Қазақстандағы жылжымайтын мүлік нарығы желтоқсанның ортасынан бастап әдеттегідей "қысқы ұйқыға" кетеді. Белсенділік жаңа жылдың қаңтарының соңында ғана басталады. Homsters.kz сарапшылары үй салушылар өлі маусымда клиент үшін қалай күресетінін талдап көрді.
Қысқы мерекелер қарсаңында жылжымайтын мүлік нарығында тыныштық басталады. Сатушылар мен сатып алушылардың көбі желтоқсанның алғашқы апталарында-ақ мәмілелердің бәрін жасап бітіруге тырысады, сөйтіп, айдың соңында сату-сатып алу мәмілелерінің саны нөлге дейін азаяды. Бірақ баспана бағасы статистикалық ала-құлалық аралығында есепке алынады. Сондықтан клиент жинағысы келген үй салушылардың дені сан алуан акциялар мен жеңілдіктер маусымын бастайды. Homsters.kz сервисіндегі үздік тұрғын үй кешендері туралы базасын талдаған компания мамандары кең тараған ұсыныстардың екі типін ажыратып отыр.
Жеңілдіктер
Шаршы метрлер бағасына жеңілдікті, мысалы, астаналық Real Comfort пен алматылық «Әлем» және «Комфорт» тұрғын үй кешендері ұсынады.
Real Comfort тұрғын үй кешені Астанада Есілдің сол жағалауында, салынып жатқан EXPO павильондарына жақын маңда орналасқан. Болашақ тұрғындар көріктендірілген және күзетілетін аумағы бар, ауданы 43 шаршы метрден 63 шаршы метрге дейінгі пәтерлерді таңдай алады. Сегізқабатты бұл нысанды 2017 жылдың екінші тоқсанында пайдалануға беру көзделіп отыр. Жаңа жыл алдындағы акция шеңберінде бір шаршы метрдің құны 260 мың теңгеге дейін төмендетілді.
Оңтүстік астананың Әуезов ауданында орналасқан «Әлем» тұрғын үй кешені ауданы 74 шаршы метрден 99 шаршы метрге дейінгі пәтерлерді ұсынады. Жаңа жыл қарсаңындағы акцияны есептегенде бұл үйде бір шаршы метрдің құны – 240 мың теңге. Нысанның алғашқы тұрғындары үшін тамаша бонустар жасалып отыр, мысалы, жерасты паркингін жалға алу бір жылға дейін және интернетке қосу қызметі алты айға дейін тегін болады.
Алматының Бостандық ауданындағы құрылысы аяқталған «Комфорт» тұрғын үй кешенінде шаршы метрдің бағасы акция аясында 385 мың теңгеден 365 мың теңгеге дейін төмендетіліп отыр. Көріктендірілген, күзетілетін ауласы мен жерасты паркингі бар кешеннен ауданы 53 шаршы метрден 140 шаршы метрге дейінгі пәтерлерді сатып алуға болады.
Акциялар
Шаршы метрдің бағасына тікелей байланысты емес акциялар әдетте сатып алынатын баспанаға қажет болатын керек-жараққа қатысты жасалады.
Айталық, қазақстандық ірі құрылыс салушылардың бірі пәтер сатып алушыларға тұрмыстық техника мен жаңа баспананы сәндеуге қажет болатын үй электроникасын жаңажылдық сыйлық ретінде береді. Акция бұл компанияның кез келген нысанынан баспана сатып алатындар үшін 2016 жылдың 31 желтоқсанына дейін созылады, компания нысандарының қатарында Алматыдағы Royal Gardens, «Симфония» тұрғын үй кешендері мен «Алмалы» тұрғын үй ауданы, Астанадағы England, Millennium Park және «Триумфальный» тұрғын үй кешендері бар.
Келесі бір ірі құрылыс салушы пәтерлер, автокөліктер, екі адамға арналған туристік жолдамалар, тұрмыстық техника, үй электроникасы сияқты бағалы сыйлықтарға ұтыс ойнатады. Ұтысқа қатысу үшін 2017 жылдың 31 қаңтарына дейін компания нысандарының бірінен пәтер сатып алу қажет, ондай нысандардың қатарында елордадағы «Арман Қала», Park Avenue, BI City және Алматыдағы Gagarin Park, «Сезам», «Асыл Тау» кешендері бар.

