Азамат РАХИМОВ:
«ЖЕҢІС БИІГІНЕН КӨРІНЕМІЗ»

Студенттердің бойындағы өнерін, қарым-қабілетін, шығармашылығын дамыту мақсатында биыл тұңғыш рет облыс көлемінде өткізілгелі отырған «Студенттік көктем — 2013» фестиваліне өңірдегі жоғары оқу орындары қатысады деп күтілуде. Солардың қатарында ағымдағы жылы құрылғанына 50 жыл толғалы отырған бағаналы білім ордасы, ауылшаруашылық мамандарын даярлайтын қара шаңырақ – Жәңгір хан атындағы Батыс Қазақстан аграрлық-техникалық университетінің студенттері де бақтарын сынауға үміттерін үкілеп отыр. Фестивальге қатысушы студенттердің дайындықтарын білмек мақсатпен осы шаралардың басы-қасында жүрген ұйымдастырушылардың бірі — экономика және бизнес факультетінің студенттік деканы Рахимов Азаматпен сұхбаттасқан едік.

— Азамат, университет намысы сынға түсетін дүбірлі додаға дайындық қалай жүріп жатыр?
— Жалпы, алғаш рет облыстық көлемде өткізілгелі жатқан бұл фестиваль біз үшін өте ерекше болмақ. Егеменді еліміздің еңсесін көтеріп, тәуелсіздігімізге тірек болатын ертеңгі маман – бүгінгі студенттердің жан-жақты дамуына мүмкіндік беретін осындай байқаудың өткізілуіне өте қуаныштымыз. Жыл сайын өз жалғасын тауып, дәстүрге айналса, нұр үстіне нұр болар еді.
Әрине, намысты қолдан бермеу үшін, әзірлік жұмыстарын күшейтіп жатырмыз. Дайындық толықтай жақсы деңгейде деп сеніммен айтуға болады. Әр номердің мінсіз шығуы үшін, қатысушылар күн сайын сабақтан соң қосымша 5-6 сағат дайындалады.

— Өнерпаздарға кәсіби тұрғыдан қолдау көрсетіле ме?
— Әртүрлі жанрлар бойынша өнер көрсететін студенттеріміздің қабілеттерін шыңдауға музыка жетекшісі Қайрат Есімов, университет жанынан құрылған «Нарын сазы» фольклорлық халық аспаптар ансамблінің жетекшісі Талғат Мәуленов, «Білезік» би ансамблінің жетекші хореографы Райгүл Джумахаева сияқты өз ісінің майталмандары ақыл-кеңестерін айтып, көмектерін беруде.
Қатысушылардың жетекшілері болып табылатын бес факультеттің студенттік декандары Рахимов Азамат (экономика және бизнес), Каримуллин Абылай (ветеринарлық медицина және биотехнология), Қабдрешев Данияр (политехникалық), Есқалиева Салтанат (агрономия) және Бақтығалиев Аманжолдар (машина жасау) да ұйымдастыру жағынан өз белсенділіктерін танытып атсалысуда.

— Студенттердің бойындағы қабілетті дамыту, өнерін шыңдау мақсатында қандай жұмыстар атқарылуда?
— Аграрлық-техникалық университет болсақ та, оқу орнында әртүрлі мәдени шаралар, концерттер мен сайыстар өтіп тұрады. Мысалы, жыл сайын жаңадан қатарымызға қосылған бірінші курс студенттерінің арасынан өнерлі және дарынды жастарды анықтау үшін "І курс" атты факультетаралық сайыс өткізіліп тұрады.
Сондай-ақ тек студенттер ғана емес, профессор-оқытушылар құрамы мен магистранттардың өнерін паш ететін «Дарын» факультетаралық фестиваль өткізу де игі дәстүр боп қалыптасқан.
Бұлардан басқа «Жігіт сұлтаны», «Университет аруы», КТК ойындары, мерекелік концерттер, спорттық ойындар жиі ұйымдастырылады.
Сонымен қатар білім ордасында студенттердің мәдени және спорттық шараларға белсене қатысуы үшін «Заман» жастар қоғамдық бірлестігі, «Рух» пікірсайыс орталығы, Қазақстан Студенттер Альянсы, «Фатима» қыздар клубы, «Бейтаныс ағайындылар», «24 сағат», «71-72», «Заман жастары», КТК командалары жұмыс істейді.

