Астанада жыл сайынғы «Шабыт» халықаралық шығармашыл жастар фестиваліне қатысуға өтінімдер қабылдау басталды. Биыл байқауда бес номинация бойынша дарынды жастар бәсекеге түспек. Атап айтқанда, «Классикалық музыка», «Халық музыкасы», «Эстрадалық вокал», «Хореография» және «Журналистика».

Үстіміздегі жылы байқау 5-9 қараша аралығында Бейбітшілік және келісім сарайында өтеді. Онда 16-35 жастағы үміткерлер күш сынасады. Ұйымдастыру комитетінің шешімімен «Классикалық музыка» номинациясында келесідей ішкі номинациялар болады: «Ағаш үрмелі аспаптар», «Мыс үрмелі аспаптар», «Соқпалы аспаптар», «Камералық ансамбль»; «Халық музыкасы» номинациясында «Қобыз», «Прима қобыз», «Шертер», «Бас шертер», «Прима домбыра»; «Хореогоафия» номинациясында тек халық биін орындаушылар ғана өнер көрсетеді. Ал «Журналистика» номинациясында екі бағыт қосылды – «Телевидение» және «Интернет ресурстар».

Айта кетейік, «Журналистика» «Шабыт» фестивалінің бағдарламасында соңғы рет 6 жыл бұрын болған. Биыл Астананың 20 жылдығын мерекелеуге орай аталған номинация қайта енгізілді. Байқауға мерейтойлық датаға және елордаға арналған телевизиялық бағдарламалар, деректі фильмдер (хронометражы 20 минуттан аспайды) және Интернет ресурстардағы жарияланымдар қатысады.

Әр номинация бойынша толық ереже ХХІ «Шабыт» халықаралық шығармашыл жастар фестивалінің www.shabyt.astana.kz сайтында және Астана қаласы мәдениет және спорт басқармасының www.madeniet-sport-astana.kz сайтында жарияланған. Байқауға қатысатын үміткерлер материалдарды Астана қаласының мәдениет және спорт басқармасына (010000, Астана қ., Бейбітшілік көшесі, 11 мекен жайы бойынша) тапсырады. Сонымен қатар, байқауға қатысуға өтінімді www.shabyt.astana.kz сайты арқылы беруге мүмкіндік жасалған. Толық ақпаратты +7 (7172) 556771, +7 (7172) 557409 телефондары бойынша фестивальдің Ұйымдастыру комитетінен алуға болады. Өтінімдерді қабылдау 25 қазанға дейін жалғасады.

«Шабыт» халықаралық шығармашыл жастар фестивалі үстіміздегі жылы 21-ші рет өткізіледі. «Шабыт» өнер әлеміндегі маңызды оқиға және талантты жастарға үлкен сахнаға жол ашатын бірегей алаң болып табылады. Осы күнге дейін фестивальге өнердің түрлі жанрларында 10 мыңнан аса адам қатысты. Әр жылдары фестиваль гран-приі танымал әзілке Тұрсынбек Қабатовқа, ақын Қалқаман Саринге, балет артисі Әйгерім Бекетаеваға, опера әншісі Айгүл Ниязоваға, «Меломен» тобына, Аша Матайға, белгілі әнші әрі композитор Қайрат Баекеновке және басқа да атақты тұлғаларға табысталған болатын.

Еске салайық, өткен жылы ХХ «Шабыт» Халықаралық шығармашыл жастар фестивалінде Қазақстан Республикасы Президентінің кубогын скрипкашы Жібек Мусургалиева жеңіп алды.

Астана қаласының активімен Мемлекет басшысының Жолдауын талқылау барысында әкім Бақыт Сұлтанов жыл соңына дейін баспана алу үшін барлық қажетті құжаттармен рәсімделген сомасы 1 млн теңгелік 100 тұрғын үй сертифиткатымен қамтамасыз етуді тапсырды, деп хабарлайды елорда әкімдігінің ресми сайты.

Оның айтуынша әрбір азаматтар үшін жайлылық баспананың қолжетімді болуымен байланысты. Осы мақсатта биыл наурыз айында «7-20-25» ауқымды бағдарламасы іске қосылды, оның шеңберінде таяу арада бес жылда 100 мыңнан аса азамат баспаналы бола алады.

