Үстіміздегі жылдың 23 сәуір күні Қызылорда политехникалық колледжінде облыстық білім беру басқармасы, «Нұр Отан» ХДП облыстық филиалы және «Жас Отан» ЖҚ ұйымдастыруымен «Талапқа талғам таразы» атты техникалық және кәсіптік білім беру оқу орындарында даярланатын мамандықтарды насихаттайтын ақпараттық насихаттық топ құрылып, бүгіннен бастап Қызылорда облысындағы Арал, Қазалы, Қармақшы, Жалағаш, Сырдария, Шиелі, Жаңақорған аудандарына аттанды. Топтың құрамы облыстық білім беру басқармасының қызметкерлері, «Жас Отан» ЖҚ-ның мүшелері және де Қызылорда қаласындағы техникалық және кәсіптік білім беру оқу орындарында оқитын бір топ студент жастардан құрылды.



Ақпараттық насихаттық топтың жұмысы «Қазақстан-2050» стратегиясы қалыптасқан мемлекеттің жаңа саяси бағыты" атты Мемлекет Басшысының 2012 жылғы 14 желтоқасандағы Қазақстан халқына Жолдауынан, Елбасының «Әлеуметтік жаңғырту Жалпыға Ортақ Еңбек Қоғамына қарай 20 қадам» атты мақаласынан, «Қазақстанның үдемелі индустриялдық- инновациялық дамуы мемлекеттік бағдарламасынан», «Жастар саясаты туралы» ҚР Заңынан туындайтын білім беру саласын алдындағы міндеттерді жүзеге асыру. Оның ішінде өңіріміздің өндірістік аймаққа айналуына үлкен серпін беретін индустриялдық-инновациялық жобаларды іске асыратын ірі өндіріс орындарына қажетті кадрларды дайындау бүгінгі таңның басты мәселесі болғандықтан Қызылорда қаласы мен аудандар бойынша мектеп бітірушілерінің арасында даярланатын мамандықтарды насихаттау үшін аттанды.





Қазіргі экономикалық өсудің негізгі жолының бірі ол бәскеге қабілетті өнім өндіру. Бәсекеге қабілетті өнім дегеніміз сапасы жоғары, экологиялық стандарттарға сай, ғылым мен техниканың соңғы жетістіктері нәтижесінде өндірілген өнім. Бұл дегеніміз қазақстандықтардың өмір сүру деңгейін жоғарлату үшін шикізат өндіруден оны сапалы өңдеуге көшу деген сөз. Ал бұндай өндірісті дамыту үшін елге кәсіби және техникалық, сондай ақ жоғары білімді эрудициясы жетік, өз-өзіне сенімді, көшбасшылық қасиеттерге ие мамандар қажет. Білім беру жүйесінің бәсекеге қабілеттілігін арттыру, адами капиталын дамыту үшін білім мазмұнын түбегейлі жаңарта отырып, білім саласында кезек күттірмей тұрған мәселелерді шешуге оң ықпал ететіні сөзсіз

Қарттар мен мүгедектерге арналған жалпы үлгідегі интернатта Жеңістің 68 жылдығына орай Қызылорда облыстық жастар саясаты мәселелері басқармасының қолдауымен, «Жас Отан» Жастар қанаты Қызылорда облыстық филиалының ұйымдастыруымен «Ұлы Жеңіс — ұрпаққа аманат!» атты мерекелік концерт өтті.

Шара аясында қарттар үйінің тұрғындары мен тылда еңбек еткен ардагерлерге жасотандықтардың атынан мерекелік сыйлықтар табысталды.

Жиынды өткізудегі мақсат — жастарды ұлтжандылыққа, мейірімділік пен ізгілікке тәрбиелеу, адамгершілік қасиеттерін қалыптастыру. Қарттарды құрметтеп, мейірім мен шапағат көрсетуге үйрету.
Мерекелік шара соңында, ақсақалды қариялар жасотандықтарғақ батасын берді. Алдағы уақытта да «Жас Отан» Жастар қанатының бекітілген жоспарына сәйкес түрлі бағыттағы шаралар өз жалғасын табатын болады.

Талантты жас

14.05.2013

«Нұр Отан» ХДП «Жас Отан» ЖҚ Қызылорда облыстық филиалы және республикалық «Сыр ұланы» балалар мен жасөспірімдер газетінің ұйымдастыруымен «Талантты жас» байқауы өткізілді.