— Қатысушы студенттерге университет тарапынан қандай қолдау көрсетіліп жатыр?
— Аталған фестивальға дайындық жұмыстарын университет ректоры, профессор Қ.Қ. Бозымовтың өзі, тәрбие жұмысы жөніндегі бөлім мен Жастар ісі жөніндегі комитет тікелей назарында ұстап, жан-жақты қолдау көрсетуде. Қажетті құрал-жабдық, киім-кешек, тағы басқа нәрселерді алуға қаржылай көмек көрсетіп отырғандығын атап айтқанымыз жөн. Басшыларымыздың осындай қамқорлығын сезініп отырған біздер алдағы сайыста сенімдерін ақтап, жеңіс биігінен көрінеміз дегім келеді.
— Мазмұнды әңгімең үшін рахмет! Сіздерге сәттілік тілеймін!

Сұхбатты жүргізген
Жәңгір хан атындағы БҚАТУ нің
машина жасау факультетінің
2 курс студенті Жәнібек Берікұлы.

Мамандық таңдау мәселесі адамның өміріндегі ең маңызды нәрселердің бірі. Кейінгі өмірің тікелей соған байланысты болмаса да, өміріңе әсері өте көп. Сондықтан да о бастан осыған көңіл бөлген жөн. Ал қазіргі мамандықтық таңдауда ең бастысы ГРАНТ алу мүмкіндігі болып тұр. Яғни, адамдар балалық шақтағынемесе есейіп, таңдау жасай алатын кезде қалаған мамандығына емес, қай мамандық бойынша грант алу мүмкіндігі жоғары, қай жақта конкурс аз дегенге көбірек көңіл бөледі. Бұл енді тікелей материалдық жағдайдан шығып отырған проблема ғой. Ол жағына тереңірек кірудің қажеті шамалы. Басқа жақты қайдам, мына біздің алғыр Шымкентте құжат тапсырудың соңғы күніне дейін конкурстың статистикасын аңдитындар өте көп. Тіпті кейбір конкурстың статистикасына қолы жетімді іскер жігіттер талапкерлерден ақша алып алады да, соңғы сәтке дейін конкурсты қадағалайды. Осы кездегі адамдардың әрекеттері қор биржасындағыға өте қатты ұқсап кетеді. Абыр-сабыр, статистиканы жіті бақылап, жүгіріп жүрген біреулер. Ең соңында ең бәсекелестігі аз мамандыққа құжаттарын өткізеді де жібереді. Ақрында талапкер байғұс өмірі естімеген сиырдың сүтінен қымыз алу технологиясы деген мамандық бойынша грант иегері атанады. Ал, жу! Балаң грантқа түсті. Енді біреулері иттің басына тышып жатқан мамандықтарды таңдай береді, таңдай береді. Оған дейін сол мамандық бойынша диплом алып, жұмыс күтіп жүргендердің кезегі КСРО кезіндегі Кремльдің алдында Ленинді көруге кезекке тұрғандардан да ұзақ екенімен жұмысы жоқ. Қазір бітіріп алып, басқа салада істеп жүргендер өз мамандығы бойынша істеп жүргендерден көп болмаса, аз емес. Сөйтіп, қазіргі жұмысы бойынша екінші оқуды оқып алады. Толып жүрген екі дүркін бакалавриаттар. Одан да басында мамандықты дұрыс таңдаса екі шығын болып, екі рет оқып бас қатырмай, қажетті мамандығыналар еді.
П.С. Бұл жердегі қолданушылар оқуын бітіріп, мамандығын алып қойған қыз-жігіттер ғой. Өздерінің іні-қарындас, сіңлілеріңе кеңес беруде ескерерсіңдер

Ертегілер әлемінде

Жолбарыстың баласы мен лақ


ертегіні толық оқу

Бұл сайттағы алғашқы ертегі. Қолым тигенде «Ертегілер әлемінде» журналында жарияланған көптеген ертегілерді қосамын. Бұрын соңды сайт жасап көрмегендіктен кемшіліктері көп екенін білемін. Сайттың қазақтың балаларына пайдалы болуы үшін пікір ұсыныстарыңыз болса осында айтсаңыздар алғыс білдіремін.

