КерекИнфода бір сурет бөлісіп, кейін Фейсбукке қойған едім. Сол суретті Adiletshu жалғастырған екен.

Мен үшін Керектегі бүгінгі күннің басты жаңалығы Жұмабек Тұрсын болды (Сержанның сол посты "Біз білмейтін қазақтар" қауымдастығына сұранып-ақ тұр екен). Төбелес десе, елең ете қалып, қалың ортасына түйілген жұдырықпен қойып кіріп кетпесем де, сыртынан қызықтап тамашалаудан қашпайтын басым, спорттық қызығушылықпен Интернеттен мәліметтер ақтарып отырып біраз… біраз деймін-ау бірталай дерек тауып алыппын

Әлқисса…

Астана қаласының оң жағалуымен таныса отырыңыз. 1-ші бөлім.


Күләш Бәйсеитова атындағы опера және балет театры.

интернеттен тауарлар сатып алу үшін ең алдымен банктен арнайы төлем картасын ашып алуымыз қажет. бәріңізде жалақы алатын банк карталарыңыз бар болу керек, сол сияқты оған қосымша ретінде интернетте тауарлар сатып алу үшін арналған карта — виза виртуон картасын ашып алаласыз.
қазіргі уақытта ондай картаны барлық банктер жасап бере алады. бірақ карта ашар алдыңда мынандай кеңестермен танысып алыңыз:
картаны негізгі жалақы алатын картаға қосымша карта ретінде ашқан дұрыс, себебі бір банктен карта ашсаңыз, өз карталарыңыз арқылы ашқа аударулар көбінесе комиссиясыз болады. егер басқа банктен виза виртуон ашсаңыз, сол банктен негізгі карта да ашу керек болады, себебі виза виртуон картасы… ээ… карта ретінде берілмеу де мүмкін. оның орнына бір парақ қағаз беру мүмкін, сол парақ виза виртуон картаңыз ретінде болады. карта болмаған соң виза виртуон картасын банкоматарда пайдалана алмайсыңыз. сол үшін банк қызметкерлерінен төлем карточкасын ақша салу жолдарын біліп алыңыз, кассалар арқылы ма, терминалдары бар ма, және т.б. негізі ең жеңілі терминал арқылы. сосын банктің демалыс күндерінде жиналатын кезекке көңіл бөліңіз, кезегі үлкен банктерде карта ашпауыңызға кеңес берем. картаны ашар алдында, сол картаны шығаратын банкте интернет-банкинг қызметі бар-жоғын, оның пайдалану туралы біліп алыңыз. интернет-банкинг сізге қосымша мүмкіндіңтер береді, мысалы, ұялы телефонға бірліктер аудару, басқа да түрлі төлемдер жасау және т.б. әр банк картаны ашу уақыты әр түрлі, бір-екі күннен екі аптаға дейін. карта ашар алдыңда интернеттен оны пайдаланатын адамдардың пікірлерімен танысып алыңыз. картаны ашуға құжаттарды төлтыру кезінде мекен-жайыңызды дұрыс жазыңыз, әсіресе индексті.
UPD 25/09/2012 картаны теңге валютасында аша беріңіз, шетел валютасына автоматты түрде айырбастау жасалады
егер біздің банктермен жағаласқыңыз келмесе, виза виртуон картасын киви терминалдарынан ашып алуға болады, оның әрекет ету мерзімі шектеулі, және комиссиясы көбірек, бірақ оған ақшаны кез келген киви терминалы арқылы салуға болады, толығырақ ақпаратты интернеттен іздеңіз
негізгі кеңестерім осы
келесіде ерінбесем paypal төлем жүйесі, жеткізу түрлері, интернет дүкендер және т.б. туралы жазам

