Астанада 28 мамырдан бастап 15 қалалық маршруттың қозғлыс сызбасы уақытша өзгеретін болады. Астана қаласының Жолаушылар көлігі басқармасының хабарлауынша, маршруттардың өзгеруіне Қабанбай батыр даңғылы мен А. Бараев көшесінде Қорғалжын тасжолынан Иманбаева көшесіне дейін жол жабынын жөндеу жұмыстары себеп болып отыр. Төменде
қозғалыс сызбасы өзгертілген қалалық маршруттар көрсетілген:

№1, 20 маршруттар: Уәлиханов к-сі – Кравцов к-сі – Ташенов к-сі – Республика даңғылы, одан әрі бұрынғы қозғалыс сызбасы бойынша;




№3, 23, 25 маршруттар:
Тәуелсіздік даңғылы – Ташенов к-сі – Республика даңғылы, одан әрі бұрынғы қозғалыс сызбасы бойынша;






№18, 28 маршруттар: Тәуелсіздік даңғылы – Ташенов к-сі – Орынбор к-сі, одан әрі бұрынғы қозғалыс сызбасы бойынша;



№ 27 маршрут: Республика даңғылы – Кенесары к-сі – Тұран даңғылы – Қорғалжын тасжолы – Қабанбай батыр даңғылы, одан әрі бұрынғы қозғалыс сызбасы бойынша;



№ 32 маршрут: Абай даңғылы – Сарыарқа даңғылы – Тұран даңғылы, одан әрі бұрынғы қозғалыс сызбасы бойынша;

№ 44 маршрут: Тәуелсіздік даңғылы – Ташенов к-сі – Орынбор к-сі – Сарайшық к-сі – Қабанбай батыр даңғылы – Қорғалжын тасжолы, одан әрі бұрынғы қозғалыс сызбасы бойынша;


№52 маршрут: Республика даңғылы – Кенесары к-сі – Тұран даңғылы – Қорғалжын тасжолы – Қабанбай батыр даңғылы, одан әрі бұрынғы қозғалыс сызбасы бойынша;


№70 маршрут: Уәлиханов к-сі – Кравцов к-сі – Ташенов к-сі – Орынбор к-сі одан әрі бұрынғы қозғалыс сызбасы бойынша;


№100э бағдары: Республика даңғылы – Ташенов к-сі – Орынбор к-сі – Сарайшық к-сі – Қабанбай батыр даңғылы, одан әрі бұрынғы қозғалыс сызбасы бойынша;


№ 103э бағдары: Уәлиханов к-сі – Кенесары к-сі – Тұран даңғылы – Қорғалжын тасжолы, одан әрі бұрынғы қозғалыс сызбасы бойынша;


№127 маршрут: Уәлиханов к-сі – Кенесары к-сі – Тұран даңғылы – Қорғалжын тасжолы –Косманавтов к-сі, одан әрі бұрынғы қозғалыс сызбасы бойынша;


Айта кетейік, Астана қаласының көше-жол желісіндегі жөндеу жұмыстарының аяқталуына қарай қалалық
жолаушылар көлігінің қозғалысы қалпына келтіріледі.

astana.gov.kz/kk/modules/material/10637

Астана экономикалық форумының пленарлық отырысына Қазақстан Республикасының Президенті Нұрсұлтан Назарбаев қатысты. Отырыс барысында жаһандық экономиканы дамыту жолдары және жаһанданудың жаңа деңгейіне көшу мәселелері талқыланды. Пленарлық отырыстың модераторы The Independent бас экономикалық шолушысы Хэмиш Макрей болды, ол Қазақстанның тұрақтылығы тұтастай Орталық Азия аймағының тұрақтылығының негізі болып табылатынын атап өтті.

Президент Нұрсұлтан Назарбаев АЭФ-тың түрлі мәселелер талқыланып, оларды шешудің нақты жолдары қаралатын маңызды алаңға айналғанын атап өтті. Форумның тұрақты қонақтары– халықаралық ұйымдардың өкілдері. Мемлекет басшысы Қазақстанның экономикалық және әлеуметтік дамуға, әл-ауқаттылық пен аймақтарды, сондай-ақ, тұтастай әлемді дамытуды қамтамасыз етуге қатысты конструктивті идеялар мен көзқарастарды талқылауға әрқашан да дайын екендігін жеткізді.