Homsters.kz те өз клиенттеріне сыйлық тарту етеді. Ниеттестік туралы жаңа бағдарламаның шеңберінде Homsters.kz жаңа баспана сатып алушыларға арналған тегін кеңестер қызметін пайдаланған және осы онлайн-сервистің көмегімен жылжымайтын мүлік сатып алған адамдардың бәріне тұрмыстық техника сыйлайды. Сыйлықтарға баспана сатып алғалы жүрген достарына Homsters.kz-ке хабарласуға кеңес бергендер қол жеткізе алады. Акция шарттары туралы promo.homsters.kz/ сайтында толығырақ жазылған.

Анықтамалық ақпарат
Homsters.kz – жылжымайтын мүлік сатуға арналған халықаралық онлайн-алаң. Homsters.kz жылжымайтын мүлік объектілері туралы сенімді ақпарат негізінде екі тарапқа да тиімді мәмілелер жүргізу үшін сатушы мен сатып алушыны біріктіреді. Қазіргі уақытта онлайн-алаң белсенді сауда кезеңіндегі жаңа үйлер сатушыларының 70%-мен серіктес болып, жұмыс жүргізіп отыр, сонымен қатар бүкіл республика бойынша қайталама тұрғын үй нарығының 28 мыңнан астам объектісін қамтитын тексерілген мәліметтердің ашық базасына ие. Homsters.kz Қазақстанның жылжымайтын мүлік сегментіндегі көшбасшы үштіктің қатарына кіреді және нарықтағы өз позициясын нығайтып келеді.

2016 жылы 12 қараша күні Жастар Отанға лагері аясында, жастар арасында Қазақстан халқының дәстүрлері мен мәдени құндылықтарына сәйкес сана-сезімді қалыптастыруға бағытталған Қазақстан Республикасы Дін істері және азаматтық қоғам министрлігінің тапсырысымен семинар болып өтті. Бұл іс-шарада Төле би ауданы орталық мешітінің бас имамы – Самат қажы Анарбаев көпшілік қауым алдында өз дәрісін оқыды.
Еліміздің әр аймақтарынан келген жастар семинарға тікелей түрде қатысты. Кездесу қорытындысында ашық түрде сұхбат өтті. Сұхбат барысында қазіргі таңдағы жастарды толғандырып жүрген сұрақтары талқыға салынды.
Бұл іс-шараның негізгі мақсаты жастардың қоғамдық, конфессияаралық, мәдени және кез-келген мәселе мен түсініспеушіліктерді террористік әдістерді қолдану арқылы шешуді болдырмау, терроризмге қарсы сана-сезімді түбегейлі түрде көтеру және де мәдени құндылықтарымыз бен дәстүрлерімізді насихаттау арқылы қоғамдық санаға енетін әдіс-тәсілдерге сенімді тосқауыл қою болып табылады.

Марс бетіндегі қаззақты елестетіп көрдіңдер ме? Мүмкін турист, мүмкін ғарышкер. Марс тематикасы әлемде кеңінен тарала бастағанда бұл да әбден мүмкін нәрседей көрінеді.

Марсты игеру мәселесі кәдімгідей қолжетімді мақсат-мүддеге айнала бастады қазір. 2020 жылдан кейін тіпті экспедиция да жоспарланған. Арада жылдар өтеді, Марсты игеру кәдімгідей жолға қойылады. Тіпті туристер таситын коммерциялық ұйымдар пайда болады, жекелеген елдер ірі ғылыми-экспедициялық бағдарламаларға өз үлестерін қоса бастайды. Бұндай мүмкіндікті Қазақстан билігі де жібермейді, хуле Астана, Қазақстан брендтерін кеңінен насихаттау керек. Сол себепті күндердің күнінде Қазақстан өз ғарышкерін Марсқа жібереміз деп жар салады.

