Интернетсіз күндерім не болмақ

Заман талабынан қалыспай, интернет желісінің қолданушысы ретінде өзімді тұрақты «онлайнсыз» елестете алмайды екенмін. Поштамды тексеру, әлеуметтік желілерде пост, жаңалық оқып, сурет, кино қарау деген сияқты іс-әрекеттермен күндерім өтіп жатады. Интернеттің берері мол, бірақ оған деген тәуелділік тез қалыптасады.
Он шақты күн белгілі бір себептермен интернет пен теледидардың алдында отыра алмағанымнан, ақпараттық ресурстарға, желіге деген құштарлығым арта түсіп, сағына бастадым. Қолайлы уақыттарда бірнеше минуттарға болса да, таңертең ерте тұрып кіріп отырдым. Бірақ мұның өзі де жетпеді. Әбден күн тәртібіме сіңісіп кеткен болар.
Бірінші күндері уйімді тап-тұйнақтай етіп жинап, істелмеген майда-шүйде жұмыстарымды аяқтадым, қалған күнім ас үйде өтті. Дегенмен тағыда бос уақытым қалып, ішім пысты. Есіме арзанға көшіп бара жатқан бір кісілерден сатып алынған кітаптарым түсіп, ендігі бос уақытымды оқып бастай алмай жүрген кітаптармен алмастырдым. Бір романды оқып бітіріп, екіншісін бастадым. Демек осы он күнім өнімді өткен секілді.
Блог - dindar: Интернетсіз күндерім не болмақ
Әрі қарай

Шуақты көктем құтты болсын

Блог - Aya: Шуақты көктем құтты болсынНаурызға қараған түн басталды. Ертең, оның арғы күні де, оның арғы күні де ел-жұрт көктем келді деп, одан 22 наурызға ұласып улап-шулаймыз. Шуақты көктем жаңа, ерекше іс бастағанға таптырмас мезгіл деп білемін. Құрметті керекинфолықтарды көктем мерекесімен құттықтаймын. Соны бірдеңе ұсынғым келген, бірақ әдеттегідей ештеңе ойлап таба алмаған үйрек қалпымда отырмын)) Келер күннен тек жақсылықтан үмітті көңілімізге қылау жұқпасын деймін.

P.S баяғыда ауылда ғой сол, түнде далаға шығуға қатты қорқатынмын. Сосын айға қарап, «менен өзге миллион адам көріп тұр ғой бұл айды. Біреулер қуанышты күйде тебіреніп тұруы мүмкін, жердің басқа бір түкпірінде қыз бен жігіт армандап айға қарап отыруы әбден мүмкін. Сондықтан мен жалғыз емеспін» деп тек күшті ойларды ойлап қорқынышымды жеңетінмін. Сол үйде де қазір жалғыыыыз отырм ғой, қорқынышты. Кухня жақта бірдеңе сыбдырлай ма((( Домовой деген болса ше… Ойға келгені осы көктем болды. Бірақ құттықтауым жүректен шықты)) Тағы да құттықтаймын  Көтеріңкі көңіл-күй болсын әрқашан!!!
Әрі қарай

Қызылға тоқтағанда...

Өлеңге әркімнің-ақ бар таласы...: Қызылға тоқтағанда...

Келемін жалғыз көшемен тегіс,
Жолға да жеттім, аңғарсам.
Жасылы бітіп, сөнді де еміс
Қызылын жақты бағдаршам.

Бұл ұзын жолдың келесі беті
Сұлулыққа бір тұнып тұр…
Ойласам неге?! Не себепті?!
Алдымда бір қыз күліп тұр…

Тоқтады жүрек, тулады қаным,
Бағдаршам!
Жақпа,қызылды!
Бір кіріп қайта, бір шықты жаным,
Жан-дүнием қирап-бұзылды…

Бір айналған басты шыр айналып та
Әлгі қыз мүмкін мені күтуде.
Жатыр ғой денем дайындалып та
Қарама-қарсы өтуге…

Жасыл жанды!!!
Дүрсілде жүрек!!!
Иісі баурад танауды.
Асықпа уақыт, тоқташы бір рет,
Әр басқан адым санаулы…

Көзі мен көзім кездесті менің,
Мұрны мен мұрным алмасты иіс…
Әйтеуір жаным тапқандай теңін,
Жүрегім мұны сақтауға тиіс!!!

