Қазақстанда қыркүйектің соңғы жексенбісінде Еңбек күні аталып өтіледі. Биылғы жылы аталған мереке үшінші рет мерекеленеді.

Атаулы дата қоғамда адам еңбегінің беделін өсіруге, еңбек өнімділігін ынталандыруға, жұмысшы мамандықтарды насихаттауға және жастарды өндіріс саласына тартуға, жұмысшы әулеттердің көп жылдық дәстүрін нығайтуға бағытталған.

Еңбек күнін мерекелеу аясында 23 қыркүйекте сағат 10.00 «Жастар» театры ғимаратында қалалық еңбек Форумы өтеді. Шара барысында «Еңбек жолы» қалалық конкурсының «Үздік еңбек әулеті», «Өндірістің үздік жас маманы» және «Жұмыс істейтін жастардың үздік тәлімгері» номинациялары бойынша жеңімпаздарын, кәсіптері бойынша үздіктерді құттықтайды. Сонымен қатар, спорттық жарыстар, эстрада әртістерінің қатысуымен концерт және басқа да мерекелік шаралар ұйымдастырылады.

astana.gov.kz/kk/modules/material/11395

Twitter Periscope тікелей эфир қызметін қосқаннан кейін Facebook та араға аз уақыт салып, өздерінің тікелей эфир функцияларын қосты. Periscope бастапқыда тек Twitter арқылы ғана болып және барлық смартфон түрлеріне арналмағандықтан аса қатты танымал бола алмады. Бұл олқылықты Facebook жақсы қолданып кетті. Алайда, Facebook қолданушыларының көбі жұртты қызық емес эфирлерімен мезі қыла бастады. Лентаға және ескертпелерге бірінен соң бірі шыға бастағасын бұл функция сүйкімсіз бола бастады. Иә, бұл да желідегі эго қанағаттандырудың бір әдістерінің бірі. Дегенмен, эфирді сүйкімді қылудың жолдарын мамандар айта кеткен екен.

1. Сахна сыртындағы эксклюзивтер
Фанаттардың, көрермендердің әдетте "қолы жетпейтін", көргісі келетін, ресми видеодан тыс нәрселер. Мысалы: сахнаға дайындық, футболшылардың шешіну бөлмесі, редакция немесе офистегі күнделікті істер.

2. Сұрақ-жауап
Жұрттың сұрақтарына жауап беру. Periscope кезінде бұның жақсы үлгісін Жайдарман басшысы Есен Елеукен істеп жүрді. Оқырмандармен, көрермендермен, фанаттармен байланыстың тамаша әдісі.

3. Үйрету
Мини-тренинг немесе вебинар. Бір нәрсенің қалай жасалатынын көрсету, бір нәрсені үйрету. Мысал үшін, тамақ істеу немесе спорт жаттығуларын орындау.

4. Жарнама
Бір өнімді, тауарды немесе қызмет түрін таныстыру, жаңадан шыққан нәрсені көрсету. Кішігірім презентация деуге де болады.

5. Жаңалық
Оқиға орнынан тікелей репортаж. Керемет емес пе?! Ортақ достардың тойы, түрлі марапаттаулар, спорттық жарыс финалы…

6. Ойындар
Қолданушылар арасында өткізілетін түрлі конкурстардың қортындысын шығару, жеребе тарту, тікелей эфирде тапсырма немесе сұрақ қойып, сыйлық тарату.

Сондай-ақ жасырын жарнама үшін де қолдануға болады. Эфир барысында демеуші жақтың бір затын көрсету, эфирді бір ресторанда отырып жүргізу — әдемі жарнама да болып кетеді.

Эфир жасау оңай, эфир жүргізу қиын. Сондықтан эфир жасамастан бұрын оны жұртқа қызықты қылып жеткізуді ойлаңыз. Эфир жиілігін де реттеген дұрыс. Қызық емес эфирлеріңіздің арқасында френд саны да азайып қалады.

