Бір шал байқамай моншада әйелдер жағына кіріп кетіпті. Қыз-келіншектер шыңғырып қолдарындағы тазикпен бұттарын жауып жатса, бір кемпір ғана бетін жауып алыпты дейді. Сонда шал — «уот.., мына кемпірдікі дұрыс! Шырақтарымау, мен сендерді көттеріңнен емес, беттеріңнен танимын ғой» деген екен.

Қолтығына жүн шықпаған кезде қалмақтарды таң қалдырып қайтқан Қазыбек биді бәріміз білетін болармыз. Таңдайы тақылдап қалған бала болған ғой(Ютубтан іздеп видеоларын таппай қойдым, ешкім түсірмеген -ау деймін).Сол Қазыбек би болып-толған шағында (сірә,өткенін ұмытса керек Аязбиіңдісс...)бір жиында өзінен бата алуға кеп отырған 13-14 жасар Байдалыны («Сегіз биім, сегіз бидің ішіндегі семіз биім» деп Абылайдың өзі айтқан деседі Байдалы би жайлы.Семіз сөйлеген шығар фаст-фудыңдысс...) менсініңкіремепті.«Мынау қап-қара болған кім өзі?» дегенге ұқсайды. Сонда Байдалы:
Қара деме көмірді
Балқытады темірді
Тексізге келіп сөз айтсаң
Кемсітеді өзіңді -деп, Қазыбектің арғы аталары тексіздеу бір тоқалдан туғандығын меңзеп ұялтып тастапты.

«Адамның басы — Алланың добы» десек, дүниеде ең ерекше жаратылған доп — осы болса керек-ті. Білгенге Алла бар сезім мүшелерін, адам денесін басқару «пультін», ағзаға қажетті «жанар-жағармайды» қабылдайтын қақпаны да осы бастың үлесіне беріп қойған. Бірі кемістік етсе, бүкіл дене ақсайды. Десе де, бастың қадіріне барып жүрміз бе? Көз, құлақ, мұрын, тіл, тіс — қай-қайсысының да қызметін молынан пайдаланғанымызбен, күтіміне келгенде, кержалқаулаумыз. Қадірін қойып, оның құпияларын да біле бермейміз-ау осы. Ендеше, бүгінгі әңгімені өзіміз өмір бойы өңгеріп жүретін басымыздың біз біле бермейтін қырлары жайында жалғайық...

Мына киноны кеше көрдім. Колпачино деген түрікше кино. Сол кинодан бір фрагмент. Орманда 2 өлікті лақтырып тастауға бара жатқан адамдардың темекілері бітіп қалады. Машинада үстіндегі одеколонға темекі түсіп, киімі өртеніп, өрт сөндіргіш көбікпен үсті сөндірілген жігіт бір үйге темекі сұрауға барады. Барса біреулер үйде рух шақырып, «гадать» етейін деп жатады.

Руслан Тоқболат деген бір жігіт ресейлік translit.ru сайтына қазақ тілін енгізіпті. Пернетақсасында қазақша әріптері жоқ адамдар үшін тиімді екен.

