Ресей аспаздарын шеберліктерін арттыру үшін Қазақстанға жіберу керек!

Мына кісінің Қазақстан туралы айтқаны шындыққа жанасатын сияқты. Ал әлемді билеп-төстеуші кім екенін қайдам… Ана кісілердің азан шақырып қойылған аттары осы кісі айтқандай болса, қызық екен.

Әрі қарай

Түркия Супер Лигасынан

Түркия Супер лигасында бүгін жиырма тоғызыншы аптаның ойындары ойналып жатыр. Кеше Бешікташ Анкаракүшімен тең ойнады. Бүгін Фенербахче Газиантеппен ойнайды. Газиантеп қазір төртінші орында. Галатасарайды Кубоктан айырғаны бар, дәлірегі ширек финалға жеткізбегені, осал команда емес. ИншАлла Фенерді де чемпиондықтан алыстатады деген үміттеміз. Ертең Бурсаспор мен Трабзонспор. Трабзонның Бурса мойнын иеді-ау деген таудай үміті бар еді, Бурса жақтан әзірге ондай ишарат келмеді. Өткен жылы Бурсаның чемпион болуында осы Трабзонның үлкееен пайы бар екенін айтқанбыз. Сондықтан осы жолы ағымдағы чемпион жақсылыққа-жақсылық қыла ма десек, футболшылары: Біз Трабзонспорға борыштар емеспіз, болсақ та оны Фенермен матчта өтеп тастағанбыз, — дейді. Рас, Фенердің екінші жартыдағы жеңіс сериясына жалғыз Бурса ғана өзгеріс енгізе алған болатын. Жеңбесе де тең ойнап.
Сонымен, қазір сағат жетіде Фенер-Газиантеп, ертең жетіде Бурсаспор-Трабзонспор матчы. Ал Галатасарай Манисаспормен дүйсенбі күні ойнайды.
Әрі қарай

Енді суға түсуге болады...

Бала кезімізде көктемнің алғашқы ыстықтарына шыдай алмай үлкендерден «Суға түсуге» (өзенге әрине) сұранатын едік. Сол кезде «Күн күркіреген жоқ» деп рұқсат бермеуші еді. Сөйтсек күн күркіреп, алғашқы жаңбыр жауып жер дүниенің тазаруын күтеді екенбіз ғой. Бізде бүгін күн күркіреді. Енді суға түсуге болады деген сөз. Сіздер жақта қалай, күн күркіремей суға түсуге болады ма?
Әрі қарай

Аудармашы арқылы тілдесу



Осыны кеше жазам деп ойлап едім. Кешке таман аяқдоп футбол көремін деп естен шығып кетіпті. Сонымен алдыңғы күні 12:00 таңертең үйден шықтым. Екі апта болды газет келмей қалған, себебін білу үшін өзіміздің райондағы Қазпочта бөлімшесіне бардым. Газет таратушы дәу орыс әйел екен. Қазақша сөйлесем түсінбейді. Мен орысша білмеймін. Амалсыз қазақшаға да, орысшаға да судай біреуді шақыруға тура келді. Сөйтіп анау орыс әйел екеуміз аудармашы арқылы сөйлесіп жөнімізге кеттік. Қызық екен, өз еліңде, өз еліңнің азаматымен өз тіліңде сөйлесу үшін аудармашы қажет болғаны.
Әрі қарай

Қайғыға ортақ емес

Кейде осы кейбір адамдардың алаңсыздығын көрсем шошып кетемін. Біреудің басында қиыншылық болып жатса, өздерінше тон пішіп, мазақтап отырады. Не болса да, бәріне бір жауап болар.
news.rambler.ru/9596512
Қайғыға ортақ емес
Әрі қарай

Cүйдім сені (МузАрт)

Махаббат — мәңгі көктем, әні — дастан,
Жалынды жүректерді тәңір қосқан.
Аяулы арманымды аңсағанда,
Көңілдің көгершіні алып-ұшқан.
Құралай көздеріңнен сыр ұққандай,
Жанарың жүрегімді жылытқандай.
Жарқ етсең жарты әлемге, боламын мен,
Есімімді ұмытқандай.
Әрі қарай