Жо-Тех жаңалықтары



Кеше Істеп Джобс өзінің табынушыларына iПҰТ-2 планшетінің презентациясын өткізді. Енді жамиғы дәруіштер онымен тек SMS жіберіп қана қоймай, тіпті кейде сөйлесе алады дейді. «Келесі өнімдерде тачскринді сенсорлы экран, 3G-байланыс, Wi-Fi және камера бола ма?» деп сұраған «PC World» американдық журналының тілшісіне, «жоғалнақ» деп жауап берді Істеп Джобс.

***
Үйді өзі жинайтын, тамақ істеп қоятын, кір жуатын және онысы үшін ештеңе сұрамайтын роботтар бұрын арман еді ғой, солай ма? Әлі де арман
Әрі қарай

Мүйізатар-рогатка

Біздің балалық шағымыздың баласын мойнына ілген мүйізатарсыз елестету мүмкін емес секілді.Мүйізатар дегеніміз Y іспетті ағаш бұтағына жіңішкелеп тіліп байланған белесебедтің камерасының және сол камераның екінші басына байланған былғары оқшантай. Қолы ұзындар медициналық жгуттан жасап алатын.Ондай қулардың атқан оғы алысқа кетуші еді.Оқшантайға былғары табудың өзі сор еді. Былғары сөмкеңнің ішкі жағынан кесіп аласың немесе бәтеңкенің тілі кетеді құрбандыққа. Ағаштан әдемі аша таба алмасақ қара сымнан сап жасап алып жүре беретінбіз. Әуелгіде бөтелке атып бастағанмен кейін келе торғайға оқ ататынды шығардық. Талай рет оқ тиген торғайдың жерде тыпырлап қиналғанын көріп жаным ашып кетуші еді. Бірақ балалық па ертеңіне тағы атасың торғай біткен үйіңдегі соңғы бидайыңды жеп кеткендей...Құдай күнаға жазбасын бұл балалығымызды. Одан іш пысқанда қойдың құмалағымен оқтап бір-бірімізбен атысамыз. Іштей ұнатпай жүрген біреуің болса кішкене тас салып атып жібересің, кейде сені де біреулер таспен атып кетеді…
Әрі қарай

Бастық.



Таң ертеңгі уақыт. Сағат ондардың шамасы. Банк кассаларына шаруасы түскен Бөрікбай үйіне ең жақын жердегі банк бөлімшесіне жетіп барған болатын… Ентелеп ішке кіріп келгенде, бөтен біреудің территориясына кіріп кеткенін ілезде байқады… Кірген жұрттың барлығын қабағымен қайырып, иегімен иіріп тұрған банк бөлімшесінің ең үлкен бастығына тап болды… Негізі ол заңды түрде бастық болып тағайындалмаған… Жай, ашейін қызметі бойынша осы бос тұрған авторитарлық орынды баса тұруына тура келген… Оның жазығы жоқ… жүйе солай… біреу басқару керек… айлығы бұл банктегі ең қарапайым кізметкердің айлығынан төмен болса да, оны осы қолына тиген билікпен компенсациялаған жайы бар…
Әрі қарай

Байқауға ұсынылған блогтармен таныс болыңыз!!!

Достар, блогкэмп таяп келеді. Онымен қоса қазақ блогтары арасында үздіктердің анықталатын күні де жақын.

Осыған орай, блогтар байқауының бірінші кезеңінің аяқталғанын хабарлағым келеді. Яғни, блогтар бәйгесіне қатысуға ниет білдірген блогшылардың тізімі анықталды. Енді байқау шарты бойынша бүгіннен бастап, сіздерге (блогкэмп қатысушыларына) олармен танысуға мүмкіндік жасалып отыр.

Барлықтарыңызды байқауға белсенді қатысуға шақырам. Белсенді болу дегеніміз… байқауда бар-жоғы сегіз ғана номинация. Әрбір номинация бойынша өздеріңіздің таңдауларыңызды анықтап қойсаңыздар. Блогкэмп болатын күні яғни, наурыздың 19-ы күні сіздерге кішігірім анкета ұсынылады. Сонда өз таңдауларыңызды белгілесеңіздер – алғысымыз шексіз!
Әрі қарай

Қазақстан чемпионаты 1-тур

Фото: О.Лебедев
Фото: О.Лебедев

1-тур нәтижелері:

Шахтёр — Қайсар 2-0
Локомотив — Жетісу 0-2
Ордабасы — Тобыл 1-0
Восток — Кайрат 1-0
Ақтөбе — Атырау 2-0
Тараз — Ертіс 0-1