Ағылшын премьер лигасының төртінші туры аясында қос Манчестерлік клуб кездескен болатын. Бұл кездесу дербиден бөлек Моуриньо мен Гвардиола текетіресінің жаңа кезеңі. Жаңа маусымда дерби Гвардиоланың пайдасына аяқталды. Алайда бұл тек маусымның басы болғандықтан, чемпиондық атақ туралы ойлауға әлі ерте.
Ойын қонақтардың басымдығымен басталды. Кездесуді он бесінші минутында қорғаушылардың қателігін ұтымды пайдаланған Кевин Де Брейне есепті ашты. Қонақтар гол соққаннан кейін тоқтап қалмай, шабуылдарын үдете түсті. Соның нәтижесінде қақпа алдындағы қарбаласты 20 жасар Келечи Ихеаначо пайдаланып, есепті 2:0 ге жеткізді. Бірінші тайм аяқталуға үш минут қалғанда Златан Ибрагимович есеп айырмасын қысқартты. Екінші тайм барысында есеп өзгеріссіз қалды.
Осылайша, Англияда басталған алғашқы кездесу испаниялықтың пайдасына шешілді. Моуриньо шайқаста жеңілгенімен соғысты жеңуге барын салатыны айдан анық.

Reddit интернет-сервисінің floatyverve нигімен танымал қолданушысы
Құс жолы галактикасының
NASA Spitzer инфрақызыл телескопымен түсірілген 400 мың фотосуретінен 7 минуттық видео құрастырыпты.
Ол әрбір фотосуретті фоторедактор бағдарламаның көмегімен компьютерде өңдеп, саундтрек таңдап, монтаждап,
түрлі-түсті видероликке айналдырған. Осының бәріне 5 ай жұмсалыпты. 400 мың фотосуретті өңдеу дегеннің не екенін елестетіп отырған шығарсыз?

Видеоны қарап отырсаңыз, құдды бір Құс жолымен ұшып бара жатқандай әсерге бөленесіз.
Айтпақшы, видеоның 4k сападағы, салмағы 4,2 гигабайт болатын нұсқасын 2 долларға сатып алуыңызға болады.

Сондай күшті енді

«Досың қазақтан болсын» деген ізгі ниетті, ілтипат сипатты пікірдің аурасына ауырған қазекеме «ащы ақиқаттың өткір шындығын» шырмаған хақ оқиға аса мәлім емес-тын. Ислам әканың «Досың қазақтан болсын. Ол сені сатпайды, бауырмал адал халық» деген сыңайдағы тұжырымын өзбектің БАҚ-ы кеңінен таратып, хассақтардың қазіргі ұрпағы ере жариялады. Ел артынд… аузындағы әңгіме — осы.
Шын мәнінде толық мәтінде «Досың қазақтан болсын. Ол сені сатпайды, бауырмал, адал халық. Бұл далбандарды зато сендерге лақтырып кету оңайырақ болады. Тем более, досың болғасын подлянка күтпейді» деген болатын Өзбасы. Бірақ бізге қалай жетті, солай жетті енді...

Кәрімов әкам өз спортшыларын әр әлемпиадаға аттандырарда: «Сукілер біләт, медаль алғандарың өздеріңе жақсы. Бірақ медаль алмасаңдар да, қазақтан қалғандарың — лоқтық. 1/16-дан тігілсеңдер де, қазақтан ұтылмаңдар нақ!» деп бата беретінін біреу білсе, 17 миллион білмейтін.



