Кедендік рәсімдеу, тауарды шекара арқылы өткізу, шекаралық сауда-саттық – күні бүгінге дейін шырмауы шешілмей келе жатқан өзекті проблемалар. Ұзын-сонар кезектер мен рәсімдеу уақытының тым ұзақтығы сынды бюрократиялық кедергілер экономикамыздың еңсесін басып, кәсіпкерлікті дамытуда қолбайлау болып тұрғаны жасырын емес. «100 нақты қадам» ұлт жоспары жоғарыда аталған олқылықтарды жойып, экономикамызды ілгерілетуді көздейді. Осы мақсатта салалық ведомстволар қандай жұмыс тындыруда? Салық және кеден саясатын оңтайландыру қалай жүзеге асуда? Осы және өзге де сұрақтарға ҚР Қаржы министрлігі Мемлекеттік кірістер комитеті төрағасының орынбасары Ғосман Әмрин жауап берді.

— Кедендік рәсімдердің тым ұзақтығы мен содан туындайтын көлеңкелі әрекеттер, өткізу бекеттерінің сын көтермейтін инфрақұрылымы күні бүгінге дейін өзекті проблемалар қатарында. Сіздің ведомствода осы мәселелерді шешу үшін қандай жұмыстар жүріп жатыр?

— Ең алдымен, Мемлекеттік кірістер комитеті мемлекеттік орган екенін еске сала кеткім келеді. Оған жүктелетін басты міндет – кедендік рәсімдеу проецесін жеңілдетіп, кәсіпкерлердің ыңғайына қарай рәсімдеу уақытын азайту. Комитет қазір осы қызмет үшін жұмсалатын уақытты 1 сағатқа дейін қысқартуды көздеп отыр. Қазірдің өзінде көрсеткіштер жаман емес. Мысалға, 2014 жылдың 8 айында импорт процедурасы бойынша тауарларды кедендік тазалау үшін орта есеппен 6,38 сағат жұмсалса, 2015 жылы бұл көрсеткіш 2 сағат 58 минутқа, 2016 жылы 2 сағат 27 минутқа қысқарды. Экспорт бойынша 2014 жылдың 8 айында орташа көрсеткіш 1 сағат 46 минутты, 2015 жылы – 1 сағат 02 минутты, биыл 45 минутты құрады. Тауарды импорттау мен экспорттауға жұмсалатын жалпы уақыт 104 сағат, оның ішінде кедендік рәсімдеуге тек 2 сағат кетеді.

— Кеден бекеттерінің жабдықталу жағдайына тоқталатын болсақ. Осы тұрғыда Қазақстанның қарым-қарекеті қандай?

— Аталған мәселе де біртіндеп оң шешімін табуда. Осы орайда айта кетерлігі, Қазақстан кедендік бақылау саласын техникалық құралдармен жабдықтау жағынан ЕАЭО-ға мүше мемлекеттерден алда келеді. Бұл сөзімді өткізу бекеттерін тексеру кезінде Еуразиялық экономикалық комиссияның сарапшылары да қуаттай алады. Инспекциялық-тексеру кешендерімен қамтылу деңгейі 100%. Ал ЕАЭО сыртқы шекарасының Беларус пен Ресей аймақтарында бұл көрсеткіш 5-10%-дан аспайды. Қырғыз шекарасында мұндай техника мүлде жоқ деуге болады.

— «100 нақты қадам» ұлт жоспарында кедендік және салық саясатын оңтайландыруға көп мән берілген. Бірнеше қадам осы мақсатқа арналып отыр. Атқарылған жұмыстардың алғашқы нәтижелерімен бөлісе аласыз ба?

— Біздің мамандар 11 автомобильдік өткізу бекетін, 12 әуе өткізу бекетін және «Достық» теміржол өткізу бекетін жабдықтау, жөндеу және техникалық қамту, сонымен қатар Астанада Бас диспетчерлік басқарма әкімшілік ғимаратын салу жұмыстарын қарастыратын ортақ жоба әзірлеп жатыр.