12 командадан тұратын чемпионатымыздың алғашқы туры алаң иелерінің басымдылығымен аяқталды. 4 ойында алаң иелері, 2 ойында қонақтар жеңіске жетті. Жетісу мен Ордабасының жеңістерін сенсация деп қабылдамау керек деп ойлаймын. Тобыл биыл өткен жылғы чемпиондық атағын қорғамайтыны анық, команданың мықты ойыншыларының барлығы маусым ортасында бұл командадан кетіп үлгерді. Ал астаналық Локомотив те құрамын жаңартты, чемпионатқа әлі толық дайын емес. Негізі биылғы чемпионат регламентіндегі өзгеріс осындай командаларға лайықталып істелінгендей, 2 этаптан тұратын турнирдің алғашқы этапынан кейін алтылыққа кірген командалардың ұпайлары 2-ге бөлінетіні белгілі. Яғни алтылықтың соңынан орын алған командалар 2-ші этапта көш басындағы командаларды қуып жетіп алуларына үлкен мүмкіндік бар. Сондықтан Тобыл мен Локомотив алғашқы ойындағы жеңіліске қайғыра қоймас, бар болғаны 1,5 ұпай ғана жоғалтты.
Әрі қарай

Тоттенхэм мен Шальке де ширекфиналда



Кеше түнде Чемпиондар Лигасы 1/8 финал ойындарының жалғасы болды. Сан Сирода Миланды 1-0 жеңген Тоттенхэм өз алаңында 0-0 тең түсіп, келесі турға жолдама алды. Ал Шальке Валенсияны 3-1 есебімен жеңді.
Әрі қарай

Мәселе сөз бостандығында ғана емес...

Netpresenter Digital Signage
Image via Wikipedia

Демалыс күндері ескі қағаздарымды ақтарып отырып, тауып алдым. Шамасы жаңа медиаға қатысты бір кітапты оқып отырғанда сол жақтан көшіріп алған болуым керек. Сілтемесін жазбаппын.
Бір түймені басу арқылы ақпарат тасқынының куәсі болу тарихта бұрын-соңды болмаған. Дүниенің әр түкпірінде отырғандар бір-бірімен мұншалықты оңай, әрі жылдам пікірлесе алмайтын. Бір қоғамның азаматтары бір мәселеге қатысты кең ауқымды пікірталас ұйымдастыра алмайтын.
***
Digital ақпараттың келуімен интернеттегі қауіпті мәліметтерден балаларды қорғау енді мемлекеттің емес ата-аналардың мойнына жүктелді.
Әрі қарай

Бешікташтың нәзік жынысты жанкүйері Трабзонспор жаттықтырушысына бәтіңке лақтырды


Бәтіңкені тек жорналшылар емес, фотомодельдер де лақтыра алады. Тек Бушқа емес… Шенол Гүнешке. Өткен аптаның жексенбісінде Бешікташтың стадионында ойналған Бешікташ-Трабзонспор матчында Менекще Гүнгор атты фотомодельдің лақтырған аяқкиімі Шенол Гүнешті «адаспай тапты». Трабзонспорлық жанкүйерлердің 88-минутта соғылған Бурак Йылмаздың голынан кейін қатты қуанғанына шыдамаған Бешікташ жанкүйері Менекще Гүнгор аяқкиімін лақтырып кеп жібереді. Қызық қылғанда онысы төреші шешімімен трибунадан орын алған басқа емес, Трабзонспор жаттықтырушысы Шенол Гүнешке барып тиеді. Аяқкиімді лақтырған өзі екенін мойындаған модель оны әдейілеп Шенол Гүнешке бағыттамағанын айтып ант су ішті. Түркияның әлем чемпионатында үшінші орын алуына еңбегі өлшеусіз сіңген, түрік футболындағы қадірлі есім Шенол Гүнешке деген құрметінің өлшеусіз екенін, сондықтан ол кісіге аяқкиім лақтыру дегенің таза ақымақтық болатынын, алайда екінші голға қатты қуанған жанкүйердің айқайынан соң өз-өзіне есеп бере алмай қалғанын, сосын осындай әрекетке барғанын жайып салды.
Әрі қарай

Наурыздағы оқиға



Ұлыстың ұлы күні де жақындап келеді. Осыған орай, бір кездері "Ұлан" газетіне жарияланған "ірі" туындыларымның бірі — «Наурыздағы оқиға» атты өлең ертегімді ұсынғым келіп отыр. Аршаттан қалыспайын деп скәнірленген нұсқасын да салып қойдым.

Наурыздағы оқиға

Үйрек-қалпында емес ©

Аязды ақпан кетті де,
Наурыз келді күлімдеп.
Күн сәулесін төкті кеп,
Аямады нұрын көк.

Сақылдады сауысқан,
Бар тіршілік оянды.
Жар салуға Арыстан,
Жұмсады сұр Қоянды.

Шарлап Қоян тоғайды,
Деді:
— Асыр сап ойнаймыз.
Алаңда ең қолайлы
Наурыз тойын тойлаймыз.
Әрі қарай

Сарала қаздың күшігі...

Бала кезіміздегі ертегілерде құмай тазылар сарала қаздан туады дегенді жиі еститінбіз. Халық арасында итала қаз деп те аталына береді осынау жабайы дала қазы. Қоңыр қазға қарағанда кішірек. Өзен маңындағы түлкі, қарсақтардың тастап кеткен ескі ініне ұя басады. Бала кезімде жаз шығысымен жайлауға кететінмін. Қаншама сарала қаздың інін қарадым, таппадым құмай күшікті. үлкендерден сұрасам мыңнан бірі күшік болады деуші еді. Сіздер осындай аңыздарды естіп пе едіңіздер?
Әрі қарай