Алайда қазақтай қайсар халықтың Қабанбайдай батыр бабасымен қоса, Тазша баладай суайт кейіпкері барын да ұмытпаған жөн болатын. Өзбек басшысының шын пиғылын білетін біздің ақылман ойлы шенеуніктеріміз бен көреген функционерлеріміз «Операция Ө» деп аталған ұлы жоспар құруға кірісті.
Ол — өзбек басшысының көзін құрту еді.
Әрине, тікелей қастандық қылу — адамдыққа жат, жоғары саяси деңгейде орынсыз, қылмыс атаулының үлкені. Олай-бұлай бола қалса, жаны сірі Кастро да емес ол, бір-екі шабуылдан соң-ақ Аид ақсақалдың ауылына аттануы әбден мүмкін еді. Өзбек комитеті де «Моссад» емес дегендей...
Сондықтан, елдегі басқа шаруаның бәрін шешіп қойған (галстуктерін де) біздің ақылмандар іске басқаша кірісті.
Сөйтіп, кабинетке үйренген қауым арасында кіл ығай мен сығайдың басқосуы болды. Бір ірі тұлғаның өз адал еңбегімен тапқан ақшасына салдырған мүбәрак вилласында (енесін, ойнап айтам нақу, ондай вилла жоқ қо), жабық есік жағдайында жиналыс өтті. Есік шынымен жабық болатын. Бақылау камералары дарбаза шетінен өмірге құштар кейіппен қарап тұрды. Вилла қақпасының алдында сұсты, тағдырға ызалы қап-қара иттер мен олардың қап-қара кәдімгі иттері күзетте жүрді. Овчарка мен питбуль болатын соңғылары. Нұрлыбек пен Гриша болатын алдыңғылары.