Кедендік рәсімдеу барысында субъективті факторларға жол бермес үшін тәуекелдерді басқару жүйесіне жүгінеміз. Кедендік тазалау мен тауар шығару жұмыстары тек соның негізінде ғана жүзеге асады. Аталмыш шаралардың бәрі кедендік шекарадағы жемқорлық деңгейін төмендетуге көмектеседі.

— Сұхбатыңызға рахмет!

Материал «100 нақты қадам – Ұлт жоспарын» іске асыру бойынша азаматтарды ақпараттандыруды арттыру мақсатында Интернет-қоғамдастығының әлеуетін тарта отырып іс-шаралар кешенін ұйымдастыру» проектісі аясында Қазақстан Республикасының Дін істері және азаматтық қоғам министрлігінің мемлекеттік әлеуметтік тапсырысы бойынша дайындалды

Шұлығыңызды жетпіс сегіз сағат бойы шешпеген кезіңіз болды ма? Тоңсаңыз, қырық қабат киініп алып, аяғыңыздың сасығанында шаруаңыз болмай қалады екен. Бұл жердің ауа-райы мұндай мезгілде ерекше қатал болатынын қайдан білейін? Айналасы жазық дала болғандықтан тоқтамай соғатын жел сүйегіңнен өтіп кетеді. Кезінде Қарлагтың бөлімі болғаны жайдан-жай емес қой. Төрт күн бойы суыққа, әскери күн тәртібіне, жаттығуларға төзу физикалық әрі психологиялық тұрғыда да сынақ болды. Мұнда мені не айдап келді десеңізші?



Республикамыздың Қорғаныс министрлігі жыл сайын журналистер мен блогерлерге арналған әскери дискурс ұйымдастырады. Дискурс бесінші рет қатарынан өткенімен, өзім алғаш рет қатыстым. Астананың әскери әуежайынан алып кеткен әскери ұшақ Қарағандының әскери әуежайына қонды. Арнайы автобустарға отырып, қаладан 28 км қашықтықта орналасқан «Спасск» әскери қалашығына бет алдық. Блогқұрылтайдағыдай автобустан түскен бетте кешкі ас ішіп, сонан соң жайлы төсекке жайғасамыз ба деп ойлап келе жатқанмын. Кенет автобусымызды бір көлік кесіп өтіп, маска киген қарулы топ ішке басып кірді. Әрі қарай атылған оқтардың дыбысы, шыңғырған дауыстар естілді. Есеңгіреп, өз-өзіңді сақтау инстингінің әсерімен қауіп төндіруші тарапынан берілген барлық бұйрықты еріксіз орындайды екенсің. Басымызды көтерткізбей төмен қаратып отырғызып қойды. Қандай бағытта жүріп келе жатқанымыз, енді не болатыны белгісіз. Қарсылық танытпақ болған екі-үшеуін автоматтың шүйдесімен салып қалып, балағат сөздерді жаудырды. Миымда сан түрлі ойлар. “Қызық тамашалайын деп сапар шегіп келе жатқанымда лаңкестердің құрбаны болдым. Бітті.” Автобус бір жерге келіп тоқтады. Бізді жұлқылап сыртқа шығарып, қолымызбен басымызды ұстаған бойы жерге жатқызып қойды.









Біраз жерге дейін еңбектедік. Оқ пен шу басылар емес. Бір уақытта «Тұрыңдар» деген бұйрық естілді. Басымызды көтерген сәтте күліп, камераға түсіріп тұрған бір топ әскерилерді көрдік. Еш ескертпестен, психологиялық дайындық жүргізбестен олар БАҚ өкілдерін осылай сынап бастады. Сөйтсе жыл сайын жаңа келушілерді қарсы алу дәстүрі екен бұл. Сәуір айындағы шуткілеріңіз ойнап қалады.