Биылғы отырыста жаңа экономикалық шынайылық тақырыбы сөз болды. Жаһандану табиғи процесс. Бүгінгі таңда баршаны әлемдік экономиканың жағдайы, не істеу керек және қай жолды таңдау керек деген мәселелер алаңдатады. Мемлекет басшысы Нұрсұлтан Назарбаев әлемде орын алған жағдайды шешу жолдарын ұсынды.

— Қазіргі заманда айналада тұрақсыздық, соғыс пен құлдырау орын алғанда мемлекеттің тұрақтылығын қамтамасыз ету мүмкін емес. Бізге инклюзивті жаһандану жолын таңдау қажет, онда экономикалық өсім әрбір елдің дамуы мен халқының әл-ауқатын арттыруға тиімді трансформацияланады. Әлемдік экономиканың осындай өсімі ғана орнықты болады, біз соған ұмтылуға тиіспіз, — деді Нұрсұлтан Назарбаев.

Сонымен қатар Елбасы «жасыл» экономиканы дамытудың жол картасын әзірлеуді және Париж келісімінің негізінде табиғи ресурстарды рационалды пайдалануды ұсынды. Жол картасында атмосфераға шығарылатын зиянды заттардың мөлшерін азайту, сондай-ақ, жерді, оның құнарлығын, тұщы сулар мен биоортаны сақтау қарастырылуы керек. Себебі, көптеген дамушы мемлекеттерде нақ осы мәселелер ең маңызды болып табылады.

— Биыл Тәуелсіздігіміздің 25 жылдығын атап өтеміз. Ширек ғасырдың ішінде біз бұрын болмаған мемлекеттен орташа кіріс деңгейі бар, әлемнің бәсекеге қабілетті 50 еліне кіретін мемлекетке айналдық. Осы уақыттың ішінде артта қалған экономикалық жүйеден ашық нарықтық экономикаға өттік,- деді Мемлекет басшысы.

Отырыс барысында Дүниежүзілік сауда ұйымының бас директоры Роберту Азеведу, Еуропа қайта құру және даму банкінің президенті Сума Чакрабарти, Alibaba Group компаниясының негізін қалаушы және директорлар кеңесінің төрағасы, Колумбия университеті Жер институтының директоры Джеффри Сака және Кембридж университетінің профессоры Ха-Джун Чанг баяндама жасады. Мұнымен қоса, Халықаралық валюта қорының директоры-басқарушысы Кристин Лагард бейне-жолдау арқылы сөз сөйледі.

Отырысқа қатысушылар Мемлекет басшысының идеяларын қолдап, Астана экономикалық форумының жаһандық экономикалық мәселелерді шешуде аса маңызды екендігін атап өтті.

astana.gov.kz/kk/modules/material/10622

«Жастар» сарайында Астана қаласының әкімдігі Жұмыспен қамту орталығының ұйымдастыруымен бос орындар жәрмеңкесі өтіп жатыр. Оған жұмыс іздеген жүздеген елорда тұрғыны мен қонақтары келуде. Бұл биыл өткізіліп отырған бесінші жәрмеңке, және бұл жолы шара әйелдер мен жастарға арналған, себебі Жұмыспен қамту орталығына жүгінетіндердің 60% әйелдер.

— Бұл үлкен жәрмеңке, оған 60 жұмыс беруші қатысуда. Бүгін түрлі салалардан бос орындар ұсынылып отыр, атап айтқанда, қызмет көрсету саласы (қонақ үйлер, мейрамханалар, дүкендер, сауда үйлері), құрылыс секторы, білім және денсаулық сақтау саласы, техникалық мамандықтар бойынша және ішкі істер органдарынан да бос орындар бар, — деді Астана қаласы Жұмыспен қамту орталығының басшысы Омар Олжас.

Жалпы, үстіміздегі жылы 12 бос орындар жәрмеңкесі өткізіледі. Қазіргі кезде төрт жәрмекенің қорытындысы бойынша 116 адам тұрақты жұмыспен қамтылды.

Биыл Жұмыспен қамту орталығы арқылы жұмысқа орналасқандардың тең жартысы әйелдер. Жыл басынан бері 2246 адам жұмысқа орналасқан, олардың 1086 әйел.

919 адам қоғамдық жұмыстарға тартылды, оның ішінде 620 әйелдер. Кәсіби даярлау, қайта даярлау және біліктілігін арттыру курстарына 397 адам жіберілді, оның ішінде 235-і әйелдер. Жастар практикасына 145 адам кіріскен болса, соның 221-і қыздар құрайды.

