Жамбыл облысында дүниеге келген Қайрат Жүнісов — композитор, әнші, Қазақстан Жастар одағы сыйлығының лауреаты, «Үкілі үміт» республикалық композиторлар байқауының лауреаты. Композитордың халық арасына кеңінен таралған «Қарындасыма», «Қыз — қызғалдақ», «Ықыластың қобызы», «Алматының түндері-ай» атты әндері бар.
28 қыркүйек күні Қайрат Жүнісовтың шығармашылық кеші өтті. Ол кеште Бәйтерек тобы, Қайрат Баекенов, Формат тобы, Маржан Арапбаева, Дос сияқты танымал жұлдыздарымыз өнер көрсетті.

Қазақстанның халық әртісі Роза Рымбаеваның ұлы Әли Оқапов клиптерінің бәрін Қазақстанда түсіреді. Ол: «Көп әртістеріміз шетелге барып, клип түсіріп келгенді ұнатады. Өкінішке қарай, ол клиптердің бәрі халыққа ұнап кетіп жатқан жоқ. Мен отандық клипмейкерлермен әрі сцеранист ретінде, әрі режиссер ретінде жақсы тіл табысып жұмыс істей аламын,» — дейді. Әлидің әрі әнші, әрі биші қасиетінен бөлек режиссерлік, сценарий жазушы ретінде де өнері бар екенін сұхбатымыздан білдік.

Көпті актерлығымен тәнті еткен «Шал» фильмінде басты рөлді сомдаған Ерболат Тоғызақов өз өнерін керемет бағалайды. Керемет рөлді сомдау қолынан келгеніне өзі де таң қалуда. Кино барысында ғана емес, өмірде де футболды жақсы көретінін айтады. «Мен әлі жуық 50 жыл ішінде сұраныста боламын,» — дейді актер Ерболат.

«Вокзалда танысқан қыз» атты керемет позитивті әнмен бірден танымал боп кеткен Серік Ибрагимов тойларда кейде ғана жанды дауыспен ән айтады екен, көбіне фонограммамен ән салады. «Жанды дауыспен ән салғанды талап ететін концерттеріміз көп болса екен. Сонда бәріміз жанды дауыспен өнер көрсететін едік,» — дейді Серік.

Сахнамызға этно стильді сәнге айналдырған, ұлттық аспаптардың құнын арттыра түскен әншілердің қатарында Алашұлы тобы алғашқы қатарда тұрады. Әні де, қазақи мінез де, биі де, бәрі-бәрі үйлесіп тұратын бұл топты халық бірден жылы қабылдады. Тіпті, фанат қыздарының қатары да бірден артты. Осы уақытқа дейін 5 клип түсіріп үлгерген өнерлі жігіттер: — «Билеп жүріп, ән айту оңай емес. Көп еңбекті талап етеді. Түрлі қимылдар жасап тұрып, демді бір қалыпта ұстап тұру өте қиын,» — дейді. «Біздің репертуарымызда туған жерге, елге, ұлтқа деген махаббат туралы әндер бар. Ал, қыз бен жігіттің арасындағы махаббат туралы ән топтың репертуарында жоқ, болмайды да,» — дейді Алашұлының патриот жігіттері.

Сұлулығымен, өнерімен, шығармашылығымен, қылығымен жігіттерді ғана емес, қыздарды да тәнті ететін Жанар Дұғалова адамды табысқа жетелейтін алдымен адамгершілігі екенін айтты. «Адамның адамгершілігі, еңбекқорлығы, өз ісіне деген адалдығы табысқа жетелейді,» — дейді Жанар. Ал, өзін өте күйгелек, сезімтал, қызуқанды жан деп сипаттап берді. Өзінің бала күнгі орындалмаған арманы туралы да бізбен бөлісті. Сұхбатты мына сілтеме арқылы көре аласыздар.

Өткен ғасырдың бел ортасы ауған тұста Арал теңізі тартыла бастап, Тәуелсіздік табалдырығын құрғаған теңізбен аттадық. Тоқсаныншы жылдардағы тоқыраудан кейін, жаңа ғасырда жаңа бастамалар қолға алынды. Теңіздің Солтүстік бөлігін сақтап қалуда қам-қарекет жасалды. Қиын күндерді артқа тастаған теңізді жағалай қоныстанған халықтың тыныс-тіршілігімен танысу мақсатына Арал өңіріне арнайы бардық. Көзіміз қаз-қатар тізіліп тұрған кемелерге түсті. Әрине, бұлар – өткен күннен қалған белгілер.

