Бақытты болыңыз!!!

Бүгін Аслан Мусин Ақтөбеге келіп, облыстың жаңа әкімін сайлады. Елеусін Сағындықовтың орнына қала әкімі Архимед Мұхамбетов келді.

Жаңа әкім құтты болсын, ақтөбеліктер!

Құрметті Астана керекинфошылары және қонақтаушылар! Жексенбі, 24 шілде күні бас қоссақ па деген ұсыныс бар. Асқардың да жолы түскелі жатыр білем. Жексенбі күнгі нақты уақыт пен мекенді тиянақтылап алайық. Кім қосылады Аршат екеуміздің ұсынысымызға?

UPD: UPD! Патшакөңіл назарларыңызға!
Гостьарбайтердің жұмыс кестесінің тығыздығына байланысты аз-кем өзгерістер орын алып жатыр.
Кездесуді ертең, сенбі, шілденің жиырма үшінші жұлдызына алдырып отырмыз.
ЕРТЕҢ, СЕНБІ, САҒАТ КЕШКІ АЛТЫДА, СОЛ ЖЕРДЕ!
Растап жіберулеріңіз өте-мөте сұралады!

Әркімнің отбасын құру тарихы әр түрлі. Біреулер шын мәнінде қыз-жігіт болып қол ұстасып жүріп үйленеді.Енді біреулер «бешірдегі» шалыс қадамдарынан кейін үйленіп жатады. Менің бір танысымның үйлену тарихы қызық. Үйлену болғанда… болашақ(ол кезде оған үйленетінін ол білмеген) жарымен танысуы. Ораза айыныда болған оқиға. Ораза болғанда да нақ Қадыр түні күні. Сыраға тойып алған танысым өзі тектес жолдастарымен аялдамада шемішке шағып отырады. Өз арамызда «Жібек жолы» аталып кеткен бұл аялдамаға келген жігіттің қыз қолтықтамай кеткені кемде-кем.

Шілденің 20-шы жұлдызында Алматыда ″Қазақстанның Интернет Қауымдастығы″ және “GSM Kazakhstan” ұйымдастырған ″Интернеттегі қазақ тілін дамыту жолдары″ туралы дөңгелек үстел өтті. Басты пікірталастар казақ тіліндегі контентті дамыту, сайттарды басқару жүйелерін қазақ тіліне аудару және веб-терминдер сөздіктерін құру төңірегінде өрбіді.

Дөңгелек үстел жұмысына ҚР Парламенті Мәжілісінің депутаты Мұрат Әбенов жетекшілік етіп, спикер ретінде Жаржан Құлмырза, Руслан Минулин, Рауан Кенжеханұлы, Асхат Еркімбай, Рамазан Ерсұлтан, Владимир Төреханов қатысты. Ең бірінші айтылған мәселе интернеттегі қазақ тілді контентті көбейтуге мемлекеттің атсалысуы болды.

Мұрат Әбенов үкімет бөлген 500 млн теңге қаржының сәтсіз жұмсалғанын мәселе ретінде айшықтады. Осынша мөлшерде бөлінген ақша бар-жоғы 2 сайтты әзірлеуге жұмсалыпты. Бұдан басқа интернеттегі қазақ тілді контент дамуына кедергі болған жайт техникалық мүмкіншіліктер, бүкіл гаджеттердегі қазақ әріптерінің болмауына байланысты жоғары көтеріліп отырған латын әріптеріне көшу мәселелері күн тәртібінде тұрғаны айтылды. Алайда талқылау барысында осы кемшіліктерді жоюдың нақты жолдары да аталды. Олардың арасында контент басқару жүйесі арқылы сайттарды қазақ тіліне аудару жұмыстарына назар аударылды. Бұл тәжірибеге орай “Worldpress”, “Drupal” сайттары арқылы аударма жүзеге асты және жаңа “KazakhGlossary” атты веб-терминдер сөздігі жарық көрді. Бірақ бұл жаңалық жұрт назарына салынғаннан кейін ең бірінші болып “ 100% аударманың % үлесінде тиімділігі қаншалықты?” деп сұрақ қойылды. Бұған жауап ретінде бұл жұмыс әлі жүргізіліп жатқандығы, даму барысындағы процесс екенідігі айтылды.