Қазіргі кезде қалалық Жұмыспен қамту орталығы 661 мамандық бойынша курстар ұйымдастыруда. Бүгінде Жұмыспен қамту орталығының мәліметтер базасындағы жұмыс іздеуші әйелдерге арналған 1 322 бос орны бар.

astana.gov.kz/kk/modules/material/10618

Өткен жылы қаланың экономикасына тартылған инвестициялардың жыл сайынғы өсімі 397 миллиард теңгеден 773 миллиард теңгеге дейін 1,5 есеге артты, бұл Астананың халықаралық рейтингін Baа3 деңгейіне дейін көтеруге және Барселона, Стамбул және әлемнің басқа да ірі қалаларымен теңесуге мүмкіндік берді. Бұл туралы бүгін қалалық мәслихаттың кезектен тыс сессиясында Астана қаласы әкімінің орынбасары Андрей Лукин мәлім етті.

— Біз 2012 жылдан бері Moody's агенттігімен белсенді жұмыс істеп келеміз. Үстіміздегі жылы елорда республикалықпен бір деңгейде тұрған инвесторлар үшін тартымды рейтингтің Baа3 деңгейін растады. Мысалы, Барселона, Стамбул, Мадрид және басқа да қалаларға да рейтингтің осы деңгейі берiлген, — деді баяндамашы.

А. Лукиннің хабарлауынша, қаланы дамытудың 2011-2015 жылдарға арналған бағдарламасын жүзеге асыру Астанаға Қазақстанның барлық өңірлерінің ішінде әлеуметтік-экономикалық дамудың негізгі көрсеткіштері бойынша алдыңғы қатардан орын алуға мүмкіндік берді.

— Бағдарлама жүзеге асырылған бес жылдың ішінде жалпы өңірлік өнім көлемінің нақты көрсеткіші 2010 жылғы 1 трлн 800 миллиард теңгеден 2015 жылы 4 трлн 600 млрд теңгеге дейін 1,6 есеге ұлғайды. Өткен жылдың қорытындысы бойынша елордада экономикалық өсімнің оң үрдісі байқалады — 106,3 пайыз. Бұл ретте Астананың республиканың ЖІӨ-нің жалпы көлеміндегі үлесі сәйкесінше, 8 пайыздан 11 пайызға дейін өсті. Өнеркәсіптік өндіріс көлемдерінің нақты көрсеткіші 2010 жылмен салыстырғанда 111 миллиард теңгеден 348 миллиард теңгеге дейін 1,4 есеге артты, — деді әкімнің орынбасары.

Сонымен қатар, қала басшысының орынбасары қаланың туристер үшін де аса тартымды екендігін атап өтті. Бес жылдың ішінде Астанаға 3 млн-нан астам қонақ келсе, оның 650 мыңы шетелдіктер болып табылады.

astana.gov.kz/kk/modules/material/10619

Бүгін Тәуелсіздік сарайында жыл сайынғы Астана экономикалық форумы басталды. Сегіз жылдан бері елорда экономикалық және саяси мәмелелерді талқылау және олардың шешімін іздеу алаңына айналып отыр.

– Астана қозғалыстың, динамиканың, дамудың, инновациялар мен экономикалық өсімнің бейнесі. Елордамыз бүгінде Азия аймағына да, барша әлем үшін де тез экономикалық өсімге жақсы мысал болып табылады. Осы алаңда жаһандық экономикадағы мәселелер мен үрдістерді, өзгерістерді талқылауға болады, – деді қалалық Инвестициялар және даму басқармасы басшысының м.а. Қанат Исабеков.

Жылдан жылға барша әлемнен келген елордалық форум қонақтарының саны артып келеді, оның ішінде инвесторлар да, спикерлер де бар. Астанаға Қазақстаннан басқа, шетелден де ағылған іскерлік туристер саны ұлғаяды. Астана экономикалық форумы туралы шетелдік БАҚ-тарда кеңінен баяндалады.

