Асық ойыны- Үштабан
Үштабан

Ойынға екі немесе оданда көп ойыншы қатысады. 5-6 ойыншы ойнаған қызықтырақ.Әр ойыншыда көнге тігетін үш(асық санын қалауыңызша өзгерте аласыз, тым көп болмағаны жақсы 3-5 аралығы) асық және бір сақа болуы шарт.

Кеше ЕҰУ студенттері арасында жыл сайын наурыз айында өтетін «Қыз Жібек — 2011» байқауы өтті. Бұл байқау қазақтың салт-дәстүрін насихаттау мақсатында былтырғы жылдан бастап ұйымдастырылып келеді. Ұлттық нақыштағы мұндай шаралар іш пыстырып жібереді деп ойлап қалмаңыз. Кеше залда, сенсеңіз, ине шаншар жер болмады. 4 сағаттық байқауды тік тұрып көргендер қаншама… Залға симай, сыртта есік теуіп қалғандар қаншама! Шабарманымызды алдын-ала жарты сағат бұрын жібергеннің өзінде, орынды орта жақтан алдық.

Футболды ұнатпасаңыз да осы роликті қарауыңызды сұраймын.



Нури Шахин Германияның Боруссия Дортмунд командасының капитаны, ұлты түрік. Мына видеоны өздері түсірген басқа қалаға ойынға бара жатқан кезде. Істеген нәрсесі өте қиын нәрсе, уақытты және соққыны өте дәл есептеуі керек. Автобустың алдыңғы есігінен допты жолдағы көпірлердің бірінің астыңғы қабырғасына тигізіп, артқы есіктегі қақпашыға жеткізеді.

Қазақ блогосферасы соңғы уақытта ғарыштық қарқынмен болмаса да, Формула1 жарысындағы жылдамдықтар деңгейімен дамып жатырғаны көңіл қуантады. Жалпы осы біз блогты не мақсатпен жүргіземіз деген ой туындап отырғаны. Сол ойдың жетегімен Сіздерге бірнеше сауал қойсам деймін, қарсы болмасаңыздар.
Сонымен:

1. Блог ашуға түрткі болған себеп?
2. Блог жүргізу Сізге не береді?
3. Блог жүргізудегі мақсатыңыз?
4. Блогтарыңызға жаңа жазбаларды қаншалықты жиі жазасыз?
5. Жазбаны тәуліктің қай мезгілінде толтырғанды ұнатасыз?
6. Жазбаны көбіне қандай көңіл-күйде жазасыз?
7. Жазбаны жазуға не түрткі?

Осыдан үш-төрт жыл бұрын «Астанада жерүсті біррельсті пойыз жолға қойылады екен» деген әңгіме шыққан еді. Шығарса, жөн болар еді, ал әзірге екі көзі төрт (немесе мен секілділері төрт көзі сегіз :) болып) жерүсті пойызды күтпей-ақ, қоғамдық көлікті пайдалануды ыңғайлырақ ету мақсатымен жасалған кішігірім құралмен бөліскім келіп отыр (астаналық қоғамдық көлікті пайдаланушыларға).
Сілтемесі мынау: maps.astana.kz/transport.html

Бізге осы апта аралық бақылау жүріп жатыр. 7 апталық біліміңді қорытындылап, балл қояды. Кейбір жомарт та «түсінігі бар» ағайлар 8 наурызға сыйлық ретінде кейбірімізге үстеме балл сыйлады.)) Ал, үнемі тәртіппен жүретін талапшыл Нұржан ағайымызға мерекені пайдаланып балл үстемелетеміз деген қулығымыз іске аспады. «Қайдағы мейрам? Әлі табандай 4күн бар ғой!»деп құтылып кетті. Көрші аудиторияда болып жатқан 8 наурызға арналған көңілді кешке де бармастан, терлеп-тепшіп, бақылау жұмысын жаздық.

Әйтеуір, университет абыр-сабыр. Қай корпусқа кірсеңіз де, гүл немесе жұмсақ ойыншық ортасында айналасына шуақ шаша сыңғырлай күліп кетіп бара жатқан гүл-қыздарды көрер едіңіз.
Сабақтан соң факультеттің бірінші курс ұлдары ұйымдастырған кешке «арнайы шақыртумен» бардық. ))

-1- курстың қызы кетіп бара жатыр.

-Қыздар, қыздар, сұлу қыздар…

-2- курстың қызы кетіп бара жатыр.

-Жанарың оттай жанып, жүрегімді шоқтай қарып…

-3-4- курстың қызы кетіп бара жатыр.