Өз кезегінде, қазақ тілінің әлеуметтік желілерде дамуына үлес қосып жүрген Руслан Минуллин өзінің “ Let’s speak Қазақша ” жобасының мазмұнын ортаға қазақ тілінде салды. Осымен қатар талқылау үстіне ҚМЭБИ студентерінің Facebook әлеуметтік желісінде “Сөйле” атты қазақ тілі тобын құрғаны және олардың тек он-лайнда емес, сонымен қатар офф-лайнда да қазақ тілінде карым-қатынас жасайтыны айтылды. Қазақша Уикипедиа да өзіне көмек ретінде әр адамның өз қолымен сапалы мақала салып үлесін қосуға шақырды. Қазіргі кезде ағылшын тілінде Википедианың құрамы 3679000, орыс тілінде 738324 мақаладан тұрса, қазақ тіліндегі жас уикипедиадағы мақалалар саны 59776. Оның келешегі әр азаматқа байланысты дейді мамандар.

Асхат Еркімбай жұртшылық алдына көңіл аударарлық мәселені “билингвалды қоғам” деп танытты. Яғни сайттардың көбі орыс және қазақ тілінде болғанымен, жұртшылық сайттардың қазақ тілі бөліміне кіріп көріп, жұмысын орыс тілді бөлімінде жалғастыратынын айтты. Бұған дәлел болғаны “Air Astana” сайтының қазақ тілді бөліміне катысушылар үлесі жылына 5% құраса, бүгінде сайттың қазақ тіліндегі порталынан мүлдем билеттер сатылмайтыны. Бұған себеп халықтың қазақ тілді сайттарға сенімсіздік басым болғаны. Бұған себеп қазіргі кезге дейін қазақ тілді сайттардың жазылу форматында қате көп болғаны.

Жиналыс соңында Рамазан Ерсұлтан өзінің сапалы аударымдарға көмек беретін оқытушы скринкасттарымен көмекке келді. Бұл скринкасттардың қарапайымдылығын олардың 2-3 минуттан аспайтын видео екені дәлелдейді. Жаз мезгілінің аяғына дейін Қазақстан Интернет Қауымдастығы 70-ге жуық скринкаст шығаруды жоспарлап отыр.

Үш сағатқа созылған дөңгелек үстел барысында талқылаулар өте мазмұнды және сапалы өтті деп айтуға болады. Спикерлер бір-бірін сынау арқылы дұрыс жол таба білді деген сенімдеміз. Және интернетті қазақ тілді контенттің тағдыры оған бей-жай қарамайтын адамдардың қолында екеніне көзіміз жетті.

көп жағдайда «флудтап кеттіңдер, жекеге барып, немесе чатқа барып сөйлесіңдер» деген сияқты ескертулер көп кездеседі. мысалы тақырыпқа сай емес коменттер жазу, біреудің бірекі қатесін түзету, таныстардың шүйіркелесіп кетуі, сөзге келіспей айтысып қалу деген сияқты. бір посттың астындағы жүзге тарта коменттердің бәрін оқығың да келмейді. (арасында жақсы пікірлер де болады). «сен анабір посттың сонау жерінде мындай мындай депсің» деген сияқты жеке хаттар да көптеген қиындықтар туғызады. мысалы жеке хат келгенін байқамай қалуы мүмкін, жеке хатта жазылған жерді қарауға еріну.

мен бұл мәселенің мынадай шешімін ұсынамын. жауап жазу дегеннің қасында сыбырлау деген кнопка тұрса. «сыбырласқан» адамдар ғана бірбірінің жазуларын көреді. мысалы «сыбырласқан» жазулар қызыл түске боялып тұрады. ал қалған қолданушылар көрмейтін болады. сол кезде посттың астында басы артық коменттер көрінбей қалады.

түсінікті жеткіздім бе?

— Мама, мені ертең өзіңмен бірге ала кетші…
— Мен жұмысқа барам ғой…
— Мен үйде сенсіз қалсам, менің жүрегім қатты қамығады. Өтінемін, мама, мені өзіңмен ала кетші. Мен сенсіз қалай өмір сүремін?

Барша Керекинфо тұрғындарына сәлем! 3 күннен кейін биылғы түлектер ЖОО-ға грантқа түсу үшін құжаттарын тапсырады. Оқушыларымның көбісі Алматыда оқығылары келеді. Бірақ Алматыдағы универлер жайлы білетіндері аз. Оқушыларым меннен де "Қайсы универ таңдаған дұрыс?" деп сұрап жүр. Менің Алматыдағы университеттер туралы білетінім шамалы. Керекинфоның қолданушыларының 52-сі Алматылық екен. Пікірлеріңіз КЕРЕК! Сіздердің ой-пікірлеріңіз қандай? Мүмкін тағы да қосатындарыңыз бар шығар?

Кешегі Еуропа лигасы матчынан көріністер: