Астанада өтетін бокстан әйелдер арасындағы әлем чемпионаты ауқымында Рио-де-Жанейродағы Олимпиадалық ойындарға 12 жолдама сарапқа салынады. Рио-2016 олимпиадалық жолдамалары: 51 келіге дейінгі, 60 келіге дейінгі және 75 келіге дейінгі үш салмақ санатында ойналады. Әр санатта төрт жолдамадан болады.

Естеріңізде болса, Астанадағы бокстан әйелдер арасындағы әлем чемпионаты 19-27 мамыр күндері «Барыс-Арена» мұз сарайында өтетінін хабарлағанбыз. Қазақстан он салмақ санатында 10 қызды жарысқа қатыстырып отыр. Құрамада астаналық Римма Волосенко, Валентина Хальзова және Ләззат Күнгейбаева кірді. Сондай-ақ рингте Назым Қызайбай, Жайна Шекербекова, Дина Жоламан, Айжан Қожабекова, Зарина Цолоева, Виолетта Князева және Юлдуз Маматкулова ел намысын қорғайды.

Чемпионатқа 326 боксшы қатыспақ — бұл әйелдер чемпионаты үшін рекордтық сан. Әлем біріншілігінде Иордания, Мозамбик және Сьерра-Леоне өкілдері алғаш рет қатысқалы отыр.

«Алтыннан» дәмелілердің қатарында ирландық Кэти Тейлордың, үндістандық спортшы Мэри Комның, американдық Кларессу Шилдстің, британдық Никола Адамстың және қытайлық Рен Канканның есімдері аталып жүр.

Командалардың көпшілігі Астанаға келіп жетті, олар үш базада — боксты дамыту орталығында, «Толқын» спорт кешенінде және Астана-Аренада жаттығып жатыр. Біздің спортшылар АҚШ, Финляндия және Черногория командаларымен бірлескен жаттығулар өткізді.



«Астанадағы әлем чемпионаты кезекті рет бүкіл әлемдегі әйелдер боксының мәртебесін көтереді, — деп мәлімдеді АІВА президенті Чинг-Куо Ву. — Біздің бәріміз де оған аңызға айналған чемпиондар мен жас таланттар қатысатынын мақтан етеміз».

Астана – жастар қаласы. Елорда тұрғындарының төрттен бірін 14-29 жас аралығындағы жастар құрайды. Ресми мәліметтерге сәйкес, Астана қаласында жастар категориясына кіретіндер саны 213,4 мың адам немесе қаланың жалпы демографиялық көрсеткішінің 25% құрайды.

Бүгін қалалық мәслихаттың әлеуметтік-мәдени даму мәселелері жөніндегі тұрақты комиссиясының отырысында жастарды мемлекеттік қолдау және оларды Астананың қоғамдық өміріне тарту мәселелері талқыланды деп хабарланды Астана қаласы әкімдігінің astana.gov.kz ресми сайтында. Өткен жылы жастарға арналғанм 30 астам жоба жүзеге асырылып, 150 астам шара ұйымдастырылды. 2016 жылдың басында 13 аула клубы жұмыс істеп, олар 2500 бала мен жасөспірімді қамтып отыр.



Басқарма жастар арасындағы жұмыссыздықты азайту бағытында да белсенді жұмыс жүргізіп отыр, негізінен жастардың кәсіптік бағдарына баса назар аударылады.

— «Жасыл ел» бағдарламасы белсенді түрде қолға алынған, оның шеңберінде жыл сайын мыңдаған студент құрылыс және қаланы көгалдандыру салаларында жұмыс істейді. 2015 жылы аталған бағдарлама шеңберінде 1500 астам жастар түрлі ірі компанияларға жұмысқа орналастырылды. Биылдан бастап 300 астам адам ЭКСПО қалашығын салуға қатысып отырғанын айта кету керек, — деді Астана қаласы жастар саясаты басқармасы басшысының м.а. Ербол Рыспаев.