Әлбетте, Қазақстанның өз ғарыш бағдарламасын жасауға потенциалы жеткіліксіз. Сол себепті қазақ астронавтын бір еуропалық немесе халықаралық бағдарламаға қосып, сол арқылы жіберуге тырысады. Ғарышкердің атын да шамалап тұрмын, екі буыннан тұратын, шетелдіктер айтуға ыңғайлы есімі бар адам таңдалады, типі Талғат, Айдын. Скафандры шетелдік серіктестердің талаптарымен сәйкес болғанымен, қосымша «Astana», ''KZ' деген ебедейсіз жабыстырылған жазулар болады.

Старт күні телеарналардың барлығы космодромнан тікелей трансляция ұйымдастырады. Молда құран оқиды, өзі туып-өскен елді мекеннен бір ақсақал келіп бата береді. Тіпті бір мемлекеттік телеарна Марсқа жеткенге дейінгі қазақтың өмірін көрсететін видеотрансляция немесе арнайы репортаждар жасайтын ерекше бағдарлама ашып алуы мүмкін.

Халық ерекше әсерде болады. Иә, қарсы шыққандар болады. Бірақ олар да қазақ ғарышкерінің кеме ішіндегі қызықты видеоларын байқамай әлеуметтік желіде бөлісіп қояды. Сөйтіп, сырттай қарсы болғанымен, ішкі қызығушылығы бар екенін жасыра алмай қалып жатады.

Марсқа аман-есен қонғаннан кейін қазақ ғалымы Жоғарғы бас қолбасшы алдында тікелей телекөпір арқылы есеп береді және нақты тапсырмалар алады.

Қазақ ғалымының Марстағы сапары жүріп жатқан кезде Жерде үлкен өзгерістер басталады. Мысалы, Қазақстанда ғарыш зерттеулеріне қатысы бар бір мекемеге Марстағы азаматтың есімі берілетін болады. Осы кісінің құрметіне тағы бір ғылыми орталықтың құрылысы басталады, алғашқы іргетасын қалау кезіндегі видеосы Марсқа жөнелтіледі. Марстағы қазақ бұған тебіреніп, көзіне жас алған видеосәлемін жолдайды. Онда отандастарына риза екенін, Қазақстанға өлгенше қызмет етенін айтып тебіренеді. Қолдау білдіргендерге рахмет айтады және елінен жеткен кез-келген хат-хабарға риза болатынын жеткізеді.

Бұл тізбек реакциясын тудырады. Осыны естігеннен кейін түрлі мектептерден, жоғары оқу орындарынан видеосәлемдеме жөнелту тренді жолға қойылады. Ал мәдениет қайраткерлері өз арнауларын жолдайды — әншілер ән айтады, ақындар өлең шығарады.

Бұндай ықылас пен ілтипат қазақ ғарышкеріне ерекше әсер етеді. Еліне деген сағынышы күннен күнге арта түседі. Оның үстіне Жерден 400 миллион шақырым қашықта екені, 6 ай бойы салмақсыздықта ұшып келгені — бәрі-бәрі психологиялық салмақ салады. Елден жеткен түрлі хабарлар оны одан сайын депрессияға түсіріп тастайды.

Сосын ауылы жиі түсіне кіре бастайды: Атасымен бірге қой бағып жүр екен дейді. Аспан жаңбырдан кейін енді ашыла бастаған. Ауа жұп-жұмсақ, жусанның иісі мұрынды жарады. Дәл осы жерге келгенде оянып кете береді. Жусан!