— Тәәә-әәәкс, ағайын, туыс бауырлар… Кхм, ой, тойыс, әріптестер! Мемлекеттік маңызы бар мәселені талқылауға келгенімізді білесіздер. Қара уылдырықтан ала отырыңыздар. Кімде қандай ұсыныс бар? — деді сөзбасшы.
Бірінші болып иегі жып-жылтыр семіз кісі сөз бастады.
— Исламды құрту үшін сақалы шоқшаларды кеңінен пайдалану жайлы ұсыныс бар...
— Өй, бұл Исламды емес қой олардың құртатыны… — семізді тыйып тастағанға бәрі үнсіз бас изесті. Бір-екеуі «Машалла» деді іштей сыбырлап.
Келесі бір белсендінің:
— Кешіріңіздер, мен айтайын, әлімжеттік желіде жүрген суретке және үш әріптен тұратын мемлекеттік ұйымның есебіне сенсек… — деп қостап келе жатқаны сол еді, сөзбасшы сөзін бөлді.
— Сіз үшін фейсбуктің әлімжеттік желі деп аталатынын білеміз. Ал үш әріп дегеніңіз ЦОН ба?
— Үш әріп деген үш әріп қой. Сол дерекке сенсек, Ислам ақамыз ақтан аздап алыңқырайтын көрінеді.
— Сіз сонда ішімдікке цианид салуды немесе «паленый столичныйды» жібере салуды ұсынасыз ба, блеәт нақұй? — Телевидение жоқта, үй жағдайында мұндай зиялы қауым да өзара осылай сөйлесе беретін.
Әлгіннен үнсіз отырған көзі сығыр жылтыр бет галстугын ағыта, осы жерде сөзге араласты:
— Жоқ, мен ұсынатын басқа идея бар.
— Сөйлеңіз, жепутат мырза.
— Бізге не керек? Әканың әрақты сілтегені керек. Бірақ легально болуы керек пе ол похмель? Болуы керек. Ол қатты ішіп, 79 жастағы организм шыдамай жүріп кетуі мүмкін. Сондықтан повод керек пе? Керек.
Уощм, ел боп, жұрт боп, не қатты қайғыртуымыз керек, не қатты қуантуымыз керек.
— Қайғырту не получится. Ол үшін ескі замандардан қалған 2-3 қазақтың мазары жатыр деп сылтауратып, Жизаққа дейінгі жерді қайта тартып алу керек. Немесе, Олимпиадада алғашқы ондыққа кіріп кетіп, 10 алтын алып, өзбектерді көтте қалдыруға болады. көріп отырғандарыңыздай, екеуі де нереальный нәрсе. Сол себепті, мен сіздерге от обратного қимылдауды ұсынамын.
Ең принципиалды спортымыз — бокста өзбектерден аяусыз жеңіліп, олардан жалпы есепте қалып қояйық. Басқа амал жоқ.
— Сөйтсе?
— Сонда Кәрімов әкам қуаныштан жүзі бал-бұл жанып, қассақтардың аузын тігіп кеттік деп, банкет жағалап, ақаңнан сілтейтін болады. Ал оның ар жағы инсульт емей немене?
— Ғажап идея! Бізде Парламентте мұндай ұсыныстар айтыла бермейді...
Осы тұста спортқа тақырып ауаны ауғанын естіген сығыр көз жұқа кісі көзілдірігін түзеді де:
— Кешіріңіздер, мен ауыр атлетиканың майын ішкен маман ретінде айтайын, біз бұған үлес қоса алмаймыз! Менен кемі 3 алтын шығады! Өзбектерде өзі ауыр атлетикада бір ғана фаворит бар, оның өзі біздің чемпионнан ұтылады. Біз Қазақстанды жалпыкомандалық есепте көтермесек, түсіруіміз қиын… Екінші жаттығуда мықты спортшыларымыз бәрінен…
— Тәк, сен өйтіп неғыма! Ал мен спортқа жауапты тұлға ретінде Ильиніңді де, басқасын да қатыстырмаймын! Басқа, әлсіз спортшылар жіберіңдер! Иә, айтпақшы, штанга көтеру екі жаттығуға бөліне ме не?
— Левеке, бұныңыз қалай?! Олар көп жыл дайындалды емес пе?
— Все, все, әңгіме бітті! Себеп табамыз. Бұрынғы жүлдесімен қосып тартып аламыз. дәрі іштә, үйтті-бүйтті деп шығарып жіберіңдер. Олар итак пәтер-мәшінелерін алып алды.
Келесі, бокстан қысылуымыз керек. Өзағамдар өзі ыштанга көтеру мен бокстан басқа спорттан алтын медаль ала алмайды. Бізге лимит — бір алтын, чтобы халық шуламау үшін. Қалған выскочкаларымызды қысып, құлатып, ал өзбектерді көтеру керек.
— Кешіріңіз, бізде кемі 3-4 спортшы алтынға үміткер. Өзбектермен шамалас медаль аламыз деп тұрмыз.
— Никаких шамалас! Бір алтын болсын, ана Даниярды ваще құлатып тастаңдар, онсыз да алтынды көп алады ол. Тем более, вахабиттермен араласа ма, бірдеңе.
— Ол баланы құлату қиын. Қалай да алады ол. Вот, Иванды көндіруге болады. Вася деген спортшы көнбейд, бірақ орыс қо, мейлі, оның үстіне ешкім ол үшін тұрмайды. Соны қысып жібереміз, алтын болмауын қадағалаймыз.
— Әділбек ше? Ол да фаворит қо.
— Әділбек? Алтын? Пхахаха, ағасы, осы екі сөздің бір-біріне кереғар, үйлесімсіз екенін көрмейсіз бе?!
— Уощм, өзбектерді алға шығарыңдар. Жеке матчта жеңілсін бәрі. Ана Біржанға айт, өзіміздің бала ғо, таяқ жесін кездесіп жатса.
— Көрерміз енді… Құраманың бапкері өзіндік пікірі бар жігіт еді…
— Қой, сөзді қой. Егер де дейді, кімде-кім дейді, тыңдамаса дейді, орнынан аламыз деңдер дейд та!..
— Жақсы, жолдастар! Ендеше, алдымызда Ұлы даланың ұлы мақсаты тұр. Барлығы еліміздің болашағы үшін. Бәлки, біздің ерлігіміз бен еңбегімізді ұрпақтар білмей кетер, бірақ біз оған мұңаймаймыз. Үлкен саясат болғасын, ондай-мұндай болад… Тарихтың парақтары әлі-ақ ашады айқара…
— Онда шартты түрде «Операция Ө» деп аталған жасырын жобаны бастауға пәрмен беремін!