Талқылау барысында комиссия мүшелері қазіргі кезде аула клубтарының мүшелері тиісті деңгейде жолға қойылмағанын, сол себепті жастардың біршама бөлігі қамтылмай қалып отырғанын атап өтті. Сонымен қатар, жұмыссыз жастармен жүргізілетін жұмыстардың да кемшін тұстары бар. Депутаттар барлық мүдделі мемлекеттік құрылымдарды тарта отырып, азаматтардың осы санатын еңбекке орналастыру бойынша жұмыстарды белсендіру қажеттілігін атап өтті. Сонымен қатар, тұрғын үй мәселесі де шешілмей келеді.

Талқылау қорытындысы бойынша комиссия мүшелері барлық ескертулерді ескере отырып, басқарма қызметі туралы есепті келесі отырыстарда қайта тыңдау туралы қорытынды жасады.

Сонымен қатар, отырыста ревизиялық комиссияның қалалық Мәдениет, мұрағат және құжаттама басқармасында, Жастар саясаты мәселелері басқармасында жүргізілген аудиторлық шаралардың қорытындысымен танысты.

Жүргізілген жұмыстар нәтижесі бойынша осы саладағы үйлестірушіні анықтап, қаланы сыртқы тақырыптық ресімдеу, елордада мәдени имиджілік және әлеуметтік маңызы бар шараларды ұйымдастыру және өткізу тәртібін реттейтін бірыңғай құжат әзірлеу мәселесін қарау ұсынылды.

«Еуропа күні» аясында Астанада Еуропа киносының фестивалі басталды. 16 мамыр мен 19 мамыр аралығында Еуроодаққа мүше-мемлекеттердің 15 үздік туындысы елорда тұрғындарының назарына ұсынылады.

Австрия, Ұлыбритания, Испания, Венгрия, Чехия, Германия, Словакия, Латвия, Болгария, Португалия, Польша, Швеция, Грузия және де Нидерланды мен Эстонияның үздік туындылары арасында «Оскар-2016» жүлдесінің лауреаты атанған «Эми» фильмі, «Үздік режиссура» үшін 2015 жылы Варшава кинофестивалінде жеңімпаз болған Эстония мен Грузияның бірлесе түсірген «Мандарины» әскери драмасы сияқты салмағы ауыр кинолар бар.



Ал, Астанадағы Еуропа киносының фестивалі «Мысықтардың басы айналмайды» атты Португалия елінің кинокомедиясымен ашылды. Бұл фильм 2014 жылы Португалияның ұлттық кинопрокатында көш бастап, көптеген халықаралық фестивальдерге ұсынылған екен.

Қазақстан Республикасындағы Еуроодақ өкілдігінің басшысы Траян Хистеаның айтуынша, еуропаның киносы Қазақстанда мол сұранысқа ие және бұл фестивальге Еуропа елдері тек үздік туындыларын ұсынған.

«Жалпы, фестиваль аясында Қазақстанның үлкен экранына шығарамыз деген кинолар мықтап іріктелді. Басты талап, кино — Еуроодақ құрамындағы елдердің көрермендеріне танымал, рейтингісі жоғары, сюжеті сапалы болу керек. Фестивальге әртүрлі жанрды, түрлі аудиторияға арналған кинолар таңдалды», — дейді елші.

Фестиваль шымылдығын Чехия Республикасы түсірген «Жолы болғыш бейбақ» киносы жабатын болады. Жалпы, кинолардың барлығы орыс тілінде көрсетілейін деп отыр және бұл фестиваль Астана, Алматы, Шымкент қалаларын қамтиды. Естеріңізге саламыз, фестиваль аясында кино тегін көрсетіледі, сондықтан қалыспай,

Бүгін Елбасы Астана қаласының әкімі Әділбек Жақсыбековті қабылдады деп хабарлайды Астана қаласы әкімдігінің ресми сайты astana.gov.kz. Ә. Жақсыбеков Мемлекет басшысына елорданың әлеуметтік-экономикалық дамуы, негізгі мемлекеттік бағдарламалардың жүзеге асырылу барысы және алдағы кезеңге арналған жоспарлар туралы баяндады.