Өткен аптаның соңын ала бере Еңбек және халықты әлеуметтік қорғау министрі Серік Әбденовтың (Бұдан былай Сека) аузынан шыққан «Патамушта, патамушта» деген сөз хитқа айналды. Қазақстан азаматтары үшін оның танымалдығы Гангам стайл мен Харлем шейктен бір кем болмады. Сека неге дағдарды? Өзіне қойылған сұраққа неге жауап бере алмай қалды? Менен әрине жақсы саясаткердің шықпайтыны белгілі. Дегенмен басымдағы сұрғылт қоймалжың затты сәл қозғап көріп түйген ойларым.
Мәселенің басына қайта оралайық. Әйелдердің зейнетке шығу жасын 63-ке бірақ көтерулерін халық арасына дұрыстап түсіндіру керек болды.Бірақ, бірдеңені түсіндіру үшін оны алдымен өзіңнің түсініп алуың шарт қой. Секаның мүлт кеткен жері осы. Немесе, «Түнен қалған бір сыр бар айтпайсыңдар қусыңдардың» кебімен айтылуға тиісті емес жайтты айта алмады. Ол қандай жайттар болуы мүмкін?
Бірінші жайт.
Тәуелсіздіктің алғашқы жылдары елімізде жағдайдың қиын болғаны белгілі. Осы кезеңдерде бала туу саны азайып кетті. Сондай-ақ, қарапайым отбасылардан шыққан мектеп бітіруші жастардың қандай да бір оқуға түсуге жағдайлары жетпеді.Қарапайым отбасының балалары көбіне қарапайым жұмыс орындарында жүретіні де шындық. Міне, осы 5-6 жылдың әсері бүгін көрінуде. Яғни, зейнетке кететін адамдардың орынын басатын мамандар тапшы. Сондықтан да билік өзіне тиімсіз позицияны ұстауға мүдделі. "Қаншама жастар жұмыссыз жүр, бұл уәжіңіз орынсыз" дерсіздер. Мүмкін. Бірақ, дәл сол тоқсаныншы жылдардың аяғына дейін талапкерлер өндірістік оқуларды, тау — кен мамандықтарын таңдай қоймайтын. Бәрі шетінен заңгер болуға, әйтеуір бір жерде бастық болуға талпынған. Салдары міне.
Екінші жәйт
2017-ші жылы өтетін EXPO. Бұл дүниежүзілік көрмені ұтуын ұтып алдық. Ал, оған қаншама қаржының керек екені айдан анық. Билік "Әйелдердің де зейнет жасын көтеріп жіберейік. Қаншама ақша үнемдей тұрамыз.ЕКСПО-дан бір құтылып алайық. Кейінгісін кейін көре жатармыз" деуі мүмкін.
Сонымен солай дедім.

Интернеттен қазақша мультфильмдер іздеп отырып, бір күні «Мақта қыз бен мысық» киноның бас жағын көріп қалдық. Енді жалғасын таба алмай жүр едік. Бүгін киноны түсірген Алтынбек Әбішев деген азаматтың өзінен сұрап алдым. Толық нұсқасы бар екен.



Бурабайда 10 күнде түсіріліп шыққан бұл фильмнің сценарийін Алтынбектің қызы жазған екен. Балаларға көрсетіп көріңіз, түрлі мультқаһармандар жиналған бұл фильм оларға ұнайды деген ойдамын.

Зейнетке шығу жасын ұзартуға жабылып бәріміз қарсы шығып жатырмыз. Ал осы «халыққа қарсы» реформаны неліктен жүргізуді қолға алды екен Марченко деп ойланып көрдіңіздер ма?
Халыққа популист саясаткерлер көбірек ұнайды. Олар еш тәуекелге бармайды, жалпы, елге жағатын құр сөздерді, халықтың сүйіктісі болу үшін әлеуметтік саланы қолдау деген оңай жолға шаба береді. Мысалы, қазақ тілі, дәстүрі туралы шулаушылар, зейнетақыны көтеру сынды «халықшылдар». Кімдер екенін іштерің сезген шығар.
Бірақ саясатта шын білімді, ел экономикасы деген қиын механизмді түсінетін, «елі деп еңіремесе де», мемлекеттің алдыңғы күнін, экономикалық ахуалын ойлайтын адамдар болады. Экономика жайлы менің де білерім шамалы. Бірақ тіпті мен мына зейнетақы реформасының ең бірінші өзімізге керек екенін түсініп отырмын. Комментарийге "өзіңнің анаң 63-ке дейін жасаса не істер едің" немесе «еден жуушы болып жасайтын апайлар белі бүгілгенше жасай ма сеніңше?!» деп айғайлауға көшпеңдер. Еден жуушылар апайлар Америкада да бар. Өтірік сөйлемейікші, зейнетақы мөлшері қазір елімізде өте жақсы ғой.
Сондықтан әуелі неліктен осылайша зейнет жасын ұзарпақшы деп кішігірім зерттеу жүргізіп, тек зар жылаушылардың емес, экономикадан хабары бар адамдармен ақылдасыңдар, Марченконың да ойларын оқыңдар.
Объективті болайық! Не болса да бұл реформа точно шенеуніктердің қалталарын толтыру үшін жасалып жатқан зат емес, өзімізге керек дүние.