Аралдықтарға қайта үміт сыйлаған теңізге тоқталатын боламыз. Алдымен бүгінде тарихи жәдігерге айналған көріністерді шолып шығайық. Мынау –«Арал» мейрамханасы. Кезінде теңіздің толқыны осы жерге дейін келіп, қалаға қарай ентелеп тұрған.

Уақытында дәл осы жерде теңіз порты болды.

Ақ желкенін көтеріп, теңіздің толқынына қарсы жүзген «Лев Берг» кемесі өткен күннен сыр шертіп тұр. Яғни, кеменің ішін мұражайға айналдырыпты.


Мұражайдағы ең құнды жәдігер. Бұл – 1925 жылдан бастап Арал балық шаруашылығын басқарған 15 басшы отырған үстел.

Өткен ғасырдың жетпісінші жылдары теңізде су маржанының 30-дан астам түрі болған. Сол балықтардың барлығы мұражайда сақтаулы.

Денсаулық, мәдениет, өрт, құқық қорғау органдарның мамандары арнайы құрал-жабдықпен жасақталған көлікпен қызмет көрсететіні белгілі. Ал Аралда әр салаға тиесілі арнайы кемелер болған. Осындай кемелермен елді-мекендерді аралап, қызмет көрсеткен.

Мына құралдың аты – шығыр. Жылым яғни, ау тартуға арналған. Қыстыгүні мұздың үстіне орнатылып, түйеге жегіледі. Екі өркешті жануар осылайша жылым тартады.

Түйелер мен жылқыларға арналған шаналар.


Балықшылардың қайығы.

Табанынан су кетсе де, жүрегінен жыр кетпеген аралдықтар қиыншылыққа мойынсұнған жоқ. Халықтың еңбексүйгіштігі, ертеңгі күнге деген сенімділігі болар, Кіші Арал қайта қалпына келе бастады. Елбасының бастамасымен «ғасыр жобасының» алғашқы кезеңі сәтті жүзеге асты. Қазір балықшылар ата-кәсіптеріне қайта кірісті.

Жұбатқан Аймұратов бала күнінен балық аулайды. Ол есейгенде теңіз де тартыла бастады. Содан басқа саладан нан табуға тура келді. Дегенмен, ешқандай іске зауқы болмай, киім-кешегін жинап, Балқашқа бет алады. Сол жерде үйреншікті кәсібімен айналысады. Теңіздің қайта оралуымен Жұбатқан аға да туған жерге келіп, кәсібіне қайта кірісті.

Қазір теңіздің құрғаған 870 шақырымын су басып, балық түрлері көбейді. Судың тұздылығы төмендеді. Бұрын балықтың бір түрі қалса, қазір су маржанының саны жиырмадан асты. Балық аулау көлемі – 400 тоннадан 5 мың тоннаға жетті. Теңіз Арал қаласына 17 шақырымға дейін жақындады.

Балықшылар кешқұрым теңізге ау салып, таңмен таласа несібелерін алуға су айдынына шығады.

Олар ауа-райының да кері әсер ететін айтады. Желді күндері су маржанын ұстау қиынға соғады екен. Бірақ әрқайсысы несібелеріне қарай күніне 100 келіге дейін балық аулайды.


Айдыны шалқыған, шағаласы қалқыған, балығы тайдай тулаған көк теңізді жайлаған киелі қоныстағы тіршілік осылай жандана түсуде. Шағалалар балықшылардың басты бәсекелесі екен.


Жанұзақ Есендіков – өз ісінің хас шебері. Ауға түскен балықтарды ыждахаттылықпен алды.

Аудың бағасы 100 — 150 мың теңгенің аралығында екен. Балықшылар бір ау алты айға дейін жарамды дейді.

Мұнда балық арзан. Келісі 20 теңгеден басталады. Ең қымбаты тісті балық. Оның келісі – 400 теңге.


Бұл – Тастүбек елді мекенінің тұсы. «Бақыт» шаруа қожалығының қызметкерлері теңіздің басынан су маржанын өлшеп, қабылдап алады. Балықшылардың еңбекақысын сол жерде бірден есептеседі.

Бұдан соң өнім шағын мұздатқыш цехтарға жеткізіледі.

Онда балық алдымен тазаланып жуылады.


Мұнда күніне 5 тоннаға жуық балық әкелінеді. Су маржанын тазалап жуғаннан кейін, түрлеріне қарай бөледі.

Содан соң 25 гардус салқындықта тоңазытқыштарда қатырылады.