Астана қайтадан жаңадан тұрғын үй бағдарламасын әзірлеген бірінші қала, ол бюджет саласында қызметкерлердің баспаналы болуы үшін қажетті жағдайларды жасауға бағытталған.  

«Бағдарламаның бұдан да қолжетімді блла түсуі үшін халықтың жеңілдік санатындағылар үшін алғашқы жарнаны жартылау субсидиялау үшін қосымша механизмдер әзірлеу жалғасуда», — деді Бақыт Сұлтанов.

Әкім баспана алуда әлеуметтік көмекті ұсыну үшін қайтадан әзірленген тұрғын үй бағдарламасын іске асыру үшін «Тұрғынүйқұрылысжинақбанкі» АҚ маңызды серіктес екендігін айтты.

«Астанада білім ұйымдарында әкімдікте кезекте тұрған баспанаға мұқтаж 10 мыңдай адам еңбек етеді. Денсаулық саласында 4997 адам және 2682 ІІД қызметкері тұрғын үйге зәру. Осы үш сала азаматтардың өмір сапасына қатты әсер етеді, сол себепті, оларға ең бірінші кезекте көмек беру керек», - деді «Тұрғынүйқұрылысжинақбанкі» АҚ басқарма төрайымы Астана қаласының активімен кездесу барысында.

Естеріңізге сала кетейік, Н. Назарбаев өзінің жаңа Жолдауында тұрғын үй мәселесіне ерекше назар аударды. Президент жергілікті атқарушы органдарды қазақстандықтарды тұрғын үймен қамтамасыз етуде алғашқы жарнаны субсидиялауға бірігіп көмектесуге және әлеуметтік саладағы жұмысшылар үшін ипотеканы қолжетімді етуге шақырды.

Бүгін әкімдікте Астана әкімі Бақыт Сұлтановтың қала активімен бірге ҚР Президентінің Қазақстан халқына «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауын талқылады, деп хабарлайды елорда әкімдігінің ресми сайты.

Әкімнің айтуынша, қазіргі Жолдаудың маңызы мен құжаттың мазмұны, әзірленген және салыстыра тексерілген бағдарламалық құжаттар — «Қазақстан – 2050» стратегиясы, «Нұрлы жол» және «100 нақты қадам» Ұлт жоспарының логикалық жалғасы бола білді.

«Ел Президенті Нұрсұлтан Назарбаев азаматтардың әлеуметтік жағдайы мен өмір сапасы, қоғам дамуын жақсарту бойынша жасалатын шаралардың ауқымын теңдесі жоқ етіп көрсетті. Әрбір пункт Қазақстанның қарқынды дамуы үшін іргетасы болып қаланды, оның іске асырылуы бізге әлемдегі дамыған 30 елдің қатарына кіруімізге мүмкіндік береді. Мемлекет басшысы айтқан міндет 11 қыркүйекте қала активімен болған кездесуде айтылған мақсаттармен тығыз байланысты. Сондай-ақ қаланы дамытудың жаңа үлгісін енгізу мен жайлы орта жасау үшін инновацияны ілгерілетіп, креативті адамдар санын өсіру», — деді Б. Сұлтанов.

Кездесуде қатысушылар Президенттің жаңа құжатындағы барлық салаға қатыстыны талқылады. Оның ішінде «7-20-25» ауқымды бағдарламасын іске асыру бойынша баспана мәселесі айтылды, оның аясында Б. Сұлтановтың айтуынша таяу бес жылда 100 мыңнан астам азамат баспанаға қол жеткізе алады.

Қала активі сонымен қатар астанадағы бизнес климат мәселесін де қозғай кетті. Іске асырылып жатқан жобалар туралы «Даму» кәсіпкерлерді дамыту қорының астанадағы филиалының директоры баяндады. Ал денсаулық сақтау және білім саласындағы қызмет көрсетудің сапасын елордалық мектеп пен бала бақша меңгерушілері айтты.

Астана әкімі Б. Сұлтанов әрбір саланың іске асырылуы маңызды екеніне тоқталды. Әсіресе, денсаулық сақтау объектілері сияқты мекемелерді қолжетімді түрде қамтамасыз етуді тапсырды және де аулаларды және ішкі кварталдардың территориясын абаттандыруды да пысықтады.