Әркезде пойызға отырған сәттен жол бойы терезеден қарағанды ұнатам. Жолдар маған, әр үмітпен келе жатқан сапарымды сезгендей, бойыма бір ерекше қуат береді. Сосын осы жолдарға қарап:

Ей, жолдар! Сапарымды сәтті ете гөрші. Мені қолдашы. Үмітімнің үзілмей осы жолдардай жалғануын тілейтінмін. Бүгін міне, тағыда жолға шықтым. Барар жолым – Алматы.

Иәә, иәә, ел мақтайтын да, даттайтын да қалаға, араға 10жыл салып, тағы бір жолым түскелі отыр. Алматы-ару қала. Арман қала. Жастар қаласы. Мақтауға тұрарлығы сонда деп есептеймін. Ал, даттайтыны, қаланы әлдекімдер тас қала деп жатады. Бауырыңа баспайтын суық қалаға үйренісе алмағандар қаншама?!..

Бір кездері менің де бал күлкімді ұрлаған қалаға енді қайтып келмеймін деп қайрылмастан кеткен болатынмын. Дегенмен, жаныма ғана емес тәніме түскен жараны да жазу сенің ғана қолыңда екен. Сол үшін қайтып келдім. Сенімсіз түрде келдім. Себебі, сені ұнатпайтынмын Алматы. Бірақ сен маған қайтадан сену керектігін, сабырлық танытуым керек екеніне сендірдін. Үзілгелі үмітімді жалғап бердің. Содан бері мен шын қуандым. Шын күлдім. Алматы тек мықтыларды ғана жақсы көред(і) екен ғой дедім,-іштей.

Ехх, Алматы… сен менің талай мұңды сәттеріме де… егіліп жылаған күндеріме де… жалғыздықта жабығып жүргеніме де талай рет куә болдың… тіпті қосылып жылаған сәтіңді де ұмытпадым. Ол енді бөлек әңгіменің еншісінде.

Он жыл бұрынғы кездер мен қазіргі кездің арасы біршама өзгерді. Мен үшін. Ол кезде менің денсаулығыма бей-жай қараған дәрігерлерге деген көзқарасым, барлық ақ халатты жандарды жек көруге итермеледі. Еріксіз түрде. Алайда мен бәрібір осы дертімді осы жерден, осы қаладан табатыныма сендім. Бұдан былай Алматыны көрмеймін дегеніммен, айналмалы дүние бәрібір өз дегенін жасады. Қайтып келуімнің себебі осы еді. Басқа да ақ халатты жандардың арқасында жоғалған сенімімді қайтардың. Батылсыз, әлжуас қызды қайтпас қайсар мінезбен өжет еткенін үшін саған ризамын!

Пойызымыз Алматыға жақындаған сайын жүрегім қатты соғып кететіні неліктен деймін-ау..) Жо-жоқ, мен қорықпаймын. Саған сенем ғой. Тек сен мені ұмытып кетпесе екен деймін. Әркез келгенімде, мені құшақ жайып қарсы алатыныңды білсем де, Алматы суық қала, жылы жүрші деп алаңдайтын анашыма: Алматы мені тоңдырмайды. Біз енді бауырмалдай достастық қой деймін. Пойыздан түскен бойда күннің көзіңе қараймын.Күн нұрын шашып, жаныма бір жылы лептің самалы есіп тұрғанын сезем. Ол сенің мені жылы қарсы алғаныңның белгісі.

Р.S:

Еңбек Министрі Серік Абденв әбден құтырайын депті.

Зейнетке шығуға неге асығасыңдар, зейнетке шыққан соң, ауырасындар, сосын, тез өлесіңдер.

Өлуге асықпасаңдар пенсияны ұмытыңдар. неге?

ПАТАМУШТА, ПАТАМУШТА...

Қазақстан футболы мерекесі құтты болсын!!!
Ағымдағы айдың 24-нші жұлдызында ел біріншілігі шеңберінде ФК Ақтөбе мен Атырау арасында өткен матчтан қысқаша фотореп.)

Мен диплом жүмысын жазып жатқан едім.Қолымдағы материал аз, уақытым тапшы болып отыр. Қолдарыңызда қандай да бір мәліметтер болса, бөлісіңіздерші.
Жұмысымның екінші бөлімі Әлеуметті желілер арқылы ақпарат таратудың тиімділігі. Онда қарастыратындарым: Фейсбук әлеуметтік жүйесіндегі саяси сараптамалар. Твиттер электронды жүйесінің қоғамдық пікір туғызу қабілеттілігі. Ютуб сайтының ақпараттық негізділігі.

Және Блог Құрылтай-2013те қозғалған тақырыптардың жазба нұсқасы болса…