Суретке нұсқа Жеңнің ұшымен жалғасушылардың құйт(ы)ұрқы қылықтары шаршатты...(бұл көп нүктеде көп нәрсе тығылып жатыр)
Күндегі күйкің тірлікпен қазандықты шұқылап жүрген кезімде — немерем қалалық телефонға сені апам шақырып жатыр деген соң, дәлізге кірдім.Радиотелефонды немерем көп зерттейтіндіктен, біраз демалыста еді… Дәліздегісі СССРден қалған дисковвый.
Кемпірімнің ұзақ ах-үх деп жатып түсіндірген көп сөзінен түсінгенім — халықаралық орталықтағы мамандардың айтуынша лицейдегі баламның жанары солып бара жатса керек
… Әрі қарай жылап сықтау, сосын олардың телефоны... 
Ата-ана үшін — бала бар үміті
Әлгі кемпірім берген нөмерге телефон шалдым: Халықаралық бла-бла-бла-бал деген хатышмен амандасып болған соң мән жайды білмек болдым…
… Да-бы-Да-бы-Бы-да-Да-ххххххх — кенеттен қазақшаға ауысып:
— Қызым бастығыңды шақыршыны айтуға тура келді.
— Ол болса ЖОҚты айтты…
— Қарағым, баламды алдын ала тексеріссіз сіздердің мұндай ізгі қадам жасауларыңыздың себебін түсінбедім.
— Здоровье детей прежде всего
… дан басталатын Қрыптағы ХИП-ХОПТЫ бастады.
— Әй күнім, бақылдамай байыптап түсіндірші…
— Халықаралық… блы-блы-бля-бладан тұратын шикі сарынды естідімде дым түсінбегендіктен трубканы қойуға мәжбүр болдым…
… Әрине трубканы қойғаныма себеп болған — өзін аса білімді санайтын топас хатшы еді…
Май шамды жағып жіберіп мәселені түртпектедім. Біраз нәрсені біреулерге түсіндіріп — пысқайларға көп нәрсені түсіндіріп тұру керек екенін өзімде түсініп, кездесетін нүктеге келгенд үхххх дедім.
Есіме қазандығым (ғашығым) түсіп солай қарай аяңдадым. Бір сағатқа жетпес уақытта кемпірім қалта телефонымды безілдетіп — шалым оу, аналарға не айтқансың?! Кешірім сұрап жатыр дегенді айтты. Ал мен кешірген жоқпын. Себеп — ҚАЗАҚ мазақ болуын қоюы керек қай қайдан келген ҚҰЙТҰРларға. Нуктеге барам!

ПыСы: Менің қазандығымда әзірше ыс көп — үтір нүктелерін ажыратып алыңдаршы

Қойшы қарт қойларын өрістетіп, жайылымға жайған сайын дөңге жақын өскен бір алма ағашының түбіне барып дем алатын, егер жеміс піскен мезгіл болса, алма ағашымен тілдесіп: — Қане, балам, қарттың алмасын бере ғой,- дейтін. Сөйткенше болмай дәмі тіл үйіретін, исі аңқыған, балбырап піскен бір алма жерге топ ете түсетін. Қарт болса, кішкене бәкісімен әлгі алманы асықпай тілімдеп кесіп, өзімен бірге ала келген торсығындағы айранымен қоса сәл жүрек жалғағаннан кейін әкесінен қалған Құранын баппен қолға алып, жайлап оқи бастайтын. Қойшы қарт бұл алма ағашын осыдан жиырма жыл бұрын отырғызған кезде жиі-жиі суғарып, намаз алдында беті-қолын шайған дәрет суының қалғанын да ырымдап соның түбіне төгетін. Қарт жүзін шайған сол судың шарапаты тиді ме, әйтеуір, алма ағашының тамыры тез жан алып, аз уақытта-ақ бой көтеріп, жеміс бере бастады. Қойшы қарт ол кезде жас болғандықтан қай әдемі алмаға көзі түспесін, кішкене ғана ұмсынып қол созғаны жетіп жатыр еді. Алайда, одан бергі қаншама жыл ішінде қарттың бойы аласарып, белі бүгілді, ал алма ағашының болса, керісінше бойы барынша биіктеп, шынар ағашындай жайқалып кеткен-ді. Бірақ алма ағашы қанша жайқалып өскенімен мәпелеп өсірген баланың аты бала емес пе? Оны баласындай көретін қарт ағаш бұтақтарын алақанымен жай ғана сипап тұрып: — Қане, балам, — дейтін, — бүгінгі несібемді түсіре ғой?
Айтқанындай, көп пәлсінбестен бір алма түсуші еді. Бұл көрініс дәл осы қалпында бірнеше жылдан бері қайталанып келе жатқан-ды. Тіпті қарт сұрағанда, алманың түспей қалған бір де бір күні кездескен емес.
Ауыл адамдары болса, таңғажайып бұл құбылысты сырттай бірнеше мәрте байқап, қойшы қартты «әулиеге» жорысып қойғалы қашан.
Қарт кісі ағаш көлеңкесінде аздап тынығып, намазын оқығаннан кейін әдеттегідей сол күнгі алмасын сұрады. Алайда, бір таңғаларлығы, ағаш бұтақтары жеміске толып тұрса да, қарт қолына ештеңе түспеді. Қарт өз қалауын қанша қайталағанымен бәрібір ештеңе бола қоймады. Күткені орындалмай, кірпігі мен сақалы тарам-тарам жасқа оранған қарт үнсіз ғана алыстап қойларына кетіп бара жатты.
Жеміс бергелі «баласы» қарттың көңілін еш қалдырып көрген емес еді. Мәпелеп өсірген баласына дәл осы жолы көңлі қатты қалды. Көңілі құлазыған қарт бойы бұл жолы тіпті шөкімдей боп, бұрыңғыдан да аласарып, белі де бұрыңғыдан бетер бүкшие түскендей.
Малдарын қайырып, ауылға бет алғанда мешіттен әуелеп шыққан азанға құлақ түрді. Азан өте бір ерекше, әуезді үнмен оқылып жатқандай. Тіпті астарынан өзгеше қуаныш та сезілетін секілді. Бірден іркіліп, бойын жинап ала қойды. Қарт байғұс өмірге қайта келгендей күй кешті. Өйткені, есіне бір нәрсе түскен болатын.
Бұл жолы көзіне қуаныштан жас алып, балаша мәз болған қарт бірден әлгіндегі алма ағашына қайтадан жеткенше асықты. Келе сала оны айналып-толғанып, кең құшағын төсей құшақтаған қарт:- Күнім, әшейін,- деді иегі кемсеңдеп жылаған күйі,- айналайын, балам, жарығым! Ұмытшақ мен байғұсты ренжітпей тұрып-ақ білдірсең болмас па еді?! Бүгін Ораза айының алғашқы күні екен ғой?!..