Кездесу барысында Қазақстан Президенті өңірлік жалпы өнімінің көлемі 4 триллион 560 миллиард теңгеге жеткен қала бүгінде өсім қарқыны бойынша елде бірінші орында тұрғанын айтты. Сонымен қатар негізгі капиталға салынған инвестициялар көлемінің өсімі байқалуда, былтырғы жылдың қорытындысы бойынша ол 770 миллиард теңге болды. Шағын және орта бизнес субьектілерінің саны 2014 жылы 93 мың болса, қазіргі кезде 105 мыңға дейін жетті. Шағын және орта бизнес секторындағы қосымша құнның жиынтық үлесі қала экономикасының жалпы көлемінің 62 пайызына жуық. Биыл 2,1 миллион шаршы метр көлемінде баспана пайдалануға беріледі деп жоспарланған, 2014 жылы бұл көрсеткіш 1 миллионның шамасында болған еді.

Ақорда сайтының хабарлауынша, Мемлекет басшысы әлеуметтік даму индикаторлары арасынан жұмыссыздық деңгейінің төмен екенін және 6 мың бос жұмыс орны бар екенін айтып өтті. Өткен жыл қорытындысы бойынша, Астанада жан басына шаққандағы орташа табыс 3,7 миллион теңге болды. Елордада балалардың 84,5 пайызы мектепке дейінгі біліммен қамтылған, балабақшалар мен мектептер құрылысы жалғасуда. 2015 жылы жаңа туған 100 мың сәбиге шаққанда ана өлімі 7 адамға тең болса, биылғы бірінші тоқсанда бұл көрсеткіш нөлге теңесті.

Нұрсұлтан Назарбаев қаланы дамытуға капитал салу тиімді болып шыққанына, бүгінде оның орны толып жатқанына да назар аударды.

– Бұл – қуантарлық көрсеткіштер, ол мемлекеттің, бірінші кезекте қала әкімдігінің сындарлы жұмысының нәтижесі болып саналады. Осы жұмысты жалғастыру керек. Елорда барлық бағыт бойынша үлгі көрсетуге тиіс. «Ақылды қаланы», балама энергетиканы дамыту, жылумен жабдықтау, көшелерді абаттандыру, автотұрақтар салу бағытында көп нәрсе жасалуда. Қала жақсы дамып келеді және бұған қажетті өз қаражаты да бар, – деді Қазақстан Президенті.

Мемлекет басшысы кездесу қорытындысы бойынша бірқатар нақты тапсырма берді. Бұл кездесу мен тапсырмалар нәтижесін хала тұрғындары жақын арада байқайды деген сенімдеміз.

25-26 мамырда Астанада жыл сайынғы Астана экономикалық форумы өтеді. АЭФ-2016 аясында 20 астам сессия өткізіледі деп хабарлайды Астана қаласы әкімдігінің ресми сайты astana.gov.kz. АЭФ-2016 басты тақырыбы — «Жаңа экономикалық шынайылық: әртараптандыру, инновациялар және білім экономикасы». Бүкіл әлем сарапшылары экономиканың дамуына, елдердің инвестициялық тартымдылығын арттыруға, сондай-ақ бизнесті сапалы жаңа деңгейге шығаруға көмектесетін барынша тиімді стратегиялар мен практикалық мысалдармен бөлісу үшін бір диалогтық алаңға жиналады.



Форум аясында өткізілетін басты шаралар: Қазақстандық инвестициялық саммит, «Гипержаhандану дәуірінің аяқталуы: экономикалық және қаржы сәулеті үшін жаңа жағдайлар» кең ауқымды бағдарламалық сессиясы, жас ғалымдардың «Жаңа индустриаландыру жаһандану жағдайында Қазақстанда экономикалық даму драйвері ретінде» ғылыми конференциясы және т. б.

Қазіргі АЭФ-тың ерекшелігі ретінде Орталық Азияның, соның ішінде Қазақстан экономикасының негізгі секторын инвестициялаудың жаңа мүмкіндіктерін белгілеуі тиіс жекешелендіру бойынша бірінші Қазақстандық форумды ұйымдастыруды атауға болады.