Бұл жайлы қыста жазбақшы болғанмын,өз-өзінен ұмытылып кетіпті. Бүгін есіме қайдан сап ете қалғанын. Соншалықты керемет ештеңе де емес, бірақ жаза салайын.
Билер, шешендер жайлы кітаптардан Төле бидің(шатаспасам)мына бір билігі жайлы сіздерде оқыған шығарсыздар.
Бидің алдына бір балаға таласқан екі әйел шешім сұрап келеді.Екеуі де «бала менікі» деп бет бақтырмайды.Біреуі «бұл баланы мен тудым, бесіктегі жатқан шағында ұрлап кеткен еді. Бұны, пәлен (жауырын, жамбас, обшым пәлен деп алдым) жеріндегі алақандай қалынан таныдым» десе, екіншісі "Ұрлаған түгім жоқ, 9 ай көтеріп тапқан ұлым" десе керек.
Сонда Төле би қолына қылыш алып «Бұл баланы екеуіңе қақ бөліп берейін»деп, баланы қақ бөлмекші болады.Баланы 9 ай көтердім деген әйел бұл әрекетке міз бақпастан қарап тұрса, "ұрлаттып алдым" деген әйел«Ойбай-ай, қайда жүрсе де аман жүрсін.Шаппаңыз» деп жер тізерлеп отыра кетеді.Сөйтім би баланы өзінің заңды шешесіне қайтарып береді. Осыны алғаш оқығанымда (6-7 класс оқитын кезім)«Ата-бабамыздың асқан білімділігін-ай, шешімін таппастай мәселенің түйінін тамаша шеше білген екен» деп ойлағанмын.
Енді қыстағы оқиғаға келсек.Ерігіп отырып ағылшындар түсірген (шатаспасам) «Камелот» сериалын тамашалаған едім. Сол кинода да дәл осындай даумен келген екі адамға, осы іспеттес сынақ беріледі.Шешімді айтатын Утердің қызы Моргана.
Бұл билікті Төле би ешкімнен ұрламаған болар, бірақ та басқаларда ақымақ емес екен ғой.

Егер ТВ-ден қарау мүмкіндігіңіз жоқ болса және жалпы ТВ барлық ойындарды тікелей көрсете де бермейді, осы сайт сізге көмекке келеді. 12 канал бар, соларды басып, қалаған спорт түрін қарай аласыз. Және бір жақсы жері ешқандай комментаторсыз болуы.

www.eurovisionsports.tv/london2012/index.html

Не үшін кіші әріппен жазылды екен?

Хан шатыр мен Ақ орданың арасындағы адам ағыны.

Алдымен, агент Кейдің кім екенін айтып алайық. Ол – жас Джейдің қарт әріптесі. Екеуі агенттер, жат планеталық зұлымдыққа қарсы күресетін, жердегі өзге ғаламшарлықтардың жүріс-тұрысын бақылап, қадағалап отыратын арнайы ұйымның өкілдері, басқаша айтқанда қара киімділер. Сонау 1997 жылы жарық көрген бірінші «Men in black» есіңізде шығар. Міне, сол фильмнің бас кейіпкерлері.

Жаз жақындаған сайын интернеттегі белсенділік те азая бастайды. Осы сылбырлық маусымы енді басталған сияқты. Ешкім ештеңе жазғысы келмейді, пікір жазуға да ерінеді

Күзге дейін осылай енді…

Мінберліктер Қызылжарда жүр. 11-12 мамыр М.Қозыбаев атындағы СҚМУ-да семинар-тренингтерін өткізеді. Бүгін дәл қазір дөңгелек үстелде отырмыз. Есенгүл Кәпқызы, Бақытгүл Салықова, Ғалия Әженова баяндама жасап, талқылаулар жүріп жатыр. Сосын сәл кешігіп ортамызға Талғат Байназаров қосылды. )))
Қатысушылар Астана, Көкшетау, Павлодар және Қостанай қалаларынан келді.



ПыСы: Енді екі күннен кейін казжурға тіркелген блоггерлердің саны кем дегенге 15-ке артады деген ниетпен, әрі солар 2013 жылы БлокКампқа келеді ғой деген ниетпен осы қауымдастыққа қостым.