Өтті де кетті...Ұқпай бір сәттен,
Керемет балқып тұрғанбыз.
Артына карап өтпеді,әттең,
Қарама-қарсы тұрған қыз…
Әрі қарай

Ат ұстар дүниеге келіпті

Қазақта ұл бала дүниеге келсе «Ат ұстар дүниеге келді» деп ерекше қуанатын болған. KazNet-тің жұлдызы, kerekinfo.kz сайтының әкесі Аршат Ораз ұлды болыпты. Керекинфолық блогерлер Аршатты құттықтап қойыңдар.

Блог - KuanyshKozhabayuly: Ат ұстар дүниеге келіпті
Әрі қарай

Apple-ді бұзып кірген жаңа хакер.

Apple компаниясы iOS жүйесін бұзып кірген 17 жасар хакерді жұмысқа алды

Apple компаниясы iOS жүйесін бұзып кірген 17 жасар хакерді жұмысқа алдыАСТАНА. ҚазАқпарат — Әлемде ең берік саналатын iOS пен OS X жүйелерін бұзып кірген Winocm есімді жас хакердің танымалдылығы күн санап артуда. Оның Twitter-дегі сөздеріне қарағанда, Apple компаниясы жас талантты жұмысқа алып жатқан көрінеді.Қазіргі уақытта хакер өзінің аты-жөнін жариялаған жоқ, алайда оның жасы небәрі 17 жаста және ол мектепте оқитындығы белгілі. Компьютерлік бағдарламалармен ол 9 жасында айналыса бастаған және бүгінде үлкен жетістіктерге де жеткен. Әсіресе ол Apple өнімдеріне қатысты барлық қыр-сырларды, соның ішінде оның осал тұстарын мықты меңгерген.Мысалы, Winocm — тек Apple өнімдерінде орнатылған iOS пен OS X жүйелерінің ядролық кодтарын көшіріп алып, өзге өндірушілердің өнімдеріне енгізе алған жалғыз адам. Оның айтуынша, Apple компаниясының жүздеген программистері жасаған жұмысты ол жалғыз өзі атқарып шыққан. Әзірге 17 жастағы хакер аталмыш компанияда қандай қызметке тағайындалатыны белгісіз. Мүмкін ол iOS қауіпсіздігіне қатысты сұрақтарға тартылуы да ғажап емес.
Әрі қарай

Бизнес-Жоба: Дөнер Кебаб

Блог - FaraOn1: Бизнес-Жоба: Дөнер Кебаб
Жоба: Дөнер Кебаб жүрекжалғар ашу
Жоба мақсаты: Петропавл қаласының тұрғындары мен қонақтарына жылдам дайындалатын, арзан, әрі дәмді, сонымен қатар пайдалы тағам ұсыну.
Әрі қарай

Менікі де емес бұл өлең, онікі де...

Өлеңге әркімнің-ақ бар таласы...: Менікі де емес бұл өлең, онікі де...

Бүгін менің туған күнім.
Ой, бәле-ай!
Мына адамдар неге жатыр тойлап-ай?!
Банкет жасау керек дейді неліктен,
Тағы да бір жыл кеткенін ойламай.

Мына дүние аяңдайды үндемей.
Неғып жатыр ел шындықты үрлемей?..
«Тағы да бір жасқа өзің қартайдың,
Жылжып өтіп кетті тағы жыл»,- демей.

Мына жұртқа
ұнады ма әлденем?!
Аз цинизм көрсеттім бе әлде мен?
«Қуанбаңдар, жыл өтсе егер» дегенді
Түсіндіре алмадым ба әуремен?!

Айтпаймын деп құпиямды, сырымды,
Басқа арнаға бұрып жүрем жырымды.
Мен, бәрібір, өзімменен өзіммін,
Құшағыңа алсаң-дағы ұлыңды.

… Тойлай берсін, тойыма ортақ етейін.
Ренжімей-ақ, «рахмет» деумен өтейін.
Қаламымды берші…
Өзім аламын,
Әлі бойдақ екенмін ғой, нетейін?..