(Жалғасы бар, оны да оқыңыз ))

Əлішер өзінің əртістік мансабын Алматыдағы базарда бастаған болатын. Арзан кафеде күніне 300 теңгеге əн айтқан, ал бүгін ол бүкіл Қазақстан бойынша турне өткізіп, өзінің концерттеріне толық зал жинайды. Кəрімовтың айтуы бойынша, ол əнші болу үшін туылған. Ол ешқашан өзін басқа мамандық иесі боламын деп ойламаған. Өзінің арман жолында жас əртіс қаншама қиындықтарды бастан кешірді. Бірнеше рет сүрінсе де, қазақ эстрадасындағы өз орны үшін аяққа тұруға тырысқан. Балалық шағында қандай бала болды, нені арман етті, құлаған шақтары мен аяққа тұрған кездері жайында, болашақтағы жоспарлары туралы əнші Майя Бекбаевамен «iD TV-мен Моя История» атты бағдарламада айтып өтеді.
Майя Бекбаева: «Біз өте ұзақ уақыт бойы келісімге келуге тырыстық. Оның уақыты өте тығыз еді, көптеген кездесулері бар болатын. Мұның барлығына қарамастан, біз онымен шынайы сұхбат жүргізе алдық».

Ол өзінің бала кезінен бастап əн шырқаған. Қайда жүрсе де барлық əндерді қайталай орындап, əртістерді пародиялаған. Əрқашан сахнада əн шырқауды жəне танымал болуды қалаған.

Ол əрдайым танымал болғысы келді жəне енді оның жанкүйерлері Wikipedia сайтынан да ол жайында мәлімет ала алады.



«Менімен жасты балалар асық ойнап, жүгіріп, секіріп жүргендерінде, мен музыкамен көп айналысқан болатынмын. Сол кездің өзінде менің болашақ мамандығым — менің нантабарым жəне болашақта айналысқым келетін ісім екенін ұғындым», — дейді Əлішер.

«Super Star» жобасынан кейін Әлішерде шығармашылық тыныштық орнады. Продюсерлерден ешқандай ұсыныстар болмады. Уақыт өте келе ол ендігі кезден бастап байланыстарға ие болып, әндерді жазып, өзі де қимылдауы керек екенін түсінеді. Әлішердің мойындауы бойынша ол екі жыл бойы ұсақ іс-шараларда бірнеше жүз доллар үшін ғана жұмыс жасаған екен. Тіпті, үш жүз теңгеге ән шырқаған кездері де болған көрінеді. Суық күні алаңда ән айтып, оның дауысының байланыс жолдарының үзілуіне әкеліп соғады. Ол өзінің педагогы, содан соң оның Астанадағы алғаш концертінің барлық билеттерін сатып алған әкесінің сыныптас досының арқасында «Келемін саған» әніне бейнебаян түсіре алатындай қаражат жинайды.

Өзінің сұхбатында жүргізуші 2014 жылы Юрмалада Әлішердің ән шырқап, содан соң көрермендер тарапынан желіде оның шығармашылығына көптеген сын болуы жайында сөз қозғады.Әртісті репертуарының өзгерісі мен конкурстағы жеңілісі қатты күйзеліске ұшыратты. Әлішердің айтуы бойынша, өмірінің бұл кезі үлкен сынақ болған екен. Оның сол кездегі уайымы конкурстағы оныншы орын емес, репертуары мен оның сырт келбеті болды. Әртістің ойынша, уақыт өте келе алған орны мен бағасы ұмытылып кетеді, алайда орындаған әні мәңгілік есте қалып қояды. «Әртіс рөлге кіре ала білуі керек, репетиция жасауы қажет, ал ән болса, сіңе алуға тиісті. Егер де мен басында ойластырғандай орындай алғанымда, онда, әрине, қорытынды бұндай болмас еді. Маған толықтай өзімді көрсетуге мүмкіндік берілмеді. Ал репертуардың бірнеше күн қалғанда өзгеруі тіпті қиын дүние болды»,- деп еске алады Әлішер.