– Астана саяси және экономикалық тұрғыдан Қазақстанның ғана емес, сондай-ақ, Орталық азияның да оралығы болып табылады. Қазіргі кезде өзгерістер көп, Қазақстанның әлемдік қоғамдастықпен интеграциясы жүріп жатыр: ЖСҰ ену, ЕАЭО мүше болу. Осы саяси шешімнің барлығы Астанада қабылданды. Форумда Астанада халықаралық қаржы орталығын құру мәселесі жиі сөз болады. Ол шетелден қаржы тартпақ, сондай-ақ, жергілікті тұрғындар да қатыса алады, яғни, елорданың қаржы нарығы дамиды, – деді Қ. Исабеков.

Экономикалық форумның диалогтық алаңын құру әлем экономикасында өзгерістер орын алып отырған барлық замандарда өткір экономикалық және әлеуметтік-маңызды мәселелер талқыланатын жалғыз алаңға айналды. АЭФ – географиялық және ақпараттық шекараны жоятын бизнеске арналған практикалық құрал. Жыл сайын АЭФ-те әлемнің 80 мемлекетінен 5 мыңнан астам делегат бас қосады.

Еске сала кетейік, елордада Астана экономикалық форумы өтіп жатыр. Жыл сайынғы шара Тәуелсіздік сарайында екі күнге жалғасады. Ертең өтетін маңызды сессиялардың бірі «Аймақтық және жаһандық экономикалық іс-әрекеттер: жаһандық өсу үшін батыл саяси қадамдар қажеттілігі» көшбасшылармен ашық пікірсайыс болады.

astana.gov.kz/kk/modules/material/10610

Елордада сәуір айының ортасында Astana Bike велопрокат маусымы басталды. Велосипедпен жол жүруге қызығушылық танытатын елордалықтар саны күн сайын артып келеді. Биыл жүйені пайдаланушылар саны 2998 құрады. Ал экологиялық көлік түрін ұнататындарға қолайлы болуы үшін жақында «7 Континент» бизнес орталығында Astana Bike карталарын сататын қосымша пункт ашылды.

Күн сайын «Мега Астана» сауда, ойын-сауық орталығында сағат 10:00 — 21:30 және «7 Континент» БО сағат 10.00-20.00 бір маусымға абонемент сатып алуға немесе балансты толықтыруға болады. Қазіргі кезде прокатты пайдаланған адамдар саны 114 мыңнан асып, 262 мың км жуық жол жүрілген.

Айта кетейік, пайдаланушыларға ыңғайлы болуы үшін онлайн-төлем жүйесі, мобильді банкинг (Halyk Bank) және Android және IOS негізінде әзірленген мобильді қосымша жұмыс істейді. Осылайша, пайдаланушылар, станциялар жүктемесін және орналасқан орнын қарай алады. Маусым басталғалы SMS арқылы прокатқа алудың 93 жағдайы тіркелген.

Қазіргі кезде Астанада 144 велостанция бар. Күйші Дина және Тәуелсіздік даңғылы қиылысында орналасқан станция көппәтерлі тұрғын үй кешеніне электр энергиясын тарту жұмыстарына байланысты алынып тасталды. Тұрғындардың шағымдануына байланысты «Нұрсая-2» тұрғын үй кешенінің жанындағы прокат та жұмыс істемейді. «Арай» паркінде велосипедтер көп пайдаланылмайды, сондықтан бекет жабылды. «Думан» қонақ үйі мен «Триумф Астаны» ТК жанындағы прокат техникалық себептерге абйланысты жойылды, «Astana Mall» СОО жанында да велосипедтер қойылмаған.

Еске салайық, прокат қызметін үнемді пайдалану үшін станциялар бір-біріне жақын орналасқан, олардың арасындағы қашықтық 300–500 метрді құрайды.

astana.gov.kz/kk/modules/material/10609

Бүгін Тәуелсіздік сарайында ҚР Премьер-министрі Кәрім Мәсімов жыл сайынғы Астана экономикалық форумын ашты. Биылғы форум «Жаңа экономикалық шынайылық: әртараптандыру, инновациялар және білім экономикасы» тақырыбына арналған.

Астана экономикалық форумы 2008 жылдан бері өткізіліп келеді. Бүкіл әлем сарапшылары, көшбасшылары, ғалымдар мен көрнекі саяси қайраткерлері, бизнес сектордың өкілдері жаһандық проблемаларды талқылау үшін жыл сайын бір диалогтық алаңға жиналады.

Форумның ашылуы барысында ҚР Премьер-министрі аталған шараның Ұлы Жібек жолы елдері мен ҚР Президентінің «Нұрлы жол» жаңа экономикалық саясатының маңыздылығын атап өтіп, барлық қатысушыларға табыс тіледі.