Байқаудың марапаттау рәсімі 3- мамыр күні Облыстық оқушылар сарайында өтті. Аталмыш байқауға Қызылорда облысының әр аймағынан жалпы саны 583 үміткер қатысты.

«Талантты жас» байқауы 5 номинация бойынша жүргізілді.

Бас жүлде «Талантты жас» — оқу үлгерімі өте жақсы деген бағамен білім алып жүрген республиқалық байқаулардың жеңімпаздары қатысты. Аталған номинация бойынша жүлделі орын иегерлері:
ІІI орын Сырдария ауданы № 44 мектеп оқушысы Дәмежан Гүлбану және жетекшісі Шалбаева, Ақтолқын.
ІІ орын Қызылорда қаласы № 9 мектеп — гимназия оқушысы Садық Ақбота және жетекшісі Палмағанбетова Гүльшат.
І орын Қазалы ауданы № 249 мектеп- лицейінің оқушысы Берікбол Төлеген және жетекшісі Мафруза Текеева.

«Жас, ақын» — сезім иірімдерін қағаз бетіне өлең етіп түсірген, өмірін өлеңмен өрнектеп жүрген, ақынжанды оқушылар қатысты. Аталған номинация бойынша жүлделі орын иегерлері:
ІІІ орын Жалағаш ауданы № 232 мектеп оқушысы Наргиза Бектай және жетекшісі Жұмағұлова Жанар.
ІІ орын Қазалы ауданы № 249 мектеп- лицей оқушысы Шамшадин Ерсін және жетекшісі Алпысбаева Анаргүл.
І орын Жаңақорған ауданы № 54 мектебінің оқушысы Болатов Нұрбосын және жетекшісі Сейдалиева Нұргүл.

«Жас қаламгер» — мектеп жасында жүріп прозаға қалам тербеген оқушылар қатысты. Аталған номиниция бойынша орын иегерлері:
ІІІ орын Қызылорда қаласы № 264 мектеп -лицейінің оқушысы Канибай Нұрсая және жетекшісі Молдахметова Ұлған.
ІІ орын Арал ауданы № 81 мектеп оқушысы Әуесхан Әсия және жетекшісі Есенбаева Бағила.
І орын Шиелі ауданы № 47 мектеп оқушысы Әлиев Нұржан және жетекшісі Гүлмира Рүстемова.

«Ойлы оқырман» бос уақытын үнемі ізденіп мектеп кітапханасында өткізетін жас оқырмандарға арналды. Аталған номинация бойынша жүлделі орын иегерлері:
ІІІ орын Қызылорда қаласы № 217 мектеп оқушысы Жоламан Мадияр және жетекшісі Сарыбаева Үрлайм.
ІІ орын Арал қаласы № 220 мектеп оқушысы Реймова Айжан және жетекшісі Оңалбекова Жадыра.
І орын Қызылорда қаласы № 264 мектеп -лицейінің оқушысы Жақсылықова Назерке және жетекшісі Рахметова Манат.

«Сырлы бояу» атты номинациясында «Тәуелсіз елдің ұланы» атты тақырыпта жас қылқалам шеберлері бақ сынады. Аталған номинация бойынша:
ІІІ орын иегері Қызылорда қаласы № 264 мектеп -лицей оқушысы Жақсылық Ақбөпе және жетекшісі Қалымбетов Әліби.
ІІ орын Жаңақорған ауданы Алшекей атындағы өнер мектебінің оқушысы Камал Данагүл және жетекшісі Қошарбаев Қалдыбай.
І орын Қазалы ауданы № 93 мектеп оқушысы Сансызбай Еркежан және жетекшісі Жамбылова Назгүл.

Марапаттау барысында республикалық «Сыр ұланы» балалар мен жасөспірімдер газетінің бас редакторы Жүзеев Серікхан Әлханұлы байқауға қатысып, үздік нәтижеге қолжеткізген оқушыларға «Жас тілші» атты куәлігін тапсырды.

Марапаттау соңы коцерттік бағдарламаға ұласты. Сахнада облысымыздың жас өрендері өздерінің өнерлерін ортаға салып, көрермендердің зор қошеметіне ие болды.

Былтыр интернетте «WiFi 25» атты шоу пайда болған-ды. Тұңғыш рет ҚазНетте жарық көрген интернет-шоу жастардың қызығып көретін бағдарламасына айналып үлгерді. «WiFi 25»-тің құрамы небәрі төрт адам ғана: Нұрмахан Мұқанұлы, Нұржан Еркінұлы, Әбіл Есентай, Махамбет Бейбітшілік. Солардың бірі, бұрынғы «Сөз тимесін» КВН командасының мүшесі Нұрмақанды әңгімеге тартқан едік. 


