«Әзірет Сұлтан» мешіті жаңа термелер байқауына шақырады

Терме – текті сөздің төресі, рухани тәрбиенің құралы, қазақы пәлсапа мен данышпандықтың көзі. Өкінішке қарай, бір кездері сайын даланың саңлақ ұрпақтары ұлттық тәрбиеге ұстын еткен, асыл дінімізді насихаттаудың, ақ пен қараны, жақсы мен жаманды, адал ман харамды ажыратудың құралы болған терме жазу шығармашылығы кейінгі кезде тоқырап қалғаны жасырын емес. Бабадан ұрпаққа аманат болған, кейінгі кездері кенжелеп қалған осынау өнерді «Әзірет Сұлтан» мешіті қайта жаңғыртпақ.

«Елбасы Нұрсұлтан Назарбаев «Әзірет Сұлтан» мешітінің ашылу салтанатында: «Әзірет Сұлтан» мешіті тек қана құлшылық орны емес, бас мешіт ірі рухани және мәдени-ағарту орталығы болуы тиіс», – деуі арқылы Президентіміз дініміздің алдағы жұмысы осы бағытта дамуы қажет екенін меңзеді. Осы орайда «Әзірет Сұлтан» мешіті ұлтымыздың рухани тәрбие құралы, қазақы пәлсапа мен данышпандықтың көзі, ұлттық өнеріміз – термеге бәйге жариялап отыр», – деді «Әзірет Сұлтан» мешітінің бас имамы Қайрат Жолдыбайұлы.

Оның айтуынша, қазақ халқы Ислам дінін әрқашан өзінің өнерімен сабақтастырып, дәстүрімен ұштастыра білген халық. Ұрпағына, бала-шағасына насихатты мақал-мәтел, жыр-дастан, хикаялармен және термелермен жеткізе білген. Қазаққа жай сөзден гөрі жыр-термелер қымбат. Себебі, қазақтың жыр-термелерінің барлығы – үгіт-насихат. Міне, осы дүниелерді ескерген мешіт осындау ауқымды шараны қолға алуға бел буып отыр.
Әрі қарай

Үнсіздік

(Небары он екі жасында келместің кемесіне мініп кеткен Ақтілектің рухына арнаймын)

Өмірдің мәні қанша ғұмыр берілетінінде емес, оны қалай өткізе білуіңмен өлшенеді. Кейбір «шырылдауық шегірткенің» күйін кешкен адамдар кеудесінен соңғы демі шыққанға дейін өмірге не үшін келіп, не үшін кетіп бара жатқанын түсінбей-ақ кетеді. Өмірде одан асқан өкініш бар ма екен? Ал кей адамдар…

Бүгін Ақеркенің өміріндегі ең қуанышты күндерінің бірі болуға тиіс еді. Бірақ оның жаны жабырқап, әлденеге көңілі толмай жүр. Мұның себебін сұраған тірі жан болмады. Әкесі ішімдікке салынған, шешесі аурушаң қыздың жанашырлары жоқтың қасы еді. Бұл жалғанда жоқ болса қол ұшын бере алмайтын, бар болса көре алмайтын жандар көптеп кездеседі.Оның туған туысқандары да бұл отбасыдан бойларын аулақ ұстайтын. Оңашада ойға бататын кішкентай қыз «Олар бізбен не үшін араласпайды? Әкемнің маскүнем, шешемнің аурушаң болғаны үшін менің не жазығым бар?» деп ойлайтын.

Әрі қарай

Домбыра тарту

Ертең, бейсенбі 6.09.2012 жылы Астана сол жағалау, «Керуен» ОСО-ының алдында домбыра кеші өтеді. Домбыраның қоңыр үнін сағынған болсаңыз, жанды дауыспен айтылған өлеңдерді естімегелі көп болса Керуенге келіңіз. Басталуы сағат: 20.00-де. (Керуенге қарама қарсы субұрқақ маңында).

Әрі қарай

Super normal Бақытжанның хикаясы


Mesqueunblog.kz — Бақытжан атты алматылық жасөспірімнің өмірі француз суретшісімен бейнеленген әңгіме. Өзгелер секілді болғысы келетін, бірақ бола алмайтын адам жайындағы комикс. Әдетте көпшілік байқай бермейтін мүмкіндігі шектеулі жандар мен олардың отбасы туралы хикая.

Блог - rakisheva: Super normal Бақытжанның хикаясы
Әрі қарай

Қазақстанда ең қымбат пәтер қанша тұрады?