«Операция Ө» деген атау — мысалы, Өзбек, не Өлімпиада, не Өлім болып дешифрленетінін біз білмейміз. Алайда, оқиғада баяндалған барлық жоспар соңғы сағаттарда орындалып үлгерді деседі. Ол үшін тіпті Сотомайорды да жығуға тура келіпті-мыс. 22-орын — қазақ спортының кемшін қалуы емес, көреген функционерлердің сарабдал саясаты ғана екен.
Ал Ислам әка сол жеңісті қуаныштан 3 күн ішіп кетіп, банкеттің алдын бермей, тост айтыпты. Содан жүрек шіркін шыдамай жүріп кеткен екен.
Көпке қолжетімсіз ақиқат оқиға осылай болған деседі. Бірақ кім білсін, бұл өмірде болмаған оқиға да болуы мүмкін ғой, жиынның қазақ тілінде өткеніне қарасақ…

Жазбада сіз ұқсатқан кейіпкерлер жай ғана сәйкестік, өмірдегі тұлғалармен ұшырасуы кездейсоқтық болып табылады.

Қазақстанның қазіргі мақсаты әлемдік аренада имиджін қалыптастыру. Осы орайда аламан спорттық жарыстардағы спортшыларымыздың жеңісі елімізді танытудың тиімді жолы деп тапты билік. Сол себепті де Олимпиада чемпиондары мен жүлдегерлеріне берілетін сыйдың, қаражаттың сомасы жылдан-жылға ұлғаюда. Ал, меніңше, спортшылардың мотивациясын жеңістен кейінгі қаражатпен арттырып емес, о бастан жағдайын жасағаны жөн сияқты. Еліміздегі спорт мектептері қажетті құрылғылармен жабдықталған, жақсы қаржыландырылады деп айта алмаймыз.
Қарағанды облысы, Абай қаласында орналасқан «Абай аудандық балалар мен жасөспірімдер спорт мектебі» мемлекетіміздегі үздік спорт мектебінің бірі. Мектеп ғимарат ретінде 1966 жылы ашылғанымен, негізі одан ертерек қаланған. Алдыңғы постта мектептің негізін салған Андрей Богданович Райш мектеп тарихы мен шәкірттері жайлы толыққанды әңгімелеп берген болатын.



Мектептің мықтылығын оның даңқты спортшыларынан байқауға болады. Еуропа чемпионы Серік Нұрқазов, Сидней олимпиадасына қатысқан халықаралық дәрежедегі спорт шебері Данияр Мұңайтпасов, екі дүркін әлем чемпионы, Лондон Олимпиадасының алтын медаль жүлдегері, Вэл Баркер кубогының иегері Серік Сәпиев, халықаралық дәрежедегі спорт шеберлері Александр және Виктор Зарочинцевтер осы мектептің тәрбиеленушілері. Сондай-ақ, бұл спорт мектебінің қабырғасынан Республикамыздың еңбек сіңрген бес бапкері шыққан. Ал қаншамасы Ресейдің үздік бапкерлері мен спортшылары атанды. Солардың бірі Наталья Рагозина, Олег Маскаев. Төрт жыл сайын ұйымдастырылатын Жазғы Олимпиада ойындарына да Абай спорт мектебінің түлектері жолдама жеңіп алады. Риода өткен Олимпиадада он тоғыз жасар боксшы Абылайхан Жүсіпов пен жеңіл атлет Флорида Миниянова өнер көрсетті.

Елу жылдан артық тарихы бар мектептің жағдайы қандай?



Бүгінде Абай спорт мектебінде 9 секция белсенді жұмыс жасайды. 722 тәрбиеленуші спортпен шұғылданады.



Ғимараттың алдыңғы бөлігі керамогранитпен қапталып, терезелері пластикке ауыстырылған демесеңіз, ішкі жағдайы мүлдем басқаша.









Боялған ескі едендер, тозығы жеткен грушалар, аядай киім шешетін бөлме, кеңес үкіметі кезінен қалған стендтер. Жалғыз бір залдан ғана жаңа құрылғылар көрдік.