Облыс басшылығана Қырымбек Көшербаев келгеннен кейін, балық консорциумы құрылды. Өнделмеген балықты облыс аумағынан шығаруға тыйым салынды. Бұл бастама өңірімізде балық өңдеу зауыттарының қатарын көбейтуге сеп болды. Соңғы 5-6 жылдың көлемінде ондаған балық өңдеу кәсіпорындары ашылды. Бүгінде олардың жылдық қуаттылығы – 11 мың тоннаның үстінде. «Арал балық өңдеу» ЖШС зауыты – ең үлкені.

«Камбала балық» балықшылар өндіріс орталығы ЖШС 2005 жылы іске қосылған. Бұл зауыт жылына 2 мың тонна балықты шетелге экспорттап отыр.

Жалпы, зауыттарға келген су маржандары екі-үш қайтара таза сумен жуылып, бөлшектеп кесіледі.

Балық өңдеу көлемі соңғы бес жылда 4,5 есеге артты. Өнімдердің экспорттық әлеуеті де жоғарылап келеді. Мәселен, 2012 жылы облыстан құны 3 млн. 626 мың АҚШ доллары болатын 724 тонна балық өнімі сатылды.

Ал 2013 жылы 411,2 тонна балық өнімдері Литва, Түркия, Грузия, Польша, Әзірбайжан, Өзбекстан, Ресей мемлекеттеріне экспортқа шығарылды. Эспортқа шығарылған негізгі өнім – мұздатылған балық пен көксерке балығының филесі. Ал биылғы жылдың 8 айында 362,3 тонна балық өнімдері шет ел асты.

Мынау балықтың алқымы. Дәмі тіл үйреді. Арнайы қаптама қапталып, сатылады.

Бір ғана «Камбала балық» балықшылар өндіріс орталығында су маржанының 13 түрі өнделеді.

Филеден бөлек, су маржандары ысталады, кептіріледі. Барлығы соңғы технологиямен жасалады.


Қақталған балық тұтынушыларға ыңғайлы қаптамаға да салынып сатылады.


Балықшылардың өмірі бейнетке толы екенін көрдік. Ақ ша­ғалалар қаңқыл қағып, сары сазандар мен ақ тырналар тіршілік тыныстарын кеңейткен өңірдің болашағы зор. Кезінде үдере көшкен аралдықтар туған топы­рағына қайта келіп, теңіз төс­кей­ін­дегі қайықтарының ақ желкен­де­рін қайта көре бастады.

«Ғасыр жобасының» екінші кезеңін қаржыландыруға байланысты жақында жиын өтті. Дүниежүзілік банкінің Орталық Азия бойынша өңірлік директоры Сародж Кумар Джа Сыр өңіріне арнайы келіп, жобаның екінші кезеңін жүзеге асыруға ҚР Үкіметімен меморандумға қол қойды. Енді жыл соңына дейін құжаттар рәсімделіп, келер жылы құрылыс жұмыстары басталады. Жоба жүзеге асқан уақытта Солтүстік Арал теңізінің су басу ауданы 3151 шаршы шақырымнан 4645 шаршы шақырымға дейін ұлғаяды, теңіздегі судың көлемі 27,1 текше шақырымнан 51,17 текше шақырымға дейін артады, балық аулау көлемі 30000 тоннаға жетеді. Сондай-ақ, балық шаруашылығы саласында 3 мыңға жуық жаңадан жұмыс орындары ашылады. Ал теңіз айдыны мен Арал қаласының арақашықтығы 1 шақырым болады. Сондықтан айбынды Аралдың келешегі кемел.

Елбасы Нұрсұлтан Әбішұлы Назарбаевтың “Мен Аралға кө­мек­тесемін деген арманыма жеткеніме қуаныштымын” деген сөзі барша аралдықтардың жүрегіне мәңгілікке жазылып қалды.

сілтеме

Оңтүстік Кореяның Инчхон қаласында Жазғы Азия ойындарының негізгі жарыс күні бүгін басталды. Алғашы нәтижелеріміз жаман емес. Лондон Олимпиадасында Александр Винокуров алтын алып, сол жеңісті жол соңғы күнге дейін жалғасып еді. Бұл жолы да сол бақытты сәт ұзағынан болсын деп тақымды қысып отырмыз.
Жиырмасыншы қыркүйекте жарыс жолына алдымен құралайды көзге мергендер шықты. Қыздар 10 метрлік қашықтықтан, жігіттер 50 метрді нысанаға алды.
Юлия Дришлюк 27, Зәуреш Байбосынова 30, Юлия Комендра 34-ші орыннан әрі аса алмады. Ерлер арасында Владимир Исаченко 12, Вячеслав Подлесный 28 Рашид Юнусметов 31-ші орынмен шектелді.

