"Шаба деген кім?"

Басқаларын қайдам, өз басым «Хит ТВ» арнасының жаңалықтарын қабылдай алмаймын. Тілшілері қалай болса солай мәтін жазып, эфирге жібере салады. Мүмкін, жаны ашитын қазақ басшылары жоқ болғасын шығар. Бұл көрермен ретінде мені қанағаттандырмайды. «Хидлайнер» деген бағдарламасымақта «Шаба деген кім соншама?» дегенге саятын сюжетті көріп, ішім жылады.
Әрі қарай

Кровь и песок

Бұрындары осы сайтта ара-тұра айтыстар өтіп тұрушы еді. Алиша секілді келіншектермен кеңкілдесіп отырып айтысатын айлы түндер мен күнді күндер кімнің есінде? АКУ-да қалыса қоймаушы еді? Ал, жаңадан келіп қосылып жатқан қыздардың, келіншектердің ішінде ондай өнерлері барлар бар ма екен? Жалпы, қыз-жігіттер бір-біріңді айтысқа шақыра отырыңдар.
Әрі қарай

"Жас қазақ" газетсымағының ұрлықтары шектен шығып барады



Кеше Мәншүк қарындасымыз «Жас қазақ» газетсымағының өзінің мақаласын рұқсатсыз алып және атын кіші әріппен жазғаны туралы жазған болатын, сондай-ақ Жанасылдың да суреті рұқсатсыз алынып, ажырасушылар туралы тақырыпқа қойылған болатын. Енді сайтымызда тұрған жарнамалық баннерді де қойғандары анықталды, ол жерде менің өз атыма тіркелген телефон номерім бар. Ешқандай құқықтары жоқ рұқсатсыз қоюларына.

«Жас қазақтан» кешірім сұрап, газеттерінде және сайттарында мұны жариялауларын сұраймын.
Әрі қарай

Таныс болыңыздар: talgatjez

Талғат Байназаров — talgatjez
Студенттік өмірін Жезқазған қаласында өткізген бұл жігіттің туып өскен жері – Қостанай. 1995 жылы қаладағы енді ашылған 2 қазақ мектептің біреуіне ата-анасы туған тілін үйренсін, оқысын деп берген. Кейін университеттегі оқуын бітіріп, өзінің оқыған С. Мәуленов атындағы гимназиясына математика мұғалімі болып оралады. Қазір Назарбаев Университетінде мұғалімдердің біліктілін арттыру курстарында оқып жүр.

— КерекИнфоға қалай келдің?
— Менің де КерекИнфоға келуіме Блогқұрылтай себепкер болды. Бірақ менің мақсатым — Назгүл сияқты репортаж жасау емес, бәйгеге қатысып жүлде алу деген «арам» ойым болған :). Ал Блогқұрылтай туралы Уордпрессте енді блог ашқанда, кк.уордпресстің басты бетіндегі ең қызықты блогтардың біреуіндегі (қайсында қазір есімде жоқ) баннерден білдім. Сөйтіп, Блогқұрылтайдың жаңалықтарынан хабардар болу үшін Керекке де тіркелдім.
Әрі қарай

Ұры журналистерге нан жоқ!

Ұры журналистерге нан жоқ! Осылай ұрандатқан баннерлер мен ескертпе жазуларды "Ұры журналистерге нан тауып беруге міндетті емеспіз!" дейтін сайттар іліп қойса қайтеді? Мен бір сайтқа солай іліп, мақалаларды көшірілімейтіндей қылып қойдым.

Немесе бір аптаны таңдап, соны ұры журналистерге қарсылық аптасы ретінде түрлі виртуалды шаралармен өткізсек деген ұсыныс бар. Әрине, оның іске асуы барлығымызға байланысты. Ары таза, сауатты журналистер журналист деген атқа кір келтіргендерге қарсы «соғысты» қолдайды деген үміт бар.
Әрі қарай

Соңғы дем...

Қайда барсаң да, қайда болса да,… ұры-қары, сауатсыз журналист.
Қазақ журналистикасының қаншалықты терең деңгейде екендігін айтып, жазып, саусақ гаргатудың қажеті жоқ. Қазақ журналистикасының деңгейін қазақша БАҚ пен тікелей өнімдері болып саналатын журналистерден көруге болады.
Егер журналистер жағында болсаңыз, "Бес саусақ бірдей емес. Барлық журналистке күйе жақпа!" деп, шайнаған кассетадай болмай, мені тыңдаңыз!
Әрі қарай

Сілтемесіз сурет

Мында «Жас қазақтың» 4-қарашадағы санында менің және Ботакөз Икрамованың блогынан газетке екі жазбаны салып, блог авторының атын кіші әріппен жазғаны мені ренжітті.
Әрі қарай

Таныс болыңыздар: dark_nazgul

КерекИнфоның жаңа форматының ашылғанына 1 жыл толады 1 айдан кейін. Осы ай ішінде КерекИнфоның белсенді мүшелерімен жақын таныс болу мақсатында жаңа эстафета бастап отырмын. Қолданушы туралы қысқаша ақпараттан кейін стандарт сұрақтарымды қоямын. Сосын басқа қолданушылар өз сұрақтарын қоюларына болады. Сонымен алғашқы қонағымыз dark_nazgul

Қожабекова Назгүл. 1982, Алматы қаласында туған. ҚазҰУ филология факультетінің магистратурасын тәмамдаған. Қазір «Интерньюс Қазақстанда» штаттан тыс редактор болып істейді.

— КерекИнфоға қалай келдің?
— Керекинфо туралы наурыз айында, Блогқұрылтай қарсаңында білдім. Сол кезде құрылтай барысында сюжеттер сериясын әзірлеуге дайындалып, материал жинап жүргенде тіркелдім. Бастапқы кезде көп кірмейтін едім, жазба мүлде жазбайтынмын. Қазір жиі кіремін. Біраздан бері жаза бастадым. Бірақ, өзіме жеке блог ашуды қажет деп санамаймын. Жазбаларымды Керекинфода және «Матрицаның» сайтындағы блогта жариялап жүрмін.
Әрі қарай