Әрі қарай

Көктемгі жеңіл пикап

Махаббатизация: Көктемгі жеңіл пикап
Көктем келе жатыр ғой. Інішектерге қызбен сөйлесіп кетудің бір-екі амалын айта кетсем бе деймін. Қызбен танысу оңай, ал әрі қарай әңгімені жүргізіп кету, оған ұнау, сеніміне кіру, оны күлдіре алу қиын нәрсе негізі. Мынандай тәсілдер қолданатынмын:

ГЕОГРАФИЯЛЫҚ ТӘСІЛ
— Ақтөбеденсің бе? (дейсің өз жағыңның атын айтып)
— Жоқ, ***дан. (Мысалы Қызылорда, Семей, т.б дейді)
— Ааа, мен әдемі қыздар тек Ақтөбеде болатын шығар десем… (деп өтірік таң қалған боласың)
—  (ұялып күледі өзінше, сосын келесі сұрақты өзі қояды)
— Тек Ақтөбеде ғана емес қой әдемі қыздар. Өзің Ақтөбеденсің бе? (қыз уже әңгімеге дайын, өзі сұрақ қоя бастайды)
— Иә, Ақтөбеденмін. Сендер жаққа барып көрмеппін, барғым келеді. Қандай күшті жерлер бар? (деп оның өз жері туралы мақтануына мүмкіндік бересің)

МАМАНДЫҚТЫҚ ТӘСІЛ
— Мұғалім емессің бе?
— Жоқ
— Ааа, сені мұғалім екен деп қалдым
— Неге олай ойладың?
— Білмеймін, сөздерің анық, даусың жарқын және бір мейірім байқалады. Жақсы мұғалім бола алар едің деп ойлаймын
(Қыз әрі қарай өзін мақтауға кетеді. Негізі мұғалім болуға мүмкіндігі болғанын, кафедрада қал деп айтылғанын, бірақ мына жұмысты таңдағанын айтып кете береді)

ЗОДИАКТІК ТӘСІЛ
— Суқұйғышсың ба?
— Жоқ.
— Ааа, Суқұйғыш шығарсың деп қалып едім…
— Неге олай ойладың?
— Ақылды қыз сияқтысың. Суқұйғыштар ақылды болады ғой
—  Жалғыз Суқұйғыштар ғана ақылды ма не? Балықтар да сондай (деп өзін өзі мақтауға кетеді. тек тыңдап отыру керек шыдап)

Жалғастырамыз
Әрі қарай

Түркия билігі домбыраға назар аударды

Блог - Kipshakkyzy: Түркия билігі домбыраға назар аударды
Күзде Измирге келген алғашқы күндердің бірі болатын. Бөлмедегі түрік қыздармен танысып, жатақханаға орналастым. Түрік жастары көбінесе Ресейдің боданында болған мемлекет ретінде таниды. Ал үлкендері қысық көзімізге қарап, жапон, қытай деп ойлап, жөнімізді білген соң «ее, өзімізден екенсің ғой» деп емірене жақын тартып сөйлесе бастайтын. Бір күні бөлмелес бір түрік құрбым жерден жеті қоян тапқандай, жаныма жетіп келді де, ұялы телфонынан музыка ойната бастады. Өзі мәз! Таныс дауыс. Кәдімгі домбыра! Өзіміздің! Бірақ әннің сөздерінде біраз тілдік ерекшелік бар. Бірден таныдым. Түркия қазақтары арқылы бізге танылған ноғай композиторы –Арсланбек Сұлтанбековтің «Домбыра» әні болатын бұл. Риза болдым әлгі құрбыма. Ұлтымды білген соң, ізденіп әлгі өлеңді мен үшін телефонына жүктеп алыпты. Енді бұл «Домбыра» әні өзгертілген нұсқада Түркияның билік басындағы Режеп Тайип Ердоған басқаратын «Әділет және өрлеу» партиясының сайлау алдындағы басты насихат әніне айналмақ. Мынау түпнұсқасы
Мынау өзгерген нұсқасы.


Сурет авторы: Жанасыл Болатбек
Әрі қарай