Қоржынымызға алғашқы алтынды ауыр атлетикадан 17 жастағы Маргарита Елисеева салды. Ең жеңіл салмақтағы аруымыз қарсыластарынан оқ бойы озып кетті. Екінші орын алған индонезиялық Агустиани жеті келіге қалып қойды.
1. Маргарита Елисеева (Қазақстан) — 194 (88 + 106)
2. Сри Вахьюни Агустиани (Индонезия) — 187 (80 + 107)
3. Мальо Тогоева (Өзбекстан) — 187 (81 + 106).

Екінші алтынды дзюдодан Елдос Сметов еншіледі. Бұл қазақ дзюдосы тарихында сары құрлық ойындарындағы алғашқы алтын. Жастар арасында тұңғыш әлем чемпион атанған 22 жастағы жамбылдық спортшы қуаныштан жылап жіберді. Сметов осымен тоқтап қалмай, келесі жылы Астанадағы әлем біріншілігінің алтынын да алады деп үміт білдіреміз.
Елдостың алтынынан бөлек, екі қоламыз бар.(Ленария Мингазова ( 52 келі), Азамат Мұканов 66 келі).
Синхорнды жүзуден апалы-сіңілі Александра мен Екатерина Немичтер үшінші орынға қол жеткізді.
Ушудан Райлин Ризайдин (56 келі), Ришат Ливеншо (65келі) ширек финалға жолдама алды.
Баскетболдан ерлер құрамасы жеребе бойынша «В» тобына түскен еді. Біздің құрама алғашы турда Сауд Арабиясы кездесіп, 89:59 есебімен жеңіске жетті (15:17, 20:12, 25:17, 29:13). Осы матчта 18 ұпай жинаған Анатолий Колесников ең нәтижелі ойын.шы атанды.
Ертең енді Пәкістанмен кездесеміз.
Әсел Жақаева, Айжан Ақылбаева, Аружан Егембердиева секілді қаракөз қыздарымыз өнер көрсететін су добы құрамасы да алғашқы ойында жеңіске жетті. Алты құраманың арасында өтіп жатқан жарыста біздің қыздар алдымен Гонгонгпен кездесіп 25:1 есебімен ұтты. Ең үздік ойыншы Айжан Ақылбаева (5 ұпай). Ертең Өзбекстанмен кездеседі. Олар бүгін Сингапурдан басым түсті.
Жағажай волейболынан әйелдер құрамасы «С» тобындағы алғашқы ойындарын бастады. Татьяна Машкова мен Ирина Цымбалова жұбы жарыс қожайындарының намысын қорғаған Хьюсук Юн мен Юн Ли жұбымен кездесті. Ойын аса тартысты болған жоқ. Жерлестеріміз екі партияда (21:6, 21:15) ұтып тастады.
Одан кейін «Д» тобындағы ерлер құрамасы Мальдивтен келген волейболшы жігіттерде ширақ танытып, оңай ұтты ((21:14, 21:16) есебімен ұтты.
бүгінгі бағдарламаның соңында Александр Дьяченко мен Алексей Сидоренко Оман құрамасынан басым түсті.
Ал нағыз спорт кешенінде өткен волейболдан Қазақстан ерлер құрамасы Оңтүстік Кореядан үш партияда ұтылды (16:25, 21:25, 23:25).
Ендігі қарсыласы Катар құрамасы. Ойын 23 қыркүйекте өтеді.
Семсерлесуден жолымыз болған жоқ. Эльмир Әлімжанов бастаған спортшыларымыз ширек финалдан әрі аса алмады.
Алғашқы күннің қорытындысы:
1. Оңтүстік Корея — 13 (5, 5, 3);
2. Қытай — 11 (5, 1, 5);
3. Моңғолия — 4 (2, 1, 1);
4. Қазақстан — 5 (2, 0, 3).

Физика пәнінен 7-11 сыныптарга арналган жылдық жоспар жане жана улгіде жасалган КМЖ (кыска мерзімді жоспар) жане ОМЖ (орта мерзімді жоспар) бар. Сатамын. Сатып алам деушілер +7.702.125.95.21 номеріне хабарласуга болады. 1 жылга арналган жоспарлар. Бауыржан

Қарттар үйінде де «Отбасы күні» тойланады екен. Жоғарғы соттың өкілдері қарттарға арнап керемет сыйлықтар сыйлады. Мекеменің өзін түрлі техникамен жабдықтады. Сый-сияпат тарту етіліп болған соң қариялар үшін мерекелік концерт өтті.