Естеріңізге сала кетейік, Қазақстан халқына Жолдауын Нұрсұлтан Назарбаев 5 қазан күні жария етті. Онда негізгі тақырыптар қазақстандықтардың тұрғын үй, білім, денсаулық, шағын және орта бизнеске (ШОБ) көмектесу мәселелерін шешу болды.

Қазақстан Республикасының Тұңғыш Президенті – Елбасы кітапханасында жақын арада өтетін Әлемдік және дәстүрлі діндер лидерлерінің VI съезіне арналған «Руханият тіректері» атты тақырыптық кітап көрмесінің ашылуы өтті, деп хабарлайды Астана қаласы әкімдігінің ресми сайты.

Көрменің ашылу рәсімінде Елбасы кітапханасы директорының бірінші орынбасары, саяси ғылымдарының докторы, профессор Әмірхан Рахымжанов сөз сөйледі:

– Бүгін Сіздер Әлемдік және дәстүрлі діндер лидерлерінің съездерін өткізу, дінтану, әлем діндерінің негіздері бойынша Қазақстан Республикасы Президентінің идеяларының туындауы және эволюциялық дамуы туралы тақырыптық кітап топтамаларын тамашалай аласыздар. Әлем діндерінің қасиетті кітаптары, яһудилік, христиандық, мұсылмандық әдеби дәстүрлердегі факсимильді және сирек басылымдарды паш ететін көрмеміз әлемдік өркениеттің байлығы мен сан алуандығын түсіндіріп қана қоймай, көрермендерді осылардың бір бөлігі ретінде сезіндіреді, — деп атап өтті Әмірхан Рахымжанов.

Әлемдік және дәстүрлі діндер, философиялық ілімдер мен тәжірибелер тарихы әлемнің көптеген ғалымдарының қызығушылығын оятады. «Рухани тіректері» көрмесі әлемдік діндердің қасиетті кітаптарын, ғылыми монографияларды, өнер және сәулет тарихтарына арналған еңбектерден тұратын 200-ден астам басылымды ұсынады. Мазмұны және жанр жағынан әрқилы басылымдар діндердің пайда болуы мен даму тарихымен таныстырып қана қоймай, сонымен қатар уақыт және кеңістік аясында діни дәстүрлердің сабақтастығын да көрсетеді. Ұсынылған ауқымды кітаптар жинағы әрқайсысы «руханият тірегі» болып табылатын әлемдік және дәстүрлі діндер туралы толық мәлімет алуға мүмкіндік береді.

– Дін мәселесі – күрделі мәселе. Діни адамдардың бір-бірімен келісе білуі қиын, олардың басын біріктіретін бір тылсым күш керек. Сондай күш — Елбасымыздың халықаралық деңгейдегі бастамасы арқылы Қазақ елінде орнықты. Адамдар жаратқанға бастайтын жолды жаңылыспай тапқанда ғана, көптеген қақтығыстар, түсінбеушіліктер,  неше түрлі келеңсіз жағдайларға жол берілмейді. Қазақ елінің кемеңгер басшысы Нұрсұлтан Әбішұлы Назарбаев осындай істің басында болып, биыл алтыншы рет Әлемдік және дәстүрлі діндер лидерлерінің съезін өткізбекші. Бүгінгі көрменің тағылымы мол, көрген адам ой түйеді, — деді көрменің ашылу рәсімінде сөз алған, философия ғылымдарының докторы, академик Ғарифолла Есім.

Құрандар коллекциясы Елбасы кітапханасы музей жинағының мақтанышы. Бұл жинақтың аса ерекшелігі – көрмеге ұсынылатын кітаптар арасында кітапхананың сирек қорындағы XVIII-XIX ғасырларда шыққан түпнұсқалық басылымдардың болуы. Басылымдардың басым бөлігі Елбасымыз Н. Назарбаевқа шет мемлекеттер өкілдерінен дипломатиялық сый ретінде ұсынылған. Әр кітаптың безендірілуі — әлемдік мәдени мұраның ажырамас бөлігі болып табылатын дәстүрлі ислам мәдениетінің қайталанбас бейнелерін қамтитын зергерлік, көркемдік және каллиграфиялық шебер әдіспен өңделген. 