Бұл тренажер залын Болат Алтынбеков есімді жеке кәсіпкер сыйға тартқан. Сондай-ақ Руслан Тушиев атты мектеп түлегі де талай мәрте қаржылай көмек көрсеткен екен. Серік Сәпиевтің Пекинде өткен Олимпиадаға қатысуына осы азамат демеушілік еткен. Тек Қарағанды облысы бойынша ғана емес, Республика деңгейіндегі ең мықты спорт мектебі болғанымен, ең аз қаржыландырылатын мемлекеттік мекеме. Мектеп тек жаттықтырушылардың ынтасымен ілгері жылжып келеді. Басшылық қолдан келгенше жөндеу жұмыстарын жүргізіп тұруға тырысады.



Тағы бір деректі назарларыңызға ұсынғым келеді. 2009 жылы Қарағанды облысының туризм, дене шынықтыру және спорт басқармасының жарылғысымен «Абай қаласының балалар мен жасөспірімдер спорт мектебі» «Абай ауданының балалар мен жасөспірімдер спорт мектебі» коммуналдық мемлекеттік мекемесі болып ауыстырылыпты. Осы мектептің негізін салып, талай жаттықтырушы мен спортшыны баптаған Андей Богданович Райштың аты неге берілмейді деген ой туындайды.

(Мектеп туралы қысқаша ақпарат 2 минут 22 секундтық видеода)



Қажетті ақпаратты ұсынғаны үшін жетекші қызметін атқарушы Зейнешев Камараддин Рашидовичке алғысымызды білдіреміз.

Оқушылар Сарайында «Жеке Бас дамуы» атты Қайырымдылық Форумы өтті, оған Канада, Ресей және Қазақстан спикерлері катысты. Барлық жиналған қаржат «Best for kids » ҚҚ-нан " Handmade " балалар жәрмеңкесін қолдау үшін бағытталды.

Бұл қайырымдылық форумын «StopLazy» атты француз қауымдастығы ұйымдастырды.

Форумында қазақстандық бизнес-тренерлерімен қатар әр түрлі салалар бойынша білім беру мастер-класстарын өткізіп жүрген әлемдік сарапшылар шақырылған болатын.

Сол кеште қонақтар пайдалы ақпараты Гил Петерсилден, Филипп Богачевтан, Динара Сатжаннан, Мерей Мустафинадан, Ерлан Ахметовтан, Данил Файзуллаевтан, Болат Башеевтан және Меруерт Жунусбектен алды.

« Біз елорда тұрғындарына адам өмірінің әртүрлі саларында дами алатынын толық өмір философиясын көрсеткіміз келеді.Біз жиі байқап отырамыз, көбісі өмірдің бір саласына ғана көп көңіл аударады, мысалы, мансап, немесе өзінің денсаулығы туралы ұмытып не әуесқойлықты тастап, отбасы мен достарын ұмытып, назар аудармай калады"-дейді, бірлестіктің негізін қалаушы «StopLazy» Вадим Костерев.

Форумында қатысушылар шын мәнінде өз өміріне басқа қырынан қарады.

Қазірдің өзінде біз Форумға қатысушылардан елуден астам алғыс хат алып және күнделікті хаттар алып отырмыз.»

Іс-шараға балалар үйлерінің тәрбиеленушілері және мүмкіндіктері шектеулі адамдар қатысты. Осы іс-әрекеттің басты мақсаты — Астана қаласындағы халықтың түрлі топтарын біріктіру және барлығына тең мүмкіндіктерді беру.
Жалпы алғанда форумға 400-ден астам адам жиналды, олар спикерлерден сабақтар үйренумен қатар қайырымдылыққа да ықпал етті.

Бүгінде 3000 ерікті іріктелді, олардың көбі ЖОО студенттері. Тыңдаушылардың бірінші тобы дау-дамайларды шешу бойынша тренингтен өтті. Астаналық еріктілермен бірге елордада супервайзерлер де білім алды, олар өз тәжірибесімен өңірлердегі әріптестерімен бөлісетін болады.

