Той әнектері

Тойға бармайтын қазақ жоқ. Тойшыл емеспін деген қазақтың өзі кемінде 3 тойға баратын шығар бір жылда. Туған-туыстың, дос-жаранның тойына қонақ болуымды есептесем орта есеппен жылана 4 мәрте тойда қонақ болады екенмін.
Келіншегіміз баламен демалып отырған осы бір тұста жуанның жіңішкеруін, жіңішкенің үзілуін күтпей ауыздан кеп тұрған соң биыл беттің арын белбеуге түйіп асабалықты бұрқыратыңқырап жібердім. Енді жұмыстың кестесі қызар тұста сәл тоқтай тұрармыз. ол басқа әңгіме.
Біздің айтарымыз… Тойларда қонақ болып келіп, ән айта алмаса да керемет қалжың айтып кететін ағаларымыз болады. Тойдың әнектері дегеніміз, жан-жағынан сүзгіден өткен әнектер.
Әрі қарай

Күнтізбеден Гугылға дейін

Баяғыда әр ауыл қазағының үйінде жыртылмалы күнтізбелер ілініп тұратын. Сол күнтізбелер арқылы біраз атаулы датадан хабардар болдық. Әр парағының артқы жағында қызықты мәліметтер, атақты адамдар өмірінен шағын мағұлыматтар бар болатын. сол заманның «Гугілі» еді ғой жарықтық. «Мынау әріден бастағанда не айтқысы келіп отыр?» деп отырған боларсыздар.
Бүгін адамзаттың ғарышқа табан тіреген күні десем артық кететін шығармын. Ол жақта табаның жерге тимейді деседі білетіндер. Адамның ғарыш кеңістігіне көтерілген күні.
Жұртқа жалға берсек те ғарыш айлағы бар, екі ғарышкері бар елдің өкілі ретінде барлығыңызды осы күнмен құттықтаймын!

Ескерткіш Қарағанды қаласына тиесілі. Ал, суретмына жерге тиесілі.
Әрі қарай

Блогқұрылтай. Нөмір Үш

Блогқұрылтайдың не екенін, мақсаты қандай екенін түсіндіру үшін әуелі әңгімелесіп отырған адамыңызға блог жайлы түсінік қалыптастыру керек. «Блогқұрылтай» десеңіз әркім әр түрлі қабылдайды екен. Жұмыста бір қағаздарды толтырып отырғанмын. Кабинетіме бір әртіс апамыз (орта жастағы кісі, қырса қырыққа аяқ баса бастаған) келді. «Өзімнің жұмыстарымды интернет арқылы жарнамалай аламын ба?» дегендей сұрақтар қойды. «Апай, әлбетте! Шетелдерде әртістердің жеке сайттары болады. Соңғы жаңалықтарын, жаңа альбомдарын сол сайттары арқылы жарнамалап отырады. Сайтпен жұмыс істей алмасаңыз кішігірім блог ашып алып сол арқылы өз жұмысыңызды жарнамалдай беріңіз». «Мой мирдың» блогы арқылы ма?». Апамызға блогтың не екенін түсіндіріп, 2011 жылдан бері қазақ блогшыларының блогқұрылтайы дәстүрлі түрде өтіп келе жатқанын айттым. «Дүниежүзі қазақтарының құрылтайы секілді» десеңші деді Дүниежүзі Қазақтарының Құрылтайында ән айтып қалған әртіс апамыз.
«Блог бізге не бер(е)ді, ?», «Блогқұрылтай не бер(е)ді?» деген заңды сұрақтар туындайды екен.
Әрі қарай

Жұлдызшалар

***
Ауылға бардым. Қой қораның қиын ойдық. Қидың арасынан өлген бозторғайдың денесі шықты. Қойдың үстіне жұмыртқалағысы келген болар сірә…
***
«Еңкейгенге еңкей, әкеңнен қалған құл емес,
Шалқайғанға шалқай, ол патшаның ұлы емес» деген мақал өтірік-ау деймін. Біреуге еңкейіп ізет көрсетсең, ол саған еңкеймек түгілі айналып кетіп, артыңнан бір тебеді. Басқасын істемегенге тәубе айтып кете барасың…
***
Үйіңнен қою тамақ жеген кейбір жігіттердің, былай шыға соңыңнан сұйық сөз айтатынына үйрене бастадым.
***
… Тауға да биік шығарсың
Жауыңды жеңіп тынарсың
Ағайын сенбей тұрғанда
Досыңның көзін ұғарсы...-алып -қосарым жоқ екен.
***
«Осы маған не жетпейді?» деп көп ойланатынмын. Жақында соның жауабын таптым. Маған ақша жетпейді екен. Бірақ, ол кімге жеткен дейсің?! Байлықтың түбіне жетем дегенше, ол сенің түбіңе жететіні де ақиқат.
…
«Осы неге басқа елдерде қайдағы жоқ қайыршылардың өзі лотереядан Джек пот ұтып жатады?-деп ойладым ұтыссыз „Казлотомды“ қоқысқа тастап жатып…
…
Әрі қарай