Енді жусан туралы көп ойлана бастайды. Тіпті иісі мұрнына келгендей болады! Қайдағы иіс? Марста иіс түгіл, ауа да жоқ. Бірақ қазақ ғарышкерін бұл тоқтатпайды. Жусанның иісін бүкіл тұла-бойымен, бар болмысымен сезеді. Өз-өзіне сенбей, скафандрын мойнынан ағытып жібереді. Шлемін көтереді де, лақтырып тастайды. Келесі істегісі келген әрекеті — Марстың тозаңды атмосферасын бір жұтып, жусанның иісін татып көру еді. Бірақ шлем Марс топырағына түспей жатып, қазақтың беті алдымен Күн радиациясына шыжғырылып қалады, сосын оттегі жетпей гүрс етіп, қырылдаған дауыспен құлайды.

Тəуелсіз елдің ертеңі – бүгінгі жас ұрпақ. Еліміздің жарқын болашағы білім нəрімен сусындаған, парасат-пайымы мол, жоғары мəдениетті жастардың қолында.
2016 жылдың 10-15 қараша аралығында ОҚО Төле би ауданында орналасқан «Бəйшешек» спортты-сауықтыру орталығында жас ұрпақтың бойына адамгершілік және мәдениеттілік құзіреттіліктерін қалыптастыру, саяси білімін жандандыру, салауатты өмір салтын сақтау мақсатында Қазақстан Республикасы Дін істері жəне азаматтық қоғам министрлігінің тапсырысымен Еуразиялық келісім қоры «Жастар Отанға» жастар лагерін өткізді. Лагерьге республиканың 14 облысынан 50-ден аса белсенді студент жастар қатысты.

Лагерь барысында білікті мамандар семинар-тренингтер, жастардың бойындағы сенімділікті бекіте түсетін ойындар, көпшілік алдында сөйлеу, ораторлық қабілетті арттыру мақсатында пікір алмасулар және мызғымас достық орнатып, жолдастық қатынасын бекем ете түсетін спорттық ойындар ұйымдастырды. Жастар лагерінің ашылу салтанатында əр облыс жастарының басын біріктіріп, достық ортасын қалыптастыру мақсатында 6 топқа бөлді. Топтар «Forever friends», «Boom», «Red Bull», «Жұлдыздар», «Айналайын», «Ұлы дала ұландары» деген атауларды иемденді.
Лагерь аясында командалардың достығын нығайту мақсатында сауықтыру орталығының территориясында селфи ойыны өткізілді. Ойын шарты бойынша командалар жасырылған əріптерді тауып, ортақ селфи жасап, жинақталған əріптерден бір сөз құрауы тиіс. Ойын қорытындысы бойынша командалар жасырылған “отансүйгіштік” сөзі екенін анықтады.
Жас ұрпақтың салауатты өмір сүруге көзқарасын қалыптастыруға, олардың денсаулығын сақтауға бағытталған командалық волейбол, ұлдар мен қыздар арасында теннис сияқты спорттық ойындар ойнатылды.

Білім – ақыл-ойдың бастапқы түрткісі және негізгі құралы. Əрбір адам салауатты өмір сүру үшін біріншіден ақыл-ойын жетілдіру керек. Лагер барысында интелектуалдық шахмат, дойбы ойындары да ойнатылды. Жеңімпаздар командаларына жоғары ұпайлар сыйлады. “Жастар Отанға” жастар лагері білімнің ғана емес, салауатты өмірдің, қыл өтпес татулықтың ордасы болды.
Ұлт тағдыры — ұрпақ қолында. Болашаққа үлкен сеніммен қадам басу үшін өткенмен қуаттанып, жастармен қанаттану керек.

Тың идея. Жаңа жоба. Болашақ үлкен компания. Бұның барлығы “StartUp” ұғымына тиесілі. StartUp — инновациялық жаңа идеяға негізделіп бизнес құруды көздеген жаңа компания. Немесе оны инновациялармен жаңа технологияларды дамытуға бағытталған қозғалыс десек те болады. Бұл ұғым күннен – күнге әлемді айнала кезіп, заман ағымына ілесуге шақырады. Бүгінде “StartUp”-тың не екенін түсіндіріп, бизнесті бастап, әрмен қарай қалай дамыту керек екендігі жайлы түрлі кеңестер, нұсқаулар ұсынатын шеберлік сыныптары бар.

