Салем керекшилер! Сиздерден сурайын дегеним араларынызда Астаналыктар болса типтен жаксы. Семьямызбен астанага кошкимиз кеп отыр осы тамыз айына таман. Ол жакта бари кымбат деп естимин астана туралы минус плюс тарын бираз малиметтер берсениздер деген тилек сиздерге. квартира жалдау жумыс табу т.б калай? Пикирлериниз бен кенестеринизди кутемин!

Он бес жыл болды қала тұрғынымын. Әкем, шешем қалаға келгеніне үш-төрт жылға толды. Қала тұрғыны атандық. Осыдан екі жыл бұрын өзімді осылайша таныстырар едім.
Қазір бәрі басқаша. Соңғы кездері науқастанып қалатын күндерім көбейіп жүр. Жас десек, бар жоғы отыздың үшеуіндемін. Бүгін науқастанып қалдым, күн суық. Ертең барша күш-қайратымды жинап, учаскелік дәрігер алдынан барып өтпекшімін. Үш күн болды науқастанғаныма, қолымнан жасаған ем болмады.
Учаскелік дәрігер кабинетінің есік сыртында «Казаченко Н.В.» жазуы бар. Фамилиясы белгілі болған соң, толық аты-жөніне көңіл аудармайсың.
— Казаченкоға кім соңы, — деп кезектен кезек алып қабылдауына отыра бересің. Кабинетте бет жүзі қатал орыстың сары әйелі қабылдау жүргізеді. Дәрігерлік жеңіл емес кәсіпте көп жыл қызметте. Ұстанымы әскери дәрігерге бергісіз.
Былтырғы жыл біздің отбасымызға жеңіл тимеді. Қырсықтың басы күзде жеке өз отбасымның шайқалуынан бастады, себебі ажырасу. Сот, ұрыс-керіс, төленбеген қарыздар. Қатты қыстан жылқы, ірі — қара арасынан шығын болды. Жазды күні ата-бабаларымызға ас беріп, тілеу жасадық. Өткен жылғы күзде, ұрыс – керіспен ажырасып жүргенде әкемнің басына қан құйылып ауруханаға түседі. Шешем маған көп нәрсені айтпай жасыратын. Ауруханаға қалай түскені туралы хабарсыз болдым. Бір жыл өткен соң қайтадан ауруханаға жатқызды. Бұл жолы ауруханаға өзім барып жүрдім. Бұрынғы жылдардан қарағанда соңғы бір жыл ішінде әкем нашарлап кетті. Таяқпен тіреніп жүреді.
Әкемді ауруханадан екі жұмадан кейін шығарып тастады. Ем қонбады. Соңғы күндерін туған-туысқандар арасында өткізсін дегендей. Мазасыз түндер мен күндер кештік. Күндіз сыртты (пәтердің кіре беріс алды, үйдің ауласын) аңдитынмын. Жетім адамша қараусыз, отырған жерінде құлап қалмасын (көз жұмбасын) дегендей қарайлап жүретінмін.
Сырқаттанбаған кезінде кәрілігін мойындап «адам кішкене кезінде бір бала, кәрітейгенде бір бала», — дейтұғын. Келіннің қолында кеткен екі жастағы немересін сағынып, «немере ыстық, туған балаларымнан да» — деп жиі айтып қоятын. Өзінің кәрілігі, сырқаты қосылып бізге түсірген ауыртпалықты ойлап уайымдайтын. Өзіне де жеңіл тимеді. Күтімі ауыр болған жоқ. Өзі аяғымен жүрді. Қол икемі кетсе де, өз қолымен тамақтанды. Қозғалғанда тез шаршап қалатын. Сонда көмекке келетінбіз. Ауруханадан шыққанына бір ай толғанда хәлі күрт нашарлады. Ас ішкенге тәбеті төмендеді. Аяқ бастарынан жылу кетті. Қолымызды тигізіп көреміз, сұп-суық. Жылынбайды.
Пәтерімізге учаскелік дәрігерді шақырттық. Сәрсенбі күні сағат он мөлшерінде пәтердің кіре берісіндегі есіктің қоңырауы соғылды. Шақыртқан учаскелік дәрігер келіпті. Әкем екеуі бөлмеде қалды. Бір қарағанда әкем жаман тілімен (ойын жеткізе алмайтын бірден, әсіресе орысша) дәрігерге бір нәрсесін айтып жатыр, дәрігер басын шұлғып, қағазға жазуларын түсірді. Дәрігер қарауын аяқтап, менің қолыма «рецепт» жазылған екі жарты бетті ұстатты. Қағаздардағы жазуларды оқымақшы болып едім, түк түсінбедім, латынша жазылыпты. Осы кезде дәрігер жуынатын бөлмеге барып қолын шайып шықты да (диалог орыс тілінде):
— Міндетті түрде жұма күні мені шақыртыңыз, — деп барынша сыпайы күймен айтты. Әкемнің соңғы күндері тым мазасыз болып кеткендігін жеткізбекші болып:
— Атамыз соңғы күндері тым мазасыз болып барады — деп айта бергенімде дәрігер сөзімді үзіп:
— Олардың барлықтары сондай, — деді де пәтерден шығып кетті.