Әттең, шәпкім жоқ, Ақтаудың түнгі аспанына лақтырып қуанар ма едім. livejournal.com мен wordpress.com ашылып тұр. Әй, бірақ бұл қуанышым ұзай қоймас. Жазда да осылай бір қуантып, артынан мұңайтып еді.Арты қалай болар екен? Бағайық

Қасиетті Шиваға мінажат етушілер ме, бұл не рәсім уа жамағат?
Ең алдындағы жігіт қорқып не жиреніп тұрған секілді.«Ибай, нақ иба-а-ай іщәәә» Неден?

Бұл сұраққа жауапты оның артында тұрған жігіттің сиқырлана жымиғанынан табармыз? «Хәп бәле-ем, тырп етпе, хыхы қолға түстің ба»
Ойда жоқта күнәхарларға бірдеңе көрінсе, соңғы тұрған манақтың жолы болған сияқты.
«Саспа, амиго сенің артыңда мен бармын!»
Қателестім бе екен?
Артта тұрған бөтелкелердің ішінде не бар екен? Аладинссс…

Ауылдан әжем келді. Осы кісілердің қолында өскендіктен «Мама» деп атап кеткенмін ғой бала кезден. «Осы күні телебзірден түк көрсетпейді?» дей отырып үйдегі көпшіліктің шешімімен «Денизбен» тоқтаттық канал айналдыруды. Шәй үстінде әр нені айтысып отырдық. Бір кезде кинодағы қыз бен жігіт сүйісті. Мамам «Баяғыда, 3-4 жасыңда кино көріп отырғанда сүйісетін көріністерде көзіңді жұма қалып, үйдегілерге көздеріңді жұмыңдар, сүйісіп жатыр»,- деп айқайлайтынсың.«Көздеріңді ашыңдар, сүйісіп болды»-деп шамалыдан кейін көзіңді ашатынсың" деп күліп еске алып жатыр.Менің де есімде сондай бір бейәдеп көріністер көрсетілсе бөлмеден шығып кететінбіз. Сол кино біткенше ана бөлмеге аяқ баспайсың ғой. Қазір ауылдағы ағамның балалары (жалпы көп елдің балалары) үлкендермен отырып көре беретін болды ғой бұндайларды. Оған етіміз де бетіміз де үйреніп алды.
Бала кезімде сүйісіп жатқандарды көргенде бөлмеден шығып кетсем де соның соншалықты жаман нәрсе емес екенін түйсінетін ем. Кейін үйленгенсін сүйісуден де жақсы нәрселер бар екенін білдік қой)))
Суретке сілтеме