Осындай шеберлік сыныптарының бірін – «StartUp: А-дан Я-ға дейін» — «Жастар Отанға» жастар лагері жобасы аясында ОҚО «Кәсіпкерлік метебінің» тренері Есжанов Азиз өткізді. Еліміздің түпкір-түпкірінен жиналған дарынды жастар оған белсене қатысты. Бұл шеберлік сыныбы жаңа технологияларды игеруге шақырып, бәсекеге қабілетті болуға бағыттады.
Тренинг барысында жас буын стартап жобаларына арналған стартапты қаржыландыру, оның қалыптасуы мен дамуы, қолдау бағдарламалары мен тәсілдері сияқты пайдалы ақпараттармен өз білімін толықтырды. Сондай-ақ, студенттер тренингте алған ақпараттарыныңнеізінде бизнес жоспар жасап, жаңа стартап жобасын ұсынып, таныстырды.
Тренинг жүргізушінің жас кәсіпкер болуы, әрі оның осы салада қиындықтарды бастан кешіріп, қайта аяққа тұруы жастарға ерекше жігер сыйлағаны сөзсіз. Мұны аталмыш шеберлік сыныбының басты артықшылығы ретінде көрсетуге болады.
Кез келген істе жетістікке жетуде ұстанатын қағида – ерінбей еңбек ету және өзіне деген сенімділікті жоғалтпау. Бизнесте де осы ереженің сақталатынына шеберлік сыныпқа қатысушы жастарымыздың көздері жетті.

Қоғамның басты байлығы – жастар. Тал бесіктен әрбір жеткіншектің бойына рух, жалынды жігер, туған жерге деген сүйіспеншілік, патриоттық сезімдерді сіңіріп, елінің ертеңін ойлайтын тұлға тәрбиелеу қажет. Ел болашағын жарқын, келешегін кемелді ететін – жастар.
2016 жылдың 10 қараша күні еліміздің шырайлы оңтүстік өңірінің Төле би ауданында орналасқан «Бəйшешек» спортты-сауықтыру орталығында Қазақстан Республикасы Дін істері жəне азаматтық қоғам министрлігінің тапсырысымен Еуразиялық келісім қоры «Жастар Отанға» жастар лагері өз жұмысын бастады.
Лагерге республиканың түпкір-түпкірінен жас буын – студенттер мен белсенді жастардың басын біріктірді. Лагерь барысында жастармен жұмыс жасау тəжірибесі бар мамандар семинар-тренингтер, жастардың бойындағы сенімділікті бекіте түсетін ойындар, көпшілік алдында сөйлеу, ораторлық қабілетті арттыру мақсатында пікір алмасулар және мызғымас достық орнатып, жолдастық қатынасын бекем ете түсетін спорттық ойындар ұйымдастыру күтілуде.
Жастар лагерінің ашылу салтанатында əр облыс жастарының басын біріктіріп, достық ортасын қалыптастыру мақсатында 6 топқа бөлінді. 8-9 адамнан жинақталған 6 команда өз тобының атын, ұранын, ерекше өнерін əзірлеп, ортаға салды. Топтарға «Forever friends», «Boom», «Red Bull», «Жұлдыздар», «Айналайын», «Ұлы дала ұландары» деген креативті атаулар қойылды. От шашқан жалынды, жігерлі, жүйрік оймен қанаттанған алғыр жастар өнерден де кенде емес. Əр топ өз өнеріне қазақтың қара домбырасынан төгілте күй орындап, əсем əуезді əндер шырқап, актерлік шеберліктерімен бөлісіп, заманауи би түрлерін паш етті. Ашылу салтанаты би кешімен жалғасын тапты.
Ел тірегі — білімді ұрпақ. Белсенді 50 елмен бәсекеге түсе алатын дәрежеге жету мақсатында қарышты қадамдар жасалуда. Сол жолда келешек тұтқасы – білімді ұрпақ тәрбиеленуде. Отанды көркейту жастардың қасиетті ұраны.