Бейсенбі күні. Шешем сәрсенбі күні берілген рецепт бойынша жазылған дәрілерді ала алмады. Жақын жердегі дәріханада жоқ. Сондықтан бүгін таңертеңнен дәріханалар ашылды – ау деген уақытта дәрілерді іздеп кетті. Пәтерде әкем екеуіміз қалдық. Сағат он мөлшерінде әкем қасына шақырып алды. Қолынан жетектеп дәретханаға апаруын сұрады. Дәретханадан шығып төсек орнына жетектеп келе жатқанымда, әкем:
— Кетіп барамын, — деп екі рет қайталады. Мен болсам әкемнің екі аяғымен жүріп келе жатқанын көзіммен көре тұра:
— Әке, қайдағыны айтпашы, — дедім. Түрі бұзыла бастады. Төсек орынға отырғызып, аяғын көтеріп, төсекке салып, бас жағына жастығын қойып, оң жаққа жантайта бердім. Нашарлап бара жатқанын байқап, дәрісін бермекші болдым. Қолымды шайып келмекші болып әкемнен бір минут қол үздім. Қасына келсем, алдында әкемді төсекке жатқызбақшы болып жантайтқан бойда басы жастыққа жетпей денесі құрысып қалыпты. Ауа жетпей тұншығып, дем ала алмаған күйде. Жанын тапсырып жатыр. Қолымды жүрегіне тостым, соқпайды. Беті қып-қызыл болып қызарған, барлық жиырылған бұлшық еттерден сығылған қан тамырларды толтырып ісіртті. Тұншығып жатқанда кең ашылған ауызы тарс жабылып, қатты тістенді. Қолымнан келері жоқ. Әкемнің мына жарық дүниедегі соңғы сәттері. Көзді ашып жұмғанша ақырғы демі шықты. Денесі тез босап сылқ ете түсті. Жедел жәрдемге телефон соқтым. Жедел жәрдем дәрігерлерін күтіп отырмын. Осы кезде шешемнің өз енесін қалай күтіп, өз қолынан аттандырғаны туралы айтқанын есіме түсірдім. Сонда енесі жас келініне көзін жұмып жанын тапсырған соң, денесі жансызданған сәтте басын байлауды сұрапты. Өйткені, дене босағанда ауыз қуысы ашылып қалуы мүмкін екен. Ондай болмау үшін басты байлау қажеттігін түсіндіріпті. Осы жайт есіме түсті.
Көп ұзамай жедел жәрдемнің екі дәрігері пәтерге енді. Олардың «ешқандай көмек көрсете алмаймыз» дегендеріне ешқандай мән бермедім. Дәрігердің біреуі қазақтың ер адамы екен, содан көмек сұрадым.
— Басын байлауға көмектесіп жіберіңізші, — дедім.
Дәрігер бинттен үзінді үзіп алды. Сосын әлгі үзіндімен иектің астынан төбесіне асыра түйіп байлағанға көмектесті. Ұзыннан жатқызып екі қолын кеудесіне салып қойдым. Бөлмені жинастырып жібердім. Қазір шешем келуі керек. Естірту үшін көрші апаны шақырдым. Үлкен адамдар қорқақ, бас тартты. Домофон бар. Күткенімдей үйдің кіріс — шыға берісінің есігін ашу үшін шешем домофонға соқты. Үндемей есікті аштым. Пәтер кіре берісінен қарсы алдым. Шешем бірден түсініп жоқтауын айта бергені. Шешем, әкемді жиналған бөлме ішінде ұйықтап жатқандай көрінсін деген ісім жөн болыпты.
Жұма күні. Әкемді соңғы сапарына шығарып салушылар ішінде бір туысымыздың әйелі келді. Мамандығы дәрігер болатын. Шешем әкеме соңғы рет жазылған рецептте неден емдеуге қажет дәрі жазылғанын білу үшін рецепт қағаздарын оқып көруге ұсыныпты. Оқып болған соң:
— Апай, рецептте асқа қосатын биологиялық белсенді затты жазыпты, дәрі емес, ешқандай емдік қасиеті жоқ — деді.
Әкем жан азабын жеңілдеткенге дәрі жазып бергенін сұраған көрінеді. Дәрі көмектеспейді дегенге дәрігер тілі бармаған. Үмітін үзбеу үшін рецепттерді жазып берген көрінеді. Бір жағынан әкемнің үмітін үзбеді, екінші жағынан шешеме әкемнің жан тапсырғандағы қиналғанын көрсеткен жоқ. Егер де шешем, таңертең дәріханаға кетпесе ше, не болар еді?! Шешем дәріні іздеп бірсыпыра уақыт жүрді. Тапқанға оңай болмаған. Сирек кездесетінін жазған. Осылайша үйге кешігіп келді. Шешем жас адам емес, мүмкін әкемнің көз жұмғандағы қиналғанын көріп дертке душар болар ма еді немесе жүрегі шыдамай жарылып кетсе, ойлау да қиын.
Дәрігердің өз ісіне жауапкершілігін де айта кетейін. Біздің арнайы шақыруымызды күтпей, өзі, әкемнің халін білуге келіп қалыпты. Қасыма келіп:
— Ата ғой, бәрін түсіндім, қайырын берсін — деді. Үнсіз кетпей, көңіл айта кетті.