Сосед украл болгарку...

Менің «тұзым жеңіл». Бірдеңеге ұрынып кетпесем жүре алмаймын. Өз-өзімнен, әлде өз-өзінен бірдеңеге ұшыраймын да жүрем. Бұл оқиға ертеректе, менің 25 жасымда болған еді, қазір 28 демін.
Обшым, үйге қонақтар келе қалды аяқ астынан. Марқұм қайнағам(ол кезде тірітін)жанында екі кластасы бар. Содан, ет жеп сорпа ішіп дегендей, кеу-кеу әңгіме айтылып жатыр. Есіктің қоңырауы қытайдың әуенін ойнап қоя берді бір кезде. Көршім екен. Есіктерін аша алмай жатыр.
Әрі қарай

Әпенділер

Естелігіме кейіпкер болып тұрған екі әпенді де қазір о дүниелік болып кеткен. Жеке-жеке,әр қайсы өз жолымен.
Сканворд шешу
Темірхан аға.
Мен Балқашта 10-11 оқып жүрген жылдары қазақша сканворд газеттерінің дүрілдеп тұрған дәуірі еді күн құдайы раңдысс… Демалыстарда ауылға келгенде қыстаққа соқпай кетпеуші едім. «Солдат» тәрізді газетермен бірге бір құшақ сканвордтарды да ала барушы едім. Темірхан ағамыз сканворд шешкенде қаты ойлана қоймаушы еді. Мысалы «ат әбзелі?» деген 5 торкөзден тұратын жауапқа ойына келген «Ноқта» деген жауапты жаза салатын. Астыңғы үстіңгі сұрақтарға шолу жасамаушы еді жарықтық… Сайып келгенде әлгі әбзел жүген болып шығатын. Бұл кісінің шешкен сканвордтарын дәретханада бұттан кетіп отырып оқығанымды несіне жасырайын…

Құсайын
Өмірден ерте кеткен бұл жігіт өзімізден 8 жастай ғана үлкен еді. Сканворд шешкенді ұнататын жандардың бірі еді. Темірхан ағамызбен таласып жүріп, біраз газетті өзіне алып алатын. Бұл кісінің сканворд шешкені тіпті қызық. Ұзақ ойланып барып жауабын жазатын. Бір сағата екі-үш жауап жазып қояды. Сканвордтың астыңғы-үстіңгі жақтарында зертеп алады. Зерттеуінің нәтиже беретіндігі сонша жауапьары қате шығып жатса да басқа сұрақтардың жауаптарының әріптеріне еш зиянын тигізбеуші еді. Мысалы, төрт әріптен тұратын дәнді дақыл. Оның екі әріпі табылып тұр. Бас әріпі «Т» болып, үшінші әріпі «Р» болып тұр. Көлденеңінен, тігінен шығып тұрған әріптерге зер салып, ұзақ ойланған құсекең дәнді дақылға «ТОРТ» деп жазып қойған еді…
Әрі қарай