– Ежелгі Жібек жолы бірегей көпір болған. Жібек жолы озық тәжірибе алмасуға ынталандырып, Еуразияда бейбітшілікті нығайтуға және диалог орнатуға септігін тигізген. Соңғы он жылдықтарда Азия мен Еуропа арасында өзара іс-әрекеттің қажет екендігін көріп отырмыз. Бұл жоба инвестициялық және іскерлік ынтымақтастық алаңына айналады деп ойлаймын, – деді Кәрім Мәсімов.

АЭФ-тың басты мақсаты халықаралық бейтарап алаң қалыптастырып, әлемдік сарапшылар-экономисттер Орталық Азия аймағының, сондай-ақ, жаһандық экономиканың өзгеруі жағдайында әлемдік кеңістіктегі экономикалық даму мәселелерін талқылау болып табылады.

Астана экономикалық форумының бірінші күні аясында өткізілетін басты шаралар: «Гипержаhандану дәуірінің аяқталуы: экономикалық және қаржы сәулеті үшін жаңа жағдайлар», «Ұлы Жібек жолы елдерінің форумы: энергия, ресурстар және тұрақты даму»,«БҰҰ ДБ 50 жылдығы: орнықты даму мақсаттарына жетуді жеделдету үшін жаңа мүмкіндіктерді зерттеу».

Сонымен қатар бүгін өтетін маңызды сессиялардың бірі «Қазақстан инвестициялық саммиті», оған Үкімет басшысы Кәрім Мәсімов пен ҚР инвестициялар және даму министрі Әсет Исекешев қатысты.

Жыл сайын форумға экономикалық және саяси даму саласындағы әлемнің жетекші сарапшылары жиналады. Биыл сессия жұмысына қазақстандық сарапшылардан басқа, Польшаның бұрынғы президенті Александр Квасьневский, Ресей Сбербанкінің төрағасы Герман Греф, AliBaba Group компаниясының негізін қалаушы және директорлар кеңесінің төрағасы Джек Ма, JPMorgan Chase International корпорациясының төрағасы Джэйкоб Френкель, ХВҚ директоры-басқарушысы Кристин Лагард, ДСҰ бас директоры Роберту Азеведу, ЕҚДБ президенті Сума Чакрабарти форум спикері болады.

АЭФ-2016 екі күнге жалғасады. Бірқатар сессиялар қаржы және банк секторларының даму перспективаларына, монетарлық саясатқа және капиталды бақылау режиміне оралу мүмкіндігіне, сондай-ақ, тұрақты даму мен экологиялық үндеулер мәселелеріне арналады.