2012 жылы, 11 мамаырда түзету енгізілді

Бүгін яғни 18 — Маусым күні Sigma никті Алмас атты «Керекшінің» туылған күні…
30-ға аттап, осы жасыңда Орда бұзуына тілектеспін, бала шағаң өсіп, үлкендерін тың боп отыра берсін… Туылған күнінмен бро…

Бұрында кәріс халқы ғана ит етінен әзірленген тағамдарға әуес болады деген түсінік бар болатын біздің жақта. Бұл күнде ит етін өзімізде олардан қалыспай жейміз. Жеке басыма келсем, ем үшін жер едім, аштықтан өліп жатқан жоқпыз, ол мәселені әзірге қоя тұрайық…
Сан-Францисконың 43-жасар Дебби атты тұрғыны торттың түр-түрін пісіреді екен. «Бізде де небір торт пісіргіштер бар» дерсіз мүмкін. Онда ентігіңізді сәл баса тұрыңыз. Деббидің торттары күнделікті өмірде көріп жүрген заттарға, жануарларға да ұқсауы мүмкін. Ұқсауы мүмкін дегеніміз қателік болар, тіпті ажырата алмай қалуыңызда ғажап емес. Мынабір чихуахуа тұқымдас иттің дәмін өз басым татып көруден бас тартпас едім.
Blackberry телефонын армандасаңыз ол да бар. Мультфильмдер мен киноларды да назардан тыс қалдырмаған.
Тапсырыс бойынша қалаған кейпіңіздегі тортыңызды әзірлете аласыз. Жергілікті медицина институтының түлектері өздеріне әйелдің жатыры кейпіндегі тортқа тапсырыс беріп, оларын алған кезде қатты риза болыпты деседі.
Тапсырыс бағасы торттың көлемі мен қиындығына байланысты 200 АҚШ долларынан басталып бірнеше мың долларға дейін кете береді.