-Асыл әжем, асыл әжем…

Иә, сөйтіп бізді «әже» деп ардақтап төрге отырғызып, концерт берді)

Одан шығып, тағы да Студенттер сарайында ҚазҰУ-дің 8наурызға арнап ұйымдастырған концертіне бардық. Проректорымыздан бастап, университет академиктері, профессор ағайларымыз, студент жігіттер өз өнерлерін көрсетті. Бастысы — шынайы. Көзілдірігінің үстімен қарап дәріс оқитынына ғана үйренген кәрі ағайларымыз баладай жадырап көз алдыңда ән шырқап тұрса қалай болады? Жылдам әуенге ілесіп, қорбаңдап билесе ше? Мен бұрын-соңды залдың мынадай құрметпен қол соққанын көрмеген шығармын. Ағайларымыз да, апайларымыз да, өзіміз де мәз-майрамбыз. Асылы, мереке дегенің адамдарды бір-біріне жақындата түсе ме деймін, «Мейрам» түсінігін ойлап тапқан адамға кім-кімнің де алғысы шексіз болса керек.
Көгілдір көйлегі көлбеңдеген ерке көктеммен ере келген әлемнің сәнін келтірген әйелдер қауымының мейрамы- 8 наурыз құтты болсын!

Ескерту: Бұл жазба осыдан бірнеше ай бұрын жазылған. Аршаттың бүгінгі айтып отырған оқиғасына қатысты емес болғанымен, жұрттың білгені дұрыс деп санаймын. Ол кезде де wordpress.com блогтары ашылмай қалғаны бар. Дәл сол сәтте жұртқа хабарлайын деп жазба жазып болғаным сол еді, wordpress.com қайта іске қосылған. Содан бері нобайларда сақталып тұрған жазбаны қайта жариялап отырмын. Ол кезде 10060 деген қате түрі көрстеілді.



Жаңа ғана сөйлесіп отыр едік. Айжаннұрдың блогына пікір қалдырып, жазып болып жіберейін десем, осындай жазу шықты. Чаттағылардан сұрасам, оларда мынадай жазу шығыпты:

Невозможно соединиться с удаленным сервером (ошибка 10060)

Попытка установить соединение была безуспешной, т.к. от другого компьютера за требуемое время не получен нужный отклик, или было разорвано уже установленное соединение из-за неверного отклика уже подключенного компьютер

Ал Beeline USB модемінен кіріп отырған адам: «Менде бәрі ашылып тұр» дейді. Сізде ашылып тұр ма?

пысы. суреттегі жазудың мазмұнында «Кешіріңіз бізден бір қате кетті. Қайтара жүктеп көріңіз. Ашылмаса, бізге хабарласыңыз» деп тұр. Күткенімен 5 мин болды  WP бұрын мұндай байқамаппын…

Алматыға келген жылдан бері байқап жүрмін: Қараторғайлар Алматыда қыста кездеседі.

Стереотип бізде мынадай емес пе еді: Қараторғай маусымдық құстарға жатады. Олар суық түскенде жылы жаққа ұшып, көктемнің басында ең алғаш болып ұшып келетін құс. Орыстар құстың ұясын да сол себепті «скворечник» деп атайды. Біз кішкентай кезімізде қараторғай көрсек қуанатын едік «Алақай, көктем келді, енді күн жылынады» деп. Ол көктемнің хабаршысы емес па еді? Тіпті, алқаш еңбек мұғалімі де құстың ұясын жасатқанда, ерте келетін қараторғайлар тоңып қалмау үшін деп соларға арнайтын.

Бірақ Алматыда қараторғайлар қыста қалып қояды. Осы орайда, эколог-биологтарға сұрақ: Бұл құбылыс бұрыннан бар ма, әлде соңғы уақытта қалыптасқан «дәстүр» ме?

1. Қоржынынан ноутбугіңізді алыңыз.
2. Қақпағын асықпай, жай ғана ашыңыз.
3. Қосыңыз.
4. Қасыңызда осыған дейінгі әрекеттерге телміріп отырған жолсерігіңіз экраныңызға қадалып отырғанына көз жеткізіп алыңыз.
5. Өзіңнің сүйікті іздеу моторыңды қос іске.
6. Бір сәтке көзіңді жұмып, терең тыныс алып, басыңды жоғары көтергенсисің.
7. Тағы бір мәрте терең тыныс алып, мына сілтемеге басасың:
www.thecleverest.com/countdown.swf
8. Жолсерігіңнің не күйде екеніне көз сап көр осы кезде…

Осынау бос жатқан иен даланы түйенің қомы, аттың жалында жүріп бізге қалдырған бабаларымыз ер жігітте бес қару болу керек деп санаған.Олар :1. Садақ (кейін келе мылтық. Білтелі мылтықтар мен бердеңкелерді кеңінен пайдаланған). 2. Найза. 3. Қылыш. 4. Шоқпар. 5. Айбалта.Ату қаруына садақты, кесетінге – қылышты, шаншитынға – найзаны, шабатынға – айбалтаны, соғатынға – шоқпарды таңдап бес қару деп атаған.

Садақ.

Құлаты тауға қол салып,
Садақтың оғын мол салып,
Бетпақтың ен бір шөлінен
Төтелеп жүріп жол салып,
Қолды бір бастар ма екеміз?!-деп жырлайды Ақтанберді жырау.