Мен көп жағдайда, жаманға дайын болып жүремін. Шаруаның оң аяқталатынына көзім жетіп тұрса да, аяғына дейін анық белгілі болмайынша жеңісті тойламаймын)))
Бірде жұмыс бойынша мәселелер легін ақтарып, қара аспанды төндіре жөнелгенімде, әріптесім «жақсы сөз айту керек, жақсы сөз — жарым ырыс деген» деп ренжігенде, мен: «мен жаман айтпай, жақсы жоқ деген пессимистердің мақалын ұстанам» деп құтылып кеткенім бар етін)))
Шыны керек, қазағымда бір-біріне қарама-қайшы небір мақалдар бар. Әркім өз керегін пайдалана береді. Білгендеріңізбен бөлісе отырыңыздар, ағайын!

Әйелдердің секс қалаған кездерінде түрлері қандай болатынын білесіз бе? Мен де білмеймін.
Стив Мартин

Секс карта ойнау сияқты. Егер жұбыңыз нашар болса, қолыңыз жақсы болуы керек.
Вуди Аллен

90 жастағы секс таяқ орнына арқан бөлшегімен бильярд ойнаумен тең.
Камилла Палья

Секс қайтадан туу үшін 9 себептің бірі. Қалған сегізі маңызды емес.
Джордж Бернс

Гректер құдайлар Грекияның ең биік тауы Олимпте тұрады деп сенді. Оларды Олимп құдайлары деп атады (Зевс және негізгі құдайлар). Гректер Олимптегі құдайлар тұрмысын шонжарлардың тұрмысына ұқсатты. Шонжарлар тайпаларды қалай басқарса, Зевс бастаған «Олимпиялықтар» адамдар мен табиғатты солай басқарды. Құдайлар да мансапқор, қатал, кекшіл келеді-міс. Құдайлар біреуді бай әрі шонжар, енді біреуді кедей, тағы біреуді құл етіп жаратқан. Кімде-кім құдайлар орнатқан тәртіпке қарсы шықса, ол адам құдайлардың қаһары мен аяусыз жазаға ұшырайды-мыс.

17 жылдық КерекИнфо серуенінің соңына жеткен сияқтымыз, достар. 2003 жылдан бері 2 ұрпақ өткен осы бір қызық кезеңнің де әлбетте соңы бар. Сол күн бүгін болар?

2003 жылы форум ретінде бастадық, кейін қазіргі блог-платформа форматына өтіп, екінші деміміз ашылды. Осы уақыт аралығында үлкен бір нетворк жасалды, жаңа таныстықтар, достықтар құрылды, тіпті бір бірін тауып үйленгендер болды. Одан бөлек қазақ интернетінде бір стиль қалыптастырдық, медиа сауаттылық артты, пост пен комент жазу мәдениетін үйрендік, түрлі іс-шаралар өткіздік. Жалпы қазақ интернетінде бір із тастағанымыз анық деп ойлаймын. Сол жылдардың медиа мектебі болған да шығар Керекинфо?

Түрлі қиындықтар да болды. Домен және хостингке ақша төлей алмаған кездерім болды, ондай кезде қолданушылардың өздері көмектескенін ұмытпаймын. Жұмыссыз кезімде онлайн болуым үшін интернет картама ақша салған достар да бар. Сайт бір жылдары жабылып қалған кезде доменін алып қойып, ешкімге бермей сақтап отырған да досым бар. Моралды және материалды барлық қолдауларыңды сездім, достар. Бұл сайтты үнемі бірге алып жүрдік, бірге көтердік. Талай идеяларды да бірге жүзеге асырдық. Оффлайнда түрлі кездесулер өткіздік, Блог-Құрылтай, Интернет форум сияқты іс-шаралардың өтуіне мұрындық болдық, интеллектуал ойындар да өткіздік. Достық шеңберіміз өте кең болды. Қай қалаға барсақ та құшақ жайып қарсы алатын досымыз бар екенін білетінбіз. Арамыздан қаншама медиа-тұлға шықты? КерекИнфо сол жағынан мықты бір ысылу мектебі және тәжірибе алаңы болды.