«Жастар Отанға» жастар лагерінің қатысушылары жоба аясында қазақтың белгілі қаламгері, талантты жазушы Мархабат Байғұтпен кездесті. Бұл басқосу Ел Тәуелсіздігінің 25 жылдығына арналды. Мақсат — жастар арасында ұлы тұлғалардың еңбегін насихаттау арқылы еліміздің 25 жылда жеткен жетістігін дәріптеу. Тағылымы мол кездесуде жазушы шығармаларын оқыту арқылы әдебиет құндылықтарын арттыру тілге тиек етілді.

Кездесу барысында жазушы жиналған жастарға Абылай хан заманы өткенсін-ақ дертті болған қазақтың тарихи жадысы мың соққыға ұшырап, аңсап қол жеткізген егемендігіміздің қадір-қасиеті туралы айтып өтті. Сонымен қатар, өзге өңірлерден келген студенттерге қаламгер киелі оңтүстік жері, соның ішінде Төле би ауданының тарихымен де таныстыра кетті.

Кештің соңында отырысқа қатысқан жастар өз тарапынан қызықты әңгімесі үшін Мархабат Байғұтқа алғыстарын жаудырып, өнерлерімен бөлісті. Бірі әдебиеттен жыр шертсе, енді бірі қара домбыраны қолға алып әндетіп берді.

Қазақ халқының басты тағамы – ет. Ұлттық тағамдарымыздың басым көпшілігі еттен жасалатындықтан одан дәмді әрі қуатты ас жоқ. Қазақ баласын еттің түр-түрімен таң қалдыра алмайсыз. Дегенмен соңғы бес-алты жылда біздің нарықта «мәрмәр сиыр еті» деген жаңа ұғым пайда болды. Сонымен «мәрмәр сиыр еті» деген не?


«Мәрмәр сиыр етінің» отаны – Жапония. XIX ғасырдың алпысыншы жылдары пайда болған бұл деликатестің бүгінде 120-дан астам түрі бар екен. Бұл ет түрінің дәмі де, түсі де, өңі де ерекше. Яғни бұлшықеттегі май қабаттары етті сөлді әрі жұмсақ етеді. Бірнеше жылдан бері бұл бағалы деликатес елімізде де өндіріле бастады.



Асыл тұқымды мал шаруашылығын дамыту мақсатында елімізде 2010 жылы «KazBeef Ltd» ЖШС құрылған еді. Инновациялық жобаны «Аграрлық несие корпорациясы» АҚ қаржыландырды. АҚШ-тан «Ангус» және «Герефорд» тұқымды 2 мың бас іріқара әкелінді. Бүгінде мұндағы мал басы 10 мыңға жуықтады.




Кәсіпорын малға қажетті жем-шөпті дайындаудан бастап, төл өсіру, бордақылау, ет және шұжық өндірумен айналысады.


Компания ірі қара малды жасанды ұрықтандыру жұмыстарына айрықша көңіл бөліп келеді. АҚШ пен Канададан ұрық әкелініп, жергілікті мал тұқымын асылдандыру жұмыстары жүріп жатыр.



Жалпы «Герефорд» және«Ангус» тұқымдары біздің ауа райымызға бейім. Жаздың аптабына, қыстың қаһарына төзімді болып келеді. Малды азықтандыру нормасы мен рационды зоотехник әзірлейді. Таңертең берілетін және кешкі жем әртүрлі. Еттің «мәрмәрлі» өрнек алуында жем-шөп пен қоректендіру тәсілдерінің маңызы зор.



Мынау биылғы төл. 6 айлық бұзаулардың салмағы 250 келіге дейін барады. Ал бір жасқа толған тайыншалар 400-450 келі тартады. Ет комбинатына жеткізілетін дөнежіндердің тірі салмағы 750-780 келіге дейін жетеді екен.