2017 жылға дейін 4500 ерікті дайындықтан өтеді. Көрме аумағында қонақтармен еріп жүретін еріктілер ЭКСПО-қалашығы инфрақұрылымының объектілері мен элементтерінің орналасу орны туралы хабардар етеді, басқалары – келушілерді билеттендіру; жеке заттар жоғалған жағдайда, көмек көрсетуге және іздестіру бюросымен ынтымақтасу; медпунктердің қызметкерлеріне көмек көрсетуге және көрме әріптестері мен демеушілерімен бірге жүруге жауап береді.

Сонымен қатар, еріктілер кешен тұрақтарын бақылайды, көліктің уақытылы ұсынылуын және көрмеге келушілер мен қатысушыларды автобус аялдамаларына жібереді. Ресми делегациялардың мүшелерін қабылдап, олармен еріп жүретін бөлек топ құрылады. Бұқаралық ақпарат құралдарының өкілдеріне баспасөз үшін жауапты көмекшілер көмектеседі.

ЭКСПО-2017 еріктісі болуға ниет білдірушілер expo2017astana.com. сайтында сауалнама толтыра алады.

astana.gov.kz/kk/modules/material/11210

Рио-де-Жанейрода өткен төрт жылдықтың басты додасында еліміздің намысын қорғаған спортшылар елордаға оралды. Оларды қарсы алуға Астана қаласының әкімі Әсет Исекешев пен ата-аналары, сондай-ақ жанкүйерлер келді.

— Бүкіл мемлекет, халық болып сіздерге қолдау көрсеттік, сіздер төрт жылдықтың басты жарысында лайықты өнер көрсетіп, 22-орынға табан тіредіңіздер. Мен ата-аналарыңызды, бапкерлеріңізді осы ұлы жеңіспен құттықтаймын! Ең бастысы, сіздерді көріп, мыңдаған баланың бойында спортқа деген құлшыныс пайда болды. Осының барлығы Мемлекет басшысы – Елбасы Нұрсұлтан Әбішұлы Назарбаевтың дені сау және спорттық ұлтты тәрбиелеу бойынша саясаты үшін аса маңызды, — деді Ә. Исекешев.

Қала әкімі Риодан оралған барлық спортшыларды құттықтап, елордалық атлеттерге жеке алғысын білдірді.

— Сапарға аттанарда алтын медаль үшін таласуға уәде бердіңіздер. Нағыз капитан ретінде Данияр турнирді сенімді өткізіп, финалда әдемі жеңіске жетті. Біз сені мақтан тұтамыз, бәріміз де сен үшін уайымдап, қолдау көрсетуге тырыстық. Василий, біз сені олимпиада чемпионы деп есептейміз. Оны өзің де білесің. Өмірде бәрі де болады, дегенмен, алар бәйгең әлі алда екеніне сенімдімін, сен біз үшін чемпионсың. Гюзель Манюрова өзінің әлемдік дәрежедегі спортшы екендігін дәлелдеп, үшінші мәрте олимпиада жүлдесіне қол жеткізіп отыр. Осындай батыр ұл-қыздарымызды тәрбиелеп, өсірген ата-аналарға, жаттықтырушыларға және спортшыларымызға рахмет, — деді қала басшысы.

Елорда әкімі Олимпиада чемпионы Данияр Елеусіновке, күміс жүлде иегерлері Василий Левит пен Гюзель Манюроваға «темір тұлпарлардың» кілтін табыстады. Спортшылар осы көліктермен әуежайдан үйлеріне жол тартты. Әсет Исекешев жоғары спорттық жетістікке қол жеткізгені үшін Мемлекет басшысының тапсырмасымен олимпиада жүлдегерлеріне елордадан пәтер берілетінін атап өтті.

Риодағы олимпиаданың еркін күрестен күміс жүлдегері Гюзель Манюрова өз қуанышымен бөлісті:

«Қымбатты астаналықтар! Кеш болғанына қарамастан бзді қарсы алып жатқандарыңызға рахмет. Сүйіспеншіліктеріңіз бен қолдауларыңыз үшін рахмет. Біз Риода жүрсек те бәрін сезіп, біліп жүрдік. Үлкен рахмет сіздерге»,- деді ол. Спортшы жарысқа аттанарда сенім артып, сәттілік тілегені үшін елорда әкіміне алғысын білдірді.