Әлбетте түрлі кикілжің, келіспеушілік, түсініспеушіліктер де болды. Бір отбасы болғасын, ондай нәрселер де болады әрине. Бірақ достық қарым-қатынас ешқашан үзілген емес, КерекИнфодағы белсенділік төмендеген кезеңде де. Бұл солай жалғаса беретініне сенімдімін.

Басында форум, кейін блог-платформа болдық. Яғни заманның трендіне еріп отырдық. Кейін әлеуметтік желі қарқын ала бастаған кезде блоггинг белсенділігі де бәсеңдей бастады. Ал соңғы 4-5 жылда тіпті басылды. Блоггинг бітті бізде. Блогосфера қалмады. Блогер деп басқа адамдар атала бастады.

Қазіргі КерекИнфо да блоггингтен гөрі жаңалықтар сайтына айналып кеткенін өкінішпен мойындаймын. Жаңалықтар мен есеп посттар сайтына айналды. Сондықтан осы жерден тоқтағанымыз жөн деп шештім. Бұдан әрі өзім де, өзге де былғамасын. Керекинфо блоггинг мұрағаты ретінде қала береді. Қалаған уақытыңызда бұрынғы жазбаларды іздеп таба аласыз. Тек жаңа жазбалар жазылмайтын болады. Бір өтінерім: бұрынғы посттарыңызды өшірмесеңіздер екен, әр посттың өзі тарих, әр қайсысының асты толған пікір. Сол сиқырды жоймайық. Кейде сағынышпен келіп, оқып кететін боламыз.

Барлық керекші қауымға алғыс айтамын. Біз бірге көтердік осы сайтты. Бәріміз осы тарихтың бөлшегіміз. Рахмет бәріңізге!

Зор құрметпен, админдерің Аршат Ораз

*Бес күндік жалғанда барыңызды бағалаңыз.Өзіңізді өзгелердің алдында төмендетіп, кемсітудің қажеті шамалы.Сіз-қайталанбас жансыз!
*Биіктерді бағындыру жолында тайсалмаңыз, ерік-жігеріңізді білім алуға, жаңа дүниелермен танысуға жұмсаңыз.
*Әрдайым көңіл-күйіңіз көтеріңкі, жүзіңіз жылы болсын.Адамдармен жақсы қарым-қатынас құруға дағдыланыңыз.Қоршаған ортаны тани түсіңіз.
*«Менің қолымнан келмейді...» деген фразаны еш уақытта қолданбаңыз.
*Жақсылық жасаудан жалықпаңыз.Болмашыға бола мұңая көрмеңіз.Әр атқан таңыңызға қолдағы барыңызға шүкір етіңіз.
*Аллаға сеніңіз! Бір істі шынайы ниетпен, пәк көңілмен бастар болсаңыз, жемісіне бола қам жемеңіз.Бәрін Жаратушыға тапсырыңыз.Содан соң қандай ғажайыптың боларын көрерсіз.
*Өзіңізді сүйіңіз.Өзгеге емес, өзіңізге сенім артыңыз.Сенім-бұл ұлы күш!
*Негатив ойлардан аулақ болыңыз.Өзгелердің пікіріне құлақ аспаңыз.Жаңашылдық-асуларға бастайтынын естен шығармаңыз.
*Ешқашан да өзгелерге сыни көзбен қарамаңыз.«Адамзаттың бәрін сүй-бауырым деп»
*Жалқаулықты жеңе біліңіз.Сабырлылықты серік етіңіз.
*Өзгелерге құрмет танытыңыз.Жаныңызға жақын жандарды қуантыңыз.Мейілінше, бар махаббатыңызды төгіңіз.
*Байлықты арман етпеңіз.Рухани тұрғыда байи түсіңіз.
*Өміріңізді бақытты сәттер мен қайталанбас қуаныштармен толықтырыңыз.Себебі, өмір-өткінші…

ҚР Премьер-Министрі Асқар Маминнің төрағалығымен ҚР Президенті жанындағы Төтенше жағдай режимін қамтамасыз ету жөніндегі мемлекеттік комиссияның селекторлық отырысы өтті, деп хабарлады primeminister.kz.

