен «сындырып» кезекті жеңістеріне жетіпті

Мектепте небір ойын түрлерін ойнаушы едік. трубка ручкалар шығып еді ғой.Екі басы да ағытылатын. соған қағазды шайнап-шайнап «трубка атыс» жасайтынбыз. Сызғыштың басына шайналған қағаз қойып «Былш» еткізу де боп тұратын.
Жетінші сыныптарда қыздардың жауырын ортасынан резинка іздеп, тауып алсақ тартып қалып «шарт» еткізтуші едік.
Туфлиіңе (аяқтың басына) айнаның сынығын қойып алып, қыздың екі аяғының ортасын қарау дегендей…
Ал, жігіттер сендер бұлардың қайсын істеп көрдіңдер?
Қыздар сендерге балалар істеп көрді ме осы мини бұзақылықтарды? Бөлісе отырыңдар, бала кезді еске алудың өзі керемет қой.

Жастық шағымыздың бір естелігі болып қалды осы топтың әндері. 1999 жылы шықты да кейін көп ұзамай жоғалып кетті. Ал әндері қалды. Студенттік кездерім, SONY плеерім, жалдаған пәтеріміздің көк түтін кухнясы, сыраға мас достарым, сәтсіз махаббат оқиғалары… барлығы осы әндермен қайтадан көз алдымда.

Рамазан атты інім бар. Өзі сүп-сүйкімді. Жақында керек музыкасын қойып өзі тыңдааап отыр. Қалғаны мына видеода

Бүгін мына сайтты көрсетті бір жігіт:

www.kazakhsoft.com/Convert/Default.aspx?ln=kz



Кириллдегі мәтінді төте жазуға конверт жасайды екен. Және керісінше төтеден кириллге. Бұрынғы транслиттерге қарағанда бұл сапалы жасалған, әріп қатесі минимум.

Жаңа өзім қытайлық қазақтардың бір сайтындағы мақалаларды оқып көрдім. Түсінікті

Ауылға келгенде ағайын-туысты аралап шығатын әдетім бар. Бүгін де вокзал жақтағы апамның үйіне барып қайттым. Ас дайын болғанша ананы-мынаны шұқып, газет журналды ақтарып отырғанмын. Қаптаған «Жұлдыздар отбасының» арасынан "Қыз құпиясы" деген журналды көріп қалдым. Бұрын мектепте оқып жүргенде осы газетті қыздар "қырылып" оқитын. Ішінен тұзы татитын түк таппай отқанымда бір мақаланың тақырыбы қызықтырды. «Таратып жібергені рас па?!» Тақырыбы дәл осылай. Нені қалай таратты екен деп оқып шықтым. Жалпы мазмұны былай. Семейдің Үржар ауданында тұратын бір қыз өзінің әдемі, қасы көзі қиылған, фигурасы жынды құрбысының оқу бітіріп келсе де, ауылда жұмыссыз жүргеніне алаңдайды. Сөйтіп, оған Алматыға барып, Саин көшесіндегі қыздардың қатарына қосылуға кеңес береді. Алғашында бұл пікіріне құрбысы қарсы болады, бірақ кейін ол да осы жұмысты өзіне ыңғайлы санайды. Өйткені, онда «товарный вид» мықты екен. Мақаласымақта осылай жазылған. Сөйтіп, Алматыға кетейін десе, алып шаһардағы атышулы көшелер жабылып қалыпты деген «суыт» хабарды естиді қыздар. Әдемі құрбысына жұмыс іздеп отырған әлгі "қысық көз, пұшық мұрын қыз" (мақалада өзін осылай сипаттаған)қайтерін білмей, "Қыз құпиясына" хат жазыпты. «Саин көшесінің жабылып қалғаны рас па, ондағы қыздар енді нанын қайдан табады» деген жолдарға жыным қайнады. Жалпы, бұл журналдың анау айтарлықтай абыройы жоқ. Бірақ, мектеп оқушыларының арасында беделі жоғары екен. Оған сіңлім жинап қойған журналдың ондаған данасы көрген соң, көзім жетті. оның үстіне 7-8 кластағы құрбы қыздары бұл журналды қолдан қолға түсірмей оқиды. Ал, "Қыз құпиясы" болса Саин мен Сейфуллинге "қызметкерлер" іздеп жатыр…