Your text to link...Астанадағы элиталы үйлердің құны ақырындап Алматымен теңеліп алды. Люск апартаменттегі үйлер миллиондаған доллар тұрады.
Астанадағы ең қымбат пәтер 7- бөлмелі пентхаус. Оның аумағы 527 шаршы метр. Ол «Хайвилл» тұрғынүй кешенінде орналасқан. Құнын қазіргі тұрғындары 2,1 млн долларға бағалап отыр.
Сатып алсаңыз 5 жатын бөлмесіне, осыншама жуынатын орны бар, бала-шағаңызбен қиналмай қымтырылмай орналаса аласыз.
Бұдан кейін екінші орында Green Village тұрғынүй кешеніндегі 5 бөлмелі пәтер тұр. Оның иелері бұл пәтер үшін — 2 млн доллар сұрап отыр. Бұл үйді алатын бақытты азаматтарды үш деңгейлі күзетшілер қоритын болады. Үйдің кіре берісін айтсаңшы, таза мрамормен қапталған, тірі пальмалар өсірілген.
Ал, Алматыдағы қымбат тұрғынүйлер рейтингін «Пионер» тұрғынүй кешеніндегі пәтер бастап тұр. Оның құны 5,5 млн доллар. Алайда бұл үйді әзірге ешкімнің сатып алуға құлқы жоқ сыңайлы. Себебі мұндай жарнама өткен жылдан бері беріліп келеді. Сондай-ақ оңтүстік астанада «Арман вилла» тұрғынүй кешенінде 2 млн доллар тұратын пәтер сатылмақ. Оның ауданы 400 шаршы метрді құрайды. Оның ерекшелігі сол керемет таудың пейзажын көруге болады.
Әрі қарай

Ақпараттар ағыны - 05 қыркүйек 2012

ӘЛЕУМЕТ. «24 KZ» телеарнасын әлі көрмеген адам саны 16 млн 775 мыңға жетті.

СПОРТ. Криштиану Роналдудан кейін Месси де қарап қалмады. Ол да «Барселонада» бақытсыз және кетуге дайын екенін мәлімдеді.

БІЛІМ. Аттестаттаудан өткізіп беретін таныс табылды. Орамалы дайындалуда.

ИНТЕРНЕТ. Мамандардың айтуы бойынша facebook лайктарының 62% пайызы «баспасам ұят болар» сезімімен басылады екен.

МӘСЕЛЕ. Нокианың жіңішке қуат толтырғышы көршінің үйінде де жоқ болып шықты. Қонақтар шокта.

САЯСАТ. Қазақстан Футбол Федерациясына Ауыр атлетика моделі ұсынылды. 7 қыркүйек күні Ирландия матчының құрамына 5 қытайлық футболшы және Илья Ильин қосылатын болды.

ҚОҒАМ. "Қазақстандық Ононистер, Транссексуалдар, Аналшылар Қоғамы" өздерін аббревитатура емес, толық аттарымен атауды өтінді.
Әрі қарай

Ахмет Байтұрсыновтың туған күні

Бүгін ұлттық мәдениет пен әдебиеттің, білім мен ғылымның туын көтерген, жұртшылықтың санасына демократиялық ойлар сіңіріп, алға жетелеуге ұмтылған зиялыларымыздың бірі Ахмет Байтұрсыновтың туған күні. Алайда, бабамыздың туған күніне қатысты да нақты ақпарат жоқ. Осыған дейін барлық жерде Ахмет Байтұрсынов 1873 жылы 18 қаңтарда қазіргі Қостанай облысының Торғай өңіріндегі Сартүбек деген жерде дүниеге келді деп айтылып келді. Енді бір тарихшы, зерттеуші ғалымдарымыз оны осы 5 қыркүйекте туылды деп жатыр. Бұған Ахмет Байтұрсынұлының
НКВ-ды тергеушілеріне берген түсініктемесінен қалған құжатты дәлел ретінде ұсынуда. Онда туылған күнім 5 қыркүйек деп көрсеткен екен. Жалпы менің айтпағым қай күні туылса да осындай халықтың зердесіне сәуле түсіріп, санасын оятуға ұмтылыс жасаған бабамыз туралы еске ала кету.
Әрі қарай

Түс көрмеу

Мойынға асып тірліктің тар қамытын
Ұмыттық-ау келер сәтін шабыттың
Шаршап келіп ұйықтаған соң талықсып
Түс көруді ұмытып та қалыппын.

Бір жағымда жатқаннан соң сүйгенім
Түс көрмейтін қазір достар күйдемін
Өзге жанның атын айтсам түс көріп
Ренжіп қалар қалап алған үйдегім

Өз-өзімді жатам солай бақылап
Аппақ таңдар алға қарай шақырад
Жалаңаш қыз түгілі түсіме
Кірмейд қазір қотыр ат пен соқыр ат

Беталды түс көруді қойыңдар…
Әрі қарай

Алғашқы мәшнем!

Өткен аптадан бері мен де автоәуесқойлар клубына мүше болдым. Көлігімнің жылы өзімнен 4-5 жас қана кіші болғанымен аяқ артуға жетіп тұр. «Мицубиси Галант». Алғаннан бері 150 км (барып — қайту 300) және 225 км (барып -қайту 450) қашықтыққа барып қайттым. Жүргізушілік куәлігімнің мерзімі 2016 жылы өтіп кетеді екен.
Жеңіл-желпі жөндеу жұмыстары баршылық. Стабилизатор деген пәлесін өзім аулада ауыстырдым. Қиын ештеңесі жоқ. Енді осы сенбі поддонның (картер) прокладкасын ауыстырмақпын жәйлап. Біреуге жасатқанша өзім жасап үйренейін деген ой ғой. Алла бұйыртса суретін салармын)))
Әрі қарай