Қазақстандықтардың мақтанышы, бокстан олимпиада чемпионы Данияр Елеусінов барлық жанкүйерлерге және жарыста жанында болған бүкіл командаға ризашылығын жеткізді. Чемпионның айтуынша, олар да ортақ жеңіске қол жеткізу үшін елеулі үлес қосты.

«Мұхиттың ар жағында болғанымен біз сіздердің қолдауларыңызды сезіндік. Бізге жағдай жасағаны үшін Мемлекет басшымызға, Астана әкіміне рахмет. Осындай жетістікке қол жеткізуіміз жаттықтырушыларымыздың да ерен еңбегі, барлық бапкерлерге, менің жеке бапкерім – әкеме, бас жаттықтырушыма, қол ұшын созған азаматтардың бәріне: дәрігерлерге, психологтарға алғыс айтамын», — деді Д. Елеусінов.

Спортшылардың ата-аналарының атынан Татьяна Левит жанкүйерлерге қолдауы мен қазақстандық олимпиадашыларға құрмет көрсеткендері үшін алғысын білдірді.

Еске салайық, Рио-де-Жанейродағы жазғы олимпиада ойындарының қорытындысы бойынша Қазақстан құрамасы түрлі дәрежедегі 17 жүлдеге қол жеткізіп, жалпы командалық есепте 22-ші орынға табан тіреді.

astana.gov.kz/kk/modules/material/11205

Үш тілде оқыту биылғы жылы, тіпті 2017, 2018 жылы да емес, тек қана 2019 жылдан басталады және тек қана 10-11 сыныптарда жүргізіледі. Алдағы үш жылда кадрларды даярлау жоспарлары іске асырылады.

Инварианттық бөліктегі пәндерді оқыту тілі мынадай болып анықталды:

— қазақ тілінде оқытатын мектептердің жаратылыстану-математикалық бағыттағы 10-11 сыныптарында 2019 жылдан бастап барлық пәндер қазақ тілінде, тек қана физика, химия, биология, информатика – ағылшын тілінде, дүние жүзі тарихы, орыс тілі мен әдебиеті – орыс тілінде жүргізілмек. Вариативтік компонентті оқыту тілі – мектептің өз еркінде болады. 2019 жылға дейін мектептер жаратылыстану-математикалық бағыттағы пәндерді оқыту тілі ретінде ағылшын тілін таңдауға құқылы.

— орыс тілінде оқытатын мектептердің жаратылыстану-математикалық бағыттағы 10-11 сыныптарында 2019 жылдан бастап, барлық пәндер – орыс тілінде, тек қана физика, химия, биология, информатика – ағылышын тілінде, Қазақстан тарихы, қазақ тілі мен әдебиеті – қазақ тілінде жүргізіледі. Вариативтік компонентті оқыту тілін таңдау мектептің өз еркінде болады. 2019 жылға дейін мектептер жаратылыстану-математикалық бағыттағы пәндерді оқыту тілі ретінде қазақ және ағылшын тілдерін таңдауға құқылы.

2019 жылға дейін жаратылыстану-математикалық бағыттағы пәндерді ағылшын тілінде оқытуға өз еркімен көшкен мектептер үшін Министрлік қорытынды аттестаттауды пәндер бойынша қазақ, орыс, ағылшын тілдерінде дайындайды.

2017 жылы көктемде 9-11 сыныптарға арналған үш тілдегі емтихан материалдары әр мектепке жеткізілетін болады. Мектеп бітіруші қорытынды аттестаттау кезінде тілді таңдауға құқылы болады.

Сонымен қатар, мектеп бітіруші түлек қазақ тілі және әдебиеті пәні бойынша міндетті емтихан тапсыратын болады.

bilimnews.kz