«Жас Ұлан» балалар-жасөспірімдер ұйымы Астана қаласының қоғамдық даму істері басқармасының тапсырысы бойынша, Астана қаласының жас отбасылары арасында «Үздік жас отбасы» байқауын жариялайды, деп хабарлайды елорда әкімдігінің ресми сайты.

Байқауға қатысу үшін үміткерлер іріктеудің 2 кезеңінен өтуі тиіс. Қатысушылар бірінші кезеңде өз отбасы жайында «Отбасы — бақыт мекені» тақырыбында эссе жазуы керек. Жұмыстар 12 қазанға дейін қабылданады. Өтінішті astana.otbasy@gmail.com электрондық поштасы арқылы жіберуге болады.

Байқаудың екінші кезеңі қорытынды фестивалге ең үздік 10 жұп өтеді. Ол 20 қазан күні «Оқушылар сарайында» өтеді. Байқаудың жүлде қоры – 800 мың теңге.

Барлық сұрақтар бойынша @astana.otbasy Instagram әлеуметтік парақшасына жазсаңыздар болады. Байқау ережесі және өтінімді толтыру үлгісі www.zhasulan.kz ресми сайтында.

Астаналық шенеуніктер «Менің алғашқы ұстазым» атты тақырыпта шығарма жазды, деп хабарлайды елорда әкімдігінің ресми сайты.

Өздерінің шығармасында басқарма басшылары ұстаздары туралы жылы лебіз білдіріп, ары қарайғы өміріне үлкен үлес қосқандарын айта кетті.

«Целиноград. 1971 жыл. Ағаштар енді-енді ғана алтын түстес жапырақтарға оранып, күз келе бастаған шақ. Мен бірінші сыныпқа барамын және бүгін менің туған күнім! Мектепке ең алғаш барған күнімді дәл осылай еске аламын және өзімнің ең алғашқы мұғалімім – Галина Павловна Савельевамен таныстым», — деп еске алады мәслихат депутаты Мирас Шекенов.

«Менің ең алғашқы ұстазым тек музыканың қыр-сырын ғана емес, басқа елдер мен халықтардың да музыкалық стилінің құрылымын түсінуге үйретті. Ең бастысы, ол маған ұлттық музыкаға деген махаббатты бойыма сіңірді. Мен одан 3 класқа дейін тәлім алдым. Оны мені музыкалық және кейіннен өміріме басшылық жасап кәсіби музыкаға беттеуіме үлес қосқан адам деп есептеймін», — дейді мәдениет және спорт басқармасының басшысы Болат Мажағұлов.

«Менің ең алғашқы ұстазым – Пак Елизавета Даниловна. Бір қарағанда ұстазымыз қатал көрінді, бүкіл класс болып оны шуламай тыныш отырып тыңдадық. Елизавета Даниловна бізге мектеп өмірінің ережесін қарапайым етіп түсіндірді, ол әрбір пәнді керемет түсіндіретін», — дейді өзінің естелігімен бөліскен Мемлекеттік қызмет істері және жемқорлыққа қарсы күрес агенттігі департаментінің басшысы Жазира Жылқышиева.

«Әрине, алғашқы ұстазды тек қана саған үйреткен машықтары мен білімі үшін ғана еске алмайсың. Оның бейнесі жадымызда мәңгіге қалып кетеді, әрбір қимылы, сөйлеу мәнері, сырт келбеті. Әсел Серікқызы дәл осындай өз бойына барлық жарасымды әдепті жинаған мұғалім еді. Содан да болар, барлық оқушы өзінің сүйікті ұстазына ұнағысы келгендіктен сабағын жақсы оқыды. Меніңше біздің астананың да педагогтары балаларымыздың есінде өздерінің жақсы бейнесімен қаларына сенімдімін», — деді шығармасында тілек білдірген білім басқармасының басшысы Әнуар Жанғозин.

Бұдан бұрын хабарлағанымыздай бүгін № 1 мектеп-лицейде педагогтарға арналған дублер күні өтті, мұнда мұғалімдермен бірге астаналық шенеуніктер де бірге келді. Ересек оқушыларға ерекше бағдарлама әзірленді, онда жаңартылған білім мазмұны, моторика мен ұқыптылықты анықтайтын тест элементтері енгізілді. Ал басты тапсырмаға «Менің алғашқы ұстазым» атты шығарма жазу жұмысы кірді.