–Нұрмахан, сенің  шымкенттік екеніңді білгеніміз-бен, нақты туған жеріңнен хабарымыз аздау екен...
– Туған ауылым – Оңтүстік Қазақстан облысындағы Тұрбат ауылы.  Шымкенттік, қазығұрттықпын дегеннен гөрі Тұрбаттанмын деген ұнайды. Өйткені, Тұрбат атауы құлаққа өзгеше естіледі. Көпшілік қыстыгүні әлеуметтік желідегі «статусына» «Дубайда, Гоадамын» деп жазып қояды ғой. Мен «Тұрбаттамын» деймін. Көбісі «Ол қай жақта? Пәкістанда ма?» деп қызығады.
– Мамандығың аудармашы екен. Медиа саласына қалай келдің?
–Ясауи атындағы халықаралық университетке түсуіме КВН әсер етті. Ол кезде «Көз тимесін» командасы премьер-лигада дүрілдеп тұрған еді. Сол жігіттермен бір университетте оқысам,

1939 жылы «Life» журналы "Әлемдегі ең үлкен шошқа" атты ағылшын ойынын жариялаған еді.
Суреттерді нұсқау бойынша жинау керек болатын.Соңында қандай сурет пайда болатынын ойын соңында көруге болатын болған.

Жұмыс бабымен іс сапарға аз да болса шығып тұрамыз. Сапар барысында түрлі көріністердің куәсі боламыз, қызықты оқиғаларға кездесіп жатамыз. Кешегі күні барған іс-сапармыздың маңызы ерекше болатын. Сондықтан да, жолға біршама дайындықпен аттандық.

Жол-жөнекей әңгіме дүкен құрып отырып, бет алған орнымызға (жабық мекеме) түскі астың уақытында келіп жеттік. Келген беттегі көріністер. Ішке кіруге өтініш қабылдайтын тар есіктің алдында кезек күтіп отырған азаматтар. Бірінің анасы, әпкесі, қарындасы, ағайыны, туысы, ағасы, інісі арасында ақ жаулықты әжелеріміз, қарттарымыз да бар. "Іштен шыққан шұбар жылан" деп, қоғамға қауіпті сотталғандардың артынан іздеп келіп отырған беттері. Сырттай қарағанда аянышты. Жұмысын тастап, үйдің қым-қуат бітпейтін шаруасына қарамастан, ұзақ жол жүріп келіп отырғандары, не қоғамға берері жоқ, отбасында да қарабет болып, мемлекетке қаншама шығын (ТМ сотталған бір азаматқа күніне 3500 теңге шығын кетеді екен) әкеліп отырған адамдар. Қоғамда болып жатқан түрлі жантүршігерлік оқиғаларды естіп, жаңалықтардан көріп жатасың. «Алла сақтасын» деп жағаңды ұстайсың ол кезде. Бірақ, сол қылмысты істеп жатқан адамдар да анадан жаратылған, бір отбасының мүшелері. Бірақ, оны қалай адам қатарына жатқызасың. Айуан екеш айуанда өз баласын өлімнен қорғай жанұшыра айқасады. Бірақ, бұл жерде мүлдем басқа жағдай орын алып жатқан жоқ па? Адамшылыққа тән емес әрекет жасайды, оның азабын өзгелер тартады. «Жақсы ит өлігін көрсетпейді» дейді қазақта. Жақсы ит құрлы қадірі қалмады емес па онда, Анасын әлекке түсіріп, артынан келтіріп, оны қанша уайым-қайғыға қалдырып жатса…

Есік алдында кіріп-шығып жатқанда болған жағдайлар. «Соңғы тиынымды санап келіп отырмын»- деп әйелі сөйлеп жатыр. Сонда, азын-аулық тапқан табысын (мына заманда жұмыс істеп, қаражат тауып көр) бала-шағасының аузынан жырып, өздерінен жырақ отырған адамға бару үшін жұмсап отыр. Одан не пайда? Ол сөзді естігенше өлгені артық емес па? Тірі өлік дей ма мұндайды.