Басқада тәтті суретттерге сілтеме

Жазба мына жақтаналынып өңделді.

… Алғаш керекке Абзал арқылы келдім. Майл.ру-да блоктатып отырғам… Арасынан келіп сөзге қыстырылып, одан агентпен сөйлесіп, ақыры керекке кіргізді. Блоктағы Абзалмен дауласып отырғанымыз Рафаның "ҚазақГейт ісі" атты салиқалы, адамға ой салатын туынды екенін кейінірек білдік қой. Оған Абзалдың салмақты пікірлерін қосып қойыңыз… Сонымен не керек, алдын ала екі күн бойы мақала жазып, Абзалға вордпен жіберіп оқытып алып, Абзал оны мақтап, Керекке салмасаң болмайды, тамаша шығарма екен,-деген секілді әңгімелер айтып, тіркелу жолдарын көрсетіп, керекке тіркетіп «шығармамды» жариялатты да жіберді сосын… қайдан білейін ол кезде Абзалдың прикол ұстап отырғанын… сосын…
басталдыыы… талады ғой талады, лібааааддд. Сыртқа шығам күйіп тұрып темекі шегем (-40-50 градуста ойлаңыз). Қайта кірем ішімнен "… ссүкілер… көрсетем қазір" деп шіркін ай десиш...
Осылай келдік Керекке! Өкпелеп шығып кеткеміз жоқ, барлық шымкенттіктерше теманы түсініп, тастай батып, судай сіңіп кетуге тырыстық. Құрылтайда көрдік барлығын. Көпшілігімен достық қарым-қатынастамыз. Сооолл.
Қазір құдайға шүкір қазақ блогосферасы дамып келе жатыр. 4-5 ай бұрын админіміз "… адам қызығатын пост жоқ. Сол баяғы Сатыпалды, сол баяғы Гаста",-деген бір сөзінде. Күйіп кеткен ғой қайтсін. Сонан соң осы жақында «Жазғы сылбырлық басталды»,-деп бір намек тастап қойды. Шамамыз келсе де келмесе де осы олқылықтың орынын толтыруға тырысып жүрміз. Жастар шығып жатыр небір талантты. Fox_kz-тен көп үміт күтемін өзім.
Уопшым әңгіменің қорытындысы. Құрметті жастар өзімізді сәл ересек санасақ болатын шығар. Қайтпаңдар, жазыңдар, пікір білдіріңдер.

Гол салу немесе жеңіске жету кезінде әрбір ойыншының жан дүниесінде, сөзбен айтып жеткізе алмайтын сезімдер тулайды. Сондай қуанышты сәттердің hollywood стильіндегі өңдеуден өткен топтамасы