Астана қаласының білім ордаларында 16 000 астам мұғалім жұмыс жасайды. Оның ішінде жоғары білімі бар ұстаздар 85,9 пайыздан астам, деп хабарлайды Астана қаласы әкімдігінің ресми сайты.

Жоғары және бірінші санаттағы мұғалімдер саны жылдан-жылға көбеюде. 2017-2018 оқу жылында жоғары және бірінші санаттағы мұғалімдер саны 3530-ды құраса, 2018-2019 оқу жылында бұл көрсеткіш 7949 дейін көтерілген.

2018-2019 оқу жылының басында жалпы білім беретін мектептерде 361 жас маман жұмысқа қабылданған болса. Ал, үш жылдай еңбек өтілі бар 1244 жас мұғалім еңбек етуде.

Астана қаласында соңғы бес жыл ішінде 2000 педагог жұмыстағы жоғары көрсеткіші үшін түрлі марапаттарға ие болған, оның ішінде 130-ы мұғалім төсбелгі иесі атанса, 137 ұстаз мемлекеттік наградалар алған, ал 250 мұғалім ҚР Білім және ғылым министрлігі атынан құрмет грамоталары мен алғыс хаттарға, 1860 ұстаз Астана қаласы білім басқармасының алғыс хаттары мен грамоталарына ие болған.

Жыл сайын дәстүрлі түрде «Астана қаласы білім беру саласының алтын қоры» кітабына өнегелі ұстаздардың есімдері тіркеледі. Бүгінгі күні кітапта 86 ұстаз тіркелген.

Аула клубтарының жұмысы «Астана жастары» КММ басшылығымен іске асырылуда. Клубқа келетін балалардың саны 3000 адамнан асады. 24 клубтың 7 клубы Алматы ауданында, 10ы – Байқоңыр ауданында, 4-і – Есіл, 3-і – Сарыарқа ауданында жұмыс істейді.

«Аулалар клубы – бұл өзіндік мектептің бір түрі, мұнда балалар ақыл және дене тұрғысынан дамиды, жаңа нәрселерді үйреніп, чемпион болып жатады. Сондай-ақ мұның бәрі тегін. Сонымен қоса, бұл ата-аналардың баласына не ұнайтынын табудың мүмкіндігі», — деді «CrossfitKids» аула клубының жетекшісі Олжас Дәулетхан.

Сондай-ақ аула клубына келушілер бокстан, қыздар арасындағы күрестен, каратэ, таэквондо, қоян-қолтық күрес жарысынан жақсы нәтиже көрсеткендер бар. Бұдан бөлек, кәдімгі спорттық секциялар мен үйірмелерден басқа клуб жанынан шахмат, бокс, тай боксы, күрес, би, бейнелеу өнері, музыка және т.б. ашылған. Жақында чирлидинг, брейкданс, қыш шебері, техникалық кескіндеме, скаут қозғалысы, «жас медик», балаларға арналған кроссфит және басқа да секциялар ашылды.

Айта кетейік, 2015 жылы қалада небары 6 аула клуб болса, 2016 жылы олардың саны 13-ке көбейді. 2017 жылы клубтың саны 18-ге жетті. «Астана Жастары» спорттық ұйымдардың санын 208 жылы 30-ға дейін көбейтуді жоспарлап отыр. Аула клубына астананың кез келген оқушысы тегін ақысыз түрде бара алады.

Аулалардың толық тізімі үйірмелердің кестесімен қосылып беріледі:

Аула клубтарының кестесі 2018

Алматы ауданы (7)

1. «Алаң» аула клубы, Мүсірепов көшесі 4/2 

Дастан Алдашев 87011941777

2. Аула клубы «АрманСТар» Халықаралық көше кенті, Армандастар, д 2/3

Азамат Каримов  87010992212

3. «Жас Қанат»– Армандастар көшесі 49/3

Руслан Жанболатұлы 87017747288

4. «Мирас» Мичурин  ауылы, Бастау д., 17/1

Администратор Диана Степанова 87074193556

5. «Тарлан». Мұстафин көшесі, 1/3 үй

Индира Абдикаримова 87023850135

 6. «Темірлан» — КүйшіДинакөшесі, 28

Макен Қайыров 87776544868

 7. «M-Bridge» — Төреқұлұлы көшесі, 34

Хасен Молдабаев 87477002101

Байқоңыр  ауданы (10)