Мал сою, өнімді өңдеу мен қаптау цехтары мұнтаздай, ондағы тазалық таңғалдырады. Жұмысшылардың барлығы мұқият дезинфекциядан өтіп қана өз ісіне кіріседі. Әрбір қызметкер алдымен душ қабылдайды, сосын таза жұмыс киімін киіп, арнайы ерітіндіде қолын жуады.




Міне, мәрмәр сиыр еті! Компания өндіретін бұл деликатеске сұраныс жоғары. Тапсырыс негізінен отандық және ресейлік мейрамханалардан келіп түседі.

Бүгін «Жастар Отанға» жастар лагерінің алаңында диалогтық алаң «Жастар ортасындағы әлеуметтік өзгеріс» тақырыбында ұйымдастырылған болатын. Халық айтады ғой: «Шындық даудан туады» диалог үшін алаңдағы дәл осы ұйымның идеясы барлық Қазақстан жастарының қатысушыларға жалпы құнын құруға және тақырыпты терең ұғынуларына мүмкіндік берді.

Бүгінгі таңдағы әрбір жас қазақстандық күнді өзінің Instagram немесе Facebookтағы парақшасын парақтаудан бастайтыны ешкімге құпия емес, бұл оның бірқатар оқиғалар желісінде қалуына мүмкіндік береді. Ақпараттық заманда жаңа заман теxнологиясына төтеп беру қиын, әсіресе ұялы телефон теxнологиясын атап өтсек болады. Дәл осы ұялы телефон бүгінгі таңда сіз бен біздің өміріміздегі қажетті бөлігімізге айналды.

Қатысушы сарапшы ретінде осы шараға қатысқан – қоғамдық тұлға, әлеуметтанушы, блогер — Абен Абдрасилов. Ол өз сөзінің барысында тыңдаушыларға әлеуметтік желінің жалпы, сондай-ақ жас қолданушылар үшін өте дұрыс және керекті ақпараттарды, сонымен қатар бүкіләлемдік желі төңірегінде өзін ұстау мәдениетін атап өтті. Шын мәнінде желідегі мәдениет тек Қазақстан үшін ғана емес, сондай-ақ бүкіл әлем үшін де үлкен мәселе болып қалмақ. Монитордың арғы жағында емес, жүзбе жүз болғанын дәлелдей келе алаң ішіндегі көтерілген тақырып аудиторияны толығымен қамтып қана қоймай, сонымен қатар өзіне 50 белсенді балаларды баурап алған көріністі бақылау өте жағымды әсер қалдырды.

Сегодня на полях молодежного лагеря «Жастар Отанга» была организована диалоговая площадка по теме: «Социальные изменения в молодежной среде». В народе говорят: «в споре рождается истина» именно идея организации площадки для диалога молодежи со всего Казахстана позволила участникам выстроить общие ценности и глубже понять тему.

Ни для кого не секрет, что сегодня каждый молодой казахстанец начинает свой день с пролистывания своей страницы в Instagram или Facebook, это позволяет оставаться ему в череде событии. В информационный век трудно сопротивляется новым вызовам технологии, особенно нужно подчеркнуть – мобильные технологии. Именно смартфон сегодня стал неотъемлемой частью нашей с вами жизни.

Выступающим экспертом на данном мероприятии выступил –общественный деятель, социолог, блогер – Абен Абдрасилов. Он в ходе своего спича, рассказал слушателям о социальных сетях в общем, а так же подчеркнул очень правильную и нужную информацию для молодых пользователей, это культура поведение себя на просторах всемирной сети. На самом деле культура в сети остается большой проблемой не только для Казахстана, но и для всего мира. Тема которая была поднята спикером в рамках площадки вполне оживила аудиторию и было приятно видеть как 50 активных ребят вовлекались в тему, доказывая свою точку зрения, сегодня это было в живую, не за монитором.