Өзінің сұхбатында танымал қазақстандық әртіс жеке өмірі жайлы болашақтағы жоспарларымен бөліседі. Оның айтуынша, жақында ол Астанаға көшкелі жатыр.
«Астананың климаты маған ұнайды. Және де сол жақта менің сүйіктім тұрады, сондықтан оған және де болып жатқан барлық жағдайларға жақын болу үшін сонда кеткелі жатырмын».
Сонымен қатар, Əлішер өзінің жеке сайтын ұсынады: www.alisherkarimov.com

«Эйр Астана» әуекомпаниясы алдағы уақытта 11 ұшақ сатып алады. Бұл туралы Үкімет отырысында ҚР Инвестициялар және даму министрі Жеңіс Қасымбек айтты.

Оның айтуынша, отандық «Эйр Астана» әуекомпаниясы әуекемелері паркін кеңейтуді көздеп отыр.
«Қазіргі кезде компанияда 30 ұшақ бар. Олардың әрқайсысы 6-7 жыл көлемінде жүрген. Енді 2020 жылға дейін Airbus A320 үлгісіндегі 11 әуе кемесін, ал 2019 жылға дейін ұзақ магистральді екі Боинг 787 ұшағын сатып алуды жоспарлап отыр», — дейді Жеңіс Қасымбек.

Оның айтуынша, 5 халықаралық қаржы орталықтарына, яғни Франкфурт, Лондон, Дубай, Гонконг, Сеул қалалары бойынша Астанадан тікелей ұшулар орындалуда. Сонымен қатар Вена, Париж, Абу-Даби, Бейжің, Ыстамбул, Үрімші, Бангкок, Шарджа, Минск, Мәскеу, Баку, Ташкент, Киев, Бішкек, Тбилиси сынды астаналарға да апаратын бағыттар да ашылған. Жаңа бағыттар ашу бойынша жұмыстар әлі де жалғасын табады. Мәселен, 2019 жылға қарай Токио, Сингапур, Шанхай бағытында, 2020 жылы Нью-Йоркпен тікелей байланыстыратын әуе жолын салу жоспарланған.

Айта кеткен жөн, «Эйр Астана» әуе тасымалдаушы компаниясын ірі халықаралық оператор ретінде дамыту «100 нақты қадам» ұлт жоспарының 67-қадамында айтылған. Оған сәйкес, «Эйр Астананы» халықаралық бағыттарға ыңғайластырып, әлемнің негізгі қаржы орталықтарына (Нью-Йорк, Токио, Сингапур) жаңа бағыттар ашу көзделген.

«Халықаралық әуе тасымалы нарығын кезең-кезеңмен ырықтандыру мақсатында 2017 жылы Астана қаласы әуежайында «Ашық аспан» пилоттық жобасын іске қосу жоспарланып отыр. Оның аясында Прага, Хальсинки, Вена, Варшава, Будапешт және тағы басқа қалаларға қосымша 8 жаңа бағыт ашу ойластырылған», — деді министр.

Баяндама барысында министр Қазақстан әуе қатынастары жүйесінің ИКАО талаптарына сәйкестігі мәселесіне де тоқталып өтті.

«Ағымдағы жылдың басында ИКАО сенімділікті арттыру миссиясын жүргізіп, оның қорытындысы бойынша Қазақстанда ИКАО стандарттары мен Тәжірибелік кеңестерін ел іргесінде енгізу тиімділігі 65%-дан 74%-ға артты», — деді Жеңіс Қасымбек. Осы орайда орташа әлемдік көрсеткіш 63% екенін еске сала кеткен жөн.

Айта кетейік, Air Astana — Қазақстан Республикасының басты әуе компаниясы. Компанияның негізгі акционерлері –«Самұрық-Қазына» ұлттық әл ауқат қоры» АҚ мен Британдық BAE Systems, оның 51% «Самұрық-Қазына», ал 49% BAE еншісінде. Компания 64 ішкі және халықаралық рейсті Алматы негізгі хабынан және Астана екінші хабынан орындайды.