Еліміздегі санитарлық-эпидемиологиялық жағдай туралы денсаулық сақтау министрі Е. Біртанов, өңірлердегі ахуал туралы Нұр-Сұлтан қаласының әкімі А. Көлгінов, Алматы қаласының әкімі Б. Сағынтаев, Шымкент қаласының әкімі М. Әйтенов, сондай-ақ Қызылорда облысының әкімі Г. Әбдіқалықова, Жұмыспен қамтудың жол картасын іс жүзіне асыру шаралары туралы еңбек және халықты әлеуметтік қорғау министрі Б. Нұрымбетов, Жамбыл облысының әкімі Б. Сапарбаев пен Қарағанды облысының әкімі Ж. Қасымбек, аумақтық әскерлерді арнаулы жинақтау туралы қорғаныс министрі Н. Ермекбаев баяндады.

Мемлекеттік комиссия коронавирус инфекциясының таралуын шектеу мақсатында қызметі екі мегаполистің тіршілік әрекетін қамтамасыз етумен және тұрғындардың денсаулығымен байланысты ұйымдарды қоспағанда, барлық кәсіпорындар мен ұйымдар үшін Нұр-Сұлтан және Алматы қалаларында күшіне енген жұмыссыз режимді осы жылдың 13 сәуіріне дейін ұзарту туралы шешім қабылдады.

Мемлекеттік комиссия Шымкент қаласы әкімінің биылғы 4 сәуір күнгі сағат 21:00-ден бастап қалада карантин енгізу туралы ұсынысымен келісті.

Ауруханаішілік жұқпалы аурулардың алдын алу мақсатында Үкімет басшысы әкімдерге инфекциялық, провизорлық және карантиндік нысандардағы санитарлық талаптардың мүлтіксіз сақталуын қамтамасыз етуді тапсырды.

Денсаулық сақтау министрлігінің ұсынысы бойынша Нұр-Сұлтан, Алматы және Шымкент қалаларында тез тұрғызылатын құрылымдардан үш жұқпалы аурулар ауруханаларын салу туралы шешім қабылданды.

Индустрия және инфрақұрылымдық даму министрлігіне мүдделі мемлекеттік органдармен бірлесіп, ТЖ кезеңінде жеке қорғаныш құралдарын шығаруға бақылауды қамтамасыз ету бойынша қажетті шараларды қабылдау, Денсаулық сақтау министрлігі мен әкімдіктерге тіршілікті қамтамасыз ету объектілерінде қауіпсіздік пен жұмыс істеудің жекелеген алгоритмін әзірлеу тапсырылды.

Отырыс барысында Жұмыспен қамтудың жол картасын (ЖҚЖК) сапалы жүзеге асыру, оның ішінде Нұр-Сұлтан, Алматы, Шымкент қалалары мен басқа да өңірлерде нақты жобаларды тез арада бастау мәселелеріне ерекше назар аударылды. Оған қоса Үкімет басшысы әкімдерге кем дегенде 240 мың жұмыс орнын құруды, отандық өндірушілердің тауарлары мен қызметтерінің кемінде 90%-ын пайдалануды қамтамасыз етуді, ЖҚЖК аясында жұмысқа орналастыру үшін мобильді рекрут пункттерін құруды, жұмыссыздарды жобаларға Электрондық еңбек биржасы арқылы тартуды тапсырды.

Премьер-Министр төтенше жағдай кезінде табысынан айырылғандардың төлем алуы (42 500 теңге) үшін азаматтарға есепшот ашу жұмыстарын қамтамасыз ету қажеттігін атап өтті.

Мемлекеттік комиссия мектеп оқушыларының төртінші тоқсанда қашықтан оқу мәселесін қарастырды. «Білім және цифрлық даму министрліктеріне қашықтан оқыту процесіне мониторинг жүргізіп, әдістемелік қолдау көрсетуді тапсырамын», — деді А. Мамин.