Қарттар үйі десе, балалары тастап кеткен, аяқ-қолы сау, тек дәрменсіз ғана ата-әжелер елестейтіні рас. Бірақ, Астана қаласының қарттар үйіндегі қариялар сол жерде өмір сүріп жатқанына өкінбейтін сияқты. Тек көздерінде аздаған мұң бар.
Бәрі билеп, ән салып, көңіл көтеріп жатқанда бұл мекемеде де өмірдің жақсы өтіп жатқанын көрдік…

Қыркүйек айының үшінші жексенбісінде жыл сайын «Отбасы күні» мерекесі тойланады. Биыл 14 қыркүйекке келген мереке ауқымды түрде тойланды десе де болады. Бұрын көпшілік назар аудара бермейтін мереке биыл көпке белгілі болды.

Әрбір шаңырақ шаттыққа толы болсын! Отбасыңыз баланың былдырынан арылмасын!

Отбасы күні мерекесімен жұлдыздар да құттықтайды.

Мен қызға барғанда ай жарық болды демекші, Домбыра Party-ға National Geographic келгенде адам жиналмай қалып ұятты бола жаздадық. Бір-бірімізге жақын тұрып, көп болып көрінуге тырысып, әйтеуір бірдеңе қылдық. " — Ассалам уаалейкум. Уалейкум ассалам. — National Geographic. — Geographic National" — деген диалог естеріңізде ме (жоқ болса төмендегі видеоны қарап алыңыз)? Сондай бола жаздадық, қысқасы.



Енді Домбыра Party-дің өзіне көшейік. Бұл жолы тағы да жаңа өнерпаздарға қол соғу құрметіне ие болдық. «Шабыт» университетінің студенттері Қуаныш пен Нұрлыбек күйлерді төкті.











Осының алдындағы патидың көрігін қыздырған Азамат пен Нұрбол есімді жігіттер естеріңізде ме? Азамат гастрольдетіп кеткен екен Нұрбол жалғыз келді. Құр қол емес әрине.









Туған күн дегеннің әннің орындалуы тегін емес. Бұл пати (12.09.2014ж) осы сайттың қолданушыларының бірі Abylai деген жігіттің 23-ші туған күнімен дәл келген болатын. Сәтті пайдаланған достары құтты болсын айтып, патидың соңын вешір қылдық.



Астананың ауа-райы мүмкіндік берсе Домбыра Party-ді әлі де жалғастырамыз. Дегенмен биыл open air форматынан кешірім сұрап, ғимараттардың ішіне көшсек деген ойым бар. Қысқасы, құлағыңыз түрік жүрсін. Хабарландырулар мына жерде жарияланады.

Бұның орнында «Уайтхиллдық Уайтмәунтейнде» деген пост болу керек ед. Бірақ бұл жазда (өк. орай) еш қалаға шыға алмадым. bizbike ренжімес) Уайтхиллдық Уайтхиллда!



Ақтауға мүмкін осы қыста барып қаларм, әдеттегідей.) Ал әзірге көктемгі Орал, қысқы Атырау мен Ақтөбеден кейін, соңғысының жазғы түнгі көрінісін нысанаға алуды жөн көрдім.

Осылайша, жаз да өте шықты. Біреулер үшін бұл мезгіл майдай жақса, біреулерге керісінше аллергия деген бәле тауып берді. Ал шілде тіптен қазан айына айланғандай әсер қалдырд. "Құқығымды" қайтарғаннан кейін, бензиннің қымбаттағаны болмады енді, амал нешік… Шаң-тозаңға деген аллергияның қандай болатынын білдім өз басым. Мұрыннан су тоқтатпай, тамақ қыштыртып, қайта-қайта түшкіртіп, көз аштыртпаған жаз алдыңғы күні «чао бол» деп, соңғы кешінен аз-маз суреттер қалдырды:

Отбасының ұйытқысы ана ғана емес, әке мен балада да үлкен жауапкершілік бар. сондықтан «келісіп пішкен тон келте болмайды».

Елімізде үлгілі отбасыны шынында үлгі тұту мақсатында «Мерейлі отбасы» атты үлкен жоба іске асып жатыр. Сол жобаға біз де ат салысуды жөн көрдік.

Ғалимұрат Әбдіманапов деген өте дарынды, әнші баламыздың отбасымен кездесіп, әңгімелесіп, шәй ішіп қайтқан болатынбыз.