1 «Эверест» — Күлтөбе көшесі, 11

КожабековГалым87019082614

2 «Астана» — Жұбановкөшесі,10

Ерік Рыспаев 87016578533

3 «Бәйтерек» Жұбановкөшесі,10

Ерік Рыспаев 87016578533

4 «Байқоңыр — Жұбановкөшесі,4

Бахыт Айданбекова 87088872164

5 «Береке» — Отырар көшесі, 18 а

Жанат Жамантаева 87024405931

 «Береке –Кайсар» -  Отыраркөшесі,18 а

Түгелбаева Гүлнар 87015122762

 6.«Береке – Спорт» Отыраркөшесі,18 а

Аян Маханов 87019985377

7. «CrossfitKids» - Кенесарыкөшесі, 42

Олжас Даулетхан 87771515080

8. № 34 орта мектебі –Тайбурыл көшесі, 23

Дастан Алдашев 87011941777

9. № 21 орта мектебі — К. Кемеңгерұлы көшесі, 4

Дастан Алдашев 87011941777

10. «Айбар» -Гоголя көшесі, 19

Индира Абдикаримова 87023850135

 «Есіл»ауданы (4)

1 «Арлан ТКД» -Сығанақ көшесі, 18

Юлия Кан 87078630403

2 «Есіл» — Сауран көшесі, 12/1

Бахыт Даулетбаев 87774164668

 3.«Family» — тұрғын үй кешені фэмилитаун Е 652көшесі, 10

Қасымбекова Гүлнар 87783650000

4 «TTS» — Достық көшесі, 5

Құспанова Ақмарал87027821658

Сарыарқаауданы (3)

«Ерасыл» — Көктал көшесі, 1-қабат. Сұлукөл 14

1. Дастан Алдашев 87011941777

1. «Шағала» — Мәскеу көшесі, 18

Наталья Дюсекеева 87012333148

3. «Жас Барыс» —  Көктал 2мөлтекауд, Арқалық көшесі, 18

Дастан Алдашев 87011941777

6-13 қазан аралығында Индонезияның Джакарта қаласында мүмкіндігі шектеулі спортшылар арасында III Азиялық Пара ойындары өтеді, деп хабарлайды Астана қаласы әкімдігінің ресми сайты.

Қазақстан құрамасы құрамында Астаналық «Жігер» спорт клубының 9 спортшысы спорттың 4 түрінен сайысқа түседі:

Жеңіл атлетика – Бейбарыс Болат (ТҚАЗ). Жаттықтырушы – Любовь Латышенко – жеңіл атлетикадан спорт шебері, біліктілігі жоғары деңгейдегі жоғары санатты жаттықтырушы.

Жүзу — Сиязбек Далиев (ТҚАЗ), Диана Сутпаева (көру), Әлібек Уақпаев (көру), Ануар Ахметов (көру), Ерлан Елдекенов (көру). Жаттықтырушы – Владимир Загородний – жүзуден ҚР Еңбек сіңірген жаттытырушысы, біліктілігі жоғары деңгейдегі жоғары санатты жаттықтырушы;

Сомдалу — Мария Әуезова (ТҚАЗ). Жаттықтырушы – Евгений Руденко – сомдалудан Халықаралық дәрежедегі спорт шебері, біліктілігі жоғары деңгейдегі жоғары санатты жаттықтырушы;

Дзюдо — Бауыржан Арыстанбеков (көру), Ерғали Шамей (көру). Жаттықтырушы – Оразов Даурен.

Джакарта қаласында өтетін ІІІ Азиялық Пара ойындарына әлемнің 43 мемлекеттен 18 параспорт түрі бойынша 3500-ден астам спортшы қатысады. Қазақстан Республикасының атынан 9 спорт түрінен (жүзу, сомдалу, жеңіл атлетика, дзюдо, садақ ату, оқ ату, отырып ойнау волейболы, үстел теннисі, шахмат) 91 спортшы бақ сынайды. Ашылу салтанатында Қазақстан Республикасының туын жүзуден Пара Азия ойындарының бірнеше дүркін чемпионы Ануар Ахметов көтереді.