Терезе

Ол теледидардағы ауа райына да, интернет беттеріндегі болжамдарға да онша мән бермейтін. Қай уақытта тұрса да көзін тырнап аша салысымен терезеге қарайтын. Дұрысы терезеден далаға. Адамдар шолақ жең киімен жүрсе бұлда солай киініп, күрте киіп жүрсе сәйкесінше бұл да солай киінетін.
Кеше түні бойы бір сайтта әлдебіреулермен пікірталастырды. Не бұл оларды түсіне алмады, немесе аналар шынымен сөз ұқпайтын жандар. Бірнеше мәрте кофе ішіп, бірнеше мәрте оттығын қолына алып, мұрнынан будақ-будақ түтіндер шығарды.
Бүгін ұйқысы қанбай оянды. Екі сағаттан сәл аса ұйықтаған болар шамасы. Бүгін бір мекеме жұмысқа аламыз деген, солармен алдын-ала әңгіме-дүкен құруға барады. Ояна салысымен терезеге қарады. Ешқандай жан баласы көзіне ілінбеді. Көздері құйрығымен кері қарай, дәлірек айтсақ, құйрығымен алға қарай ұшып бара жатқан торғайларға түсті. «Далада жел қатты екен» деген оймен қалыңырақ киініп алды. Автобуста қалың киіммен отырған бұған жұрттар қайта-қайта мойындарын бұрып қарай берді.
Көп шегіп қойған тәрізді…
Әрі қарай

"Қыз көру"

Егер сіз 31-ші наурыз бен 1-ші сәуір аралығында Қарағанды шаһарында бола қалсаңыз «ASIA» сауда орталығына соға салыңыз. Бұл жерде осы күндер аралығында "Қыз көру" атты көрме өтеді. Негізінен бұл көрменің пайдасы жақын арада қандай да бір той, мерекені атап өтейін деп жатқан қарағандылықтарға таңдау мүмкіндігін беретіндігі байқалады. Себебі, бұл көрмеде тойға қажетті барлық қызмет түрлері топтастырылады.Атап айтсақ, кондитерлік өнімдермен айналысатындар, шаш, сұлулық салондарының өкілдері, фото-видео қызметтері, зергерлік бұйымдармен айналысатындар өз қызметтерін ұсынады.

"Қыз көру"-қазақ халқының салттарының бірі.Бұрындары ата-бабаларымыз атастырылу арқылы отбасын құрғанымен, кейбір ықпалды адамның балалары, сал-серілікпен айналысатын бірен саран жігіттер өзіне қалыңдық таңдап, ауылдарды аралайтын болған.Міне, осы салтты "Қыз көру" деп атаған.

Көрме жайлы мәліметтің түпнұсқасы
Әрі қарай

Шайтанның ақылы

Шайтанды шайтан деп қарағанымызбен олар да өз балаларына ақыл айтып, қамқорлық көрсетеді екен. Әке шайтан баласына ақыл айтып отыр дейді.
-Балам, мынау- от.Отқа түспе(шайтан оттан жаралған деп жатады ғой, неге қорқатындарын түсінбедім), күйіп өлесің.
-Мынау биік құзға да шықпа. Құлап өлесің.
Осындай ақылдарын айтып отырып бір адамды көрсетіп,
-Балам, анау қазақ. Оған да тақалма.Бір нәрсені бүлдірсе саған жаба салады-деген екен.
Расында да бізде «Шайтан азғырды» деген тіркес бар ғой
Әрі қарай

Көңіл айту

Қазақта «Көрген жерде көңіл айт, көңілі қалмасын» деген сөз бар. Біреудің қазасына бара алмасаңыз, кейін кездескенде мейлі ол оқиғаға 1 жыл өтсе де көңіл айтудың еш сөлекеттігі болмаған. Әбден орыстанып кеткен бір қазақтың ағайындары қайтыс болғанда «Бақытты болсын» дегенін айтып еді бір кластасым.

Ақселеу Сейдімбек қайтыс болғанда ол кісімен аталас болып келетін Қр еңбек сіңірген қайраткері, әнші Жақсыгелді Кемаловқа біраз адамдар көңіл айтса керек. Моңғолиядан елімізге көшіп келген сазгер Ысқақ Тәукейұлы (жасы үлкен кісі) денсаулығына байланысты кіріп шыға алмаса керекті. Ысқақ ағамызда Ақселеу марқұммен тығыз шығармашылық байланыста болған адам. Уақыт өте Қарағандыдағы бір концертте Жақсыгелді ағамыз Ысқақ Тәукейді алыстан байқап қалыпты. Ысқақ ағамыздың да өзін көргенін сезіпті. Арада біраз уақыт өтіп кеткендіктен көңіл айтудың ретін таба алмай отырған Ысқақ Тәукейұлы концерт соңында Жақсыгелдігі тақалып«Сен неге маған Ақселеудің өлгеніне байланысты көңіл айтпайсың?» деп, өзінің де онымен қатты араласқанын тілге тиек ете отырып, әдемі түрде көңіл айтқан деседі.
Әрі қарай