Қарт әжені көзім шалды. Мейірім мен мұңға толы қарт жанар… Ненің азабы дерсің. Бірақ, тоғыз, тоғыз күн көтеріп, жарық дүниеге әкелген перзентін, көзі тірісінде қайда қияды. Сол әже ұлын дүниеге әкелгенде осындай болсын деп ойлады дейсіз бе? Мүмкін, жаңылды, қателік болды, тағдыр солай жазды, мүмкін жала жабылып кетті деп ойларсыз. Бірақ, оның темір тордың ар жағында отыруы факт емес па? Мейлі ол қандай жақсы азамат болсын бостандықта. «Балам, түрің не болып кеткен, әбіржіп. Шығам дегенше, ретке келші, айналайын» деп айтқан сөзін естігенде, жүрегіммен езіліп кеттім. Ана көңілі шіркін пәк қой. Неге, сонда, үлкен басымен, жаман әрекетке барар кезде, ең болмаса Анасын ойламайды екен. Сонда, шыныменде тасжүрек, қатыгез болғаны ма?

PS. қысқа көзбен көріп, білгенім осы. Онда әңгімелесіп отырып, естіген сұмдықтарды айта беруге ауыз бармайды. Жап-жас, мектепті бітіргеніне жыл толмаған жігіттер бірнеше жылды мойындарына іліп, кетіп жатыр. Сонда бесіктен белі шықпай жатып не көрді дерсің. Обал-ақ. Егер, аяғыңды шалыс бассаң, ешкім кешірмесі анық. Сондықтан да, осы жүрген бейбіт де еркін күнімізге шүкіршілік жасауымыз керек.

Samsung Galaxy Camera EK-GC100 туралы арнайы «КерекИнфо» еркін блог жүйесі үшін. Фотоаулаудағы Керекинфо командасына дауыс беріңіздер.
Ал, талаңдар

Бала кезіңіз ауылда өтсе божая каропканы( қызғылт, сарғылт, ақшыл түсті (басқа да түстері болады екен, мен осыларды ғана көрдім) арқасында теңбілдері бар қанатты қоңыз) (божья коровка) білмеуіңіз мүмкін емес. Кей жақтарда «Хан қызы» деп айтып жатады.Әйтеуір ұстап алып «Ханның үйіне бар, ханның үйіне бар» деп айқайлап ұшырып жіберетінбіз. Мұрынымызда ақ боз ат пен көк боз ат қатар шауып жүрген кездері бұл жәндік жайлы «неге божая каропка, каропкаға ұқсайтын жері жоқ қой» деп ойлайтынбыз. Сөйтсек бұл божья коровка екен ғой.«Божьясының» себебі, бұл қоңызды ешкімге зияны жоқ, қорғансыз, өз-өзімен тіршілік етушілер қатарынан екендігінен және көрген адамның есінде қалатындай кейіпінің барлығынан болса керек. Әйтеуір, бұл жәндікті білетін елдердің көбінде атауын құдайға немесе әулие-әнбиелерге бағыттап қойған екен. «Коровкасының» сыры бұл қоңыз өзінің жауларынан сақтану мақсатында аяқт буындары арасынан сүт түстес сұйықтық бөледі екен. Кезінде адамдар сол сұйықтықпты ауырған тістеріне жаққан да екен. Әсері жайлы мәліметтер жоқ секілді. Осы тектес шыбын-шіркей, ұсақ жәндіктермен қоректенетін құстар үшін Хан қызының сұйықтығы өзінің жеуге жарамсыз екенін білдіретін белгі болса керекті. Арақты ішуге болмайтынын білсе де ішетін адамдардың барлығы секілді оны жеуге болмайтыны білсе де жеп қоятын құстардың да табылуы заңдылық. Бірақ, ол байғұстардың өңеші (тамағы" күйіп қалады екен.
Әлемде 5000 нан астам Хан қызының түрлері бар екен.

Орындаушы: Мейрамбек Беспаев

Өмiрдiң мәнiн кiм бiлген
Бiр күнiм ұқсас бiр күнмен
Таң атса күннiң батарын
Бiлсем де бейқам жүрдiм мен
Тағы да мiне, таң атты
Шапағын тегiн таратты
Манаурап естi жиғанша
Масайрап мезгiл барады

Қ-сы:
Таң атса болды, күн батты
Ұршығын мезгiл зырлатты
Құс қанат менiң ғұмырым
Қанатын тағы бiр қақты

Тұсаудай тұтам тiрлiкте
Тентiреп текке жүрдiк пе?!
Жойылып жерден кетер ме ек
Жобасы түскен бiр нүкте
Не алдым елге, не бердiм
өтеусiз бе едi келер күн
Қырандай баулып өсiрген
Халқыма ендi не дермiн?!