Азық-түлік қауіпсіздігін қамтамасыз ету және әскери міндеттілерді Қарулы күштердің аумақтық әскерлерін жасақтау үшін арнаулы жиындарға шақыру мәселелері, сондай-ақ экономиканың секторларында төтенше жағдайдың енгізілуіне байланысты аса зардап шеккендерді Қызмет түрлерінің тізіміне енгізу үшін қажетті ұсыныстар қаралды, олар 1 сәуірден 1 қазан аралығында еңбекақы төлеу қорынан салықтар мен басқа да міндетті төлемдерді төлеуден босатылады.

Өз-өзіңді бағалау-биік бастамалар мен алынбас асулардың жалғыз кілті.Алайда, уайым мен қайғыға салынып, болашақтың жақсылығынан күдер үзіп, үмітімізді жоғалтатын сәттерге де тап боламыз.Осындай шақта төмендегі іс-әрекеттерден аулақ болғаныңыз жөн:
▪︎Салыстыру.
Өзіңізді ешкімменен теңестірмеңіз.Бақталастықты да пайдалы істерге жұмсауды үйренгеніңіз дұрыс.Есесіне, сіз әлсіз тұстарыңызбен күрес жүргізіп, оны жеңіп шығасыз.
▪︎Жеңілістер.
Өткен жеңілістеріңізді үнемі еске алып отыру-өз қуатыңыз бен күш-жігеріңізді құрдымға кетіреді.Армандарыңызды жүзеге асырғыңыз келсе, іске кіріскеніңіз абзал.
▪︎Дайындықтан қол үзу.
Әрбір күн-екінші мүмкіндік! Жеңімпаз болғыңыз келе ме? Ендеше өзіңізді жеңімпаз ретінде сезініңіз.Еңбек етіңіз.Бүгінгі істі ертеңге қалдырушы болмаңыз.Осыдан кейін бойыңызда сенімділік ұялап, өзгелерден ерекшелене түсесіз.
▪︎Қорқыныш.
Асуларды алу жолында осы бір қорқыныш сезімімен күресуге тура келеді.Өзгелердің пікірін тыңдамаңыз.Әрбір айтылған сынды саралап, бір тоқтамға келіңіз.
▪︎Негативті ойлар.
Еш уақытта мүмкіндігіңізді жоғалтып алмаңыз.Мүмкіндіктер сансыз көп екенін естен шығармаңыз.Санаңызда пайда болған қорқыныш пен күдікті жоюға тырысыңыз.Сенімділікті арттыра түсіңіз.Өз бағаңызды түсірмеңіз.

Жеңіс пен жеңіліс-тең ұғым.Жеңіс-жаныңызға қуаныш нұрын сепсе, жеңіліс өрден итереді.Кейбір кездері асуларды ала алмай, басыңызды тауға да тасқа да ұрасыз.Ендеше жеңіліске бастайтын әдеттермен таныс болыңыз:
1.Таным-түсінігіңізді кеңейте алмайсыз, жаңашылдықты қаламайсыз.
Мәселен, сіз балалық шағыңыздан жақсы таныс достарыңызбен еркін қарым-қатынас құра аласыз.Бірақ, сіздерге ұмытылмас сәттер мен ерекше естеліктер тән.Ал, бұл жағдай сізді жаңашылдық пен өзгеріске бастамайды.Бойыңыздағы қорқынышты жеңе білуге тырысыңыз.
2.Өзгерістерден қашқақтайсыз.
Жаңа мүмкіндіктерді пайдалану-еш уақытта артықтық етпейді.Өзгеріп, жан дүниеңізді жаңартыңыз, тың серпіліңіз.
3.Тәуекел етуді қаламайсыз.
Егер сіз ішкі сезімдеріңізді басқара алмасаңыз немесе көңіліңізде күдік басым болса, олардың болашағыңызға тигізер зияны жөнінде ойланыңыз.
4.Жаңа жетістіктерге жетуді жөн көрмейсіз.
Мүмкіндікті жоғалтқыңыз келмесе, жаңашылдықпен жүздесіңіз.
5.Өзіңізге сенімділік таныта алмайсыз, шешім қабылдаудан қорқасыз.
Еңбекқорлық пен ақылдылық-бастаманың кілті.Көңіліңіз жабырқаса, пайдалы кітаптарды оқып, жаңашыл ойлардың тереңіне бойлап, өз ісінің шеберімен қарым-қатынас құрыңыз.Өзіңізді тым төмен бағаламаңыз.Сіз-жарты әлемнің құраушысысыз әрі оның маңызды бөлігісіз.Жеңіске жетудің жолы-өз бағаңызды биіктету, ішкі түйсігіңізге сену екенін естен шығармаңыз.