Кино мен телеарналарда болсын, интернетте болсын, әйгілілігі жағынан Махаббаттан асқан тақырып жоқ шығар. Телехикаялар «романтикалық махаббақа» толып кеткен. Бұл тақырып айналасында қаншама ән жазылған. Арамыздағы көптеген адамдар санасында, Махаббат — «маңызы бар жалғыз нәрсе» деген стереотип қалыптасқан. «Семейная жизнь» журналындағы Пол Попено өзінің мақаласында, көптеген адамдардың махаббат жайлы ойлары келесідей деген: «Махаббат — қолжетімсіз еліктірме, ол кенеттен пайда болып, қызылша ауруы сияқты, жан тәніңе билік орнатады. Ол жайлы сен интуиция арқылы білесің. Егер ол шынайы сезім болса, ол жайлы көп ойланбайсың. Оны ешбір күмәнсіз қабылдайсың. Махаббатың күші керемет, махаббат үшін барлығынан теріс бұрылуың мүмкін. Ер адам өзінің әйелін, махаббат үшін тастап кетсе, немесе келіншек өзінің отбасын, ал патша өз тәжін тастап кетсе, ондай адамдарды түсінуге болады. Махаббат ойда жоқта пайда болып, адамды өзіне тәуелді етеді» делінген. Бірақ бұл шынайы махаббат емес! Нағыз махаббат басқаша болады.

Әжуалаудың шебері Саша Барон Коэн ортамызға қайта оралды. Айта кету керек, оның өз фильмін премьера алдында жарнамалауда өзіндік тәсілі бар — бір жыл бойына (мүмкін одан да көп уақыт) соңғы шыққан кинокомедиясының образында жүреді. 2012 жылғы «Оскар» салтанаты мен Канн фестивалінде Алладин образымен басты назарда болған даулы комик, кезекті дүниесін экранға шығарды.

Сiз қалай фотоға, оны көрiңiз iшiне бағытталған өте өткiр ұшталған ұштары бар ағаш шеңбер болады.Мұндай воротничек (көрiңiз, петелечка анда бар бол) ашылды және содан соң мойынға жапырақтанды және бекiттi. Сонымен бiрге, шынжырдың қолдарын туралы еркiн болу үшiн сайып келгенде құрсаулады, адам жағаға дейiн созылып жете алмау үшiн керiсiнше темiр белдiгiне, немесе аяқ кiсендерiне де қосты.Қинауды мән мұндай құрал-сайманмен мүмкiн емес жатқан тұрды. Адам камера бойынша еркiнше сайрандауға еркiн жiбердi, суларды бердi және шиқылдаймын, бiрақ оны ұйықтасын алмады. Тiптi алмады қабырға туралы арқа сүйеу. Анығында адам немесе ол барлық өтелмес күнәлерде шынын айтқан күйге дейiн немесе өлдi жететiн сөйткеншемен сайып келгенде алып жүре алды. Өлiм жүдеу, ауру, ұштармен тамақ енген сiздi түсiнiңiз болдыңыз өте ұзақ және азапты күре тамырдың жарақаттануларының тұншықтыруының жарақаттарынан баса алды және. Мүмкiн, ие болатын ерiкпен қабырғаны немесе еден туралы соққымен адам торығуларға дейiн өмiрдiң шаруасын бiтiре алуға жеткен.

ЗЫ. Аптыр муахала жазған кезде кірілл әріптерін ұсынған «Кірілл и Мефодий» ЖШС-на ерекше алғысын білдіреді және де оқырмандардың текстті оқу, оны түсіну, қабылдау қабілетін асқан жауыздықпен қинау әдісіне ерекше үлес қосқан soylem онлайн төңкерме қызметіне деген ілтипаты шексіз.

Шалт басып шатасып, сорлаған соң
Қара түнек басыңа орнаған соң
Қандарыңның бірлігі неге керек
Жандарыңның бірлігі болмаған соң

Ақша тапсам Адамдық арым сатып
Маңдайақы біреудің малын сатып
Жиылар ең бәріңде маңайыма
Бір тамшы бойыңдағы қаның сатып

Бойымызда оянып жалған намыс
Болмашыға бұлданып арланамыз
Қылыш болып шабатын кездер болған
Бықсығанбыз, біріміз жанбағанбыз

Жақын жетер түбіңе талайыңның
Сүрінуін туыстың қалайды кім?!
Ағайынның барлығын көріп келем
Жоқ болғаны жақсы ма ед ағайынның?!