Материал «100 нақты қадам – Ұлт жоспарын» іске асыру бойынша азаматтарды ақпараттандыруды арттыру мақсатында Интернет-қоғамдастығының әлеуетін тарта отырып іс-шаралар кешенін ұйымдастыру» проектісі аясында Қазақстан Республикасының Дін істері және азаматтық қоғам министрлігінің мемлекеттік әлеуметтік тапсырысы бойынша дайындалды

Қазақстан ТМД-ға мүше мемлекеттер ішінде жолаушылар тасымалы жағынан екінші орын алады. Бұл туралы Үкімет отырысында ҚР Инвестициялар және даму министрі Жеңіс Қасымбек айтты.

«Азаматтық авиация саласында соңғы бес жылда негізгі көрсеткіштердің тұрақты өсімін байқауға болады. Қазақстан әуе компаниялары тасымалдайтын жолаушылар саны 44%-ға, яғни, 4,1 млн-нан 5,9 млн адамға артты. Қазақстан әуежайларының қызметіне жүгінетін жолаушылар саны да соңғы жылдарда тұрақты түрде өсіп келеді, орта есеппен 9%-ға», — деді министр Жеңіс Қасымбек.

Осы орайда министр Қазақстан ТМД елдері ішінде жолаушы тасымалы жағынан екінші орын алатынын айтып өтті. Ал 2015 жылы Астана (10-орын) мен Алматы әуежайлары (6-орын) жолаушыға қызмет көрсету саны жағынан ТМД-ға мүше елдер арасында үздік он халықаралық әуежай тізіміне енді.

Айта кету керек, бұл жұмыстардың бәрі «100 нақты қадам» ұлт жоспарының 68-қадамында қамтылған болатын. Атап айтқанда, Қазақстан арқылы әуе транзитінің тартымдылығын арттыру үшін әуе тасымалын мемлекеттік реттеу қажеттігі айтылған. Яғни азаматтық авиация қызметін британ және ЕО үлгісіне негіздеп құру жоспарланып отыр.

Бұл тұрғыда, азаматтық авиацияны дамыту мақсатында бірқатар қызу жұмыстар тындырылды. Мәселен, министрдің есебіне құлақ ассақ, елімізде жұмыс істеп тұрған 20 әуежайдың 14-і және 10 жолаушы терминалы күрделі жөндеуден өтті. Жыл соңына дейін Петропавл қаласындағы әуежай терминалына жүргізілген күрделі жөндеу жұмыстарын аяқтау жоспарланып отыр.

«Қазіргі уақытта отандық әуе компаниялары Қазақстан территориясы арқылы жылына 250 мың жолаушы тасымалдаған. Бұл дегеніңіз күн сайын 900 транзиттік жолаушы тасымалданады деген сөз. Бұл көрсеткіш тұрақты түрде өсіп, 2010 жылдан бері 10 есеге артты. Жаңа рейстерді ашу арқылы 250 халықаралық бағытқа жол ашылды», — деді Ж.Қасымбек.

Оның айтуынша, енді Астана әуежайының инфрақұрылымын жетілдіріп, Алматы маңынан хаб құру тапсырмасын жүзеге асыру, сонымен қатар халықаралық маршруттар мен қазақстандық әуе компанияларын дамыту арқылы 2020 жылға қарай транзиттік жолаушы ағынын үш есеге арттыруға мүмкіндік туады.

Осы тұрғыда Оңтүстік-Шығыс Азия, Қытай мен Үндістаннан шығатын жолаушылар ағыны Қазақстан үшін ең тиімді транзиттік бағыттар болып табылады. Мысалға, Қытайдан сыртқа шығатын туристер саны орта есеппен жылына 110 млн адамды құрайды. Осы туристердің 1 пайызын Қазақстан арқылы тасымалдағанның өзінде, транзиттік жолаушылар ағыны елімізде 1,1 млн адамға артады.

Сұхбат Қазақстан Республикасының Дін істері және азаматтық қоғам министрлігінің мемлекеттік әлеуметтік тапсырысы бойынша дайындалды.