Осы күні АЭФ-2016 Еуропа, Азия және Таяу Шығыс үкіметтері мен бизнес өкілдерін біріктіруге бағытталған Жібек жолы елдерінің Форумы өтеді.

Астана экономикалық форумы шеңберінде экономика, Blockchain технологияларын қолдану бойынша форум қатысушылары үшін семинарлар сериясы, нетворкингтер, жетекші әлемдік сарапшылардан шеберлік дәрістер және бизнес-гуру бойынша негізгі спикерлер лекцияларын өткізу жоспарланған, сондай-ақ қазақстандық жоғары оқу орындарының студенттері үшін бірнеше іс-шара ұйымдастырылады.

Биыл форумға қатысатын тұлғалардың қатарында AliBaba Group интернет-коммерция саласындағы қытай компаниясының негізін қалаушы Джек Ма, Колумбия Университеті Жер институтының директоры, профессор Джеффри Сакс, АҚШ бұрынғы президенті Рональд Рейганның экономикалық кеңесшісі және Ұлыбритания Премьер-Министрі Маргарет Тэтчердің кеңесшісі Артур Лаффер және т.б. бар.

Биыл 25-ші рет өткізілетін жас орындаушылардың «Жас қанат – 2016» республикалық конкурсына дейін санаулы күндер қалды. Бүгін байқауға қатысатын өнерпаздар Астанаға келді.

Конкурста Ақтөбе, Орал, Семей, Өскемен, Алматы, Талдықорған, Шымкент, Жезқазған және Қарағанды қалаларынан 14 орындаушы бағын сынайды. Астана намысын 3 өнерпаз қорғайды.

– Бүгін орындаушылар көп жұмыс істейді, дайындалады, кездесулер, конкурс алдындағы жеребе тастау өткізіледі, әртістер үшін бұл өте маңызды. Конкурсқа қатысушылардың жасы 15-тен 28-ге дейін. Бәрі де бұрын басқа байқауларға, соның ішінде халықаралық ән конкурстарына қатысқан. «Жас қанат» та басқа конкурс сияқты тәжірибе жинауға, жаңа адамдармен танысуға мүмкіндік береді, сондай-ақ, қатысушыларға сахнада өзін-өзі ұстау бойынша шеберлік дәрістері өткізіледі. Вокалдың шегін анықтау үшін конкурс репертуары күрделі болуы керек. Қатысушылар әр түрлі тілдерде ән салады, – деді «Жас қанат» байқауының өкілі Жібек Кашкеева.



Аталған байқау талай жас орындаушылардың жолын ашты, қазақстандық жұлдыздардың көбі шығармашылық жолын осыдан бастаған. Қазақстандық әнші Нұрлан Абдуллин «Жас қанат» жайлы өз ойымен бөлісті.

– «Жас қанат» — бұл өмірлік мектеп. Мен үшін бұл аса маңызы бар өмірдің, ердің үлкен мектебі. Менің ойымша, бұл байқауда қысқа ғана уақытта алынған тәжірибе, университеттік білімнен асып түспесе, кем түспейді. Қаншалықты қобалжулы болса да, жас әнші барша халық алдында өз өнерін көрсете алады. Бұл баға жетпес тәжірибе, – деді Н. Абдуллин.

«Жас қанат» конкурсы қазақстандық әнші Мадина Садуақасованың да тағдырын анықтады. Бұл туралы әнші былай дейді:

– Өмірлік жолымды таңдауда «Жас қанат» байқауы басты рөл атқарды. Бойыма ерекше жауапкершілік артқан ең маңызды жеңісім де осында болды. Себебі, менің талантымды әділ қазылар алқасы мойындап, маған үміт артты. Ал қазылар алқасында әр кез белгілі мәдениет пен өнер қайраткерлері болатын.

Мерейтойлық конкурс мамырдың 20-22 күндері Бейбітшілік және келісім сарайында өтеді.