astana.gov.kz/kk/modules/material/10608

Бүгін, мен үшін өте қызық және іздену барысында таң қалдырған кішкентай ғана ел — Кувейт жайлы аз ғана ақпарат беремін. Шыны керек, бұл елдің тарихы туралы мәліметтер көп емес. Кувейттіктер 90-жылдардағы Ирактың жаулағанынан кейін, елдің тарихын жазып, шетелдерге насихаттай бастаған. Ирактың аннексиясы кезінде С.Хусейннің өзі, оның тобы, әсіресе ұлы Удей Хусейннің: «Кувейт Ирактың жері, олар ешқашан бөлек ел болмаған, барлық мұнайы біздікі» — деген ұрандары осылай жасауға түрткі болды («Адвокат Дьявола» киносынан анық көруге болады). Сонымен, ақпараттарға сүйенер болсақ, Кувейт мемлекеті Осман империясының билігі кезінде дүниеге келді. Қазіргі астанасы Эль-Кувейтке бірінші постымда жазып кеткен Сауд Арабиясы мен Катардан (әлі ол туралы жазамын болашақта) келген бәдеуиліктердің (бедуин) Аназа тайпасы қоныстана бастайды. Жеке-жеке болған рулық қауымдар бір тайпаға жиналып, ең алғаш «Бану Халид» елді мекені пайда болды. Қазіргі Кувейттің тарихы сол кезден басталады екен. Араб елдерінің тарихын оқи келе, әрбір ел әр уақытта державалардың қол астында болғанын менімен бірге оқып, байқаған шығарсыздар. Алайда, Кувейт не Осман империясы, не сол кездердегі Араб елдерін өз қарамағында ұстауға бөліп алған Француздар мен Британдықтардың мандаттылығында толық болмаған ел. Ресми тұрде Османдықтардың қол астында деп саналса да, түріктердің билігі бұл жерде жүрмеген екен. Орналасқан жерінің қолайлығына қызыққан, елді толықтай өзіне көндіруді мақсат еткен Османдықтар Кувейтті басып алу шараларын қолданған жоқ десем, өтірік айтқан болмын. Бірақ, Британдықтар арабтарға жәрдем көрсетудің арқасында түріктердің ойы іске аспай қалған. 1899 жылы кувейттіктер британдықтармен құпия келісімге келеді. Ол келісім бойынша «Кувейттің қауіпсіздігін қорғауға және оның сыртқы саясатына жауапты ел — Ұлыбритания» болды. Кейін, екі ел арасында Кувейтті Британдықтардың қарамағындағы «Тәуелсіз ел» ретінде танитын тағы бір шарт күшіне енді. 1930 ж Кувейтте мұнай кен орны табылды. Оны, бірақ екінші дүниежүзілік соғыстан кейін игере бастады. Әзірше, олар теңізде делдалдық қызмет атқарып, егіншілікпен, көшпелі мал шаруашылығымен айналысып экономикасын көтере береді. Уақыт өте, екінші дүниежүзілік соғыс кезінде енгізілген британдық әскерлер елден тек 1961 жылы кетіп, сол жылы Кувейт, қазір көбінесе "қала-мемлекет" ретінде қалыптасып қалған ел өзінің тәуелсіздігін алады. Және жоғарыда айтып кеткен Ирактың аннексиясына дейін (сол кезде Кувейтті бүкіл әлемдік қоғамдастық қолдаған болатын, тіпті Еуропаның кей мемлекеттерінде шерулер де болыпты), экономикасын өзге араб мемлекеттеріне қарағанда сәтті көтере алған бұл мемлекет қазіргі таңда, халық арасында «Алтын мемлекет» деген атқа ие. Ең қызығы конституциялық монархияны ұстанатын елдің билеушілері ас-Сабах әулетінің ұрпақтары. Олар елде сонау XVIII ғасырдың ІІ жартысынан бастап билік етіп келеді екен. Ал ұлттық валютасы «динар» әлемдік валюта «доллардан» 3 есе қымбат (міне, таң қалу*_*). Аумағы 200 км2 Эль-Кувейттің өзінде 600-ден астам мешіт бар екен (722 км2 Астанамызда 10 мешіт бола ма, жоқ па?). Қысқасы, бұл мемлекет көлемі бойынша кішкентай болса да, әлемдік сахнада ойнайтын рөлі мөлтек емес.