"Ұстаз болу-жүректің батылдығы.
Ұстаз болу-сезімнің ақындығы.
Ұстаз болу-мінездің күн шуағы,
Ұстаз болу-адамның ақылдығы",-деп алты Алаштың ардақты азаматтары жырлағандай, саналы ұрпақты білім нәрімен сусындатып, ұшқыр ойлы етіп тәлім беру де-ұлы іс.Бүгінгі сұқбатым білім ордасында елеулі қызмет көрсетіп жүрген қазақ тілі мен әдебиеті пәнінің маманы Назира Бопинаевамен болмақ.

1.Сәлеметсіз бе, Назира ханым! Сұқбат беруге келіскеніңіз үшін алғысымды білдіремін.Әңгімемізді ұстаздық қызметіңізден бастасақ.Осы жолды неліктен таңдадыңыз?
-Сізге де рахмет.Жалпы алғанда, мен ұлағатты ұстаздың отбасында өмірге келдім.Бір жағынан асқар таудай әкемнің де ұстаздық қызметке келуіме өзіндік ықпалы болды.Жақын жандарымның бәрі де -ұлағатты ұстаздар.Ал мен сол кісілерге еліктеп өстім.Сонымен бірге өскелең ұрпаққа сапалы білім, саналы тәрбие беруді мақсат тұттым.Бұл мамандық білімділікті ғана емес, сабырлылық пен жан-жақтылықты талап етеді екен.Ұстаздық ету-келешекке даңғыл жолды салу.Сол себепті де мен осы қызметті қаладым.
2.Ұстаздарды ұлықтау-асыл іс.Қазіргі таңдағы ұстаз бен оқушының арасындағы сыйластыққа көңіліңіз тола ма?
-Бүгінде қоғам арасында түрлі келеңсіз жайттар орын алып жатқыны даусыз.Кейбір мектеп оқушыларының жағымсыз қылықтары көңілімді түсіреді.Ұстазға сыйластық таныту қажет.Иә, мұғалім тарапынан қателік кетпейді деп айта алмаймын.Бірақ, білікті ұстаз-шәкіртін жақсылыққа ғана жетелейді, білім көгіне шығарады.Меніңше, кез-келген мұғалім оқушының бойындағы сыйластық қасиетін оятуы қажет.
3.Ұстаздық қызмет нені қажет етеді деп ойлайсыз?
-Ұстаздық ету-ғибратты іс.Ол-тәлім мен тәрбиені ұштастыру, шәкірт болашағын күйттеу және оқушыны биік белестерге жетелеу.Келешек ұрпақты ұлтжандылыққа тәрбиелеу де-ұстаздың парызы.Ертеңгі ел жақсыларын қалыптастыру жолында аянбай тер төгетін де-ұстаз.Сондықтан да оның бағасы биік.Ұстаздық қызметтің мұраты сан қилы деп білемін.
4.Шәкірттерді жеңіс тұғырына шығару үшін ұстаз талмай еңбек ететіні хақ.Оқушы бойындағы қызығушылықты ояту үшін қандай шараларды қолға алу қажет?
-Шәкіртін білімділікке тәрбиелеу үшін ұстаз бойында этика мен эстетиканың болуы шарт.Әр сабағын қызықты әрі есте қаларлықтай етіп өткізсе, оқушының да талабы оянады.Ұстаз шәкірттерін бөліп-жармауы керек.Осы бағытты ұстанамыз деп оқушының қызығушылығын жоямыз.Бар кінәні оның бойынан іздейміз.Ал, шәкірттерді қанаттандырушы-ұстаз.Сабақты ұғынымды түрде түсіндірсек, қызығушылықты да оятатынымыз айдан-анық.
5.Әңгімемізді жеке өміріңізге ойыстырсақ.Бала күніңізде кімге еліктеп өстіңіз?
-Мына жарық дүниедегі шуағын төгер жақсыны-ақ сүт берген аяулы ана тәлім бере отырып, бойына бар бағалыны сіңіртеді.Биік бастаманы қалауыма себепкер болған да-менің ардақты анам.Ес білген шағымда:"Қызым, ешқашан да адамдықтың арынан аттама.Күндей күлімдеп, өзгелерге ыстық мейіріммен қарасаң, нұр үстіне нұр болады.Кез-келген істі байыппен баста.«Сабыр түбі-сары алтын» деген.Сынақтарға мүжіліп, өзіңді құрдымға кетіре көрме" деп үнемі асыл сөздерін жадыма тоқитын.Осындай тұнып тұрған даналықтың иесі-анашымдай қадірлі тұлға болғым келеді.
6.Мына әлемде не нәрсеге алғыс айтар едіңіз?
-Ең әуелі, Жаратушының сыйлаған әрбір күніне ерекше алғысымды білдіремін.Жақын жандарым мен аяулы шәкірттерімнің қамқорлығы мен құрметі жанымды ерекше жадыратады.Көңілімді көктемдей құбылтатын ұстаздық қызметіме айтар алғысым бір төбе.
Сұқбатыңызға көп рахмет.Сізге шығармашылық табыстар тілеймін!
Аружан Самидин