Материалды Астана қаласы әкімдігінің ресми сайты astana.gov.kz деректері бойынша әзірленді.

«ЭКСПО-2017» халықаралық көрмесін тамашалауға асығып жүргендер арманына бір табан жақындай түспек. Маңызды шараға онлайн билеттер 10 маусымнан бастап сатылымға шығатын болды. Ал тамыз айында қолма-қол билеттерді алуға да мүмкіндік тумақ. «Астана Экспо-2017» ҰК» басқарма төрағасы Ахметжан Есімовтің айтуынша, билет құны кино билеттерінің бағасынын сәл қымбатырақ болады. Ұлттық компания Халықаралық көрмелер бюросымен ұзақ уақыт келіссөздер жүргізіп, бағаны мейлінше төмен мөлшерде бекітуге мүмкіндік алған.


astanatv.kz/news/show/id/48123.html

25-26 мамырда Астанада жыл сайынғы Астана экономикалық форумы өтеді. АЭФ-2016 басты тақырыбы — «Жаңа экономикалық шынайылық: әртараптандыру, инновациялар және білім экономикасы». Бүкіл әлем сарапшылары экономиканың дамуына, елдердің инвестициялық тартымдылығын арттыруға, сондай-ақ бизнесті сапалы жаңа деңгейге шығаруға көмектесетін барынша тиімді стратегиялар мен практикалық мысалдармен бөлісу үшін бір диалогтық алаңға жиналады.

Форум шеңберінде 20 астам сессия өткізу жоспарланған.

Форум аясында өткізілетін басты шаралар: Қазақстандық инвестициялық саммит, «Гипержаhандану дәуірінің аяқталуы: экономикалық және қаржы сәулеті үшін жаңа жағдайлар» кең ауқымды бағдарламалық сессиясы, жас ғалымдардың «Жаңа индустриаландыру жаһандану жағдайында Қазақстанда экономикалық даму драйвері ретінде» ғылыми конференциясы және т. б.

Қазіргі АЭФ-тың ерекшелігі ретінде Орталық Азияның, соның ішінде Қазақстан экономикасының негізгі секторын инвестициялаудың жаңа мүмкіндіктерін белгілеуі тиіс жекешелендіру бойынша бірінші Қазақстандық форумды ұйымдастыруды атауға болады.

Осы күні АЭФ-2016 Еуропа, Азия және Таяу Шығыс үкіметтері мен бизнес өкілдерін біріктіруге бағытталған Жібек жолы елдерінің Форумы өтеді.

Астана экономикалық форумы шеңберінде экономика, Blockchain технологияларын қолдану бойынша форум қатысушылары үшін семинарлар сериясы, нетворкингтер, жетекші әлемдік сарапшылардан шеберлік дәрістер және бизнес-гуру бойынша негізгі спикерлер лекцияларын өткізу жоспарланған, сондай-ақ қазақстандық жоғары оқу орындарының студенттері үшін бірнеше іс-шара ұйымдастырылады.

Биыл форумға қатысатын тұлғалардың қатарында AliBaba Group интернет-коммерция саласындағы қытай компаниясының негізін қалаушы Джек Ма, Колумбия Университеті Жер институтының директоры, профессор Джеффри Сакс, АҚШ бұрынғы президенті Рональд Рейганның экономикалық кеңесшісі және Ұлыбритания Премьер-Министрі Маргарет Тэтчердің кеңесшісі Артур Лаффер және т.б. бар.

astana.gov.kz/kk/modules/material/10543

Елорда көшелерінде жол жөндеу жұмыстарымен қатар белгілер де жаңартылады. Қазіргі кезде жолдардың 17 учаскесінде белгілер қайта салынды. Қалада жол жабынын таңбалау бойынша жүргізілетін жұмыс ауданы 200 мың шаршы метр жолды қамтиды.