Кerek-тегі келесі бір блогымда ekovestnik.wordpress.com сайтындағы kanbiblioteka бөліміндегі Егор Арафьев атты Ресей блогерінің мына бір мақаласын аударып, салып отырмын. Аудармада қателер болуы мүмкін. Дегенмен пайдалы ақпар болар дедім. Қазір кітап оқитындар саны азайып бара жатқан уақытта, қызығушылық артар деген үміт қой біздікі.))) ;) Көлемді мақаланың толық нұсқасын жоғарыдағы сілтеме арқылы өтіп, оқысаңыздар болады.%) Мен қысқаша алып отырмын. Себебі, түптеп келгенде жазылған пікірлердің мағынасы бір болды. Сіздер де осы тұрғыда пікір білдіре кетсеңіздер артық болмас деп есептеймін.

Ғалымдар кітап оқу өмір сүруді ұзартатынын туралы тұжырым жасады.

Ұзақ өмір сүргіңіз келесе- кітап оқыңыз. Бұндай тұжырымды Йельс университетінің ғалымдары қабылдап отыр. Олар: кітап оқу мен ұзақ өмір сүрудің арасына байланыс орнату үшін 12 жыл егде адамдарға (50 жастан жоғары) зерттеу жүргізген. Тәжірибеге 3600 адам қатысқан. Нәтижесінде: кітап оқитындар оқымайтындарға қарағанда ұзақ өмір сүретіндігі белгілі болды.
Егор Арафьев Йельстік ғалымдардың тәжірибелері туралы айта келіп, ғалымдармен, жазушылармен, әдебиетшілермен, редакция жетекшілерімен әңгімелескен. Бәрі өздерінің тұжырымдарын айтады, бірақ түпкі ой біреу-кітап оқу сау болуға көмектеседі.
Мақаладағы бірде-бір абзацты жібермей, толық жариялайық,өйткені бұндай мақалалар- кітапқа қызығушылық танытып, салауатты өмір салтын сақтағысы келетіндердің «кітапқұмар жанына » бальзам болып табылады.

Кітап ұзақ өмір сүруге әсер ете ме? Әсер етеді екен!


Габриэль Гарсия Маркес Кафкидің «Превращениесін»оқығанда «Жазушы боламын» деп шешім қабылдапты. Хэмингуэй қарт Лев Толстойдың «Соғыс және бейбітшілігін» оқығанда керемет әсер алатын болған. Курт Кубейн өмірден өтер шағында Патрик Зюскиндтің «Парфюмерасын» бастан аяқ оқып шыққан. Кітап әркімге әртүрлі әсер етеді, бірақ ұзақ өмір сүруге көмектесе ме? «Комсомолка» ұйымы бұл сұраққа жауап іздеп көрген екен.
« Ми қатпарларына күш салу»/напряг извилины/ қан айналымды ретке келтіреді.



Егер біз кітаптағы басты кейіпкер үшін алаңдайтын болсақ, біздің миымызда да сол жағдай болып жатыр деген сөз. Ол уайымдайды және өнімді жұмыс істейді. Тиісінше біз сабырлы әрі сүйіспеншілікпен һәм рақаттанып оқысақ-ол да бір эффект. Егер анализ жасауға, текстті сынауға кіріссек-ол мүлде басқа. Оқу кезінде «Напряг извилин» қан айналымдағы мінез бен жүйкеде шұғыл ауысымға әкеп соғады. Бұл нені білдіреді? Мидағы нейрондарға белсенді салмақ түскен, ол деген Альцгеймер жақын келе алмайды деген сөз.
-ұзақ өмір сүру мен кітап оқу арасында көптеген байланыс болу мүмкін дейді,- Илья Плужников, Мәскеу гуманитарлық университетінің нейро-психологиялық факультетінің кафедра доценты.
–Классикалық көркем әдебиет бізге өмірдегі қиын жағдайларда көмектесетін схемалар мен тәртіп модельдерін ұсынады. Психоаналитиктер «катарсис» деп атайтын бұл тәсілді: адамдар оқу кезінде актуалды түсініспеушіліктер мен проблемаларды жою кездерінде ұстанады. Және бейімделу ресурсын жасап шығады. Оқымайтындардан кітап оқитындардың айырмашылығы, оқушы адам өмірге деген көзқарасын жетілдіреді- псевдостресстік жағдайларды стресстік деп қабылдамайды. Демек, оларда мидағы қарым-қатынастар қалыптасады. Дәл осы қарттық әлсіз ойлаудың /развитие старческого слабоумие/ алдын-ала алады. Әдебиет стресске дұрыс қарауға ықпал етеді.
Басқаша айтсақ: қаншалықты көп оқысақ, соншалықты көбірек пайымдай аламыз. Ол дегеніміз, өмірге қабілеттілік болып табылады.