Әрбір туынды көңіл көкжиегіңізді кеңейтіп, болашаққа бағдар жасауға септігін тигізеді.Ендеше, әлем шығармаларында қамтылған пайдалы кеңестермен таныс болыңыз:
1.Мүмкіндікті бағалаңыз.Оны жүзеге асыра біліңіз.
2.Кругозорыңызды кеңейтеңіз.
3.Табысқа апарар жолды іздестеріңіз.
4.Өмірлік мақсаттарыңызды жоспарлаушы болмаңыз.Жоспар-айқындылықты күшейткенмен, жолыңыздан жаңылыстырады.
5.Өзіңізді төмен бағаламаңыз.
6.Кез-келген адам қабілетті болып келеді.Бірі-тумасынан, бірі-қоршаған ортасынан.
7.Сіздің көңіл-күйіңіз стресстен құтылуыңызға көмектеседі.Сол себептен, күлімдеңіз.
8.Ортаңызды қабілеті жоғары жандармен толықтырыңыз.
9.Шешім қабылдамас бұрын, жан дүниеңізге құлақ асыңыз.Әрбір істі бастамай тұрып, «неліктен?»сұрағын өзіңізге қойыңыз.
10.Сыннан қорықпаңыз.
11.Ой таразысын тазалаңыз.
12.Бірнеше жұмысты бір уақытта атқаруға тырыспаңыз.Әуелі, маңызды іспен айналысқаныңыз дұрыс.
13.Мидың міндеті-ойлау.Алайда, ол кейде арнасынан ауытқиды.
14.Жеңіс тұғырынан қол үзбеңіз.
15.Белсенді тыңдаушы болыңыз.Әрбір тұлғаның айтқан кеңестерін іштей саралап, қорытындыға келіңіз.
16.Жоспарларыңызбен бөлісуші болмаңыз.
17.Есіңізде болсын:өзгеріс енгізу үшін тәртібіңізді емес, мінезіңізді түзеңіз.
18.Қарым-қатынаста ашық-жарқын болыңыз.Ойыңызды бүкпесіз жеткізуге тырысыңыз.