Исламның үшінші қасиетті мекені: Әл-Ақса мешіті орналасқан жер, қазіргі таңда еврей халқының астанасы — Иерусалимді (жалпы Израильді) бір зерттеп шықтым. Тарихи деректерге сүйенсек, еврей халқының отаны, еврей халқы ғасырлар бойы қоныстанған Палестина жері екен. Өмір бойы мысырлықтардан, римдіктерден, испандықтардан, француздардан, ағылшындардан, НЕМІСТЕРДЕН, бельгиялықтардан, португалдықтардан (жаза берсек кете береді) қорлық көрген еврей халқы 200 жылдай елсіз қаңғырып жүрді. Күні бойы зерттесем де, не үшін еврей халқын бәрі жек көреді? — деген сұраққа нақты жауап таппай қойдым (варианттар көп, барлығының өз шындығы бар сияқты). Сонымен, еврейлер 1897 жылы сионистер қозғалысын құрып, жаппай тарихи отанына оралуды шешті. Бұл Израиль мемлекетін құрудың алғашқы алғышарты ретінде саналады. Халық жаппай елге оралу барысында, Палестина жерінде мекендеген арабтар наразылығын білдіре бастады. Сол кезде әлемде үстемдік еткен британдықтар бірде еврейлерді қолдап, олардың Палестинаға орналасуына қарсылық білдірмейміз деген Бальфур декларациясын жарияласа, бірде арабтарды қолдап, Палестинаға кіруге рұқсат берілмейтін «Ақ кітап» шығару арқылы екіжақты саясат жүргізген болатын. Нацисттік жаппай қуғын-сүргіннен қашқан еврейлер (6млн.қырылды) Палестинаға заңсыз қоныс аударды. Арабтар мен еврейлердің Палестина жеріндегі қақтығысын шеше алмаған британдықтар 1947 ж. өңірден кететіндігін жариялап, жақында құрылған БҰҰ-на мәселені шешуді табыстаған. Ал енді қызық басталады, Израиль мемлекетінің құрылуына АҚШ Президенті Гарри Трумен көп үлес қосыпты, оған оның жастайынан досы болған еврей Эдди Джакобсон себепші болды-мыс. Ақ үйдегі қызметкерлердің көбі Палестина жерін екі мемлекетке бөлуді қолдамаса да, Г.Трумен өзінің саясатын жүргізді. Қазір Израильде Трумен атындағы мектептер, көшелер, зәулім сарайлар көп екен. 1948 жылғы 14 мамыр Израиль мемлекетінің жарияланған күні. 15 мамыр еврейлердің тәуелсіздік үшін соғысы, 5 арабтық мемлекет: Ливан, Ирак, Сирия, Иордания және Египеттің жан-жақтан шабуылы басталған күн. Міне, сол уақыттан бері Палестина жерінде әлі күнге дейін соғыс ошағы сөнбеуде. Еврейлер БҰҰ-ның арабтарға бөліп берген жерінің бөлігін басып алды. Арабтар күні бүгінге дейін толыққанды мемлекетін құрай алар емес. Қазіргі таңда, Израиль мемлекетіне бір мәрте барып келген азаматқа 9 араб елдеріне кіруге рұқсат жоқ.
Еврейдің қыздары да әскерге барады екен, қателеспесем үш жылға. Әлемнің кез келген мемлекетінде тұратын еврейлердің диаспоралары басқаларға қарағанда ұйымшыл болып көрінді. Олар қандастарына қара жұмыспен айналысуға рұқсат бермейді екен. Оларды өз ақшаларына оқытып, жақсы жұмысқа тұруына көмектеседі, кейін ол адамдар ортақ бюджетке ақша салып тұрады екен. Айтайын дегенім, қаншама зорлық көрген халық, бүгінде әлемнің жетекші мемлекеттеріне кіреді (33 орын). Шөл далада ауыл шаруашылығын дамыта білген, ИТ-технологиядан АҚШ-тан кейін екінші орында, информатика пәні ең алғаш рет осы елде оқытыла бастаған еврейлерге барлығы қызғанышпен қарайды. Қазақстан мен Израиль арасында дипломатиялық қатынас 1992 ж бері жүргізіліп келеді. Сарапшылардың көбі еврейлермен ауыл шаруашылығы саласында байланыс жасауды қолдап отыр.

Астананың көркін келтіріп, реңін ашу үшін гүлзарларды безендіру маңызды шара. Биыл 162 288 шаршы м жерге гүл отырғызу жоспарланған, соның ішінде бір және көп жылдық өсімдіктер де бар, 25 мыңға жуық француз раушангүлінің көшеті егіледі.

Гүл отырғызу жұмыстары мамыр айында басталып, жалғасын тауып келеді. Жазда 147 мың шаршы м астам жерге гүлзар жасалады, соның ішінде «Алматы» ауданында — 50 436 шаршы м, «Есіл» ауданында — 80 999 шаршы м, «Сарыарқа» ауданында — 16 155 шаршы м. Гүлбақтарын, аспалы және стационарлық құмыраларды, кашполарды безендіру үшін 7 млн. 700 мыңнан астам бір жылдық гүл отырғызылады.



Сапалы гүлдермен қамтамасыз ету үшін «Астана-Зеленстрой» АҚ екі жылыжайда бір жылдық гүлдер мен төселмелі өсімдіктер көшеттерін өсіреді. Оның үстіне, № 1 жылыжай шаруашылығында кілем тәрізді өсімдіктердің түр-түрі бар. Атап айтқанда, альтернантердің екі түрі, седумның тоғыз түрі, цинерарий, эхеверия, қамыс, ирезине, сантолина, сенецио, бозот және т.б. Піл, керік, тасбақа, хоккейшілер, «Табиғатты аялайық» композициясы, жер шары, түйелер, құмыралар, футбол добы және т.б. тік жасыл фигураларды нақ осы гүлдермен безендірілген. Жалпы, 19 сәндік фигураға 643 мыңға жуық төселмелі кілем тәріздес өсімдік өсірілген.

Материал Астана қаласы әкімдігінің ресми сайты astana.gov.kz деректері бойынша әзірленді.