Миға жаттығу жасау.



Кейбіреулер миды бұлшықеттермен салыстырады- оның бөлімдері қозғалыс пен бірлесіп әрекеттенуге жауап береді. Және оған жаттығу жасауға болады.
— Миға кез келген салмақ түсіру жақсы әсер етеді-деп санайды,- «КП» жазушы Евгений Водолазкин, «Үлкен кітап» лауреаты. Менің үлгі санайтын тұлғам- 92 жасқа дейін өмір сүрген ұстазым Дмитрий Сергеевич Лихачев. Ол өте көп кітап оқыған адам. Ми жаттыққан уақытта, ол барлық ағзаға әсер етеді. Теледидар қарап отырған адам, дайын картинаны көреді. Кітап оқып отырған адам, пікір жасауын жалғастырады-сөздері логика мен дамуға ие болады. Ол жаттығу болып табылатын, кітап оқыған кездерде үнемі ойлауға мүмкіндік береді. Қандай кітап ұсынар едім десеңіз, мидың жұмыс істеуіне итермелейтін кітаптар. Ондай кітаптарда логика мен интеллект қана емес, метафизика да табылады. Честертонның «Мәңгілік адам» еңбегі мысал бола алады.

-Әдебиет миға сапер бола алады- ол алда әлі кездесетін жағдайлардың алдын-алуға көмектеседі.

Нақты қандай кітаптады оқыған дұрыс?


Сергей Тишков, АСТ баспасындағы Mainstream редакциясының жетекшісі.
-Әртүрлі кітаптар оқыған дұрыс, бірақ міндетті түрде классика: Антуан де Сент-Экзупери «Кішкентай ханзада», Рэя Брэдбери, ағалы Стругацкийлер. Күнделікті тұрмыстық проблемаларды басу үшін, классикалық фэнтезилер ұсынылады: Джон Толкин, Филип Пулман. Қазіргі заманғы жазушыларға да көңіл аударған жөн: керемет көңіл көтеретін Донна Тарттың «Щегол» (Пулитцеровский премиясының луреаты) және Захар Прилепинаның(«Үлкен кітап» премиясы) «Обитель» романдары. Сонымен қатар «Премиялы» әдебиеттерді де оқу маңызды, ауызша және жазбаша сөздік қорды молайту үшін кез келген жағдайларда пайдалы.

Лев Аннинский, әдебиеттанушы, публицист:

-Кітап оқу-ақпарат алудың тәсілі. Және ұзақ өмір сүру адамның оқу не оқымауына байланысты емес. Оның өмір сүрудегі ұстанымдары мен өмірінің қандай екендігіне байланысты. Егер ол өз ұстанымдарын кітаптардан таба алса, онда ол өмір сүруіне көмектеседі. Егер ол ішкі қалауы бойынша өмір сүрмесе, ерте өледі. Және кітап оған көмектесе алмайды. Жеке өзім кітап оқымасам өмір сүре алмаймын.

Деректеме: Арафьев, Е. // Комсомольская правда.-2016.-17-24 авг.-С.33.

Астана қаласы Ішкі саясат басқармасының әлеуметтік ролигі