Бүгінгі таңда І. Есенберлин көшесінде (Ы. Алтынсарин көшесінен Республика даңғылына дейін), Орынбор көшесінде (Хусейн бен Талал көшесінен әуежай тасжолна дейін), Т. Рысқұлов көшесінде (Орынбор көшесінен Қабанбай батыр даңғылына дейін), Тәуелсіздік даңғылында (Ж. Нәжімеденов көшесінен А. Пушкин көшесіне дейін), Нәжімеденов көшесінде (Тәуелсіздік даңғылынан Ш. Қалдаяқов көшесіне дейін) жол үстіндегі белгілер жаңартылды.

Сонымен қатар, А. Байтұрсынов көшесінде (Сарайшық көшесінен Қ. Аманжолов көшесіне дейін), Қабанбай батыр даңғылының батысы мен шығысында, Қ. Мұңайтпасов көшесінде (М. Жұмабаев даңғылынан Тәуелсіздік даңғылына дейін), Б. Момышұлы даңғылында (Тәуелсіздік даңғылынан Сарайшық көшесіне дейін), «Ақ Орда» жолында, М1 көпірінде (Б. Момышұлы даңғылынан Түркістан көшесіне дейін), әуежай тасжолынан Cтелаға дейінгі жол жабынын таңбалау жүзеге асырылды.

Мұнымен қоса, мамыр айының соңына дейін Б. Момышұлы даңғылында (Тәуелсіздік даңғылынан Абылай хан даңғылына дейін), Сарайшық көшесінде (Түркістан көшесінен Тұран даңғылына дейін), Түркістан көшесінде (Сығанақ көшесінен Сарайшық көшесіне дейін) тиісті жұмыстар аяқталмақ.

astana.gov.kz/kk/modules/material/10545

Елордада жол жөндеу жұмыстары Қала күніне дейін аяқталады деп хаарлайды Астана қаасы әкімдігінің ресми сайты astana.gov.kz. Жалпы, биыл 25,36 км жол салу, жөндеу және қалпына келтіру жоспарланған. Соның ішінде, 15,8 км жол салынады, 1,4 км қалпына келтіріледі және 8,16 км орташа жөндеу жұмыстары жүргізіледі. Астанада жол жабынын жөндеу және қалпына келтіру жұмыстары қарқынды жүргізілуде. Қазіргі кезде 184 мекен жай бойынша жол салу, қалпына келтіру және орташа жөндеу жұмыстары қолға алынды. Үш көшеде жол жөндеудің маршруттық әдісі енгізіліп, 9 көшеде ой-шұңқырлар тегістелуде.



– Жол жөндеу жұмыстары басталғалы 157 нысанды қалпына келтіру аяқталды, соның ішінде 39-ы – маршруттық әдіспен жүргізілсе, 118 – ой-шұңқырлар жабылды. Жалпы, жолдарды қайта жөндеу жұмыстарын 1 маусымға дейін аяқтау көзделген. Мекен жайлар бойынша 20 нысанды жөндеу қажет, соның ішінде Орынбор көшесі дайын. Бүгінгі таңда 8 нысанда тиісті жұмыстар жүргізіліп жатыр, – деді Астана қаласының Автомобиль жолдары басқармасы жол құрылысы және жөндеу бөлімінің басшысы Асқар Исаков.

Жол жабынын орташа жөндеу жұмыстары 1 шілдеге дейін аяқталмақ. Бүгінде Астананың басты көшелері жөнделіп, көлік қозғалысына кедергі келтіретін қолайсыздықтардың басым бөлігі жойылды.



Астана көшелерінде 29 бригада мен 414 жұмысшы еңбек етуде. Сондай-ақ, жол жабынының кемшіліктерін жоюға және ірі асфальт төсеу жұмыстарына 160 артық арнайы техника жұмылдырылған.

Ең бастысы жол жөндеу жұмыстары жоспарға сәйкес жүргізіліп, көлік қозғалысына ешқандай қолайсыздықтар келтірмейді. Мысалы, 8 мың шаршы метр жол жабынына асфальт төсеу үшін бір ауысымдағы жұмыс уақыты жұмсалады. Демалыс күні Кравцов көшесі толықтай жөнделіп бітті.